ᱡᱮᱵᱟ
ᱥᱟᱦᱤᱱ ᱵᱟᱱᱳ (ᱡᱟᱱᱟᱢ ᱑᱐ ᱥᱮᱯᱴᱮᱢᱵᱚᱨ ᱑᱙᱔᱕), ᱡᱟᱦᱟᱸᱭ ᱫᱚ ᱯᱨᱳᱯᱷᱮᱥᱱᱟᱞ ᱞᱮᱠᱟᱛᱮ ᱡᱮᱵᱟ (ᱩᱨᱫᱩ: زیبا), ᱢᱤᱫ ᱯᱟᱠᱤᱥᱛᱟᱱᱤ ᱢᱟᱨᱮ ᱮᱠᱴᱨᱮᱥ ᱠᱟᱱᱟᱭ ᱾ ᱩᱱᱤ ᱫᱚ ᱑᱙᱖᱐ ᱜᱮᱞ ᱥᱮᱨᱢᱟ ᱟᱨ ᱑᱙᱗᱐ ᱜᱮᱞ ᱥᱮᱨᱢᱟ ᱨᱮᱱᱟᱜ ᱮᱛᱚᱦᱚᱵ ᱨᱮ ᱯᱟᱠᱤᱥᱛᱟᱱᱤ ᱯᱷᱤᱞᱢ ᱤᱱᱰᱟᱥᱴᱨᱤ ᱨᱤᱱ ᱪᱮᱛᱟᱱ ᱥᱴᱟᱨ ᱢᱩᱫᱽ ᱨᱮ ᱢᱤᱫ ᱮ ᱛᱟᱦᱮᱸ ᱠᱟᱱᱟ ᱾
ᱩᱱᱤ ᱫᱚ ᱒᱐᱑᱐ ᱨᱮ ᱥᱤᱮᱱᱮᱱ ᱯᱳᱞ ᱨᱮ ᱮᱥᱤᱭᱟ ᱨᱤᱱ ᱒᱕ ᱜᱚᱴᱟᱝ ᱢᱟᱨᱟᱝ ᱮᱠᱴᱟᱨ ᱢᱩᱫᱽ ᱨᱮ ᱠᱚ ᱵᱟᱪᱷᱟᱣ ᱞᱮᱫᱮ ᱛᱟᱦᱮᱸᱫ ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱦᱤᱱ ᱵᱟᱱᱳ (ᱡᱮᱵᱟ) ᱫᱚ ᱑᱐ ᱥᱮᱯᱴᱮᱢᱵᱚᱨ ᱑᱙᱔᱕ ᱨᱮ ᱟᱢᱵᱟᱞᱟ, ᱵᱨᱤᱴᱤᱥ ᱤᱱᱰᱤᱭᱟ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱡᱮᱵᱟ ᱤᱡ ᱜᱷᱟᱨᱚᱸᱡᱽ ᱫᱚ ᱵᱷᱟᱨᱚᱛ ᱠᱷᱚᱱ ᱯᱟᱠᱤᱥᱛᱟᱱ ᱛᱮ ᱠᱚ ᱩᱪᱟᱹᱲ ᱞᱮᱱᱟ ᱩᱱᱤ ᱡᱚᱠᱷᱚᱱ ᱓ ᱥᱮᱨᱢᱟ ᱩᱢᱮᱨ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱯᱟᱠᱤᱥᱛᱟᱱ ᱨᱮ ᱟᱡᱟᱜ ᱵᱩᱱᱤᱭᱟᱹᱫᱤ ᱥᱮᱪᱮᱫ ᱮ ᱧᱟᱢ ᱠᱮᱫᱼᱟ ᱾ ᱩᱱᱤ ᱫᱚ ᱑᱙᱖᱒ ᱨᱮ ᱯᱷᱤᱞᱢ ᱪᱤᱨᱟᱜ ᱡᱟᱞᱛᱟ ᱨᱟᱦᱟ ᱨᱮ ᱟᱡᱟᱜ ᱥᱠᱨᱤᱱ ᱮ ᱮᱛᱚᱦᱚᱵ ᱠᱮᱫᱼᱟ ᱾ ᱥᱩᱨ ᱥᱩᱯᱩᱨ ᱓ ᱜᱮᱞ ᱥᱮᱨᱢᱟ ᱟᱴᱮᱫ ᱟᱠᱟᱱ ᱠᱮᱨᱤᱭᱟᱨ ᱚᱠᱛᱚ ᱨᱮ, ᱡᱮᱵᱟ ᱫᱚ ᱟᱹᱰᱤ ᱜᱟᱱ ᱠᱚᱢᱚᱨᱥᱤᱭᱟᱞ ᱞᱮᱠᱟᱛᱮ ᱥᱟᱠᱥᱮᱥᱯᱷᱩᱞ ᱥᱟᱶ ᱠᱨᱤᱴᱤᱠᱟᱞ ᱞᱮᱠᱟᱛᱮ ᱥᱟᱨᱦᱟᱣ ᱦᱩᱭ ᱟᱠᱟᱱ ᱯᱷᱤᱞᱢ ᱨᱮᱭ ᱧᱮᱞ ᱞᱮᱱᱟ, ᱟᱹᱰᱤ ᱜᱟᱱ ᱨᱮ ᱩᱱᱤ ᱫᱚ ᱮᱠᱴᱟᱨ ᱟᱨ ᱡᱟᱶᱟᱭ ᱢᱳᱦᱚᱢᱢᱚᱫᱽ ᱟᱞᱤ ᱥᱟᱶ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱑᱙᱖᱖ ᱯᱷᱤᱞᱢ ᱟᱨᱢᱟᱱ ᱨᱮᱦᱚᱸᱭ ᱠᱟᱹᱢᱤ ᱟᱠᱟᱫᱟ ᱡᱟᱦᱟᱸ ᱫᱚ ᱮᱠᱴᱟᱨ ᱟᱨ ᱯᱨᱳᱰᱩᱭᱩᱥᱚᱨ ᱣᱟᱦᱤᱫ ᱢᱩᱨᱟᱫᱽ, ᱯᱟᱠᱤᱥᱛᱟᱱ ᱤᱡ ᱯᱩᱭᱞᱩ ᱯᱞᱮᱴᱤᱱᱚᱢ ᱡᱩᱵᱞᱤ ᱯᱷᱤᱞᱢ ᱫᱟᱨᱟᱭ ᱯᱨᱳᱰᱩᱭᱩᱥ ᱦᱩᱭ ᱟᱠᱟᱱ ᱛᱟᱦᱮᱸᱫ ᱾
ᱠᱮᱨᱤᱭᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱙᱖᱑ ᱨᱮ, ᱯᱨᱳᱰᱩᱭᱩᱥᱚᱨ ᱱᱩᱨ ᱢᱳᱦᱚᱢᱢᱚᱫᱽ ᱠᱷᱟᱱ ᱩᱱᱤ ᱟᱡᱟᱜ ᱯᱷᱤᱞᱢ ᱡᱤᱱᱫᱟᱜᱤ ᱨᱮ ᱦᱤᱨᱳᱭᱤᱱ ᱨᱮᱱᱟᱜ ᱨᱳᱞ ᱮ ᱮᱢ ᱟᱫᱮ ᱛᱟᱦᱮᱸᱫ ᱢᱮᱱᱠᱷᱟᱱ ᱛᱟᱭᱚᱢ ᱛᱮ, ᱵᱟᱰᱟᱭ ᱵᱟᱹᱱᱩᱜ ᱠᱟᱨᱚᱱ ᱠᱷᱟᱹᱛᱤᱨ, ᱯᱷᱤᱞᱢ ᱫᱚ ᱥᱮᱞᱵᱷ ᱦᱩᱭ ᱞᱮᱱᱟ ᱾ ᱩᱱ ᱚᱠᱛᱚ ᱫᱷᱟᱹᱵᱤᱡ, ᱩᱱᱤ ᱮᱴᱟᱜ ᱯᱷᱤᱞᱢ ᱥᱟᱠᱤᱨ ᱨᱮ ᱨᱳᱞ ᱮ ᱢᱟᱱᱟᱣ ᱠᱮᱫᱟ ᱾ ᱟᱨᱤᱯ ᱫᱚ ᱦᱤᱨᱳ ᱮ ᱛᱟᱦᱮᱸ ᱠᱟᱱᱟ, ᱟᱨ ᱢᱩᱵᱷᱤ ᱫᱚ ᱢᱩᱪᱟᱹᱫ ᱨᱮ ᱵᱷᱮᱜᱟᱨ ᱧᱩᱛᱩᱢ ᱪᱤᱨᱟᱜ ᱡᱟᱞᱛᱟ ᱨᱟᱦᱟ ᱥᱟᱶ ᱑᱙᱖᱒ ᱨᱮ ᱨᱤᱞᱤᱡᱽ ᱮᱱᱟ ᱾ ᱮᱴᱟᱜ ᱰᱮᱵᱭᱩ ᱠᱟᱥᱴ ᱫᱚ ᱢᱳᱦᱚᱢᱢᱚᱫᱽ ᱟᱞᱤ ᱟᱨ ᱠᱟᱢᱟᱞ ᱤᱨᱟᱱᱤ ᱠᱤᱱ ᱛᱟᱦᱮᱸ ᱠᱟᱱᱟ ᱾ ᱑᱙᱖᱒ ᱨᱮ ᱟᱡᱟᱜ ᱫᱚᱥᱟᱨ ᱨᱤᱞᱤᱡᱽ, ᱡᱟᱵ ᱥᱮ ᱫᱮᱠᱷᱟ ᱦᱟᱭ ᱛᱩᱢᱦᱮᱱ, ᱫᱟᱨᱯᱟᱱ ᱵᱤᱨᱩᱫᱷ ᱩᱱᱤ ᱠᱨᱤᱴᱤᱠᱟᱞ ᱥᱟᱠᱥᱮᱥ ᱮ ᱦᱟᱢᱮᱴ ᱠᱮᱫᱼᱟ ᱾ ᱟᱡᱟᱜ ᱛᱟᱭᱚᱢ ᱨᱮᱱᱟᱜ ᱯᱷᱤᱞᱢ, ᱵᱟᱟᱡᱤ ᱫᱚ ᱑᱙᱖᱓ ᱨᱮ ᱨᱤᱞᱤᱡᱽ ᱮᱱᱟ ᱡᱟᱦᱟᱸ ᱫᱚ ᱥᱟᱠᱥᱮᱥᱯᱷᱩᱞ ᱦᱚᱸ ᱛᱟᱦᱮᱸ ᱠᱟᱱᱟ ᱾
᱑᱙᱖᱔ ᱛᱟᱭᱟᱜ ᱟᱡᱟᱜ ᱯᱩᱭᱞᱩ ᱨᱤᱞᱤᱡᱽ ᱛᱟᱣᱵᱟᱦ ᱫᱚ ᱢᱤᱫ ᱜᱳᱞᱰᱮᱱ ᱡᱩᱵᱽᱞᱤ ᱢᱩᱵᱷᱤ ᱛᱟᱦᱮᱸ ᱠᱟᱱᱟ ᱾ ᱟᱡᱟᱜ ᱡᱩᱨᱤ, ᱯᱩᱭᱞᱩ ᱠᱟᱢᱟᱞ ᱥᱟᱶ ᱟᱨ ᱛᱟᱭᱚᱢ ᱛᱮ ᱣᱟᱦᱤᱫ ᱢᱩᱨᱟᱫᱽ ᱥᱟᱶ ᱡᱟᱦᱟᱸᱭ ᱫᱚ ᱚᱱᱟ ᱚᱠᱛᱚ ᱨᱮ ᱠᱟᱨᱟᱪᱤ ᱠᱷᱚᱱ ᱢᱤᱫ ᱯᱨᱳᱰᱩᱭᱩᱥᱚᱨ ᱮ ᱛᱟᱦᱮᱸ ᱠᱟᱱᱟ ᱾ ᱣᱟᱦᱤᱫ ᱢᱩᱨᱟᱫᱽ ᱥᱟᱶ ᱟᱡᱟᱜ ᱫᱚᱥᱟᱨ ᱥᱟᱦᱟᱡᱭᱳᱜᱽ ᱫᱚ ᱑᱙᱖᱔ ᱯᱷᱤᱞᱢ ᱦᱤᱨᱟ ᱟᱣᱨ ᱯᱟᱛᱷᱟᱨ ᱨᱮ ᱛᱟᱦᱮᱸ ᱠᱟᱱᱟ ᱾ ᱟᱡᱟᱜ ᱛᱟᱭᱚᱢ ᱯᱮᱭᱟ ᱞᱮᱛᱟᱲ ᱨᱤᱞᱤᱡᱽ ᱑᱙᱖᱔ ᱨᱮ, ᱟᱟᱥᱤᱭᱟᱱᱟ, ᱵᱟᱜᱷᱤ ᱥᱤᱯᱟᱦᱤ ᱟᱨ ᱦᱮᱰ ᱠᱚᱱᱥᱴᱮᱵᱚᱞ ᱾
