ᱢᱟᱞᱫᱟ ᱢᱮᱰᱤᱠᱟᱞ ᱠᱚᱞᱮᱡᱽ ᱟᱨ ᱟᱥᱯᱟᱛᱟᱞ
| ᱢᱟᱞᱫᱟ ᱢᱮᱰᱤᱠᱟᱞ ᱠᱚᱞᱮᱡᱽ ᱟᱨ ᱟᱥᱯᱟᱛᱟᱞ | |
|---|---|
| ᱨᱮᱫ:Malda Medical College and Hospital Logo.svg | |
| ᱛᱷᱟᱯᱚᱱ | ᱒᱐᱑᱑ |
| ᱞᱮᱠᱟᱱ | ᱫᱤᱥᱩᱣᱟᱹ ᱢᱮᱰᱤᱠᱟᱞ ᱠᱚᱞᱮᱡᱽ ᱟᱨ ᱟᱥᱯᱟᱛᱟᱞ |
| ᱯᱨᱤᱱᱥᱤᱯᱟᱞ | ᱰᱨ. ᱯᱟᱨᱛᱷᱟ ᱯᱨᱟᱛᱤᱢ ᱢᱩᱠᱷᱳᱯᱟᱫᱷᱭᱟᱭ[᱑] |
| ᱟᱪᱮᱫᱤᱭᱟᱹ ᱮᱞᱮᱞ | ᱜᱩᱴ:
|
| ᱴᱷᱟᱶ | ᱢᱟᱞᱫᱟ ᱵᱟᱡᱟᱨ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ |
| ᱠᱮᱢᱯᱚᱥ | ᱥᱚᱦᱨᱤ |
| ᱢᱟᱱᱚᱛᱮᱢ | WBUHS, NMC |
| ᱣᱮᱵᱽᱥᱟᱭᱤᱴ | www |
ᱢᱟᱞᱫᱟ ᱢᱮᱰᱤᱠᱟᱞ ᱠᱚᱞᱮᱡᱽ ᱟᱨ ᱟᱥᱯᱟᱛᱟᱞ (ᱤᱝᱨᱟᱹᱡᱤ: Malda Medical College and Hospital) ᱫᱚ ᱯᱚᱪᱷᱤᱢ ᱵᱟᱝᱞᱟ ᱥᱚᱨᱠᱟᱨ ᱦᱚᱛᱮᱛᱮ ᱢᱟᱞᱫᱟ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ ᱨᱮ ᱢᱮᱱᱟᱜ ᱢᱤᱫ ᱢᱮᱰᱤᱠᱟᱞ ᱠᱚᱞᱮᱡᱽ ᱠᱟᱱᱟ ᱾ ᱱᱚᱶᱟ ᱫᱚ ᱡᱟᱹᱛᱤᱭᱟᱹᱨᱤ ᱢᱮᱰᱤᱠᱟᱞ ᱠᱚᱢᱤᱥᱚᱱ ᱯᱟᱦᱴᱟ ᱠᱷᱚᱱ ᱢᱟᱹᱱ ᱮᱢ ᱟᱠᱟᱱᱟ ᱟᱨ ᱯᱚᱪᱷᱤᱢ ᱵᱟᱸᱜᱽᱞᱟ ᱦᱚᱲᱢᱚ ᱥᱟᱶᱟᱨ ᱥᱟᱬᱮᱥ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱡᱚᱯᱚᱲᱟᱣ ᱢᱮᱱᱟᱜᱼᱟ ᱾[᱒] ᱱᱚᱶᱟ ᱠᱚᱞᱮᱡᱽ ᱫᱚ ᱒᱐᱑᱑ ᱥᱟᱞᱮ ᱨᱮ ᱵᱮᱱᱟᱣ ᱞᱮᱱᱟ ᱾
