ᱡᱳᱦᱨᱟ ᱥᱟᱭᱮᱜᱚᱞ

ᱥᱚᱱᱢᱟᱱ ᱟᱱ ᱮᱠᱴᱨᱮᱥ ᱟᱨ ᱮᱱᱮᱡ ᱰᱤᱨᱮᱠᱴᱚᱨ, ᱟᱢᱤᱛᱟᱵᱷ ᱢᱤᱛᱨᱟ ᱦᱚᱛᱮᱛᱮ ᱪᱟᱨᱠᱳᱞ ᱛᱮ ᱵᱮᱱᱟᱣ ᱪᱤᱛᱟᱹᱨ

ᱡᱳᱦᱨᱟ ᱢᱩᱢᱛᱟᱡᱽ ᱥᱟᱭᱮᱜᱚᱞ (ᱡᱟᱱᱟᱢ ᱥᱟᱦᱤᱵᱽᱡᱟᱟᱫᱤ ᱡᱳᱦᱨᱟ ᱢᱩᱢᱛᱟᱡᱩᱞᱞᱟᱦ ᱠᱷᱟᱱ ᱵᱮᱜᱚᱢ; ᱒᱗ ᱮᱯᱨᱤᱞ ᱑᱙᱑᱒ – ᱑᱐ ᱡᱩᱞᱟᱭ ᱒᱐᱑᱔) ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ, ᱮᱱᱮᱡᱤᱭᱟᱹ ᱟᱨ ᱠᱳᱨᱤᱭᱳᱜᱽᱨᱟᱯᱷᱚᱨ ᱮ ᱛᱟᱦᱮᱸ ᱠᱟᱱᱟ᱾ ᱢᱤᱫ ᱱᱟᱣᱟ ᱮᱱᱮᱡ ᱴᱨᱩᱯ ᱨᱮᱱ ᱢᱮᱢᱵᱟᱨ ᱞᱮᱠᱟᱛᱮ ᱟᱡᱟᱜ ᱠᱟᱹᱢᱤ ᱡᱤᱭᱚᱱ ᱮᱛᱚᱦᱚᱵ ᱠᱟᱛᱮ, ᱩᱱᱤ ᱑᱙᱔᱐ ᱜᱮᱞᱟᱝ ᱨᱮ ᱮᱠᱴᱤᱝ ᱨᱳᱞ ᱨᱮᱭ ᱩᱪᱟᱹᱲ ᱮᱱᱟ᱾ ᱥᱟᱭᱮᱜᱚᱞ ᱟᱭᱢᱟ ᱵᱨᱤᱴᱤᱥ ᱯᱷᱤᱞᱢ, ᱴᱮᱞᱤᱵᱤᱡᱚᱱ ᱥᱳ ᱟᱨ ᱵᱳᱞᱤᱣᱩᱰ ᱯᱨᱳᱰᱟᱠᱥᱚᱱ ᱨᱮ ᱠᱟᱹᱢᱤ ᱠᱮᱫᱟ ᱚᱠᱟ ᱫᱚ ᱤᱨᱟᱹᱞ ᱜᱮᱞ ᱥᱮᱨᱢᱟ ᱪᱟᱹᱞᱩ ᱛᱟᱦᱮᱸ ᱠᱟᱱᱟ᱾

