ᱢᱟᱦᱤᱢᱟ ᱪᱚᱣᱫᱷᱩᱨᱤ
ᱢᱟᱦᱤᱢᱟ ᱪᱚᱣᱫᱷᱩᱨᱤ (ᱡᱟᱱᱟᱢ ᱖ ᱰᱤᱥᱮᱢᱵᱚᱨ ᱑᱙᱙᱙) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱯᱷᱤᱞᱰ ᱦᱚᱠᱤ ᱠᱷᱮᱞᱚᱸᱰᱤᱭᱟᱹ ᱟᱨ ᱵᱷᱟᱨᱚᱛᱤᱭᱚ ᱛᱤᱨᱞᱟᱹ ᱦᱚᱠᱤ ᱴᱤᱢ ᱨᱮᱱ ᱥᱚᱦᱮᱫ ᱠᱟᱱᱟᱭ᱾ ᱩᱱᱤ ᱫᱚ ᱩᱛᱚᱨ ᱯᱨᱚᱫᱮᱥ ᱨᱮᱱᱟᱜ ᱠᱟᱞᱥᱤ ᱟᱹᱛᱩ ᱨᱮᱭ ᱡᱟᱱᱟᱢ ᱟᱠᱟᱱᱟ᱾ ᱩᱱᱤ ᱫᱚ ᱫᱤᱥᱚᱢ ᱵᱷᱤᱛᱨᱤ ᱦᱚᱠᱤ ᱴᱩᱨᱱᱟᱢᱮᱱᱴ ᱠᱚᱨᱮ ᱤᱱᱰᱤᱭᱟᱱ ᱚᱭᱤᱞ ᱠᱚᱨᱯᱚᱨᱮᱥᱚᱱ ᱞᱤᱢᱤᱴᱮᱰ ᱞᱟᱹᱜᱤᱫ ᱮ ᱠᱷᱮᱞᱟ᱾ ᱩᱱᱤ ᱫᱚ ᱰᱤᱯᱷᱮᱱᱰᱟᱨ ᱞᱮᱠᱟᱛᱮᱭ ᱠᱷᱮᱞᱟ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱟᱦᱤᱢᱟ ᱫᱚ ᱒᱐᱑᱑ ᱥᱟᱞᱮ ᱨᱮ ᱮᱛᱚᱦᱚᱵ ᱞᱮᱫᱟ᱾ ᱩᱱᱤ ᱫᱚ ᱦᱚᱠᱤ ᱤᱱᱰᱤᱭᱟ ᱥᱚᱵᱼᱡᱩᱱᱤᱭᱚᱨ ᱡᱟᱹᱛᱤᱭᱟᱹᱨᱤ ᱪᱟᱢᱯᱤᱭᱚᱱᱥᱤᱯ ᱨᱮ ᱯᱩᱱ ᱥᱮᱨᱢᱟ ᱞᱮᱛᱟᱲ ᱮ ᱠᱷᱮᱞ ᱞᱮᱫᱟ ᱚᱱᱟ ᱛᱟᱭᱚᱢ ᱡᱩᱱᱤᱭᱚᱨ ᱤᱱᱰᱤᱭᱟ ᱠᱮᱢᱯ ᱞᱟᱹᱜᱤᱫ ᱩᱱᱤ ᱡᱟᱹᱛᱤᱭᱟᱹᱨᱤ ᱦᱚᱦᱚᱭ ᱧᱟᱢ ᱞᱮᱫᱟ᱾ ᱩᱛᱚᱨ ᱯᱨᱚᱫᱮᱥ ᱨᱮᱱᱟᱜ ᱢᱤᱫ ᱠᱟᱹᱴᱤᱡ ᱟᱹᱛᱩ ᱠᱟᱞᱥᱤ ᱨᱮᱱᱟᱜ ᱨᱚᱨ ᱜᱷᱟᱨᱚᱸᱡᱽ ᱠᱷᱚᱱ ᱦᱮᱡ ᱠᱟᱛᱮ, ᱟᱡ ᱜᱷᱟᱨᱚᱸᱡᱽ ᱫᱚ ᱦᱚᱠᱤ ᱠᱷᱮᱞ ᱨᱮ ᱜᱚᱲᱚ ᱮᱢ ᱞᱟᱹᱜᱤᱫ ᱥᱚᱱᱤᱯᱟᱛ, ᱦᱟᱨᱤᱭᱟᱱᱟ ᱠᱚ ᱩᱪᱟᱹᱲ ᱮᱱᱟ᱾
