ᱡᱷᱟᱡᱡᱟᱨ
ᱡᱷᱟᱡᱡᱟᱨ | |
---|---|
ᱡᱷᱟᱡᱡᱟᱨ ᱨᱮᱱᱟᱜ ᱴᱷᱟᱶ ᱦᱚᱨᱤᱭᱟᱱᱟ ᱨᱮ | |
Coordinates: 28°37′N 76°39′E / 28.62°N 76.65°E.[᱑] | |
ᱫᱤᱥᱚᱢ | ᱥᱤᱧᱚᱛ |
ᱯᱚᱱᱚᱛ | ᱦᱚᱨᱤᱭᱟᱱᱟ |
ᱩᱥᱩᱞ | 220 ᱢᱤᱴᱚᱨ (720 ᱯᱷᱩᱴ) |
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱑) |
• ᱞᱮᱠᱷᱟᱜᱩᱴ | ᱔᱘,᱔᱒᱔[᱒] |
ᱜᱟᱹᱰᱤ ᱨᱤᱡᱤᱥᱴᱨᱤ | HR-14 |
ᱣᱮᱵᱽᱥᱟᱭᱤᱴ |
jhajjar |
ᱡᱷᱟᱡᱡᱟᱨ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱦᱚᱨᱤᱭᱟᱱᱟ ᱨᱮ ᱡᱷᱟᱡᱡᱟᱨ ᱦᱚᱱᱚᱛ ᱨᱮᱱᱟᱜ ᱢᱤᱫ ᱥᱚᱦᱚᱨ ᱠᱟᱱᱟ ᱾ ᱱᱚᱣᱟ ᱑᱕ ᱡᱩᱞᱟᱭ ᱑᱙᱙᱗ ᱨᱮ ᱨᱚᱦᱛᱚᱠ ᱦᱚᱱᱚᱛ ᱥᱟᱞᱟᱜ ᱵᱷᱮᱡᱟᱨ ᱞᱮᱱᱟ ᱛᱟᱦᱮᱸᱫ ᱾ ᱥᱚᱦᱚᱨ ᱨᱮᱣᱟᱲᱤ ᱠᱷᱚᱱ ᱨᱚᱦᱛᱟᱠ (ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱼ᱓᱕᱒), ᱢᱮᱨᱟᱴ ᱠᱷᱚᱱ ᱞᱚᱦᱟᱨᱩ, ᱪᱚᱨᱠᱷᱤ ᱫᱟᱫᱽᱨᱤ ᱠᱷᱚᱱ ᱫᱤᱞᱞᱤ ᱟᱨ ᱜᱩᱨᱜᱟᱶ ᱠᱷᱚᱱ ᱵᱷᱤᱣᱟᱱᱤ ᱡᱚᱲᱟᱣ ᱟᱜ ᱥᱚᱲᱚᱠ ᱨᱮ ᱢᱮᱱᱟᱜᱼᱟ ᱾ ᱡᱷᱟᱡᱡᱟᱨ ᱫᱤᱞᱞᱤ ᱠᱷᱚᱱ ᱕᱕ ᱠᱤᱞᱚᱢᱤᱴᱚᱨ ᱯᱟᱪᱮ ᱨᱮ ᱢᱮᱱᱟᱜᱼᱟ ᱾[᱓]
᱑᱘᱕᱗ ᱨᱮᱱᱟᱜ ᱵᱤᱫᱽᱨᱚᱦ ᱨᱮ ᱯᱟᱨᱴᱤᱥᱤᱯᱟᱥᱚᱱ (participation) ᱞᱟᱹᱜᱤᱫ ᱛᱮ, ᱦᱚᱨᱤᱭᱟᱱᱟ ᱨᱮᱱᱟᱜ ᱯᱮᱭᱟ ᱢᱩᱬ ᱢᱟᱨᱮ ᱫᱤᱞᱞᱤ ᱨᱮᱱᱟᱜ ᱪᱟᱸᱫᱽᱱᱤ ᱪᱚᱣᱠ ᱨᱮᱱᱟᱜ ᱠᱚᱛᱣᱟᱞᱤ ᱨᱮ ᱯᱟᱥᱤ ᱭᱮ ᱞᱟᱹᱜᱤᱫ ᱛᱮ ᱪᱷᱩᱴᱟᱹᱣ ᱞᱮᱱᱟ ᱠᱚ ᱛᱟᱦᱮᱸᱫ ᱾ ᱵᱟᱞᱞᱟᱵᱷᱜᱚᱲ ᱨᱤᱱᱤᱡ ᱨᱟᱡᱟ ᱱᱟᱦᱚᱨ ᱥᱤᱝ ᱫᱚ ᱙ ᱡᱟᱱᱩᱣᱟᱨᱤ ᱑᱘᱕᱘ ᱨᱮ ᱠᱚ ᱯᱟᱥᱤ ᱞᱮᱫᱮᱭ ᱠᱚ ᱛᱟᱦᱮᱸᱫ ᱾ ᱡᱷᱟᱡᱡᱟᱨ ᱨᱤᱱᱤᱡ ᱱᱚᱣᱟᱵᱽ ᱟᱵᱽᱫᱩᱨ ᱨᱚᱦᱢᱟᱱ ᱫᱚ ᱒᱓ ᱡᱟᱱᱩᱣᱟᱨᱤ ᱑᱘᱕᱘ ᱨᱮ ᱯᱟᱥᱤ ᱞᱮᱫᱮᱭ ᱠᱚ ᱛᱟᱦᱮᱸᱫ ᱾[᱔]
