ᱢᱚᱝᱜᱚᱞᱤᱭᱟ ᱨᱮ ᱫᱷᱚᱨᱚᱢ

ᱪᱷᱟᱸᱪ:Testcases other

ᱢᱚᱝᱜᱚᱞᱤᱭᱟ ᱨᱮ ᱫᱷᱚᱨᱚᱢ (᱒᱐᱒᱐ ᱦᱚᱲ ᱞᱮᱠᱷᱟ)^[᱑]^[᱒]^[᱓]

ᱵᱩᱫᱫᱷᱚ ᱫᱷᱚᱨᱚᱢ (51.7%)

ᱫᱷᱚᱨᱚᱢ ᱵᱮᱜᱚᱨ (40.6%)

ᱤᱥᱞᱟᱢ (3.2%)

ᱢᱚᱝᱜᱚᱞᱤᱭᱟᱱ ᱥᱟᱢᱟᱱᱤᱡᱚᱢ (2.5%)

ᱠᱷᱨᱤᱥᱴᱟᱱ (1.3%)

ᱮᱴᱟᱜ (0.7%)

ᱢᱚᱝᱜᱚᱞᱤᱭᱟ ᱨᱮ ᱫᱷᱚᱨᱚᱢ ᱫᱚ ᱥᱮᱫᱟᱭ ᱠᱷᱚᱱ ᱜᱮ ᱢᱚᱝᱜᱚᱞᱤᱭᱟᱱ ᱵᱩᱫᱫᱷᱚ ᱫᱷᱚᱨᱚᱢ ᱟᱨ ᱢᱚᱝᱜᱚᱞᱤᱭᱟᱱ ᱥᱟᱢᱟᱱᱤᱡᱚᱢ ᱦᱚᱛᱮᱛᱮ ᱟᱹᱭᱩᱨ ᱟᱠᱟᱱᱟ, ᱡᱟᱦᱟᱸ ᱫᱚ ᱢᱚᱝᱜᱚᱞ ᱠᱚᱣᱟᱜ ᱡᱟᱹᱛᱤᱭᱟᱹᱨᱤ ᱫᱷᱚᱨᱚᱢ ᱠᱟᱱᱟ ᱾ ᱱᱟᱜᱟᱢ ᱞᱮᱠᱟᱛᱮ, ᱟᱠᱚᱣᱟᱜ ᱢᱚᱝᱜᱚᱞ ᱥᱟᱢᱨᱟᱡᱽ ᱛᱟᱞᱟ ᱛᱮ ᱢᱚᱝᱜᱚᱞ ᱠᱚ ᱫᱚ ᱠᱷᱨᱤᱥᱴᱟᱱ (ᱱᱮᱥᱴᱚᱨᱤᱭᱟᱱᱤᱡᱚᱢ ᱟᱨ ᱠᱮᱛᱷᱚᱞᱤᱠ) ᱟᱨ ᱤᱥᱞᱟᱢ ᱫᱷᱚᱨᱚᱢ ᱨᱮᱱᱟᱜ ᱚᱨᱥᱚᱝ ᱨᱮᱠᱚ ᱦᱮᱡ ᱞᱮᱱᱟ, ᱢᱮᱱᱠᱷᱟᱱ ᱱᱚᱶᱟ ᱫᱷᱚᱨᱚᱢ ᱠᱚᱫᱚ ᱛᱤᱥ ᱦᱚᱸ ᱵᱟᱝ ᱯᱟᱥᱱᱟᱣ ᱞᱮᱱᱟ ᱾ ᱢᱚᱝᱜᱚᱞᱤᱭᱟᱱ ᱯᱤᱯᱩᱞᱥ ᱨᱤᱯᱚᱵᱽᱞᱤᱠ (᱑᱙᱒᱔–᱑᱙᱙᱒) ᱨᱮᱱᱟᱜ ᱠᱚᱢᱭᱩᱱᱤᱥᱴ ᱚᱠᱛᱚ ᱨᱮ ᱥᱟᱱᱟᱢ ᱫᱷᱚᱨᱚᱢ ᱠᱚ ᱫᱚᱵᱟᱣ ᱫᱚᱦᱚ ᱞᱮᱱᱟ; ᱢᱮᱱᱠᱷᱟᱱ, ᱑᱙᱙᱐ ᱨᱮᱱᱟᱜ ᱜᱮᱞᱟᱝ ᱨᱮ ᱥᱚᱝᱥᱚᱫᱤᱭᱟᱹ ᱯᱨᱚᱡᱟᱛᱚᱱᱛᱨᱚ ᱛᱮ ᱵᱚᱫᱚᱞ ᱮᱱ ᱛᱟᱭᱚᱢ, ᱫᱷᱚᱨᱚᱢ ᱠᱚ ᱨᱮᱱᱟᱜ ᱫᱚᱦᱲᱟ ᱩᱛᱱᱟᱹᱣ ᱦᱩᱭ ᱟᱠᱟᱱᱟ ᱾

᱒᱐᱒᱐ ᱨᱮᱱᱟᱜ ᱡᱟᱹᱛᱤᱭᱟᱹᱨᱤ ᱦᱚᱲ ᱞᱮᱠᱷᱟ ᱞᱮᱠᱟᱛᱮ, ᱕᱑.᱗% ᱢᱚᱝᱜᱚᱞᱤᱭᱟᱱ ᱦᱚᱲ ᱫᱚ ᱵᱩᱫᱫᱷᱚ ᱫᱷᱚᱨᱚᱢ ᱞᱮᱠᱟᱛᱮ, ᱔᱐.᱖% ᱫᱷᱚᱨᱚᱢ ᱵᱮᱜᱚᱨ, ᱓.᱒% ᱢᱩᱥᱞᱤᱢ (ᱵᱟᱹᱲᱛᱤ ᱫᱚ ᱠᱟᱡᱟᱠᱷ ᱡᱟᱹᱛᱤ ᱟᱨ ᱠᱚᱢ ᱫᱚ ᱠᱷᱳᱛᱳᱱ ᱦᱚᱲ), ᱒.᱕% ᱢᱚᱝᱜᱚᱞ ᱥᱟᱢᱟᱱᱤᱠ ᱟᱹᱨᱤᱪᱟᱹᱞᱤ ᱢᱟᱱᱟᱣ ᱦᱚᱲ, ᱑.᱓% ᱠᱷᱨᱤᱥᱴᱟᱱ, ᱟᱨ ᱐.᱗% ᱫᱚ ᱮᱴᱟᱜ ᱫᱷᱚᱨᱚᱢ ᱢᱟᱱᱟᱣ ᱦᱚᱲ ᱞᱮᱠᱟᱛᱮ ᱩᱯᱨᱩᱢ ᱠᱚ ᱮᱢ ᱟᱠᱟᱫᱼᱟ ᱾^[᱑]

ᱰᱮᱢᱚᱜᱨᱟᱯᱷᱤᱠᱥ

ᱫᱷᱚᱨᱚᱢ	᱒᱐᱑᱐^[᱑]^[᱔]		᱒᱐᱒᱐^[᱑]
ᱫᱷᱚᱨᱚᱢ	ᱞᱮᱠᱷᱟ	%	ᱞᱮᱠᱷᱟ	%
ᱵᱩᱫᱫᱷᱚ ᱫᱷᱚᱨᱚᱢ	᱑,᱔ ᱕᱙,᱙᱘᱓	᱕᱓.᱐	᱑,᱗᱐᱔,᱔᱘᱐	５᱑.᱗
ᱤᱥᱞᱟᱢ	᱘᱒,᱖᱔᱑	᱓.０	᱑᱐᱕,᱕᱐᱐	᱓.᱒
ᱢᱚᱝᱜᱚᱞᱤᱭᱟᱱ ᱥᱟᱢᱟᱱᱤᱡᱚᱢ	᱗᱙,᱘᱘᱖	᱒.᱙	᱘᱒,᱔᱒᱒	᱒.᱕
ᱠᱷᱨᱤᱥᱴᱟᱱ	᱖᱐,᱖᱐᱓	᱒.᱒	᱔᱒,᱘᱕᱙	᱑.᱓
ᱮᱴᱟᱜ ᱫᱷᱚᱨᱚᱢ	᱑᱑,᱐᱑᱙	᱐.᱔	᱒᱓,᱐᱗᱘	᱐.᱗
ᱫᱷᱚᱨᱚᱢ ᱵᱟᱝ ᱢᱟᱱᱟᱣ	᱑,᱐᱖᱓,᱓᱐᱘	᱓᱘.᱖	᱑,᱓᱓᱘,᱕᱒᱘	᱔᱐.᱖
ᱜᱩᱴ ᱦᱚᱲ ᱮᱞ	᱒,᱗᱕᱔,᱖᱘᱕	᱑᱐᱐	᱓,᱒᱙᱖,᱘᱖᱖	᱑᱐᱐

ᱢᱩᱲᱩᱛ ᱫᱷᱚᱨᱚᱢ ᱠᱚ

ᱵᱩᱫᱫᱷᱚ ᱫᱷᱚᱨᱚᱢ

ᱢᱚᱝᱜᱚᱞᱤᱭᱟ ᱨᱮ ᱵᱩᱫᱫᱷᱚ ᱫᱷᱚᱨᱚᱢ ᱫᱚ ᱭᱩᱣᱟᱱ ᱵᱚᱝᱥᱚ (᱑᱒᱗᱑–᱑᱓᱖᱘) ᱨᱤᱱ ᱥᱚᱢᱨᱟᱴ ᱠᱚ ᱦᱚᱛᱮᱛᱮ ᱛᱤᱵᱵᱚᱛᱤ ᱵᱩᱫᱫᱷᱚ ᱫᱷᱚᱨᱚᱢ ᱟᱯᱱᱟᱨ ᱛᱟᱭᱚᱢ ᱮᱛᱚᱦᱚᱵ ᱞᱮᱱᱟ ᱾ ᱢᱚᱝᱜᱚᱞ ᱥᱟᱢᱨᱟᱡᱽ ᱨᱟᱹᱯᱩᱫ ᱮᱱ ᱛᱟᱭᱚᱢ ᱢᱚᱝᱜᱚᱞ ᱠᱚ ᱟᱠᱚᱣᱟᱜ ᱥᱮᱫᱟᱭ ᱥᱟᱢᱟᱱᱤᱠ ᱟᱹᱨᱤᱪᱟᱹᱞᱤ ᱛᱮᱠᱚ ᱨᱩᱣᱟᱹᱲ ᱮᱱᱟ, ᱢᱮᱱᱠᱷᱟᱱ ᱜᱮᱞ ᱛᱩᱨᱩᱭ ᱟᱨ ᱜᱮᱞ ᱮᱭᱟᱭ ᱟᱱᱟᱜ ᱥᱟᱭ ᱥᱮᱨᱢᱟ ᱨᱮ ᱵᱩᱫᱫᱷᱚ ᱫᱷᱚᱨᱚᱢ ᱫᱚᱦᱲᱟ ᱛᱮ ᱵᱮᱨᱮᱫ ᱨᱩᱣᱟᱹᱲ ᱮᱱᱟ ᱾ ᱠᱚᱢᱭᱩᱱᱤᱥᱴ ᱢᱚᱝᱜᱚᱞᱤᱭᱟᱱ ᱯᱤᱯᱩᱞᱥ ᱨᱤᱯᱚᱵᱽᱞᱤᱠ (᱑᱙᱒᱔–᱑᱙᱙᱒) ᱚᱠᱛᱚ ᱨᱮ, ᱵᱩᱫᱫᱷᱚ ᱫᱷᱚᱨᱚᱢ ᱠᱚ ᱫᱚᱵᱟᱣ ᱞᱮᱫᱼᱟ ᱟᱨ ᱥᱚᱨᱠᱟᱨᱤ ᱞᱮᱠᱷᱟ ᱞᱮᱠᱟᱛᱮ ᱚᱱᱟ ᱥᱟᱥᱚᱱ ᱨᱮ ᱑᱗,᱐᱐᱐ ᱜᱟᱱ ᱥᱟᱹᱫᱷᱩ ᱠᱚ ᱜᱚᱡ ᱞᱮᱫ ᱠᱚᱣᱟ ᱾^[᱕] ᱑᱙᱙᱐ ᱨᱮᱱᱟᱜ ᱜᱮᱞᱟᱝ ᱨᱮ ᱠᱚᱢᱭᱩᱱᱤᱡᱚᱢ ᱪᱟᱵᱟ ᱭᱮᱱ ᱛᱟᱭᱚᱢ, ᱫᱤᱥᱚᱢ ᱨᱮ ᱵᱩᱫᱫᱷᱚ ᱫᱷᱚᱨᱚᱢ ᱫᱚᱦᱲᱟ ᱛᱮ ᱡᱤᱣᱤᱫ ᱨᱩᱣᱟᱹᱲ ᱮᱱᱟ, ᱱᱚᱶᱟ ᱫᱚ ᱥᱮᱫᱟᱭ ᱠᱷᱚᱱ ᱦᱮᱡ ᱟᱹᱜᱩ ᱟᱠᱟᱱ ᱢᱚᱴᱷᱚ ᱟᱥᱲᱟ ᱟᱨ ᱱᱤᱭᱩ ᱮᱡᱽ-ᱚᱨᱥᱚᱝ ᱟᱨ ᱢᱚᱱᱚᱛᱷᱤᱡᱚᱢ-ᱚᱨᱥᱚᱝ ᱵᱩᱫᱫᱷᱚ ᱫᱷᱚᱨᱚᱢ ᱨᱮᱱᱟᱜ ᱱᱟᱣᱟ ᱫᱷᱚᱨᱚᱢ ᱦᱩᱞ ᱦᱚᱛᱮᱛᱮ ᱯᱟᱥᱱᱟᱣ ᱮᱱᱟ ᱾^[᱖] ᱢᱚᱝᱜᱚᱞᱤᱭᱟ ᱨᱮᱱᱟᱜ ᱒᱐᱒᱐ ᱦᱚᱲ ᱞᱮᱠᱷᱟ ᱞᱮᱠᱟᱛᱮ, ᱦᱚᱲ ᱮᱞ ᱨᱮᱱᱟᱜ ᱕᱑.᱗%, ᱡᱟᱦᱟᱸ ᱫᱚ ᱑,᱗᱐᱔,᱔᱘᱐ ᱦᱚᱲ, ᱵᱩᱫᱫᱷᱚ ᱫᱷᱚᱨᱚᱢ ᱠᱚ ᱢᱟᱱᱟᱣᱟ ᱾^[᱑]