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱚᱪᱷᱤᱢ ᱵᱟᱸᱜᱽᱞᱟ ᱨᱮ ᱢᱮᱰᱤᱠᱟᱞ ᱵᱤᱨᱤᱛᱤᱭᱟᱹ ᱠᱚᱣᱟᱜ ᱚᱠᱩᱞᱟᱹᱱ ᱧᱮᱞ ᱠᱟᱛᱮ, ᱡᱟᱦᱟᱸ ᱨᱮ ᱰᱚᱠᱴᱚᱨ: ᱦᱚᱲ ᱮᱞ ᱚᱱᱥᱚᱝ ᱑:᱒᱖᱐᱐ ᱢᱮᱱᱟᱜᱼᱟ, ᱯᱚᱪᱷᱤᱢ ᱵᱟᱸᱜᱽᱞᱟ ᱥᱚᱨᱠᱟᱨ ᱫᱚ ᱱᱚᱸᱰᱮᱱᱟᱜ ᱦᱚᱲ ᱠᱚᱣᱟᱜ ᱞᱟᱹᱠᱛᱤ ᱠᱚ ᱯᱩᱨᱟᱹᱣ ᱞᱟᱹᱜᱤᱫ ᱑᱐᱐ ᱮᱢ.ᱵᱤ.ᱵᱤ.ᱮᱥ ᱯᱟᱲᱦᱟᱣᱤᱭᱟᱹ ᱠᱚᱣᱟᱜ ᱢᱤᱫ ᱱᱟᱣᱟ ᱢᱮᱰᱤᱠᱟᱞ ᱠᱚᱞᱮᱡᱽ ᱮᱛᱚᱦᱚᱵ ᱞᱟᱹᱜᱤᱫ ᱜᱚᱴᱟ ᱟᱠᱟᱫᱟ ᱾ ᱱᱚᱶᱟ ᱫᱚ ᱢᱟᱞᱫᱟ ᱦᱚᱱᱚᱛ ᱨᱮᱱᱟᱜ ᱢᱤᱫ ᱥᱟᱛᱟᱢᱤᱭᱟᱹ ᱴᱷᱟᱶ ᱨᱮ ᱵᱮᱱᱟᱣ ᱟᱠᱟᱱᱟ, ᱡᱟᱦᱟᱸ ᱫᱚ ᱠᱚᱧᱮ ᱵᱮᱝᱜᱚᱞ ᱨᱮᱱᱟᱜ ᱥᱮᱱᱚᱜ ᱦᱚᱨ ᱠᱟᱱᱟ ᱾ ᱱᱚᱶᱟ ᱫᱚ ᱥᱩᱨ ᱥᱩᱯᱩᱨ ᱦᱚᱱᱚᱛ ᱨᱮᱱᱟᱜ ᱦᱚᱸ ᱞᱟᱹᱠᱛᱤ ᱠᱚ ᱯᱩᱨᱟᱹᱣ ᱫᱟᱲᱮᱭᱟᱜᱼᱟ ᱠᱚ ᱛᱟᱦᱮᱸᱫ ᱾
᱒᱐᱑᱑ ᱥᱮᱨᱢᱟ ᱨᱮ MCI ᱫᱚᱞ ᱦᱚᱛᱮᱛᱮ ᱧᱮᱞ ᱛᱚᱞᱟᱥ ᱛᱟᱭᱚᱢ, ᱢᱟᱞᱫᱟ ᱢᱮᱰᱤᱠᱟᱞ ᱠᱚᱞᱮᱡᱽ ᱟᱨ ᱟᱥᱯᱟᱛᱟᱞ ᱨᱮᱭᱟᱜ ᱚᱛᱷᱚᱨᱤᱴᱤ ᱫᱚ ᱓᱐ ᱡᱩᱱ ᱒᱐᱑᱑ ᱨᱮ ᱫᱟᱣ ᱮ ᱧᱟᱢ ᱞᱮᱫᱟ ᱾ ᱯᱩᱭᱞᱩ ᱥᱮᱨᱢᱟ ᱨᱮᱱᱟᱜ ᱥᱮᱪᱮᱫ ᱫᱚ ᱑ ᱚᱜᱚᱥᱴ ᱒᱐᱑᱑ ᱨᱮ ᱮᱛᱚᱦᱚᱵ ᱞᱮᱱᱟ ᱾
