ᱢᱟᱞᱛᱤ ᱡᱳᱥᱤ

ᱢᱟᱞᱛᱤ ᱡᱳᱥᱤ (᱔ ᱡᱩᱱ ᱑᱙᱓᱔ – ᱑᱕ ᱢᱮᱭ ᱒᱐᱒᱔) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱜᱟᱢᱟᱢᱤᱭᱟᱹ, ᱜᱟᱱᱟᱝᱤᱭᱟᱹ ᱟᱨ ᱚᱱᱚᱞᱤᱭᱟᱹ ᱛᱟᱦᱮᱸ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱢᱩᱬᱩᱛ ᱞᱮᱠᱟᱛᱮ ᱦᱤᱱᱫᱤ ᱟᱨ ᱢᱟᱨᱟᱴᱷᱤ ᱯᱟᱹᱨᱥᱤ ᱛᱮᱭ ᱚᱞ ᱟᱠᱟᱫᱟ᱾ ᱩᱱᱤ ᱫᱚ ᱒᱐᱑᱘ ᱨᱮ ᱵᱷᱟᱨᱚᱛ ᱨᱮᱱᱟᱜ ᱢᱟᱨᱟᱝ ᱢᱟᱱᱣᱟ ᱥᱤᱨᱯᱷᱟᱹ ᱢᱩᱫᱽ ᱨᱮ ᱢᱤᱫᱴᱟᱹᱝ ᱯᱚᱫᱽᱢᱚ ᱥᱨᱤ ᱥᱤᱨᱯᱷᱟᱹᱭ ᱧᱟᱢ ᱟᱠᱫᱟ᱾^[᱑]^[᱒]

ᱡᱤᱭᱚᱱ ᱠᱟᱹᱦᱱᱤ

ᱡᱳᱥᱤ ᱫᱚ ᱑᱙᱓᱔ ᱥᱟᱞ ᱨᱮ ᱚᱣᱨᱟᱝᱜᱟᱵᱟᱫᱽ, ᱦᱟᱭᱫᱽᱨᱟᱵᱟᱫᱽ ᱯᱚᱱᱚᱛ, ᱵᱽᱨᱤᱴᱤᱥ ᱤᱱᱰᱤᱭᱟ ᱨᱮᱭ ᱡᱟᱱᱟᱢ ᱞᱮᱱᱟ, ᱟᱨ ᱢᱚᱫᱷᱭᱚ ᱯᱨᱚᱫᱮᱥ ᱨᱮᱭ ᱥᱮᱪᱮᱫ ᱟᱢᱮᱴ ᱞᱮᱫᱟ, ᱦᱳᱞᱠᱟᱨ ᱠᱚᱞᱮᱡᱽ, ᱫᱮᱵᱤ ᱟᱦᱤᱞᱭᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ], ᱤᱱᱫᱚᱨ ᱠᱷᱚᱱ ᱜᱨᱮᱡᱩᱮᱴ ᱞᱮᱱᱟᱭ᱾ ᱩᱱᱠᱩᱣᱟᱜ ᱜᱷᱟᱨᱚᱸᱡᱽ ᱨᱮ ᱫᱚ ᱚᱲᱟᱜ ᱨᱮ ᱢᱟᱨᱟᱴᱷᱤ ᱛᱮᱠᱚ ᱨᱚᱯᱚᱲ ᱠᱟᱱ ᱛᱟᱦᱮᱸᱠᱟᱱᱟ, ᱢᱮᱱᱠᱷᱟᱱ ᱩᱱᱤ ᱫᱚ ᱢᱩᱬᱩᱛ ᱞᱮᱠᱟᱛᱮ ᱦᱤᱱᱫᱤ ᱛᱮᱭ ᱥᱮᱪᱮᱫ ᱞᱮᱱᱟ᱾ ᱟᱡᱟᱜ ᱟᱱᱰᱟᱨᱜᱨᱮᱡᱩᱮᱴ ᱥᱮᱪᱮᱫ ᱛᱟᱭᱚᱢ, ᱩᱱᱤ ᱑᱙᱕᱖ ᱥᱟᱞ ᱨᱮ ᱦᱤᱱᱫᱤ ᱥᱟᱶᱦᱮᱫ ᱨᱮ ᱟᱨᱴᱥ ᱨᱮ ᱢᱟᱥᱴᱟᱨᱥ ᱰᱤᱜᱽᱨᱤ ᱟᱢᱮᱴ ᱞᱮᱫᱟᱭ᱾^[᱓]

ᱡᱳᱥᱤ ᱫᱚ ᱑᱕ ᱢᱮᱭ ᱒᱐᱒᱔ ᱨᱮ ᱱᱟᱶᱟ ᱫᱤᱞᱞᱤ ᱨᱮ ᱘᱙ ᱵᱚᱪᱷᱚᱨ ᱩᱢᱮᱨ ᱨᱮᱭ ᱵᱚᱸᱜᱟ ᱛᱟᱞᱟᱭᱮᱱᱟ᱾^[᱔]

ᱚᱞ ᱛᱚᱞ

ᱡᱳᱥᱤ ᱫᱚ ᱦᱩᱰᱤᱧ ᱩᱢᱮᱨ ᱠᱷᱚᱱ ᱜᱮ ᱚᱱᱚᱬᱦᱮᱸ ᱟᱨ ᱠᱷᱟᱴᱚ ᱠᱟᱹᱦᱱᱤ ᱚᱞ ᱮᱛᱚᱦᱚᱵ ᱞᱮᱫᱟ, ᱦᱤᱱᱫᱤ ᱜᱤᱫᱽᱨᱟᱹ ᱠᱚᱣᱟᱜ ᱯᱟᱛᱷᱟᱢ ᱡᱮᱞᱮᱠᱟ ᱯᱟᱨᱟᱜᱽ ᱨᱮᱭ ᱮᱱᱮᱢ ᱮᱢᱮᱫ ᱛᱟᱦᱮᱸᱫ᱾ ᱑᱙᱗᱑ ᱥᱟᱞ ᱨᱮ, ᱩᱱᱤ ᱫᱚ ᱦᱤᱱᱫᱤ ᱥᱟᱶᱦᱮᱫ ᱯᱟᱛᱷᱟᱢ, ᱫᱷᱚᱨᱢᱟᱭᱩᱜᱽ ᱨᱮ ᱢᱤᱫ ᱠᱷᱟᱴᱚ ᱠᱟᱹᱦᱱᱤ ᱯᱟᱨᱥᱟᱞ ᱞᱮᱫᱟ, ᱡᱟᱦᱟᱸ ᱫᱚ ᱩᱱ ᱚᱠᱛᱚ ᱴᱟᱭᱤᱢᱥ ᱜᱨᱩᱯ ᱦᱚᱛᱮᱛᱮ ᱯᱨᱚᱰᱩᱥ ᱦᱩᱭᱩᱜ ᱠᱟᱱ ᱛᱟᱦᱮᱸᱫ᱾ ᱩᱱᱤ ᱫᱚ ᱟᱭᱢᱟ ᱵᱷᱟᱹᱜᱤ ᱪᱟᱞᱟᱜ ᱠᱟᱱ ᱦᱤᱱᱫᱤ ᱯᱟᱛᱷᱟᱢ ᱨᱮ ᱠᱟᱹᱦᱱᱤ ᱯᱟᱨᱥᱟᱞ ᱫᱚᱦᱚ ᱠᱮᱫᱟ, ᱡᱮᱞᱮᱠᱟ ᱥᱟᱯᱛᱟᱦᱤᱠ ᱦᱤᱱᱫᱩᱥᱛᱟᱱ, ᱢᱚᱱᱳᱨᱚᱢᱟ, ᱠᱟᱫᱟᱢᱵᱤᱱᱤ, ᱟᱨ ᱥᱟᱨᱤᱠᱟ᱾ ᱩᱱᱤ ᱫᱚ ᱰᱨ. ᱥᱩᱱᱤᱛᱟ ᱥᱨᱤᱵᱟᱥᱛᱚᱵᱽ ᱦᱚᱛᱮᱛᱮ ᱥᱟᱯᱲᱟᱣ ᱟᱠᱟᱱ "ᱥᱩᱵᱷ ᱥᱟᱝᱠᱟᱞᱯ" ᱯᱟᱛᱷᱟᱢ ᱦᱚᱸᱭ ᱮᱛᱚᱦᱚᱵ ᱞᱮᱫᱟ᱾ ᱡᱳᱥᱤ ᱫᱚ ᱠᱟᱛᱷᱟᱠᱟᱛᱷᱟᱱ, ᱵᱟᱝᱢᱟ ᱢᱚᱪᱟ ᱛᱮ ᱞᱟᱹᱭ ᱨᱮᱱᱟᱜ ᱠᱟᱹᱢᱤ ᱨᱮᱦᱚᱸᱭ ᱥᱮᱞᱮᱫ ᱞᱮᱱᱟ, ᱡᱤᱣᱤᱛ ᱦᱚᱲ ᱠᱚ ᱥᱟᱢᱟᱝ ᱨᱮ ᱟᱡᱟᱜ ᱠᱟᱹᱦᱱᱤ ᱠᱚᱭ ᱯᱟᱨᱥᱟᱞᱮᱫ ᱛᱟᱦᱮᱸᱫ᱾ ᱟᱡᱟᱜ ᱠᱟᱹᱦᱱᱤ ᱠᱚ ᱟᱭᱢᱟ ᱵᱷᱚᱞᱩᱢ ᱨᱮ ᱡᱟᱣᱨᱟ ᱠᱟᱛᱮ ᱯᱟᱨᱥᱟᱞ ᱟᱠᱟᱱᱟ, ᱟᱨ ᱩᱱᱤ ᱵᱟᱨᱭᱟ ᱜᱟᱢᱟᱢ ᱦᱚᱸᱭ ᱚᱞ ᱟᱠᱟᱫᱟ, ᱡᱚᱛᱚ ᱛᱮ ᱢᱚᱱᱮ ᱜᱮᱞ ᱯᱩᱛᱷᱤᱭ ᱯᱟᱨᱥᱟᱞ ᱟᱠᱟᱫᱟ᱾^[᱓]^[᱕]

