ᱢᱚᱧᱡᱩ ᱢᱟᱱᱤᱠᱩᱴᱴᱟᱱ
| ᱢᱚᱧᱡᱩ ᱢᱟᱱᱤᱠᱩᱴᱴᱟᱱ | |
|---|---|
.jpg) | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱪᱷᱟᱸᱪ:C. ᱠᱮᱨᱞᱟ, ᱥᱤᱧᱚᱛ |
| ᱠᱟᱹᱢᱤ | Beautician and social worker |
| ᱜᱟᱶᱛᱟ | Navayugam Samskarika Vedi Dammam |
| ᱡᱤᱭᱚᱱ ᱥᱚᱦᱮᱫ | Padmanabhan Manikuttan |
| ᱦᱚᱯᱚᱱ | Abhinav Manikuttan, Abhirami Manikuttan |
| ᱥᱤᱨᱯᱷᱟᱹ | ᱱᱟᱨᱤ ᱥᱚᱠᱛᱤ ᱯᱩᱨᱩᱥᱠᱟᱨ |
ᱢᱚᱧᱡᱩ ᱢᱟᱱᱤᱠᱩᱴᱴᱟᱱ (ᱡᱟᱱᱟᱢ ᱑᱙᱗᱖ ᱥᱩᱨ ᱥᱩᱯᱩᱨ) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱵᱭᱩᱴᱤᱥᱤᱭᱟᱱ ᱟᱨ ᱥᱟᱶᱛᱟ ᱠᱟᱹᱢᱤᱭᱟᱹ ᱠᱟᱱᱟᱭ ᱾ ᱩᱱᱤ ᱫᱚ ᱥᱟᱣᱫᱤ ᱟᱨᱚᱵ ᱨᱮ ᱟᱹᱭᱤᱱᱤ, ᱦᱚᱲᱢᱚ ᱟᱨ ᱠᱟᱹᱢᱤ ᱥᱟᱶ ᱡᱩᱲᱟᱹᱣ ᱟᱠᱟᱱ ᱢᱩᱥᱠᱤᱞ ᱠᱚ ᱥᱟᱢᱟᱝ ᱠᱟᱛᱮ ᱟᱹᱰᱤ ᱜᱟᱱ ᱵᱤᱫᱮᱥᱤ ᱢᱟᱹᱡᱫᱩᱨ ᱠᱚᱭ ᱵᱟᱧᱪᱟᱣ ᱟᱠᱟᱫ ᱠᱚᱣᱟ ᱾ ᱩᱱᱤ ᱫᱚ ᱒᱐᱑᱙ ᱨᱮ ᱵᱷᱟᱨᱚᱛ ᱨᱮ ᱛᱤᱨᱞᱟᱹ ᱠᱚ ᱞᱟᱹᱜᱤᱫ ᱡᱚᱛᱚ ᱠᱷᱚᱱ ᱪᱮᱛᱟᱱ ᱥᱤᱨᱯᱷᱟᱹ ᱱᱟᱨᱤ ᱥᱟᱠᱛᱤ ᱯᱩᱨᱚᱥᱠᱟᱨ ᱮ ᱧᱟᱢ ᱠᱮᱫᱟ ᱾
ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱟᱱᱤᱠᱩᱴᱴᱟᱱ ᱫᱚ ᱠᱮᱨᱟᱞᱟ ᱨᱮᱱᱟᱜ ᱮᱨᱱᱟᱠᱩᱞᱟᱢ ᱦᱚᱱᱚᱛ ᱨᱮ ᱡᱟᱱᱟᱢ ᱟᱨ ᱦᱟᱨᱟ ᱟᱠᱟᱱᱟᱭ ᱾ ᱯᱚᱫᱽᱢᱟᱱᱟᱵᱷᱟᱱ ᱢᱟᱱᱤᱠᱩᱴᱴᱟᱱ ᱥᱟᱶ ᱵᱟᱯᱞᱟ ᱠᱟᱛᱮ ᱟᱨ ᱵᱟᱨᱭᱟ ᱜᱤᱫᱽᱨᱟᱹ ᱠᱚ (ᱟᱵᱷᱤᱱᱟᱵᱽ ᱟᱨ ᱟᱵᱷᱤᱨᱟᱢᱤ) ᱠᱚ ᱦᱩᱭᱮᱱ ᱛᱟᱭᱚᱢ, ᱩᱱᱤ ᱫᱚ ᱒᱐᱑᱑ ᱨᱮ ᱟᱡᱤᱡ ᱵᱤᱫᱮᱥᱤ ᱡᱟᱶᱟᱭ ᱥᱟᱶ ᱥᱟᱣᱫᱤ ᱟᱨᱚᱵ ᱨᱮᱱᱟᱜ ᱠᱷᱳᱵᱟᱨ ᱥᱚᱦᱚᱨ ᱨᱮᱭ ᱪᱟᱞᱟᱣ ᱮᱱᱟ, ᱟᱨ ᱩᱱᱤ ᱢᱤᱫ ᱵᱭᱩᱴᱤ ᱯᱟᱨᱞᱚᱨ ᱨᱮ ᱵᱭᱩᱴᱤᱥᱤᱭᱟᱱ ᱞᱮᱠᱟᱛᱮ ᱠᱟᱹᱢᱤ ᱮ ᱮᱛᱚᱦᱚᱵ ᱠᱮᱫᱟ ᱾
ᱟᱡᱟᱜ ᱡᱤᱭᱚᱱ ᱵᱚᱫᱚᱞ ᱮᱱᱟ ᱡᱚᱠᱷᱚᱱ ᱩᱱᱤ ᱥᱟᱯᱷᱤᱭᱟ ᱟᱡᱤᱛ ᱥᱟᱶ ᱮ ᱧᱟᱯᱟᱢ ᱮᱱᱟ, ᱯᱷᱮᱢᱟᱥ ᱥᱟᱶᱛᱟ ᱠᱟᱹᱢᱤᱭᱟᱹ ᱟᱨ ᱥᱟᱣᱫᱤ ᱟᱨᱚᱵ ᱨᱮ ᱵᱤᱫᱮᱥᱤ ᱵᱷᱟᱨᱚᱛᱤᱭᱚ ᱜᱟᱶᱛᱟ ᱱᱟᱵᱷᱟᱭᱩᱜᱟᱢ ᱥᱟᱸᱥᱠᱨᱩᱛᱤᱠ ᱯᱷᱳᱨᱟᱢ ᱨᱤᱱᱤᱡ ᱣᱟᱭᱤᱥ ᱯᱨᱮᱥᱤᱰᱮᱱᱴ ᱾ ᱟᱡᱤᱛ ᱩᱱᱤ ᱥᱟᱶᱛᱟ ᱥᱮᱵᱟ ᱨᱮ ᱵᱚᱞᱚᱜ ᱞᱟᱹᱜᱤᱫ ᱩᱫᱽᱜᱟᱹᱣ ᱠᱮᱫᱮᱭᱟ ᱟᱨ ᱩᱱᱤ ᱫᱚ ᱯᱚᱠᱥ ᱛᱟᱦᱮᱸᱭᱟᱱ ᱛᱤᱨᱞᱟᱹ ᱠᱚᱣᱟᱜ ᱢᱟᱢᱞᱟ ᱥᱟᱢᱟᱫᱷᱟᱱ ᱨᱮ ᱟᱡᱤᱛ ᱨᱤᱱᱤᱡ ᱜᱚᱲᱚ ᱮᱢᱤᱡ ᱮ ᱵᱮᱱᱟᱣ ᱮᱱᱟ ᱾ ᱢᱤᱫ ᱥᱮᱨᱢᱟ ᱛᱟᱭᱚᱢ ᱟᱡᱤᱛ ᱫᱚ ᱠᱮᱱᱥᱟᱨ ᱠᱷᱟᱹᱛᱤᱨ ᱮ ᱵᱚᱸᱜᱟ ᱛᱟᱞᱟ ᱮᱱᱟ ᱾ ᱱᱟᱵᱷᱟᱭᱩᱜᱟᱢ ᱢᱟᱱᱤᱠᱩᱴᱴᱟᱱ ᱮ ᱞᱟᱹᱭ ᱟᱠᱟᱫᱟ ᱡᱮ ᱟᱡᱤᱛ ᱦᱚᱛᱮᱛᱮ ᱥᱟᱸᱵᱽᱲᱟᱣ ᱟᱠᱟᱱ ᱡᱤᱢᱮᱫᱟᱨᱤᱭᱟ ᱦᱟᱛᱟᱣ ᱢᱮ ᱾ ᱢᱟᱱᱤᱠᱩᱴᱴᱟᱱ ᱫᱚ ᱛᱤᱨᱞᱟᱹ ᱨᱤᱱ ᱰᱤᱯᱳᱨᱴᱮᱥᱟᱱ ᱥᱮᱱᱴᱟᱨ ᱨᱮᱱᱟᱜ ᱡᱚᱛᱚ ᱡᱤᱢᱮᱫᱟᱨᱤ ᱮ ᱦᱟᱛᱟᱣ ᱠᱮᱫᱟ ᱟᱨ ᱛᱤᱨᱞᱟᱹ ᱤᱱᱢᱮᱴᱥ ᱨᱮᱱᱟᱜ ᱢᱟᱢᱞᱟ ᱥᱟᱢᱟᱫᱷᱟᱱ ᱨᱮ ᱥᱟᱠᱨᱤᱭᱚ ᱞᱮᱠᱟᱛᱮᱭ ᱥᱮᱞᱮᱫ ᱮᱱᱟ ᱾ ᱟᱡᱤᱡ ᱡᱟᱶᱟᱭ ᱯᱚᱫᱽᱢᱟᱱᱟᱵᱷᱟᱱ ᱢᱟᱱᱤᱠᱩᱴᱴᱟᱱ ᱟᱡᱟᱜ ᱡᱚᱛᱚ ᱥᱟᱶᱛᱟ ᱪᱟᱹᱞ ᱞᱮᱠᱟᱱ ᱠᱟᱹᱢᱤ ᱨᱮ ᱜᱚᱲᱚ ᱮᱢ ᱮᱫᱮᱭᱟ ᱾