ᱥᱟᱭᱮᱜᱚᱞ ᱟᱜ ᱟᱹᱰᱤ ᱜᱮ ᱧᱩᱛᱩᱢ ᱟᱱ ᱯᱷᱤᱞᱢ ᱨᱮ ᱱᱤᱪᱟ ᱱᱟᱜᱟᱨ, ᱟᱯᱷᱥᱟᱟᱨ (᱑᱙᱔᱖), ᱵᱷᱟᱡᱤ ᱚᱱ ᱫᱟ ᱵᱤᱪ (᱑᱙᱙᱒), ᱫᱟ ᱢᱤᱥᱴᱤᱠ ᱢᱟᱥᱩᱨ (᱒᱐᱐᱑), ᱵᱮᱸᱰ ᱤᱴ ᱞᱟᱭᱤᱠ ᱵᱮᱠᱦᱮᱢ (᱒᱐᱐᱒), ᱫᱤᱞ ᱥᱮ.. (᱑᱙᱙᱘), ᱥᱟᱟᱭᱟ (᱒᱐᱐᱓), ᱵᱷᱤᱟᱨ-ᱡᱟᱟᱨᱟ (᱒᱐᱐᱔) ᱥᱟᱟᱣᱟᱨᱤᱭᱟ ᱟᱨ ᱪᱤᱱᱤ ᱠᱩᱢ (᱒᱐᱐᱗); ᱟᱨ ᱴᱤᱵᱷᱤ ᱥᱤᱨᱤᱡ ᱫᱟ ᱡᱩᱣᱮᱞ ᱤᱱ ᱫᱟ ᱠᱨᱟᱟᱣᱩᱱ (᱑᱙᱘᱔), ᱴᱟᱟᱱᱰᱳᱨᱤ ᱱᱟᱟᱭᱤᱴᱥ (᱑᱙᱘᱕-᱘᱗) ᱟᱨ ᱟᱟᱢᱢᱟ ᱟᱟᱱᱰ ᱯᱷᱮᱢᱤᱞᱤ (᱑᱙᱙᱖)᱾ ᱙᱐ ᱩᱢᱮᱨ ᱨᱮ ᱩᱱᱤ ᱒᱐᱐᱒ ᱥᱟᱞ ᱨᱮ ᱪᱟᱟᱞᱳ ᱤᱥᱠ ᱞᱟᱰᱟᱟᱭᱮ ᱯᱷᱤᱞᱢ ᱨᱮ ᱛᱟᱞᱟᱨᱤᱭᱟ ᱠᱮᱨᱮᱠᱴᱟᱨ ᱮ ᱠᱷᱮᱞ ᱠᱮᱫᱟ᱾ ᱵᱷᱟᱨᱚᱛᱤᱭᱚ ᱛᱷᱤᱭᱮᱴᱚᱨ ᱨᱮᱱ ᱫᱳᱭᱟᱱ ᱢᱮᱱᱛᱮ ᱠᱚ ᱵᱤᱪᱟᱨᱮᱫ ᱠᱟᱱ ᱛᱟᱦᱮᱸᱱ, ᱩᱱᱤ ᱤᱱᱰᱤᱭᱟᱱ ᱯᱤᱯᱟᱞᱥ ᱛᱷᱤᱭᱮᱴᱚᱨ ᱮᱥᱳᱥᱤᱭᱮᱥᱚᱱ (ᱟᱤᱯᱤᱴᱤᱮ) ᱟᱨ ᱯᱨᱤᱛᱷᱵᱷᱤᱨᱟᱡ ᱠᱟᱯᱩᱨ ᱟᱜ ᱯᱨᱤᱛᱷᱵᱷᱤ ᱛᱷᱤᱭᱮᱴᱚᱨ ᱥᱟᱶ ᱑᱔ ᱥᱮᱨᱢᱟ ᱦᱟᱹᱵᱤᱡ ᱮ ᱠᱟᱹᱢᱤ ᱞᱮᱫᱟ᱾^[᱑]

