ᱢᱟᱞᱵᱤᱠᱟ ᱵᱟᱱᱥᱚᱫ
ᱢᱟᱞᱵᱤᱠᱟ ᱵᱟᱱᱥᱚᱫ (ᱡᱟᱱᱟᱢ ᱑᱕ ᱥᱮᱯᱴᱮᱢᱵᱚᱨ ᱒᱐᱐᱑) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱵᱮᱰᱢᱤᱱᱴᱚᱱ ᱠᱷᱮᱞᱚᱸᱰᱤᱭᱟᱹ ᱠᱟᱱᱟᱭ᱾ ᱩᱱᱤ ᱒᱐᱑᱙ ᱨᱮ ᱢᱟᱞᱫᱤᱣᱥ ᱟᱨ ᱱᱮᱯᱟᱞ ᱡᱮᱜᱮᱛ ᱡᱟᱹᱛᱤᱭᱟᱹᱨᱤ ᱞᱮᱠᱟᱱ ᱡᱮᱜᱮᱛ ᱡᱟᱹᱛᱤᱭᱟᱹᱨᱤ ᱴᱟᱭᱴᱮᱞ ᱠᱚᱭ ᱡᱤᱛᱠᱟᱹᱨ ᱟᱠᱟᱫᱟ᱾ ᱵᱟᱱᱥᱚᱫ ᱫᱚ ᱡᱩᱱᱤᱭᱚᱨ ᱟᱨ ᱥᱤᱱᱤᱭᱚᱨ ᱛᱷᱚᱠ ᱨᱮ ᱡᱟᱹᱛᱤᱭᱟᱹᱨᱤ ᱞᱮᱵᱮᱞ ᱤᱵᱷᱮᱱᱴᱥ ᱨᱮ ᱟᱭᱢᱟ ᱜᱚᱞᱰ ᱢᱮᱰᱟᱞ ᱠᱚᱭ ᱡᱤᱛᱠᱟᱹᱨ ᱟᱠᱟᱫᱟ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱱᱥᱚᱫ ᱫᱚ ᱑᱕ ᱥᱮᱯᱴᱮᱢᱵᱚᱨ ᱒᱐᱐᱑ ᱨᱮ ᱱᱟᱜᱽᱯᱩᱨ, ᱢᱚᱦᱟᱨᱟᱥᱴᱨᱚ ᱨᱮ ᱡᱟᱱᱟᱢ ᱞᱮᱱᱟ᱾ ᱩᱱᱤ ᱫᱚ ᱮᱛᱚᱦᱚᱵ ᱥᱮᱪᱮᱫ ᱫᱚ ᱢᱚᱫᱚᱨᱥ ᱯᱮᱴ ᱠᱤᱱᱰᱟᱨᱜᱟᱨᱴᱮᱱ ᱟᱨ ᱥᱮᱱᱴᱟᱨ ᱯᱚᱭᱮᱱᱴ ᱤᱥᱠᱩᱞ, ᱟᱢᱨᱟᱣᱟᱛᱤ ᱨᱳᱰ ᱵᱟᱭᱯᱟᱥ, ᱱᱟᱜᱽᱯᱩᱨ ᱠᱷᱚᱱ ᱮ ᱧᱟᱢ ᱟᱠᱟᱫᱟ᱾ ᱩᱱᱤ ᱨᱤᱱ ᱢᱤᱫ ᱢᱟᱪᱮᱫ ᱫᱚ ᱦᱤᱞᱟᱨᱤ ᱢᱟᱞᱤᱭᱟᱠᱟᱞ ᱠᱟᱱᱟᱭ᱾ ᱩᱱᱤ ᱫᱚ ᱵᱮᱰᱢᱤᱱᱴᱚᱱ ᱫᱚ ᱘ ᱵᱚᱪᱷᱚᱨ ᱩᱢᱮᱨ ᱠᱷᱚᱱ ᱮ ᱮᱛᱚᱦᱚᱵ ᱟᱠᱟᱫᱟ᱾
ᱠᱮᱨᱤᱭᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱱᱥᱚᱫ ᱫᱚ ᱑᱓ ᱟᱨ ᱑᱗ ᱠᱷᱚᱱ ᱠᱚᱢ ᱩᱢᱮᱨ ᱜᱩᱴ ᱨᱮ ᱯᱚᱱᱚᱛ ᱪᱟᱢᱯᱤᱭᱟᱱᱥᱤᱯ ᱨᱮ ᱴᱟᱭᱴᱮᱞ ᱠᱚᱭ ᱡᱤᱛᱠᱟᱹᱨ ᱟᱠᱟᱫᱟ᱾ ᱒᱐᱑᱘ ᱨᱮ, ᱮᱥᱤᱭᱟᱱ ᱡᱩᱱᱤᱭᱚᱨ ᱪᱟᱢᱯᱤᱭᱟᱱᱥᱤᱯ ᱞᱟᱹᱜᱤᱫ ᱠᱣᱟᱞᱤᱯᱷᱟᱭ ᱵᱟᱝ ᱫᱟᱲᱮᱭᱟᱜ ᱠᱷᱟᱹᱛᱤᱨ, ᱩᱱᱤ ᱠᱟᱱᱟᱰᱟ ᱨᱮ ᱡᱮᱜᱮᱛ ᱡᱩᱱᱤᱭᱚᱨ ᱪᱟᱢᱯᱤᱭᱟᱱᱥᱤᱯ ᱨᱮ ᱵᱷᱟᱨᱚᱛ ᱨᱮᱯᱨᱮᱡᱮᱱᱴ ᱞᱟᱹᱜᱤᱫ ᱞᱮᱛᱟᱲ ᱵᱟᱨᱭᱟ ᱵᱟᱪᱷᱟᱣ ᱴᱩᱨᱱᱟᱢᱮᱱᱴ ᱮ ᱡᱤᱛᱠᱟᱹᱨ ᱟᱠᱟᱫᱟ᱾ ᱰᱤᱥᱮᱢᱵᱚᱨ ᱒᱐᱑᱘ ᱨᱮ, ᱩᱱᱤ ᱠᱟᱴᱷᱢᱟᱱᱰᱩ ᱱᱮᱯᱟᱞ ᱨᱮ ᱫᱟᱠᱠᱷᱤᱱ ᱮᱥᱤᱭᱟᱱ ᱨᱤᱡᱚᱱᱟᱞ ᱒᱑ ᱠᱷᱚᱱ ᱠᱚᱢ ᱩᱢᱮᱨ ᱪᱟᱢᱯᱤᱭᱟᱱᱥᱤᱯ ᱨᱮ ᱡᱤᱛᱠᱟᱹᱨᱤᱭᱟᱹᱭ ᱛᱟᱦᱮᱸ ᱠᱟᱱᱟ, ᱵᱟᱱᱟᱨ ᱜᱮ ᱵᱷᱮᱜᱟᱨ ᱟᱨ ᱴᱤᱢ ᱤᱵᱷᱮᱱᱴᱥ ᱨᱮ᱾ ᱒᱐᱑᱙ ᱨᱮ, ᱵᱟᱱᱥᱚᱫ ᱫᱚ ᱡᱚᱛᱚ ᱵᱷᱟᱨᱚᱛ ᱨᱤᱱ ᱥᱤᱱᱤᱭᱚᱨ ᱨᱮᱝᱠᱤᱝ ᱴᱩᱨᱱᱟᱢᱮᱱᱴ ᱟᱨ ᱡᱚᱛᱚ ᱵᱷᱟᱨᱚᱛ ᱨᱤᱱ ᱡᱩᱱᱤᱭᱚᱨ ᱨᱮᱝᱠᱤᱝ ᱴᱩᱨᱱᱟᱢᱮᱱᱴ ᱮ ᱡᱤᱛᱠᱟᱹᱨ ᱟᱠᱟᱫᱟ᱾ ᱚᱱᱟ ᱥᱮᱨᱢᱟ ᱨᱮᱜᱮ, ᱩᱱᱤ ᱵᱩᱞᱜᱟᱨᱤᱭᱟᱱ ᱡᱩᱱᱤᱭᱚᱨ ᱡᱮᱜᱮᱛ ᱡᱟᱹᱛᱤᱭᱟᱹᱨᱤ ᱪᱟᱢᱯᱤᱭᱟᱱᱥᱤᱯ ᱨᱮ ᱵᱨᱳᱸᱡᱽ ᱢᱮᱰᱟᱞ ᱮ ᱡᱤᱛᱠᱟᱹᱨ ᱟᱠᱟᱫᱟ᱾ ᱒᱐᱒᱑ ᱨᱮ, ᱩᱱᱤ ᱚᱥᱴᱨᱤᱭᱟᱱ ᱳᱯᱮᱱ ᱡᱮᱜᱮᱛ ᱡᱟᱹᱛᱤᱭᱟᱹᱨᱤ ᱥᱤᱨᱤᱡᱽ ᱮ ᱠᱷᱮᱞ ᱞᱮᱫᱟ ᱢᱮᱱᱠᱷᱟᱱ ᱠᱣᱟᱴᱟᱨ ᱯᱷᱟᱭᱱᱟᱞ ᱨᱮ ᱥᱯᱮᱱ ᱨᱤᱱᱤᱡ ᱠᱞᱟᱨᱟ ᱟᱡᱩᱨᱢᱮᱱᱰᱤ ᱴᱷᱮᱱ ᱮ ᱦᱟᱨᱟᱣ ᱞᱮᱱᱟ᱾ ᱒᱐᱒᱒ ᱨᱮ, ᱩᱱᱤ ᱫᱚ ᱒᱐᱒᱒ ᱤᱱᱰᱤᱭᱟ ᱳᱯᱮᱱ ᱨᱮ ᱟᱡᱟᱜ ᱯᱩᱭᱞᱩ ᱵᱤ.ᱰᱟᱵᱞᱭᱩ. ᱮᱯᱷ. ᱥᱩᱯᱟᱨ ᱕᱐᱐ ᱴᱩᱨᱱᱟᱢᱮᱱᱴ ᱮ ᱠᱷᱮᱞ ᱞᱮᱫᱟ, ᱡᱟᱦᱟᱸ ᱨᱮ ᱩᱱᱤ ᱥᱟᱭᱱᱟ ᱱᱮᱦᱣᱟᱞ ᱮ ᱫᱟᱞ ᱠᱟᱣᱫᱮᱭᱟ ᱟᱨ ᱠᱣᱟᱴᱟᱨ ᱯᱷᱟᱭᱱᱟᱞ ᱨᱮᱭ ᱞᱟᱦᱟ ᱞᱮᱱᱟ᱾ ᱢᱮᱱᱠᱷᱟᱱ, ᱩᱱᱤ ᱠᱣᱟᱴᱟᱨ ᱯᱷᱟᱭᱱᱟᱞ ᱨᱮ ᱟᱟᱠᱟᱨᱥᱤ ᱠᱟᱥᱭᱟᱯ ᱴᱷᱮᱱ ᱮ ᱦᱟᱨᱟᱣ ᱞᱮᱱᱟ᱾ ᱤᱱᱟᱹ ᱛᱟᱭᱚᱢ ᱩᱱᱤ ᱒᱐᱒᱒ ᱥᱮᱭᱮᱫ ᱢᱳᱫᱤ ᱡᱮᱜᱮᱛ ᱡᱟᱹᱛᱤᱭᱟᱹᱨᱤ ᱨᱮ ᱥᱮᱞᱮᱫ ᱞᱮᱱᱟ, ᱡᱟᱦᱟᱸ ᱨᱮ ᱩᱱᱤ ᱯᱷᱟᱭᱱᱟᱞ ᱨᱮᱭ ᱞᱟᱦᱟ ᱞᱮᱱᱟ᱾ ᱩᱱᱤ ᱯᱷᱟᱭᱱᱟᱞ ᱨᱮ ᱯᱤ. ᱵᱷᱤ. ᱥᱤᱱᱫᱷᱩ ᱴᱷᱮᱱ ᱥᱚᱡᱷᱮ ᱜᱮᱢ ᱨᱮᱭ ᱦᱟᱨᱟᱣ ᱞᱮᱱᱟ᱾ ᱒᱐᱒᱒ ᱳᱰᱤᱥᱟ ᱳᱯᱮᱱ ᱨᱮ, ᱩᱱᱤ ᱥᱮᱢᱤ ᱯᱷᱟᱭᱱᱟᱞ ᱮ ᱵᱮᱱᱟᱣ ᱞᱮᱫᱟ, ᱡᱟᱦᱟᱸ ᱫᱚ ᱩᱱᱤ ᱩᱱᱱᱟᱛᱤ ᱦᱩᱰᱟ ᱴᱷᱮᱱ ᱵᱟᱨᱭᱟ ᱥᱩᱨ ᱜᱮᱢ ᱨᱮᱭ ᱦᱟᱨᱟᱣ ᱞᱮᱱᱟ᱾ ᱱᱚᱣᱟ ᱯᱮᱭᱟ ᱴᱩᱨᱱᱟᱢᱮᱱᱴ ᱨᱮ ᱞᱮᱛᱟᱲ ᱚᱨᱡᱚ ᱠᱷᱟᱹᱛᱤᱨ, ᱩᱱᱤ ᱖᱑ ᱨᱮᱱᱟᱜ ᱠᱮᱨᱤᱭᱟᱨ-ᱪᱮᱛᱟᱱ ᱡᱮᱜᱮᱛ ᱨᱮᱝᱠᱤᱝ ᱮ ᱟᱢᱮᱴ ᱞᱮᱫᱟ᱾
ᱵᱟᱱᱥᱚᱫ, ᱡᱟᱦᱟᱸᱭ ᱫᱚ ᱡᱚᱡᱚᱢ ᱛᱤ ᱛᱮ ᱠᱷᱮᱞᱚᱸᱰ ᱠᱟᱱ ᱠᱷᱮᱞᱚᱸᱰᱤᱭᱟᱹ ᱠᱟᱱᱟᱭ, ᱪᱤᱱ ᱨᱤᱱᱤᱡ ᱵᱟᱨ ᱫᱷᱟᱣ ᱚᱞᱤᱢᱯᱤᱠᱥ ᱪᱟᱢᱯᱤᱭᱟᱱ ᱟᱨ ᱢᱚᱬᱮ ᱫᱷᱟᱣ ᱡᱮᱜᱮᱛ ᱪᱟᱢᱯᱤᱭᱟᱱ ᱞᱤᱱ ᱰᱟᱱ ᱨᱤᱱᱤᱡ ᱯᱷᱮᱱ ᱠᱟᱱᱟᱭ᱾
ᱥᱤᱱᱤᱭᱚᱨ ᱡᱮᱜᱮᱛ ᱡᱟᱹᱛᱤᱭᱟᱹᱨᱤ ᱮᱛᱚᱦᱚᱵ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱥᱮᱯᱴᱮᱢᱵᱚᱨ ᱒᱐᱑᱙ ᱨᱮ ᱟᱡᱟᱜ ᱥᱤᱱᱤᱭᱚᱨ ᱡᱮᱜᱮᱛ ᱡᱟᱹᱛᱤᱭᱟᱹᱨᱤ ᱮᱛᱚᱦᱚᱵ ᱫᱚ ᱢᱟᱞᱫᱤᱣᱥ ᱡᱮᱜᱮᱛ ᱡᱟᱹᱛᱤᱭᱟᱹᱨᱤ ᱯᱷᱭᱩᱪᱟᱨ ᱥᱤᱨᱤᱡᱽ ᱵᱮᱰᱢᱤᱱᱴᱚᱱ ᱴᱩᱨᱱᱟᱢᱮᱱᱴ ᱨᱮ ᱴᱟᱭᱴᱮᱞ ᱡᱤᱛᱠᱟᱹᱨ ᱥᱟᱶ ᱮ ᱮᱛᱚᱦᱚᱵ ᱞᱮᱫᱟ᱾ ᱢᱤᱫ ᱦᱟᱯᱛᱟ ᱛᱟᱭᱚᱢ, ᱩᱱᱤ ᱟᱱᱱᱟᱯᱩᱨᱱᱟ ᱯᱳᱥᱴ ᱡᱮᱜᱮᱛ ᱡᱟᱹᱛᱤᱭᱟᱹᱨᱤ ᱥᱤᱨᱤᱡᱽ, ᱱᱮᱯᱟᱞ ᱮ ᱡᱤᱛᱠᱟᱹᱨ ᱞᱮᱫᱟ᱾ ᱚᱱᱟ ᱛᱟᱭᱚᱢ, ᱩᱱᱤ ᱚᱠᱴᱚᱵᱚᱨ ᱒᱐᱑᱙ ᱨᱮ ᱵᱟᱦᱨᱮᱱ ᱡᱮᱜᱮᱛ ᱡᱟᱹᱛᱤᱭᱟᱹᱨᱤ ᱥᱤᱨᱤᱡᱽ ᱨᱮ ᱵᱨᱳᱸᱡᱽ ᱢᱮᱰᱟᱞ ᱮ ᱡᱤᱛᱠᱟᱹᱨ ᱞᱮᱫᱟ᱾ ᱩᱱᱤ ᱫᱚ ᱤᱱᱰᱤᱭᱟ ᱡᱮᱜᱮᱛ ᱡᱟᱹᱛᱤᱭᱟᱹᱨᱤ ᱪᱮᱞᱮᱸᱡ ᱨᱮᱦᱚᱸ ᱠᱣᱟᱴᱟᱨ ᱯᱷᱟᱭᱱᱟᱞ ᱥᱴᱮᱡᱽ ᱨᱮᱭ ᱥᱮᱴᱮᱨ ᱞᱮᱱᱟ᱾ ᱱᱚᱣᱟ ᱯᱩᱱᱭᱟ ᱡᱮᱜᱮᱛ ᱡᱟᱹᱛᱤᱭᱟᱹᱨᱤ ᱴᱩᱨᱱᱟᱢᱮᱱᱴ ᱨᱮ ᱱᱤᱡᱮᱨᱟᱜ ᱥᱚᱫᱚᱨ ᱢᱮᱱᱟᱜ ᱠᱷᱟᱹᱛᱤᱨ ᱩᱱᱤ ᱫᱚ ᱵᱟᱨ ᱪᱟᱸᱫᱚ ᱨᱮᱜᱮ ᱡᱮᱜᱮᱛ ᱨᱤᱱ ᱒᱐᱐ ᱪᱮᱛᱟᱱ ᱨᱮ ᱵᱚᱞᱚ ᱫᱟᱲᱮ ᱭᱟᱫᱟ᱾