ᱦᱚᱲ ᱞᱮᱠᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱒᱐᱑᱑ ᱫᱷᱟᱹᱵᱤᱡ, ᱡᱷᱟᱡᱡᱟᱨ ᱦᱚᱱᱚᱛ ᱨᱤᱱ ᱦᱚᱲ ᱮᱞ ᱙᱕᱖,᱙᱐᱗ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱠᱚᱲᱟ ᱟᱜ ᱦᱚᱲ ᱮᱞ ᱕᱔% ᱟᱨ ᱛᱤᱨᱞᱟᱹ ᱟᱜ ᱮᱞ ᱔᱖% ᱢᱮᱱᱟᱜᱼᱟ ᱡᱷᱟᱡᱡᱟᱨ ᱨᱮᱱᱟᱜ ᱥᱮᱪᱮᱫ ᱫᱚᱨ ᱘᱐.᱘᱓% ᱢᱮᱱᱟᱜᱼᱟ, ᱱᱤᱭᱟᱹ ᱡᱟᱹᱛᱤᱭᱟᱹᱨᱤ ᱥᱮᱪᱮᱫ ᱗᱔% ᱠᱷᱚᱱ ᱰᱮᱦᱮᱨ ᱜᱮᱭᱟ ᱾ ᱠᱚᱲᱟ ᱟᱜ ᱥᱮᱪᱮᱫ ᱘᱙.᱔᱔% ᱢᱮᱱᱟᱜᱼᱟ, ᱟᱨ ᱛᱤᱨᱞᱟᱹ ᱟᱜ ᱥᱮᱪᱮᱫ ᱗᱐.᱑᱖% ᱢᱮᱱᱟᱜᱼᱟ ᱾[᱒]
ᱦᱤᱡᱩᱜ ᱥᱮᱱᱚᱜ ᱰᱟᱦᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱡᱷᱟᱡᱡᱟᱨ ᱨᱮᱱᱟᱜ ᱟᱡᱟᱜ ᱨᱮᱞᱣᱮ ᱥᱴᱮᱥᱚᱱ ᱢᱮᱱᱟᱜᱼᱟ, ᱚᱠᱟᱨᱮ ᱠᱳᱰ JHJ ᱢᱮᱱᱟᱜᱼᱟ ᱾ ᱥᱚᱦᱚᱨ ᱨᱮᱱᱟᱜ ᱨᱮᱞᱣᱮ ᱥᱴᱮᱥᱚᱱ ᱫᱤᱞᱞᱤᱼᱡᱷᱟᱡᱡᱟᱨᱼᱫᱟᱫᱽᱨᱤ ᱥᱚᱽᱚᱠ ᱨᱮ ᱢᱮᱱᱟᱜᱼᱟ ᱾ ᱥᱴᱮᱥᱚᱱ ᱥᱤᱧᱚᱛ ᱨᱮᱱᱟᱜ ᱢᱟᱲᱟᱝ ᱥᱤᱮᱱᱡᱤ ᱴᱨᱮᱱ ᱟᱨ ᱡᱚᱭᱯᱩᱨᱼᱪᱚᱱᱰᱤᱜᱚᱰ ᱤᱱᱴᱟᱨᱥᱤᱴᱤ ᱴᱨᱮᱱ ᱥᱟᱶᱛᱮ ᱯᱩᱱᱭᱟ ᱴᱨᱮᱱ ᱜᱚᱲᱚᱣ ᱟ ᱾
ᱡᱷᱟᱡᱡᱟᱨ ᱥᱚᱦᱚᱨ ᱨᱮ ᱦᱚᱨᱤᱭᱟᱱᱟ ᱨᱮᱱᱟᱜ ᱟᱹᱰᱤ ᱢᱟᱨᱟᱝ ᱵᱟᱥ ᱥᱴᱮᱥᱚᱱ (I.S.B.T) ᱢᱮᱱᱟᱜᱼᱟ ᱱᱚᱣᱟ ᱨᱚᱦᱛᱟᱠᱼᱡᱷᱟᱡᱡᱟᱨᱼᱨᱮᱣᱟᱲᱤ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱗᱑ ᱨᱮ ᱢᱮᱱᱟᱜᱼᱟ ᱾ ᱱᱤᱭᱟᱹ ᱱᱟᱣᱟ ᱵᱟᱥ ᱥᱴᱮᱥᱚᱱ ᱨᱮ ᱟᱪᱮᱛ ᱞᱟᱹᱜᱤᱫ ᱛᱮ ᱵᱟᱜᱟᱱ ᱥᱟᱶᱛᱮ ᱓᱘ ᱮᱠᱚᱲ ᱨᱮ ᱢᱤᱫ ᱴᱚᱴᱷᱟ ᱢᱮᱱᱟᱜᱼᱟ ᱾
ᱢᱩᱬ ᱞᱩᱵᱷᱟᱣ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱵᱷᱤᱸᱰᱟᱣᱟᱥ ᱪᱮᱬᱮ ᱨᱟᱠᱷᱟᱵᱤᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱵᱷᱤᱸᱰᱟᱣᱟᱥ ᱪᱮᱬᱮ ᱨᱟᱠᱷᱟᱵᱤᱨ ᱡᱷᱟᱡᱡᱟᱨ ᱠᱷᱚᱱ ᱑᱕ ᱠᱤᱞᱚᱢᱤᱴᱚᱨ ᱥᱟᱸᱜᱤᱧ ᱨᱮ ᱢᱮᱱᱟᱜᱼᱟ ᱾ ᱫᱤᱞᱞᱤ ᱠᱷᱚᱱ ᱦᱚᱸ ᱧᱮᱞᱡᱚᱝ ᱴᱷᱟᱶ ᱓ ᱴᱟᱲᱟᱝ ᱨᱮ ᱟᱞᱜᱟ ᱛᱮ ᱨᱟᱠᱷᱟᱵᱤᱨ ᱫᱷᱟᱹᱵᱤᱡ ᱥᱮᱴᱮᱨᱟ ᱾ ᱱᱤᱭᱟᱹ ᱨᱟᱠᱷᱟᱵᱤᱨ ᱨᱮ ᱪᱮᱬᱮ ᱒᱕᱐ ᱠᱷᱚᱱ ᱰᱮᱦᱮᱨ ᱪᱮᱬᱮ ᱧᱮᱞ ᱫᱟᱨᱮᱭᱟ ᱠᱚᱣᱟ ᱾ ᱱᱩᱭ ᱪᱮᱬᱮ ᱞᱚᱠᱟᱞ ᱟᱨ ᱯᱩᱲᱥᱤ ᱵᱟᱱᱟᱨ ᱜᱮ ᱢᱮᱱᱟᱜ ᱠᱤᱱᱟ ᱾ ᱱᱚᱸᱰᱮ ᱢᱤᱫᱴᱟᱝ ᱡᱷᱤᱞ ᱦᱚᱸ ᱛᱮᱭᱟᱨ ᱟᱠᱟᱱᱟ ᱾ ᱱᱚᱣᱟ ᱡᱷᱤᱞ ᱟᱹᱰᱤ ᱢᱚᱡᱽ ᱜᱮᱭᱟ ᱾ ᱧᱮᱞᱡᱚᱝ ᱴᱷᱟᱶ ᱱᱤᱭᱟᱹ ᱡᱷᱤᱞ ᱫᱷᱟᱨᱮ ᱫᱟᱬᱟᱱ ᱨᱮᱱᱟᱜ ᱨᱟᱹᱥᱠᱟᱹ ᱤᱫᱤ ᱭᱟᱜᱼᱟ ᱟᱨ ᱠᱮᱢᱮᱨᱟ ᱛᱮ ᱱᱚᱣᱟ ᱢᱚᱡᱽ ᱛᱷᱟᱱ ᱮ ᱧᱮᱞ ᱫᱟᱨᱮ ᱭᱟᱜᱼᱟ ᱾ ᱱᱚᱣᱟ ᱨᱟᱠᱷᱟᱵᱤᱨ ᱑᱐᱗᱔ ᱮᱠᱚᱲ ᱨᱮ ᱟᱴᱮᱫ ᱟᱠᱟᱱᱟ ᱾
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ Falling Rain Genomics, Inc, Jhajjar.
- ↑ ᱒.᱐ ᱒.᱑ "Census of India 2001: Data from the 2001 Census, including cities, villages and towns (Provisional)". Census Commission of India. Archived from the original on 2004-06-16. Retrieved 2008-11-01.
- ↑ [https:/ dr.rajender gurjar/web.archive.org/web/20120510121938/http://jhajjar.nic.in/AboutDistrict.aspx "Name Derivation"] Check
|archiveurl=
value (help). Archived from the original on 2012-05-10. Unknown parameter|url-status=
ignored (help) - ↑ Satish Chandra Mittal, 1986, Haryana, a Historical Perspective, p58.