ᱢᱚᱱᱤᱠᱟ ᱫᱮᱵᱤ
ᱞᱟᱭᱥᱨᱟᱢ ᱢᱚᱱᱤᱠᱟ ᱫᱮᱵᱤ (ᱡᱟᱱᱟᱢ ᱑ ᱢᱟᱨᱪ ᱑᱙᱘᱓) ᱫᱚ ᱢᱚᱱᱤᱯᱩᱨ ᱨᱮᱱᱤᱡ ᱢᱤᱫ ᱵᱷᱟᱨᱚᱛᱤᱭᱟᱹ ᱵᱷᱟᱨᱚᱛ ᱛᱩᱞᱟᱹ ᱠᱷᱮᱞᱚᱸᱰᱤᱭᱟᱹ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱒᱐᱐᱖ ᱠᱚᱢᱚᱱᱣᱮᱞᱛᱷ ᱠᱷᱮᱞᱚᱸᱰ ᱨᱮ ᱛᱤᱨᱞᱟᱹ ᱖᱙ ᱠᱤᱞᱚᱜᱨᱟᱢ ᱛᱷᱚᱠ ᱨᱮ ᱥᱤᱞᱵᱷᱚᱨ ᱢᱮᱰᱟᱞ ᱮ ᱡᱤᱛᱠᱟᱹᱨ ᱞᱮᱱᱟ᱾ ᱢᱚᱱᱤᱠᱟ ᱫᱚ ᱮᱛᱚᱦᱚᱵ ᱨᱮ ᱒᱐᱐᱘ ᱥᱤᱛᱩᱝ ᱚᱞᱤᱢᱯᱤᱠ ᱨᱮ ᱛᱤᱨᱞᱟᱹ ᱖᱘ ᱠᱤᱞᱚᱜᱨᱟᱢ ᱛᱷᱚᱠ ᱨᱮ ᱵᱷᱟᱨᱚᱛᱤᱭᱟᱹ ᱴᱤᱢ ᱨᱮ ᱛᱟᱦᱮᱸ ᱠᱟᱱᱟᱭ ᱢᱮᱱᱠᱷᱟᱱ ᱵᱷᱟᱨᱚᱛ ᱛᱩᱞᱟᱹ ᱯᱷᱮᱰᱮᱨᱮᱥᱚᱱ ᱦᱚᱛᱮᱛᱮ ᱩᱱᱤ ᱫᱚ ᱰᱚᱯ ᱴᱮᱥᱴ ᱨᱮ ᱯᱚᱡᱮᱴᱤᱵᱽ ᱧᱟᱢ ᱞᱮᱱ ᱠᱷᱟᱹᱛᱤᱨ ᱵᱟᱫᱽ ᱞᱮᱫᱮᱭᱟ᱾ ᱢᱮᱱᱠᱷᱟᱱ ᱢᱟᱨᱟᱝ ᱢᱚᱱᱛᱨᱤ ᱚᱯᱷᱤᱥ ᱱᱚᱣᱟ ᱜᱚᱴᱟ ᱫᱚᱭ ᱨᱟᱹᱯᱩᱫ ᱠᱮᱫᱼᱟ᱾ ᱪᱮᱫᱟᱜ ᱥᱮ ᱵᱷᱟᱜ ᱦᱟᱛᱟᱣᱤᱡ ᱠᱚᱣᱟᱜ ᱢᱩᱪᱟᱹᱫ ᱞᱤᱥᱴᱤ ᱫᱚ ᱚᱞᱤᱢᱯᱤᱠ ᱚᱯᱷᱤᱥᱤᱭᱟᱹᱞ ᱠᱚ ᱴᱷᱮᱱ ᱥᱚᱢᱚᱨᱯᱚᱱ ᱦᱩᱭ ᱟᱠᱟᱱ ᱛᱟᱦᱮᱸᱫ, ᱚᱱᱟᱛᱮ ᱢᱚᱱᱤᱠᱟ ᱫᱚ ᱠᱷᱮᱞᱚᱸᱰ ᱨᱮ ᱵᱟᱭ ᱥᱮᱞᱮᱫ ᱫᱟᱲᱮᱭᱟᱫᱼᱟ᱾
᱒᱐᱑᱐ ᱠᱚᱢᱚᱱᱣᱮᱞᱛᱷ ᱠᱷᱮᱞᱚᱸᱰ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱰᱚᱯᱤᱝ ᱨᱮᱱᱟᱜ ᱟᱨᱚᱯ ᱠᱷᱚᱱ ᱯᱟᱹᱨᱤᱥ ᱮᱱ ᱛᱟᱭᱚᱢ, ᱢᱚᱱᱤᱠᱟ ᱫᱚ ᱒᱐᱑᱐ ᱠᱚᱢᱚᱱᱣᱮᱞᱛᱷ ᱠᱷᱮᱞᱚᱸᱰ ᱨᱮ ᱛᱤᱨᱞᱟᱹ ᱖᱙ ᱠᱤᱞᱚᱜᱨᱟᱢ ᱛᱷᱚᱠ ᱨᱮ ᱦᱮᱯᱨᱟᱣ ᱠᱮᱫᱼᱟ ᱡᱟᱦᱟᱸᱨᱮ ᱩᱱᱤ ᱫᱚ ᱵᱨᱳᱸᱡᱽ ᱢᱮᱰᱟᱞ ᱮ ᱡᱤᱛᱠᱟᱹᱨ ᱞᱮᱱᱟ᱾