ᱩᱞᱟᱱᱵᱟᱴᱚᱨ ᱨᱮ ᱫᱟᱥᱪᱳᱭᱞᱤᱱ ᱢᱚᱴᱷᱚ ᱨᱮᱱᱟᱜ ᱭᱩᱨᱴ ᱯᱮᱵᱷᱤᱞᱤᱭᱚᱱ, ᱟᱹᱫᱤᱵᱟᱹᱥᱤ ᱢᱚᱝᱜᱚᱞᱤᱭᱟᱱ ᱵᱮᱱᱟᱣ ᱠᱚᱞᱟ ᱨᱮᱱᱟᱜ ᱢᱤᱫ ᱫᱟᱹᱭᱠᱟᱹ
ᱯᱩᱱᱥᱳᱜᱽᱞᱤᱱ ᱢᱚᱴᱷᱚ, ᱥᱤᱱᱳ-ᱛᱤᱵᱵᱚᱛᱤ-ᱚᱨᱥᱚᱝ ᱢᱚᱝᱜᱚᱞᱤᱭᱟᱱ ᱵᱮᱱᱟᱣ ᱠᱚᱞᱟ ᱨᱮᱱᱟᱜ ᱫᱟᱹᱭᱠᱟᱹ
ᱫᱩᱞᱢᱟᱞᱤᱱ ᱱᱚᱱᱱᱚᱨᱤ, ᱩᱞᱟᱱᱵᱟᱴᱚᱨ ᱨᱮ ᱢᱤᱫ ᱱᱚᱱᱱᱚᱨᱤ (ᱛᱤᱨᱞᱟᱹ ᱢᱚᱴᱷᱚ), ᱟᱨ ᱥᱤᱱᱳ-ᱛᱤᱵᱵᱚᱛᱤ ᱵᱮᱱᱟᱣ ᱠᱚᱞᱟ ᱨᱮᱱᱟᱜ ᱟᱨ ᱢᱤᱫ ᱫᱟᱹᱭᱠᱟᱹ
ᱩᱞᱟᱱᱵᱟᱴᱚᱨ ᱨᱮ ᱫᱟᱢᱵᱟᱫᱚᱨᱡᱟᱞᱤᱱ ᱢᱚᱴᱷᱚ ᱨᱮᱱᱟᱜ ᱥᱛᱩᱯ
ᱛᱩᱵᱽᱫᱮᱱᱯᱮᱞᱡᱤᱞᱤᱱ ᱢᱚᱴᱷᱚ, ᱩᱞᱟᱱᱵᱟᱴᱚᱨ ᱨᱮ ᱢᱚᱝᱜᱚᱞᱤᱭᱟᱱ ᱵᱩᱫᱫᱷᱚ ᱡᱚᱛᱤᱥ ᱨᱮᱱᱟᱜ ᱢᱤᱫ ᱱᱟᱦᱟᱜ ᱢᱚᱴᱷᱚ
ᱥᱟᱫᱩᱵᱽᱞᱤᱱ ᱢᱚᱱᱫᱤᱨ, ᱢᱚᱦᱟᱭᱟᱱ ᱟᱹᱨᱤᱪᱟᱹᱞᱤ ᱨᱩᱠᱷᱤᱭᱟᱹ ᱞᱟᱹᱜᱤᱫ ᱯᱷᱟᱣᱩᱱᱰᱮᱥᱚᱱ ᱨᱮᱱᱟᱜ ᱢᱤᱫ ᱱᱟᱦᱟᱜ ᱢᱚᱱᱫᱤᱨ

