ᱢᱚᱦᱤᱫᱤᱱ ᱟᱱᱰᱟᱵᱟᱨ ᱢᱚᱥᱡᱤᱫᱽ
| ᱢᱳᱦᱟᱭᱤᱫᱤᱱ ᱟᱱᱫᱟᱵᱷᱟᱨ ᱢᱚᱥᱡᱤᱫᱽ | |
|---|---|
 ᱒᱐᱑᱔ ᱨᱮ ᱢᱚᱥᱡᱤᱫᱽ | |
| Religion | |
| Affiliation | ᱤᱥᱞᱟᱢ |
| Ecclesiastical or organisational status | ᱡᱩᱢᱟ ᱢᱚᱥᱡᱤᱫᱽ |
| Status | ᱪᱟᱹᱞᱩ |
| Location | |
| Location | ᱛᱷᱤᱨᱩᱠᱠᱟᱞᱟᱪᱮᱨᱤ, ᱱᱟᱜᱟᱯᱟᱴᱴᱤᱱᱚᱢ ᱦᱚᱱᱚᱛ, ᱛᱟᱢᱤᱞᱱᱟᱰᱩ |
| Country | ᱥᱤᱧᱚᱛ |
  ᱛᱟᱢᱤᱞᱱᱟᱰᱩ ᱨᱮ ᱢᱚᱥᱡᱤᱫᱽ ᱨᱮᱱᱟᱜ ᱴᱷᱟᱶ | |
| Geographic coordinates | 11°00′38″N 79°48′09″E / 11.01053°N 79.80261°ECoordinates: 11°00′38″N 79°48′09″E / 11.01053°N 79.80261°E |
| Architecture | |
| Completed | ᱑᱙᱓᱖; ᱑᱙᱙᱐ (ᱫᱚᱲᱦᱟᱛᱮ ᱵᱮᱱᱟᱣ) |
| Specifications | |
| Dome(s) | ᱢᱤᱫᱴᱟᱝ |
| Minaret(s) | ᱵᱟᱨᱭᱟ |
ᱢᱚᱦᱤᱫᱤᱱ ᱟᱱᱰᱟᱵᱟᱨ ᱢᱚᱥᱡᱤᱫᱽ ᱧᱩᱛᱩᱢ ᱛᱮ ᱵᱟᱰᱟᱭᱚᱜ ᱢᱤᱫ ᱢᱚᱦᱤᱫᱤᱱ ᱟᱱᱰᱟᱵᱟᱨ ᱡᱩᱢᱟ ᱢᱚᱥᱡᱤᱫᱽ (ᱛᱟᱢᱤᱞ ᱛᱮ: மொகய்தீன் ஆண்டவர் மசூதி-நாகப்பட்டினம்) ᱢᱮᱱᱛᱮ ᱦᱚᱸ ᱠᱚ ᱢᱮᱛᱟᱜᱼᱟ, ᱱᱚᱣᱟ ᱫᱚ ᱢᱤᱫ ᱡᱩᱢᱟ ᱢᱚᱥᱡᱤᱫᱽ ᱠᱟᱱᱟ ᱡᱟᱦᱟᱸ ᱫᱚ ᱛᱟᱢᱤᱞᱱᱟᱰᱩ ᱯᱚᱱᱚᱛ ᱨᱮᱱᱟᱜ ᱱᱟᱜᱟᱯᱚᱴᱴᱤᱱᱟᱢ ᱦᱚᱱᱚᱛ ᱨᱮᱱᱟᱜ ᱛᱤᱨᱩᱠᱠᱟᱞᱟᱪᱮᱨᱤ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱢᱚᱥᱡᱤᱫᱽ ᱫᱚ ᱢᱚᱥᱡᱤᱫᱽ ᱥᱴᱨᱤᱴ ᱨᱮ ᱢᱮᱱᱟᱜᱼᱟ (ᱯᱟᱞᱞᱤᱵᱷᱟᱥᱟᱞ ᱥᱴᱨᱤᱴ ᱦᱚᱸ ᱠᱚ ᱢᱮᱛᱟᱜᱼᱟ; ᱛᱟᱢᱤᱞ ᱛᱮ ᱯᱟᱞᱞᱤᱵᱷᱟᱥᱟᱞ ᱨᱮᱱᱟᱜ ᱢᱮᱱᱮᱛ ᱫᱚ ᱢᱚᱥᱡᱤᱫᱽ ᱠᱟᱱᱟ) ᱾