ᱥᱟᱭᱮᱜᱚᱞ ᱑᱙᱙᱘ ᱥᱟᱞ ᱨᱮ ᱯᱟᱫᱽᱢᱟ ᱥᱨᱤ ᱠᱷᱚᱱ ᱠᱚ ᱥᱤᱨᱯᱷᱟᱹ ᱞᱮᱫᱮᱭᱟ, ᱠᱟᱞᱤᱫᱟᱥ ᱥᱟᱢᱢᱟᱱ ᱒᱐᱐᱑ ᱥᱟᱞ ᱨᱮ, ᱟᱨ ᱒᱐᱐᱔ ᱥᱟᱞ ᱨᱮ ᱥᱟᱸᱜᱤᱛ ᱱᱟᱟᱴᱟᱠ ᱟᱠᱟᱟᱫᱮᱢᱤ (ᱵᱷᱟᱨᱚᱛ ᱨᱮᱱᱟᱜ ᱥᱮᱨᱮᱧ, ᱮᱱᱮᱡ ᱟᱨ ᱰᱨᱟᱢᱟ ᱞᱟᱹᱜᱤᱫ ᱡᱟᱹᱛᱤᱭᱟᱹᱨᱤ ᱮᱠᱟᱟᱰᱮᱢᱤ) ᱩᱱᱤ ᱡᱤᱭᱚᱱ ᱠᱟᱹᱢᱤ ᱯᱩᱨᱟᱹᱣ ᱞᱟᱹᱜᱤᱫ ᱟᱡᱟᱜ ᱡᱚᱛᱚ ᱠᱷᱚᱱ ᱪᱮᱛᱟᱱ ᱥᱤᱨᱯᱷᱟᱹ ᱥᱟᱸᱜᱤᱛ ᱱᱟᱟᱴᱟᱠ ᱟᱠᱟᱟᱫᱮᱢᱤ ᱯᱷᱮᱞᱳᱥᱤᱯ ᱮ ᱩᱫᱩᱜ ᱞᱮᱫᱟ᱾ ᱩᱱᱤ ᱒᱐᱑᱐ ᱥᱟᱞ ᱨᱮ ᱯᱟᱫᱽᱢᱟ ᱵᱤᱵᱷᱩᱥᱟᱱ ᱮ ᱧᱟᱢ ᱠᱮᱫᱟ, ᱱᱚᱣᱟ ᱵᱷᱟᱨᱚᱛ ᱨᱮᱭᱟᱜ ᱫᱚᱥᱟᱨ ᱡᱚᱛᱚ ᱠᱷᱚᱱ ᱪᱮᱛᱟᱱ ᱥᱤᱵᱷᱤᱞ ᱢᱟᱱ ᱠᱟᱱᱟ, ᱩᱱᱤ ᱑᱐ ᱡᱩᱞᱟᱭ ᱒᱐᱑᱔ ᱥᱟᱞ ᱨᱮ ᱫᱤᱞᱞᱤ ᱦᱟᱥᱯᱟᱛᱟᱞ ᱨᱮ ᱠᱟᱟᱨᱰᱤᱭᱟᱠ ᱟᱨᱮᱥᱴ ᱠᱷᱟᱹᱛᱤᱨ ᱜᱩᱨ ᱮᱱᱟ᱾

ᱮᱛᱚᱦᱚᱵ ᱡᱤᱭᱚᱱ ᱟᱨ ᱜᱷᱟᱨᱚᱸᱡᱽ

ᱡᱳᱦᱨᱟ ᱵᱮᱜᱚᱢ ᱢᱩᱢᱛᱟᱡᱩᱞᱞᱟᱦ ᱠᱷᱟᱱ ᱒᱗ ᱮᱯᱨᱤᱞ ᱑᱙᱑᱒ ᱥᱟᱞ ᱨᱮ ᱨᱟᱟᱢᱯᱩᱨ ᱨᱮ ᱡᱟᱱᱟᱢ ᱞᱮᱱᱟᱭ, ᱭᱩᱱᱟᱭᱤᱴᱮᱰ ᱯᱨᱳᱵᱷᱤᱱᱥ, ᱵᱨᱤᱴᱤᱥ ᱤᱱᱰᱤᱭᱟ ᱨᱮ, ᱢᱩᱢᱛᱟᱡᱩᱞᱞᱟᱦ ᱠᱷᱟᱱ ᱟᱨ ᱱᱟᱛᱤᱠᱩᱟ ᱵᱮᱜᱚᱢ ᱴᱷᱮᱱ᱾ ᱩᱱᱤ ᱪᱟᱠᱨᱟᱴᱟ (ᱱᱤᱛᱟᱝᱟᱜ ᱩᱛᱨᱟᱠᱷᱟᱸᱰ) ᱨᱮ ᱢᱤᱫ ᱨᱤᱛᱤᱠ ᱢᱩᱥᱞᱤᱢ ᱜᱷᱟᱨᱚᱸᱡᱽ ᱨᱮ ᱦᱟᱨᱟ ᱵᱩᱨᱩ ᱮᱱᱟ ᱟᱨ ᱩᱱᱤ ᱮᱭᱟᱭ ᱜᱤᱫᱽᱨᱟᱹ ᱨᱮᱱ ᱯᱩᱱ ᱟᱱᱟᱜ ᱠᱟᱱᱟᱭ-ᱡᱟᱠᱩᱞᱞᱟᱦ, ᱦᱟᱡᱨᱟᱦ, ᱤᱠᱨᱟᱢᱩᱞᱞᱟᱦ, ᱟᱡᱨᱟ (ᱟᱡᱨᱟ ᱵᱟᱴ), ᱟᱢᱤᱱᱟ ᱟᱨ ᱥᱟᱵᱨᱟ᱾ ᱥᱟᱭᱮᱜᱚᱞ ᱟᱡ ᱴᱳᱢᱵᱳᱭ ᱢᱮᱱᱛᱮ ᱵᱚᱨᱱᱚᱱ ᱟᱠᱟᱫᱟ, ᱚᱠᱚᱭ ᱫᱟᱨᱮ ᱪᱟᱹᱰᱤ ᱟᱨ ᱵᱟᱦᱨᱮ ᱠᱷᱮᱞᱚᱸᱰ ᱠᱷᱮᱞ ᱨᱮ ᱨᱟᱹᱥᱠᱟᱹ ᱭᱮᱫ ᱛᱟᱦᱮᱸᱱ᱾ ᱩᱱᱤ ᱟᱡᱟᱜ ᱞᱮᱯᱷᱴ ᱢᱮᱫ ᱨᱮ ᱫᱷᱩᱱᱫᱽ ᱤᱫᱤᱭᱟ ᱠᱷᱟᱹᱛᱤᱨ ᱥᱟᱦᱟ ᱠᱮᱫ ᱛᱟᱦᱮᱸᱱ ᱡᱚᱠᱷᱚᱱ ᱩᱱᱤ ᱢᱤᱫ ᱥᱮᱨᱢᱟ ᱨᱮᱱ ᱛᱟᱦᱮᱸ ᱠᱟᱱᱟ᱾^[᱒] ᱩᱱᱤ ᱵᱟᱟᱨᱢᱤᱝᱦᱟᱟᱢ ᱨᱮ ᱢᱮᱱᱟᱜ ᱢᱤᱫ ᱦᱟᱥᱯᱟᱛᱟᱞ ᱨᱮ ᱨᱮᱯᱷᱟᱨ ᱠᱟᱛᱮ £᱓᱐᱐ ᱨᱮ ᱪᱤᱠᱤᱛᱥᱟᱹ ᱦᱩᱭ ᱞᱮᱱ ᱛᱟᱭᱟ᱾

