ᱢᱟᱞᱞᱤᱠᱟ ᱪᱟᱵᱽᱵᱟ
ᱢᱟᱞᱞᱤᱠᱟ ᱪᱟᱵᱽᱵᱟ ᱫᱚ ᱰᱮᱦᱨᱟᱰᱩᱱ, ᱵᱷᱟᱨᱚᱛ ᱨᱤᱱᱤᱡ ᱢᱤᱫ ᱵᱷᱟᱨᱚᱛᱤᱭᱟᱹ ᱪᱤᱛᱟᱹᱨᱤᱭᱟᱹ ᱠᱟᱱᱟᱭ᱾
ᱮᱛᱚᱦᱚᱵ ᱡᱤᱭᱚᱱ ᱟᱨ ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱟᱞᱞᱤᱠᱟ ᱫᱚ ᱰᱮᱦᱨᱟᱰᱩᱱ ᱥᱚᱦᱚᱨ ᱨᱮ ᱦᱟᱨᱟ ᱵᱩᱨᱩ ᱞᱮᱱᱟᱭ, ᱡᱟᱦᱟᱸ ᱫᱚ ᱠᱚᱧᱮ ᱵᱷᱟᱨᱚᱛ ᱨᱮ ᱦᱤᱢᱟᱞᱚᱭ ᱨᱮᱸᱡᱽ ᱨᱮᱱᱟᱜ ᱞᱟᱛᱟᱨ ᱨᱮ ᱢᱮᱱᱟᱜ ᱢᱤᱫ ᱵᱮᱰᱟ ᱨᱮ ᱢᱮᱱᱟᱜᱼᱟ᱾ ᱩᱱᱤ ᱫᱚ ᱟᱹᱰᱤ ᱠᱚᱢ ᱩᱢᱮᱨ ᱠᱷᱚᱱ ᱜᱮ ᱢᱤᱫ ᱱᱟᱯᱟᱭ ᱟᱨᱴᱤᱥᱴ ᱵᱮᱱᱟᱣᱜ ᱨᱮᱱᱟᱜ ᱟᱥ ᱥᱟᱶ ᱪᱤᱛᱟᱹᱨ ᱮ ᱮᱛᱚᱦᱚᱵ ᱞᱮᱫ ᱛᱟᱦᱮᱸᱫ᱾ ᱢᱟᱞᱞᱤᱠᱟ ᱫᱚ ᱜᱚᱵᱷᱚᱨᱱᱢᱮᱱᱴ ᱠᱚᱞᱮᱡᱽ ᱚᱯᱷ ᱯᱷᱟᱭᱤᱱ ᱟᱨᱴ, ᱪᱚᱱᱰᱤᱜᱚᱲ ᱮ ᱥᱮᱱ ᱞᱮᱱ ᱛᱟᱦᱮᱸᱫ ᱡᱟᱦᱟᱸ ᱨᱮ ᱩᱱᱤ ᱫᱚ ᱢᱤᱫ ᱥᱠᱚᱞᱯᱴᱚᱨ ᱞᱮᱠᱟᱛᱮ ᱵᱤᱥᱮᱥᱟᱹᱜᱽᱭᱚ ᱦᱟᱛᱟᱣ ᱞᱮᱫ ᱛᱟᱦᱮᱸᱫ᱾ ᱩᱱᱤ ᱫᱚ ᱵᱮᱪᱞᱚᱨ ᱚᱯᱷ ᱯᱷᱟᱭᱤᱱ ᱟᱨᱴ ᱰᱤᱜᱽᱨᱤ ᱥᱟᱶ ᱠᱚᱞᱮᱡᱽ ᱮ ᱯᱩᱨᱟᱹᱣ ᱠᱮᱫᱟ ᱚᱱᱟ ᱛᱟᱭᱚᱢ ᱩᱱᱤ ᱫᱚ ᱤᱱᱰᱤᱭᱟᱱ ᱱᱮᱥᱱᱟᱞ ᱴᱨᱚᱥᱴ ᱯᱷᱚᱨ ᱟᱨᱴ ᱮᱱᱰ ᱠᱚᱞᱪᱚᱨᱟᱞ ᱦᱮᱨᱤᱴᱮᱡᱽ (INTACH) ᱨᱮ ᱥᱮᱞᱮᱫᱚᱜ ᱞᱟᱹᱜᱤᱫ ᱱᱟᱣᱟ ᱫᱤᱞᱞᱤ ᱮ ᱥᱮᱱ ᱮᱱᱟ᱾ ᱢᱟᱞᱞᱤᱠᱟ ᱫᱚ ᱑᱘ ᱟᱱᱟᱜ ᱥᱟᱭᱟᱝ ᱨᱮᱱᱟᱜ ᱚᱭᱤᱞ ᱯᱮᱱᱴᱤᱝ ᱠᱚ ᱪᱮᱛᱟᱱ ᱨᱮ ᱠᱟᱹᱢᱤ ᱠᱟᱛᱮ ᱟᱨᱴ ᱨᱤᱥᱴᱚᱨᱮᱥᱚᱱ ᱮ ᱪᱮᱫ ᱞᱮᱫ ᱛᱟᱦᱮᱸᱫ᱾ ᱩᱱᱤ ᱫᱚ ᱪᱤᱛᱟᱹᱨ ᱵᱮᱱᱟᱣ ᱮ ᱪᱟᱹᱞᱩ ᱫᱚᱦᱚ ᱠᱮᱫᱟ ᱟᱨ ᱪᱟᱭᱞᱰ ᱦᱮᱞᱛᱷ ᱮᱱᱰ ᱣᱮᱞᱯᱷᱮᱭᱟᱨ ᱯᱷᱟᱣᱩᱱᱰᱮᱥᱚᱱ ᱪᱟᱨᱤᱴᱤ ᱜᱨᱩᱯ ᱞᱟᱹᱜᱤᱫ ᱟᱡᱟᱜ ᱯᱩᱭᱞᱩ ᱥᱚᱞᱚ ᱮᱠᱥᱤᱵᱤᱥᱚᱱ ᱮ ᱠᱚᱨᱟᱣ ᱠᱮᱫᱟ᱾
ᱪᱟᱵᱽᱵᱟ ᱫᱚ "ᱵᱚᱞᱤᱣᱩᱰ ᱟᱨᱴ ᱯᱨᱚᱡᱮᱠᱴ" ᱜᱨᱩᱯ ᱨᱮ ᱮᱱᱮᱢ ᱮ ᱮᱢ ᱟᱠᱟᱫᱟ ᱡᱟᱦᱟᱸᱭ ᱫᱚ ᱢᱩᱢᱵᱟᱭ ᱨᱮᱱᱟᱜ ᱫᱩᱣᱟᱹᱨ ᱠᱚ ᱨᱚᱝᱜᱤᱱ ᱟᱨᱴ ᱠᱟᱹᱢᱤ ᱨᱮ ᱠᱚ ᱵᱚᱫᱚᱞ ᱮᱫ ᱠᱟᱱᱟ᱾ ᱩᱱᱤ ᱫᱚ ᱵᱚᱞᱤᱣᱩᱰ ᱢᱩᱵᱷᱤ ᱵᱟᱠᱨᱟ ᱞᱟᱹᱜᱤᱫ ᱢᱤᱫ ᱵᱤᱥᱮᱥ ᱯᱮᱱᱴᱤᱝ ᱦᱚᱸᱭ ᱠᱚᱨᱟᱣ ᱟᱠᱟᱫᱟ ᱡᱟᱦᱟᱸ ᱫᱚ ᱫᱟ ᱰᱤᱵᱷᱟᱭᱤᱱ ᱜᱳᱴ ᱧᱩᱛᱩᱢ ᱛᱟᱦᱮᱸ ᱠᱟᱱᱟ᱾