ᱡᱮᱜᱮᱫ ᱡᱟᱠᱟᱛ ᱥᱟᱱᱛᱟᱲ ᱢᱚᱦᱚᱞ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search

ᱡᱮᱜᱮᱫ ᱡᱟᱠᱟᱛ ᱥᱟᱱᱛᱟᱲ ᱢᱚᱦᱚᱞ (International Santal Council) [᱑] ᱫᱚ ᱑᱙᱙᱐-᱙᱑ ᱥᱟᱞ ᱨᱮ ᱵᱮᱨᱮᱫ ᱞᱮᱱᱟ ᱾ ᱱᱚᱣᱟ ᱨᱮᱭᱟᱜ ᱢᱩᱬᱩᱛ ᱳᱯᱷᱤᱥ ᱫᱚ ᱫᱤᱥᱚᱢ ᱡᱟᱦᱮᱨ ᱛᱷᱟᱱ ᱠᱚᱨᱚᱱᱰᱤᱦᱤ ᱡᱟᱢᱥᱮᱫᱽᱯᱩᱨ ᱫᱚᱦᱚ ᱮᱱᱟ ᱾ ᱯᱨᱚᱯᱷᱮᱥᱚᱨ ᱫᱤᱜᱟᱢᱵᱚᱨ ᱦᱟᱸᱥᱫᱟᱜ ᱱᱚᱶᱟ ᱜᱟᱶᱛᱟ ᱨᱮᱱᱤᱡ ᱯᱩᱭᱞᱩ ᱯᱟᱨᱥᱮᱛ ᱟᱨ ᱵᱟᱡᱤᱱᱟᱛᱷ ᱥᱚᱨᱮᱱ ᱫᱚ ᱯᱩᱭᱞᱩ ᱥᱩᱛᱨᱮᱛ ᱮ ᱛᱟᱦᱮᱸ ᱠᱟᱱᱟ ᱾ ᱱᱚᱶᱟ ᱜᱟᱶᱛᱟ ᱨᱮᱭᱟᱜ ᱩᱢᱮᱨ ᱫᱚ ᱱᱤᱛ ᱒᱘ ᱵᱚᱪᱷᱚᱨ ᱦᱩᱭᱩᱜ ᱠᱟᱱᱟ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱖᱐ ᱥᱟᱞ ᱨᱮ ᱨᱟᱹᱧᱪᱤ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱵᱮᱨᱮᱫ ᱮᱱ ᱥᱟᱶᱛᱮ ᱟᱹᱫᱤᱵᱟᱹᱥᱤ ᱟᱨ ᱴᱚᱴᱷᱟᱨᱤ ᱯᱟᱹᱨᱥᱤ ᱵᱤᱵᱷᱟᱜᱽ (Tribal and Regional language department) ᱵᱮᱨᱮᱫ ᱮᱱᱟ ᱾ ᱚᱱᱟ ᱨᱮᱱᱤᱡ ᱰᱤᱨᱮᱠᱴᱚᱨ ᱫᱚ ᱰᱨ ᱨᱟᱢᱫᱚᱭᱟᱞ ᱢᱩᱱᱰᱟᱹ ᱠᱚ ᱫᱚᱦᱚ ᱠᱮᱫᱮᱭᱟ ᱾ ᱛᱟᱭᱚᱢ ᱛᱮ ᱩᱱᱤ ᱚᱱᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱱᱤᱡ ᱡᱚᱜᱚ ᱪᱟᱱᱥᱮᱞᱚᱨ ᱦᱚᱸᱭ ᱦᱩᱭ ᱞᱮᱱᱟ ᱾

ᱚᱱᱟ ᱵᱤᱵᱷᱟᱜᱽ ᱨᱮᱭᱟᱜ ᱠᱟᱹᱢᱤ ᱞᱮᱠᱟᱛᱮ ᱮᱴᱟᱜ ᱯᱨᱚᱯᱷᱮᱥᱚᱨ ᱟᱨ ᱜᱟᱶᱛᱟ ᱠᱚ ᱢᱮᱥᱟ ᱠᱟᱛᱮ ᱯᱩᱭᱞᱩ ᱫᱷᱟᱣ ᱡᱟᱹᱛᱤᱭᱟᱹᱨᱤ ᱥᱟᱱᱛᱟᱲ ᱯᱟᱹᱨᱥᱤ ᱟᱨ ᱥᱟᱶᱦᱮᱫ ᱦᱮᱞᱢᱮᱞ ᱠᱚ ᱥᱟᱯᱲᱟᱣ ᱠᱮᱜ-ᱟ ᱮᱞ ᱵᱤ ᱮᱥ ᱮᱢ ᱠᱚᱞᱮᱡᱽ ᱨᱮ ᱾ ᱱᱚᱶᱟ ᱫᱚ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱱᱤᱡ ᱵᱷᱤ ᱥᱤ ᱨᱟᱢᱫᱚᱭᱟᱞ ᱢᱩᱱᱰᱟᱹ ᱟᱰᱤ ᱠᱤᱱ ᱠᱩᱥᱤ ᱟᱫ ᱟ ᱾ ᱫᱤᱜᱟᱢᱵᱚᱨ ᱦᱟᱷᱥᱫᱟᱜ ᱫᱚ ᱚᱱᱟ ᱨᱮᱱᱤᱡ ᱥᱟᱯᱲᱟᱣ ᱪᱮᱭᱟᱨᱢᱮᱱ ᱮ ᱛᱟᱦᱮᱸ ᱠᱟᱱᱟ ᱾ ᱱᱚᱶᱟ ᱡᱟᱹᱛᱤᱭᱟᱹᱨᱤ ᱥᱟᱱᱛᱟᱲ ᱯᱟᱹᱨᱥᱤ ᱟᱨ ᱥᱟᱶᱦᱮᱫ ᱥᱮᱱᱮᱞᱮᱫ ᱠᱷᱚᱱ ᱜᱮ ᱡᱮᱜᱮᱫ ᱥᱟᱱᱛᱟᱲ ᱢᱚᱦᱚᱞ ᱵᱮᱨᱮᱫ ᱨᱮᱭᱟᱜ ᱩᱭᱦᱟᱹᱨ ᱫᱚ ᱦᱮᱡᱟᱫ ᱠᱚᱣᱟ ᱾ ᱤᱱᱠᱩ ᱠᱚ ᱵᱟᱰᱟᱭ ᱧᱟᱢ ᱠᱮᱜ-ᱟ ᱡᱮ ᱥᱟᱱᱛᱟᱲ ᱫᱚ ᱵᱷᱟᱨᱚᱛ ᱥᱩᱢᱩᱝ ᱨᱮᱫᱚ ᱵᱟᱹᱱᱩᱜ ᱵᱚᱱᱟ ᱵᱚᱨᱚᱢ ᱱᱮᱯᱟᱲ, ᱵᱟᱝᱞᱟᱫᱮᱥ, ᱵᱷᱩᱴᱟᱱ ᱟᱨ ᱢᱚᱨᱤᱥᱚᱥ ᱮᱢᱟᱱ ᱫᱤᱥᱚᱢ ᱨᱮᱦᱚᱸ ᱢᱮᱱᱟᱜ ᱠᱚᱣᱟ ᱾ ᱱᱚᱶᱟ ᱡᱚᱛᱚ ᱫᱤᱥᱚᱢ ᱨᱮᱱ ᱥᱟᱱᱛᱟᱲ ᱢᱮᱥᱟ ᱠᱟᱛᱮ ᱟᱵᱚᱣᱟᱜ ᱟᱹᱨᱤ ᱪᱟᱹᱞᱤ, ᱨᱟᱭ ᱠᱤᱛ, ᱟᱪᱟᱨ ᱵᱳᱵᱷᱟᱨ, ᱵᱚᱝᱫᱟ ᱵᱩᱨᱩ ᱮᱢᱟᱱ ᱞᱟᱹᱠᱛᱤ ᱠᱟᱱᱟ ᱾

ᱡᱚᱥ ᱟᱨ ᱩᱫᱤᱥ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. ᱡᱮᱜᱮᱛ ᱨᱮᱱ ᱡᱚᱛᱚ ᱥᱟᱱᱛᱟᱲ ᱡᱩᱢᱤᱫᱽ ᱠᱚ ᱾
  2. ᱡᱩᱢᱤᱫᱽ ᱛᱟᱦᱮᱸᱱ ᱞᱟᱹᱜᱤᱫ ᱪᱤᱨᱜᱟᱹᱞ ᱠᱚ ᱾
  3. ᱥᱮᱪᱮᱫ, ᱠᱟᱹᱣᱰᱤ ᱟᱹᱨᱤ, ᱥᱟᱶᱛᱟ ᱟᱹᱨᱤ ᱟᱨ ᱦᱚᱲᱢᱚ ᱥᱟᱶᱟᱨ ᱨᱮ ᱜᱚᱲᱚ ᱜᱚᱯᱚᱲᱚ ᱵᱚ ᱛᱟᱦᱮᱸᱱᱟ ᱾
  4. ᱞᱤᱪᱟᱹᱲ ᱠᱚ ᱵᱚ ᱦᱚᱦᱚ ᱟᱨ ᱵᱚ ᱜᱚᱲᱚ ᱟᱠᱚᱣᱟ ᱾
  5. ᱡᱟᱹᱛᱤᱭᱟᱹᱨᱤ ᱟᱨ ᱡᱮᱜᱮᱛ ᱡᱟᱹᱛᱤᱭᱟᱹᱨᱤ ᱢᱤᱫᱩᱱ ᱵᱚ ᱫᱚᱦᱚᱭᱟ ᱚᱱᱰᱮᱱ ᱠᱚ ᱦᱚᱲᱟᱜ ᱟᱱᱟᱴ ᱵᱟᱰᱟᱭ ᱟᱨ ᱥᱟᱦᱟᱭ ᱞᱟᱹᱜᱤᱫ ᱾
  6. ᱟᱵᱚᱣᱟᱜ ᱩᱫᱤᱥ ᱫᱚ UNO's Indigenous peoples forum ᱨᱮ ᱥᱤᱠᱨᱩᱛᱤ ᱧᱟᱢ ᱠᱟᱱᱟ ᱾