ᱛᱟᱭᱚᱢ ᱩᱱᱤ ᱟᱭᱳ ᱜᱩᱨ ᱮᱱ ᱛᱟᱭᱚᱢ ᱥᱟᱭᱮᱜᱚᱞ ᱟᱨ ᱩᱱᱤ ᱨᱮᱱ ᱢᱤᱥᱨᱟ ᱞᱟᱦᱳᱨ ᱨᱮ ᱠᱩᱣᱤᱱ ᱢᱮᱟᱨᱤ ᱠᱚᱞᱮᱡᱽ ᱨᱮ ᱮᱱᱨᱳᱞ ᱞᱮᱱᱟ ᱾ ᱥᱟᱹᱠᱷᱤᱭᱟᱹᱛ ᱯᱟᱨᱫᱟ ᱤᱱᱥᱴᱤᱴᱭᱩᱴ ᱨᱮ ᱚᱵᱽᱡᱟᱨᱵᱽ ᱦᱩᱭ ᱞᱮᱱ ᱛᱟᱦᱮᱸᱱ, ᱟᱨ ᱞᱮᱠᱪᱟᱨ ᱮᱢᱚᱜ ᱞᱟᱹᱜᱤᱫ ᱟᱨ ᱥᱮᱢᱤᱱᱟᱨ ᱨᱮ ᱱᱮᱣᱛᱟ ᱟᱠᱟᱱ ᱠᱚᱲᱟ ᱫᱚ ᱢᱤᱫ ᱥᱠᱨᱤᱱ ᱛᱟᱭᱚᱢ ᱠᱷᱚᱱ ᱱᱚᱣᱟ ᱠᱚᱨᱟᱣ ᱞᱟᱹᱜᱤᱫ ᱜᱮ ᱢᱟᱱᱟ ᱛᱟᱦᱮᱸ ᱠᱟᱱᱟ᱾ ᱟᱡᱤᱡ ᱢᱤᱥᱨᱟ ᱣᱟᱜ ᱵᱟᱝ ᱥᱟᱠᱥᱮᱥ ᱦᱩᱭ ᱞᱮᱱ ᱵᱟᱯᱞᱟ ᱧᱮᱞ ᱠᱟᱛᱮ, ᱥᱟᱭᱮᱜᱚᱞ ᱟᱡ ᱛᱮ ᱵᱟᱯᱞᱟ ᱵᱟᱝ ᱦᱩᱭᱩᱜ ᱨᱮᱭᱟᱜ ᱮ ᱴᱷᱟᱹᱣᱠᱟᱹ ᱠᱮᱫᱟ᱾ ᱜᱨᱮᱡᱩᱣᱮᱴ ᱦᱩᱭ ᱛᱟᱭᱚᱢ ᱟᱡᱤᱡ ᱢᱟᱭᱟᱝ ᱟᱭᱳ ᱢᱟᱢᱚ ᱥᱟᱦᱤᱵᱽᱡᱟᱟᱫᱟ ᱥᱟᱭᱤᱫᱩᱡᱽᱡᱟᱯᱷᱟᱨ ᱠᱷᱟᱱ, ᱰᱩᱭᱵᱩᱨᱜᱷ ᱨᱮ ᱵᱮᱥ ᱞᱮᱠᱟ ᱵᱮᱱᱟᱣ ᱞᱮᱱᱟ, ᱢᱤᱫ ᱵᱨᱤᱴᱤᱥ ᱮᱠᱴᱚᱨ ᱩᱱᱰᱟᱨ ᱥᱤᱠᱷᱤᱱ ᱞᱟᱹᱜᱤᱫ ᱵᱮᱵᱚᱥᱛᱟ ᱠᱮᱫᱟ᱾ ᱩᱱᱠᱩ ᱞᱟᱦᱳᱨ ᱠᱷᱚᱱ ᱠᱟᱟᱨ ᱛᱮ ᱮᱛᱚᱦᱚᱵ ᱠᱮᱫᱟᱠᱤᱱ ᱟᱨ ᱚᱱᱟ ᱰᱟᱦᱟᱨ ᱨᱮ ᱫᱟᱢᱟᱥᱠᱟᱥ, ᱥᱤᱨᱤᱭᱟ ᱥᱮᱴᱮᱨᱚᱜ ᱞᱟᱦᱟᱨᱮ ᱤᱨᱟᱱ ᱟᱨ ᱯᱟᱟᱞᱮᱥᱛᱤᱱ ᱮ ᱯᱟᱟᱨᱚᱢ ᱠᱮᱫᱟ, ᱡᱟᱦᱟᱸᱨᱮ ᱩᱱᱤ ᱟᱡᱤᱡ ᱠᱩᱡᱤᱱ ᱥᱟᱶ ᱧᱟᱯᱟᱢ ᱮᱱᱟᱭ᱾ ᱛᱚᱵᱮ ᱩᱱᱠᱩ ᱤᱡᱤᱯᱴ ᱛᱮᱠᱚ ᱫᱟᱬᱟ ᱠᱮᱫᱟ ᱟᱨ ᱮᱞᱮᱠᱡᱮᱱᱰᱨᱤᱭᱟ ᱨᱮ ᱭᱩᱨᱳᱯ ᱞᱟᱹᱜᱤᱫ ᱢᱤᱫ ᱵᱳᱴ ᱠᱚ ᱥᱟᱵ ᱠᱮᱫᱟ᱾^[᱓]

