Jump to content

ᱢᱚᱱᱮ ᱥᱟᱶᱟᱨ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱜᱨᱤᱠ ᱜᱞᱤᱯᱷ "ψ" ᱥᱮ "psi", ᱡᱟᱦᱟᱸ ᱫᱚ ᱞᱟᱴᱤᱱ ᱛᱮ ᱚᱞ ᱞᱮᱱᱠᱷᱟᱱ, ᱱᱚᱶᱟ ᱫᱚ ᱢᱚᱱᱮ ᱥᱟᱶᱟᱨ ᱟᱨ ᱵᱷᱟᱹᱞᱟᱹᱭ ᱨᱮᱭᱟᱜ ᱢᱤᱫ ᱥᱟᱫᱷᱟᱨᱚᱱ ᱪᱤᱱᱦᱟᱹ ᱠᱟᱱᱟ

ᱢᱚᱱᱮ ᱥᱟᱶᱟᱨ ᱫᱚ ᱟᱹᱭᱠᱟᱹᱣᱟᱱ, ᱢᱚᱱᱮ ᱥᱟᱬᱮᱥᱟᱱ, ᱟᱨ ᱥᱟᱶᱛᱟᱨᱤ ᱵᱷᱟᱹᱞᱟᱹᱭ ᱠᱚ ᱥᱮᱞᱮᱫᱟ, ᱡᱟᱦᱟᱸ ᱫᱚ ᱵᱩᱡᱷᱟᱹᱣ, ᱟᱹᱭᱠᱟᱹᱣ, ᱟᱨ ᱵᱮᱵᱷᱟᱨ ᱪᱮᱛᱟᱱ ᱨᱮ ᱚᱨᱥᱚᱝ ᱮ ᱮᱢᱟ᱾[᱑] ᱢᱚᱱᱮ ᱥᱟᱶᱟᱨ ᱫᱚ ᱢᱤᱫ ᱦᱚᱲᱟᱜ ᱫᱤᱱᱟᱹᱢ ᱡᱤᱭᱚᱱ ᱨᱮ ᱟᱹᱰᱤ ᱢᱩᱬᱩᱛ ᱮᱱᱮᱢ ᱮ ᱮᱢᱟ, ᱡᱚᱠᱷᱚᱱ ᱢᱚᱱᱮ ᱨᱮᱭᱟᱜ ᱦᱟᱥᱩ ᱪᱟᱪᱞᱟᱣ, ᱮᱴᱟᱜ ᱠᱚ ᱥᱟᱶ ᱡᱚᱯᱚᱲᱟᱣ, ᱟᱨ ᱡᱤᱭᱚᱱ ᱨᱮ ᱜᱚᱲᱚ ᱮᱢᱚᱜ ᱠᱟᱛᱷᱟ ᱦᱤᱡᱩᱜᱼᱟ᱾ ᱡᱮᱜᱮᱛ ᱥᱟᱶᱟᱨ ᱜᱟᱶᱛᱟ (ᱰᱟᱵᱽᱞᱩ.ᱮᱭᱤᱪ.ᱳ) ᱞᱮᱠᱟᱛᱮ, ᱱᱚᱶᱟ ᱫᱚ "ᱵᱷᱟᱹᱞᱟᱹᱭ ᱨᱮᱭᱟᱜ ᱢᱤᱫ ᱚᱵᱚᱥᱛᱟ ᱠᱟᱱᱟ ᱡᱟᱦᱟᱸ ᱨᱮ ᱢᱤᱫ ᱦᱚᱲ ᱟᱡᱟᱜ ᱫᱟᱲᱮ ᱠᱚ ᱵᱩᱡᱷᱟᱹᱣᱟ, ᱡᱤᱭᱚᱱ ᱨᱮᱭᱟᱜ ᱥᱟᱫᱷᱟᱨᱚᱱ ᱪᱤᱱᱛᱟᱹ ᱠᱚ ᱥᱟᱶ ᱢᱤᱫ ᱦᱚᱨᱟ ᱛᱮ ᱛᱟᱦᱮᱸᱱᱟ, ᱠᱟᱹᱢᱤ ᱟᱨ ᱟᱨᱡᱟᱣ ᱞᱮᱠᱟᱛᱮ ᱠᱟᱹᱢᱤ ᱫᱟᱲᱮᱭᱟᱜᱼᱟ, ᱟᱨ ᱟᱡᱟᱜ ᱥᱟᱶᱛᱟ ᱨᱮ ᱮᱱᱮᱢ ᱮ ᱮᱢ ᱫᱟᱲᱮᱭᱟᱜᱼᱟ"᱾[᱒] ᱱᱚᱶᱟ ᱫᱚ ᱚᱱᱟ ᱦᱚᱸ ᱜᱚᱴᱟᱭᱟ ᱡᱮ ᱢᱤᱫ ᱦᱚᱲ ᱯᱤᱲᱟᱹ, ᱦᱚᱲ ᱛᱟᱞᱟ ᱥᱟᱹᱜᱟᱹᱭ, ᱟᱨ ᱴᱷᱟᱹᱣᱠᱟᱹ ᱠᱟᱛᱷᱟ ᱜᱚᱴᱟ ᱪᱮᱫ ᱞᱮᱠᱟᱛᱮ ᱥᱟᱢᱟᱝ ᱟᱭ᱾[᱓] ᱢᱚᱱᱮ ᱥᱟᱶᱟᱨ ᱨᱮ ᱟᱯᱱᱟᱨᱟᱜ ᱵᱷᱟᱹᱞᱟᱹᱭ, ᱵᱩᱡᱷᱟᱹᱣ ᱟᱠᱟᱱ ᱟᱯᱱᱟᱨ ᱫᱟᱲᱮ, ᱯᱷᱩᱨᱜᱟᱹᱞ, ᱫᱟᱲᱮ, ᱯᱤᱲᱦᱤ ᱛᱟᱞᱟ ᱨᱮ ᱱᱤᱨᱵᱷᱚᱨᱥᱤᱞᱚᱛᱟ, ᱟᱨ ᱢᱤᱫ ᱦᱚᱲᱟᱜ ᱵᱩᱫᱽᱫᱷᱤ ᱟᱨ ᱟᱹᱭᱠᱟᱹᱣᱟᱱ ᱫᱟᱲᱮ ᱨᱮᱭᱟᱜ ᱥᱟᱹᱨᱤ ᱩᱛᱱᱟᱹᱣ ᱥᱮᱞᱮᱫ ᱢᱮᱱᱟᱜᱼᱟ, ᱟᱨ ᱮᱴᱟᱜ ᱠᱚ ᱦᱚᱸ ᱢᱮᱱᱟᱜᱼᱟ᱾[᱔]

ᱢᱚᱱᱮ ᱥᱟᱶᱟᱨ ᱨᱮ ᱟᱹᱭᱠᱟᱹᱣᱟᱱ, ᱢᱚᱱᱮ ᱥᱟᱬᱮᱥᱟᱱ, ᱟᱨ ᱥᱟᱶᱛᱟᱨᱤ ᱵᱷᱟᱹᱞᱟᱹᱭ ᱦᱚᱸ ᱥᱮᱞᱮᱫ ᱢᱮᱱᱟᱜᱼᱟ, ᱟᱨ ᱱᱚᱶᱟ ᱚᱨᱥᱚᱝ ᱮ ᱮᱢᱚᱜᱼᱟ ᱡᱮ ᱦᱚᱲ ᱠᱚ ᱪᱮᱫ ᱞᱮᱠᱟ ᱛᱮ ᱯᱤᱲᱟᱹ ᱠᱚ ᱪᱟᱪᱞᱟᱣᱟ ᱟᱨ ᱫᱤᱱᱟᱹᱢ ᱫᱤᱱ ᱨᱮᱭᱟᱜ ᱠᱟᱛᱷᱟ ᱠᱚ ᱜᱚᱴᱟᱭᱟ᱾[᱕][᱖] ᱯᱚᱡᱤᱴᱤᱵᱷ ᱢᱚᱱᱮ ᱥᱟᱬᱮᱥ ᱥᱮ ᱦᱳᱞᱤᱡᱚᱢ ᱨᱮᱭᱟᱜ ᱫᱤᱥᱴᱤᱵᱷᱚᱝᱜᱤ ᱠᱷᱚᱱ, ᱢᱚᱱᱮ ᱥᱟᱶᱟᱨ ᱫᱚ ᱥᱩᱢᱩᱝ ᱢᱚᱱᱮ ᱟᱡᱟᱨ ᱵᱟᱝ ᱛᱟᱦᱮᱸᱱ ᱫᱚ ᱵᱟᱝ ᱠᱟᱱᱟ᱾ ᱱᱚᱶᱟ ᱫᱚ ᱵᱷᱟᱹᱞᱟᱹᱭ ᱨᱮᱭᱟᱜ ᱢᱤᱫ ᱟᱨᱦᱚᱸ ᱚᱥᱟᱨ ᱚᱵᱚᱥᱛᱟ ᱠᱟᱱᱟ ᱡᱟᱦᱟᱸ ᱫᱚ ᱢᱤᱫ ᱦᱚᱲᱟᱜ ᱡᱤᱭᱚᱱ ᱨᱟᱹᱥᱠᱟᱹ ᱦᱟᱛᱟᱣ ᱟᱨ ᱡᱤᱭᱚᱱ ᱨᱮᱭᱟᱜ ᱠᱟᱹᱢᱤᱦᱚᱨᱟ ᱟᱨ ᱢᱚᱱᱮ ᱠᱮᱴᱮᱡ ᱫᱟᱲᱮ ᱦᱟᱢᱮᱴ ᱞᱟᱹᱜᱤᱫ ᱠᱩᱨᱩᱢᱩᱴᱩ ᱛᱟᱞᱟ ᱨᱮ ᱢᱤᱫ ᱵᱟᱞᱟᱱᱥ ᱵᱮᱱᱟᱣ ᱨᱮᱭᱟᱜ ᱫᱟᱲᱮ ᱮ ᱮᱢᱚᱜᱼᱟ᱾[᱗][᱘] ᱞᱟᱠᱪᱟᱨ ᱵᱷᱮᱜᱟᱨ, ᱟᱯᱱᱟᱨᱟᱜ ᱫᱟᱨᱥᱚᱱ, ᱟᱯᱱᱟᱨᱟᱜ ᱟᱸᱫᱟᱡᱽ, ᱟᱨ ᱦᱮᱯᱨᱟᱣ ᱟᱱ ᱯᱟᱹᱨᱩᱠᱤᱭᱟᱹ ᱛᱷᱤᱭᱚᱨᱤ ᱠᱚ ᱡᱚᱛᱚ ᱜᱮ ᱚᱨᱥᱚᱝ ᱮ ᱮᱢᱚᱜᱼᱟ ᱡᱮ ᱢᱤᱫ ᱦᱚᱲ "ᱢᱚᱱᱮ ᱥᱟᱶᱟᱨ" ᱪᱮᱫ ᱞᱮᱠᱟᱛᱮᱭ ᱵᱟᱰᱟᱭᱟ᱾

ᱰᱤᱡᱤᱴᱟᱞ ᱚᱠᱛᱚ ᱨᱮ ᱢᱚᱱᱮ ᱥᱟᱶᱟᱨ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱰᱤᱡᱤᱴᱟᱞ ᱴᱮᱠᱱᱳᱞᱳᱡᱤ ᱨᱮᱭᱟᱜ ᱢᱚᱱᱮ ᱥᱟᱶᱟᱨ ᱪᱮᱛᱟᱱ ᱨᱮ ᱵᱟᱹᱲᱛᱤᱜ ᱠᱟᱱ ᱚᱨᱥᱚᱝ ᱢᱮᱱᱟᱜᱼᱟ᱾ ᱠᱷᱚᱸᱫᱽᱨᱚᱸᱫᱽ ᱠᱷᱚᱱ ᱵᱟᱰᱟᱭᱚᱜᱼᱟ ᱡᱮ ᱞᱮᱛᱟᱲ ᱚᱱᱞᱟᱭᱤᱱ ᱡᱚᱯᱚᱲᱟᱣ ᱛᱟᱦᱮᱸᱱ ᱫᱚ ᱯᱤᱲᱟᱹ ᱮ ᱵᱟᱹᱲᱛᱤ ᱫᱟᱲᱮᱭᱟᱜᱼᱟ, ᱡᱚᱠᱷᱚᱱ ᱰᱤᱡᱤᱴᱟᱞ ᱴᱩᱞ ᱠᱚᱫᱚ ᱚᱱᱟ ᱦᱚᱲ ᱠᱚ ᱞᱟᱹᱜᱤᱫ ᱢᱚᱱᱮ ᱥᱟᱶᱟᱨ ᱜᱚᱲᱚ ᱧᱟᱢ ᱨᱮᱭᱟᱜ ᱫᱟᱣ ᱮ ᱯᱟᱥᱱᱟᱣ ᱫᱟᱲᱮᱭᱟᱜᱼᱟ ᱡᱟᱦᱟᱸᱭ ᱫᱚ ᱟᱹᱰᱤ ᱞᱚᱜᱚᱱ ᱛᱤᱠᱤᱪᱷᱟ ᱚᱲᱟᱜ ᱪᱟᱞᱟᱣ ᱠᱟᱛᱮ ᱡᱚᱛᱚᱱ ᱵᱟᱝ ᱠᱚ ᱧᱟᱢ ᱫᱟᱲᱮᱭᱟᱜᱼᱟ᱾[᱙] ᱠᱷᱚᱸᱫᱽᱨᱚᱸᱫᱽ ᱱᱚᱶᱟ ᱦᱚᱸ ᱩᱫᱩᱜᱟ ᱡᱮ ᱰᱤᱡᱤᱴᱟᱞ ᱢᱤᱰᱤᱭᱟ ᱵᱮᱵᱷᱟᱨ ᱫᱚ ᱠᱤᱥᱳᱨ-ᱠᱤᱥᱳᱨᱤ ᱠᱚᱣᱟᱜ ᱟᱹᱭᱠᱟᱹᱣᱟᱱ ᱵᱷᱟᱹᱞᱟᱹᱭ, ᱥᱟᱶᱛᱟᱨᱤ ᱩᱛᱱᱟᱹᱣ, ᱟᱨ ᱢᱚᱱᱮ ᱥᱟᱶᱟᱨ ᱚᱨᱡᱚ ᱠᱚ ᱪᱮᱛᱟᱱ ᱨᱮ ᱚᱨᱥᱚᱝ ᱮ ᱮᱢ ᱫᱟᱲᱮᱭᱟᱜᱼᱟ᱾[᱑᱐] ᱥᱟᱭᱵᱟᱨᱵᱩᱞᱤᱝ ᱟᱨ ᱚᱱᱞᱟᱭᱤᱱ ᱦᱚᱨᱟᱥᱢᱮᱱᱴ ᱫᱚ ᱜᱤᱫᱽᱨᱟᱹ ᱟᱨ ᱠᱤᱥᱳᱨ-ᱠᱤᱥᱳᱨᱤ ᱠᱚᱣᱟᱜ ᱢᱚᱱᱮ ᱥᱟᱶᱟᱨ ᱞᱚᱠᱷᱚᱱ ᱠᱚ ᱟᱨᱦᱚᱸ ᱵᱟᱹᱲᱛᱤ ᱫᱟᱲᱮᱭᱟᱜᱼᱟ᱾ ᱯᱟᱲᱦᱟᱣ ᱠᱚ ᱩᱫᱩᱜᱟ ᱡᱮ ᱚᱱᱞᱟᱭᱤᱱ ᱵᱩᱞᱤᱝ, ᱰᱤᱯᱨᱮᱥᱚᱱ, ᱟᱨ ᱪᱤᱱᱛᱟᱹ ᱛᱟᱞᱟ ᱨᱮ ᱥᱟᱹᱜᱟᱹᱭ ᱢᱮᱱᱟᱜᱼᱟ, ᱚᱱᱟ ᱥᱟᱶᱛᱮ ᱦᱚᱲ ᱠᱚ ᱪᱮᱛᱟᱱ ᱨᱮ ᱡᱤᱞᱤᱧ ᱚᱠᱛᱚ ᱨᱮᱭᱟᱜ ᱚᱨᱥᱚᱝ ᱦᱚᱸ ᱛᱟᱦᱮᱸᱱᱟ᱾[᱑᱑]

ᱦᱟᱨᱟ ᱨᱟᱠᱟᱵᱚᱜ ᱜᱤᱫᱽᱨᱟᱹ ᱠᱚᱣᱟᱜ ᱢᱚᱱᱮ ᱥᱟᱶᱟᱨ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱟᱨᱟ ᱨᱟᱠᱟᱵᱚᱜ ᱜᱤᱫᱽᱨᱟᱹ ᱩᱢᱮᱨ ᱫᱚ ᱢᱤᱫ ᱚᱱᱠᱟᱱ ᱚᱠᱛᱚ ᱠᱟᱱᱟ ᱡᱟᱦᱟᱸ ᱨᱮ ᱟᱭᱢᱟ ᱢᱚᱱᱮ ᱥᱟᱶᱟᱨ ᱚᱵᱚᱥᱛᱟ ᱯᱩᱭᱞᱩ ᱫᱷᱟᱣ ᱧᱮᱞᱚᱜᱼᱟ᱾ ᱱᱚᱶᱟ ᱩᱢᱮᱨ ᱨᱮᱱ ᱠᱚᱲᱟ-ᱠᱩᱲᱤ ᱠᱚᱫᱚ ᱢᱟᱨᱟᱝ ᱦᱚᱲᱢᱚ ᱨᱮᱭᱟᱜ, ᱥᱟᱶᱛᱟᱨᱤ, ᱟᱨ ᱟᱹᱭᱠᱟᱹᱣᱟᱱ ᱵᱚᱫᱚᱞ ᱠᱚ ᱥᱟᱢᱟᱝ ᱫᱟᱨᱟᱢᱼᱟ, ᱡᱟᱦᱟᱸ ᱫᱚ ᱪᱤᱱᱛᱟᱹ ᱵᱟᱹᱲᱛᱤ ᱫᱟᱲᱮᱭᱟᱜᱼᱟ ᱟᱨ ᱟᱠᱚᱣᱟᱜ ᱵᱷᱟᱹᱞᱟᱹᱭ ᱞᱟᱹᱜᱤᱫ ᱮᱴᱠᱮᱴᱚᱬᱮ ᱥᱤᱨᱡᱟᱹᱣ ᱫᱟᱲᱮᱭᱟᱜᱼᱟ᱾ ᱠᱷᱚᱸᱫᱽᱨᱚᱱ ᱩᱫᱩᱜᱟ ᱡᱮ ᱮᱛᱚᱦᱚᱵ ᱢᱚᱱᱮ ᱥᱟᱶᱟᱨ ᱜᱚᱲᱚ ᱫᱚ ᱡᱤᱞᱤᱧ-ᱚᱠᱛᱚ ᱨᱮᱭᱟᱜ ᱮᱴᱠᱮᱴᱚᱬᱮ ᱠᱚ ᱴᱮᱠᱟᱣ ᱫᱟᱨᱟᱢ ᱨᱮ ᱜᱚᱲᱚᱭ ᱮᱢᱚᱜᱼᱟ ᱟᱨ ᱩᱛᱱᱟᱹᱣ ᱨᱮ ᱱᱟᱯᱟᱭ ᱚᱨᱥᱚᱝ ᱮ ᱟᱹᱜᱩᱭᱟ᱾[᱑᱒]

ᱜᱤᱫᱽᱨᱟᱹ ᱟᱨ ᱦᱟᱨᱟ ᱨᱟᱠᱟᱵᱚᱜ ᱜᱤᱫᱽᱨᱟᱹ ᱠᱚ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱕ ᱥᱟᱞᱮ ᱨᱮ ᱜᱤᱫᱽᱨᱟᱹ ᱟᱨ ᱦᱟᱨᱟ ᱨᱟᱠᱟᱵᱚᱜ ᱜᱤᱫᱽᱨᱟᱹ ᱠᱚᱣᱟᱜ ᱢᱚᱱᱮ ᱥᱟᱶᱟᱨ ᱮᱴᱠᱮᱴᱚᱬᱮ ᱫᱚ ᱑᱓% ᱡᱮᱜᱮᱛᱟᱹᱨᱤ ᱯᱟᱥᱱᱟᱣ ᱨᱮ ᱮᱱᱮᱢ ᱮ ᱮᱢ ᱞᱮᱫᱟ᱾[᱑᱓] ᱒᱐᱑᱙ ᱥᱟᱞᱮ ᱨᱮ, ᱫᱷᱟᱹᱨᱛᱤ ᱨᱮᱱ ᱑᱐-᱑᱙ ᱥᱮᱨᱢᱟ ᱩᱢᱮᱨ ᱨᱮᱱ ᱮᱭᱟᱭ ᱦᱚᱲ ᱢᱩᱫᱽ ᱨᱮ ᱢᱤᱫ ᱦᱚᱲ ᱢᱚᱱᱮ ᱥᱟᱶᱟᱨ ᱟᱡᱟᱨ ᱮ ᱥᱟᱢᱟᱝ ᱞᱮᱫᱟ, ᱡᱟᱦᱟᱸ ᱫᱚ ᱜᱩᱴ ᱑᱖᱕ ᱢᱤᱞᱤᱭᱚᱱ ᱡᱩᱣᱟᱹᱱ ᱦᱚᱲ ᱠᱚ ᱠᱟᱱᱟ ᱠᱚ᱾[᱑᱔][᱑᱕] ᱦᱟᱨᱟ ᱨᱟᱠᱟᱵᱚᱜ ᱜᱤᱫᱽᱨᱟᱹ ᱩᱢᱮᱨ ᱫᱚ ᱢᱚᱱᱮ ᱥᱟᱬᱮᱥᱟᱱ ᱩᱛᱱᱟᱹᱣ ᱨᱮᱭᱟᱜ ᱢᱤᱫ ᱟᱹᱰᱤ ᱞᱟᱹᱠᱛᱤᱭᱟᱱ ᱟᱨ ᱵᱷᱮᱜᱟᱨ ᱯᱷᱮᱡᱽ ᱠᱟᱱᱟ᱾ ᱢᱚᱱᱮ ᱥᱟᱶᱟᱨ ᱮᱴᱠᱮᱴᱚᱬᱮ ᱢᱮᱱᱟᱜ ᱜᱤᱫᱽᱨᱟᱹ ᱠᱚᱣᱟᱜ ᱚᱨᱡᱚ ᱵᱟᱹᱲᱤᱡ ᱫᱟᱲᱮᱭᱟᱜᱼᱟ, ᱡᱮᱞᱮᱠᱟ ᱟᱥᱲᱟ ᱨᱮ ᱠᱷᱟᱨᱟᱯ ᱠᱟᱹᱢᱤ, ᱥᱟᱶᱛᱟᱨᱤ ᱮᱴᱠᱮᱴᱚᱬᱮ, ᱱᱤᱥᱟᱹ ᱵᱮᱵᱷᱟᱨ, ᱟᱨ ᱠᱷᱟᱨᱟᱯ ᱦᱚᱲᱢᱚ ᱥᱟᱶᱟᱨ᱾[᱑᱖] ᱱᱚᱶᱟ ᱨᱮᱭᱟᱜ ᱵᱟᱹᱲᱤᱡ ᱚᱨᱥᱚᱝ ᱫᱚ ᱜᱤᱫᱽᱨᱟᱹ ᱠᱚ ᱠᱷᱚᱱ ᱦᱚᱸ ᱵᱟᱹᱲᱛᱤ ᱯᱟᱥᱱᱟᱣᱚᱜᱼᱟ - ᱫᱤᱥᱩᱣᱟᱹ ᱥᱮᱠᱴᱚᱨ ᱟᱨ ᱥᱟᱶᱟᱨ ᱥᱮᱵᱟ ᱪᱮᱛᱟᱱ ᱨᱮ ᱵᱟᱹᱲᱛᱤ ᱱᱤᱨᱵᱷᱚᱨᱥᱤᱞᱚᱛᱟ, ᱟᱭᱚ-ᱵᱟᱵᱟ ᱥᱮ ᱡᱚᱛᱚᱱ ᱮᱢᱚᱜᱤᱡ ᱠᱚᱣᱟᱜ ᱟᱨᱡᱟᱣ ᱫᱟᱲᱮ ᱨᱮᱭᱟᱜ ᱠᱷᱚᱭ, ᱟᱨ ᱥᱟᱶᱛᱟ ᱪᱮᱛᱟᱱ ᱨᱮ ᱵᱚᱡᱷᱟ᱾[᱑᱗] ᱢᱚᱱᱮ ᱥᱟᱶᱟᱨ ᱨᱮᱭᱟᱜ ᱟᱭᱢᱟ ᱚᱵᱚᱥᱛᱟ ᱠᱚᱫᱚ ᱜᱤᱫᱽᱨᱟᱹ ᱒᱐ ᱥᱮᱨᱢᱟ ᱩᱢᱮᱨ ᱥᱮᱴᱮᱨᱚᱜ ᱢᱟᱬᱟᱝ ᱨᱮᱜᱮ ᱮᱦᱚᱵᱚᱜᱼᱟ, ᱡᱟᱦᱟᱸ ᱫᱚ ᱢᱟᱨᱟᱝ ᱦᱚᱲ ᱥᱮ ᱜᱤᱫᱽᱨᱟᱹ ᱚᱵᱚᱥᱛᱟ ᱠᱷᱚᱱ ᱠᱤᱥᱳᱨ-ᱠᱤᱥᱳᱨᱤ ᱩᱢᱮᱨ ᱨᱮ ᱟᱹᱰᱤ ᱡᱟᱹᱥᱛᱤ ᱧᱮᱞᱚᱜᱼᱟ᱾ ᱢᱮᱱᱠᱷᱟᱱ, ᱒᱑ ᱥᱟᱭ ᱥᱮᱨᱢᱟ ᱨᱮ ᱮᱛᱚᱦᱚᱵ ᱢᱚᱱᱮ ᱥᱟᱶᱟᱨ ᱮᱴᱠᱮᱴᱚᱬᱮ ᱢᱮᱱᱟᱜ ᱯᱨᱤ-ᱥᱠᱩᱞ ᱜᱤᱫᱽᱨᱟᱹ ᱠᱚᱣᱟᱜ ᱮᱞ ᱵᱟᱹᱲᱛᱤᱜ ᱠᱟᱱᱟ᱾[᱑᱘] ᱟᱭᱢᱟ ᱱᱚᱝᱠᱟᱱ ᱜᱷᱚᱴᱚᱱ ᱠᱚ ᱫᱚ ᱵᱟᱝ ᱪᱤᱱᱦᱟᱹᱣ ᱟᱨ ᱵᱟᱝ ᱛᱤᱠᱤᱪᱷᱟ ᱨᱮᱜᱮ ᱛᱟᱦᱮᱸᱱᱟ᱾[᱑᱔][᱑᱙][᱒᱐][᱒᱑]

ᱟᱢᱮᱨᱤᱠᱟ ᱨᱮ, ᱒᱐᱒᱑ ᱥᱟᱞᱮ ᱨᱮ, ᱦᱚᱲ ᱮᱞ ᱨᱮᱭᱟᱜ (᱑᱘ ᱥᱮᱨᱢᱟ ᱟᱨ ᱚᱱᱟ ᱠᱷᱚᱱ ᱰᱷᱮᱨ) ᱠᱚᱢ ᱠᱷᱚᱱ ᱠᱚᱢ ᱑᱗.᱕% ᱦᱚᱲ ᱫᱚ ᱢᱚᱱᱮ ᱟᱡᱟᱨ ᱢᱮᱱᱟᱜ ᱠᱚᱣᱟ ᱢᱮᱱᱛᱮ ᱨᱮᱠᱚᱨᱰ ᱟᱠᱟᱱᱟ᱾ ᱱᱟᱶᱟ ᱯᱤᱲᱦᱤ (᱑᱘-᱒᱕ ᱥᱮᱨᱢᱟ ᱟᱨ ᱒᱖-᱔᱙ ᱥᱮᱨᱢᱟ) ᱟᱨ ᱢᱟᱨᱮ ᱯᱤᱲᱦᱤ (᱕᱐ ᱥᱮᱨᱢᱟ ᱥᱮ ᱰᱷᱮᱨ) ᱛᱟᱞᱟ ᱨᱮ ᱢᱚᱱᱮ ᱥᱟᱶᱟᱨ ᱮᱴᱠᱮᱴᱚᱬᱮ ᱨᱮᱭᱟᱜ ᱨᱤᱯᱳᱨᱴ ᱟᱨ ᱥᱴᱮᱴᱤᱥᱴᱤᱠᱥ ᱛᱩᱞᱟᱹᱡᱚᱠᱷᱟ ᱞᱮᱠᱷᱟᱱ ᱢᱚᱱᱮ ᱥᱟᱶᱟᱨ ᱮᱴᱠᱮᱴᱚᱬᱮ ᱵᱟᱹᱲᱛᱤᱜ ᱠᱟᱱᱟ, ᱪᱮᱫᱟᱜ ᱥᱮ ᱢᱟᱨᱮ ᱯᱤᱲᱦᱤ ᱨᱮᱱ ᱥᱩᱢᱩᱝ ᱑᱕% ᱦᱚᱲ ᱜᱮ ᱢᱚᱱᱮ ᱥᱟᱶᱟᱨ ᱮᱴᱠᱮᱴᱚᱬᱮ ᱠᱚ ᱞᱟᱹᱭ ᱟᱠᱟᱫᱟ, ᱡᱚᱠᱷᱚᱱ ᱱᱟᱶᱟ ᱯᱤᱲᱦᱤ ᱨᱮᱱ ᱫᱚ ᱓᱓.᱗% (᱑᱘-᱒᱕) ᱟᱨ ᱒᱘.