ᱥᱮᱱᱮᱞᱮᱫ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱤᱛ ᱦᱟᱹᱵᱤᱡ ᱛᱮ ᱤᱨᱟᱹᱞ ᱜᱚᱴᱟᱝ ᱥᱮᱱᱮᱞᱮᱫ ᱦᱩᱭ ᱟᱠᱟᱱᱟ, ᱚᱱᱟ ᱠᱚ ᱞᱟᱛᱟᱨ ᱨᱮ ᱚᱞ ᱮᱱᱟ ᱾

ᱯᱩᱭᱞᱩ ᱥᱮᱱᱮᱞᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱩᱭᱞᱩ ᱥᱮᱱᱮᱞᱮᱫ ᱑᱙᱙᱑ ᱥᱟᱞ ᱨᱮ ᱫᱤᱥᱚᱢ ᱡᱟᱦᱮᱨ ᱛᱷᱟᱱ ᱠᱚᱨᱚᱱᱰᱤ ᱨᱮ ᱑᱓-᱑᱕ ᱵᱤᱥᱮᱢᱵᱚᱨ ᱦᱟᱹᱵᱤᱡ ᱦᱩᱭ ᱮᱱᱟ ᱾ ᱵᱤᱦᱟᱨ ᱨᱮᱱᱤᱡ ᱩᱱᱡᱷᱚᱜᱤᱡ ᱢᱩᱬᱩᱛ ᱢᱚᱱᱛᱨᱤ ᱢᱟᱺᱱ ᱞᱟᱹᱞᱩ ᱯᱨᱚᱥᱟᱫᱽ ᱡᱟᱫᱚᱵ ᱩᱰᱷᱟᱹᱣ ᱟᱠᱷᱲᱟ ᱨᱮᱭ ᱥᱮᱞᱮᱫ ᱞᱮᱱᱟ ᱾

ᱫᱚᱥᱟᱨ ᱥᱮᱱᱮᱞᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱩᱭᱞᱩ ᱥᱮᱱᱮᱞᱮᱫ ᱥᱟᱹᱛᱮᱱ ᱛᱟᱭᱚᱢ ᱟᱹᱰᱤ ᱨᱟᱹᱥᱠᱟᱹ ᱛᱮ ᱥᱚᱦᱮᱫ ᱠᱚ ᱫᱚᱥᱟᱨ ᱥᱮᱱᱮᱞᱮᱫ ᱱᱮᱯᱟᱲ ᱫᱤᱥᱮᱢ ᱨᱮᱠᱚ ᱫᱚᱦᱚ ᱠᱮᱜ-ᱟ ᱾ ᱱᱚᱣᱟ ᱫᱚ ᱑᱓ ᱟᱨ ᱑᱔ ᱢᱟᱨᱪ ᱑᱙᱙᱓ ᱥᱟᱞ ᱨᱮ ᱡᱷᱟᱯᱟ ᱡᱤᱞᱟᱹ ᱨᱮᱭᱟᱜ ᱪᱚᱸᱫᱽᱨᱚᱜᱤᱨᱤ ᱨᱮ ᱦᱩᱭ ᱞᱮᱱᱟ ᱾

