ᱢᱟᱞᱤᱭᱮᱠᱠᱟᱞ ᱢᱟᱨᱤᱭᱩᱢᱟ
| ᱢᱟᱨᱤᱭᱩᱢᱟ ᱢᱟᱭᱟᱱᱟᱞᱤ | |
|---|---|
 ᱢᱟᱨᱤᱭᱩᱢᱟ ᱢᱟᱭᱟᱱᱟᱞᱤ ᱒᱐᱑᱙ ᱨᱮ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | 1925 ᱠᱮᱨᱞᱟ, ᱥᱤᱧᱚᱛ |
| ᱜᱩᱨ | 5 August 2022 |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱦᱚᱯᱚᱱ | ᱔ |
ᱢᱟᱨᱤᱭᱩᱢᱟ ᱢᱟᱭᱟᱱᱟᱞᱤ, ᱢᱟᱞᱤᱭᱮᱠᱠᱟᱞ ᱢᱟᱨᱤᱭᱩᱢᱟ ᱧᱩᱛᱩᱢ ᱛᱮ ᱵᱟᱰᱟᱭᱚᱜ ᱠᱟᱱ (᱑᱙᱒᱕ - ᱕ ᱚᱜᱚᱥᱴ ᱒᱐᱒᱒) ᱫᱚ ᱠᱮᱨᱟᱞᱟ ᱨᱮᱱ ᱢᱤᱫ ᱵᱷᱟᱨᱚᱛᱤᱭᱚ ᱥᱟᱶᱛᱟ ᱥᱩᱥᱟᱹᱨᱤᱭᱟᱹ ᱮ ᱛᱟᱦᱮᱸ ᱠᱟᱱᱟ, ᱡᱟᱦᱟᱸᱭ ᱫᱚ ᱠᱮᱨᱟᱞᱟ ᱨᱮ ᱛᱤᱨᱞᱟᱹ ᱠᱚᱣᱟᱜ ᱩᱛᱱᱟᱹᱣ ᱨᱮᱱᱟᱜ ᱱᱟᱜᱟᱢ ᱨᱮ ᱟᱹᱰᱤ ᱢᱟᱦᱚᱛᱵᱷ ᱪᱤᱛᱟᱹᱨ ᱠᱷᱚᱱ ᱢᱤᱫᱴᱟᱹᱝ ᱢᱮᱱᱛᱮ ᱠᱚ ᱢᱟᱱᱟᱣᱮᱭᱟ᱾[᱑][᱒] ᱩᱱᱤ ᱫᱚ ᱠᱚᱸᱭᱮ ᱠᱮᱨᱟᱞᱟ ᱨᱮᱱ ᱯᱩᱭᱞᱩ ᱢᱩᱥᱞᱤᱢ ᱛᱤᱨᱞᱟᱹ ᱠᱟᱱᱟᱭ ᱡᱟᱦᱟᱸᱭ ᱫᱚ ᱤᱝᱜᱽᱞᱤᱥ ᱥᱮᱪᱮᱫ ᱮ ᱧᱟᱢ ᱠᱮᱫᱟ᱾ ᱩᱱᱤ ᱚᱠᱛᱚ ᱨᱮᱱ ᱢᱩᱥᱞᱤᱢ ᱥᱟᱶᱛᱟ ᱡᱚᱠᱷᱚᱱ ᱥᱟᱫᱷᱟᱨᱚᱱ ᱥᱮᱪᱮᱫ ᱠᱷᱚᱱ ᱟᱡᱟᱜ ᱵᱚᱦᱩᱛ ᱮ ᱚᱪᱚᱜ ᱠᱮᱫᱟ, ᱢᱟᱨᱤᱭᱩᱢᱟ, ᱡᱟᱦᱟᱸᱭ ᱫᱚ ᱛᱟᱞᱟᱥᱮᱨᱤ ᱢᱟᱞᱤᱭᱮᱠᱠᱟᱞ ᱜᱷᱟᱨᱚᱸᱡᱽ ᱨᱮᱱ ᱢᱤᱫ ᱥᱚᱦᱮᱫ ᱮ ᱛᱟᱦᱮᱸ ᱠᱟᱱᱟ, ᱢᱤᱫ ᱠᱚᱱᱵᱷᱮᱸᱴ ᱥᱠᱩᱞ ᱨᱮᱭ ᱥᱮᱞᱮᱫ ᱮᱱᱟ ᱟᱨ ᱢᱚᱬᱮ ᱟᱱᱟᱜ ᱯᱷᱚᱨᱢ ᱮ ᱯᱟᱥ ᱠᱮᱫᱟ, ᱱᱤᱛᱟᱜ ᱜᱮᱞ ᱟᱱᱟᱜ ᱪᱟᱱᱚᱪ ᱥᱟᱞᱟᱜ ᱵᱟᱨᱟᱵᱟᱹᱨᱤ ᱟᱨ ᱤᱝᱜᱽᱞᱤᱥ ᱮ ᱪᱮᱫ ᱠᱮᱫᱟ᱾ ᱩᱱᱤ ᱫᱚ ᱛᱤᱨᱞᱟᱹ ᱥᱚᱥᱟᱭᱤᱴᱤ ᱵᱮᱱᱟᱣ ᱟᱨ ᱫᱟᱱ ᱡᱚᱣᱛᱩᱠ ᱥᱤᱥᱴᱮᱢ ᱵᱤᱨᱩᱫᱷ ᱨᱮ ᱞᱟᱹᱲᱦᱟᱹᱭ ᱞᱟᱹᱜᱤᱫ ᱦᱚᱸ ᱵᱟᱰᱟᱭᱚᱜ ᱠᱟᱱᱟ, ᱡᱟᱦᱟᱸ ᱫᱚ ᱱᱤᱛ ᱦᱟᱹᱵᱤᱡ ᱵᱷᱟᱨᱚᱛ ᱨᱮ ᱢᱮᱱᱟᱜ ᱜᱮᱭᱟ᱾[᱓][᱔]
ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱟᱞᱤᱭᱮᱠᱟᱞ ᱢᱟᱨᱤᱭᱩᱢᱟ ᱫᱚ ᱑᱙᱒᱕ ᱥᱟᱞ ᱨᱮ ᱢᱟᱱᱡᱩᱢᱢᱟ ᱟᱨ ᱳᱹ ᱵᱷᱤ ᱟᱵᱽᱫᱩᱞᱟᱦ ᱨᱮᱱ ᱦᱚᱯᱚᱱ ᱮᱨᱟ ᱞᱮᱠᱟᱛᱮ ᱡᱟᱱᱟᱢ ᱞᱮᱱᱟ, ᱡᱟᱦᱟᱸᱭ ᱫᱚ ᱢᱤᱫ ᱢᱩᱥᱞᱤᱢ ᱥᱟᱶᱛᱟ ᱞᱤᱰᱟᱨ ᱮ ᱛᱟᱦᱮᱸ ᱠᱟᱱᱟ᱾ ᱟᱡᱤᱡ ᱟᱭᱳ ᱵᱟᱵᱟ ᱫᱚ ᱠᱷᱤᱞᱟᱯᱷᱚᱛ ᱢᱩᱵᱷᱢᱮᱸᱴ ᱨᱮ ᱥᱮᱞᱮᱫ ᱠᱤᱱ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱢᱤᱫ ᱠᱚᱱᱵᱷᱮᱸᱴ ᱥᱠᱩᱞ ᱠᱷᱚᱱ ᱤᱝᱜᱽᱞᱤᱥ ᱮ ᱯᱟᱲᱦᱟᱣ ᱠᱮᱫᱟ ᱚᱱᱟ ᱚᱠᱛᱚ ᱨᱮ ᱢᱩᱥᱞᱤᱢ ᱛᱤᱨᱞᱟᱹ ᱠᱚ ᱥᱮᱪᱮᱫ ᱨᱮᱱᱟᱜ ᱴᱚᱴᱷᱟ ᱨᱮ ᱟᱹᱰᱤ ᱛᱟᱭᱚᱢ ᱨᱮ ᱠᱚ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱑᱙᱓᱘ ᱥᱟᱞ ᱨᱮ ᱛᱟᱞᱟᱥᱮᱨᱤ ᱥᱮᱠᱨᱮᱰ ᱦᱟᱨᱴ ᱥᱠᱩᱞ ᱨᱮᱭ ᱥᱮᱞᱮᱫ ᱮᱱᱟ, ᱡᱟᱦᱟᱸ ᱫᱚ ᱢᱟᱸᱜᱽᱞᱳᱨ ᱨᱮ ᱱᱚᱱ ᱠᱚ ᱪᱟᱞᱟᱣ ᱮᱫ ᱛᱟᱦᱮᱸᱱᱟ ᱟᱨ ᱢᱚᱬᱮ ᱟᱱᱟᱜ ᱥᱴᱮᱱᱰᱟᱨᱰ ᱦᱟᱹᱵᱤᱡ ᱯᱟᱲᱦᱟᱣ ᱠᱮᱫᱟ ᱡᱟᱦᱟᱸ ᱫᱚ ᱱᱤᱛᱟᱜ ᱪᱟᱱᱚᱪ ᱜᱮᱞ ᱥᱟᱞᱟᱜ ᱵᱟᱨᱟᱵᱟᱹᱨᱤ ᱜᱮᱭᱟ᱾ ᱩᱱᱤ ᱫᱚ ᱥᱠᱩᱞ ᱨᱮᱱ ᱒᱐᱐ ᱥᱴᱩᱰᱮᱸᱴ ᱠᱚ ᱛᱟᱞᱟ ᱨᱮ ᱢᱤᱫ ᱠᱩᱲᱤ ᱢᱩᱥᱞᱤᱢ ᱮᱨᱟᱭ ᱛᱟᱦᱮᱸ ᱠᱟᱱᱟ᱾ ᱢᱟᱨᱤᱭᱩᱢᱟ ᱫᱚ ᱑᱙᱔᱓ ᱥᱟᱞ ᱨᱮ ᱟᱡᱟᱜ ᱵᱟᱯᱞᱟ ᱦᱟᱹᱵᱤᱡ ᱥᱠᱩᱞ ᱮ ᱪᱟᱞᱟᱣ ᱮᱱᱟ᱾ ᱛᱟᱭᱚᱢ ᱛᱮ, ᱡᱚᱠᱷᱚᱱ ᱩᱱᱤ ᱜᱚᱨᱵᱷᱵᱟᱛᱤ ᱮ ᱵᱮᱱᱟᱣ ᱮᱱᱟ, ᱩᱱᱤ ᱚᱲᱟᱜ ᱨᱮ ᱯᱟᱲᱦᱟᱣ ᱮ ᱮᱛᱚᱦᱚᱵ ᱠᱮᱫᱟ ᱟᱨ ᱥᱟᱶᱛᱟ ᱠᱟᱹᱢᱤᱦᱚᱨᱟ ᱨᱮ ᱪᱟᱞᱟᱜ ᱮᱱᱟ᱾ ᱢᱟᱨᱤᱭᱩᱢᱟ ᱫᱚ ᱤᱝᱜᱽᱞᱤᱥ ᱛᱮ ᱵᱷᱟᱥᱚᱱ ᱞᱟᱹᱜᱤᱫ ᱦᱚᱸ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱸᱱᱟ᱾ ᱢᱟᱨᱤᱭᱩᱢᱟ, ᱡᱟᱦᱟᱸᱭ ᱫᱚ ᱛᱟᱨᱚᱠᱠᱤ ᱩᱭᱦᱟᱹᱨ ᱫᱚᱦᱚ ᱠᱮᱫᱟ ᱛᱤᱨᱞᱟᱹ ᱠᱚ ᱵᱟᱹᱲᱛᱤ ᱪᱮᱛᱟᱱ ᱞᱟᱹᱜᱤᱫ ᱟᱹᱰᱤ ᱜᱟᱱ ᱢᱟᱦᱚᱛᱵᱷ ᱤᱱᱴᱟᱨᱵᱷᱮᱱᱥᱟᱱ ᱵᱮᱱᱟᱣ ᱠᱮᱫᱟ, ᱵᱤᱥᱮᱥ ᱠᱟᱛᱮ ᱢᱩᱥᱞᱤᱢ ᱥᱟᱶᱛᱟ ᱨᱮᱱ ᱛᱤᱨᱞᱟᱹ ᱠᱚ ᱛᱟᱞᱟ ᱨᱮ᱾ ᱢᱟᱨᱤᱭᱩᱢᱟ ᱨᱮᱱ ᱞᱤᱰᱟᱨᱥᱤᱯ ᱞᱟᱛᱟᱨ ᱨᱮ ᱵᱮᱱᱟᱣ ᱟᱠᱟᱱ ᱛᱤᱨᱞᱟᱹ ᱥᱚᱥᱟᱭᱤᱴᱤ ᱫᱚ ᱛᱤᱨᱞᱟᱹ ᱠᱚᱣᱟᱜ ᱩᱛᱱᱟᱹᱣ ᱞᱟᱹᱜᱤᱫ ᱠᱟᱹᱢᱤ ᱠᱮᱫᱟ᱾ ᱟᱡᱟᱜ ᱢᱩᱪᱟᱹᱫ ᱫᱤᱱ ᱨᱮ, ᱩᱱᱤ ᱫᱚ ᱫᱟ ᱦᱤᱱᱫᱩ ᱮ ᱯᱟᱲᱦᱟᱣ ᱛᱟᱦᱮᱸᱱᱟ, ᱢᱤᱫ ᱤᱝᱜᱽᱞᱤᱥ ᱠᱷᱚᱵᱚᱨ ᱠᱟᱜᱚᱡᱽ᱾ ᱩᱱᱤ ᱫᱚ ᱕ ᱚᱜᱚᱥᱴ ᱒᱐᱒᱒ ᱦᱤᱞᱚᱜ ᱩᱢᱮᱨ ᱥᱟᱞᱟᱜ ᱡᱩᱲᱟᱹᱣ ᱢᱩᱫᱽᱫᱟᱹ ᱠᱷᱟᱹᱛᱤᱨ ᱵᱚᱸᱜᱟ ᱛᱟᱞᱟ ᱮᱱᱟ᱾[᱕]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ News9 Staff (2022-08-06). "Maliyekkal Mariyumma, icon of girls education in Kerala, no more". NEWS9LIVE (in ᱟᱝᱜᱽᱨᱮᱡᱤ). Retrieved 2023-01-09.[permanent dead link]
- ↑ "Maliyekkal Mariyumma, the first Muslim woman in North Kerala to get English education, dies at 95". The Indian Express (in ᱟᱝᱜᱽᱨᱮᱡᱤ). 2022-08-06. Retrieved 2023-01-09.
- ↑ "പൊരുതി നേടിയഅക്ഷര പ്രകാശമണഞ്ഞു...മാളിയേക്കൽ മറിയുമ്മ ഇനി ചരിത്രം'ഇംഗ്ലീഷ് മറിയുമ്മ'യ്ക്ക് നാടിന്റെ അന്ത്യാഞ്ജലി - Kannadiparamba Online News" (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 2022-08-05. Archived from the original on 2023-01-09. Retrieved 2023-01-09.
- ↑ "Column | Why Malayalis need to record oral histories". OnManorama. Retrieved 2023-01-09.
- ↑ "വയസ്സ് 90 ; രാവിലെ ഉണർന്നാൽ ഇംഗ്ലീഷ് പത്രം നിർബന്ധം, പാചകത്തിലും ബഹുകേമി". ManoramaOnline. Retrieved 2023-01-09.