᱑% (᱒᱖-᱔᱙) ᱠᱚ ᱞᱟᱹᱭ ᱟᱠᱟᱫᱟ᱾[᱒᱒] ᱢᱚᱱᱮ ᱥᱟᱶᱟᱨ ᱞᱟᱹᱠᱛᱤ ᱢᱮᱱᱟᱜ ᱡᱩᱣᱟᱹᱱ ᱠᱚ ᱞᱟᱹᱜᱤᱫ ᱡᱚᱛᱚᱱ ᱮᱢᱚᱜᱤᱡ ᱠᱚᱣᱟᱜ ᱮᱱᱮᱢ ᱫᱚ ᱟᱹᱰᱤ ᱢᱟᱨᱟᱝᱟ, ᱟᱨ ᱡᱚᱛᱚᱱ ᱮᱢᱚᱜᱤᱡ ᱠᱚᱫᱚ ᱩᱱ ᱡᱚᱠᱷᱚᱡ ᱜᱮ ᱵᱟᱹᱲᱛᱤ ᱠᱚ ᱞᱟᱵᱷᱚᱜᱼᱟ ᱡᱚᱠᱷᱚᱡ ᱩᱱᱠᱩ ᱴᱷᱮᱱ ᱯᱩᱥᱴᱟᱹᱣ ᱥᱟᱭᱠᱳ-ᱥᱮᱪᱮᱫ ᱟᱨ ᱜᱟᱛᱮ ᱠᱚᱣᱟᱜ ᱜᱚᱲᱚ ᱛᱟᱦᱮᱸᱱᱟ᱾[᱒᱓] ᱰᱤᱯᱨᱮᱥᱚᱱ ᱫᱚ ᱠᱤᱥᱳᱨ-ᱠᱤᱥᱳᱨᱤ ᱠᱚ ᱛᱟᱞᱟ ᱨᱮ ᱟᱡᱟᱨ ᱟᱨ ᱫᱤᱵᱽᱭᱟᱝ ᱨᱮᱭᱟᱜ ᱢᱩᱬᱩᱛ ᱠᱟᱨᱚᱱ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟ᱾[᱑᱔] ᱟᱯᱱᱟᱨ ᱛᱮ ᱜᱩᱡᱩᱜ ᱫᱚ ᱑᱕-᱑᱙ ᱥᱮᱨᱢᱟ ᱩᱢᱮᱨ ᱨᱮᱱ ᱠᱚᱣᱟᱜ ᱜᱩᱡᱩᱜ ᱨᱮᱭᱟᱜ ᱯᱩᱱᱟᱹᱜ ᱢᱩᱬᱩᱛ ᱠᱟᱨᱚᱱ ᱠᱟᱱᱟ᱾[᱑᱔] ᱜᱤᱫᱽᱨᱟᱹ ᱚᱵᱚᱥᱛᱟ ᱨᱮᱭᱟᱜ ᱴᱨᱚᱢᱟ ᱨᱮ ᱯᱟᱲᱟᱣᱜ ᱠᱷᱟᱹᱛᱤᱨ ᱢᱚᱱᱮ ᱟᱡᱟᱨ ᱟᱨ ᱠᱷᱟᱨᱟᱯ ᱥᱮᱪᱮᱫ ᱚᱨᱡᱚ ᱦᱩᱭ ᱫᱟᱲᱮᱭᱟᱜᱼᱟ᱾[᱒᱔] ᱦᱟᱨᱟ ᱨᱟᱠᱟᱵᱚᱜ ᱜᱤᱫᱽᱨᱟᱹ ᱠᱚᱣᱟᱜ ᱢᱚᱱᱮ ᱥᱟᱶᱟᱨ ᱮᱴᱠᱮᱴᱚᱬᱮ ᱠᱚ ᱵᱟᱝ ᱢᱟᱱᱟᱣ ᱵᱟᱛᱟᱣ ᱞᱮᱠᱷᱟᱱ ᱚᱱᱟ ᱫᱚ ᱢᱟᱨᱟᱝ ᱦᱚᱲ ᱚᱵᱚᱥᱛᱟ ᱪᱮᱛᱟᱱ ᱨᱮ ᱚᱨᱥᱚᱝ ᱮ ᱮᱢ ᱫᱟᱲᱮᱭᱟᱜᱼᱟ᱾[᱒᱕] ᱕᱐% ᱯᱨᱤ-ᱥᱠᱩᱞ ᱜᱤᱫᱽᱨᱟᱹ ᱠᱚᱣᱟᱜ ᱵᱮᱵᱷᱟᱨ ᱮᱴᱠᱮᱴᱚᱬᱮ ᱨᱮ ᱥᱟᱫᱷᱟᱨᱚᱱ ᱞᱮᱠᱟᱛᱮ ᱠᱚᱢ ᱧᱮᱞᱚᱜᱼᱟ᱾ ᱵᱟᱹᱠᱤ ᱠᱚᱫᱚ ᱡᱤᱞᱤᱧ-ᱚᱠᱛᱚ ᱨᱮᱭᱟᱜ ᱚᱨᱡᱚ ᱠᱚ ᱥᱟᱢᱟᱝᱟ᱾[᱒᱕] ᱱᱚᱶᱟ ᱫᱚ ᱦᱚᱲᱢᱚ ᱟᱨ ᱢᱚᱱᱮ ᱥᱟᱶᱟᱨ ᱮ ᱵᱟᱹᱲᱤᱡᱟ ᱟᱨ ᱱᱟᱯᱟᱭ ᱡᱤᱭᱚᱱ ᱠᱷᱟᱸᱰᱟᱣ ᱨᱮᱭᱟᱜ ᱫᱟᱣ ᱮ ᱠᱚᱢᱟ᱾[᱒᱕] ᱠᱤᱥᱳᱨ-ᱠᱤᱥᱳᱨᱤ ᱟᱨ ᱢᱟᱨᱟᱝ ᱦᱚᱲ ᱚᱵᱚᱥᱛᱟ ᱨᱮ ᱰᱤᱯᱨᱮᱥᱚᱱ ᱨᱮᱭᱟᱜ ᱢᱤᱫ ᱚᱨᱡᱚ ᱫᱚ ᱱᱤᱥᱟᱹ ᱵᱮᱵᱷᱟᱨ ᱦᱩᱭ ᱫᱟᱲᱮᱭᱟᱜᱼᱟ᱾[᱒᱕][᱒᱖] ᱰᱤᱯᱨᱮᱥᱤᱵᱷ ᱟᱡᱟᱨ ᱠᱚ ᱞᱟᱹᱜᱤᱫ ᱮᱦᱚᱵᱚᱜ ᱨᱮᱭᱟᱜ ᱮᱵᱷᱟᱨᱮᱡᱽ ᱩᱢᱮᱨ ᱫᱚ ᱑᱑ ᱟᱨ ᱑᱔ ᱥᱮᱨᱢᱟ ᱛᱟᱞᱟ ᱨᱮ ᱛᱟᱦᱮᱸᱱᱟ᱾[᱒᱖] ᱵᱮᱵᱷᱟᱨ ᱮᱴᱠᱮᱴᱚᱬᱮ ᱢᱮᱱᱟᱜ ᱜᱤᱫᱽᱨᱟᱹ ᱠᱚ ᱢᱩᱫᱽ ᱨᱮ ᱥᱩᱢᱩᱝ ᱟᱸᱫᱟᱡᱽ ᱒᱕% ᱦᱚᱲ ᱢᱮᱰᱤᱠᱟᱞ ᱥᱮᱵᱟ ᱠᱚ ᱯᱟᱸᱡᱟᱭᱟ᱾[᱒᱕] ᱡᱟᱹᱥᱛᱤ ᱜᱟᱱ ᱜᱤᱫᱽᱨᱟᱹ ᱜᱮ ᱵᱟᱝ ᱛᱤᱠᱤᱪᱷᱟ ᱛᱮᱠᱚ ᱛᱟᱦᱮᱸᱱᱟ᱾[᱒᱕] ᱘᱒ ᱜᱚᱴᱟᱝ ᱫᱤᱥᱚᱢ ᱨᱮ ᱑᱒-᱑᱗ ᱥᱮᱨᱢᱟ ᱩᱢᱮᱨ ᱨᱮᱱ ᱒᱗᱕,᱐᱐᱐ ᱠᱷᱚᱱ ᱦᱚᱸ ᱵᱟᱹᱲᱛᱤ ᱠᱤᱥᱳᱨ-ᱠᱤᱥᱳᱨᱤ ᱠᱚᱣᱟᱜ ᱢᱤᱫ ᱡᱮᱜᱮᱛᱟᱹᱨᱤ ᱯᱟᱲᱦᱟᱣ ᱠᱷᱚᱱ ᱧᱮᱞ ᱞᱮᱱᱟ ᱡᱮ ᱑᱔% ᱦᱚᱲ ᱟᱯᱱᱟᱨ ᱛᱮ ᱜᱩᱡᱩᱜ ᱩᱭᱦᱟᱹᱨ ᱠᱚ ᱥᱟᱢᱟᱝ ᱞᱮᱫᱟ ᱟᱨ ᱙% ᱦᱚᱲ ᱑᱒-ᱪᱟᱸᱫᱳ ᱚᱠᱛᱚ ᱨᱮ ᱪᱤᱱᱛᱟᱹ ᱠᱚ ᱥᱟᱢᱟᱝ ᱞᱮᱫᱟ; ᱠᱚᱢ ᱜᱟᱛᱮ ᱟᱨ ᱟᱭᱚ-ᱵᱟᱵᱟ ᱟᱜ ᱜᱚᱲᱚ ᱟᱨ ᱜᱟᱛᱮ ᱠᱚ ᱥᱟᱶ ᱞᱟᱹᱲᱦᱟᱹᱭ, ᱵᱟᱹᱲᱤᱡ ᱥᱟᱹᱜᱟᱹᱭ, ᱟᱨ ᱮᱠᱞᱟ ᱛᱟᱦᱮᱸᱱ ᱨᱮ ᱵᱟᱹᱲᱛᱤ ᱯᱟᱲᱟᱣᱜ ᱠᱤᱥᱳᱨ-ᱠᱤᱥᱳᱨᱤ ᱠᱚᱫᱚ ᱵᱟᱹᱲᱛᱤ ᱵᱚᱛᱚᱨ ᱨᱮ ᱛᱟᱦᱮᱸ ᱠᱟᱱᱟ, ᱟᱨ ᱯᱟᱲᱦᱟᱣ ᱟᱠᱟᱱ ᱘᱒ ᱜᱚᱴᱟᱝ ᱫᱤᱥᱚᱢ ᱠᱚ ᱢᱩᱫᱽ ᱨᱮ ᱓᱖ ᱜᱚᱴᱟᱝ ᱫᱤᱥᱚᱢ ᱨᱮ ᱚᱠᱟ ᱴᱷᱟᱹᱣᱠᱟᱹ ᱡᱟᱹᱛᱤᱭᱟᱹᱨᱤ ᱢᱚᱱᱮ ᱥᱟᱶᱟᱨ ᱟᱹᱨᱤ ᱵᱟᱝ ᱛᱟᱦᱮᱸ ᱠᱟᱱᱟ᱾[᱒᱗]

ᱚᱲᱟᱜ ᱵᱟᱹᱱᱩᱜ ᱠᱚ ᱦᱚᱲ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱚᱲᱟᱜ ᱵᱟᱹᱱᱩᱜ ᱦᱚᱲ ᱠᱚ ᱛᱟᱞᱟ ᱨᱮ ᱢᱚᱱᱮ ᱟᱡᱟᱨ ᱫᱚ ᱟᱹᱰᱤ ᱵᱟᱹᱲᱛᱤ ᱢᱮᱱᱛᱮ ᱩᱭᱦᱟᱹᱨᱚᱜᱼᱟ, ᱡᱩᱫᱤᱦᱚᱸ ᱱᱟᱯᱟᱭ ᱥᱟᱺᱦᱤᱡ ᱪᱤᱱᱦᱟᱹᱣ ᱧᱟᱢ ᱨᱮᱭᱟᱜ ᱫᱟᱣ ᱫᱚ ᱟᱹᱰᱤ ᱠᱚᱢ ᱜᱮᱭᱟ᱾ ᱞᱤᱥᱟ ᱜᱩᱰᱢᱮᱱ ᱟᱨ ᱩᱱᱤ ᱨᱮᱱ ᱜᱟᱛᱮ ᱠᱚᱣᱟᱜ ᱚᱞ ᱟᱠᱟᱱ ᱢᱤᱫ ᱚᱱᱚᱞ ᱨᱮ ᱥᱮᱱᱴ ᱞᱩᱭᱤᱥ, ᱢᱤᱥᱩᱨᱤ ᱨᱮ ᱚᱲᱟᱜ ᱵᱟᱹᱱᱩᱜ ᱮᱠᱞᱟ ᱠᱩᱲᱤ ᱟᱨ ᱟᱭᱚ ᱠᱚ ᱛᱟᱞᱟ ᱨᱮ ᱯᱤ.ᱴᱤ.ᱮᱥ.ᱰᱤ ᱪᱮᱛᱟᱱ ᱨᱮ ᱥᱢᱤᱛ ᱟᱜ ᱠᱷᱚᱸᱫᱽᱨᱚᱱ ᱨᱮᱭᱟᱜ ᱥᱟᱨᱟᱝᱥ ᱮᱢ ᱟᱠᱟᱱᱟ, ᱡᱟᱦᱟᱸ ᱨᱮ ᱧᱮᱞ ᱟᱠᱟᱱᱟ ᱡᱮ ᱕᱓% ᱛᱮᱞᱟ ᱮᱢᱚᱜᱤᱡ ᱫᱚ ᱰᱟᱭᱟᱜᱱᱳᱥᱴᱤᱠ ᱢᱟᱱᱚᱠ ᱠᱚ ᱯᱩᱨᱟᱹᱣ ᱟᱠᱟᱫᱟ, ᱟᱨ ᱱᱚᱶᱟ ᱫᱚ ᱚᱲᱟᱜ ᱵᱟᱹᱱᱩᱜ ᱫᱚ ᱢᱚᱱᱮ ᱟᱡᱟᱨ ᱨᱮᱭᱟᱜ ᱢᱤᱫ ᱵᱚᱛᱚᱨ ᱛᱮᱛᱮᱫ ᱞᱮᱠᱟᱛᱮ ᱵᱚᱨᱱᱚᱱᱟ᱾[᱒᱘] ᱢᱚᱱᱮ ᱥᱟᱬᱮᱥᱟᱱ ᱴᱨᱚᱢᱟ ᱨᱮᱭᱟᱜ ᱵᱟᱨᱭᱟ ᱥᱟᱫᱷᱟᱨᱚᱱ ᱞᱚᱠᱷᱚᱱ, ᱥᱟᱶᱛᱟᱨᱤ ᱵᱷᱮᱜᱟᱨ ᱟᱨ ᱥᱮᱬᱟ ᱟᱠᱟᱱ ᱵᱮ-ᱫᱟᱲᱮ ᱫᱚ ᱚᱲᱟᱜ ᱵᱟᱹᱱᱩᱜ ᱦᱚᱲ ᱟᱨ ᱜᱷᱟᱨᱚᱸᱡᱽ ᱠᱚ ᱛᱟᱞᱟ ᱨᱮ ᱟᱹᱰᱤ ᱵᱟᱹᱲᱛᱤ ᱧᱮᱞᱚᱜᱼᱟ᱾[᱒᱙]

