ᱢᱟᱦᱮ ᱜᱟᱰᱟ

ᱢᱟᱦᱮ ᱜᱟᱰᱟ (ᱢᱟᱭᱭᱟᱡᱷᱤᱯᱩᱡᱷᱟ)
ᱫᱤᱥᱚᱢ	ᱥᱤᱧᱚᱛ
Physical characteristics
Main source	ᱯᱟᱪᱮ ᱜᱷᱟᱴ
ᱜᱟᱰᱟ ᱰᱟᱦᱟᱨ	ᱟᱨᱚᱵᱽ ᱫᱚᱨᱭᱟ

ᱢᱟᱦᱮ ᱜᱟᱰᱟ ( /ˈmɑːheɪ/) ᱡᱟᱱᱟᱢ ᱟᱲᱟᱝ ᱛᱮ ᱫᱚ ᱢᱟᱭᱭᱟᱡᱷᱤᱯᱩᱡᱷᱟ (ml) ᱫᱚ ᱮᱛᱚᱢ ᱥᱤᱧᱚᱛ ᱨᱮᱱᱟᱜ ᱢᱤᱫ ᱜᱟᱰᱟ ᱠᱟᱱᱟ ᱾ ᱱᱚᱶᱟ ᱫᱚ ᱠᱮᱨᱟᱞᱟ ᱯᱚᱱᱚᱛ ᱟᱨ ᱯᱩᱰᱩᱪᱮᱨᱤ ᱨᱮᱭᱟᱜ ᱫᱚᱨᱭᱟ ᱟᱲᱮ ᱮᱠᱥᱠᱞᱮᱵᱽ ᱢᱟᱦᱮ ᱥᱮᱫ ᱛᱮ ᱞᱤᱸᱜᱤᱱ ᱠᱟᱱᱟ ᱾

ᱢᱟᱦᱮ ᱜᱟᱰᱟ ᱫᱚ ᱣᱟᱭᱱᱟᱰ ᱦᱚᱱᱚᱛ ᱨᱮᱱᱟᱜ ᱯᱟᱪᱮ ᱜᱷᱟᱴ ᱨᱮᱭᱟᱜ ᱰᱷᱚᱞᱟᱱ ᱠᱷᱚᱱ ᱚᱸᱰᱚᱠ ᱟᱠᱟᱱᱟ ᱾ ᱮᱛᱚᱦᱚᱵ ᱨᱮ, ᱱᱚᱶᱟ ᱜᱟᱰᱟ ᱫᱚ ᱠᱳᱡᱷᱤᱠᱳᱰ ᱦᱚᱱᱚᱛ ᱨᱮᱱᱟᱜ ᱥᱟᱢᱟᱝ ᱥᱮᱦᱮᱫ ᱵᱩᱨᱩ ᱥᱚᱦᱚᱨ ᱠᱚ ᱡᱮᱞᱮᱠᱟ ᱵᱷᱤᱞᱟᱝᱜᱚᱰ, ᱵᱷᱟᱱᱤᱢᱟᱞ, ᱡᱟᱛᱷᱤᱭᱮᱨᱤ ᱟᱨ ᱱᱟᱫᱟᱯᱩᱨᱟᱢ ᱥᱮᱫ ᱛᱮ ᱞᱤᱸᱜᱤᱱᱟ ᱾ ᱚᱱᱟ ᱛᱟᱭᱚᱢ, ᱜᱟᱰᱟ ᱫᱚ ᱢᱟᱞᱟᱵᱟᱨ ᱥᱚᱢᱟᱱ ᱴᱚᱴᱷᱟ ᱨᱮ ᱵᱚᱞᱚᱱᱟ ᱡᱟᱦᱟᱸ ᱨᱮ ᱱᱚᱶᱟ ᱫᱚ ᱟᱭᱢᱟ ᱥᱚᱦᱚᱨ ᱥᱮᱫ ᱛᱮ ᱞᱤᱸᱜᱤᱱᱟ, ᱡᱟᱦᱟᱸ ᱨᱮ ᱯᱟᱨᱟᱠᱠᱟᱫᱟᱵᱷᱩ, ᱠᱟᱫᱟᱵᱷᱟᱛᱷᱩᱨ, ᱯᱮᱨᱤᱝᱜᱟᱛᱷᱩᱨ, ᱮᱨᱟᱢᱟᱞᱟ, ᱠᱩᱱᱱᱩᱠᱟᱨᱟ, ᱠᱟᱨᱤᱭᱟᱰ ᱟᱨ ᱯᱮᱨᱤᱝᱜᱟᱱᱫᱩᱨ ᱥᱮᱞᱮᱫ ᱢᱮᱱᱟᱜᱼᱟ ᱾ ᱜᱟᱰᱟ ᱫᱚ ᱚᱱᱟ ᱛᱟᱭᱚᱢ ᱛᱟᱞᱢᱟ ᱥᱟᱥᱚᱱᱮᱫ ᱮᱞᱟᱠᱟ ᱢᱟᱦᱮ ᱨᱮᱱᱟᱜ ᱠᱚᱧᱮ ᱥᱤᱢᱟᱹ ᱥᱮᱫ ᱛᱮ ᱞᱤᱸᱜᱤᱱᱟ ᱟᱨ ᱟᱨᱚᱵᱽ ᱫᱚᱨᱭᱟ ᱨᱮ ᱢᱮᱥᱟᱜᱼᱟ ᱾