ᱢᱟᱱᱤᱠᱩᱴᱴᱟᱱ ᱫᱚ ᱛᱤᱨᱞᱟᱹ ᱠᱚᱣᱟᱜ ᱥᱟᱭ ᱥᱟᱭ ᱢᱟᱢᱞᱟ ᱮ ᱥᱟᱢᱟᱫᱷᱟᱱ ᱠᱮᱫᱟ, ᱡᱟᱦᱟᱸᱭ ᱫᱚ ᱥᱟᱣᱫᱤ ᱟᱨᱚᱵ ᱨᱮ ᱚᱲᱟᱜ ᱢᱟᱹᱡᱫᱩᱨ, ᱜᱷᱟᱨᱚᱸᱡᱽ ᱠᱟᱹᱢᱤᱭᱟᱹ, ᱦᱟᱥᱯᱟᱛᱟᱞ ᱠᱟᱹᱢᱤᱭᱟᱹ, ᱵᱭᱩᱴᱤᱥᱤᱭᱟᱱ ᱞᱮᱠᱟᱛᱮ ᱠᱟᱹᱢᱤ ᱞᱟᱹᱜᱤᱫ ᱠᱚ ᱦᱮᱡ ᱞᱮᱱ ᱛᱟᱦᱮᱸᱱᱟ, ᱟᱨ ᱟᱠᱚᱣᱟᱜ ᱥᱯᱳᱱᱥᱚᱨ, ᱦᱚᱲᱢᱚ, ᱟᱹᱭᱤᱱ ᱟᱨ ᱢᱟᱹᱡᱫᱩᱨ ᱢᱩᱥᱠᱤᱞ ᱟᱨ ᱵᱷᱤᱥᱟ ᱥᱟᱶ ᱢᱩᱪᱟᱹᱫ ᱮᱱᱟ ᱾ ᱩᱱᱤ ᱫᱚ ᱥᱟᱭ ᱥᱟᱭ ᱛᱤᱨᱞᱟᱹ ᱠᱚ ᱡᱚᱛᱚ ᱞᱤᱜᱟᱞ ᱯᱷᱳᱨᱢᱟᱞᱤᱴᱤᱡᱽ ᱯᱩᱨᱟᱹᱣ ᱠᱟᱛᱮ ᱥᱤᱧᱚᱛ ᱨᱩᱣᱟᱹᱲ ᱥᱮᱱᱚᱜ ᱨᱮ ᱜᱚᱲᱚ ᱮᱢᱟᱫ ᱠᱚᱣᱟ ᱾ ᱵᱷᱟᱨᱚᱛᱤᱭᱚ ᱮᱢᱵᱟᱥᱤ ᱩᱱᱤ ᱢᱤᱫ ᱱᱤᱥᱪᱤᱛ ᱥᱟᱶᱛᱟ ᱵᱷᱳᱞᱟᱱᱴᱤᱭᱟᱹ ᱢᱮᱱᱛᱮ ᱩᱯᱨᱩᱢ ᱠᱮᱫᱮᱭᱟ ᱟᱨ ᱡᱟᱦᱟᱸ ᱥᱤᱧᱚᱛᱤᱭᱟᱹ ᱛᱤᱨᱞᱟᱹ ᱢᱟᱹᱡᱫᱩᱨ ᱥᱟᱶ ᱡᱩᱲᱟᱹᱣ ᱢᱟᱢᱞᱟ ᱨᱮ ᱥᱮᱞᱮᱫ ᱞᱟᱹᱜᱤᱫ ᱩᱱᱤ ᱟᱹᱭᱫᱟᱹᱨᱤ ᱮ ᱮᱢ ᱠᱮᱫᱮᱭᱟ ᱾ ᱞᱮᱰᱤᱥ ᱰᱤᱯᱳᱨᱴᱮᱥᱟᱱ ᱟᱹᱭᱤᱱᱤᱭᱟᱹ ᱟᱨ ᱥᱟᱣᱫᱤ ᱚᱯᱷᱤᱥᱟᱞ ᱦᱟᱹᱴᱤᱧ ᱟᱡ ᱵᱟᱵᱚᱛ ᱟᱹᱰᱤ ᱪᱮᱛᱟᱱ ᱨᱟᱭ ᱠᱚ ᱫᱚᱦᱚ ᱮᱫ ᱛᱟᱦᱮᱸᱱᱟ ᱟᱨ ᱩᱱᱠᱩ ᱟᱭᱢᱟ ᱡᱩᱴᱤᱞ ᱢᱟᱹᱡᱫᱩᱨ ᱟᱨ ᱵᱷᱤᱥᱟ ᱢᱟᱢᱞᱟ ᱨᱮ ᱩᱱᱤ ᱠᱚ ᱜᱚᱲᱚ ᱮᱫ ᱛᱟᱦᱮᱸᱱᱟ, ᱡᱟᱦᱟᱸ ᱩᱱᱠᱩ ᱟᱜ ᱵᱤᱥᱮᱥ ᱜᱚᱲᱚ ᱮᱢ ᱨᱮᱱᱟᱜ ᱞᱟᱹᱠᱛᱤ ᱯᱟᱲᱟᱣ ᱞᱮᱱᱟ ᱾