ᱡᱳᱥᱤᱭᱟᱜ ᱠᱟᱹᱢᱤ ᱫᱚ ᱩᱨᱫᱩ, ᱵᱟᱝᱞᱟ, ᱛᱟᱢᱤᱞ, ᱛᱮᱞᱩᱜᱩ, ᱯᱟᱧᱡᱟᱵᱤ, ᱢᱟᱞᱟᱭᱟᱞᱟᱢ, ᱟᱨ ᱠᱟᱱᱱᱟᱰᱟ ᱯᱟᱹᱨᱥᱤ ᱛᱮᱠᱚ ᱛᱚᱨᱡᱚᱢᱟ ᱟᱠᱟᱫᱟ᱾^[᱖] ᱟᱡᱟᱜ ᱠᱟᱹᱢᱤ ᱫᱚ ᱤᱝᱞᱤᱥ, ᱨᱟᱥᱤᱭᱟᱱ, ᱟᱨ ᱡᱟᱯᱟᱱᱤᱡᱽ ᱯᱟᱹᱨᱥᱤ ᱛᱮᱦᱚᱸᱠᱚ ᱛᱚᱨᱡᱚᱢᱟ ᱟᱠᱟᱫᱟ᱾^[᱓] ᱟᱡᱟᱜ ᱠᱷᱟᱴᱚ ᱠᱟᱹᱦᱱᱤ ᱡᱟᱣᱨᱟ ᱠᱷᱚᱱ ᱵᱮᱜᱚᱨ, ᱡᱟᱦᱟᱸ ᱫᱚ ᱢᱩᱬᱩᱛ ᱞᱮᱠᱟᱛᱮ ᱦᱤᱱᱫᱤ ᱛᱮ ᱚᱞ ᱟᱠᱟᱱᱟ, ᱩᱱᱤ ᱢᱟᱨᱟᱴᱷᱤ ᱛᱮ ᱜᱮᱞ ᱢᱤᱫ ᱜᱚᱴᱟᱝ ᱯᱩᱛᱷᱤᱭ ᱯᱟᱨᱥᱟᱞ ᱟᱠᱟᱫᱟ᱾^[᱖]^[᱕]

ᱡᱳᱥᱤᱭᱟᱜ ᱠᱤᱪᱷᱩ ᱠᱟᱹᱦᱱᱤ ᱫᱚ ᱛᱟᱭᱚᱢ ᱛᱮ ᱵᱷᱟᱨᱚᱛ ᱥᱚᱨᱠᱟᱨᱤ ᱯᱨᱚᱥᱟᱨᱚᱠ, ᱫᱩᱨᱫᱚᱨᱥᱚᱱ, ᱴᱮᱞᱤᱵᱤᱡᱚᱱ ᱞᱟᱹᱜᱤᱫ ᱟᱹᱨᱩᱯᱷᱮᱨᱟᱣ ᱞᱮᱫᱟ᱾^[᱑] ᱚᱱᱟ ᱠᱚ ᱡᱚᱭᱟ ᱵᱚᱪᱪᱚᱱ ᱯᱨᱚᱰᱩᱥ ᱟᱠᱟᱫ ᱴᱮᱞᱤᱵᱤᱡᱚᱱ ᱥᱳ 'ᱥᱟᱛ ᱯᱷᱮᱨᱮ' (ᱮᱭᱟᱭ ᱫᱷᱟᱣ) ᱟᱨ ᱜᱩᱞᱡᱟᱨ ᱯᱨᱚᱰᱩᱥ ᱟᱠᱟᱫ 'ᱠᱤᱨᱫᱟᱨ' (ᱪᱩᱨᱤᱛ) ᱨᱮ ᱥᱮᱞᱮᱫ ᱛᱟᱦᱮᱸ ᱠᱟᱱᱟ᱾^[᱖]

ᱟᱡᱽ ᱛᱟᱠ ᱧᱩᱛᱩᱢᱟᱱ ᱢᱤᱫ ᱦᱤᱱᱫᱤ ᱯᱟᱹᱨᱥᱤ ᱨᱮᱱᱟᱜ ᱱᱤᱭᱩᱡᱽ ᱪᱮᱱᱮᱞ ᱥᱟᱶ ᱮᱱᱴᱟᱨᱵᱷᱤᱭᱩ ᱨᱮ, ᱡᱳᱥᱤ ᱞᱟᱹᱭ ᱞᱮᱫᱟ ᱡᱮ ᱩᱱᱤ ᱫᱚ ᱟᱡᱟᱜ ᱪᱩᱨᱤᱛ ᱠᱚ ᱟᱡᱟᱜ ᱜᱷᱟᱨᱚᱸᱡᱽ ᱟᱨ ᱥᱟᱶᱛᱟᱨᱤ ᱜᱟᱛᱮᱞ ᱠᱷᱚᱱᱮ ᱦᱟᱛᱟᱣᱟ, ᱵᱷᱟᱨᱚᱛ ᱨᱮᱱᱟᱜ ᱛᱟᱞᱟᱼᱵᱷᱟᱹᱜᱤ ᱜᱷᱟᱨᱚᱸᱡᱽ ᱠᱚᱣᱟᱜ ᱟᱹᱭᱠᱟᱹᱣ ᱞᱟᱹᱭ ᱨᱮ ᱡᱟᱹᱥᱛᱤ ᱨᱟᱹᱥᱠᱟᱹᱭ ᱵᱩᱡᱷᱟᱹᱣᱟ᱾ ᱩᱱᱤ ᱟᱢᱨᱤᱛᱞᱟᱞ ᱱᱟᱜᱟᱨ, ᱯᱤ. ᱮᱞ. ᱫᱮᱥᱯᱟᱱᱰᱮ, ᱟᱨ ᱥᱟᱨᱟᱫᱽ ᱡᱳᱥᱤ ᱫᱚ ᱟᱡᱟᱜ ᱤᱱᱯᱷᱞᱩᱭᱮᱱᱥ ᱢᱮᱱᱛᱮᱭ ᱞᱟᱹᱭ ᱥᱚᱫᱚᱨ ᱞᱮᱫᱟ᱾^[᱖]