ᱢᱚᱝᱜᱚᱞᱤᱭᱟᱱ ᱥᱟᱢᱟᱱᱤᱡᱚᱢ

ᱢᱚᱝᱜᱚᱞᱤᱭᱟᱱ ᱥᱟᱢᱟᱱᱤᱡᱚᱢ, ᱡᱟᱦᱟᱸ ᱫᱚ ᱢᱚᱝᱜᱚᱞᱤᱭᱟᱱ ᱦᱚᱲ ᱫᱷᱚᱨᱚᱢ ᱵᱟᱝᱠᱷᱟᱱ ᱛᱮᱝᱜᱨᱤᱡᱚᱢ ᱦᱚᱸᱠᱚ ᱢᱮᱛᱟᱜᱼᱟ, ᱱᱚᱶᱟ ᱫᱚ ᱡᱤᱣᱤᱵᱟᱫᱽ ᱟᱨ ᱥᱟᱢᱟᱱᱤᱠ ᱡᱟᱹᱛᱤᱭᱟᱹᱨᱤ ᱫᱷᱚᱨᱚᱢ ᱠᱟᱱᱟ, ᱡᱟᱦᱟᱸ ᱫᱚ ᱢᱚᱝᱜᱚᱞ ᱠᱚ ᱠᱚᱢ ᱠᱷᱚᱱ ᱠᱚᱢ ᱨᱮᱠᱚᱨᱰ ᱟᱠᱟᱱ ᱱᱟᱜᱟᱢ ᱚᱠᱛᱚ ᱠᱷᱚᱱ ᱠᱚ ᱢᱟᱱᱟᱣ ᱟᱹᱜᱩᱭᱮᱫᱼᱟ ᱾ ᱱᱚᱶᱟ ᱨᱮᱱᱟᱜ ᱢᱚᱝᱜᱚᱞᱤᱭᱟᱱ ᱧᱩᱛᱩᱢ ᱫᱚ Böö mörgöl (Бөө мөргөл) ᱠᱟᱱᱟ ᱾ ᱮᱛᱚᱦᱚᱵ ᱥᱮᱫ ᱫᱚ ᱱᱚᱶᱟ ᱥᱟᱶᱛᱟ ᱡᱤᱭᱚᱱ ᱨᱮᱱᱟᱜ ᱮᱴᱟᱜ ᱡᱚᱛᱚ ᱦᱟᱹᱴᱤᱧ ᱟᱨ ᱢᱚᱝᱜᱚᱞᱤᱭᱟᱱ ᱥᱟᱶᱛᱟ ᱨᱮᱱᱟᱜ ᱟᱹᱫᱤᱵᱟᱹᱥᱤ ᱜᱟᱶᱛᱟ ᱥᱟᱶ ᱡᱚᱲᱟᱣ ᱛᱟᱦᱮᱸ ᱠᱟᱱᱟ ᱾ ᱡᱚᱠᱷᱚᱱ ᱢᱚᱝᱜᱚᱞ ᱠᱚ ᱵᱩᱫᱫᱷᱚ ᱫᱷᱚᱨᱚᱢ ᱠᱚ ᱟᱯᱱᱟᱨ ᱠᱮᱫᱼᱟ, ᱢᱚᱝᱜᱚᱞᱤᱭᱟᱱ ᱥᱟᱢᱟᱱᱤᱡᱚᱢ ᱫᱚ ᱱᱟᱣᱟ ᱫᱷᱚᱨᱚᱢ ᱥᱟᱶ ᱢᱮᱥᱟ ᱭᱮᱱᱟ ᱾ ᱒᱐ ᱟᱱᱟᱜ ᱥᱟᱭ ᱥᱮᱨᱢᱟ ᱨᱮᱱᱟᱜ ᱠᱚᱢᱭᱩᱱᱤᱥᱴ ᱨᱤᱯᱚᱵᱽᱞᱤᱠ ᱚᱠᱛᱚ ᱨᱮ ᱱᱚᱶᱟ ᱫᱚ ᱟᱹᱰᱤ ᱡᱩᱨ ᱠᱚ ᱫᱚᱵᱟᱣ ᱞᱮᱫᱼᱟ, ᱢᱮᱱᱠᱷᱟᱱ ᱠᱚᱢᱭᱩᱱᱤᱡᱚᱢ ᱨᱟᱹᱯᱩᱫ ᱮᱱ ᱛᱟᱭᱚᱢ ᱱᱚᱶᱟ ᱫᱚᱦᱲᱟ ᱛᱮ ᱡᱤᱣᱤᱫ ᱨᱩᱣᱟᱹᱲ ᱮᱱᱟ ᱾ ᱒᱐᱒᱐ ᱨᱮᱱᱟᱜ ᱦᱚᱲ ᱞᱮᱠᱷᱟ ᱞᱮᱠᱟᱛᱮ, ᱢᱚᱝᱜᱚᱞᱤᱭᱟ ᱨᱮ ᱒.᱕% ᱦᱚᱲ ᱮᱞ, ᱡᱟᱦᱟᱸ ᱫᱚ ᱘᱒,᱔᱒᱒ ᱦᱚᱲ, ᱟᱠᱚ ᱫᱚ ᱥᱟᱢᱟᱱ (shamans) ᱢᱮᱱᱛᱮ ᱠᱚ ᱞᱟᱹᱭ ᱟᱠᱟᱱᱟ ᱾^[᱑]

ᱢᱚᱝᱜᱚᱞᱤᱭᱟᱱ ᱥᱟᱢᱟᱱᱤᱡᱚᱢ ᱫᱚ ᱛᱮᱝᱜᱨᱤ (ᱵᱚᱝᱜᱟ ᱠᱚ) ᱟᱨ ᱡᱚᱛᱚ ᱠᱷᱚᱱ ᱪᱮᱛᱟᱱ ᱛᱮᱝᱜᱮᱨ ("ᱥᱚᱨᱚᱜᱽ", "ᱥᱚᱨᱚᱜᱽ ᱨᱤᱱᱤᱡ ᱵᱚᱝᱜᱟ", ᱵᱟᱝᱠᱷᱟᱱ "ᱵᱚᱝᱜᱟ"), ᱡᱟᱦᱟᱸᱭ ᱫᱚ ᱠᱳᱨᱢᱩᱥᱛᱟ ᱛᱮᱝᱜᱨᱤ ᱦᱚᱸᱠᱚ ᱢᱮᱛᱟᱭᱟ, ᱩᱱᱠᱩᱣᱟᱜ ᱥᱮᱵᱟ ᱨᱮ ᱴᱮᱦᱟᱸᱰ ᱟᱠᱟᱱᱟ ᱾ ᱢᱚᱝᱜᱚᱞᱤᱭᱟᱱ ᱦᱚᱲ ᱫᱷᱚᱨᱚᱢ ᱨᱮ, ᱡᱮᱝᱜᱤᱥ ᱠᱷᱟᱱ ᱫᱚ ᱢᱟᱨᱟᱝ ᱵᱚᱝᱜᱟ ᱭᱤᱡ ᱢᱩᱲᱩᱛ ᱨᱩᱯ ᱵᱟᱝ ᱨᱮᱦᱚᱸ, ᱢᱤᱫ ᱨᱩᱯ ᱢᱮᱱᱛᱮ ᱠᱚ ᱢᱟᱱᱟᱣᱮᱭᱟ ᱾ ᱵᱷᱤᱛᱨᱤ ᱢᱚᱝᱜᱚᱞᱤᱭᱟ ᱨᱮᱱᱟᱜ ᱚᱨᱰᱚᱥ ᱥᱚᱦᱚᱨ ᱨᱮ ᱢᱮᱱᱟᱜ ᱡᱮᱝᱜᱤᱥ ᱠᱷᱟᱱ ᱟᱜ ᱢᱚᱥᱚᱞᱤᱭᱚᱢ ᱫᱚ ᱱᱚᱶᱟ ᱟᱹᱨᱤᱪᱟᱹᱞᱤ ᱨᱮᱱᱟᱜ ᱢᱤᱫ ᱢᱩᱲᱩᱛ ᱛᱟᱞᱢᱟ ᱠᱟᱱᱟ ᱾