ᱯᱚᱪᱷᱤᱢ ᱵᱟᱝᱞᱟ ᱢᱮᱰᱤᱠᱟᱞ ᱥᱟᱨᱵᱤᱥ ᱠᱚᱨᱯᱚᱨᱮᱥᱚᱱ ᱞᱤᱢᱤᱴᱮᱰ (ᱯᱩᱨᱟᱹᱣ ᱛᱮ ᱯᱚᱪᱷᱤᱢ ᱵᱟᱝᱞᱟ ᱥᱚᱨᱠᱟᱨᱟᱜ ᱟᱯᱚᱱ ᱛᱮᱭᱟᱨ) ᱱᱚᱣᱟ ᱯᱨᱚᱡᱮᱠᱴ ᱨᱮᱱᱟᱜ ᱠᱟᱹᱣᱰᱤᱟᱹᱨᱤ ᱠᱟᱱᱟ ᱾ ᱱᱚᱵᱷᱮᱢᱵᱚᱨ ᱒᱐᱑᱐ ᱨᱮ ᱱᱚᱶᱟ ᱨᱮᱱᱟᱜ ᱵᱮᱱᱟᱣ ᱮᱦᱚᱵ ᱞᱮᱱᱟ ᱾ ᱯᱩᱭᱞᱩ ᱯᱩᱨᱟᱹᱣ ᱮᱡᱮᱱᱥᱤ ᱫᱚ ᱯᱩᱸᱡᱽ ᱞᱚᱭᱚᱰ ᱞᱤᱢᱤᱴᱮᱰ ᱛᱟᱦᱮᱸ ᱠᱟᱱᱟ ᱾ ᱯᱩᱸᱡᱽ ᱞᱚᱭᱰ ᱞᱤᱢᱤᱴᱮᱰ ᱦᱚᱛᱮᱛᱮ ᱚᱠᱛᱚ ᱨᱮ ᱠᱟᱹᱢᱤ ᱵᱟᱝ ᱯᱩᱨᱟᱹᱣ ᱞᱮᱫ ᱠᱷᱟᱹᱛᱤᱨ, ᱯᱚᱪᱷᱤᱢ ᱵᱟᱸᱜᱽᱞᱟ ᱥᱚᱨᱠᱟᱨ ᱢᱮᱠᱤᱱᱴᱚᱥ ᱵᱚᱨᱱ ᱞᱤᱢᱤᱴᱮᱰ ᱱᱚᱶᱟ ᱨᱮᱱᱟᱜ ᱥᱩᱵᱤᱫᱷᱟ ᱮᱢ ᱞᱮᱫᱼᱟ ᱾
ᱠᱮᱢᱯᱟᱥ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱴᱷᱟᱶ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱚᱞᱮᱡᱽ ᱩᱢᱟ ᱨᱚᱭ ᱫᱚ ᱢᱟᱞᱫᱟ ᱨᱮᱭᱟᱜ ᱦᱟᱱᱛᱟᱠᱟᱞᱤ ᱢᱳᱨᱮ ᱢᱟᱞᱫᱟ ᱥᱩᱨ ᱨᱮ ᱢᱮᱱᱟᱜᱼᱟ ᱾
| ᱠᱮᱢᱮᱨᱟ ᱴᱷᱟᱶ | 25° 00′ 40.19″ N, 88° 08′ 23.38″ E |
|---|
ᱢᱟᱞᱫᱟ, ᱦᱚᱱᱚᱛ ᱦᱮᱰᱠᱩᱣᱟᱴᱚᱨ, ᱡᱟᱦᱟᱸ ᱠᱷᱚᱱ ᱦᱚᱱᱚᱛ ᱨᱮᱱᱟᱜ ᱟᱡᱟᱜ ᱧᱩᱛᱩᱢᱮ ᱧᱟᱢ ᱟᱠᱟᱫᱟ, ᱟᱡᱟᱜ ᱮᱛᱚᱦᱚᱵ ᱫᱤᱱ ᱨᱮ ᱢᱚᱦᱟᱱᱚᱱᱫᱟ ᱜᱟᱰᱟ ᱨᱮᱱᱟᱜ ᱫᱷᱟᱨᱮ ᱨᱮ ᱜᱮ ᱩᱛᱷᱱᱟᱹᱣ ᱞᱮᱱᱟ ᱛᱟᱦᱮᱸᱫ, ᱟᱨ ᱱᱤᱛᱚᱜ ᱱᱚᱣᱟ ᱡᱟᱭᱜᱟ ᱯᱷᱩᱞᱵᱟᱲᱤ ᱧᱩᱛᱩᱢ ᱛᱮ ᱵᱟᱰᱟᱭᱚᱜ ᱠᱟᱱᱟ ᱾ ᱱᱚᱸᱰᱮ ᱫᱚ ᱡᱚᱛᱚ ᱠᱷᱚᱱ ᱢᱟᱨᱮ ᱚᱲᱟᱜ ᱠᱚ ᱧᱮᱞᱚᱜᱼᱟ ᱾ ᱑᱙᱒᱕-᱑᱙᱓᱐ ᱥᱮᱨᱢᱟ ᱛᱟᱞᱟ ᱨᱮ ᱥᱚᱦᱚᱨ ᱨᱮᱱᱟᱜ ᱩᱛᱷᱱᱟᱹᱣ ᱮᱛᱚᱦᱚᱵ ᱮᱱᱟ ᱾ ᱱᱤᱛ ᱱᱚᱶᱟ ᱥᱚᱦᱚᱨ ᱨᱮ ᱕ ᱞᱟᱠᱷ ᱜᱟᱱ ᱦᱚᱲ ᱠᱚ ᱛᱟᱦᱮᱸᱱ ᱠᱟᱱᱟ ᱾ ᱱᱚᱶᱟ ᱫᱚ ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱥᱚᱦᱚᱨ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟ ᱾ ᱱᱚᱶᱟ ᱫᱚ ᱢᱟᱬᱟᱝ ᱜᱳᱨ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱠᱟᱱᱟ ᱾ ᱱᱚᱶᱟ ᱥᱚᱦᱚᱨ ᱫᱚ ᱤᱝᱞᱤᱥ ᱵᱟᱡᱟᱨ ᱢᱩᱱᱥᱤᱯᱟᱞᱤᱴᱤ ᱞᱮᱠᱟᱛᱮ ᱵᱟᱰᱟᱭᱚᱜᱼᱟ ᱾ ᱱᱚᱶᱟ ᱨᱮᱱᱟᱜ ᱧᱩᱛᱩᱢᱟᱱ ᱨᱮᱞᱣᱮ ᱥᱴᱮᱥᱚᱱ ᱫᱚ ᱢᱟᱞᱫᱟ ᱴᱟᱣᱩᱱ ᱧᱩᱛᱩᱢ ᱛᱮ ᱵᱟᱰᱟᱭᱚᱜᱼᱟ ᱾
ᱞᱟᱴᱤᱴᱭᱩᱰ ᱥᱤᱢᱟᱹ ᱫᱚ 24°40’20" ᱠᱚᱧᱮ ᱠᱷᱚᱱ 25°32’08" ᱠᱚᱧᱮ ᱟᱨ ᱫᱟᱹᱲ ᱥᱤᱢᱟᱹ ᱫᱚ 87°45’50" ᱥᱟᱢᱟᱝ ᱠᱷᱚᱱ 88°28’10" ᱥᱟᱢᱟᱝ ᱨᱮ ᱢᱮᱱᱟᱜᱼᱟ ᱾ ᱦᱚᱱᱚᱛ ᱨᱮᱱᱟᱜ ᱚᱥᱟᱨ ᱵᱤᱥᱟᱹᱨ ᱫᱚ ᱦᱩᱭᱩᱜ ᱠᱟᱱᱟ ᱓,᱗᱓᱓.᱖᱖ ᱜᱟᱺᱴ ᱠᱤᱞᱚᱢᱤᱴᱚᱨ (᱑,᱔᱔᱑.᱖ ᱜᱟᱺᱴ ᱢᱤᱞ) ᱾ ᱒᱐᱐᱑ ᱥᱮᱨᱢᱟ ᱨᱮᱱᱟᱜ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱱᱚᱸᱰᱮ ᱓,᱒᱙᱐,᱑᱖᱐ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾
ᱢᱟᱞᱫᱟ ᱫᱚ ᱠᱚᱧᱮ ᱵᱮᱝᱜᱚᱞ ᱨᱮᱱᱟᱜ ᱵᱚᱞᱚᱱ ᱫᱩᱣᱟᱹᱨ ᱠᱚ ᱢᱮᱛᱟᱜᱟᱜ ᱠᱟᱱᱟ ᱾ ᱱᱚᱶᱟ ᱫᱚ ᱢᱤᱫ ᱚᱠᱛᱚ ᱜᱳᱣᱨ-ᱵᱟᱝ ᱨᱮᱱᱟᱜ ᱨᱟᱡᱽᱜᱟᱲ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱓,᱗᱓᱓ ᱪᱟᱹᱣᱠᱟᱹ ᱠᱤᱞᱚᱢᱤᱴᱚᱨ (᱑,᱔᱔᱑ ᱪᱟᱹᱣᱠᱟᱹ ᱢᱤᱞ) ᱡᱟᱭᱜᱟ ᱛᱮ ᱴᱚᱞ, ᱫᱤᱭᱟᱨᱟ ᱟᱨ ᱵᱚᱨᱤᱸᱫᱽ ᱨᱮ ᱦᱟᱹᱴᱤᱧ ᱞᱮᱱᱟ ᱛᱟᱦᱮᱸᱫ ᱾
ᱮᱛᱚᱢ ᱨᱮ ᱢᱩᱨᱥᱤᱫᱟᱵᱟᱫᱽ ᱦᱚᱱᱚᱛ, ᱠᱚᱧᱮ ᱨᱮ ᱠᱚᱸᱭᱮ ᱫᱤᱱᱟᱡᱽᱯᱩᱨ ᱦᱚᱱᱚᱛ ᱟᱨ ᱮᱛᱚᱢ ᱫᱤᱱᱟᱡᱽᱯᱩᱨ ᱦᱚᱱᱚᱛ ᱢᱮᱱᱟᱜᱼᱟ ᱾ ᱥᱟᱢᱟᱝ ᱨᱮ ᱵᱟᱝᱞᱟᱫᱮᱥ ᱥᱟᱶ ᱡᱮᱡᱟᱹᱛᱤᱭᱟᱹᱨᱤ ᱥᱤᱢᱟᱹ ᱢᱮᱱᱟᱜᱼᱟ ᱾ ᱯᱟᱪᱮ ᱨᱮ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱥᱟᱱᱛᱟᱲ ᱯᱟᱨᱜᱟᱱᱟ ᱟᱨ ᱵᱤᱦᱟᱨ ᱨᱮᱱᱟᱜ ᱯᱩᱨᱱᱤᱭᱟ ᱢᱮᱱᱟᱜᱼᱟ ᱾
ᱤᱱᱯᱨᱟᱥᱴᱨᱚᱠᱪᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱱᱚᱶᱟ ᱨᱮᱭᱟᱜ ᱜᱩᱴ ᱚᱛ ᱦᱟᱥᱟ ᱫᱚ ᱦᱩᱭᱩᱜ ᱠᱟᱱᱟ ᱗᱐᱐᱐ ᱥᱠᱚᱭᱟᱨ ᱢᱤᱴᱚᱨ ᱾
- ᱮᱠᱮᱰᱮᱢᱤᱠ ᱵᱤᱞᱰᱤᱝ (ᱡᱤ+᱗) ᱯᱷᱞᱳᱨ ᱮᱨᱤᱭᱟ ᱨᱮᱭᱟᱜ ᱯᱟᱞᱮ ᱾ ᱒᱔,᱐᱐᱐ ᱥᱠᱚᱭᱟᱨ ᱢᱤᱴᱚᱨ ᱡᱟᱭᱜᱟ ᱨᱮ ᱢᱤᱫ ᱛᱟᱞᱢᱟ ᱯᱚᱱᱚᱛ ᱚᱲᱟᱜ, ᱞᱮᱠᱪᱟᱨ ᱛᱷᱤᱭᱟᱨ (ᱢᱤᱫ ᱮᱭᱟᱨ ᱠᱟᱱᱰᱤᱥᱚᱱ ᱞᱮᱠᱪᱟᱨ ᱛᱷᱤᱭᱟᱨ ᱥᱟᱶᱛᱮ), ᱩᱫᱩᱜ ᱠᱟᱸᱫᱷᱟ ᱟᱨ ᱯᱨᱮᱠᱴᱤᱠᱟᱞ ᱞᱮᱵᱚᱨ ᱥᱟᱶᱛᱮ ᱚᱰᱤᱴᱚᱨᱤᱭᱚᱢ (660 ᱥᱤᱴ ᱠᱮᱯᱟᱥᱤᱴᱤ ᱥᱟᱶᱛᱮ), ᱵᱤᱱᱤᱰ ᱦᱚᱞ, ᱮᱭᱟᱨ ᱠᱟᱱᱰᱤᱥᱚᱱ ᱞᱟᱭᱵᱨᱮᱨᱤ, ᱤ-ᱞᱟᱭᱵᱨᱮᱨᱤ ᱟᱨ ᱢᱚᱨᱜᱽ ᱢᱮᱱᱟᱜᱼᱟ ᱾