ᱭᱩᱨᱳᱯ ᱨᱮ ᱥᱟᱭᱮᱜᱚᱞ ᱨᱮᱱ ᱜᱚᱲᱚᱢ ᱟᱭᱳ ᱩᱱᱤ ᱡᱟᱨᱢᱟᱱᱤ ᱨᱮᱭᱟᱜ ᱰᱨᱮᱥᱰᱮᱱ ᱨᱮ ᱢᱮᱭᱟᱨᱤ ᱣᱤᱜᱽᱢᱮᱱ ᱟᱜ ᱵᱟᱟᱞᱮ ᱥᱠᱩᱞ ᱨᱮ ᱮᱱᱨᱳᱞ ᱞᱟᱹᱜᱤᱫ ᱮ ᱩᱫᱜᱟᱹᱣ ᱞᱮᱫᱮᱭᱟ᱾ ᱥᱟᱭᱮᱜᱚᱞ ᱮᱱᱮᱡ ᱯᱷᱳᱨᱢ ᱨᱮ ᱵᱟᱹᱲᱛᱤ ᱞᱟᱦᱟ ᱩᱱᱢᱚᱫ ᱵᱮᱜᱚᱨ ᱮᱱᱴᱨᱮᱱᱥ ᱴᱮᱥᱴ ᱮ ᱯᱟᱟᱥ ᱠᱮᱫᱟ ᱟᱨ ᱤᱱᱥᱴᱤᱴᱭᱩᱥᱚᱱ ᱨᱮ ᱯᱟᱲᱦᱟᱣ ᱞᱟᱹᱜᱤᱫ ᱯᱩᱭᱞᱩ ᱵᱷᱟᱨᱚᱛᱤᱭᱚ ᱮ ᱵᱮᱱᱟᱣ ᱮᱱᱟ᱾ ᱩᱱᱤ ᱠᱟᱩᱱᱴᱮᱥ ᱞᱤᱭᱮᱵᱮᱱᱥᱴᱟᱭᱤᱱ ᱨᱮᱭᱟᱜ ᱚᱲᱟᱜ ᱨᱮ ᱛᱟᱦᱮᱸ ᱠᱟᱛᱮ ᱰᱨᱮᱥᱰᱮᱱ ᱨᱮ ᱛᱟᱭᱚᱢ ᱯᱮᱭᱟ ᱥᱮᱨᱢᱟ ᱫᱷᱟᱹᱵᱤᱡ ᱢᱳᱰᱟᱨᱱ ᱮᱱᱮᱡ ᱮ ᱯᱟᱲᱦᱟᱣ ᱠᱮᱫᱟ᱾ ᱟᱡᱟᱜ ᱡᱤᱭᱚᱱ ᱨᱮ ᱢᱤᱫ ᱢᱩᱦᱤᱢ ᱦᱟᱹᱴᱤᱧ ᱩᱱᱤ ᱩᱫᱟᱭ ᱥᱚᱝᱠᱚᱨ ᱥᱟᱶ ᱥᱤᱵᱷ-ᱯᱟᱟᱨᱵᱷᱟᱛᱤ ᱵᱟᱟᱞᱮ ᱨᱮᱭᱟᱜ ᱢᱤᱫ ᱯᱟᱨᱯᱷᱚᱨᱢᱮᱱᱥ ᱨᱮ ᱧᱟᱯᱟᱢ ᱠᱮᱫᱟ, ᱚᱠᱟ ᱫᱚ ᱩᱱᱤ ᱠᱳᱨᱤᱭᱳᱜᱨᱟᱯᱷ ᱞᱮᱫᱟ᱾ ᱥᱚᱝᱠᱚᱨ ᱠᱳᱨᱥ ᱯᱩᱨᱟᱹᱣ ᱨᱮ ᱵᱷᱟᱨᱚᱛ ᱨᱩᱣᱟᱹᱲ ᱦᱮᱡ ᱠᱷᱟᱱ ᱩᱱᱤ ᱪᱟᱹᱠᱨᱤ ᱮᱢᱚᱜ ᱨᱮᱭᱟᱜ ᱮ ᱟᱸᱜᱤᱨ ᱠᱮᱫᱟ᱾^[᱔]