ᱥᱟᱥᱟᱝ ᱥᱟᱢᱟᱱᱤᱡᱚᱢ ᱫᱚ ᱢᱚᱝᱜᱚᱞᱤᱭᱟᱱ ᱥᱟᱢᱟᱱᱤᱡᱚᱢ ᱨᱮᱱᱟᱜ ᱢᱤᱫ ᱵᱷᱮᱜᱟᱨ ᱨᱩᱯ ᱞᱟᱹᱜᱤᱫ ᱵᱮᱵᱷᱟᱨᱚᱜ ᱠᱟᱱᱟ ᱡᱟᱦᱟᱸ ᱫᱚ ᱵᱩᱫᱫᱷᱚ ᱫᱷᱚᱨᱚᱢ ᱨᱮᱱᱟᱜ ᱦᱚᱨᱟᱭ ᱟᱯᱱᱟᱨ ᱟᱠᱟᱫᱼᱟ ᱾ ᱢᱚᱝᱜᱚᱞᱤᱭᱟᱱ ᱟᱹᱨᱤᱪᱟᱹᱞᱤ ᱨᱮ "ᱥᱟᱥᱟᱝ" ᱫᱚ ᱵᱩᱫᱫᱷᱚ ᱫᱷᱚᱨᱚᱢ ᱮ ᱵᱩᱡᱷᱟᱹᱣ ᱦᱚᱪᱚᱭᱟ, ᱪᱮᱫᱟᱜ ᱥᱮ ᱚᱸᱰᱮᱱ ᱠᱚ ᱵᱟᱹᱲᱛᱤ ᱵᱩᱫᱫᱷᱚ ᱫᱷᱚᱨᱚᱢ ᱦᱚᱲ ᱛᱤᱵᱵᱚᱛᱤ ᱵᱩᱫᱫᱷᱚ ᱫᱷᱚᱨᱚᱢ ᱨᱮᱱᱟᱜ ᱜᱮᱞᱩᱜᱽ ᱵᱟᱝᱠᱷᱟᱱ "ᱥᱟᱥᱟᱝ ᱜᱩᱴ" ᱨᱤᱱ ᱠᱟᱱᱟ ᱠᱚ, ᱡᱟᱦᱟᱸᱭ ᱫᱚ ᱯᱩᱡᱟᱹ ᱚᱠᱛᱚ ᱨᱮ ᱥᱟᱥᱟᱝ ᱴᱩᱯᱨᱤ ᱠᱚ ᱦᱚᱨᱚᱜᱟ ᱾ ᱱᱚᱶᱟ ᱟᱹᱲᱟᱹ ᱫᱚ ᱵᱩᱫᱫᱷᱚ ᱫᱷᱚᱨᱚᱢ ᱛᱮ ᱵᱟᱝ ᱚᱨᱥᱚᱝ ᱟᱠᱟᱱ ᱥᱟᱢᱟᱱᱤᱡᱚᱢ ᱠᱷᱚᱱ ᱵᱷᱮᱜᱟᱨ ᱞᱟᱹᱜᱤᱫ ᱦᱚᱸ ᱵᱮᱵᱷᱟᱨᱚᱜᱼᱟ, ᱡᱟᱦᱟᱸ ᱫᱚ ᱦᱮᱸᱫᱮ ᱥᱟᱢᱟᱱᱤᱡᱚᱢ ᱠᱚ ᱢᱮᱛᱟᱜᱼᱟ ᱾

ᱩᱞᱟᱱᱵᱟᱴᱚᱨ ᱨᱮ ᱭᱩᱨᱴ-ᱞᱮᱠᱟᱱ ᱥᱟᱢᱟᱱᱤᱠ ᱢᱚᱱᱫᱤᱨ
ᱩᱞᱟᱱᱵᱟᱴᱚᱨ ᱨᱮ ᱢᱤᱫ ᱥᱟᱢᱟᱱᱤᱠ ᱢᱚᱱᱫᱤᱨ ᱨᱮᱱᱟᱜ ᱵᱷᱤᱛᱨᱤ
ᱠᱷᱳᱵᱽᱥᱜᱳᱞ ᱯᱨᱚᱵᱷᱤᱱᱥ ᱨᱮᱱᱟᱜ ᱠᱷᱳᱵᱽᱥᱜᱳᱞ ᱯᱩᱠᱷᱨᱤ ᱨᱮ ᱵᱞᱩ ᱯᱚᱨᱞ ᱯᱚᱨᱚᱵᱽ ᱨᱮ ᱯᱩᱡᱟᱹ ᱞᱟᱹᱜᱤᱫ ᱥᱟᱯᱲᱟᱣᱜ ᱠᱟᱱ ᱥᱟᱢᱟᱱ ᱠᱚ
ᱠᱷᱳᱵᱽᱥᱜᱳᱞ ᱯᱩᱠᱷᱨᱤ ᱨᱮ ᱥᱮᱸᱜᱮᱞ ᱯᱩᱡᱟᱹ ᱮᱫ ᱥᱟᱢᱟᱱ
ᱩᱞᱟᱱᱵᱟᱴᱚᱨ ᱨᱮ ᱫᱟᱢᱵᱟᱫᱚᱨᱡᱟᱞᱤᱱ ᱢᱚᱴᱷᱚ ᱪᱮᱛᱟᱱ ᱯᱚᱵᱤᱛᱨᱚ ᱵᱩᱨᱩ ᱨᱮ ᱢᱤᱫ ᱳᱵᱷᱳ (ovoo)
ᱩᱞᱟᱱᱵᱟᱴᱚᱨ ᱥᱩᱨ, ᱪᱤᱝᱜᱮᱞᱛᱮᱭ ᱩᱞ ᱨᱮ ᱥᱟᱢᱟᱱᱤᱠ ᱢᱚᱱᱫᱤᱨ
ᱜᱳᱵᱤ-ᱟᱞᱴᱟᱭ ᱯᱨᱚᱵᱷᱤᱱᱥ ᱨᱮ, ᱫᱳᱨᱜᱳᱱ ᱯᱩᱠᱷᱨᱤ ᱨᱮᱱᱟᱜ ᱮᱛᱚᱢ ᱟᱲᱮ ᱨᱮ ᱡᱟᱧᱡᱤᱱ ᱳᱵᱷᱳ