ᱨᱚᱝ ᱢᱩᱵᱷᱤ ᱨᱮᱱᱟᱜ ᱩᱫᱽᱜᱷᱟᱴᱚᱱ ᱛᱟᱭᱚᱢ, ᱩᱱᱤ ᱯᱩᱭᱞᱩ ᱱᱟᱡᱽᱢᱟ ᱨᱮᱭ ᱧᱮᱞ ᱮᱱᱟ ᱾ ᱨᱤᱥᱛᱟ ᱦᱮ ᱯᱭᱟᱨ ᱠᱟ ᱫᱚ ᱟᱡᱟᱜ ᱯᱩᱭᱞᱩ ᱯᱷᱤᱞᱢ ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱫᱚ ᱫᱤᱥᱚᱢ ᱵᱟᱦᱨᱮ ᱥᱩᱴ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱑᱙᱖᱖ ᱛᱟᱭᱟᱜ ᱟᱡᱟᱜ ᱯᱩᱭᱞᱩ ᱨᱤᱞᱤᱡᱽ ᱟᱨᱢᱟᱱ ᱦᱚᱸ ᱯᱟᱠᱤᱥᱛᱟᱱ ᱨᱮᱱᱟᱜ ᱯᱩᱭᱞᱩ ᱯᱞᱮᱴᱤᱱᱟᱢ ᱡᱩᱵᱽᱞᱤ ᱩᱨᱫᱩ ᱯᱷᱤᱞᱢ ᱛᱟᱦᱮᱸ ᱠᱟᱱᱟ ᱾ ᱟᱨᱢᱟᱱ ᱫᱚ ᱣᱟᱦᱤᱫ ᱢᱩᱨᱟᱫᱽ ᱜᱮᱭ ᱯᱨᱳᱰᱭᱩᱥ ᱞᱮᱫ ᱛᱟᱦᱮᱸᱫ ᱟᱨ ᱯᱟᱨᱣᱮᱡᱽ ᱢᱟᱞᱤᱠ ᱫᱟᱨᱟᱭ ᱰᱟᱭᱨᱮᱠᱴ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱢᱩᱵᱷᱤ ᱫᱚ ᱑᱘ ᱢᱟᱨᱪ ᱑᱙᱖᱖ ᱨᱮ ᱨᱤᱞᱤᱡᱽ ᱦᱩᱭ ᱞᱮᱱᱟ ᱾ ᱱᱚᱣᱟ ᱯᱷᱤᱞᱢ ᱞᱟᱹᱜᱤᱫ ᱩᱱᱤ ᱱᱤᱜᱟᱨ ᱟᱣᱟᱨᱰ ᱠᱷᱚᱱ ᱟᱡᱟᱜ ᱯᱩᱭᱞᱩ ᱵᱮᱥᱴ ᱮᱠᱴᱨᱮᱥ ᱥᱤᱨᱯᱷᱟᱹ ᱮ ᱡᱤᱛᱠᱟᱹᱨ ᱞᱮᱱᱟ ᱾ ᱚᱱᱟ ᱥᱮᱨᱢᱟ ᱨᱮ, ᱡᱮᱵᱟ ᱟᱨ ᱣᱟᱦᱤᱫ ᱢᱩᱨᱟᱫᱽ ᱫᱚ ᱵᱟᱨᱭᱟ ᱮᱴᱟᱜ ᱢᱩᱵᱷᱤ ᱨᱮ ᱡᱳᱥᱷ ᱟᱨ ᱡᱟᱟᱜ ᱩᱛᱷᱟ ᱤᱱᱥᱟᱱ ᱨᱮ ᱠᱤᱱ ᱴᱤᱢ ᱟᱯ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱑᱙᱖᱕ ᱠᱷᱚᱱ ᱑᱙᱖᱙ ᱫᱷᱟᱹᱵᱤᱡ ᱡᱮᱵᱟ ᱫᱚ ᱟᱹᱰᱤ ᱜᱟᱱ ᱯᱷᱤᱞᱢ ᱨᱮᱭ ᱠᱟᱹᱢᱤ ᱠᱮᱫᱼᱟ ᱾ ᱚᱱᱟ ᱚᱠᱛᱚ ᱨᱮ ᱟᱡᱟᱜ ᱧᱩᱛᱩᱢᱟᱱ ᱟᱨ ᱥᱟᱠᱥᱮᱥᱯᱷᱩᱞ ᱯᱷᱤᱞᱢ ᱠᱷᱚᱱ ᱠᱤᱪᱷᱩ ᱫᱚ ᱤᱫᱽ ᱢᱩᱵᱟᱨᱟᱠ (᱑᱙᱖᱔), ᱠᱟᱱᱤᱡᱽ, ᱫᱟᱨᱫᱽ-ᱮ-ᱫᱤᱞ, ᱠᱳᱦ-ᱮ-ᱱᱩᱨ, ᱡᱳᱥᱷ, ᱥᱩᱦᱟᱜᱟᱱ, ᱛᱟᱡ ᱢᱟᱦᱟᱞ, ᱟᱸᱡᱟᱱ, ᱢᱳᱦᱟᱵᱽᱵᱟᱛ ᱨᱟᱝ ᱞᱟᱭᱮ ᱜᱤ, ᱮᱠ ᱯᱷᱩᱞ ᱮᱠ ᱯᱟᱛᱷᱟᱨ ᱟᱨ ᱵᱟᱦᱩ ᱨᱟᱱᱤ ᱠᱟᱱᱟ ᱾ ᱑᱙᱗᱐ ᱨᱮ, ᱩᱱᱤ ᱥᱟᱵᱟᱵᱽ ᱠᱤᱨᱟᱱᱵᱤ ᱟᱜ ᱯᱷᱤᱞᱢ ᱤᱱᱥᱟᱱ ᱟᱣᱨ ᱟᱟᱫᱢᱤ ᱨᱮ ᱠᱚᱢ ᱩᱢᱮᱨ ᱠᱷᱚᱱ ᱢᱟᱨᱮ ᱨᱳᱞ ᱮ ᱯᱞᱮ ᱠᱮᱫᱼᱟ ᱾ ᱟᱡᱟᱜ ᱯᱟᱨᱯᱷᱳᱨᱢᱮᱱᱥ ᱟᱹᱰᱤ ᱜᱮ ᱥᱟᱨᱦᱟᱣ ᱦᱩᱭ ᱞᱮᱱ ᱛᱟᱦᱮᱸᱫ ᱟᱨ ᱩᱱᱤ ᱱᱤᱜᱟᱨ ᱟᱣᱟᱨᱰ ᱠᱷᱚᱱ ᱟᱡᱟᱜ ᱫᱚᱥᱟᱨ ᱵᱮᱥᱴ ᱮᱠᱴᱨᱮᱥ ᱥᱤᱨᱯᱷᱟᱹᱭ ᱡᱤᱛᱠᱟᱹᱨ ᱞᱮᱱᱟ ᱾
ᱟᱡᱟᱜ ᱡᱚᱛᱚ ᱠᱷᱚᱱ ᱩᱭᱦᱟᱹᱨ ᱨᱮ ᱛᱟᱦᱮᱸ ᱠᱟᱱ ᱨᱳᱞ ᱠᱷᱚᱱ ᱢᱤᱫ ᱫᱚ ᱑᱙᱗᱒ ᱯᱷᱤᱞᱢ ᱢᱳᱦᱟᱵᱽᱵᱟᱛ ᱨᱮ ᱦᱮᱡ ᱞᱮᱱᱟ ᱡᱟᱦᱟᱸ ᱫᱚ ᱠᱨᱤᱴᱤᱠᱟᱞ ᱟᱨ ᱠᱚᱢᱚᱨᱥᱤᱭᱟᱞ ᱥᱟᱠᱥᱮᱥ ᱛᱟᱦᱮᱸ ᱠᱟᱱᱟ ᱟᱨ ᱩᱱᱤ ᱱᱤᱜᱟᱨ ᱟᱣᱟᱨᱰ ᱠᱷᱚᱱ ᱛᱮᱥᱟᱨ ᱵᱮᱥᱴ ᱮᱠᱴᱨᱮᱥ ᱥᱤᱨᱯᱷᱟᱹᱭ ᱡᱤᱛᱠᱟᱹᱨ ᱠᱮᱫᱼᱟ ᱾