ᱩᱱᱤ ᱫᱚ ᱒᱐᱑᱙ ᱨᱮ ᱟᱡᱟᱜ ᱥᱟᱶᱛᱟ ᱠᱟᱹᱢᱤ ᱞᱟᱹᱜᱤᱫ ᱱᱟᱨᱤ ᱥᱟᱠᱛᱤ ᱯᱩᱨᱚᱥᱠᱟᱨ ᱥᱤᱨᱯᱷᱟᱹ ᱮᱢ ᱦᱩᱭ ᱞᱮᱱ ᱛᱟᱦᱮᱸᱱᱟ ᱾ ᱱᱚᱣᱟ ᱥᱤᱧᱚᱛ ᱨᱤᱱᱤᱡ ᱫᱤᱥᱚᱢ ᱜᱚᱢᱠᱮ ᱨᱟᱢ ᱱᱟᱛᱷ ᱠᱳᱵᱤᱱᱫᱽ ᱦᱚᱛᱮᱛᱮ ᱒᱐᱑᱙ ᱨᱮ ᱡᱮᱜᱮᱛ ᱛᱤᱨᱞᱟᱹ ᱢᱟᱦᱟᱸ ᱨᱮ ᱱᱟᱣᱟ ᱫᱤᱞᱞᱤ ᱨᱮ ᱫᱤᱥᱚᱢ ᱜᱚᱢᱠᱮ ᱢᱟᱦᱟᱞ ᱨᱮ ᱮᱢ ᱦᱩᱭ ᱞᱮᱱ ᱛᱟᱦᱮᱸᱱᱟ ᱾ ᱱᱚᱣᱟ ᱫᱚ ᱢᱤᱫ ᱵᱷᱟᱨᱚᱛᱤᱭᱚ "ᱛᱤᱨᱞᱟᱹ ᱠᱚᱣᱟᱜ ᱥᱟᱠᱛᱤ ᱦᱟᱥᱤᱞ ᱞᱟᱹᱜᱤᱫ ᱩᱛᱠᱨᱤᱥᱴ ᱠᱟᱹᱢᱤ ᱨᱮᱱᱟᱜ ᱩᱯᱨᱩᱢ ᱨᱮ ᱡᱟᱹᱛᱤᱭᱟᱹᱨᱤ ᱥᱤᱨᱯᱷᱟᱹ" ᱠᱟᱱᱟ ᱾ ᱩᱱᱤ ᱢᱚᱱᱛᱨᱤ ᱢᱟᱱᱮᱠᱟ ᱜᱟᱱᱫᱷᱤ ᱥᱟᱶ ᱮ ᱧᱟᱯᱟᱢ ᱮᱱᱟ ᱟᱨ ᱛᱟᱭᱚᱢ ᱛᱮ ᱩᱱᱤ ᱢᱟᱹᱱᱟᱱ ᱢᱩᱠᱷᱭᱟᱹ ᱢᱚᱱᱛᱨᱤ ᱱᱚᱨᱮᱱᱫᱨᱚ ᱢᱳᱫᱤ ᱥᱟᱶ ᱮ ᱧᱟᱯᱟᱢ ᱞᱮᱱ ᱛᱟᱦᱮᱸᱱ ᱾ ᱩᱱᱤ ᱚᱱᱟ ᱥᱮᱨᱢᱟ ᱥᱤᱨᱯᱷᱟᱹ ᱧᱟᱢ ᱠᱟᱱ ᱮᱠᱞᱟ ᱵᱤᱫᱮᱥᱤ ᱛᱤᱨᱞᱟᱹᱭ ᱛᱟᱦᱮᱸ ᱠᱟᱱᱟ ᱾