ᱟᱵᱽᱨᱟᱦᱟᱢᱤᱠ ᱫᱷᱚᱨᱚᱢ ᱠᱚ

ᱤᱥᱞᱟᱢ

ᱢᱚᱝᱜᱚᱞᱤᱭᱟ ᱨᱮ ᱤᱥᱞᱟᱢ ᱫᱚ ᱒᱐᱒᱐ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱑᱐᱕,᱕᱐᱐ ᱦᱚᱲᱟᱜ ᱫᱷᱚᱨᱚᱢ ᱠᱟᱱᱟ, ᱡᱟᱦᱟᱸ ᱫᱚ ᱦᱚᱲ ᱮᱞ ᱨᱮᱱᱟᱜ ᱓.᱒% ᱦᱩᱭᱩᱜ ᱠᱟᱱᱟ ᱾^[᱑] ᱱᱚᱶᱟ ᱫᱚ ᱵᱟᱹᱲᱛᱤ ᱠᱟᱛᱮ ᱯᱟᱪᱮ ᱢᱚᱝᱜᱚᱞᱤᱭᱟ ᱨᱮᱱᱟᱜ ᱵᱟᱭᱟᱱ-ᱳᱞᱜᱤ ᱯᱨᱚᱵᱷᱤᱱᱥ ᱟᱨ ᱠᱷᱳᱵᱽᱫᱽ ᱯᱨᱚᱵᱷᱤᱱᱥ ᱨᱮ ᱛᱟᱦᱮᱸᱱ ᱠᱟᱱ ᱠᱟᱡᱟᱠᱷ ᱟᱹᱫᱤᱵᱟᱹᱥᱤ ᱠᱚᱣᱟᱜ ᱫᱷᱚᱨᱚᱢ ᱠᱟᱱᱟ ᱾ ᱢᱮᱱᱠᱷᱟᱱ, ᱠᱟᱡᱟᱠᱷ ᱜᱩᱴ ᱠᱚᱫᱚ ᱥᱟᱱᱟᱢ ᱢᱚᱝᱜᱚᱞᱤᱭᱟ ᱨᱮᱱᱟᱜ ᱥᱚᱦᱚᱨ ᱟᱨ ᱵᱟᱡᱟᱨ ᱠᱚᱨᱮ ᱠᱚ ᱧᱟᱢᱚᱜ ᱜᱮᱭᱟ ᱾

ᱳᱞᱜᱤ, ᱵᱟᱭᱟᱱ-ᱳᱞᱜᱤ ᱨᱮ ᱢᱚᱥᱡᱤᱫᱽ
ᱱᱟᱞᱟᱭᱠᱷ, ᱩᱞᱟᱱᱵᱟᱴᱚᱨ ᱨᱮ ᱢᱚᱥᱡᱤᱫᱽ
ᱠᱷᱳᱝᱜᱳᱨ, ᱫᱟᱨᱠᱷᱟᱱ-ᱩᱞ ᱨᱮ ᱢᱚᱥᱡᱤᱫᱽ
ᱱᱟᱞᱟᱭᱠᱷ, ᱩᱞᱟᱱᱵᱟᱴᱚᱨ ᱨᱮ ᱢᱚᱠᱠᱟ ᱢᱚᱥᱡᱤᱫᱽ
ᱥᱳᱝᱜᱤᱱᱳ ᱠᱷᱟᱭᱨᱠᱷᱟᱱ, ᱩᱞᱟᱱᱵᱟᱴᱚᱨ ᱨᱮ ᱴᱳᱞᱜᱳᱭᱮᱴ ᱢᱚᱥᱡᱤᱫᱽ
ᱫᱟᱨᱠᱷᱟᱱ, ᱫᱟᱨᱠᱷᱟᱱ-ᱩᱞ ᱨᱮ ᱞᱟᱠᱪᱟᱨ ᱛᱟᱞᱢᱟ ᱟᱨ ᱢᱚᱥᱡᱤᱫᱽ (᱒᱐᱒᱕)

ᱠᱷᱨᱤᱥᱴᱟᱱ ᱫᱷᱚᱨᱚᱢ

᱒᱐᱒᱐ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱢᱚᱝᱜᱚᱞᱤᱭᱟ ᱨᱮ ᱠᱷᱨᱤᱥᱴᱟᱱ ᱫᱷᱚᱨᱚᱢ ᱫᱚ ᱔᱒,᱘᱕᱙ ᱦᱚᱲᱟᱜ ᱫᱷᱚᱨᱚᱢ ᱠᱟᱱᱟ, ᱡᱟᱦᱟᱸ ᱫᱚ ᱦᱚᱲ ᱮᱞ ᱨᱮᱱᱟᱜ ᱑.᱓% ᱦᱩᱭᱩᱜ ᱠᱟᱱᱟ ᱾^[᱑] ᱢᱚᱝᱜᱚᱞᱤᱭᱟ ᱨᱮ ᱠᱷᱨᱤᱥᱴᱟᱱ ᱠᱚ ᱛᱟᱞᱟ ᱨᱮ ᱯᱨᱚᱴᱮᱥᱴᱟᱱᱴ, ᱠᱮᱛᱷᱚᱞᱤᱠ, ᱚᱨᱛᱷᱳᱰᱚᱠᱥ ᱠᱷᱨᱤᱥᱴᱟᱱ, ᱟᱨ ᱫᱤ ᱪᱟᱨᱪ ᱚᱯᱷ ᱡᱤᱥᱚᱥ ᱠᱨᱟᱭᱤᱥᱴ ᱚᱯᱷ ᱞᱮᱴᱚᱨ-ᱰᱮ ᱥᱮᱱᱴᱥ ᱨᱤᱱ ᱢᱳᱨᱢᱳᱱ ᱠᱚ ᱥᱮᱞᱮᱫ ᱢᱮᱱᱟᱜ ᱠᱚᱣᱟ ᱾

ᱡᱩᱱᱢᱳᱫᱽ, ᱛᱳᱵᱽ ᱯᱨᱚᱵᱷᱤᱱᱥ ᱨᱮ ᱯᱨᱚᱴᱮᱥᱴᱟᱱᱴ ᱪᱟᱨᱪ
ᱩᱞᱟᱱᱵᱟᱴᱚᱨ ᱨᱮ ᱥᱮᱱᱴ ᱯᱤᱴᱚᱨ ᱟᱨ ᱯᱳᱞ ᱠᱮᱛᱷᱮᱰᱨᱟᱞ, ᱠᱮᱛᱷᱚᱞᱤᱠ ᱪᱟᱨᱪ ᱨᱮᱱᱟᱜ ᱩᱞᱟᱱᱵᱟᱴᱚᱨ ᱨᱮᱱᱟᱜ ᱟᱯᱚᱥᱴᱚᱞᱤᱠ ᱯᱨᱤᱯᱷᱮᱠᱪᱟᱨ ᱨᱮᱱᱟᱜ ᱛᱟᱞᱢᱟ
ᱥᱩᱠᱷᱵᱟᱛᱟᱨ, ᱥᱮᱞᱮᱝᱜᱮ ᱯᱨᱚᱵᱷᱤᱱᱥ ᱨᱮ ᱢᱳᱨᱢᱳᱱ ᱢᱤᱴᱤᱝᱦᱟᱣᱩᱥ

ᱡᱤᱣᱤᱥ ᱫᱷᱚᱨᱚᱢ

ᱢᱚᱝᱜᱚᱞᱤᱭᱟ ᱨᱮ ᱟᱹᱰᱤ ᱠᱚᱢ ᱡᱤᱣᱤᱥ ᱦᱚᱲ ᱢᱮᱱᱟᱜ ᱠᱚᱣᱟ, ᱩᱱᱠᱩ ᱫᱚ ᱵᱟᱹᱲᱛᱤ ᱠᱟᱛᱮ ᱨᱟᱥᱤᱭᱟ ᱨᱮ ᱱᱟᱦᱟᱪᱟᱨ ᱠᱷᱟᱹᱛᱤᱨ ᱧᱤᱨ ᱦᱮᱡ ᱟᱠᱟᱱ ᱦᱚᱲ, ᱵᱟᱝᱠᱷᱟᱱ ᱥᱚᱵᱷᱤᱭᱮᱛ ᱥᱟᱥᱚᱱ ᱦᱚᱛᱮᱛᱮ ᱦᱮᱡ ᱞᱟᱹᱜᱤᱫ ᱵᱚᱲᱦᱮ ᱟᱠᱟᱱ ᱞᱤᱛᱷᱩᱣᱟᱱᱤᱭᱟᱱ ᱦᱚᱲ ᱠᱚᱨᱤᱱ ᱵᱚᱝᱥᱚ ᱠᱟᱱᱟ ᱠᱚ ᱾

ᱮᱴᱟᱜ ᱫᱷᱚᱨᱚᱢ ᱠᱚ

᱒᱐᱒᱐ ᱨᱮᱱᱟᱜ ᱦᱚᱲ ᱞᱮᱠᱷᱟ ᱨᱮ ᱒᱓,᱐᱗᱘ ᱦᱚᱲ ᱠᱚ ᱞᱮᱠᱷᱟ ᱞᱮᱱᱟ ᱡᱟᱦᱟᱸᱭ ᱫᱚ ᱵᱩᱫᱫᱷᱚ ᱫᱷᱚᱨᱚᱢ, ᱢᱚᱝᱜᱚᱞᱤᱭᱟᱱ ᱥᱟᱢᱟᱱᱤᱡᱚᱢ, ᱤᱥᱞᱟᱢ ᱵᱟᱝᱠᱷᱟᱱ ᱠᱷᱨᱤᱥᱴᱟᱱ ᱫᱷᱚᱨᱚᱢ ᱪᱷᱟᱰᱟ ᱠᱟᱛᱮ ᱮᱴᱟᱜ ᱫᱷᱚᱨᱚᱢ ᱠᱚ ᱢᱟᱱᱟᱣᱟ, ᱡᱟᱦᱟᱸ ᱫᱚ ᱫᱤᱥᱚᱢ ᱨᱤᱱ ᱜᱩᱴ ᱦᱚᱲ ᱮᱞ ᱨᱮᱱᱟᱜ ᱐.᱗% ᱠᱟᱱᱟ ᱾^[᱑]^[᱓]^[᱒]

