ᱢᱟᱞᱤᱦᱟ ᱞᱚᱫᱷᱤ
ᱢᱟᱞᱤᱦᱟ ᱞᱚᱫᱷᱤ (ᱩᱨᱫᱩ: مليحه لودهى; ᱡᱟᱱᱟᱢ ᱑᱕ ᱱᱚᱵᱷᱮᱢᱵᱚᱨ ᱑᱙᱕᱒) ᱫᱚ ᱯᱟᱠᱤᱥᱛᱟᱱᱤ ᱨᱟᱡᱽᱱᱤᱛᱤ ᱥᱟᱬᱮᱥᱤᱭᱟᱹ ᱟᱨ ᱢᱟᱨᱮᱱ ᱯᱟᱠᱤᱥᱛᱟᱱ ᱨᱤᱱᱤᱡ ᱭᱩᱱᱟᱭᱴᱮᱰ ᱱᱮᱥᱚᱱᱥ ᱨᱮᱱ ᱨᱮᱯᱨᱮᱡᱮᱱᱴᱮᱴᱤᱵᱷ ᱠᱟᱱᱟᱭ ᱾ ᱱᱩᱭ ᱫᱚ ᱱᱚᱣᱟ ᱯᱚᱫᱽ ᱨᱮ ᱛᱟᱦᱮᱸ ᱟᱠᱟᱱ ᱯᱩᱭᱞᱩ ᱛᱤᱨᱞᱟᱹ ᱠᱟᱱᱟᱭ ᱾ ᱢᱟᱲᱟᱝ ᱫᱚ ᱩᱱᱤ ᱥᱮᱱᱴ ᱡᱮᱢᱥ ᱨᱤᱱᱤᱡ ᱠᱳᱨᱴ ᱨᱮ ᱯᱟᱠᱤᱥᱛᱟᱱ ᱨᱤᱱᱤᱡ ᱮᱱᱵᱷᱳᱭᱮ ᱞᱮᱠᱟᱛᱮ ᱟᱨ ᱵᱟᱨ ᱫᱷᱟᱣ ᱫᱚ ᱟᱢᱮᱨᱤᱠᱟ ᱨᱤᱱᱤᱡ ᱮᱢᱵᱟᱥᱰᱚᱨ ᱞᱮᱠᱟᱛᱮᱭ ᱠᱟᱹᱢᱤ ᱟᱠᱟᱫᱟ ᱾[᱑][᱒][᱓][᱔]
ᱞᱟᱦᱳᱨ ᱨᱮ ᱢᱤᱫ ᱪᱮᱛᱟᱱ-ᱛᱟᱞᱟ ᱠᱷᱟᱱᱫᱟᱱ ᱨᱮ ᱡᱟᱱᱟᱢ ᱟᱠᱟᱱ ᱞᱚᱫᱷᱤ ᱫᱚ ᱞᱚᱱᱰᱚᱱ ᱤᱥᱠᱩᱞ ᱳᱯᱷ ᱤᱠᱳᱱᱳᱢᱤᱠᱥ ᱨᱮ ᱨᱟᱡᱽᱱᱤᱛᱤ ᱥᱟᱬᱮᱥ ᱯᱟᱲᱦᱟᱣ ᱠᱮᱫᱟ ᱟᱨ ᱑᱙᱘᱐ ᱥᱟᱞᱮ ᱨᱮ ᱚᱱᱟ ᱤᱥᱠᱩᱞ ᱠᱷᱚᱱ ᱟᱡᱟᱜ ᱰᱚᱠᱴᱳᱨᱮᱴ ᱮ ᱧᱟᱢ ᱠᱮᱫ ᱛᱟᱭᱚᱢ ᱩᱱᱤ ᱚᱸᱰᱮ ᱨᱟᱡᱽᱱᱤᱛᱤ ᱥᱳᱥᱤᱭᱳᱞᱳᱡᱤ ᱯᱟᱲᱦᱟᱣ ᱞᱟᱹᱜᱤᱫ ᱥᱚᱨᱠᱟᱨ ᱰᱤᱯᱟᱨᱴᱢᱮᱱᱴ ᱨᱮ ᱢᱤᱫ ᱥᱚᱦᱮᱫ ᱞᱮᱠᱟᱛᱮᱭ ᱛᱟᱦᱮᱸᱭᱮᱱᱟ ᱾ ᱑᱙᱘᱖ ᱥᱟᱞᱮ ᱨᱮ ᱩᱱᱤ ᱫᱚ ᱯᱟᱠᱤᱥᱛᱟᱱ ᱮ ᱨᱩᱣᱟᱹᱲ ᱦᱮᱡ ᱮᱱᱟ ᱫᱟ ᱢᱩᱥᱞᱤᱢ ᱨᱤᱱᱤᱡ ᱮᱰᱤᱴᱟᱨ ᱵᱮᱱᱟᱣ ᱞᱟᱹᱜᱤᱫ, ᱱᱩᱭ ᱫᱚ ᱮᱥᱤᱭᱟ ᱨᱮ ᱢᱤᱫ ᱡᱟᱹᱛᱤᱭᱟᱹᱨᱤ ᱠᱷᱚᱵᱚᱨ ᱠᱟᱜᱚᱡᱽ ᱥᱟᱯᱲᱟᱣᱤᱡ ᱛᱤᱨᱞᱟᱹᱭ ᱵᱮᱱᱟᱣ ᱠᱮᱫᱮᱭᱟ ᱾ ᱑᱙᱙᱐ ᱥᱟᱞᱮ ᱨᱮ, ᱩᱱᱤ ᱫᱟ ᱱᱤᱭᱩᱡᱽ ᱤᱱᱴᱟᱨᱱᱮᱥᱱᱟᱞ ᱨᱤᱱᱤᱡ ᱵᱩᱱᱤᱭᱟᱹᱫᱤ ᱮᱰᱤᱴᱟᱨ ᱵᱮᱱᱟᱣ ᱞᱟᱹᱜᱤᱫ ᱮ ᱥᱮᱱ ᱮᱱᱟ ᱾ ᱑᱙᱙᱔ ᱥᱟᱞᱮ ᱨᱮ, ᱩᱱᱤ ᱫᱚ ᱯᱟᱨᱫᱷᱟᱱ ᱢᱚᱱᱛᱨᱤ ᱢᱤᱥᱴᱟᱨ ᱱᱟᱣᱟᱡ ᱥᱟᱨᱤᱯ ᱦᱚᱛᱮᱛᱮ ᱟᱢᱮᱨᱤᱠᱟ ᱨᱮ ᱯᱟᱠᱤᱥᱛᱟᱱ ᱨᱤᱱᱤᱡ ᱮᱱᱵᱷᱳᱭᱮ ᱞᱮᱠᱟᱛᱮ ᱵᱟᱦᱟᱞ ᱦᱩᱭ ᱮᱱᱟ, ᱱᱚᱣᱟ ᱯᱚᱫᱽ ᱫᱚ ᱩᱱᱤ ᱑᱙᱙᱗ ᱥᱟᱞᱮ ᱫᱷᱟᱹᱵᱤᱡ ᱫᱚᱦᱚ ᱠᱮᱫᱼᱟ ᱾ ᱩᱱᱤ ᱟᱨᱦᱚᱸ ᱑᱙᱙᱙ ᱥᱟᱞᱮ ᱨᱮ ᱯᱨᱮᱥᱤᱰᱮᱱᱴ ᱢᱩᱥᱟᱨᱨᱟᱯᱷ ᱦᱚᱛᱮᱛᱮ ᱚᱱᱟ ᱯᱚᱫᱽ ᱨᱮᱜᱮᱭ ᱵᱟᱦᱟᱞ ᱦᱩᱭ ᱮᱱᱟ ᱒᱐᱐᱒ ᱥᱟᱞᱮ ᱫᱷᱟᱹᱵᱤᱡ ᱡᱚᱠᱷᱚᱱ ᱩᱱᱤ ᱟᱡᱟᱜ ᱠᱟᱹᱢᱤᱠᱟᱞ ᱯᱩᱨᱟᱹᱣ ᱠᱟᱛᱮ ᱭᱩᱠᱮ ᱨᱮ ᱦᱟᱭ ᱠᱚᱢᱤᱥᱚᱱᱟᱨ ᱞᱟᱹᱜᱤᱫ ᱮ ᱩᱪᱟᱹᱲ ᱮᱱᱟ ᱾
᱒᱐᱐᱑ ᱥᱟᱞᱮ ᱨᱮ, ᱞᱚᱫᱷᱤ ᱫᱚ ᱱᱤᱥᱟᱥᱛᱨᱤᱠᱟᱨᱚᱱ ᱪᱮᱛᱟᱱ ᱨᱮ ᱭᱩᱱᱟᱭᱴᱮᱰ ᱱᱮᱥᱚᱱᱥ ᱥᱮᱠᱨᱮᱴᱟᱨᱤ ᱡᱮᱱᱨᱟᱞ ᱟᱜ ᱮᱰᱵᱷᱟᱭᱤᱡᱚᱨᱤ ᱵᱳᱨᱰ ᱨᱮᱱ ᱥᱚᱦᱮᱫ ᱮ ᱵᱮᱱᱟᱣ ᱮᱱᱟ, ᱩᱱᱤ ᱒᱐᱐᱕ ᱥᱟᱞᱮ ᱫᱷᱟᱹᱵᱤᱡ ᱵᱳᱨᱰ ᱨᱮᱭ ᱥᱮᱵᱟ ᱠᱮᱫᱟ ᱾ ᱒᱐᱐᱓ ᱥᱟᱞᱮ ᱨᱮ, ᱯᱨᱮᱥᱤᱰᱮᱱᱴ ᱢᱩᱥᱟᱨᱨᱟᱯᱷ ᱩᱱᱤ ᱥᱮᱱᱴ ᱡᱮᱢᱥ ᱨᱤᱱᱤᱡ ᱠᱳᱨᱴ ᱨᱮ ᱭᱩᱱᱟᱭᱴᱮᱰ ᱠᱤᱝᱰᱚᱢ ᱨᱤᱱᱤᱡ ᱯᱟᱠᱤᱥᱛᱟᱱ ᱨᱤᱱᱤᱡ ᱦᱟᱭ ᱠᱚᱢᱤᱥᱚᱱᱟᱨ ᱞᱮᱠᱟᱛᱮᱭ ᱵᱟᱦᱟᱞ ᱠᱮᱫᱮᱭᱟ ᱡᱟᱦᱟᱸ ᱨᱮ ᱩᱱᱤ ᱒᱐᱐᱘ ᱥᱟᱞᱮ ᱫᱷᱟᱹᱵᱤᱡ ᱮ ᱛᱟᱦᱮᱸᱭᱮᱱᱟ ᱾ ᱒᱐᱐᱘ ᱟᱨ ᱒᱐᱑᱐ ᱥᱟᱞᱮ ᱛᱟᱞᱟᱨᱮ ᱩᱱᱤ ᱦᱟᱨᱵᱚᱨᱰ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱤᱱᱤᱡ ᱤᱱᱥᱴᱤᱴᱭᱩᱴ ᱳᱯᱷ ᱯᱳᱞᱤᱴᱤᱠᱥ ᱟᱨ ᱫᱟ ᱠᱮᱱᱮᱰᱤ ᱤᱥᱠᱩᱞ ᱨᱮᱱ ᱨᱮᱥᱤᱰᱮᱸᱴ ᱯᱷᱮᱞᱳ ᱞᱮᱠᱟᱛᱮᱭ ᱥᱮᱵᱟ ᱠᱮᱫᱟ ᱾ ᱯᱷᱮᱵᱽᱨᱩᱣᱟᱨᱤ ᱒᱐᱑᱕ ᱥᱟᱞᱮ ᱨᱮ, ᱞᱚᱫᱷᱤ ᱫᱚ ᱯᱨᱚᱫᱷᱟᱱ ᱢᱚᱱᱛᱨᱤ ᱥᱟᱨᱤᱯ ᱦᱚᱛᱮᱛᱮ ᱱᱤᱭᱩ ᱭᱳᱨᱠ ᱥᱤᱴᱤ ᱨᱮ ᱭᱩᱮᱱ ᱨᱤᱱᱤᱡ ᱥᱟᱹᱦᱤ ᱨᱩᱯ ᱟᱨ ᱯᱟᱠᱤᱥᱛᱟᱱ ᱨᱤᱱᱤᱡ ᱮᱢᱵᱮᱥᱟᱰᱳᱨ ᱞᱮᱠᱟᱛᱮᱭ ᱥᱮᱵᱟ ᱞᱟᱹᱜᱤᱫ ᱮ ᱵᱟᱰᱟᱭ ᱪᱟᱞ ᱟᱫᱮᱭᱟ, ᱱᱩᱭ ᱫᱚ ᱚᱱᱟ ᱯᱚᱫᱽ ᱦᱟᱛᱟᱣᱤᱡ ᱯᱩᱭᱞᱩ ᱛᱤᱨᱞᱟᱹᱭ ᱵᱮᱱᱟᱣ ᱠᱮᱫᱮᱭᱟ ᱾
ᱞᱚᱫᱷᱤ ᱫᱚ ᱯᱟᱠᱤᱥᱛᱟᱱ ᱨᱤᱱ ᱯᱨᱚᱢᱩᱠᱷ ᱨᱟᱡᱽᱱᱟᱭᱤᱭᱚ ᱠᱷᱚᱱ ᱢᱤᱫ ᱦᱚᱲ ᱠᱟᱱᱟᱭ ᱾ ᱩᱱᱤ ᱣᱩᱰᱨᱳᱣ ᱣᱤᱞᱥᱚᱱ ᱥᱮᱱᱴᱟᱨ ᱨᱮ ᱢᱤᱫ ᱡᱮᱜᱮᱛ ᱡᱟᱠᱟᱛ ᱥᱠᱳᱞᱟᱨ ᱞᱮᱠᱟᱛᱮ ᱧᱩᱛᱩᱢ ᱮ ᱚᱞ ᱟᱠᱟᱫᱟ ᱟᱨ, ᱑᱙᱙᱔ ᱥᱟᱞᱮ ᱨᱮ, ᱞᱚᱫᱷᱤ ᱫᱚ ᱴᱟᱭᱤᱢ ᱢᱮᱜᱟᱡᱤᱱ ᱦᱚᱛᱮᱛᱮ ᱡᱮᱜᱮᱛ ᱨᱮᱱ ᱚᱱᱟ ᱥᱟᱭ ᱜᱚᱴᱟᱝ ᱦᱚᱲ ᱠᱚ ᱢᱩᱫᱽ ᱨᱮ ᱧᱩᱛᱩᱢ ᱮ ᱚᱞ ᱟᱠᱟᱫᱟ ᱡᱟᱦᱟᱸ ᱫᱚ ᱒᱑ ᱟᱱᱟᱜ ᱥᱟᱭᱟᱫᱤ ᱨᱩᱯᱨᱚᱝ ᱮᱢ ᱨᱮ ᱜᱚᱲᱚᱭ ᱮᱢᱟ ᱾ ᱞᱚᱫᱷᱤ ᱫᱚ ᱱᱮᱥᱟᱱᱟᱞ ᱰᱤᱯᱷᱮᱱᱥ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱱᱟᱜ ᱥᱤᱱᱮᱴ ᱨᱮᱱ ᱥᱚᱦᱮᱫ ᱦᱚᱸᱭ ᱛᱟᱦᱮᱸ ᱠᱟᱱᱟ, ᱟᱨ ᱟᱭᱤᱟᱭᱤᱮᱥᱮᱥ ᱨᱮᱱᱟᱜ ᱮᱰᱵᱷᱟᱭᱤᱡᱚᱨᱤ ᱠᱟᱣᱩᱱᱥᱤᱞ ᱨᱮᱱ ᱥᱚᱦᱮᱫ ᱦᱚᱸᱭ ᱛᱟᱦᱮᱸ ᱠᱟᱱᱟ ᱟᱨ ᱱᱤᱛ ᱦᱚᱸ ᱣᱟᱨᱞᱰ ᱤᱠᱳᱱᱳᱢᱤᱠ ᱯᱷᱳᱨᱟᱢ ᱨᱤᱱᱤᱡ ᱜᱞᱳᱵᱟᱞ ᱮᱡᱮᱱᱰᱟ ᱠᱟᱣᱩᱱᱥᱤᱞ ᱨᱮᱱ ᱥᱚᱦᱮᱫ ᱞᱮᱠᱟᱛᱮᱭ ᱢᱮᱱᱟᱜ ᱜᱮᱭᱟ ᱾ ᱞᱚᱫᱷᱤ ᱫᱚ ᱯᱚᱵᱽᱞᱤᱠ ᱥᱮᱵᱟ ᱞᱟᱹᱜᱤᱫ ᱦᱤᱞᱟᱞ-ᱤ-ᱤᱢᱛᱤᱭᱟᱡᱽ ᱨᱤᱱᱤᱡ ᱯᱨᱟᱯᱛᱤᱠᱟᱨ ᱦᱚᱸ ᱠᱟᱱᱟᱭ ᱟᱨ ᱒᱐᱐᱔ ᱥᱟᱞᱮ ᱠᱷᱚᱱ ᱞᱚᱱᱰᱚᱱ ᱤᱥᱠᱩᱞ ᱳᱯᱷ ᱤᱠᱳᱱᱳᱢᱤᱠᱥ ᱠᱷᱚᱱ ᱢᱤᱫ ᱢᱟᱱᱚᱛᱟᱱ ᱯᱷᱮᱞᱳᱥᱤᱯ ᱟᱨ ᱒᱐᱐᱕ ᱥᱟᱞᱮ ᱨᱮ ᱞᱚᱱᱰᱚᱱ ᱢᱮᱴᱨᱳᱯᱳᱞᱤᱴᱚᱱ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱰᱚᱠᱴᱚᱨ ᱳᱯᱷ ᱞᱮᱴᱟᱨᱥ ᱨᱮᱱᱟᱜ ᱢᱤᱫ ᱢᱟᱱᱚᱛᱟᱱ ᱰᱤᱜᱽᱨᱤ ᱦᱚᱸᱭ ᱧᱟᱢ ᱟᱠᱟᱫᱟ ᱾ ᱩᱱᱤ ᱫᱚ ᱯᱟᱠᱤᱥᱛᱟᱱ: ᱫᱟ ᱮᱠᱥᱴᱟᱨᱱᱟᱞ ᱪᱮᱞᱮᱸᱡᱽ ᱟᱨ ᱯᱟᱠᱤᱥᱛᱟᱱᱥ ᱮᱱᱠᱟᱣᱩᱱᱴᱟᱨ ᱣᱤᱛᱷ ᱰᱮᱢᱳᱠᱨᱮᱥᱤ ᱧᱩᱛᱩᱢ ᱛᱮ ᱵᱟᱨᱭᱟ ᱯᱩᱛᱷᱤ ᱨᱮᱱᱤᱡ ᱚᱱᱚᱞᱤᱭᱟᱹ ᱠᱟᱱᱟᱭ ᱾ ᱩᱱᱤ ᱒᱐᱑᱐ ᱥᱟᱞᱮ ᱨᱮ ᱯᱟᱠᱤᱥᱛᱟᱱ: ᱵᱤᱭᱳᱱᱰ ᱫᱟ ᱠᱨᱟᱭᱤᱥᱤᱥ ᱥᱴᱮᱴ ᱮ ᱥᱟᱯᱲᱟᱣ ᱞᱮᱫ ᱛᱟᱦᱮᱸᱫ ᱾
ᱮᱛᱚᱦᱚᱵ ᱡᱤᱭᱚᱱ ᱟᱨ ᱜᱷᱟᱨᱚᱸᱡᱽ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱞᱚᱫᱷᱤ ᱫᱚ ᱢᱤᱫ ᱪᱮᱛᱟᱱ-ᱛᱟᱞᱟ ᱠᱷᱟᱱᱫᱟᱱ ᱨᱮ ᱯᱟᱸᱡᱟᱵᱽ ᱨᱮᱱᱟᱜ ᱞᱟᱦᱳᱨ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱟᱡ ᱵᱟᱵᱟ ᱢᱤᱫ ᱵᱨᱤᱴᱤᱥ ᱟᱫᱷᱟᱨᱤᱛ ᱳᱭᱮᱞ ᱠᱳᱢᱯᱟᱹᱱᱤ ᱨᱮᱱ ᱪᱤᱯᱷ ᱮᱠᱥᱮᱠᱩᱴᱤᱵᱷ ᱮ ᱛᱟᱦᱮᱸ ᱠᱟᱱᱟ ᱟᱨ ᱯᱟᱠᱤᱥᱛᱟᱱ ᱨᱮ ᱢᱤᱫ ᱵᱨᱤᱴᱤᱥ ᱠᱳᱢᱯᱟᱹᱱᱤ ᱨᱮᱱ ᱯᱩᱭᱞᱩ ᱯᱟᱠᱤᱥᱛᱟᱱᱤ ᱦᱮᱰ ᱮ ᱛᱟᱦᱮᱸ ᱠᱟᱱᱟ ᱾ ᱟᱡ ᱮᱸᱜᱟᱛ ᱡᱚᱨᱱᱟᱞᱤᱡᱚᱢ ᱨᱮ ᱢᱤᱫ ᱮᱢᱮ ᱧᱟᱢ ᱟᱠᱟᱫ ᱛᱟᱦᱮᱸᱫ ᱟᱨ ᱜᱨᱮᱡᱩᱭᱮᱴ ᱛᱟᱭᱚᱢ ᱟᱢᱮᱨᱤᱠᱟ ᱨᱮ ᱯᱟᱲᱦᱟᱣ ᱞᱟᱹᱜᱤᱫ ᱢᱤᱫ ᱥᱠᱳᱞᱟᱨᱥᱤᱯ ᱮ ᱚᱯᱷᱟᱨ ᱞᱮᱫ ᱛᱟᱦᱮᱸᱫ, ᱢᱮᱱᱠᱷᱟᱱ ᱟᱡ ᱜᱷᱟᱨᱚᱸᱡᱽ ᱠᱟᱹᱢᱤ ᱞᱟᱹᱜᱤᱫ ᱡᱚᱨᱱᱟᱞᱤᱡᱚᱢ ᱨᱮ ᱠᱟᱹᱢᱤᱭᱟᱹ ᱵᱟᱹᱜᱤ ᱠᱟᱛᱮ ᱟᱡ ᱨᱮᱱ ᱜᱤᱫᱽᱨᱟᱹ ᱠᱚᱣᱟᱜ ᱧᱮᱞ ᱫᱚᱦᱚ ᱞᱟᱹᱜᱤᱫ ᱢᱤᱫ ᱚᱲᱟᱜ ᱵᱟᱱᱟᱣ ᱮᱱᱟ ᱾ ᱞᱚᱫᱷᱤ ᱨᱮᱱ ᱵᱟᱨᱭᱟ ᱵᱚᱭᱦᱟ ᱢᱤᱥᱨᱟ ᱢᱮᱱᱟᱜ ᱠᱤᱱᱟ ᱾ ᱞᱚᱫᱷᱤ ᱞᱚᱱᱰᱚᱱ ᱨᱮ ᱢᱤᱫ ᱵᱮᱝᱠᱟᱨ ᱥᱟᱶ ᱮ ᱵᱟᱯᱞᱟ ᱞᱮᱱ ᱛᱟᱦᱮᱸᱫ, ᱢᱮᱱᱠᱷᱟᱱ ᱩᱱᱠᱩ ᱵᱟᱯᱞᱟ ᱨᱮᱱᱟᱜ ᱢᱚᱬᱮ ᱥᱮᱨᱢᱟ ᱛᱟᱭᱚᱢ ᱠᱤᱱ ᱵᱟᱯᱟᱜᱽ ᱮᱱᱟ; ᱢᱤᱫ ᱥᱟᱶ ᱛᱮ, ᱩᱱᱠᱩ ᱨᱮᱱ ᱯᱷᱟᱭᱥᱟᱞ ᱧᱩᱛᱩᱢ ᱛᱮ ᱢᱤᱫ ᱠᱚᱲᱟ ᱜᱤᱫᱽᱨᱟᱹ ᱢᱮᱱᱟᱭᱟ ᱾
ᱞᱚᱫᱷᱤ ᱫᱚ ᱯᱩᱭᱞᱩ ᱞᱟᱦᱳᱨ ᱟᱨ ᱨᱟᱣᱟᱞᱯᱤᱱᱰᱤ ᱟᱨ ᱛᱟᱭᱚᱢ ᱛᱮ ᱭᱩᱱᱟᱭᱴᱮᱰ ᱠᱤᱝᱰᱚᱢ ᱨᱮ ᱟᱡᱟᱜ ᱤᱥᱠᱩᱞ ᱥᱮᱪᱮᱫ ᱮ ᱧᱟᱢ ᱠᱮᱫᱟ ᱾ ᱑᱙᱗᱒ ᱥᱟᱞᱮ ᱨᱮ ᱩᱱᱤ ᱤᱠᱳᱱᱳᱢᱤᱠᱥ ᱯᱟᱲᱦᱟᱣ ᱞᱟᱹᱜᱤᱫ ᱞᱚᱱᱰᱚᱱ ᱤᱥᱠᱩᱞ ᱳᱯᱷ ᱤᱠᱳᱱᱳᱢᱤᱠᱥ ᱨᱮ ᱥᱮᱞᱮᱫ ᱮᱱᱟ ᱾ ᱩᱱᱤ ᱑᱙᱗᱖ ᱥᱟᱞᱮ ᱨᱮ ᱨᱟᱡᱽᱱᱤᱛᱤ ᱥᱟᱬᱮᱥ ᱨᱮ ᱵᱤᱥᱮᱥᱛᱟ ᱥᱟᱶ ᱤᱠᱳᱱᱳᱢᱤᱠᱥ ᱨᱮ ᱟᱡᱟᱜ ᱵᱤᱮᱥᱥᱤ ᱮ ᱧᱟᱢ ᱠᱮᱫᱟ, ᱨᱟᱡᱽᱱᱤᱛᱤ ᱥᱟᱬᱮᱥ ᱨᱮ ᱯᱤᱮᱪᱰᱤ ᱧᱟᱢ ᱞᱟᱹᱜᱤᱫ ᱮ ᱠᱟᱹᱢᱤ ᱠᱮᱫᱟ ᱡᱟᱦᱟᱸ ᱫᱚ ᱩᱱᱤ ᱑᱙᱘᱐ ᱥᱟᱞᱮ ᱨᱮ ᱥᱤᱨᱯᱷᱟᱹᱭ ᱧᱟᱢ ᱠᱮᱫᱟ ᱾ ᱟᱡᱟᱜ ᱰᱳᱠᱴᱚᱨᱤᱭᱟᱞ ᱛᱷᱤᱥᱤᱥ "ᱵᱷᱩᱴᱳ, ᱫᱟ ᱯᱟᱠᱤᱥᱛᱟᱱ ᱯᱤᱯᱚᱞᱥ ᱯᱟᱨᱴᱤ ᱟᱨ ᱯᱟᱠᱤᱥᱛᱟᱱ ᱨᱮ ᱨᱟᱡᱽᱱᱤᱛᱤ ᱰᱮᱵᱷᱞᱳᱯᱢᱮᱱᱴ:᱑᱙᱗᱑-᱑᱙᱗᱗ ᱛᱟᱦᱮᱸ ᱠᱟᱱᱟ ᱾"
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Siddiqui, Naveed (2019-09-30). "Munir Akram to replace Maleeha Lodhi as Pakistan's envoy to UN". DAWN.COM (in ᱟᱝᱜᱽᱨᱮᱡᱤ). Retrieved 2019-09-30.
- ↑ "UNICEF Executive Board reaffirms commitment to giving every child a fair chance in life".
- ↑ Block, Melissa (29 May 2009). "Pakistani Ex-Ambassador on Unrest". National Public Radio. Retrieved 29 August 2010.
- ↑ "Dr. Maleeha Lodhi". The Institute of Politics at Harvard University. Retrieved 2016-03-10.