ᱢᱟᱞᱟᱛᱤ ᱪᱮᱱᱫᱩᱨ
ᱢᱟᱞᱟᱛᱤ ᱪᱮᱱᱫᱩᱨ (᱒᱖ ᱰᱤᱥᱮᱢᱵᱚᱨ ᱑᱙᱒᱘ - ᱒᱑ ᱚᱜᱚᱥᱴ ᱒᱐᱑᱓ ) ᱫᱚ ᱢᱤᱫ ᱧᱩᱛᱩᱢᱟᱱ ᱥᱤᱧᱚᱛᱤᱭᱟᱹ ᱚᱱᱚᱞᱤᱭᱟᱹ, ᱱᱚᱵᱮᱞᱤᱥᱴ ᱟᱨ ᱠᱚᱞᱚᱢ ᱚᱱᱚᱞᱤᱭᱟᱹ ᱠᱟᱱᱟᱭ ᱾ ᱩᱱᱤ ᱫᱚ ᱑᱙᱔᱙ ᱥᱟᱞᱮ ᱨᱮ ᱢᱤᱫ ᱱᱚᱵᱮᱞᱤᱥᱴ ᱞᱮᱠᱟᱛᱮ ᱟᱡᱟᱜ ᱠᱮᱨᱤᱭᱟᱨ ᱮ ᱮᱛᱚᱦᱚᱵ ᱞᱮᱫᱟ ᱟᱨ ᱛᱮᱞᱩᱜᱩ ᱯᱟᱹᱨᱥᱤ ᱛᱮ ᱒᱖ ᱜᱚᱴᱟᱝ ᱱᱚᱵᱮᱞ ᱮ ᱚᱞ ᱠᱮᱫᱟ ᱾ ᱩᱱᱤ ᱫᱚ ᱟᱨᱦᱚᱸ ᱓᱐᱐ ᱠᱷᱚᱱ ᱰᱮᱦᱮᱨ ᱱᱚᱵᱮᱞ ᱮᱴᱟᱜ ᱯᱟᱹᱨᱥᱤ ᱠᱷᱚᱱ ᱛᱮᱞᱩᱜᱩ ᱛᱮ ᱛᱚᱨᱡᱚᱢᱟ ᱠᱮᱫᱟ ᱾ ᱑᱙᱙᱒ ᱥᱟᱞᱮ ᱨᱮ, ᱩᱱᱤ ᱫᱚ ᱟᱡᱟᱜ ᱱᱚᱵᱮᱞ ᱦᱨᱩᱫᱟᱭᱟ ᱱᱮᱛᱨᱤ ᱞᱟᱹᱜᱤᱫ ᱥᱟᱦᱤᱛᱭᱟ ᱟᱠᱟᱫᱮᱢᱤ ᱥᱤᱨᱯᱷᱟᱹ ᱛᱮ ᱥᱚᱢᱢᱟᱱᱤᱛ ᱦᱩᱭ ᱞᱮᱱᱟ ᱾ ᱩᱱᱤ ᱫᱚ ᱟᱱᱫᱷᱨᱟ ᱯᱨᱚᱵᱷᱟ ᱠᱷᱚᱵᱚᱨ ᱠᱟᱜᱚᱡ ᱨᱮ ᱢᱤᱫ ᱦᱟᱯᱛᱟᱠᱤᱭᱟᱹ ᱠᱚᱞᱚᱢ, "ᱯᱨᱟᱢᱟᱫᱟᱵᱟᱱᱚᱢ" ᱮ ᱚᱞ ᱠᱮᱫᱟ, ᱡᱟᱦᱟᱸ ᱫᱚ ᱔᱗ ᱥᱮᱨᱢᱟ ᱫᱷᱟᱹᱵᱤᱡ ᱞᱮᱛᱟᱲ ᱜᱮ ᱯᱟᱨᱥᱟᱞ ᱮᱱᱟ ᱾
ᱮᱛᱚᱦᱚᱵ ᱡᱤᱭᱚᱱ, ᱥᱮᱪᱮᱫ ᱟᱨ ᱵᱟᱯᱞᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱒᱖ ᱰᱤᱥᱮᱢᱵᱚᱨ ᱑᱙᱒᱘ ᱥᱟᱞᱮ ᱨᱮ ᱵᱷᱮᱝᱠᱟᱴᱟᱪᱟᱞᱟᱢ (ᱵᱟᱵᱟ) ᱟᱨ ᱜᱭᱟᱱᱟᱢᱵᱟ (ᱟᱭᱳ) ᱴᱷᱮᱱ ᱱᱩᱡᱽᱵᱤᱫᱽ, ᱥᱤᱧᱚᱛ ᱨᱮ ᱡᱟᱱᱟᱢ ᱞᱮᱱᱟ ᱾[᱑][᱒] ᱢᱟᱞᱟᱛᱤ ᱫᱚ ᱟᱡ ᱨᱮᱱ ᱟᱭᱳ ᱵᱟᱵᱟ ᱦᱟᱜ ᱛᱩᱨᱩᱭ ᱟᱨ ᱡᱚᱛᱚ ᱠᱷᱚᱱ ᱦᱩᱰᱤᱧ ᱜᱤᱫᱽᱨᱟᱹᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱱᱩᱡᱽᱵᱤᱫᱽ ᱨᱮ ᱤᱨᱟᱹᱞ ᱥᱴᱮᱱᱰᱟᱨᱰ ᱮ ᱯᱟᱥ ᱠᱮᱫᱟ ᱟᱨ ᱟᱡᱟᱜ ᱦᱟᱭ ᱥᱠᱩᱞ ᱥᱮᱪᱮᱫ ᱞᱟᱹᱜᱤᱫ ᱮᱞᱩᱨᱩ ᱛᱮ ᱪᱟᱞᱟᱣ ᱮᱱᱟ ᱾ ᱮᱞᱩᱨᱩ ᱨᱮ ᱩᱱᱤ ᱫᱚ ᱱᱟᱜᱮᱥᱣᱟᱨ ᱨᱟᱣ ᱪᱮᱱᱫᱩᱨ ᱟᱜ ᱚᱲᱟᱜ ᱨᱮ ᱛᱟᱦᱮᱸᱱ ᱠᱟᱱ ᱛᱟᱦᱮᱸᱫ, ᱡᱟᱦᱟᱸᱭ ᱫᱚ ᱟᱡ ᱨᱮᱱ ᱟᱭᱳ ᱵᱟᱵᱟ ᱨᱮᱱ ᱵᱚᱭᱦᱟ ᱠᱟᱱᱟᱭ ᱾ ᱑᱙᱔᱗ ᱥᱟᱞᱮ ᱨᱮ, ᱩᱱᱤ ᱟᱨ ᱱᱟᱜᱮᱥᱣᱟᱨ ᱨᱟᱣ ᱪᱮᱱᱫᱩᱨ ᱵᱟᱱᱟᱨ ᱜᱮ ᱢᱟᱫᱨᱟᱥ ᱛᱮ ᱪᱟᱞᱟᱣ ᱮᱱᱟ ᱾ ᱢᱟᱞᱟᱛᱤ ᱫᱚ ᱟᱡᱟᱜ ᱥᱮᱠᱮᱱᱰᱟᱨᱤ ᱥᱠᱩᱞ ᱞᱤᱵᱤᱝ ᱥᱟᱨᱴᱤᱯᱷᱤᱠᱮᱴ ᱢᱟᱫᱨᱟᱥ ᱨᱮ ᱧᱟᱢ ᱠᱮᱫᱟ ᱾ ᱑᱙᱔᱗ ᱥᱟᱞᱮ ᱨᱮᱱᱟᱜ ᱢᱩᱪᱟᱹᱫ ᱨᱮ ᱢᱟᱞᱟᱛᱤ ᱫᱚ ᱱᱟᱜᱮᱥᱣᱟᱨ ᱨᱟᱣ ᱪᱮᱱᱫᱩᱨ ᱮ ᱵᱟᱯᱞᱟ ᱠᱮᱫᱮᱭᱟ ᱾ ᱩᱱᱠᱩᱣᱟᱜ ᱵᱟᱯᱞᱟ ᱫᱚ ᱢᱟᱫᱨᱟᱥ ᱨᱮ ᱯᱷᱩᱨᱜᱟᱹᱞ ᱛᱟᱭᱚᱢ ᱯᱩᱭᱞᱩ ᱨᱮᱡᱤᱥᱴᱟᱨᱰ ᱵᱟᱯᱞᱟ ᱞᱮᱠᱟᱛᱮ ᱨᱤᱯᱚᱴ ᱦᱩᱭ ᱞᱮᱱᱟ ᱾[᱒][᱓]
ᱠᱮᱨᱤᱭᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱙᱔᱙ ᱥᱟᱞᱮ ᱨᱮ, ᱪᱮᱱᱫᱩᱨ ᱫᱚ ᱟᱡᱟᱜ ᱠᱮᱨᱤᱭᱟᱨ ᱢᱤᱫ ᱱᱚᱵᱮᱞᱤᱥᱴ ᱞᱮᱠᱟᱛᱮ ᱮᱛᱚᱦᱚᱵ ᱠᱮᱫᱟ ᱾ ᱚᱱᱟ ᱫᱤᱱ ᱨᱮ ᱩᱱᱤ ᱫᱚ ᱨᱮᱰᱤᱭᱳ ᱨᱮ ᱟᱡᱟᱜ ᱱᱚᱵᱮᱞ ᱮ ᱞᱟᱹᱭ ᱥᱚᱫᱚᱨᱮᱫ ᱛᱟᱦᱮᱸᱫ ᱾ ᱩᱱᱤ ᱫᱚ ᱟᱱᱫᱷᱨᱟ ᱯᱨᱚᱵᱷᱟ ᱠᱷᱚᱵᱚᱨ ᱠᱟᱜᱚᱡ ᱨᱮ ᱢᱤᱫ ᱦᱟᱯᱛᱟᱠᱤᱭᱟᱹ ᱠᱚᱞᱚᱢ, "ᱯᱨᱟᱢᱟᱫᱟᱵᱟᱱᱚᱢ" ᱮ ᱚᱞ ᱠᱮᱫᱟ, ᱡᱟᱦᱟᱸ ᱨᱮ ᱩᱱᱤ ᱫᱚ ᱯᱟᱹᱴᱷᱩᱣᱟᱹ ᱠᱷᱚᱱ ᱠᱩᱠᱞᱤ ᱠᱚ ᱨᱮᱱᱟᱜ ᱛᱮᱞᱟᱭ ᱮᱢᱮᱫ ᱛᱟᱦᱮᱸᱫ ᱟᱨ ᱥᱟᱶᱛᱟᱠᱤᱭᱟᱹ ᱟᱨ ᱱᱤᱡᱮᱨᱟᱜ ᱢᱟᱢᱞᱟ ᱨᱮ ᱩᱯᱫᱮᱥ ᱮ ᱮᱢᱮᱫ ᱛᱟᱦᱮᱸᱫ ᱾[᱔][᱕] ᱱᱚᱣᱟ ᱠᱚᱞᱚᱢ ᱫᱚ ᱔᱗ ᱥᱮᱨᱢᱟ ᱫᱷᱟᱹᱵᱤᱡ ᱞᱮᱛᱟᱲ ᱜᱮ ᱯᱟᱨᱥᱟᱞ ᱮᱱᱟ ᱾
᱑᱙᱕᱓ ᱥᱟᱞᱮ ᱨᱮ, ᱪᱮᱱᱫᱩᱨ ᱫᱚ ᱛᱮᱞᱩᱜᱩ ᱨᱮ ᱢᱤᱫ ᱨᱟᱱᱫᱷᱟᱱ ᱯᱚᱛᱚᱵ ᱯᱟᱨᱥᱟᱞ ᱠᱮᱫᱟ ᱡᱟᱦᱟᱸ ᱫᱚ ᱵᱟᱱᱛᱟᱞᱩ - ᱯᱤᱱᱰᱤᱵᱟᱱᱛᱟᱞᱩ, ᱡᱟᱦᱟᱸ ᱫᱚ ᱠᱚᱢ ᱥᱮ ᱠᱚᱢ ᱓᱐ ᱫᱷᱟᱣ ᱨᱤᱯᱨᱤᱱᱴ ᱦᱩᱭ ᱞᱮᱱᱟ ᱾ ᱪᱮᱱᱫᱩᱨ ᱫᱚ ᱟᱭᱢᱟ ᱤᱝᱞᱤᱥ ᱱᱚᱵᱮᱞ ᱛᱮᱞᱩᱜᱩ ᱛᱮ ᱛᱚᱨᱡᱚᱢᱟ ᱠᱮᱫᱟ ᱟᱨ ᱥᱣᱟᱛᱷᱤ ᱢᱮᱜᱟᱡᱤᱱ ᱨᱮ ᱯᱟᱛᱷᱟᱠᱮᱨᱟᱛᱟᱞᱩ ᱧᱩᱛᱩᱢ ᱛᱮ ᱯᱟᱨᱥᱟᱞ ᱠᱮᱫᱟ ᱾ ᱩᱱᱤᱭᱟᱜ ᱯᱩᱭᱞᱩ ᱱᱚᱵᱮᱞ ᱫᱚ ᱪᱟᱢᱯᱟᱠᱟᱢ - ᱪᱤᱫᱟᱯᱩᱨᱩᱜᱩᱞᱩ ᱟᱨ ᱩᱱᱤᱭᱟᱜ ᱯᱩᱭᱞᱩ ᱠᱟᱹᱦᱱᱤ ᱫᱚ "ᱨᱟᱵᱷᱟᱞᱟᱰᱰᱩᱞᱩ" ᱛᱟᱦᱮᱸ ᱠᱟᱱᱟ ᱾ ᱩᱱᱤᱭᱟᱜ ᱠᱤᱪᱷᱩ ᱧᱩᱛᱩᱢᱟᱱ ᱱᱚᱵᱮᱞ ᱠᱚᱫᱚ ᱦᱩᱭᱩᱜ ᱠᱟᱱᱟ ᱪᱟᱢᱯᱟᱠᱟᱢ - ᱪᱤᱫᱟᱯᱩᱨᱩᱜᱩᱞᱩ, ᱟᱞᱚᱪᱤᱱᱪᱩ, ᱥᱟᱫᱽᱭᱚᱜᱟᱢ, ᱦᱨᱩᱫᱟᱭᱟ ᱱᱮᱛᱨᱤ, ᱥᱤᱥᱤᱨᱟ ᱵᱟᱥᱟᱱᱛᱟᱢ, ᱢᱟᱱᱟᱥᱩᱞᱚᱱᱤ ᱢᱟᱱᱟᱥᱩ, ᱟᱨ ᱵᱷᱩᱢᱤ ᱯᱩᱛᱷᱨᱤ ᱾ ᱩᱱᱤ ᱫᱚ ᱦᱟᱯᱛᱟᱠᱤᱭᱟᱹ ᱢᱮᱜᱟᱡᱤᱱ ᱞᱟᱹᱜᱤᱫ ᱦᱩᱰᱤᱧ ᱠᱟᱹᱦᱱᱤ ᱠᱚ ᱦᱚᱸᱭ ᱚᱞ ᱠᱮᱫᱟ ᱾ ᱩᱱᱤᱭᱟᱜ ᱱᱚᱵᱮᱞ ᱨᱮ ᱛᱤᱨᱞᱟᱹ ᱠᱚ ᱫᱤᱱᱟᱹᱢ ᱡᱤᱭᱚᱱ ᱨᱮ ᱡᱟᱦᱟᱸ ᱮᱴᱠᱮᱴᱚᱬᱮ ᱠᱚ ᱥᱟᱢᱟᱝᱮᱫ ᱚᱱᱟ ᱨᱮᱱᱟᱜ ᱵᱮᱣᱦᱟᱨᱤᱠ ᱥᱟᱢᱟᱫᱷᱟᱱ ᱢᱮᱱᱟᱜᱼᱟ ᱾ ᱩᱱᱤ ᱫᱚ ᱛᱮᱞᱩᱜᱩ ᱯᱟᱹᱨᱥᱤ ᱛᱮ ᱒᱖ ᱜᱚᱴᱟᱝ ᱱᱚᱵᱮᱞ ᱮ ᱚᱞ ᱠᱮᱫᱟ ᱟᱨ ᱮᱴᱟᱜ ᱯᱟᱹᱨᱥᱤ ᱠᱷᱚᱱ ᱓᱐᱐ ᱠᱷᱚᱱ ᱰᱮᱦᱮᱨ ᱱᱚᱵᱮᱞ ᱛᱮᱞᱩᱜᱩ ᱛᱮ ᱛᱚᱨᱡᱚᱢᱟ ᱠᱮᱫᱟ, ᱡᱟᱦᱟᱸ ᱫᱚ ᱩᱱᱤ ᱱᱟᱵᱷᱟᱞᱟ ᱯᱟᱨᱤᱪᱟᱭᱟᱞᱩ ᱧᱩᱛᱩᱢ ᱛᱮ ᱢᱚᱬᱮ ᱵᱷᱚᱞᱭᱩᱢ ᱨᱮ ᱯᱟᱨᱥᱟᱞ ᱠᱮᱫᱟ ᱾ ᱩᱱᱤ ᱫᱚ ᱑᱑ ᱥᱮᱨᱢᱟ ᱫᱷᱟᱹᱵᱤᱡ ᱥᱮᱱᱴᱨᱟᱞ ᱵᱚᱨᱰ ᱚᱯᱷ ᱯᱷᱤᱞᱢ ᱥᱟᱨᱴᱤᱯᱷᱤᱠᱮᱥᱟᱱ ᱨᱮᱱ ᱥᱚᱦᱮᱫ ᱮ ᱛᱟᱦᱮᱸ ᱠᱟᱱᱟ ᱾
ᱥᱤᱨᱯᱷᱟᱹ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱙᱘᱗ ᱥᱟᱞᱮ ᱨᱮ, ᱪᱮᱱᱫᱩᱨ ᱫᱚ ᱟᱡᱟᱜ ᱱᱚᱵᱮᱞ ᱦᱨᱩᱫᱟᱭᱟ ᱱᱮᱛᱨᱤ ᱞᱟᱹᱜᱤᱫ ᱟᱱᱫᱷᱨᱟ ᱯᱨᱚᱫᱮᱥ ᱥᱟᱦᱤᱛᱭᱟ ᱟᱠᱟᱫᱮᱢᱤ ᱥᱤᱨᱯᱷᱟᱹ ᱛᱮ ᱥᱚᱢᱢᱟᱱᱤᱛ ᱦᱩᱭ ᱞᱮᱱᱟ ᱾ ᱑᱙᱙᱒ ᱥᱟᱞᱮ ᱨᱮ, ᱩᱱᱤ ᱫᱚ ᱚᱱᱟ ᱱᱚᱵᱮᱞ ᱞᱟᱹᱜᱤᱫ ᱠᱮᱱᱫᱽᱨᱟ ᱥᱟᱦᱤᱛᱭᱟ ᱟᱠᱟᱫᱮᱢᱤ ᱥᱤᱨᱯᱷᱟᱹ ᱛᱮ ᱥᱚᱢᱢᱟᱱᱤᱛ ᱦᱩᱭ ᱞᱮᱱᱟ ᱾ ᱑᱙᱙᱐ ᱥᱟᱞᱮ ᱨᱮ, ᱩᱱᱤ ᱫᱚ ᱧᱩᱛᱩᱢᱟᱱ ᱵᱷᱟᱨᱚᱛᱤᱭᱟ ᱵᱷᱟᱥᱟ ᱯᱟᱨᱤᱥᱟᱫ ᱥᱤᱨᱯᱷᱟᱹ ᱛᱮ ᱥᱚᱢᱢᱟᱱᱤᱛ ᱦᱩᱭ ᱞᱮᱱᱟ ᱾ ᱑᱙᱙᱖ ᱥᱟᱞᱮ ᱨᱮ, ᱩᱱᱤ ᱫᱚ ᱨᱟᱡᱟᱼᱞᱟᱠᱥᱢᱤ ᱥᱤᱨᱯᱷᱟᱹᱭ ᱧᱟᱢ ᱠᱮᱫᱟ ᱾ ᱩᱱᱤ ᱫᱚ ᱛᱮᱞᱩᱜᱩ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱥᱤᱨᱯᱷᱟᱹ ᱦᱚᱸᱭ ᱧᱟᱢ ᱠᱮᱫᱟ ᱾ ᱒᱐᱐᱕ ᱥᱟᱞᱮ ᱨᱮ, ᱥᱨᱤ ᱯᱟᱫᱽᱢᱟᱵᱟᱛᱤ ᱢᱟᱦᱤᱞᱟ ᱵᱤᱥᱵᱷᱟᱵᱤᱫᱽᱭᱟᱞᱟᱭᱟᱢ ᱫᱚ ᱩᱱᱤ ᱢᱤᱫ ᱚᱱᱟᱨᱟᱨᱤ ᱰᱚᱠᱴᱚᱨᱮᱴ ᱟᱨ ᱠᱟᱞᱟᱯᱨᱟᱯᱩᱨᱱᱟ ᱨᱮᱱᱟᱜ ᱴᱟᱭᱴᱟᱞ ᱛᱮ ᱥᱚᱢᱢᱟᱱᱤᱛ ᱠᱮᱫᱮᱭᱟ ᱾ ᱒᱐᱐᱕ ᱥᱟᱞᱮ ᱨᱮ, ᱪᱮᱱᱫᱩᱨ ᱟᱨ ᱩᱱᱤ ᱨᱮᱱ ᱡᱟᱶᱟᱭ ᱫᱚ ᱭᱟᱨᱞᱟᱜᱟᱰᱰᱟ ᱞᱟᱠᱥᱢᱤᱯᱨᱟᱥᱟᱫ ᱦᱚᱛᱮᱛᱮ ᱛᱷᱟᱯᱚᱱ ᱟᱠᱟᱱ ᱯᱩᱭᱞᱩ ᱞᱚᱠ ᱱᱟᱭᱟᱠ ᱯᱷᱟᱣᱩᱱᱰᱮᱥᱟᱱ ᱥᱤᱨᱯᱷᱟᱹ ᱠᱤᱱ ᱧᱟᱢ ᱠᱮᱫᱟ ᱾
ᱜᱩᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱒᱑ ᱚᱜᱚᱥᱴ ᱒᱐᱑᱓ ᱥᱟᱞᱮ ᱨᱮ ᱪᱮᱱᱱᱟᱭ ᱨᱮ ᱡᱤᱞᱤᱧ ᱵᱮᱢᱟᱨ ᱛᱟᱭᱚᱢ ᱜᱩᱨ ᱮᱱᱟ ᱾ ᱩᱱᱤᱭᱟᱜ ᱦᱚᱲᱢᱚ ᱫᱚ ᱥᱨᱤ ᱨᱟᱢᱟᱪᱟᱱᱫᱽᱨᱟ ᱢᱮᱰᱤᱠᱟᱞ ᱠᱚᱞᱮᱡᱽ ᱟᱨ ᱨᱤᱥᱟᱨᱪ ᱤᱱᱥᱴᱤᱪᱭᱩᱴ ᱨᱮ ᱨᱤᱥᱟᱨᱪ ᱩᱫᱫᱮᱥᱭᱚ ᱞᱟᱹᱜᱤᱫ ᱮᱢ ᱦᱩᱭ ᱞᱮᱱᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "మాలతీ చందూర్ కన్నుమూత". Sakshi (in Telugu). 22 August 2013. Retrieved 20 November 2018.
{{cite web}}: CS1 maint: unrecognized language (link) - ↑ ᱒.᱐ ᱒.᱑ "The ever fragrant Malathi". The Hans India (in ᱟᱝᱜᱽᱨᱮᱡᱤ). 25 August 2013. Retrieved 21 November 2018.
- ↑ "తె\తెనుగు.ఆర్గు :: దివాణంలో ఆడుకునేవాళ్లం - మాలతీ చందూర్..." (in Telugu). Archived from the original on 4 March 2016. Retrieved 20 November 2018.
{{cite web}}: CS1 maint: unrecognized language (link) - ↑ "My association with Malathi Chandur". The Hans India (in ᱟᱝᱜᱽᱨᱮᱡᱤ). 30 August 2013. Retrieved 20 November 2018.
- ↑ "Writer Malathi Chandur dead". The Hindu (in Indian English). 22 August 2013. Retrieved 20 November 2018.