ᱢᱟᱢᱚᱛᱟ ᱨᱟᱜᱷᱩᱵᱤᱨ ᱟᱪᱚᱱᱛᱟ
ᱢᱟᱢᱚᱛᱟ ᱨᱟᱜᱷᱩᱵᱤᱨ ᱟᱪᱚᱱᱛᱟ (ᱡᱟᱱᱟᱢ ᱑᱙ ᱰᱤᱥᱮᱢᱵᱚᱨ ᱑᱙᱖᱗) ᱫᱚ ᱛᱤᱨᱞᱟᱹ ᱟᱨ ᱜᱤᱫᱽᱨᱟᱹ ᱠᱚᱣᱟᱜ ᱟᱹᱭᱫᱟᱹᱨᱤ ᱠᱟᱹᱢᱤᱭᱟᱹ ᱠᱟᱱᱟᱭ᱾ ᱩᱱᱤ ᱫᱚ ᱣᱟᱨᱟᱝᱜᱟᱞ ᱦᱚᱱᱚᱛ ᱨᱮᱱᱟᱜ ᱜᱤᱫᱽᱨᱟᱹ ᱵᱷᱟᱹᱞᱟᱹᱭ ᱠᱩᱢᱩᱴ ᱨᱮ ᱪᱮᱭᱟᱨᱯᱟᱨᱥᱚᱱ ᱞᱮᱠᱟᱛᱮ, ᱮ.ᱯᱤ. ᱥᱴᱮᱴ ᱠᱚᱢᱤᱥᱚᱱ ᱯᱷᱚᱨ ᱫᱟ ᱯᱨᱳᱴᱮᱠᱥᱚᱱ ᱳᱯᱷ ᱪᱟᱭᱞᱰ ᱨᱟᱭᱤᱴᱥ ᱨᱮ ᱥᱚᱦᱮᱫ ᱞᱮᱠᱟᱛᱮ, ᱟᱨ ᱛᱷᱟᱨᱩᱱᱤ ᱨᱮᱱ ᱵᱩᱱᱭᱟᱹᱫᱤᱭᱟᱹ ᱟᱨ ᱮᱠᱡᱤᱠᱭᱩᱴᱤᱵᱽ ᱰᱟᱭᱨᱮᱠᱴᱚᱨ ᱞᱮᱠᱟᱛᱮᱭ ᱠᱟᱹᱢᱤ ᱟᱠᱟᱫᱟ, ᱡᱟᱦᱟᱸ ᱫᱚ ᱢᱤᱫ ᱵᱟᱝ-ᱥᱚᱨᱠᱟᱨᱤ ᱜᱟᱶᱛᱟ (ᱮᱱᱡᱤᱳ) ᱠᱟᱱᱟ ᱡᱟᱦᱟᱸ ᱫᱚ ᱠᱩᱲᱤ ᱜᱤᱫᱽᱨᱟᱹ ᱟᱨ ᱛᱤᱨᱞᱟᱹ ᱠᱚᱣᱟᱜ ᱫᱟᱲᱮ ᱪᱮᱛᱟᱱ ᱨᱮ ᱫᱷᱮᱭᱟᱱ ᱮᱢᱟᱭ᱾ ᱩᱱᱤ ᱫᱚ ᱩᱫᱷᱟᱹᱨ ᱠᱟᱹᱢᱤ ᱨᱮᱭ ᱥᱮᱞᱮᱫ ᱟᱠᱟᱱᱟ ᱟᱨ ᱵᱤᱪᱟᱹᱨ ᱠᱟᱹᱢᱤ ᱡᱮᱞᱮᱠᱟ ᱵᱮᱵᱷᱟᱹᱲ ᱵᱮᱵᱷᱟᱨ, ᱦᱤᱸᱥᱟᱹ, ᱜᱤᱫᱽᱨᱟᱹ ᱡᱟᱣᱨᱟ ᱵᱟᱹᱲᱤᱡ, ᱜᱤᱫᱽᱨᱟᱹ ᱵᱟᱯᱞᱟ, ᱟᱨ ᱜᱤᱫᱽᱨᱟᱹ ᱵᱟᱭ ᱧᱮᱞ ᱥᱟᱢᱴᱟᱣ ᱠᱟᱹᱢᱤ ᱠᱚᱭ ᱥᱟᱵ ᱥᱚᱞᱦᱮ ᱟᱠᱟᱫᱟ᱾