ᱦᱚᱠᱤ ᱠᱮᱨᱤᱭᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱑᱕ ᱥᱟᱞᱮ ᱨᱮ, ᱩᱱᱤ ᱫᱚ ᱪᱷᱚᱛᱤᱥᱜᱚᱰ ᱨᱮ ᱕ ᱟᱱᱟᱜ ᱦᱚᱠᱤ ᱤᱱᱰᱤᱭᱟ ᱡᱩᱱᱤᱭᱚᱨ ᱡᱟᱹᱛᱤᱭᱟᱹᱨᱤ ᱪᱟᱢᱯᱤᱭᱚᱱᱥᱤᱯ ᱨᱮ ᱦᱟᱨᱤᱭᱟᱱᱟᱭ ᱨᱮᱯᱨᱮᱡᱮᱱᱴ ᱞᱮᱫᱟ᱾ ᱰᱤᱥᱮᱢᱵᱚᱨ ᱒᱐᱒᱑ ᱥᱟᱞᱮ ᱨᱮ, ᱩᱱᱤ ᱫᱚ ᱡᱟᱱᱩᱣᱟᱨᱤ ᱨᱮ ᱛᱤᱨᱞᱟᱹ ᱠᱚᱣᱟᱜ ᱮᱥᱤᱭᱟ ᱠᱟᱯ ᱒᱐᱒᱒ ᱞᱟᱹᱜᱤᱫ ᱵᱮᱝᱜᱟᱞᱩᱨᱩ ᱨᱮ ᱤᱱᱰᱤᱭᱟ ᱠᱮᱢᱯ ᱞᱟᱹᱜᱤᱫ ᱖᱐ ᱜᱚᱴᱟᱝ ᱥᱚᱢᱵᱷᱟᱵᱤᱛ ᱠᱚ ᱛᱟᱞᱟ ᱨᱮ ᱧᱩᱛᱩᱢ ᱮ ᱧᱟᱢ ᱞᱮᱫᱟ᱾ ᱩᱱᱤ ᱫᱚ ᱢᱮ ᱒᱐᱒᱒ ᱥᱟᱞᱮ ᱨᱮ ᱔ ᱠᱷᱚᱱ ᱕ ᱡᱩᱱ ᱫᱷᱟᱹᱵᱤᱡ ᱞᱚᱥᱟᱱ, ᱥᱣᱤᱴᱡᱟᱨᱞᱮᱱᱰ ᱨᱮ ᱦᱩᱭ ᱞᱮᱱ ᱯᱩᱭᱞᱩ ᱮᱯᱷᱟᱭᱤᱮᱪ ᱛᱤᱨᱞᱟᱹ ᱦᱚᱠᱤ ᱕ ᱮᱥ ᱴᱩᱨᱱᱟᱢᱮᱱᱴ ᱞᱟᱹᱜᱤᱫ ᱟᱨᱮ ᱥᱚᱦᱮᱫ ᱟᱱ ᱵᱷᱟᱨᱚᱛᱤᱭᱚ ᱛᱤᱨᱞᱟᱹ ᱦᱚᱠᱤ ᱴᱤᱢ ᱨᱮ ᱩᱯᱼᱠᱟᱯᱴᱟᱱ ᱞᱮᱠᱟᱛᱮ ᱵᱟᱪᱷᱚᱱ ᱦᱩᱭ ᱞᱮᱱᱟ᱾ ᱩᱱᱤ ᱫᱚ ᱛᱷᱟᱭᱞᱮᱱᱰ ᱗–᱒ ᱛᱮ ᱦᱟᱨᱟᱣ ᱠᱟᱛᱮ ᱯᱩᱭᱞᱩ ᱛᱤᱨᱞᱟᱹ ᱦᱚᱠᱤ ᱕ ᱮᱥ ᱮᱥᱤᱭᱟ ᱠᱟᱯ ᱨᱮᱱᱟᱜ ᱯᱷᱟᱭᱱᱟᱞ ᱨᱮ ᱡᱤᱛᱠᱟᱹᱨ ᱜᱳᱞ ᱮ ᱮᱢ ᱞᱮᱫᱟ᱾ ᱱᱚᱣᱟ ᱫᱚ ᱒᱐᱒᱔ ᱥᱟᱞᱮ ᱨᱮ ᱦᱩᱭᱩᱜ ᱞᱟᱹᱜᱤᱫ ᱛᱤᱨᱞᱟᱹ ᱦᱚᱠᱤ ᱕ ᱮᱥ ᱣᱟᱨᱞᱰ ᱠᱟᱯ ᱞᱟᱹᱜᱤᱫ ᱮᱥᱤᱭᱟ ᱨᱮᱱᱟᱜ ᱠᱣᱟᱞᱤᱯᱷᱟᱭᱤᱝ ᱴᱩᱨᱱᱟᱢᱮᱱᱴ ᱛᱟᱦᱮᱸ ᱠᱟᱱᱟ᱾