ᱰᱚᱯᱤᱝ ᱤᱫᱤ ᱠᱟᱛᱮ ᱦᱮᱯᱨᱟᱣ ᱟᱨ ᱚᱱᱟ ᱛᱟᱭᱚᱢ ᱚᱞᱤᱢᱯᱤᱠ ᱠᱷᱚᱱ ᱵᱟᱫᱽ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱷᱟᱨᱚᱛ ᱛᱩᱞᱟᱹ ᱯᱷᱮᱰᱮᱨᱮᱥᱚᱱ ᱫᱚ ᱞᱟᱹᱭ ᱠᱮᱫᱼᱟ ᱡᱮ ᱚᱞᱤᱢᱯᱤᱠ ᱢᱟᱬᱟᱝ ᱨᱮ ᱢᱚᱱᱤᱠᱟ ᱫᱚ ᱵᱷᱟᱨᱚᱛ ᱨᱮ ᱦᱩᱭ ᱟᱠᱟᱱ ᱰᱚᱯ ᱴᱮᱥᱴ ᱨᱮ ᱯᱚᱡᱮᱴᱤᱵᱽ ᱧᱟᱢ ᱟᱠᱟᱱᱟ᱾ ᱚᱱᱟ ᱛᱟᱭᱚᱢ, ᱩᱱᱤ ᱫᱚ ᱒᱐᱐᱘ ᱥᱤᱛᱩᱝ ᱚᱞᱤᱢᱯᱤᱠ, ᱵᱮᱡᱤᱝ ᱞᱟᱹᱜᱤᱫ ᱵᱷᱟᱨᱚᱛᱤᱭᱟᱹ ᱴᱤᱢ ᱠᱷᱚᱱ ᱵᱟᱫᱽ ᱠᱮᱫᱮᱭᱟ᱾ ᱩᱱᱤ ᱫᱚ ᱵᱤᱨᱩᱫᱽ ᱠᱮᱫᱼᱟ ᱡᱮ ᱚᱯᱷᱤᱥᱤᱭᱟᱹᱞ ᱠᱚ ᱫᱚ ᱮᱴᱟᱜ ᱵᱷᱟᱨᱚᱛ ᱛᱩᱞᱟᱹ ᱠᱷᱮᱞᱚᱸᱰᱤᱭᱟᱹ ᱥᱟᱭᱞᱟᱡᱟ ᱯᱩᱡᱟᱨᱤ ᱞᱟᱹᱜᱤᱫ ᱩᱱᱤ ᱫᱚ ᱪᱷᱟᱹᱴᱭᱟᱹᱨ ᱨᱮᱱᱟᱜ ᱠᱩᱨᱩᱢᱩᱴᱩ ᱠᱚ ᱮᱫ ᱛᱟᱦᱮᱸᱫ᱾ ᱪᱮᱫᱟᱜ ᱥᱮ ᱯᱷᱮᱰᱮᱨᱮᱥᱚᱱ ᱠᱷᱚᱱ ᱦᱮᱡ ᱟᱠᱟᱱ ᱵᱚᱭᱟᱱ ᱨᱮ ᱪᱮᱫ ᱦᱚᱸ ᱯᱟᱹᱛᱭᱟᱹᱣ ᱵᱟᱝ ᱛᱟᱦᱮᱸ ᱠᱟᱱᱟ, ᱚᱱᱟᱛᱮ ᱢᱟᱨᱟᱝ ᱢᱚᱱᱛᱨᱤ ᱚᱯᱷᱤᱥ ᱵᱷᱟᱜ ᱦᱟᱛᱟᱣ ᱨᱮᱱᱟᱜ ᱢᱟᱹᱱ ᱮ ᱮᱢᱟᱫᱮᱭᱟ᱾ ᱵᱷᱟᱜ ᱦᱟᱛᱟᱣᱤᱡ ᱠᱚᱣᱟᱜ ᱞᱤᱥᱴᱤ ᱫᱚ ᱟᱭᱢᱟ ᱞᱟᱦᱟᱨᱮ ᱚᱞᱤᱢᱯᱤᱠ ᱚᱛᱷᱚᱨᱤᱴᱤ ᱠᱚ ᱴᱷᱮᱱ ᱥᱚᱢᱚᱨᱯᱚᱱ ᱦᱩᱭ ᱟᱠᱟᱱ ᱠᱷᱟᱹᱛᱤᱨ, ᱵᱷᱟᱨᱚᱛᱤᱭᱟᱹ ᱚᱞᱤᱢᱯᱤᱠ ᱮᱥᱳᱥᱤᱭᱮᱥᱚᱱ ᱮ ᱞᱟᱹᱭ ᱠᱮᱫᱼᱟ ᱡᱮ ᱢᱚᱱᱤᱠᱟ ᱫᱚ ᱚᱞᱤᱢᱯᱤᱠ ᱨᱮ ᱵᱟᱭ ᱵᱷᱟᱜ ᱦᱟᱛᱟᱣ ᱫᱟᱲᱮᱭᱟᱜᱼᱟ᱾ ᱚᱱᱟᱛᱮ, ᱩᱱᱤ ᱫᱚ ᱵᱷᱟᱨᱚᱛᱤᱭᱟᱹ ᱜᱟᱫᱮᱞ ᱠᱷᱚᱱ ᱵᱟᱫᱽ ᱠᱮᱫᱮᱭᱟ᱾
ᱢᱟᱨᱪ ᱒᱐᱐᱙ ᱨᱮ, ᱯᱨᱮᱥ ᱴᱨᱟᱥᱴ ᱚᱯᱷ ᱤᱱᱰᱤᱭᱟ (PTI) ᱮ ᱨᱤᱯᱳᱨᱴ ᱠᱮᱫᱼᱟ ᱡᱮ ᱢᱚᱱᱤᱠᱟ ᱟᱜ ᱵᱤ ᱥᱟᱢᱯᱩᱞ, ᱡᱟᱦᱟᱸ ᱫᱚ ᱴᱚᱠᱤᱭᱳ ᱨᱮ ᱢᱮᱱᱟᱜ ᱢᱤᱫ WADA ᱢᱟᱱᱚᱛ ᱮᱢ ᱟᱠᱟᱫ ᱞᱮᱵᱽᱨᱮᱴᱚᱨᱤ ᱛᱮᱠᱚ ᱵᱷᱮᱡᱟ ᱞᱮᱫᱼᱟ, ᱚᱱᱟ ᱦᱚᱸ ᱯᱚᱡᱮᱴᱤᱵᱽ ᱮ ᱨᱩᱣᱟᱹᱲ ᱮᱱᱟ᱾ ᱨᱤᱯᱳᱨᱴ ᱨᱮ ᱱᱚᱣᱟ ᱧᱮᱞᱚᱜ ᱠᱟᱱ ᱛᱟᱦᱮᱸᱫ ᱡᱮ ᱩᱱᱤ ᱫᱚ ᱵᱟᱨ ᱥᱮᱨᱢᱟ ᱞᱟᱹᱜᱤᱫ ᱵᱮᱱ ᱦᱩᱭ ᱫᱟᱲᱮᱭᱟᱭ᱾ ᱢᱚᱱᱤᱠᱟ ᱱᱚᱣᱟ ᱠᱷᱚᱵᱚᱨ ᱨᱮ ᱨᱤᱭᱮᱠᱴ ᱠᱮᱫᱼᱟ ᱟᱨ ᱞᱟᱹᱭ ᱠᱮᱫᱼᱟ ᱡᱮ ᱩᱱᱤ ᱫᱚ ᱞᱮᱥ ᱦᱚᱸ ᱵᱟᱭ ᱵᱷᱩᱞ ᱟᱠᱟᱫᱼᱟ᱾ ᱩᱱᱤ ᱫᱚ ᱟᱨᱚᱯ ᱠᱮᱫᱼᱟ ᱡᱮ ᱩᱱᱤᱭᱟᱜ ᱠᱷᱮᱞᱚᱸᱰ ᱠᱮᱨᱤᱭᱚᱨ ᱚᱠᱛᱚ ᱢᱟᱬᱟᱝ ᱨᱮ ᱢᱩᱪᱟᱹᱫ ᱞᱟᱹᱜᱤᱫ ᱢᱤᱫ ᱢᱟᱨᱟᱝ ᱥᱟᱡᱤᱥ ᱢᱮᱱᱟᱜᱼᱟ᱾ ᱛᱟᱭᱚᱢ ᱛᱮ, ᱩᱱᱤᱭᱟᱜ ᱜᱷᱟᱨᱚᱸᱡᱽ PTI ᱪᱮᱛᱟᱱ ᱨᱮ ᱵᱷᱩᱞ ᱠᱷᱚᱵᱚᱨ ᱨᱤᱯᱳᱨᱴ ᱨᱮᱱᱟᱜ ᱟᱨᱚᱯ ᱠᱮᱫᱼᱟ, ᱡᱟᱦᱟᱸ ᱫᱚ ᱵᱤ ᱥᱟᱢᱯᱩᱞ ᱨᱮᱱᱟᱜ ᱨᱤᱡᱟᱞᱴ ᱠᱟᱱᱟ᱾ ᱢᱤᱫ ᱜᱷᱟᱨᱚᱸᱡᱽ ᱨᱮᱱᱟᱜ ᱥᱚᱦᱮᱫ ᱮ ᱞᱟᱹᱭ ᱠᱮᱫᱼᱟ ᱡᱮ ᱢᱚᱱᱤᱠᱟ ᱱᱤᱛ ᱫᱷᱟᱹᱵᱤᱡ ᱱᱚᱝᱠᱟᱱ ᱪᱮᱫ ᱨᱤᱯᱳᱨᱴ ᱦᱚᱸ ᱵᱟᱭ ᱧᱟᱢ ᱟᱠᱟᱫᱼᱟ᱾