ᱡᱩᱫᱤᱦᱚᱸ ᱢᱚᱱᱮ ᱟᱡᱟᱨ ᱫᱚ ᱵᱟᱹᱲᱛᱤ ᱢᱮᱱᱟᱜᱼᱟ, ᱢᱮᱱᱠᱷᱟᱱ ᱦᱚᱲ ᱠᱚ ᱫᱚ ᱟᱹᱰᱤ ᱠᱚᱢ ᱜᱮ ᱡᱚᱛᱷᱟᱛ ᱡᱚᱛᱚᱱ ᱠᱚ ᱧᱟᱢᱟ᱾[᱒᱘] ᱮᱴᱟᱜ ᱥᱮᱵᱟ ᱠᱚ ᱥᱟᱶ ᱡᱚᱯᱚᱲᱟᱣ ᱠᱮᱥ ᱢᱮᱱᱮᱡᱽᱢᱮᱱᱴ ᱫᱚ ᱚᱲᱟᱜ ᱵᱟᱹᱱᱩᱜ ᱦᱚᱲ ᱠᱚᱣᱟᱜ ᱞᱚᱠᱷᱚᱱ ᱠᱚ ᱩᱛᱱᱟᱹᱣ ᱞᱟᱹᱜᱤᱫ ᱢᱤᱫ ᱚᱨᱡᱚᱣᱟᱱ ᱡᱚᱛᱚᱱ ᱦᱚᱨᱟ ᱠᱟᱱᱟ᱾[᱒᱙] ᱠᱮᱥ ᱢᱮᱱᱮᱡᱽᱢᱮᱱᱴ ᱫᱚ ᱦᱟᱥᱯᱟᱛᱟᱞ ᱨᱮ ᱵᱷᱩᱨᱛᱤ ᱠᱚᱢ ᱟᱠᱟᱫᱟ, ᱟᱨ ᱱᱤᱥᱟᱹ ᱵᱮᱵᱷᱟᱨ ᱨᱮᱭᱟᱜ ᱮᱴᱠᱮᱴᱚᱬᱮ ᱢᱮᱱᱟᱜ ᱦᱚᱲ ᱠᱚᱣᱟᱜ ᱱᱤᱥᱟᱹ ᱵᱮᱵᱷᱟᱨ ᱦᱚᱸ ᱥᱟᱫᱷᱟᱨᱚᱱ ᱡᱚᱛᱚᱱ ᱠᱷᱚᱱ ᱵᱟᱹᱲᱛᱤ ᱠᱚᱢ ᱟᱠᱟᱫᱟ᱾[᱒᱙]

ᱥᱟᱹᱠᱷᱭᱟᱹᱛ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
  1. ↑ "What Is Mental Health?". 8 November 2024.
  2. ↑ "Health and Well-Being". World Health Organization. Retrieved 2023-08-09.
  3. ↑ "About Mental Health". U.S. Centers for Disease Control and Prevention (CDC) (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 2021-11-23. Retrieved 2022-04-11.
  4. ↑ "The world health report 2001 – Mental Health: New Understanding, New Hope" (PDF). WHO. Retrieved 4 May 2014.
  5. ↑ ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; no text was provided for refs named "MedlinePlus".
  6. ↑ Issitt, Micah (2023). Opinions Throughout History: Mental Health. Amenia, UNITED STATES: Grey House Publishing. ISBN 978-1-63700-541-5.
