ᱢᱚᱦᱚᱢᱢᱚᱫᱽ ᱯᱷᱚᱡᱚᱞ

ᱢᱚᱦᱚᱢᱢᱚᱫᱽ ᱯᱷᱚᱡᱚᱞ
ᱢᱚᱦᱟᱨᱟᱥᱴᱨᱚ ᱨᱤᱱᱤᱡ ᱯᱚᱱᱚᱛ ᱜᱚᱢᱠᱮ
ᱟᱹᱢᱟᱹᱞᱤ ᱨᱮ ᱑᱐ ᱚᱠᱴᱚᱵᱚᱨ ᱒᱐᱐᱒ – ᱕ ᱰᱤᱥᱮᱢᱵᱚᱨ ᱒᱐᱐᱔
ᱥᱤᱨᱟᱹ ᱢᱚᱱᱛᱨᱤ	ᱵᱷᱤᱞᱟᱥᱨᱟᱣ ᱫᱮᱥᱢᱩᱠᱷ ᱥᱩᱱᱤᱞ ᱠᱩᱢᱟᱨ ᱥᱤᱱᱫᱮ ᱵᱷᱤᱞᱟᱥᱨᱟᱣ ᱫᱮᱥᱢᱩᱠᱷ
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	ᱯᱤ. ᱥᱤ. ᱟᱞᱮᱠᱡᱮᱱᱰᱟᱨ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ	ᱥᱤᱮᱢ ᱠᱨᱤᱥᱱᱟ

ᱢᱚᱦᱚᱢᱢᱚᱫᱽ ᱯᱷᱚᱡᱚᱞ (᱒ ᱡᱩᱞᱟᱭ ᱑᱙᱒᱒ - ᱔ ᱥᱮᱯᱴᱮᱢᱵᱚᱨ ᱒᱐᱑᱔) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱨᱤᱭᱟᱹ ᱛᱟᱦᱮᱸ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱑᱐ ᱚᱠᱴᱚᱵᱚᱨ ᱒᱐᱐᱒ ᱠᱷᱚᱱ ᱕ ᱱᱚᱵᱷᱮᱢᱵᱚᱨ ᱒᱐᱐᱔ ᱫᱷᱟᱹᱨᱤᱡ ᱢᱚᱦᱟᱨᱟᱥᱴᱨᱚ ᱨᱤᱱᱤᱡ ᱨᱟᱡᱽᱯᱟᱞ ᱮ ᱛᱟᱦᱮᱸ ᱠᱟᱱᱟᱭ ᱾ ᱢᱤᱫ ᱧᱩᱛᱩᱢᱟᱱ ᱡᱟᱢᱤᱱᱫᱟᱨᱤ (ᱡᱟᱹᱛᱤ ᱜᱷᱟᱨᱚᱸᱡᱽ) ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ, ᱩᱱᱤ ᱫᱚ ᱟᱞᱞᱟᱦᱟᱵᱟᱫᱽ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱟᱨ ᱛᱟᱭᱚᱢ ᱛᱮ ᱞᱚᱱᱰᱚᱱ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱞᱚᱱᱰᱚᱱ ᱥᱠᱩᱞ ᱚᱯᱷ ᱮᱠᱚᱱᱚᱢᱤᱠᱥ ᱨᱮ ᱯᱟᱲᱦᱟᱣ ᱞᱮᱱᱟᱭ ᱾ ᱑᱙᱗᱗ ᱨᱮ ᱩᱱᱤ ᱫᱚ ᱥᱤᱧᱚᱛ ᱥᱚᱨᱠᱟᱨ ᱨᱮ ᱤᱱᱰᱚᱥᱴᱨᱤᱭᱟᱞ ᱰᱮᱵᱽᱞᱚᱯᱢᱮᱱᱴ ᱥᱮᱠᱨᱮᱴᱟᱨᱤ ᱞᱮᱠᱟᱛᱮᱭ ᱵᱟᱪᱷᱚᱱ ᱞᱮᱱᱟ ᱾ ᱩᱱᱤ ᱫᱚ ᱮᱯᱨᱤᱞ ᱑᱙᱘᱐ ᱠᱷᱚᱱ ᱡᱟᱱᱩᱣᱟᱨᱤ ᱑᱙᱘᱕ ᱫᱷᱟᱹᱨᱤᱡ ᱯᱞᱟᱱᱤᱝ ᱠᱚᱢᱤᱥᱚᱱ ᱨᱤᱱᱤᱡ ᱡᱚᱛᱚ ᱠᱷᱚᱱ ᱥᱤᱱᱤᱭᱚᱨ ᱢᱮᱢᱵᱟᱨ ᱮ ᱛᱟᱦᱮᱸ ᱠᱟᱱᱟᱭ ᱾ ᱛᱟᱭᱚᱢ ᱩᱱᱤ ᱫᱚ ᱦᱤᱭᱩᱡᱽ ᱮᱸᱰ ᱦᱤᱭᱩᱡᱽ ᱠᱮᱢ ᱞᱤᱢᱤᱴᱮᱰ ᱨᱮᱱᱟᱜ ᱯᱟᱨᱥᱮᱛ ᱮ ᱛᱟᱦᱮᱸ ᱠᱟᱱᱟᱭ ᱾ ᱑᱙᱙᱙ ᱥᱟᱞᱮ ᱨᱮ, ᱩᱱᱤ ᱫᱚ ᱜᱳᱣᱟ ᱨᱤᱱᱤᱡ ᱨᱟᱡᱽᱭᱚᱯᱟᱲ ᱞᱮᱠᱟᱛᱮᱭ ᱵᱟᱪᱷᱚᱱ ᱞᱮᱱᱟ ᱾ ᱩᱱᱤ ᱫᱚ ᱢᱚᱦᱟᱨᱟᱥᱴᱨᱚ ᱨᱤᱱᱤᱡ ᱨᱟᱡᱽᱭᱚᱯᱟᱲ ᱞᱮᱠᱟᱛᱮ ᱵᱟᱪᱷᱚᱱ ᱞᱮᱱᱟ ᱾ ᱩᱱᱤ ᱫᱚ ᱢᱚᱦᱟᱨᱟᱥᱴᱨᱚ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱥᱩᱥᱤᱞᱠᱩᱢᱟᱨ ᱥᱤᱱᱫᱮ ᱴᱷᱮᱱ ᱯᱚᱥᱛᱟ ᱠᱚ ᱠᱟᱹᱱᱩᱱ ᱞᱟᱹᱜᱤᱫ ᱥᱚᱞᱦᱟ ᱮᱢ ᱠᱮᱫᱟ, ᱚᱱᱟ ᱛᱮ ᱵᱤᱵᱟᱹᱫᱽ ᱥᱤᱨᱡᱟᱹᱣ ᱮᱱᱟ ᱾