- ᱱᱟᱶᱟ ᱴᱨᱚᱢᱟ ᱠᱮᱭᱟᱨ ᱵᱤᱞᱰᱤᱝ ᱫᱚ ᱱᱟᱦᱟᱜ ᱥᱩᱵᱤᱫᱷᱟ ᱟᱨ ᱤᱢᱟᱨᱡᱮᱱᱥᱤ ᱨᱩᱠᱷᱤᱭᱟᱹ ᱠᱚ ᱥᱟᱶᱛᱮ ᱛᱮᱭᱟᱨ ᱟᱠᱟᱱᱟ ᱾ ᱘ ᱥᱩᱯᱟᱨ ᱥᱯᱮᱥᱟᱞᱤᱴᱤ ᱚᱴᱤ ᱠᱚ ᱾ ᱱᱤᱛᱚᱜ ᱠᱚᱵᱤᱰ᱑᱙ ᱚᱯᱤᱰᱤ, ᱠᱳᱣᱟᱨᱟᱱᱴᱟᱭᱤᱱ ᱣᱟᱨᱰ ᱟᱨ ᱰᱤᱴᱮᱠᱥᱚᱱ ᱨᱮᱱᱟᱜ ᱠᱟᱹᱢᱤ ᱪᱟᱞᱟᱜ ᱠᱟᱱᱟ ᱾
- ᱢᱟᱨᱮ ᱟᱥᱯᱟᱛᱟᱞ ᱚᱲᱟᱜ (G+2) ᱫᱚ ᱵᱷᱟᱹᱜᱤ ᱨᱩᱣᱟᱹ ᱠᱚ ᱧᱮᱞ ᱥᱮᱵᱟ ᱞᱟᱹᱜᱤᱫ ᱱᱟᱶᱟ ᱛᱮ ᱵᱮᱱᱟᱣ ᱠᱟᱱᱟ ᱟᱨ ᱱᱟᱶᱟ OPD ᱵᱤᱞᱰᱤᱝ (G+9) ᱦᱚᱸ ᱥᱟᱱᱟᱢ OPD ᱥᱮᱵᱟ ᱠᱚ ᱥᱩᱵᱤᱫᱷᱟ ᱞᱟᱹᱜᱤᱫ ᱛᱮ ᱵᱮᱱᱟᱣ ᱠᱟᱱᱟ ᱾ ᱚᱯᱤᱰᱤ ᱚᱠᱛᱚ ᱥᱮᱛᱟᱜ ᱙ ᱴᱟᱲᱟᱝ ᱠᱷᱚᱱ ᱛᱟᱨᱟᱥᱤᱧ ᱒ ᱴᱟᱲᱟᱝ ᱫᱷᱟᱹᱨᱤᱡ ᱾
- ᱱᱟᱶᱟ ᱮᱠᱮᱰᱮᱢᱤᱠ ᱵᱤᱞᱰᱤᱝ (ᱯᱩᱭᱞᱩ ᱟᱨ ᱫᱚᱥᱟᱨ ᱯᱷᱞᱚᱨ ᱨᱮ) ᱨᱮ ᱢᱮᱱᱟᱜ ᱛᱟᱞᱢᱟ ᱯᱚᱛᱚᱵ ᱚᱲᱟᱜ ᱨᱮ ᱯᱚᱛᱚᱵ ᱥᱟᱶᱛᱮ ᱵᱟᱦᱨᱮ ᱫᱤᱥᱚᱢ ᱨᱮᱱᱟᱜ ᱚᱱᱚᱞ ᱠᱚᱦᱚᱸ ᱢᱮᱱᱟᱜᱼᱟ ᱟᱨ ᱤ-ᱞᱟᱭᱵᱨᱮᱨᱤ ᱥᱩᱵᱤᱫᱷᱟ ᱞᱟᱹᱜᱤᱫ ᱦᱟᱭ-ᱥᱯᱤᱰ ᱤᱱᱴᱟᱨᱱᱮᱴ ᱥᱩᱵᱤᱫᱷᱟ ᱢᱮᱱᱟᱜᱼᱟ ᱾
- ᱟᱥᱯᱟᱛᱟᱞ ᱢᱟᱭᱟᱢ ᱵᱮᱸᱠ ᱟᱨ ᱴᱷᱤᱠ ᱫᱟᱢ ᱨᱟᱱ ᱫᱚᱠᱟᱱ
- ᱠᱚᱲᱟ ᱟᱨ ᱠᱩᱲᱤ ᱠᱚ ᱞᱟᱹᱜᱤᱫ ᱡᱩᱫᱟᱹ ᱡᱩᱫᱟᱹ ᱦᱚᱥᱴᱮᱞ ᱨᱮ ᱠᱮᱵᱩᱞ ᱵᱨᱚᱰᱵᱮᱱᱰ ᱤᱱᱴᱟᱨᱱᱮᱴ ᱟᱨ ᱯᱷᱨᱤ ᱡᱤᱭᱳ ᱣᱟᱭᱯᱷᱟᱭ ᱠᱮᱢᱯᱟᱥ ᱨᱮᱱᱟᱜ ᱵᱤᱠᱚᱞᱯ ᱢᱮᱱᱟᱜᱼᱟ ᱾