ᱵᱟᱦᱟᱭ ᱫᱷᱚᱨᱚᱢ ᱫᱚ ᱢᱚᱝᱜᱚᱞᱤᱭᱟ ᱨᱮ ᱑᱙᱘᱐ ᱟᱨ ᱑᱙᱙᱐ ᱨᱮᱱᱟᱜ ᱜᱮᱞᱟᱝ ᱨᱮ ᱥᱮᱴᱮᱨ ᱞᱮᱱᱟ, ᱪᱮᱫᱟᱜ ᱥᱮ ᱚᱱᱟ ᱢᱟᱬᱟᱝ ᱨᱮ ᱠᱚᱢᱭᱩᱱᱤᱥᱴ ᱩᱭᱦᱟᱹᱨ ᱫᱷᱚᱨᱚᱢ ᱠᱚᱭ ᱫᱚᱵᱟᱣ ᱞᱮᱫᱼᱟ ᱟᱨ ᱱᱟᱣᱟ ᱫᱷᱚᱨᱚᱢ ᱯᱟᱥᱱᱟᱣ ᱨᱮ ᱟᱴᱠᱟᱣ ᱮ ᱮᱢ ᱞᱮᱫᱼᱟ ᱾ ᱯᱩᱭᱞᱩ ᱵᱟᱦᱟᱭ ᱑᱙᱘᱘ ᱨᱮ ᱢᱚᱝᱜᱚᱞᱤᱭᱟ ᱭ ᱦᱮᱡ ᱞᱮᱱᱟ, ᱟᱨ ᱯᱟᱹᱛᱭᱟᱹᱣ ᱦᱚᱲ ᱠᱚᱣᱟᱜ ᱢᱤᱫ ᱜᱩᱴ ᱮ ᱵᱮᱱᱟᱣ ᱠᱮᱫᱼᱟ, ᱛᱟᱭᱚᱢ ᱛᱮ ᱢᱤᱫ ᱵᱟᱦᱟᱭ ᱴᱚᱴᱷᱟᱠᱤᱭᱟᱹ ᱟᱫᱷᱭᱟᱛᱢᱤᱠ ᱥᱚᱵᱷᱟ (Local Spiritual Assembly) ᱭ ᱛᱷᱟᱯᱚᱱ ᱠᱮᱫᱼᱟ ᱾ ᱑᱙᱙᱔ ᱨᱮ, ᱵᱟᱦᱟᱭ ᱠᱚ ᱟᱠᱚᱣᱟᱜ ᱯᱩᱭᱞᱩ ᱡᱟᱹᱛᱤᱭᱟᱹᱨᱤ ᱟᱫᱷᱭᱟᱛᱢᱤᱠ ᱥᱚᱵᱷᱟ ᱠᱚ ᱵᱟᱪᱷᱚᱱ ᱠᱮᱫᱼᱟ ᱾

ᱠᱚᱢᱭᱩᱱᱤᱥᱴ ᱨᱤᱯᱚᱵᱽᱞᱤᱠ ᱨᱟᱹᱯᱩᱫ ᱮᱱ ᱛᱟᱭᱚᱢ, ᱑᱙᱙᱐ ᱨᱮᱱᱟᱜ ᱜᱮᱞᱟᱝ ᱨᱮ ᱦᱤᱱᱫᱩ ᱫᱷᱚᱨᱚᱢ ᱦᱚᱸ ᱢᱚᱝᱜᱚᱞᱤᱭᱟ ᱨᱮ ᱯᱟᱥᱱᱟᱣ ᱮᱱᱟ ᱾ ᱤᱱᱴᱚᱨᱱᱮᱥᱱᱟᱞ ᱥᱚᱥᱟᱭᱴᱤ ᱯᱷᱚᱨ ᱠᱨᱤᱥᱱᱚ ᱠᱚᱱᱥᱤᱭᱚᱥᱱᱮᱥ (ᱦᱚᱨᱮ ᱠᱨᱤᱥᱱᱚ) ᱟᱨ ᱯᱚᱛᱚᱧᱡᱚᱞᱤ ᱭᱳᱜᱽᱯᱤᱴᱷ ᱢᱚᱝᱜᱚᱞᱤᱭᱟ ᱨᱮ ᱟᱠᱚᱣᱟᱜ ᱴᱷᱟᱶ ᱠᱚ ᱵᱮᱱᱟᱣ ᱟᱠᱟᱫᱼᱟ; ᱚᱱᱟ ᱥᱟᱶᱛᱮ ᱠᱤᱪᱷᱩ ᱢᱚᱝᱜᱚᱞᱤᱭᱟᱱ ᱵᱩᱫᱫᱷᱚ ᱫᱷᱚᱨᱚᱢ ᱦᱚᱲ ᱫᱚ ᱦᱤᱱᱫᱩ ᱩᱭᱦᱟᱹᱨ ᱟᱨ ᱦᱚᱨᱟ ᱠᱚ ᱟᱠᱚᱣᱟᱜ ᱵᱩᱫᱫᱷᱚ ᱫᱷᱚᱨᱚᱢ ᱨᱮᱠᱚ ᱥᱮᱞᱮᱫ ᱟᱠᱟᱫᱼᱟ ᱾^[᱖]

1 2 3 4 5 6 7 8 9 "2020 Population and Housing Census" (PDF). National Statistics Office of Mongolia. Archived from the original (PDF) on 7 ᱱᱚᱵᱷᱮᱢᱵᱚᱨ 2020.
1 2 Mongolia, 2020 Census (8 ᱡᱩᱞᱟᱭ 2020). "2020 population and housing census of Mongolia /summary/". www.1212.mn. National Statics Office of Mongolia. Archived from the original on 30 ᱢᱮ 2024. Retrieved 15 ᱢᱟᱨᱪ 2025.
1 2 "Mongolia". United States Department of State (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 15 ᱢᱟᱨᱪ 2025.
↑ "2010 Population and Housing Census". National Statistics Office of Mongolia.
↑ Thomas, Natalie (4 ᱡᱩᱱ 2018). "Young monks lead revival of Buddhism in Mongolia after years of repression". Reuters. Retrieved 6 ᱡᱩᱞᱟᱭ 2023.
1 2 Abrahms-Kavunenko 2012, p. 292.

[2020census-1] 1 2 3 4 5 6 7 8 9 "2020 Population and Housing Census" (PDF). National Statistics Office of Mongolia. Archived from the original (PDF) on 7 ᱱᱚᱵᱷᱮᱢᱵᱚᱨ 2020.

[2020_Mongolia_census-2] 1 2 Mongolia, 2020 Census (8 ᱡᱩᱞᱟᱭ 2020). "2020 population and housing census of Mongolia /summary/". www.1212.mn. National Statics Office of Mongolia. Archived from the original on 30 ᱢᱮ 2024. Retrieved 15 ᱢᱟᱨᱪ 2025.

[2022_US_report-3] 1 2 "Mongolia". United States Department of State (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 15 ᱢᱟᱨᱪ 2025.

[4] "2010 Population and Housing Census". National Statistics Office of Mongolia.

[reuters-5] Thomas, Natalie (4 ᱡᱩᱱ 2018). "Young monks lead revival of Buddhism in Mongolia after years of repression". Reuters. Retrieved 6 ᱡᱩᱞᱟᱭ 2023.

[FOOTNOTEAbrahms-Kavunenko2012292-6] 1 2 Abrahms-Kavunenko 2012, p. 292.

[᱑]

[᱒]

[᱓]

[᱔]

[᱕]

[᱖]