ᱢᱚᱦᱟᱱᱟ ᱥᱤᱝ ᱡᱤᱛᱟᱨᱣᱟᱞ
ᱥᱠᱣᱟᱰᱨᱚᱱ ᱞᱤᱰᱟᱨ ᱢᱚᱦᱟᱱᱟ ᱥᱤᱝ ᱡᱤᱛᱟᱨᱣᱟᱞ (ᱡᱟᱱᱟᱢ: ᱒᱒ ᱡᱟᱱᱩᱣᱟᱨᱤ ᱑᱙᱙᱒) ᱫᱚ ᱥᱤᱧᱚᱛ ᱨᱮᱱ ᱯᱩᱭᱞᱩ ᱛᱤᱨᱞᱟᱹ ᱞᱟᱹᱲᱦᱟᱹᱭ ᱩᱰᱟᱹᱱ ᱪᱟᱹᱞᱩᱭᱟᱹ ᱠᱚ ᱢᱩᱫᱽ ᱨᱮ ᱢᱤᱫ ᱦᱚᱲ ᱠᱟᱱᱟᱭ᱾ ᱩᱱᱤ ᱫᱚ ᱟᱡᱤᱡ ᱵᱷᱟᱜᱤᱱᱟ ᱵᱷᱟᱣᱟᱱᱟ ᱠᱟᱱᱛᱷ ᱟᱨ ᱟᱵᱟᱱᱤ ᱪᱟᱛᱩᱨᱵᱮᱫᱤ ᱥᱟᱶ ᱥᱤᱧᱚᱛ ᱨᱮᱱ ᱯᱩᱭᱞᱩ ᱛᱤᱨᱞᱟᱹ ᱞᱟᱹᱲᱦᱟᱹᱭ ᱩᱰᱟᱹᱱ ᱪᱟᱹᱞᱩᱭᱟᱹ ᱞᱮᱠᱟᱛᱮ ᱠᱚ ᱞᱟᱹᱭ ᱥᱚᱫᱚᱨ ᱞᱮᱫᱮᱭᱟ᱾ ᱱᱩᱠᱩ ᱯᱮᱭᱟ ᱛᱤᱨᱞᱟᱹ ᱩᱰᱟᱹᱱ ᱪᱟᱹᱞᱩᱭᱟᱹ ᱜᱮ ᱡᱩᱱ ᱒᱐᱑᱖ ᱨᱮ ᱥᱤᱧᱚᱛᱤᱭᱟᱹ ᱩᱰᱟᱹᱱ ᱯᱷᱟᱹᱫᱽ ᱞᱟᱹᱲᱦᱟᱹᱭ ᱥᱠᱣᱟᱰᱨᱚᱱ ᱨᱮ ᱠᱚ ᱥᱮᱞᱮᱫ ᱞᱮᱫ ᱠᱚᱣᱟ᱾ ᱩᱱᱠᱩ ᱫᱚ ᱟᱹᱢᱟᱹᱞᱮᱛ ᱞᱮᱠᱟᱛᱮ ᱫᱩᱜ ᱫᱟᱨᱟᱢ ᱢᱚᱱᱛᱨᱤ ᱢᱚᱱᱳᱦᱚᱨ ᱯᱟᱨᱨᱤᱠᱟᱨ ᱠᱚ ᱵᱟᱦᱟᱞ ᱞᱮᱫ ᱠᱚᱣᱟ᱾ ᱥᱤᱧᱚᱛ ᱥᱚᱨᱠᱟᱨ ᱮᱠᱥᱯᱮᱨᱤᱢᱮᱱᱴᱟᱞ ᱵᱷᱤᱛᱤ ᱨᱮ ᱥᱤᱧᱚᱛ ᱩᱰᱟᱹᱱ ᱯᱷᱟᱹᱫᱽ ᱨᱮ ᱛᱤᱨᱞᱟᱹ ᱠᱚ ᱞᱟᱹᱜᱤᱫ ᱞᱟᱹᱲᱦᱟᱹᱭ ᱥᱴᱨᱤᱢ ᱮ ᱡᱷᱤᱡ ᱩᱪᱩᱨ ᱠᱮᱫ ᱛᱟᱭᱚᱢ, ᱱᱩᱠᱩ ᱯᱮᱭᱟ ᱛᱤᱨᱞᱟᱹ ᱜᱮ ᱯᱩᱭᱞᱩ ᱱᱚᱣᱟ ᱯᱨᱚᱜᱽᱨᱟᱢ ᱞᱟᱹᱜᱤᱫ ᱠᱚ ᱵᱟᱪᱷᱟᱣ ᱞᱮᱫ ᱠᱚᱣᱟ᱾