ᱜᱤᱫᱽᱨᱟᱹ ᱵᱟᱯᱞᱟ ᱵᱤᱨᱩᱫᱽ ᱨᱮ ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱰᱨ. ᱢᱟᱢᱚᱛᱟ ᱨᱟᱜᱷᱩᱵᱤᱨ ᱟᱪᱚᱱᱛᱟ ᱫᱚ ᱵᱟᱞᱤᱠᱟ ᱥᱟᱝᱜᱷᱟᱥ (ᱠᱩᱲᱤ ᱜᱤᱫᱽᱨᱟᱹ ᱠᱚᱣᱟᱜ ᱡᱟᱣᱨᱟ/ᱠᱩᱲᱤ ᱜᱤᱫᱽᱨᱟᱹ ᱠᱞᱟᱵᱽ), ᱑᱔ ᱠᱷᱚᱱ ᱑᱘ ᱥᱮᱨᱢᱟ ᱩᱢᱮᱨ ᱨᱮᱱ ᱠᱩᱲᱤ ᱜᱤᱫᱽᱨᱟᱹ ᱠᱚ ᱟᱭᱢᱟ ᱦᱚᱨ ᱵᱮᱵᱷᱟᱨ ᱠᱟᱛᱮ ᱫᱟᱲᱮ ᱮᱢ ᱞᱟᱹᱜᱤᱫ ᱡᱮᱞᱮᱠᱟ ᱡᱚᱢᱟ ᱥᱠᱤᱢ, ᱵᱟᱰᱟᱭ ᱵᱮᱱᱟᱣ ᱠᱟᱹᱢᱤᱦᱚᱨᱟ, ᱟᱨ ᱵᱷᱳᱠᱮᱥᱚᱱᱟᱞ ᱴᱨᱮᱱᱤᱝ, ᱩᱱᱠᱩᱣᱟᱜ ᱥᱚᱦᱮᱫ ᱠᱚᱣᱟᱜ ᱟᱯᱱᱟᱨ ᱢᱟᱹᱱ ᱵᱟᱲᱦᱟᱣ ᱞᱟᱹᱜᱤᱫ, ᱟᱨ ᱵᱤᱥᱮᱥ ᱠᱟᱛᱮ ᱣᱟᱨᱟᱝᱜᱟᱞ ᱨᱮ ᱜᱤᱫᱽᱨᱟᱹ ᱵᱟᱯᱞᱟ ᱵᱚᱸᱫᱽ ᱞᱟᱹᱜᱤᱫ ᱱᱟᱯᱟᱭ ᱦᱚᱱᱚᱛ᱾
ᱱᱤᱞᱟ (ᱱᱮᱴᱣᱚᱨᱠ ᱳᱯᱷ ᱤᱱᱴᱟᱨᱱᱮᱥᱱᱟᱞ ᱞᱤᱜᱟᱞ ᱮᱠᱴᱤᱵᱤᱥᱴᱥ)