ᱠᱟᱹᱣᱰᱤᱭᱟᱹᱨᱤ

ᱱᱚᱣᱟ ᱜᱟᱰᱟ ᱡᱟᱦᱟᱸ ᱴᱚᱴᱷᱟ ᱥᱮᱫ ᱛᱮ ᱞᱤᱸᱜᱤᱱ ᱠᱟᱱᱟ, ᱚᱸᱰᱮᱱᱟᱜ ᱠᱟᱹᱣᱰᱤᱭᱟᱹᱨᱤ ᱨᱮ ᱱᱚᱣᱟ ᱨᱮᱱᱟᱜ ᱚᱨᱥᱚᱝ ᱫᱚ ᱟᱹᱰᱤ ᱠᱚᱢ ᱜᱮᱭᱟ ᱾ ᱥᱮᱫᱟᱭ ᱚᱠᱛᱚ ᱨᱮ, ᱱᱚᱣᱟ ᱜᱟᱰᱟ ᱫᱚ ᱵᱷᱤᱛᱨᱤ ᱟᱹᱛᱩ ᱠᱚ ᱠᱷᱚᱱ ᱢᱟᱦᱮ ᱟᱨ ᱚᱸᱰᱮ ᱠᱷᱚᱱ ᱨᱩᱣᱟᱹᱲ ᱡᱤᱱᱤᱥ ᱠᱚ ᱤᱫᱤ ᱟᱹᱜᱩ ᱟᱨ ᱫᱟᱜ ᱰᱟᱦᱟᱨ ᱛᱮ ᱦᱤᱡᱩᱜ ᱥᱮᱱᱚᱜ ᱞᱟᱹᱜᱤᱫ ᱵᱮᱵᱷᱟᱨᱚᱜ ᱠᱟᱱ ᱛᱟᱦᱮᱸᱫ ᱾ ᱯᱩᱰᱩᱪᱮᱨᱤ ᱥᱚᱨᱠᱟᱨ ᱫᱚ ᱜᱟᱰᱟ ᱢᱚᱪᱟ ᱨᱮ ᱦᱟᱹᱠᱩ ᱥᱟᱵ ᱞᱟᱹᱜᱤᱫ ᱢᱤᱫᱴᱟᱹᱝ ᱡᱟᱦᱟᱡᱽ ᱜᱷᱟᱴ ᱵᱮᱱᱟᱣ ᱨᱮᱱᱟᱜ ᱮ ᱯᱞᱟᱱ ᱟᱠᱟᱫᱼᱟ ᱾ ᱮᱱᱛᱮ ᱨᱮᱦᱚᱸ, ᱴᱮᱠᱱᱤᱠᱟᱞ ᱮᱴᱠᱮᱴᱚᱬᱮ ᱠᱷᱟᱹᱛᱤᱨ, ᱱᱚᱶᱟ ᱡᱟᱦᱟᱡᱽ ᱜᱷᱟᱴ (ᱡᱟᱦᱟᱸ ᱫᱚ ᱵᱮᱱᱟᱣᱜ ᱠᱟᱱᱟ) ᱫᱚ ᱜᱟᱰᱟ ᱢᱚᱪᱟ ᱡᱟᱯᱟᱜ ᱫᱚᱨᱭᱟ ᱟᱲᱮ (ᱵᱤᱪ) ᱨᱮ ᱢᱮᱱᱟᱜᱼᱟ ᱾ ᱢᱟᱦᱮ ᱨᱮ ᱧᱮᱧᱮᱞᱤᱭᱟᱹ ᱠᱚ ᱟᱠᱚᱨᱥᱚᱱ ᱵᱟᱹᱲᱛᱤ ᱦᱚᱪᱚᱭ ᱞᱟᱹᱜᱤᱫ, ᱯᱩᱰᱩᱪᱮᱨᱤ ᱥᱚᱨᱠᱟᱨ ᱦᱚᱛᱮᱛᱮ ᱜᱟᱰᱟ ᱟᱲᱮ ᱨᱮ ᱢᱤᱫ ᱛᱟᱲᱟᱢ ᱰᱟᱦᱟᱨ ᱦᱚᱸ ᱵᱮᱱᱟᱣᱜ ᱠᱟᱱᱟ (ᱡᱟᱦᱟᱸ ᱫᱚ ᱢᱟᱦᱮ ᱨᱮᱭᱟᱜ ᱢᱚᱧᱡᱟᱠᱠᱚᱞ ᱨᱮ ᱢᱮᱱᱟᱜ ᱫᱟᱜ ᱠᱷᱮᱞᱚᱸᱰ ᱠᱚᱢᱯᱞᱮᱠᱥ ᱠᱷᱚᱱ ᱮᱦᱚᱵ ᱠᱟᱛᱮ ᱜᱟᱰᱟ ᱟᱲᱮ ᱛᱮ [ᱦᱟᱹᱠᱩ ᱥᱟᱵ ᱡᱟᱦᱟᱡᱽ ᱜᱷᱟᱴ] ᱨᱮᱱᱟᱜ ᱵᱨᱮᱠᱣᱟᱴᱟᱨ ᱫᱷᱟᱹᱵᱤᱡ ᱯᱟᱥᱱᱟᱣ ᱟᱠᱟᱱᱟ)᱾

ᱵᱟᱰᱟᱭ ᱡᱚᱝ ᱠᱟᱛᱷᱟ

ᱵᱨᱤᱴᱤᱥ ᱨᱟᱡᱽ ᱚᱠᱛᱚ ᱨᱮ, ᱢᱟᱦᱮ ᱜᱟᱰᱟ ᱫᱚ ᱤᱝᱞᱤᱥ ᱪᱮᱱᱮᱞ ᱢᱮᱱᱛᱮ ᱠᱚ ᱧᱩᱢ ᱞᱮᱫ ᱛᱟᱦᱮᱸᱫ, ᱪᱮᱫᱟᱜ ᱥᱮ ᱱᱚᱣᱟ ᱫᱚ ᱵᱨᱤᱴᱤᱥ ᱥᱟᱥᱚᱱ ᱨᱮ ᱢᱮᱱᱟᱜ ᱛᱷᱟᱞᱟᱥᱥᱮᱨᱤ ᱠᱷᱚᱱ ᱯᱷᱨᱮᱸᱪ ᱥᱟᱥᱚᱱ ᱨᱮ ᱢᱮᱱᱟᱜ ᱢᱟᱦᱮ ᱵᱷᱮᱜᱟᱨᱮᱫ ᱛᱟᱦᱮᱸᱫ ᱾

ᱦᱚᱲ ᱠᱩᱥᱤ ᱞᱟᱠᱪᱟᱨ ᱨᱮ

ᱱᱚᱶᱟ ᱜᱟᱰᱟ ᱨᱮᱱᱟᱜ ᱠᱟᱛᱷᱟ ᱫᱚ ᱮᱢ. ᱢᱩᱠᱩᱱᱫᱚᱱ ᱟᱜ ᱑᱙᱗᱔ ᱥᱟᱞᱮ ᱨᱮᱱᱟᱜ ᱥᱚᱨᱮᱥ ᱜᱟᱢᱟᱢ ᱢᱟᱭᱭᱟᱡᱷᱤᱯᱯᱩᱡᱷᱟᱭᱩᱰᱮ ᱛᱷᱤᱨᱟᱝᱜᱟᱞᱤᱞ (ᱡᱟᱦᱟᱸ ᱨᱮᱱᱟᱜ ᱢᱟᱞᱟᱭᱟᱞᱟᱢ ᱢᱮᱱᱮᱛ ᱫᱚ "ᱢᱟᱦᱮ ᱜᱟᱰᱟ ᱟᱲᱮ ᱨᱮ") ᱨᱮ ᱧᱩᱢ ᱟᱠᱟᱱᱟ ᱾