- ᱤᱱᱴᱟᱨᱱᱥ ᱞᱟᱹᱜᱤᱫ ᱦᱚᱥᱴᱮᱞ ᱾
- ᱵᱟᱥᱤᱱᱫᱟ ᱰᱟᱠᱴᱚᱨ ᱠᱚ ᱞᱟᱹᱜᱤᱫ ᱦᱚᱥᱴᱮᱞ
- ᱪᱮᱫᱚᱜ ᱟᱨ ᱵᱟᱝ ᱪᱮᱫᱚᱜ ᱠᱟᱹᱢᱤᱭᱟᱹ ᱠᱚ ᱞᱟᱹᱜᱤᱫ ᱵᱷᱮᱜᱟᱨ ᱞᱮᱠᱟᱱ ᱠᱳᱣᱟᱨᱴᱟᱨ, ᱱᱟᱨᱥ ᱠᱚ ... ᱮᱢᱟᱱ
- ᱠᱮᱱᱴᱤᱱ ᱨᱮ ᱟᱭᱢᱟ ᱞᱮᱠᱟᱱ ᱥᱟᱫᱷᱟᱨᱚᱱ ᱟᱨ ᱵᱮ-ᱥᱟᱫᱷᱟᱨᱚᱱ ᱡᱚᱢᱟᱜ ᱠᱚ ᱮᱢᱚᱜ ᱠᱟᱱᱟ ᱾[᱓]
ᱵᱚᱞᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]WBMCC ᱦᱚᱛᱮᱛᱮ MBBS ᱠᱩᱨᱥᱩᱞ ᱨᱮ ᱥᱮᱞᱮᱫᱚᱜ ᱞᱟᱹᱜᱤᱫ NEET ᱨᱟᱝᱠ ᱞᱤᱥᱴᱤ ᱞᱮᱠᱟᱛᱮ 85% ᱯᱚᱱᱚᱛ ᱠᱳᱴᱟ ᱟᱨ ᱑᱕% ᱚᱞ ᱤᱱᱰᱤᱭᱟ ᱠᱳᱴᱟ ᱦᱤᱥᱟᱹᱵ ᱛᱮ ᱦᱩᱭᱩᱜᱼᱟ ᱾ ᱒᱐᱑᱓ ᱵᱮᱪ ᱟᱨ ᱒᱐᱑᱗ ᱛᱟᱭᱚᱢ ᱨᱮᱱᱟᱜ ᱡᱚᱛᱚ ᱵᱮᱪ ᱨᱮᱱᱟᱜ ᱥᱮᱞᱮᱫ ᱫᱚ ᱡᱟᱹᱛᱤᱭᱟᱹᱨᱤ ᱞᱮᱠᱢᱟᱱ ᱟᱨ ᱥᱮᱞᱮᱫ ᱯᱩᱨᱟᱹᱣ (NEET) ᱨᱮᱱᱟᱜ ᱨᱚᱝᱠ ᱞᱤᱥᱴᱤ ᱞᱮᱠᱟᱛᱮ ᱦᱩᱭᱩᱜᱼᱟ ᱾
ᱰᱤᱯᱞᱚᱢᱟ ᱠᱚᱨᱥ ᱨᱮ ᱵᱚᱞᱚᱱ ᱫᱚ ᱯᱟᱹᱪᱷᱤᱢ ᱵᱮᱝᱜᱟᱞ ᱯᱚᱱᱚᱛ ᱢᱮᱰᱤᱠᱟᱞ ᱯᱷᱮᱠᱟᱞᱴᱤ ᱵᱚᱞᱚᱱ ᱵᱤᱱᱤᱰ (SMFWBEE) ᱨᱮᱭᱟᱜ ᱨᱮᱠ ᱞᱤᱥᱴ ᱞᱮᱠᱟᱛᱮ ᱦᱩᱭᱩᱜ ᱠᱟᱱᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Welcome to WB HEALTH Portal". Archived from the original on 16 May 2021. Retrieved 7 December 2017.