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱣᱟ ᱢᱚᱥᱡᱤᱫᱽ ᱫᱚ ᱑᱙᱓᱖ ᱥᱟᱞᱮ ᱨᱮ ᱢᱤᱫ ᱴᱚᱴᱷᱟᱣᱟᱨᱤ ᱫᱟᱱᱤ ᱟᱨ ᱢᱟᱞᱟᱭᱟ (ᱱᱤᱛᱚᱜ ᱢᱟᱞᱮᱥᱤᱭᱟ) ᱟᱨ ᱯᱷᱨᱮᱸᱪ ᱤᱱᱰᱚᱪᱤᱱᱟ (ᱱᱤᱛᱚᱜ ᱵᱷᱤᱭᱮᱛᱱᱟᱢ) ᱠᱷᱚᱱ ᱦᱮᱡ ᱟᱠᱟᱱ ᱵᱷᱟᱨᱚᱛᱤᱭᱟᱹ ᱠᱚᱣᱟᱜ ᱫᱟᱱ ᱛᱮ ᱵᱮᱱᱟᱣ ᱞᱮᱱᱟ ᱚᱱᱟ ᱠᱷᱟᱹᱛᱤᱨ ᱱᱚᱣᱟ ᱧᱩᱛᱩᱢ ᱫᱚ ᱧᱟᱢ ᱟᱠᱟᱫᱟ ᱾ ᱯᱤᱪᱟᱭ ᱜᱷᱟᱱᱤ ᱨᱟᱣᱩᱛᱷᱟᱨ ᱟᱨ ᱟᱵᱷᱮ ᱢᱚᱦᱚᱢᱢᱚᱫᱽ ᱭᱩᱥᱩᱯᱷ ᱴᱷᱮᱱ ᱠᱷᱚᱱ ᱫᱟᱱ ᱠᱚ ᱧᱟᱢ ᱞᱮᱱᱟ, ᱩᱱᱠᱤᱱ ᱵᱟᱱᱟ ᱦᱚᱲ ᱜᱮ ᱛᱟᱭᱚᱢ ᱛᱮ ᱵᱚᱸᱜᱟ ᱛᱟᱞᱟ ᱮᱱᱟ ᱾
ᱱᱚᱣᱟ ᱢᱚᱥᱡᱤᱫᱽ ᱫᱚ ᱑᱙᱙᱐ ᱥᱟᱞᱮ ᱨᱮ ᱟᱵᱷᱮ ᱢᱚᱦᱚᱢᱢᱚᱫᱽ ᱭᱩᱥᱩᱯᱷ ᱤᱡ ᱦᱚᱯᱚᱱ ᱟᱵᱷᱮ ᱟᱵᱽᱫᱩᱞ ᱦᱟᱢᱤᱫᱽ ᱦᱚᱛᱮᱛᱮ ᱟᱡᱟᱜ ᱯᱩᱭᱥᱟᱹ ᱛᱮ ᱵᱮᱱᱟᱣ ᱞᱮᱱᱟ ᱵᱤᱱᱟᱹ ᱦᱚᱲ ᱠᱚᱣᱟᱜ ᱫᱟᱱ ᱛᱮ ᱾ ᱮᱱᱛᱮᱨᱮᱦᱚᱸ, ᱟᱵᱷᱮ ᱟᱵᱽᱫᱩᱞ ᱦᱟᱢᱤᱫᱽ ᱤᱡ ᱦᱚᱯᱚᱱ ᱟᱵᱷᱮ ᱟᱵᱽᱫᱩᱞ ᱵᱟᱪᱤᱨ ᱫᱚᱭ ᱢᱮᱱ ᱟᱠᱟᱫᱟ ᱡᱮ ᱩᱱᱤ ᱫᱚ ᱥᱣᱤᱴᱡᱟᱨᱞᱮᱸᱰ ᱠᱷᱚᱱ ᱢᱤᱫ ᱫᱷᱟᱣ ᱨᱮ ᱑᱐᱐,᱐᱐᱐ ᱟᱢᱮᱨᱤᱠᱟᱱ ᱰᱚᱞᱟᱨ (ᱩᱱ ᱚᱠᱛᱚ ᱨᱮ ᱔ ᱢᱤᱞᱤᱭᱚᱱ ᱵᱷᱟᱨᱚᱛᱤᱭᱚ ᱴᱟᱠᱟ ᱥᱚᱢᱟᱱ) ᱢᱚᱥᱡᱤᱫᱽ ᱵᱮᱱᱟᱣ ᱞᱟᱹᱜᱤᱫ ᱮ ᱫᱟᱱ ᱞᱮᱫᱟ ᱾ ᱟᱵᱷᱮ ᱜᱷᱟᱨᱚᱸᱡᱽ ᱵᱷᱤᱛᱨᱤ ᱨᱮ ᱟᱨ ᱵᱟᱝ ᱟᱡ ᱨᱮᱱ ᱮᱴᱟᱜ ᱜᱤᱫᱽᱨᱟᱹ ᱠᱚ ᱢᱚᱥᱡᱤᱫᱽ ᱵᱮᱱᱟᱣ ᱛᱟᱭᱚᱢ ᱦᱟᱹᱵᱤᱡ ᱮᱴᱟᱜ ᱫᱟᱱ ᱨᱮᱱᱟᱜ ᱥᱟᱹᱨᱤ ᱠᱷᱚᱵᱚᱨ ᱫᱚ ᱵᱟᱝ ᱧᱟᱢ ᱟᱠᱟᱱᱟ ᱾
ᱱᱚᱣᱟ ᱢᱚᱥᱡᱤᱫᱽ ᱫᱚ ᱛᱟᱢᱤᱞᱱᱟᱰᱩ ᱨᱮᱱᱟᱜ ᱱᱟᱜᱟᱯᱚᱴᱴᱤᱱᱟᱢ ᱦᱚᱱᱚᱛ ᱨᱮᱱᱟᱜ ᱥᱟᱱᱟᱢ ᱠᱷᱚᱱ ᱢᱟᱨᱟᱝ ᱢᱚᱥᱡᱤᱫᱽ ᱠᱟᱱᱟ (ᱢᱤᱫ ᱵᱷᱮᱜᱟᱨ ᱢᱟᱨᱟᱝ ᱜᱩᱢᱵᱟᱡᱽ ᱥᱟᱞᱟᱜ ᱡᱟᱦᱟᱸ ᱫᱚ ᱥᱟᱣᱫᱤ ᱟᱨᱚᱵᱽ ᱨᱮᱱᱟᱜ ᱢᱮᱫᱤᱱᱟ ᱨᱮ ᱢᱮᱱᱟᱜ ᱯᱨᱚᱯᱷᱮᱴ ᱢᱚᱦᱚᱢᱢᱚᱫᱽ ᱤᱡ ᱢᱚᱥᱡᱤᱫᱽ ᱞᱮᱠᱟ ᱧᱮᱞᱚᱜᱼᱟ) ᱾