ᱥᱤᱨᱯᱷᱟᱹ


ᱥᱮᱨᱢᱟ	ᱥᱤᱨᱯᱷᱟᱹ	ᱮᱢᱚᱜᱤᱡ	ᱥᱨᱳᱛ
᱑᱙᱙᱙	ᱵᱷᱟᱵᱽᱵᱷᱩᱛᱤ ᱟᱞᱟᱝᱠᱟᱨᱚᱱ	ᱢᱚᱫᱷᱭᱚ ᱯᱨᱚᱫᱮᱥ ᱥᱟᱦᱤᱛᱭᱚ ᱥᱚᱢᱢᱮᱞᱚᱱ	^[᱓]
᱒᱐᱐᱖	ᱥᱤᱠᱷᱟᱨ ᱥᱚᱢᱢᱟᱱ	ᱢᱚᱫᱷᱭᱚ ᱯᱨᱚᱫᱮᱥ ᱥᱚᱨᱠᱟᱨ	^[᱓]
᱒᱐᱑᱑	ᱫᱩᱥᱭᱚᱱᱛ ᱠᱩᱢᱟᱨ ᱥᱟᱦᱤᱛᱭᱚ ᱥᱚᱢᱢᱟᱱ		^[᱓]
᱒᱐᱑᱑	ᱳᱡᱟᱥᱣᱤᱱᱤ ᱥᱚᱢᱢᱟᱱ		^[᱓]
᱒᱐᱑᱓-᱑᱔	ᱨᱟᱥᱴᱨᱤᱭᱚ ᱢᱮᱭᱛᱷᱤᱞᱤᱥᱟᱨᱚᱱ ᱜᱩᱯᱛ ᱥᱚᱢᱢᱟᱱ	ᱨᱟᱡᱚᱥᱛᱷᱟᱱ ᱥᱚᱨᱠᱟᱨ	^[᱓]
᱒᱐᱑᱓	ᱵᱟᱱᱢᱟᱞᱤ ᱠᱟᱛᱷᱟ ᱥᱚᱢᱢᱟᱱ	ᱫᱟ ᱯᱷᱟᱣᱩᱱᱰᱮᱥᱚᱱ ᱯᱷᱚᱨ ᱵᱟᱱᱢᱟᱞᱤ ᱡᱚᱜᱚᱱᱱᱟᱛᱷ ᱯᱨᱚᱥᱟᱫᱽ ᱪᱳᱣᱵᱮ	^[᱓]
᱒᱐᱑᱖	ᱠᱟᱢᱞᱮᱥᱣᱚᱨ ᱥᱢᱨᱩᱛᱤ ᱯᱩᱨᱚᱥᱠᱟᱨ	ᱠᱟᱛᱷᱟᱵᱤᱢᱵ (ᱥᱟᱶᱦᱮᱫ ᱯᱟᱛᱷᱟᱢ)	^[᱓]
᱒᱐᱑᱘	ᱯᱚᱫᱽᱢᱚ ᱥᱨᱤ ᱥᱟᱶᱦᱮᱫ ᱟᱨ ᱥᱮᱪᱮᱫ ᱨᱮ ᱮᱱᱮᱢ ᱞᱟᱹᱜᱤᱫ	ᱵᱷᱟᱨᱚᱛ ᱨᱤᱱᱤᱡ ᱨᱟᱥᱴᱨᱚᱯᱚᱛᱤ	^[᱑]
᱒᱐᱑᱘	ᱦᱤᱱᱫᱤ ᱥᱮᱵᱤ ᱥᱚᱢᱢᱟᱱ	ᱢᱚᱦᱟᱛᱢᱟ ᱜᱟᱱᱫᱷᱤ ᱡᱮᱜᱮᱛᱟᱹᱨᱤ ᱦᱤᱱᱫᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ	^[᱕]

ᱥᱟᱹᱠᱷᱭᱟᱹᱛ

1 2 3 "PADMA AWARDEES – 2018" (PDF). Ministry of Home Affairs, Government of India.
↑ "Full list of Padma awardees 2018". The Hindu (in Indian English). 2018-01-25. ISSN 0971-751X. Retrieved 2020-11-18.
1 2 3 4 5 6 7 8 9 10 "Padma Awards: Profiles" (PDF). President of India.
↑ Author, storyteller Malti Joshi passes away: Family sources
1 2 3 "Author Profile :Vani Prakashan". www.vaniprakashan.in. Retrieved 2020-11-18.^{[permanent dead link]}
1 2 3 4 "जन्मदिन विशेषः बातचीत- मालती जोशी; कहानियां- कहानियां- कहानियां". Aaj Tak (in ᱦᱤᱱᱫᱤ). 4 June 2019. Retrieved 2020-11-18.

[:0-1] 1 2 3 "PADMA AWARDEES – 2018" (PDF). Ministry of Home Affairs, Government of India.

[2] "Full list of Padma awardees 2018". The Hindu (in Indian English). 2018-01-25. ISSN 0971-751X. Retrieved 2020-11-18.

[:1-3] 1 2 3 4 5 6 7 8 9 10 "Padma Awards: Profiles" (PDF). President of India.

[4] Author, storyteller Malti Joshi passes away: Family sources

[:2-5] 1 2 3 "Author Profile :Vani Prakashan". www.vaniprakashan.in. Retrieved 2020-11-18.^{[permanent dead link]}

[:3-6] 1 2 3 4 "जन्मदिन विशेषः बातचीत- मालती जोशी; कहानियां- कहानियां- कहानियां". Aaj Tak (in ᱦᱤᱱᱫᱤ). 4 June 2019. Retrieved 2020-11-18.

[᱑]

[᱒]

[᱓]

[᱔]

[᱕]

[᱖]