  7. ↑ Snyder CR, Lopez SJ, Pedrotti JT (2011). Positive psychology: the scientific and practical explorations of human strengths. SAGE. ISBN 978-1-4129-8195-8. OCLC 639574840.ᱪᱷᱟᱸᱪ:Page needed
  8. ↑ "Mental health". World Health Organization. 17 June 2022.
  9. ↑ ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; no text was provided for refs named "Aboujaoude2015".
  10. ↑ ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; no text was provided for refs named "Nesi2022".
  11. ↑ ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; no text was provided for refs named "Li2024".
  12. ↑ World Health Organization. (2021). Adolescent mental health. https://www.who.int/news-room/fact-sheets/detail/adolescent-mental-health
  13. ↑ Polanczyk, Guilherme V.; Salum, Giovanni A.; Sugaya, Luisa S.; Caye, Arthur; Rohde, Luis A. (March 2015). "Annual Research Review: A meta-analysis of the worldwide prevalence of mental disorders in children and adolescents". Journal of Child Psychology and Psychiatry (in ᱟᱝᱜᱽᱨᱮᱡᱤ). 56 (3): 345–365. doi:10.1111/jcpp.12381. ISSN 0021-9630. PMID 25649325.
  14. 1 2 3 4 "Adolescent mental health". www.who.int (in ᱟᱝᱜᱽᱨᱮᱡᱤ). Retrieved 2021-07-08.
  15. ↑ "Mental health". The United Nations International Children's Emergency Fund (UNICEF) (in ᱟᱝᱜᱽᱨᱮᱡᱤ). Retrieved 2024-05-25.
  16. ↑ Patel, Vikram; Flisher, Alan J; Hetrick, Sarah; McGorry, Patrick (April 2007). "Mental health of young people: a global public-health challenge". The Lancet (in ᱟᱝᱜᱽᱨᱮᱡᱤ). 369 (9569): 1302–1313. Bibcode:2007Lanc..369.1302P. doi:10.1016/S0140-6736(07)60368-7. PMID 17434406.
  17. ↑ Beecham, Jennifer (June 2014). "Annual Research Review: Child and adolescent mental health interventions: a review of progress in economic studies across different disorders". Journal of Child Psychology and Psychiatry (in ᱟᱝᱜᱽᱨᱮᱡᱤ). 55 (6): 714–732. doi:10.1111/jcpp.12216. ISSN 0021-9630. PMC 4657502. PMID 24580503.
  18. ↑ Vasileva, Mira; Graf, Ramona K.; Reinelt, Tilman; Petermann, Ulrike; Petermann, Franz (April 2021). "Research review: A meta-analysis of the international prevalence and comorbidity of mental disorders in children between 1 and 7 years". Journal of Child Psychology and Psychiatry (in ᱟᱝᱜᱽᱨᱮᱡᱤ). 62 (4): 372–381. doi:10.1111/jcpp.13261. ISSN 0021-9630. PMID 32433792.
  19. ↑ "Mental health statistics: children and young people". Mental Health Foundation (in ᱟᱝᱜᱽᱨᱮᱡᱤ). 2015-10-26. Retrieved 2021-10-05.
  20. ↑ Orben A, Meier A, Dalgleish T, Blakemore S (May 2024). "Mechanisms linking social media use to adolescent mental health vulnerability". Nature Reviews Psychology. 3 (6): 407–423. doi:10.1038/s44159-024-00307-y.
  21. ↑ McGrath JJ, Al-Hamzawi A, Alonso J, Altwaijri Y, Andrade LH, Bromet EJ, Bruffaerts R, de Almeida JM, Chardoul S, Chiu WT, Degenhardt L, Demler OV, Ferry F, Gureje O, Haro JM, Karam EG, Karam G, Khaled SM, Kovess-Masfety V, Magno M, Medina-Mora ME, Moskalewicz J, Navarro-Mateu F, Nishi D, Plana-Ripoll O, Posada-Villa J, Rapsey C, Sampson NA, Stagnaro JC, Stein DJ, Ten Have M, Torres Y, Vladescu C, Woodruff PW, Zarkov Z, Kessler RC, et al. (WHO World Mental Health Survey Collaborators) (September 2023). "Age of onset and cumulative risk of mental disorders: a cross-national analysis of population surveys from 29 countries". The Lancet. Psychiatry. 10 (9): 668–681. doi:10.1016/S2215-0366(23)00193-1. PMC 10529120. PMID 37531964. {{cite journal}}: Check |pmc= value (help); Check |pmid= value (help)
  22. ↑ "Mental Illness". National Institute of Mental Health. Retrieved 13 September 2023.
  23. ↑ Yoo A, Kim M, Ross MM, Vaughn-Lee A, Butler B, dosReis S (July 2018). "Engaging Caregivers in the Treatment of Youth with Complex Developmental and Mental Health Needs". The Journal of Behavioral Health Services & Research. 45 (3): 440–453. doi:10.1007/s11414-018-9604-0. PMID 29520663. S2CID 3801878.
  24. ↑ Larson S, Chapman S, Spetz J, Brindis CD (September 2017). "Chronic Childhood Trauma, Mental Health, Academic Achievement, and School-Based Health Center Mental Health Services". The Journal of School Health. 87 (9): 675–686. doi:10.1111/josh.12541. PMID 28766317. S2CID 13713247.
  25. 1 2 3 4 5 6 Kato N, Yanagawa T, Fujiwara T, Morawska A (2015). "Prevalence of Children's Mental Health Problems and the Effectiveness of Population-Level Family Interventions". Journal of Epidemiology. 25 (8): 507–16. doi:10.2188/jea.JE20140198. PMC 4517988. PMID 26250791.
  26. 1 2 Merikangas KR, Nakamura EF, Kessler RC (2009). "Epidemiology of mental disorders in children and adolescents". Dialogues in Clinical Neuroscience. 11 (1): 7–20. doi:10.31887/DCNS.2009.11.1/krmerikangas. PMC 2807642. PMID 19432384.
  27. ↑ "Teen mental health study". Australian Research Council. 8 September 2021. Retrieved 16 March 2026.
  28. 1 2 Goodman L, Saxe L, Harvey M (November 1991). "Homelessness as psychological trauma. Broadening perspectives". The American Psychologist. 46 (11): 1219–25. doi:10.1037/0003-066x.46.11.1219. PMID 1772159.
  29. 1 2 3 Hwang SW, Tolomiczenko G, Kouyoumdjian FG, Garner RE (November 2005). "Interventions to improve the health of the homeless: a systematic review". American Journal of Preventive Medicine. 29 (4): 311–9. doi:10.1016/j.amepre.2005.06.017. PMID 16242595.

ᱵᱟᱦᱨᱮ ᱡᱚᱱᱚᱲ ᱠᱚ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
"https://sat.wikipedia.org/w/index.php?title=ᱢᱚᱱᱮ_ᱥᱟᱶᱟᱨ&oldid=196384" ᱠᱷᱚᱱ ᱧᱟᱢ ᱟᱹᱜᱩᱭ