ᱡᱤᱭᱚᱱ ᱠᱟᱛᱷᱟ
ᱢᱚᱦᱟᱱᱟ ᱥᱤᱝ ᱫᱚ ᱫᱤ ᱮᱭᱟᱨ ᱯᱷᱚᱨᱥ ᱥᱠᱩᱞ, ᱱᱟᱣᱟ ᱫᱤᱞᱞᱤ ᱟᱨ ᱵᱤᱴᱮᱠ ᱤᱱ ᱤᱞᱮᱠᱴᱨᱚᱱᱤᱠᱥ & ᱠᱚᱢᱭᱩᱱᱤᱠᱮᱥᱚᱱ ᱫᱚ ᱜᱞᱳᱵᱟᱞ ᱤᱱᱥᱴᱤᱴᱭᱩᱴ ᱚᱯᱷ ᱢᱮᱱᱮᱡᱽᱢᱮᱱᱴ ᱮᱱᱰ ᱤᱢᱟᱨᱡᱤᱝ ᱴᱮᱠᱱᱳᱞᱳᱡᱤᱥ, ᱟᱢᱨᱤᱛᱥᱚᱨ, ᱯᱚᱧᱡᱟᱵᱽ ᱠᱷᱚᱱ ᱮ ᱯᱩᱨᱟᱹᱣ ᱞᱮᱫ ᱛᱟᱦᱮᱸᱫ᱾ ᱟᱡ ᱵᱟᱵᱟ ᱢᱟᱥᱴᱟᱨ ᱣᱟᱨᱮᱱᱴ ᱚᱯᱷᱤᱥᱟᱨ ᱯᱨᱚᱛᱟᱯ ᱥᱤᱝ (ᱨᱤᱴᱟᱭᱟᱨᱰ) ᱫᱚ ᱥᱤᱧᱚᱛᱤᱭᱟᱹ ᱩᱰᱟᱹᱱ ᱯᱷᱟᱹᱫᱽ ᱨᱮ ᱠᱟᱹᱢᱤᱭᱟᱹ ᱛᱟᱦᱮᱸ ᱠᱟᱱᱟ ᱟᱨ ᱟᱭᱳ ᱢᱚᱧᱡᱩ ᱥᱤᱝ ᱫᱚ ᱢᱤᱫ ᱢᱟᱪᱮᱛᱟᱹᱱᱤ ᱠᱟᱱᱟᱭ᱾ ᱦᱟᱨᱟ ᱵᱩᱨᱩ ᱚᱠᱛᱚ ᱨᱮ, ᱥᱤᱝ ᱫᱚ ᱨᱳᱞᱟᱨ ᱥᱠᱮᱴᱤᱝ, ᱵᱮᱰᱢᱤᱱᱴᱚᱱ ᱞᱮᱠᱟᱱ ᱠᱷᱮᱞᱚᱸᱰ ᱟᱨ ᱥᱮᱨᱮᱧ ᱟᱨ ᱪᱤᱛᱟᱹᱨ ᱵᱮᱱᱟᱣ ᱞᱮᱠᱟᱱ ᱠᱟᱹᱢᱤᱦᱚᱨᱟᱭ ᱠᱩᱥᱤᱭᱟᱜ ᱠᱟᱱ ᱛᱟᱦᱮᱸᱫ᱾
ᱠᱟᱹᱢᱤ