- ↑ "Colleges & Courses Search". mciindia.org. Archived from the original on 10 April 2012. Retrieved 15 April 2012. Look for "Malda Medical College & Hospital, Malda".
- ↑ "MCs Infrastructure". Archived from the original on 8 October 2013. Retrieved 14 October 2013.
{{cite web}}: CS1 maint: unfit URL (link)
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- Pages using duplicate arguments in template calls
- CS1 maint: unfit URL
- ᱯᱚᱪᱷᱤᱢ ᱵᱟᱝᱞᱟ ᱨᱮ ᱢᱮᱰᱤᱠᱟᱞ ᱠᱚᱞᱮᱡᱽ ᱠᱚ
- ᱢᱟᱞᱫᱟ ᱦᱚᱱᱚᱛ ᱨᱮᱱᱟᱜ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱟᱨ ᱠᱚᱞᱮᱡᱽ ᱠᱚ
- ᱯᱚᱪᱷᱤᱢ ᱵᱟᱝᱞᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱱᱟᱜ ᱦᱚᱲᱢᱚ ᱥᱟᱶᱟᱨ ᱥᱟᱬᱮᱥ ᱠᱚ
- ᱒᱐᱑᱑ ᱨᱮ ᱛᱮᱭᱟᱨ ᱟᱠᱟᱱ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱟᱨ ᱠᱚᱞᱮᱡᱽ ᱠᱚ
- ᱒᱐᱑᱑ ᱥᱮᱨᱢᱟ ᱨᱮ ᱯᱚᱪᱷᱤᱢ ᱵᱟᱝᱞᱟ ᱨᱮ ᱛᱷᱟᱯᱚᱱᱟᱜ ᱠᱚ
- ᱨᱟᱹᱯᱩᱫ ᱨᱮᱫ ᱡᱚᱱᱚᱲᱠᱩ ᱥᱟᱞᱟᱫ ᱥᱟᱦᱴᱟᱠᱚ