ᱥᱟᱹᱠᱷᱭᱟᱹᱛ

↑ "Zohra Sehgal: Naughty in her 90s!", The Times of India, 8 March 2009.
↑ "Bollywood's 'Laadli of the century' Zohra Sehgal dies at 102". Hindustan Times (in ᱟᱝᱜᱽᱨᱮᱡᱤ). 10 July 2014. Retrieved 10 November 2018.
↑ "Grandma of GLEE". The Hindu. Chennai, India. 4 December 2003. Archived from the original on 23 December 2003. Retrieved 12 April 2011.
↑ "The dashing dadima: Zohra Sehgal", The Times of India, 8 April 2001.

ᱵᱟᱦᱨᱮ ᱡᱚᱱᱚᱲ

ᱡᱳᱦᱨᱟ ᱥᱟᱭᱮᱜᱚᱞ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)
ᱪᱷᱟᱸᱪ:Bollywood Hungama person
Obituary of Zohra Sehgal —A jewel in the crown of Indian Performing Art.
Zohra Segal Filmography at New York Times
Zohra Sehgal Performing Art Archived ᱖ ᱰᱤᱥᱮᱢᱵᱚᱨ ᱒᱐᱒᱑ at the Wayback Machine..
Zohra Sehgal uncut: Of love, acting & Bloody Mary CNN IBN

[1] "Zohra Sehgal: Naughty in her 90s!", The Times of India, 8 March 2009.

[2] "Bollywood's 'Laadli of the century' Zohra Sehgal dies at 102". Hindustan Times (in ᱟᱝᱜᱽᱨᱮᱡᱤ). 10 July 2014. Retrieved 10 November 2018.

[hi-3] "Grandma of GLEE". The Hindu. Chennai, India. 4 December 2003. Archived from the original on 23 December 2003. Retrieved 12 April 2011.

[totu-4] "The dashing dadima: Zohra Sehgal", The Times of India, 8 April 2001.

[᱑]

[᱒]

[᱓]

[᱔]