ᱢᱚᱫᱷᱩᱞᱤᱠᱟ ᱨᱟᱢᱛᱮᱠᱮ
ᱢᱚᱫᱷᱩᱞᱤᱠᱟ ᱨᱟᱢᱛᱮᱠᱮ ᱫᱚ ᱪᱷᱚᱛᱛᱤᱥᱜᱚᱲ ᱨᱤᱱᱤᱡ ᱢᱤᱫ ᱵᱷᱟᱨᱚᱛᱤᱭᱚ ᱥᱟᱶᱛᱟᱨᱤ ᱵᱮᱯᱟᱨᱤᱭᱟᱹ ᱠᱟᱱᱟᱭ᱾ ᱩᱱᱤ ᱫᱚ ᱛᱤᱨᱞᱟᱹ ᱠᱚ ᱦᱚᱛᱮᱛᱮ ᱪᱟᱪᱞᱟᱣᱚᱜ ᱢᱤᱫ ᱢᱟᱭᱠᱨᱚᱯᱷᱟᱭᱱᱟᱱᱥ ᱵᱮᱸᱠ ᱮ ᱵᱮᱱᱟᱣ ᱟᱠᱟᱫᱟ ᱟᱨ ᱜᱷᱟᱨᱚᱸᱡᱽ ᱦᱟᱢᱞᱟ ᱠᱷᱚᱱ ᱵᱟᱧᱪᱟᱣ ᱟᱠᱟᱱ ᱠᱚ ᱥᱟᱶ ᱮ ᱠᱟᱹᱢᱤᱭᱟ᱾ ᱩᱱᱤᱫᱚ ᱟᱡᱟᱜ ᱠᱟᱹᱢᱤ ᱠᱚ ᱧᱮᱞ ᱠᱟᱛᱮ ᱱᱟᱨᱤ ᱥᱚᱠᱛᱤ ᱯᱩᱨᱚᱥᱠᱟᱨ ᱮ ᱧᱟᱢ ᱟᱠᱟᱫᱟ᱾
ᱠᱮᱨᱤᱭᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱨᱟᱢᱛᱮᱠᱮ ᱫᱚ ᱪᱷᱚᱛᱛᱤᱥᱜᱚᱲ ᱯᱚᱱᱚᱛ ᱨᱮᱭᱟᱜ ᱨᱟᱡᱱᱟᱱᱫᱜᱟᱶ ᱦᱚᱱᱚᱛ ᱨᱮᱱᱤᱡ ᱠᱟᱱᱟᱭ᱾[᱑] ᱩᱱᱤ ᱫᱚ ᱵᱟᱝ ᱚᱞᱚᱜ ᱯᱟᱲᱦᱟᱣ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟᱭ ᱟᱨ ᱟᱥᱲᱟ ᱨᱮ ᱯᱟᱲᱦᱟᱣ ᱠᱟᱛᱮ ᱟᱡ ᱨᱤᱱ ᱟᱭᱳ ᱵᱟᱵᱟ ᱚᱞ ᱪᱤᱠᱤ ᱮ ᱪᱮᱫ ᱟᱫ ᱠᱤᱱᱟ᱾ ᱨᱟᱢᱛᱮᱠᱮ ᱫᱚ ᱵᱷᱟᱨᱚᱛ ᱨᱮᱱᱤᱡ ᱥᱟᱶᱛᱟᱨᱤ ᱵᱮᱯᱟᱨᱤᱭᱟᱹᱭ ᱦᱩᱭ ᱮᱱᱟ ᱡᱚᱠᱷᱚᱱ ᱩᱱᱤ ᱟᱡᱟᱜ ᱟᱹᱛᱩ ᱨᱮ ᱛᱤᱨᱞᱟᱹ ᱠᱚ ᱞᱟᱹᱜᱤᱫ ᱢᱤᱫ ᱥᱚᱦᱚᱫ ᱜᱩᱴ ᱮ ᱵᱮᱱᱟᱣ ᱠᱮᱫᱟ, ᱡᱟᱦᱟᱸ ᱫᱚ ᱒᱐᱐᱑ ᱨᱮ ᱢᱟ ᱵᱟᱢᱞᱮᱥᱣᱚᱨᱤ ᱵᱮᱸᱠ ᱮ ᱵᱮᱱᱟᱣ ᱠᱮᱫᱟ, ᱚᱱᱟ ᱴᱚᱴᱷᱟ ᱨᱮᱱᱟᱜ ᱯᱨᱚᱡᱮᱠᱴ ᱠᱚ ᱢᱟᱭᱠᱨᱚᱯᱷᱟᱭᱱᱟᱱᱥ ᱦᱚᱛᱮᱛᱮ ᱜᱚᱲᱚ ᱥᱚᱦᱚᱫ ᱮᱢ ᱞᱟᱹᱜᱤᱫ᱾ ᱨᱟᱢᱛᱮᱠᱮ ᱫᱚ ᱟᱡᱟᱜ ᱩᱫᱜᱟᱹᱣ ᱟᱨ ᱮᱴᱟᱜ ᱛᱤᱨᱞᱟᱹ ᱠᱚ ᱥᱟᱶ ᱢᱮᱥᱟ ᱠᱟᱛᱮ ᱮᱴᱟᱜ ᱛᱤᱨᱞᱟᱹ ᱠᱚ ᱞᱟᱹᱜᱤᱫ ᱮ ᱮᱢ ᱮᱦᱚᱵ ᱠᱮᱫᱟ ᱡᱟᱦᱟᱸᱭ ᱠᱚ ᱦᱮᱞᱛᱷᱠᱮᱭᱟᱨ ᱞᱮᱠᱟᱱ ᱡᱤᱱᱤᱥ ᱠᱚ ᱠᱤᱨᱤᱧ ᱥᱮ ᱵᱟᱝᱢᱟ ᱢᱤᱫ ᱵᱮᱵᱷᱟᱨ ᱟᱠᱟᱱ ᱵᱟᱭᱥᱤᱠᱤᱞ ᱠᱤᱨᱤᱧ ᱥᱟᱱᱟᱭᱮᱫ ᱠᱚ ᱛᱟᱦᱮᱸᱫ᱾ ᱚᱱᱟ ᱛᱟᱭᱚᱢ ᱵᱮᱸᱠ ᱫᱚ ᱚᱛ ᱦᱟᱥᱟ ᱯᱟᱴᱟ ᱨᱮ ᱦᱟᱛᱟᱣ ᱮᱦᱚᱵ ᱠᱮᱫᱟ ᱟᱨ ᱒᱐᱑᱒ ᱥᱟᱞ ᱫᱷᱟᱹᱵᱤᱡ, ᱚᱱᱟ ᱨᱮ ᱕,᱓᱗᱒ ᱜᱚᱴᱟᱝ ᱪᱟᱸᱜᱟ ᱛᱟᱦᱮᱸ ᱠᱟᱱᱟ ᱟᱨ ᱚᱱᱟ ᱫᱚ ᱡᱚᱛᱚ ᱛᱤᱨᱞᱟᱹ ᱠᱚ ᱦᱚᱛᱮᱛᱮ ᱜᱮ ᱪᱟᱪᱞᱟᱣ ᱦᱩᱭᱩᱜ ᱠᱟᱱ ᱛᱟᱦᱮᱸᱫ᱾ ᱱᱚᱣᱟ ᱫᱚ ᱦᱩᱰᱤᱧ ᱦᱩᱰᱤᱧ ᱥᱚᱦᱚᱫ ᱜᱩᱴ ᱠᱷᱚᱱ ᱵᱮᱱᱟᱣ ᱟᱠᱟᱱᱟ ᱡᱟᱦᱟᱸ ᱨᱮ ᱘᱐,᱐᱐᱐ ᱜᱚᱴᱟᱝ ᱛᱤᱨᱞᱟᱹ ᱠᱚ ᱥᱮᱞᱮᱫ ᱢᱮᱱᱟᱜ ᱠᱚᱣᱟ᱾ ᱨᱟᱢᱛᱮᱠᱮ ᱫᱚ ᱜᱷᱟᱨᱚᱸᱡᱽ ᱦᱟᱢᱞᱟ ᱠᱷᱚᱱ ᱵᱟᱧᱪᱟᱣ ᱟᱠᱟᱱ ᱛᱤᱨᱞᱟᱹ ᱠᱚ ᱥᱟᱶ ᱮ ᱠᱟᱹᱢᱤᱭᱟ ᱟᱨ ᱟᱹᱛᱩ ᱦᱚᱲ ᱠᱚ ᱭᱟᱢ ᱪᱟᱥ ᱞᱮᱠᱟᱱ ᱱᱟᱱᱟ ᱦᱩᱱᱟᱹᱨ ᱮ ᱪᱮᱫ ᱟᱠᱚᱣᱟ ᱟᱨ ᱵᱮᱨᱢᱤᱠᱚᱢᱯᱚᱥᱴ ᱪᱮᱫ ᱞᱮᱠᱟᱛᱮ ᱠᱚ ᱪᱟᱪᱞᱟᱣᱟ᱾ ᱩᱱᱤᱭᱟᱜ ᱯᱟᱹᱛᱭᱟᱹᱣ ᱫᱚ ᱱᱚᱣᱟ ᱜᱮ ᱡᱮ ᱠᱮᱢᱤᱠᱟᱞ ᱥᱟᱨ ᱠᱚ ᱵᱮᱵᱷᱟᱨ ᱞᱮᱠᱷᱟᱱ ᱵᱟᱹᱲᱤᱡ ᱦᱚᱲᱢᱚ ᱦᱩᱭ ᱫᱟᱲᱮᱭᱟᱜᱼᱟ ᱟᱨ ᱫᱟᱨᱮ ᱠᱚ ᱦᱚᱛᱮᱛᱮ ᱱᱮᱪᱩᱨᱟᱞ ᱞᱮᱠᱟᱛᱮ ᱵᱮᱱᱟᱣ ᱟᱠᱟᱱ ᱠᱚᱢᱯᱚᱥᱴ ᱫᱚ ᱵᱮᱥ ᱥᱤᱵᱤᱞ ᱡᱚᱢᱟᱜ ᱮ ᱵᱮᱱᱟᱣᱟ᱾ ᱚᱱᱟ ᱪᱷᱟᱰᱟ ᱦᱚᱸ ᱩᱱᱤ ᱢᱮᱱᱟᱭ ᱡᱮ ᱱᱚᱣᱟ ᱠᱮᱢᱤᱠᱟᱞ ᱥᱟᱨ ᱠᱚ ᱫᱚ ᱟᱢ ᱵᱟᱹᱲᱤᱡ ᱮ ᱵᱩᱡᱷᱟᱹᱣ ᱚᱪᱚ ᱢᱮᱭᱟ᱾ ᱒᱐᱑᱘ ᱥᱟᱞ ᱨᱮ ᱩᱱᱤ ᱖᱔ ᱜᱚᱴᱟᱝ ᱟᱹᱛᱩ ᱨᱮ ᱵᱮᱥ ᱥᱟᱯᱷᱟᱼᱥᱟᱯᱷᱟᱭ ᱮ ᱥᱟᱯᱲᱟᱣ ᱠᱮᱫᱟ᱾
ᱨᱟᱢᱛᱮᱠᱮ ᱭᱟᱜ ᱥᱚᱦᱚᱫ ᱜᱩᱴ ᱫᱚ ᱒᱐᱑᱖ ᱨᱮ ᱯᱮᱭᱟ ᱥᱚᱥᱟᱭᱤᱴᱤ ᱠᱚ ᱵᱮᱱᱟᱣ ᱠᱮᱫᱟ: ᱢᱤᱫ ᱫᱚ ᱟᱹᱠᱷᱨᱤᱧ ᱞᱟᱹᱜᱤᱫ ᱜᱟᱹᱭ ᱫᱩᱫᱷ ᱮ ᱪᱟᱥ ᱮᱦᱚᱵ ᱠᱮᱫᱟ, ᱫᱚᱥᱟᱨ ᱫᱚ ᱦᱟᱨᱟ ᱵᱟᱦᱮᱨᱟ (ᱢᱤᱫ ᱟᱭᱩᱨᱵᱮᱫᱤᱠ ᱡᱚᱢᱟᱜ) ᱮ ᱪᱟᱥ ᱠᱮᱫᱟ ᱟᱨ ᱛᱮᱥᱟᱨ ᱫᱚ ᱥᱤᱛᱟᱯᱷᱚᱞ (ᱥᱩᱜᱟᱨ-ᱮᱯᱚᱞ) ᱮ ᱪᱟᱥ ᱠᱮᱫᱟ ᱟᱭᱤᱥᱠᱨᱤᱢ ᱵᱮᱱᱟᱣ ᱞᱟᱹᱜᱤᱫ᱾ ᱟᱡᱟᱜ ᱠᱟᱹᱢᱤ ᱠᱚ ᱧᱮᱞ ᱠᱟᱛᱮ, ᱨᱟᱢᱛᱮᱠᱮ ᱫᱚ ᱒᱐᱒᱑ ᱥᱟᱞ ᱨᱮᱱᱟᱜ ᱱᱟᱨᱤ ᱥᱚᱠᱛᱤ ᱯᱩᱨᱚᱥᱠᱟᱨ ᱒᱐᱒᱒ ᱥᱟᱞ ᱨᱮ ᱡᱮᱡᱟᱹᱛᱤᱭᱟᱹᱨᱤ ᱛᱤᱨᱞᱟᱹ ᱢᱟᱦᱟᱸ ᱨᱮ ᱨᱟᱥᱴᱨᱚᱯᱚᱛᱤ ᱨᱟᱢ ᱱᱟᱛᱷ ᱠᱚᱵᱤᱱᱫ ᱦᱚᱛᱮᱛᱮ ᱮᱢᱟᱭ ᱦᱩᱭ ᱮᱱᱟ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Nari Shakti Award to Madhulika, who started Maa Bamleshwari Bank". Pipa News. 9 March 2022. Archived from the original on 4 May 2022. Retrieved 4 May 2022.