ᱩᱱᱤ ᱭᱤᱡ ᱜᱚᱲᱚᱢ ᱦᱚᱯᱚᱱ ᱟᱞᱤ ᱯᱷᱚᱡᱚᱞ ᱫᱚ ᱢᱤᱫ ᱮᱠᱴᱚᱨ ᱠᱟᱱᱟᱭ ᱚᱠᱚᱭ ᱫᱚ ᱓ ᱤᱰᱤᱭᱚᱴᱥ ᱟᱨ ᱵᱷᱤᱠᱴᱚᱨᱤᱭᱟ ᱟᱨ ᱟᱵᱽᱫᱩᱞ ᱞᱮᱠᱟᱱ ᱪᱚᱞᱚᱱ ᱪᱤᱛᱟᱹᱨ ᱨᱮ ᱯᱟᱴ ᱮᱢ ᱟᱠᱟᱫᱟᱭ ᱾

ᱯᱷᱚᱡᱚᱞ ᱔ ᱥᱮᱯᱴᱮᱢᱵᱚᱨ ᱒᱐᱑᱔ ᱦᱤᱞᱚᱜ ᱙᱒ ᱥᱮᱨᱢᱟ ᱩᱢᱮᱨ ᱨᱮ ᱮᱞᱟᱦᱟᱵᱟᱫᱽ ᱨᱮᱱᱟᱜ ᱟᱠᱵᱚᱨᱯᱩᱨ ᱨᱮ ᱟᱡᱟᱜ ᱚᱲᱟᱜ ᱨᱮ ᱜᱚᱡ ᱮᱱᱟᱭ ᱾ ᱩᱱᱤ ᱫᱚ ᱞᱚ ᱵᱞᱚᱰ ᱯᱨᱮᱥᱟᱨ, ᱠᱚᱲᱟᱢ ᱨᱮ ᱴᱟᱭᱤᱴᱱᱮᱥ ᱟᱨ ᱠᱷᱟᱴᱚ ᱚᱠᱛᱚ ᱫᱤᱥᱟᱹ ᱦᱟᱹᱱ ᱨᱮᱱᱟᱜ ᱮ ᱥᱟᱝᱜᱷᱟᱨ ᱞᱮᱱᱟ ᱾

ᱵᱟᱦᱨᱮ ᱡᱚᱱᱚᱲ

• "Green signal to red light" - article in Bombay Times about the governor's views
• Biodata at website of Raj Bhavan