ᱩᱱᱤ ᱢᱮᱦᱱᱫᱤ ᱣᱟᱞᱮ ᱦᱟᱛᱷ ᱧᱩᱛᱩᱢ ᱛᱮ ᱢᱤᱫ ᱥᱩᱢᱩᱝ ᱯᱟᱧᱡᱟᱵᱤ ᱯᱷᱤᱞᱢ ᱨᱮᱭ ᱥᱴᱟᱨ ᱞᱮᱱᱟ, ᱪᱮᱫᱟᱜ ᱥᱮ ᱩᱱᱤ ᱟᱡᱟᱜ ᱜᱚᱴᱟ ᱠᱮᱨᱤᱭᱟᱨ ᱨᱮ ᱥᱩᱢᱩᱝ ᱔᱕ ᱯᱷᱤᱞᱢ ᱰᱟᱭᱨᱮᱠᱴᱚᱨ ᱥᱟᱶ ᱮ ᱠᱟᱹᱢᱤ ᱞᱮᱫ ᱛᱟᱦᱮᱸᱫ ᱾
ᱩᱱᱤ ᱢᱳᱦᱚᱢᱢᱚᱫᱽ ᱟᱞᱤ ᱥᱟᱶ ᱑᱙᱘᱙ ᱦᱤᱱᱫᱤ ᱢᱩᱵᱷᱤ ᱠᱞᱟᱨᱠ ᱨᱮᱦᱚᱸ ᱠᱤᱱ ᱠᱟᱹᱢᱤ ᱞᱮᱫ ᱛᱟᱦᱮᱸᱫ ᱡᱟᱦᱟᱸ ᱫᱚ ᱨᱮᱠᱷᱟ, ᱟᱱᱤᱛᱟ ᱨᱟᱡ, ᱥᱟᱥᱤ ᱠᱟᱯᱩᱨ, ᱨᱟᱡᱮᱱᱫᱽᱨᱟ ᱠᱩᱢᱟᱨ, ᱟᱥᱳᱠ ᱠᱩᱢᱟᱨ, ᱯᱨᱮᱢ ᱪᱳᱯᱽᱲᱟ ᱟᱨ ᱥᱳᱱᱩ ᱣᱟᱞᱤᱭᱟ ᱥᱮᱞᱮᱫ ᱮᱱᱥᱮᱢᱵᱚᱞ ᱠᱟᱥᱴ ᱥᱟᱶ ᱢᱚᱱᱳᱡ ᱠᱩᱢᱟᱨ ᱦᱚᱛᱮᱛᱮ ᱚᱞ, ᱯᱨᱳᱰᱩᱭᱩᱥ, ᱰᱟᱭᱨᱮᱠᱴ ᱦᱩᱭ ᱟᱠᱟᱱ ᱛᱟᱦᱮᱸᱫ ᱾ ᱱᱚᱣᱟ ᱫᱚ ᱟᱡᱟᱜ ᱢᱤᱫ ᱥᱩᱢᱩᱝ ᱦᱤᱱᱫᱤ ᱯᱷᱤᱞᱢ ᱧᱮᱞ ᱜᱮ ᱛᱟᱦᱮᱸ ᱠᱟᱱᱟ ᱾
ᱡᱮᱵᱟ ᱫᱚ ᱨᱤᱯᱳᱨᱴ ᱠᱟᱛᱮ ᱒᱐᱒᱑ ᱨᱮ ᱯᱟᱠᱤᱥᱛᱟᱱ ᱨᱮᱱᱟᱜ ᱢᱤᱫ ᱢᱟᱨᱟᱝ ᱠᱷᱚᱵᱚᱨ ᱠᱟᱜᱚᱡᱽ ᱮ ᱞᱟᱹᱭ ᱠᱮᱫᱼᱟ, "ᱤᱧ ᱟᱞᱤ ᱵᱮᱜᱚᱨ ᱯᱩᱨᱟᱹᱣ ᱵᱟᱹᱱᱩᱜ ᱟᱹᱧᱟ ᱾ ᱩᱱᱤ ᱫᱚ ᱢᱤᱫ ᱱᱟᱯᱟᱭ ᱡᱟᱶᱟᱭ, ᱢᱤᱫ ᱢᱟᱨᱟᱝ ᱵᱟᱵᱟ ᱟᱨ ᱢᱤᱫ ᱱᱟᱯᱟᱭ ᱜᱟᱛᱮ ᱮ ᱛᱟᱦᱮᱸ ᱠᱟᱱᱟ ᱾"