ᱛᱮᱥᱟᱨ ᱥᱮᱱᱮᱞᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱛᱮᱥᱟᱨ ᱥᱮᱱᱮᱞᱮᱫ ᱫᱚ ᱵᱷᱟᱨᱚᱛ ᱫᱤᱥᱚᱢ ᱨᱮᱭᱟᱜ ᱨᱟᱡᱽᱜᱟᱲ ᱱᱟᱶᱟ ᱫᱤᱞᱞᱤ ᱨᱮ ᱑᱔ ᱟᱨ ᱑᱕ ᱚᱠᱴᱚᱵᱚᱨ ᱑᱙᱙᱕ ᱥᱟᱞ ᱨᱮ ᱥᱟᱯᱲᱟᱣ ᱞᱮᱱᱟ ᱾ ᱱᱚᱶᱟ ᱥᱮᱱᱮᱞᱮᱫ ᱨᱮᱫᱚ ᱢᱟᱨᱟᱝ ᱯᱮᱲᱟ ᱮᱠᱟ ᱛᱮ ᱫᱤᱥᱚᱢ ᱫᱚᱨᱵᱟᱨᱤᱭᱟᱹ ᱢᱟᱱᱚᱛᱟᱱ ᱥᱤᱵᱩ ᱥᱚᱨᱮᱱ ᱥᱮᱴᱟᱨ ᱮ ᱛᱟᱦᱮᱸ ᱠᱟᱱᱟ ᱾

ᱯᱩᱱᱟᱜ ᱥᱮᱱᱮᱞᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱩᱱᱟᱜ ᱥᱮᱱᱮᱞᱮᱫ ᱫᱚ ᱟᱹᱰᱤ ᱥᱮᱨᱢᱟ ᱛᱟᱭᱚᱢ ᱒᱐ ᱠᱷᱚᱱ ᱒᱒ ᱰᱤᱥᱮᱢᱵᱚᱨ ᱒᱐᱐᱘ ᱥᱟᱞ ᱨᱮ ᱴᱟᱴᱟ ᱚᱰᱤᱴᱚᱨᱤᱭᱚᱢ ᱡᱟᱢᱥᱮᱫᱽᱯᱩᱨ ᱨᱮ ᱦᱩᱭ ᱞᱮᱱᱟ ᱾ ᱱᱚᱶᱟ ᱥᱮᱱᱮᱞᱮᱫ ᱨᱮᱫᱚ ᱡᱷᱟᱨᱠᱷᱚᱸᱰ ᱨᱮᱱᱤᱡ ᱢᱩᱬᱩᱛ ᱢᱚᱱᱛᱨᱤ ᱢᱟᱱᱚᱛᱟᱱ ᱥᱤᱵᱩ ᱥᱚᱨᱮᱱ, ᱟᱥᱟᱢ ᱵᱤᱫᱷᱟᱱᱥᱚᱵᱷᱟ ᱨᱮᱱᱤᱡ ᱰᱮᱯᱩᱴᱤ ᱥᱯᱤᱠᱟᱨ ᱢᱟᱱᱚᱛᱟᱱ ᱯᱨᱤᱛᱷᱤᱵᱤ ᱢᱟᱹᱡᱷᱤ, ᱱᱮᱯᱟᱲ ᱫᱤᱥᱚᱚᱢ ᱨᱮᱱᱤᱡ ᱫᱤᱥᱚᱢ ᱫᱚᱨᱵᱟᱨᱤᱭᱟ (MP) ᱢᱟᱱᱚᱛᱤᱭᱟᱹ ᱡᱚᱵᱟ ᱥᱚᱨᱮᱱ ᱟᱨ ᱤᱝᱞᱚᱱᱰ ᱠᱷᱚᱱ ᱰᱟᱠᱛᱚᱨ ᱫᱷᱩᱱᱤ ᱥᱚᱨᱮᱱ ᱥᱟᱶ ᱛᱮ ᱟᱨᱦᱚᱸ ᱟᱹᱰᱤ ᱟᱭᱢᱟ ᱢᱟᱹᱱᱟᱱ ᱦᱚᱲ ᱥᱮᱞᱮᱫ ᱠᱚ ᱛᱟᱦᱮᱸ ᱠᱟᱱᱟ ᱾