᱒᱐᱒᱐ ᱨᱮ ᱫᱟ ᱱᱭᱩ ᱤᱱᱰᱤᱭᱟᱱ ᱮᱠᱥᱯᱨᱮᱥ ᱨᱤᱯᱳᱨᱴ ᱠᱮᱫᱟ ᱡᱮ "ᱪᱟᱸᱫᱽᱨᱤᱠᱟ" ᱨᱮᱱᱟᱜ ᱩᱫᱟᱦᱚᱨᱚᱱ ᱚᱠᱟ ᱥᱤᱧᱚᱛ ᱵᱟᱹᱜᱤ ᱠᱟᱛᱮ ᱥᱟᱣᱫᱤ ᱟᱨᱚᱵ ᱨᱮ ᱢᱤᱫ ᱦᱟᱥᱯᱟᱛᱟᱞ ᱨᱮ ᱮᱠᱟᱣᱩᱱᱴᱮᱸᱴ ᱞᱮᱠᱟᱛᱮ ᱠᱟᱹᱢᱤ ᱞᱟᱹᱜᱤᱫ ᱮ ᱪᱟᱞᱟᱣ ᱮᱱᱟ ᱾ ᱡᱚᱠᱷᱚᱱ ᱩᱱᱤ ᱥᱮᱴᱮᱨ ᱮᱱᱟᱭ ᱩᱱᱤ ᱵᱟᱰᱟᱭ ᱧᱟᱢ ᱠᱮᱫᱟ ᱡᱮ ᱩᱱᱤ ᱫᱚ ᱦᱩᱞ ᱦᱩᱭ ᱟᱠᱟᱱᱟ ᱟᱨ ᱩᱱᱤᱭᱟᱜ ᱮᱢ ᱟᱠᱟᱫ ᱱᱚᱠᱨᱤ ᱢᱤᱫ ᱚᱲᱟᱜ ᱢᱟᱹᱡᱫᱩᱨ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ ᱾ ᱪᱟᱸᱫᱽᱨᱤᱠᱟ ᱢᱚᱬᱮ ᱪᱟᱸᱫᱚ ᱫᱷᱟᱹᱵᱤᱡ ᱱᱚᱠᱨᱤ ᱨᱮᱭ ᱛᱟᱦᱮᱸ ᱠᱟᱱᱟ ᱢᱮᱱᱠᱷᱟᱱ ᱢᱩᱪᱟᱹᱫ ᱨᱮ ᱟᱡᱤᱡ ᱮᱢᱯᱞᱳᱭᱟᱨ ᱩᱱᱤ ᱮᱭᱟᱨᱯᱳᱨᱴ ᱮ ᱤᱫᱤ ᱠᱮᱫᱮᱭᱟ ᱾ ᱟᱡᱟᱜ ᱦᱟᱞᱟᱛ ᱢᱤᱫ ᱞᱟᱹᱲᱦᱟᱹᱭ ᱟᱹᱭᱩᱨ ᱠᱮᱫᱟ ᱟᱨ ᱩᱱᱤ ᱮᱨᱮᱥᱴ ᱦᱚᱸ ᱫᱟᱲᱮᱭᱟᱜ ᱛᱟᱦᱮᱸ ᱠᱟᱱᱟ ᱾ ᱢᱮᱱᱠᱷᱟᱱ ᱢᱟᱱᱤᱠᱩᱴᱴᱟᱱ ᱠᱚ ᱦᱚᱦᱚ ᱠᱮᱫᱮᱭᱟ ᱟᱨ ᱩᱱᱤ ᱫᱚ ᱨᱩᱣᱟᱹᱲ ᱠᱟᱛᱮ ᱟᱡᱟᱜ ᱚᱲᱟᱜ ᱤᱫᱤ ᱠᱮᱫᱮᱭᱟ ᱚᱸᱰᱮ ᱩᱱᱤ ᱚᱲᱟᱜ ᱨᱩᱣᱟᱹᱲ ᱥᱮᱱᱚᱜ ᱨᱮᱱᱟᱜ ᱢᱤᱫ ᱱᱟᱣᱟ ᱦᱚᱨ ᱨᱮᱱᱟᱜ ᱥᱟᱡᱟᱣ ᱦᱩᱭ ᱫᱷᱟᱹᱵᱤᱡ ᱮ ᱛᱟᱦᱮᱸ ᱮᱱᱟ ᱾