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱰᱨ. ᱢᱟᱢᱚᱛᱟ ᱫᱚ ᱒᱐᱑᱕ ᱥᱟᱞᱮ ᱨᱮ ᱱᱮᱴᱣᱚᱨᱠ ᱳᱯᱷ ᱤᱱᱴᱟᱨᱱᱮᱥᱱᱟᱞ ᱞᱤᱜᱟᱞ ᱮᱠᱴᱤᱵᱤᱥᱴᱥ (ᱱᱤᱞᱟ) ᱮ ᱵᱩᱱᱭᱟᱹᱫᱽ ᱠᱮᱫᱟ ᱡᱟᱦᱟᱸ ᱫᱚ ᱡᱮᱜᱮᱛ ᱡᱟᱠᱟᱛ ᱨᱮ ᱛᱤᱨᱞᱟᱹ ᱟᱨ ᱜᱤᱫᱽᱨᱟᱹ ᱠᱚᱣᱟᱜ ᱟᱹᱭᱫᱟᱹᱨᱤ ᱨᱩᱠᱷᱤᱭᱟᱹ ᱞᱟᱹᱜᱤᱫ ᱮ ᱠᱟᱹᱢᱤᱭᱟ᱾ ᱱᱤᱞᱟ ᱨᱮᱱᱟᱜ ᱢᱤᱥᱚᱱ ᱫᱚ ᱛᱤᱨᱞᱟᱹ ᱟᱨ ᱜᱤᱫᱽᱨᱟᱹ ᱠᱚ ᱞᱤᱜᱟᱞ ᱮᱭᱰ ᱟᱨ ᱠᱟᱣᱩᱱᱥᱤᱞᱤᱝ ᱦᱚᱛᱮᱛᱮ ᱞᱚᱜᱚᱱ ᱤᱱᱥᱟᱯᱷ ᱧᱟᱢ ᱨᱮ ᱜᱚᱲᱚ ᱮᱢᱟᱠᱚ ᱠᱟᱱᱟ᱾ ᱱᱚᱣᱟ ᱫᱚ ᱩᱱᱠᱩ ᱫᱚ ᱟᱹᱱ ᱵᱟᱵᱚᱛ ᱛᱮ ᱵᱟᱰᱟᱭ ᱦᱚᱪᱚ ᱟᱠᱚ ᱠᱟᱱᱟ ᱟᱨ ᱵᱷᱤᱠᱴᱤᱢ ᱜᱚᱲᱚ ᱥᱮᱵᱟ ᱮᱢ ᱠᱟᱛᱮ ᱩᱱᱠᱩᱣᱟᱜ ᱟᱹᱭᱫᱟᱹᱨᱤ ᱵᱟᱧᱪᱟᱣ ᱫᱚᱦᱚᱭᱟ᱾ ᱱᱚᱣᱟ ᱱᱮᱴᱣᱚᱨᱠ ᱫᱚ ᱞᱤᱜᱟᱞ ᱮᱠᱴᱤᱵᱤᱥᱴ ᱠᱚ ᱢᱤᱫ ᱥᱟᱶ ᱟᱹᱜᱩ ᱨᱮᱱᱟᱜ ᱠᱩᱨᱩᱢᱩᱴᱩᱭᱟ ᱡᱮᱢᱚᱱ ᱠᱚᱢᱡᱳᱨ ᱜᱨᱩᱯ ᱠᱚᱣᱟᱜ ᱢᱟᱹᱱᱢᱤᱭᱟᱹ ᱟᱹᱭᱫᱟᱹᱨᱤ ᱡᱟᱦᱟᱸ ᱫᱚ ᱢᱟᱨᱡᱤᱱᱟᱞᱟᱭᱤᱡᱮᱥᱚᱱ ᱨᱮᱠᱚ ᱥᱮᱞᱮᱫᱚᱜᱼᱟ, ᱡᱮᱞᱮᱠᱟ ᱛᱤᱨᱞᱟᱹ ᱟᱨ ᱜᱤᱫᱽᱨᱟᱹ ᱠᱚ, ᱠᱨᱟᱭᱤᱢ ᱵᱟᱧᱪᱟᱣ ᱟᱨ ᱠᱨᱤᱢᱤᱱᱟᱞ ᱤᱱᱥᱟᱯᱷ ᱨᱤᱯᱷᱳᱨᱢ ᱨᱮᱱᱟᱜ ᱥᱟᱛᱟᱢ ᱨᱮ ᱠᱟᱛᱷᱟ ᱨᱟᱠᱟᱵ ᱦᱩᱭᱩᱜ᱾ ᱱᱚᱣᱟ ᱱᱮᱴᱣᱚᱨᱠ ᱫᱚ ᱡᱮᱜᱮᱛ ᱡᱟᱠᱟᱛ ᱨᱮ ᱤᱱᱥᱟᱯᱷ ᱡᱚᱛᱚ ᱦᱚᱲ ᱴᱷᱮᱱ ᱥᱮᱴᱮᱨ ᱞᱟᱹᱜᱤᱫ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱵᱤᱥᱮᱥ ᱠᱟᱛᱮ ᱛᱤᱨᱞᱟᱹ ᱟᱨ ᱜᱤᱫᱽᱨᱟᱹ ᱠᱚ ᱢᱤᱫ ᱫᱷᱟᱹᱨᱛᱤ ᱠᱷᱚᱱ ᱮᱴᱟᱜ ᱫᱷᱟᱹᱨᱛᱤ ᱛᱮᱠᱚ ᱩᱪᱟᱹᱲᱚᱜ ᱠᱷᱟᱹᱛᱤᱨ ᱞᱟᱹᱠᱛᱤᱭᱟᱱ ᱜᱮᱭᱟ᱾ ᱱᱤᱞᱟ ᱫᱚ ᱡᱩᱰᱤᱥᱤᱭᱟᱞ ᱟᱨ ᱮᱴᱟᱜ ᱞᱤᱜᱟᱞ ᱢᱮᱠᱟᱱᱤᱡᱢ ᱨᱮ ᱥᱮᱴᱮᱨᱚᱜ ᱵᱟᱲᱦᱟᱣ ᱨᱮᱱᱟᱜ ᱡᱚᱥ ᱮ ᱫᱚᱦᱚᱭᱟ, ᱞᱤᱜᱟᱞ ᱠᱟᱣᱩᱱᱥᱤᱞᱤᱝ ᱟᱨ ᱜᱚᱲᱚ ᱮᱢ ᱠᱟᱛᱮ ᱵᱷᱤᱠᱴᱤᱢ ᱠᱚ ᱜᱚᱲᱚ ᱮᱢ ᱠᱟᱛᱮ, ᱦᱚᱲᱢᱚ ᱟᱨ ᱢᱚᱱᱮ ᱡᱤᱣᱤ ᱥᱚᱢᱵᱚᱫᱷᱤᱛ ᱜᱚᱲᱚ ᱟᱨ ᱛᱷᱮᱨᱟᱯᱤ ᱮᱢ ᱠᱟᱛᱮ, ᱟᱨ ᱩᱱᱠᱩᱣᱟᱜ ᱨᱤᱦᱮᱵᱤᱞᱤᱴᱮᱥᱚᱱ ᱞᱟᱹᱜᱤᱫ ᱢᱤᱫ ᱦᱟᱞᱟᱛ ᱵᱮᱱᱟᱣᱟ᱾
ᱱᱤᱞᱟ ᱫᱚ ᱢᱚᱬᱮ ᱜᱚᱴᱟᱝ ᱫᱤᱥᱚᱢ ᱠᱷᱚᱱ ᱔᱕ ᱜᱚᱴᱟᱝ ᱠᱮᱥ ᱮ ᱦᱟᱛᱟᱣ ᱟᱠᱟᱫᱟ ᱟᱨ ᱛᱤᱨᱞᱟᱹ ᱠᱚ ᱞᱤᱜᱟᱞ ᱜᱚᱲᱚ ᱟᱨ ᱠᱟᱣᱩᱱᱥᱤᱞᱤᱝ ᱦᱚᱛᱮᱛᱮ ᱮ ᱜᱚᱲᱚ ᱟᱠᱟᱫ ᱠᱚᱣᱟ᱾ ᱱᱤᱞᱟ ᱫᱚ ᱛᱮᱞᱮᱝᱜᱟᱱᱟ ᱟᱨ ᱟᱱᱫᱷᱨᱟ ᱯᱨᱚᱫᱮᱥ ᱨᱮᱱᱟᱜ ᱞᱳᱠᱟᱭᱩᱠᱛᱟ ᱥᱟᱶ ᱵᱟᱨᱭᱟ ᱯᱚᱵᱽᱞᱤᱠ ᱤᱱᱴᱨᱮᱥᱴ ᱞᱤᱴᱤᱜᱮᱥᱚᱱ (ᱯᱤᱟᱭᱤᱮᱞ) ᱠᱮᱥ ᱮ ᱫᱟᱭᱚᱨ ᱟᱠᱟᱫᱟ ᱡᱟᱦᱟᱸ ᱫᱚ ᱢᱮᱱᱮᱡᱽᱢᱮᱱᱴ ᱟᱜ ᱵᱟᱭ ᱧᱮᱞ ᱥᱟᱢᱴᱟᱣ ᱠᱷᱟᱹᱛᱤᱨ ᱮᱠᱟᱰᱮᱢᱤᱠ ᱤᱱᱥᱴᱤᱴᱭᱩᱥᱚᱱ ᱨᱮ ᱜᱤᱫᱽᱨᱟᱹ ᱠᱚᱣᱟᱜ ᱜᱩᱨ ᱟᱨ ᱛᱤᱨᱞᱟᱹ ᱟᱨ ᱜᱤᱫᱽᱨᱟᱹ ᱪᱮᱛᱟᱱ ᱨᱮ ᱵᱟᱝ ᱞᱟᱹᱠᱛᱤᱭᱟᱱ ᱥᱟᱨᱡᱟᱨᱤ ᱠᱚ ᱠᱟᱹᱢᱤ ᱠᱷᱟᱹᱛᱤᱨ ᱩᱱᱠᱩᱣᱟᱜ ᱦᱚᱲᱢᱚ ᱪᱮᱛᱟᱱ ᱨᱮ ᱵᱟᱹᱲᱤᱡ ᱚᱨᱥᱚᱝ ᱮ ᱩᱫᱩᱜ ᱥᱚᱫᱚᱨ ᱟᱠᱟᱫᱟ᱾
ᱱᱤᱞᱟ ᱫᱚ ᱥᱮᱵᱷ ᱫᱟ ᱪᱤᱞᱰᱨᱮᱱ ᱥᱟᱶ ᱢᱮᱥᱟ ᱠᱟᱛᱮ ᱪᱟᱭᱞᱰ ᱞᱮᱵᱚᱨ (ᱯᱨᱳᱦᱤᱵᱤᱥᱚᱱ ᱮᱱᱰ ᱨᱮᱜᱩᱞᱮᱥᱚᱱ) ᱵᱤᱞ ᱨᱤᱵᱷᱭᱩ ᱞᱟᱹᱜᱤᱫ ᱢᱤᱫ ᱠᱚᱱᱯᱷᱨᱮᱱᱥ ᱮ ᱥᱟᱯᱲᱟᱣ ᱠᱮᱫᱟ᱾ ᱱᱚᱣᱟ ᱫᱚ ᱑᱕ ᱥᱮᱯᱴᱮᱢᱵᱚᱨ, ᱒᱐᱑᱕ ᱨᱮ ᱮᱮᱥᱥᱤᱟᱭᱤ, ᱵᱟᱸᱡᱟᱨᱟᱦᱤᱞᱥ ᱠᱮᱢᱯᱟᱥ, ᱦᱟᱭᱫᱨᱟᱵᱟᱫᱽ ᱨᱮ ᱑᱑ ᱮᱮᱢ ᱠᱷᱚᱱ ᱒ ᱯᱤᱮᱢ ᱫᱷᱟᱹᱵᱤᱡ ᱦᱩᱭ ᱞᱮᱱᱟ᱾ ᱭᱩᱱᱤᱭᱚᱱ ᱢᱤᱱᱤᱥᱴᱚᱨ ᱳᱯᱷ ᱞᱮᱵᱚᱨ ᱮᱱᱰ ᱮᱢᱯᱞᱳᱭᱢᱮᱱᱴ, ᱥᱨᱤ ᱵᱟᱱᱰᱟᱨᱩ ᱫᱟᱛᱛᱟᱛᱨᱮᱭᱟ, ᱫᱚ ᱪᱤᱯ ᱜᱮᱥᱴ ᱮ ᱛᱟᱦᱮᱸ ᱠᱟᱱᱟ ᱟᱨ ᱦᱚᱢ ᱟᱨ ᱞᱮᱵᱚᱨ, ᱮᱢᱯᱞᱳᱭᱢᱮᱱᱴ ᱮᱱᱰ ᱴᱨᱮᱱᱤᱝ ᱨᱮᱱ ᱢᱤᱱᱤᱥᱴᱚᱨ, ᱛᱮᱞᱟᱝᱜᱟᱱᱟ ᱥᱨᱤ ᱱᱟᱭᱟᱱᱤ ᱱᱟᱨᱥᱤᱢᱦᱟ ᱨᱮᱰᱰᱤ, ᱫᱚ ᱜᱮᱥᱴ ᱳᱯᱷ ᱚᱱᱟᱨ ᱮ ᱛᱟᱦᱮᱸ ᱠᱟᱱᱟ᱾
ᱵᱷᱚᱨᱳᱥᱟ - ᱛᱤᱨᱞᱟᱹ ᱟᱨ ᱜᱤᱫᱽᱨᱟᱹ ᱠᱚ ᱞᱟᱹᱜᱤᱫ ᱜᱚᱲᱚ ᱛᱟᱞᱢᱟ (ᱛᱮᱞᱮᱝᱜᱟᱱᱟ ᱯᱩᱞᱤᱥ ᱟᱜ ᱢᱤᱫ ᱮᱛᱚᱦᱚᱵ)
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱰᱨ. ᱢᱟᱢᱚᱛᱟ ᱫᱚ ᱵᱷᱚᱨᱳᱥᱟ ᱨᱮᱱ ᱴᱮᱠᱱᱤᱠᱟᱞ ᱯᱟᱨᱴᱱᱟᱨ ᱠᱟᱱᱟ - ᱛᱤᱨᱞᱟᱹ ᱟᱨ ᱜᱤᱫᱽᱨᱟᱹ ᱠᱚ ᱞᱟᱹᱜᱤᱫ ᱜᱚᱲᱚ ᱛᱟᱞᱢᱟ ᱡᱟᱦᱟᱸ ᱫᱚ ᱛᱮᱞᱮᱝᱜᱟᱱᱟ ᱯᱩᱞᱤᱥ ᱟᱜ ᱢᱤᱫ ᱮᱛᱚᱦᱚᱵ ᱠᱟᱱᱟ᱾ ᱩᱱᱤ ᱫᱚ ᱱᱚᱣᱟ ᱵᱷᱮᱜᱟᱨ ᱮᱛᱚᱦᱚᱵ ᱢᱤᱥ ᱥᱣᱟᱛᱤ ᱞᱟᱠᱨᱟ ᱟᱭᱤᱯᱤᱮᱥ ᱥᱟᱶ ᱢᱮᱥᱟ ᱠᱟᱛᱮ ᱵᱤᱪᱟᱹᱨ ᱟᱠᱟᱫᱟ ᱦᱤᱸᱥᱟᱹ ᱨᱮᱱ ᱵᱷᱤᱠᱴᱤᱢ ᱠᱚ ᱜᱚᱲᱚ ᱮᱢ ᱞᱟᱹᱜᱤᱫ, ᱛᱤᱨᱞᱟᱹ ᱟᱨ ᱜᱤᱫᱽᱨᱟᱹ ᱵᱟᱱᱟᱨ ᱜᱮ᱾ ᱵᱟᱹᱭᱜᱟᱹᱲ ᱘ ᱥᱮᱨᱢᱟ ᱠᱷᱚᱱ, ᱰᱨ. ᱢᱟᱢᱚᱛᱟ ᱫᱚ ᱵᱷᱚᱨᱳᱥᱟ ᱨᱮ ᱟᱡᱟᱜ ᱥᱮᱵᱟ ᱮ ᱮᱢ ᱟᱹᱜᱩ ᱟᱠᱟᱫᱟ ᱟᱨ ᱛᱟᱞᱢᱟ ᱞᱟᱹᱜᱤᱫ ᱛᱮᱜᱤᱧ ᱦᱚᱸ ᱮ ᱫᱚᱦᱚ ᱟᱹᱜᱩ ᱟᱠᱟᱫᱟ᱾ ᱵᱷᱚᱨᱳᱥᱟ ᱫᱚ ᱤᱱᱴᱤᱜᱽᱨᱮᱴᱮᱰ ᱥᱮᱵᱟᱭ ᱮᱢᱟ, ᱡᱮᱞᱮᱠᱟ ᱴᱨᱚᱢᱟ ᱠᱟᱣᱩᱱᱥᱤᱞᱤᱝ, ᱵᱷᱤᱠᱴᱤᱢ ᱠᱚ ᱟᱨ ᱞᱤᱜᱟᱞ, ᱢᱮᱰᱤᱠᱟᱞ, ᱯᱩᱞᱤᱥ ᱟᱨ ᱯᱨᱳᱥᱤᱠᱭᱩᱥᱚᱱ ᱜᱚᱲᱚ, ᱡᱚᱛᱚ ᱢᱤᱫ ᱪᱷᱟᱛ ᱞᱟᱛᱟᱨ ᱨᱮ᱾ ᱵᱷᱤᱠᱴᱤᱢ ᱫᱚ ᱠᱳᱨᱴ ᱥᱮᱱᱚᱜ ᱵᱟᱝ ᱞᱟᱹᱠᱛᱤᱜᱼᱟ ᱪᱮᱫᱟᱜ ᱥᱮ ᱵᱷᱚᱨᱳᱥᱟ ᱨᱮ ᱵᱤᱰᱤᱭᱳ ᱠᱚᱱᱯᱷᱨᱮᱱᱥᱤᱝ ᱨᱮᱱᱟᱜ ᱥᱩᱵᱤᱫᱷᱟ ᱢᱮᱱᱟᱜᱼᱟ ᱵᱟᱱᱟᱨ ᱯᱨᱚᱢᱟᱬ ᱨᱮᱠᱚᱨᱰᱤᱝ ᱟᱨ ᱴᱨᱟᱭᱟᱞ ᱯᱨᱚᱥᱮᱥ ᱞᱟᱹᱜᱤᱫ᱾ ᱥᱤᱧᱚᱛ ᱨᱮ ᱱᱚᱝᱠᱟᱱ ᱛᱟᱞᱢᱟ ᱠᱷᱚᱱ ᱢᱤᱫ ᱨᱮ ᱜᱤᱫᱽᱨᱟᱹ ᱵᱟᱹᱲᱤᱡ ᱵᱷᱤᱠᱴᱤᱢ ᱠᱚᱣᱟᱜ ᱥᱴᱮᱴᱢᱮᱱᱴ ᱨᱮᱠᱚᱨᱰ ᱞᱟᱹᱜᱤᱫ ᱢᱤᱫ ᱵᱤᱥᱮᱥ ᱜᱤᱫᱽᱨᱟᱹ ᱯᱷᱮᱱᱰᱞᱤ ᱠᱟᱣᱩᱱᱥᱤᱞᱤᱝ ᱥᱩᱵᱤᱫᱷᱟ ᱢᱮᱱᱟᱜᱼᱟ᱾