ᱢᱚᱧᱡᱩᱞᱟ ᱵᱤᱡᱚᱭᱠᱩᱢᱟᱨ
ᱢᱚᱧᱡᱩᱞᱟ ᱵᱤᱡᱚᱭᱠᱩᱢᱟᱨ (᱔ ᱡᱩᱞᱟᱭ ᱑᱙᱕᱔ – ᱒᱓ ᱡᱩᱞᱟᱭ ᱒᱐᱑᱓) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱛᱮᱞᱩᱜᱩ, ᱛᱟᱢᱤᱞ, ᱠᱟᱱᱱᱟᱰᱟ ᱟᱨ ᱢᱟᱞᱟᱭᱟᱞᱟᱢ ᱞᱮᱠᱟᱱ ᱮᱛᱚᱢ ᱵᱷᱟᱨᱚᱛ ᱯᱟᱹᱨᱥᱤ ᱛᱮ ᱑᱐᱐ ᱠᱷᱚᱱ ᱵᱟᱹᱲᱛᱤ ᱯᱷᱤᱞᱢ ᱨᱮᱭ ᱠᱟᱹᱢᱤ ᱟᱠᱟᱫᱟ ᱾
ᱯᱟᱨᱥᱟᱞ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱟᱨ ᱮᱠᱴᱚᱨ ᱵᱤᱡᱚᱭᱠᱩᱢᱟᱨ ᱫᱚ ᱑᱙᱗᱖ ᱨᱮᱠᱤᱱ ᱵᱟᱯᱞᱟ ᱞᱮᱱᱟ ᱾ ᱱᱩᱠᱤᱱ ᱡᱩᱨᱤ ᱨᱤᱱ ᱯᱮᱭᱟ ᱠᱩᱲᱤ ᱜᱤᱫᱽᱨᱟᱹ ᱢᱮᱱᱟᱜ ᱠᱚᱣᱟ, ᱵᱟᱱᱤᱛᱟ, ᱯᱨᱤᱛᱟ ᱟᱨ ᱥᱨᱤᱫᱮᱵᱤ ᱾ ᱟᱨᱩᱱ ᱵᱤᱡᱚᱭ, ᱟᱱᱤᱛᱟ, ᱟᱨ ᱠᱟᱵᱤᱛᱟ ᱫᱚ ᱟᱡ ᱡᱟᱶᱟᱭ ᱨᱤᱱ ᱯᱩᱭᱞᱩ ᱵᱟᱯᱞᱟ ᱨᱤᱱ ᱜᱤᱫᱽᱨᱟᱹ ᱠᱟᱱᱟ ᱠᱚ ᱾ ᱥᱚᱱᱡᱤᱵᱷ ᱟᱨ ᱥᱤᱱᱫᱩ ᱫᱚ ᱟᱡ ᱨᱤᱱ ᱵᱷᱟᱹᱜᱽᱱᱟᱹ ᱟᱨ ᱵᱷᱟᱹᱜᱽᱱᱤ ᱠᱟᱱᱟ ᱠᱤᱱ (ᱢᱟᱨᱟᱝ ᱫᱟᱹᱭ ᱨᱤᱱ ᱠᱚᱲᱟ ᱜᱤᱫᱽᱨᱟᱹ ᱟᱨ ᱠᱩᱲᱤ ᱜᱤᱫᱽᱨᱟᱹ ᱠᱟᱱᱟ ᱠᱤᱱ ᱾
ᱮᱠᱴᱤᱝ ᱠᱮᱨᱤᱭᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱯᱩᱭᱞᱩ ᱫᱷᱟᱣ ᱥᱟᱱᱛᱷᱤ ᱱᱤᱞᱟᱭᱟᱢ (᱑᱙᱖᱙) ᱯᱷᱤᱞᱢ ᱨᱮ ᱥᱟᱯᱚᱨᱴᱤᱝ ᱨᱚᱞ (ᱜᱮᱢᱤᱱᱤ ᱜᱟᱱᱮᱥᱚᱱ ᱟᱜ ᱠᱮᱨᱮᱠᱴᱟᱨ ᱨᱤᱱ ᱛᱟᱨᱩᱱ ᱵᱷᱟᱹᱜᱽᱱᱤ ᱞᱮᱠᱟᱛᱮ) ᱨᱮᱭ ᱧᱮᱞ ᱞᱮᱱᱟ ᱾ ᱟᱡᱟᱜ ᱯᱩᱭᱞᱩ ᱢᱩᱬ ᱨᱚᱞ ᱫᱚ ᱨᱤᱠᱥᱦᱟᱣᱠᱟᱨᱟᱱ (᱑᱙᱗᱑) ᱨᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱗᱐ ᱜᱮᱞ ᱥᱮᱨᱢᱟ ᱫᱷᱟᱹᱵᱤᱡ ᱟᱹᱰᱤ ᱜᱟᱱ ᱯᱷᱤᱞᱢ ᱨᱮ ᱢᱩᱬ ᱨᱚᱞ ᱮ ᱠᱚᱨᱟᱣ ᱟᱠᱟᱫᱟ ᱾ ᱘᱐ ᱜᱮᱞ ᱥᱮᱨᱢᱟ ᱠᱷᱚᱱ ᱜᱮ ᱩᱱᱤ ᱫᱚ ᱥᱟᱯᱚᱨᱴᱤᱝ ᱨᱚᱞ ᱨᱮᱭ ᱧᱮᱞ ᱟᱠᱟᱱᱟ ᱾ ᱢᱚᱧᱡᱩᱞᱟ ᱫᱚ ᱟᱨᱹ ᱢᱩᱛᱩᱨᱟᱢᱟᱱ, ᱥᱤᱵᱟᱡᱤ ᱜᱟᱱᱮᱥᱚᱱ, ᱜᱮᱢᱤᱱᱤ ᱜᱟᱱᱮᱥᱚᱱ, ᱮᱢᱹ ᱡᱤᱹ ᱨᱟᱢᱟᱪᱚᱱᱫᱨᱟᱱ, ᱱᱟᱱᱫᱟᱢᱩᱨᱤ ᱛᱟᱨᱟᱠᱟ ᱨᱟᱢᱟ ᱨᱟᱣ, ᱟᱠᱠᱤᱱᱮᱱᱤ ᱱᱟᱜᱮᱥᱣᱚᱨᱟ ᱨᱟᱣ, ᱠᱨᱤᱥᱱᱟ, ᱥᱳᱵᱷᱚᱱ ᱵᱟᱵᱩ, ᱠᱟᱢᱟᱞ ᱦᱟᱥᱟᱱ, ᱵᱤᱥᱱᱩᱵᱚᱨᱫᱷᱚᱱ ᱟᱨ ᱨᱟᱡᱽᱱᱤᱠᱟᱱᱛ ᱥᱟᱶ ᱮ ᱠᱟᱹᱢᱤ ᱟᱠᱟᱫᱟ ᱾
ᱜᱩᱡᱩᱜ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱚᱧᱡᱩᱞᱟ ᱫᱚ ᱒᱓ ᱡᱩᱞᱟᱭ ᱒᱐᱑᱓ ᱨᱮ ᱪᱮᱱᱱᱟᱭ ᱨᱮᱱᱟᱜ ᱮᱥᱹ ᱟᱨᱹ ᱮᱢᱹ ᱥᱤᱹ ᱨᱮ ᱵᱮᱰ ᱠᱷᱚᱱ ᱧᱩᱨ ᱠᱟᱛᱮ ᱟᱨ ᱦᱟᱥᱯᱟᱛᱟᱞ ᱨᱮ ᱵᱷᱩᱨᱛᱤ ᱯᱚᱨᱮ ᱜᱩᱡ ᱮᱱᱟ ᱾ ᱟᱡᱟᱜ ᱜᱩᱡᱩᱜ ᱫᱚ ᱠᱤᱰᱱᱤ ᱯᱷᱮᱞ ᱠᱷᱟᱹᱛᱤᱨ ᱟᱨ ᱞᱟᱡ ᱨᱮ ᱢᱟᱭᱟᱝ ᱡᱟᱢ ᱠᱷᱟᱹᱛᱤᱨ ᱦᱩᱭ ᱞᱮᱱᱟ ᱾