ᱢᱚᱬᱮᱭᱟᱜ ᱥᱮᱱᱮᱞᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱚᱬᱮᱭᱟᱜ ᱥᱮᱱᱮᱞᱮᱫ ᱫᱚ ᱱᱮᱯᱟᱲ ᱫᱤᱥᱚᱢ ᱨᱮᱭᱟᱜ ᱢᱚᱨᱚᱝ ᱡᱤᱞᱟᱹ ᱨᱮᱭᱟᱜ ᱵᱤᱨᱟᱴ ᱨᱮ ᱒᱓-᱒᱔ ᱮᱯᱨᱤᱞ ᱒᱐᱑᱐ ᱥᱟᱞ ᱨᱮ ᱥᱟᱯᱲᱟᱣ ᱞᱮᱱᱟ ᱾ ᱱᱚᱶᱟ ᱨᱮᱫᱚ ᱥᱟᱥᱟᱯᱲᱟᱣᱤᱡ ᱮ ᱛᱟᱦᱮᱸ ᱠᱟᱱᱟ ᱟᱥᱟᱢ ᱥᱚᱨᱠᱟᱨ ᱨᱮᱱᱤᱡ ᱠᱮᱵᱤᱱᱮᱴ ᱢᱚᱱᱛᱨᱤ ᱢᱟᱱᱚᱛᱟᱱ ᱯᱨᱤᱛᱷᱤᱵᱤ ᱢᱟᱹᱡᱷᱤ ᱾ ᱜᱟᱞᱚᱪᱤᱭᱟᱹ ᱞᱮᱠᱟᱛᱮ ᱠᱚ ᱛᱟᱦᱮᱸ ᱠᱟᱱᱟ ᱳᱰᱤᱥᱟ ᱯᱚᱱᱚᱛ ᱫᱚᱨᱵᱟᱨᱤᱭᱟᱹ (MLA) ᱢᱟᱱᱚᱛᱟᱱ ᱨᱟᱢᱪᱚᱱᱫᱽᱨᱚ ᱦᱟᱸᱥᱫᱟᱜ, ᱵᱤᱦᱟᱨ ᱨᱮᱱᱤᱡ ᱟᱭᱟᱨ ᱮᱢ ᱮᱞ ᱮ ᱢᱟᱱᱚᱛᱟᱱ ᱥᱩᱨᱡᱚ ᱥᱤᱝ ᱵᱮᱥᱨᱟ ᱟᱨ ᱫᱷᱩᱱᱤ ᱥᱚᱨᱮᱱ

ᱛᱩᱨᱩᱭᱟᱜ ᱥᱮᱱᱮᱞᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱛᱩᱨᱩᱭᱟᱜ ᱥᱮᱱᱮᱞᱮᱫ ᱫᱚ ᱢᱟᱭᱠᱮᱞ ᱡᱚᱱ ᱚᱰᱤᱴᱚᱨᱤᱭᱚᱢ ᱵᱤᱥᱴᱩᱯᱩᱨ ᱡᱟᱢᱥᱮᱫᱽᱯᱩᱨ ᱨᱮ ᱑᱙-᱒᱐ ᱚᱠᱴᱚᱵᱚᱨ ᱒᱐᱑᱓ ᱥᱟᱞ ᱨᱮ ᱦᱩᱭ ᱞᱮᱱᱟ ᱾ ᱡᱷᱟᱨᱠᱚᱷᱰ ᱯᱚᱱᱚᱛ ᱨᱮᱱᱤᱡ ᱢᱩᱬᱩᱛ ᱢᱚᱱᱛᱨᱤ ᱢᱟᱱᱚᱛᱟᱱ ᱦᱮᱢᱚᱱᱛᱚ ᱥᱚᱨᱮᱱ ᱢᱩᱠᱷᱤᱭᱟᱹ ᱯᱮᱲᱟ ᱞᱮᱠᱟ ᱛᱮᱭ ᱥᱮᱞᱮᱫ ᱞᱮᱱᱟ ᱾

ᱮᱭᱟᱭᱟᱜ ᱥᱮᱱᱮᱞᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱮᱭᱟᱟᱜ ᱥᱮᱱᱮᱞᱮᱫ ᱫᱚ ᱵᱷᱚᱸᱡᱽ ᱵᱷᱚᱵᱚᱱ ᱨᱟᱣᱨᱠᱮᱞᱟ ᱳᱰᱤᱥᱟ ᱯᱚᱱᱚᱛ ᱨᱮ ᱐᱕ ᱐᱖ ᱰᱤᱥᱮᱢᱵᱚᱨ ᱒᱐᱑᱕ ᱥᱟᱞ ᱨᱮ ᱥᱟᱯᱲᱟᱣ ᱞᱮᱱᱟ ᱾

ᱤᱨᱟᱹᱞᱟᱜ ᱥᱮᱱᱮᱞᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱤᱨᱟᱹᱞᱟᱜ ᱥᱮᱱᱮᱞᱮᱫ ᱫᱚ ᱵᱷᱟᱨᱚᱛ ᱫᱤᱥᱚᱢ ᱨᱮᱭᱟᱜ ᱟᱥᱟᱢ ᱨᱚᱱᱚᱛ ᱨᱮ ᱥᱟᱯᱲᱟᱣ ᱞᱮᱱᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]