ᱢᱤᱫ ᱵᱷᱳᱞᱟᱱᱴᱤᱭᱟᱹ ᱞᱮᱠᱟᱛᱮ ᱟᱡᱟᱜ ᱠᱟᱹᱢᱤ ᱱᱟᱵᱷᱟᱭᱩᱜᱟᱢ ᱥᱟᱸᱥᱠᱟᱨᱤᱠᱟ ᱣᱮᱫᱤ ᱜᱟᱶᱛᱟ ᱨᱮᱱᱟᱜ ᱠᱟᱹᱢᱤ ᱨᱮᱱᱟᱜ ᱦᱟᱹᱴᱤᱧ ᱠᱟᱱᱟ ᱾ ᱱᱤᱛᱚᱜ ᱩᱱᱤ ᱱᱟᱵᱷᱟᱭᱩᱜᱟᱢ ᱨᱤᱱᱤᱡ ᱛᱟᱞᱢᱟ ᱠᱟᱢᱤᱴᱤ ᱣᱟᱭᱤᱥ ᱯᱨᱮᱥᱤᱰᱮᱱᱴ ᱠᱟᱱᱟᱭ ᱾ ᱥᱮᱨᱢᱟ ᱨᱮ ᱩᱱᱤ ᱥᱟᱭ ᱥᱟᱭ ᱵᱤᱫᱮᱥᱤ ᱞᱟᱹᱜᱤᱫ ᱮ ᱠᱟᱹᱢᱤ ᱟᱠᱟᱫᱟ ᱡᱟᱦᱟᱸᱭ ᱫᱚ ᱥᱟᱫᱷᱟᱨᱚᱱᱛᱚ ᱛᱮᱞᱮᱝᱜᱟᱱᱟ, ᱟᱱᱫᱷᱨᱚ ᱯᱨᱚᱫᱮᱥ, ᱛᱟᱢᱤᱞᱱᱟᱰᱩ ᱟᱨ ᱠᱮᱨᱟᱞᱟ ᱠᱷᱚᱱ ᱵᱟᱪᱷᱟᱣ ᱟᱠᱟᱱ ᱚᱲᱟᱜ ᱨᱤᱱᱤᱡ ᱢᱟᱹᱡᱫᱩᱨ ᱠᱟᱱᱟᱭ ᱾ ᱨᱤᱭᱟᱫᱷ ᱨᱮ ᱤᱱᱰᱤᱭᱟᱱ ᱮᱢᱵᱟᱥᱤ ᱟᱨ ᱥᱟᱣᱫᱤ ᱟᱹᱭᱤᱱᱤᱭᱟᱹ ᱥᱟᱶᱛᱮ ᱫᱟᱢᱟᱢ ᱟᱨ ᱱᱟᱵᱷᱟᱭᱩᱜᱟᱢ ᱨᱮ ᱰᱤᱯᱳᱨᱴᱮᱥᱟᱱ ᱥᱮᱱᱴᱟᱨ ᱥᱟᱶ ᱠᱟᱹᱢᱤ ᱨᱮ ᱟᱡ ᱜᱚᱲᱚ ᱠᱚ ᱮᱢᱟᱭ ᱠᱟᱱᱟ ᱾ ᱩᱱᱤ ᱟᱡᱟᱜ ᱥᱟᱶᱛᱟ ᱠᱟᱹᱢᱤ ᱞᱟᱹᱜᱤᱫ ᱵᱷᱮᱜᱟᱨ ᱜᱟᱶᱛᱟ, ᱛᱷᱟᱯᱚᱱ ᱟᱨ ᱮᱱᱡᱤᱳ ᱴᱷᱮᱱ ᱠᱷᱚᱱ ᱟᱭᱢᱟ ᱥᱤᱨᱯᱷᱟᱹ ᱠᱚ ᱡᱤᱛᱠᱟᱹᱨ ᱟᱠᱟᱫᱟ ᱾ ᱩᱱᱤ ᱱᱤᱛ ᱦᱚᱸ ᱥᱟᱣᱫᱤ ᱟᱨᱚᱵ ᱨᱮ ᱟᱡᱟᱜ ᱥᱟᱶᱛᱟ ᱠᱟᱹᱢᱤ ᱫᱚᱭ ᱪᱟᱹᱞᱩ ᱫᱚᱦᱚ ᱟᱠᱟᱫ ᱜᱮᱭᱟ ᱾