ᱡᱩᱱ ᱒᱐᱑᱙ ᱨᱮ, ᱩᱱᱤ ᱫᱚ ᱵᱤᱫᱟᱨ ᱮᱭᱟᱨ ᱯᱷᱚᱨᱥ ᱥᱴᱮᱥᱚᱱ ᱨᱮ ᱢᱤᱫ ᱦᱚᱠ ᱮᱢᱠᱮ.᱑᱓᱒ ᱮᱰᱵᱷᱟᱱᱥ ᱡᱮᱴ ᱴᱨᱮᱱᱟᱨ ᱨᱮ ᱫᱤᱱ ᱵᱮᱲᱟ ᱨᱮ ᱯᱩᱨᱟᱹ ᱠᱟᱹᱢᱤᱭᱟᱹ ᱵᱮᱱᱟᱣ ᱠᱟᱛᱮ ᱥᱤᱧᱚᱛᱤᱭᱟᱹ ᱩᱰᱟᱹᱱ ᱯᱷᱟᱹᱫᱽ ᱨᱮᱱ ᱯᱩᱭᱞᱩ ᱛᱤᱨᱞᱟᱹ ᱞᱟᱹᱲᱦᱟᱹᱭ ᱩᱰᱟᱹᱱ ᱪᱟᱹᱞᱩᱭᱟᱹᱭ ᱵᱮᱱᱟᱣ ᱮᱱᱟ᱾ ᱩᱱᱤ ᱫᱚ ᱒᱐᱑᱙ ᱨᱮ ᱮᱭᱟᱨ-ᱴᱩ-ᱮᱭᱟᱨ ᱟᱨ ᱮᱭᱟᱨ-ᱴᱩ-ᱜᱽᱨᱟᱣᱩᱱᱰ ᱞᱟᱹᱲᱦᱟᱹᱭ ᱢᱳᱰ ᱨᱮ ᱦᱚᱸ ᱥᱮᱪᱮᱫ ᱥᱟᱶᱛᱮ ᱦᱚᱠ ᱮᱢᱠᱮ.᱑᱓᱒ ᱨᱮ ᱜᱷᱚᱴᱚᱱ ᱵᱟᱹᱱᱩᱜ ᱓᱘᱐ ᱴᱟᱲᱟᱝ ᱠᱷᱚᱱ ᱦᱚᱸ ᱡᱟᱹᱥᱛᱤ ᱩᱰᱟᱹᱱ ᱮ ᱯᱩᱨᱟᱹᱣ ᱞᱮᱫ ᱛᱟᱦᱮᱸᱫ᱾
ᱥᱤᱝ ᱫᱚ ᱮᱱᱮᱹᱮᱞᱹ ᱮᱭᱟᱨ ᱯᱷᱚᱨᱥ ᱥᱴᱮᱥᱚᱱ, ᱵᱤᱠᱟᱱᱮᱨ ᱨᱮ ᱮᱢᱟᱭᱤᱡᱤ-᱒᱑ ᱪᱟᱹᱞᱩᱭᱟᱹ ᱱᱚᱢᱵᱚᱨ ᱓ ᱥᱠᱣᱟᱰᱨᱚᱱ ᱠᱚᱵᱨᱟᱥ ᱨᱮᱱ ᱦᱟᱹᱴᱤᱧ ᱠᱟᱱᱟᱭ᱾
ᱥᱤᱨᱯᱷᱟᱹ
᱙ ᱢᱟᱨᱪ ᱒᱐᱒᱐ ᱨᱮ, ᱩᱱᱤ ᱫᱚ ᱫᱤᱥᱚᱢ ᱜᱚᱢᱠᱮ ᱨᱟᱢ ᱱᱟᱛᱷ ᱠᱳᱵᱤᱱᱫᱽ ᱴᱷᱮᱱ ᱠᱷᱚᱱ ᱱᱟᱨᱤ ᱥᱟᱠᱛᱤ ᱯᱩᱨᱚᱥᱠᱟᱨ ᱛᱮ ᱠᱚ ᱢᱟᱹᱱ ᱦᱟᱞᱟᱝ ᱞᱮᱫᱮᱭᱟ᱾