ᱢᱟᱦᱮ ᱡᱟᱵᱤᱱ
ᱢᱟᱦᱮ ᱡᱟᱵᱤᱱ (ᱡᱟᱱᱟᱢ ᱑᱙᱖᱑) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱚᱱᱚᱲᱦᱮᱸ ᱚᱞᱤᱭᱟᱹ, ᱟᱭᱤᱱ ᱵᱟᱹᱠᱤᱞ ᱟᱨ ᱞᱩᱜᱩᱱ ᱦᱚᱠ ᱠᱟᱹᱢᱤᱭᱟᱹ ᱠᱟᱱᱟᱭ, ᱟᱨ ᱩᱱᱤ ᱫᱚ ᱟᱡᱟᱜ ᱥᱟᱶᱛᱟ ᱥᱮᱵᱟ ᱞᱟᱹᱜᱤᱫ ᱨᱟᱡᱤᱵ ᱜᱟᱱᱫᱷᱤ ᱢᱟᱱᱟᱵ ᱥᱮᱵᱟ ᱥᱤᱨᱯᱷᱟᱹ ᱦᱚᱸᱭ ᱟᱢᱮᱴ ᱟᱠᱟᱫᱼᱟ ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱟᱦᱟ ᱡᱟᱵᱤᱱ ᱢᱚᱦᱟᱢᱢᱚᱫ, ᱡᱟᱦᱟᱸᱭ ᱫᱚ ᱢᱟᱦᱮ ᱡᱟᱵᱤᱱ ᱧᱩᱛᱩᱢ ᱛᱮ ᱵᱟᱹᱲᱛᱤ ᱵᱟᱰᱟᱭᱚᱜ ᱠᱟᱱᱟ, ᱩᱱᱤ ᱫᱚ ᱑᱙᱖᱑ ᱥᱟᱞᱮᱨᱮ ᱱᱮᱞᱞᱳᱨ ᱨᱮ ᱢᱤᱫ ᱢᱩᱥᱞᱤᱢ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟ ᱾ ᱩᱱᱤ ᱨᱮᱱ ᱵᱟᱵᱟ ᱫᱚ ᱦᱚᱱᱚᱛ ᱠᱚᱨᱴ ᱨᱮᱱ ᱟᱭᱤᱱ ᱵᱟᱹᱠᱤᱞ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱨᱮᱱ ᱟᱭᱳ ᱫᱚ ᱥᱚᱨᱠᱟᱨᱤ ᱥᱟᱶᱛᱟ ᱜᱚᱲᱚ ᱦᱚᱥᱴᱮᱞ ᱨᱮ ᱯᱟᱨᱴ ᱴᱟᱭᱤᱢ ᱢᱟᱪᱮᱛᱟᱹᱱᱤ ᱞᱮᱠᱟᱛᱮ ᱠᱟᱹᱢᱤ ᱠᱟᱱ ᱛᱟᱦᱮᱸᱫ ᱾ ᱨᱮᱸᱜᱮᱡ ᱥᱟᱶ ᱮ ᱥᱟᱢᱟᱝ ᱞᱮᱱ ᱠᱷᱟᱹᱛᱤᱨ ᱩᱱᱤ ᱫᱚ ᱨᱮᱸᱜᱮᱡ ᱜᱤᱫᱽᱨᱟᱹ ᱠᱷᱚᱱ ᱜᱚᱲᱚ ᱧᱟᱢ ᱠᱟᱛᱮ ᱠᱨᱤᱥᱛᱟᱱ ᱢᱤᱥᱚᱱᱟᱨᱤ ᱥᱠᱩᱞ ᱠᱷᱚᱱ ᱮᱞᱤᱢᱮᱱᱴᱨᱤ ᱥᱮᱪᱮᱫ ᱮ ᱧᱟᱢ ᱠᱮᱫᱼᱟ ᱾
ᱯᱟᱹᱴᱷᱩᱣᱟᱹ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱑᱙᱘᱕ ᱥᱟᱞᱮᱨᱮ ᱮᱥ. ᱵᱷᱤ. ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱛᱤᱨᱩᱯᱚᱛᱤ ᱠᱷᱚᱱ ᱜᱤᱫᱽᱨᱟᱹ ᱢᱚᱱᱚᱵᱤᱜᱭᱟᱱ ᱨᱮ ᱵᱤᱥᱮᱥ ᱥᱮᱪᱮᱫ ᱥᱟᱶ ᱟᱡᱟᱜ ᱟᱱᱰᱟᱨᱜᱨᱮᱡᱩᱮᱴ ᱮ ᱧᱟᱢ ᱠᱮᱫᱼᱟ ᱟᱨ ᱑᱙᱘᱗ ᱥᱟᱞᱮᱨᱮ ᱥᱨᱤ ᱯᱟᱫᱽᱢᱟᱵᱷᱟᱛᱤ ᱛᱤᱨᱞᱟᱹ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱛᱤᱨᱩᱯᱚᱛᱤ ᱠᱷᱚᱱ ᱛᱤᱨᱞᱟᱹ ᱟᱨ ᱜᱤᱫᱽᱨᱟᱹ ᱠᱟᱞᱭᱟᱬ ᱨᱮ ᱵᱤᱥᱮᱥ ᱥᱮᱪᱮᱫ ᱥᱟᱶ ᱢᱟᱥᱴᱟᱨ ᱰᱤᱜᱽᱨᱤ ᱮ ᱧᱟᱢ ᱠᱮᱫᱼᱟ ᱾ ᱩᱱᱤ ᱫᱚ ᱑᱙᱙᱙ ᱥᱟᱞᱮᱨᱮ ᱦᱟᱭᱫᱽᱨᱟᱵᱟᱫᱽ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱦᱤᱭᱩᱢᱟᱱ ᱨᱟᱭᱤᱴᱥ ᱨᱮ ᱢᱤᱫ ᱯᱚᱥᱴᱜᱨᱮᱡᱩᱮᱴ ᱰᱤᱯᱞᱚᱢᱟ ᱮ ᱟᱨᱡᱟᱣ ᱠᱮᱫᱼᱟ ᱾ ᱩᱱᱤ ᱫᱚ ᱒᱐᱐᱒ ᱥᱟᱞᱮᱨᱮ ᱩᱥᱢᱟᱱᱤᱭᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱦᱟᱭᱫᱽᱨᱟᱵᱟᱫᱽ ᱠᱷᱚᱱ ᱛᱤᱨᱞᱟᱹ ᱦᱚᱠ ᱨᱮ ᱵᱤᱥᱮᱥ ᱥᱮᱪᱮᱫ ᱥᱟᱶ ᱮᱞ.ᱮᱞ.ᱵᱤ. ᱮ ᱯᱩᱨᱟᱹᱣ ᱠᱮᱫᱼᱟ ᱾
ᱦᱤᱭᱩᱢᱟᱱ ᱨᱟᱭᱤᱴᱥ ᱠᱟᱹᱢᱤᱭᱟᱹ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱟᱵᱤᱱ ᱫᱚ ᱡᱩᱢᱤᱫᱽ ᱛᱤᱨᱞᱟᱹ ᱯᱨᱚᱜᱽᱨᱟᱢ ᱨᱮᱱᱟᱜ ᱟᱱᱫᱷᱨᱟ ᱯᱨᱚᱫᱮᱥ ᱪᱟᱯᱴᱟᱨ ᱨᱮᱱ ᱯᱨᱚᱜᱽᱨᱟᱢ ᱥᱮᱠᱨᱮᱴᱟᱨᱤ ᱠᱟᱱᱟᱭ, ᱱᱚᱣᱟ ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱛᱤᱨᱞᱟᱹ ᱜᱟᱶᱛᱟ ᱠᱟᱱᱟ ᱾ ᱩᱱᱤ ᱫᱚ ᱡᱚᱣᱛᱩᱠ ᱦᱟᱨᱟᱥᱢᱮᱱᱴ, ᱵᱟᱯᱞᱟ ᱨᱮᱱᱟᱜ ᱮᱴᱠᱮᱴᱚᱬᱮ, ᱜᱷᱟᱨᱚᱸᱡᱽ ᱦᱤᱸᱥᱟᱹ ᱟᱨ ᱛᱤᱨᱞᱟᱹ ᱠᱚ ᱞᱟᱹᱜᱤᱫ ᱠᱚᱢ ᱚᱠᱛᱚ ᱨᱮᱱᱟᱜ ᱵᱟᱥᱟ ᱴᱷᱟᱶ ᱞᱮᱠᱟᱱ ᱢᱩᱫᱽᱫᱟᱹ ᱪᱮᱛᱟᱱ ᱨᱮ ᱣᱟᱨᱠᱥᱚᱯ ᱟᱨ ᱥᱮᱪᱮᱫ ᱯᱨᱚᱜᱽᱨᱟᱢ ᱮ ᱥᱟᱯᱲᱟᱣᱟ ᱾ ᱩᱱᱤ ᱫᱚ ᱯᱚᱨᱤᱵᱮᱥ ᱢᱩᱫᱽᱫᱟᱹ, ᱛᱤᱨᱞᱟᱹ ᱠᱚᱣᱟᱜ ᱨᱟᱡᱽᱟᱹᱨᱤ ᱦᱚᱠ ᱟᱨ ᱮᱴᱟᱜ ᱡᱮᱱᱰᱟᱨ ᱥᱟᱹᱜᱟᱹᱭ ᱢᱮᱱᱟᱜ ᱢᱩᱫᱽᱫᱟᱹ ᱪᱮᱛᱟᱱ ᱨᱮ ᱦᱚᱸ ᱦᱚᱲ ᱠᱚᱣᱟᱜ ᱡᱟᱣᱨᱟ ᱦᱚᱸᱭ ᱥᱟᱯᱲᱟᱣᱟ ᱾ ᱢᱟᱦᱮ ᱡᱟᱵᱤᱱ ᱫᱚ ᱛᱤᱨᱞᱟᱹ ᱟᱨ ᱜᱤᱫᱽᱨᱟᱹ ᱞᱟᱹᱜᱤᱫ ᱯᱷᱤᱱᱤᱠᱥ ᱚᱨᱜᱮᱱᱟᱭᱤᱡᱮᱥᱟᱱ ᱨᱮᱱ ᱥᱮᱠᱨᱮᱴᱟᱨᱤ ᱦᱚᱸ ᱠᱟᱱᱟᱭ ᱾ ᱱᱚᱣᱟ ᱜᱟᱶᱛᱟ ᱨᱮᱱᱟᱜ ᱦᱟᱹᱴᱤᱧ ᱞᱮᱠᱟᱛᱮ, ᱩᱱᱤ ᱫᱚ ᱞᱩᱜᱩᱱ ᱛᱤᱨᱞᱟᱹ ᱟᱨ ᱜᱤᱫᱽᱨᱟᱹ ᱥᱟᱹᱜᱟᱹᱭ ᱢᱮᱱᱟᱜ ᱢᱩᱫᱽᱫᱟᱹ ᱪᱮᱛᱟᱱ ᱨᱮ ᱵᱟᱰᱟᱭ ᱥᱟᱹᱠᱷᱭᱟᱹᱛ ᱠᱚ ᱟᱨ ᱥᱠᱤᱴ ᱠᱚᱭ ᱥᱟᱯᱲᱟᱣᱟ ᱟᱨ ᱥᱟᱹᱲᱠᱟᱹᱛ ᱨᱮᱱᱟᱜ ᱜᱟᱭᱟᱱ ᱠᱚᱭ ᱰᱟᱭᱨᱮᱠᱴ ᱮᱫᱼᱟ ᱾ ᱩᱱᱤ ᱫᱚ ᱦᱟᱭᱫᱽᱨᱟᱵᱟᱫᱽ ᱦᱟᱭ ᱠᱚᱨᱴ ᱨᱮ ᱟᱭᱤᱱ ᱵᱟᱹᱠᱤᱞ ᱞᱮᱠᱟᱛᱮ ᱦᱚᱸᱭ ᱠᱟᱹᱢᱤ ᱠᱟᱱᱟ ᱟᱨ ᱞᱩᱜᱩᱱ ᱠᱚᱭ ᱵᱤᱱᱟᱹ ᱯᱩᱭᱥᱟᱹ ᱛᱮ ᱟᱭᱤᱱ ᱜᱚᱲᱚ ᱮ ᱮᱢᱟᱣ ᱠᱚᱣᱟ ᱾ ᱢᱟᱦᱮ ᱫᱚ ᱫᱩᱨᱫᱟᱨᱥᱟᱱ ᱦᱚᱛᱮᱛᱮ ᱛᱤᱨᱞᱟᱹ ᱠᱚ ᱞᱟᱹᱜᱤᱫ ᱟᱭᱤᱱ ᱵᱟᱰᱟᱭ ᱟᱨ ᱩᱯᱫᱮᱥ ᱟᱨ ᱜᱷᱟᱨᱚᱸᱡᱽ ᱠᱟᱣᱩᱱᱥᱤᱞᱤᱝ ᱯᱨᱚᱜᱽᱨᱟᱢ ᱪᱮᱛᱟᱱᱟ ᱦᱚᱸᱭ ᱦᱚᱥᱴ ᱠᱮᱫᱼᱟ, ᱱᱚᱣᱟ ᱫᱚ ᱥᱚᱨᱠᱟᱨᱤ ᱴᱤᱵᱷᱤ ᱪᱮᱱᱮᱞ ᱠᱟᱱᱟ ᱾ ᱢᱟᱦᱮ ᱫᱚ ᱜᱤᱫᱽᱨᱟᱹ ᱠᱟᱹᱢᱤ (ᱩᱛᱷᱟᱹᱣ) ᱟᱹᱱ ᱨᱮᱱᱟᱜ ᱯᱨᱚᱵᱷᱟᱣᱥᱟᱞᱤ ᱞᱟᱹᱜᱩ ᱞᱟᱹᱜᱤᱫ ᱦᱚᱸᱭ ᱠᱮᱢᱯᱮᱭᱱ ᱮᱫᱼᱟ ᱾ ᱥᱚᱦᱨᱤ ᱡᱟᱭᱜᱟ ᱨᱮ ᱜᱤᱫᱽᱨᱟᱹ ᱠᱟᱹᱢᱤ ᱩᱨᱩᱢ ᱨᱮ ᱯᱚᱱᱚᱛ ᱠᱟᱹᱢᱤ ᱠᱚᱢᱤᱥᱚᱱᱟᱨ ᱨᱮᱱᱟᱜ ᱚᱯᱷᱤᱥ ᱥᱟᱶ ᱡᱩᱢᱤᱫᱽ ᱠᱟᱛᱮ, ᱩᱱᱤ ᱫᱚ ᱵᱟᱰᱟᱭ ᱨᱚᱯᱚᱲ ᱮ ᱥᱟᱯᱲᱟᱣᱟ ᱟᱨ ᱢᱤᱰᱤᱭᱟ ᱨᱮ ᱟᱨᱴᱤᱠᱤᱞ ᱮ ᱪᱷᱟᱯᱟ ᱮᱫᱼᱟ ᱾
ᱚᱱᱚᱞᱤᱭᱟᱹ ᱩᱱᱤ ᱫᱚ ᱠᱮᱱᱫᱽᱨᱮᱭᱟ ᱥᱟᱦᱤᱛᱭᱟ ᱟᱠᱟᱫᱮᱢᱤ ᱨᱮᱱᱟᱜ ᱯᱟᱨᱥᱟᱞ ᱨᱮ ᱟᱭᱢᱟ ᱜᱚᱴᱟᱝ ᱚᱱᱚᱲᱦᱮᱸ ᱪᱷᱟᱯᱟ ᱦᱟᱠᱟᱫᱼᱟ ᱾ ᱩᱱᱤᱭᱟᱜ ᱚᱱᱚᱲᱦᱮᱸ ᱠᱚ ᱱᱤᱞᱤ ᱢᱮᱜᱷᱟᱞᱩ ᱨᱮ ᱦᱚᱸ ᱥᱮᱞᱮᱫ ᱛᱟᱦᱮᱸ ᱠᱟᱱᱟ, ᱱᱚᱣᱟ ᱫᱚ ᱑᱙᱙᱕ ᱥᱟᱞᱮᱨᱮ ᱵᱷᱳᱞᱜᱟ ᱟᱨ ᱮᱴᱟᱜ ᱚᱱᱚᱞᱤᱭᱟᱹ ᱠᱚ ᱦᱚᱛᱮᱛᱮ ᱥᱟᱯᱲᱟᱣ ᱟᱠᱟᱱ ᱢᱤᱫ ᱯᱷᱮᱢᱤᱱᱤᱥᱴ ᱚᱱᱚᱲᱦᱮᱸ ᱛᱟᱦᱮᱸ ᱠᱟᱱᱟ ᱾ ᱩᱱᱤᱭᱟᱜ ᱛᱷᱤᱢ ᱨᱮ ᱡᱮᱱᱰᱟᱨ ᱵᱷᱮᱫᱽᱵᱷᱟᱣ, ᱢᱟᱹᱱᱢᱤ ᱦᱚᱠ, ᱮᱛᱷᱱᱤᱠ ᱯᱟᱲᱦᱟᱣ, ᱦᱚᱲ ᱠᱚᱣᱟᱜ ᱞᱟᱲᱟᱣᱱᱟ, ᱢᱩᱥᱞᱤᱢ ᱟᱨ ᱱᱟᱠᱥᱟᱞ ᱞᱩᱜᱩᱱ ᱮᱴᱠᱮᱴᱚᱬᱮ ᱟᱨ ᱯᱷᱮᱢᱤᱱᱤᱡᱤᱢ ᱥᱮᱞᱮᱫ ᱢᱮᱱᱟᱜᱼᱟ ᱾ ᱚᱱᱚᱲᱦᱮᱸ ᱚᱞ ᱥᱟᱶᱛᱮ, ᱩᱱᱤ ᱫᱚ ᱱᱚᱣᱟ ᱢᱩᱫᱽᱫᱟᱹ ᱪᱮᱛᱟᱱ ᱨᱮ ᱟᱭᱢᱟ ᱥᱤᱧᱚᱛᱤᱭᱟᱹ ᱢᱮᱜᱟᱡᱤᱱ ᱞᱟᱹᱜᱤᱫ ᱟᱨᱴᱤᱠᱤᱞ ᱮ ᱚᱞᱟ ᱾ ᱩᱱᱤᱭᱟᱜ ᱢᱤᱫ ᱚᱱᱚᱲᱦᱮᱸ, ‘ᱥᱟᱹᱲᱠᱟᱹᱛ ᱨᱮᱱ ᱜᱤᱫᱽᱨᱟᱹ’ ᱟᱱᱫᱷᱨᱟ ᱯᱨᱚᱫᱮᱥ ᱯᱚᱱᱚᱛ ᱨᱮᱱᱟᱜ ᱵᱚᱨᱰ ᱚᱯᱷ ᱥᱮᱠᱮᱱᱰᱟᱨᱤ ᱮᱰᱩᱠᱮᱥᱚᱱ ᱦᱚᱛᱮᱛᱮ ᱫᱚᱥ ᱪᱟᱱᱚᱪ ᱞᱟᱹᱜᱤᱫ ᱥᱤᱞᱮᱵᱚᱥ ᱨᱮ ᱥᱮᱞᱮᱫ ᱢᱮᱱᱟᱜᱼᱟ ᱾
ᱥᱤᱨᱯᱷᱟᱹ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱒᱐᱐᱙ ᱥᱟᱞᱮᱨᱮ ᱛᱮᱞᱩᱜᱩ ᱵᱷᱟᱥᱟ ᱯᱩᱨᱚᱥᱠᱟᱨᱟᱢ ᱟᱱᱫᱷᱨᱟ ᱯᱨᱚᱫᱮᱥ ᱯᱚᱱᱚᱛ ᱥᱚᱨᱠᱟᱨ, ᱥᱤᱧᱚᱛ ᱨᱮᱱᱟᱜ ᱟᱫᱷᱤᱠᱟᱨᱟ ᱵᱷᱟᱥᱟ ᱥᱟᱝᱜᱷᱟᱢ ᱠᱷᱚᱱ ᱾
- ᱥᱛᱨᱤ ᱥᱟᱠᱛᱤ ᱯᱩᱨᱚᱥᱠᱟᱨ ᱠᱟᱱᱟᱜᱤ ᱥᱤᱨᱯᱷᱟᱹ ᱒᱐᱐᱘ ᱥᱟᱞᱮᱨᱮ ᱥᱤᱧᱚᱛ ᱥᱚᱨᱠᱟᱨ ᱠᱷᱚᱱ ᱾
- ᱒᱐᱐᱗ ᱥᱟᱞᱮ ᱨᱮ ᱜᱤᱫᱽᱨᱟᱹ ᱦᱚᱠ ᱢᱩᱫᱽᱫᱟᱹ ᱪᱮᱛᱟᱱ ᱨᱮ ᱢᱤᱫ ᱫᱚᱥᱚᱠ ᱠᱷᱚᱱ ᱵᱟᱹᱲᱛᱤ ᱠᱟᱹᱢᱤ ᱞᱟᱹᱜᱤᱫ ᱥᱤᱧᱚᱛ ᱥᱚᱨᱠᱟᱨ ᱨᱮᱱᱟᱜ ᱛᱤᱨᱞᱟᱹ ᱟᱨ ᱜᱤᱫᱽᱨᱟᱹ ᱩᱛᱱᱟᱹᱣ ᱢᱚᱱᱛᱨᱤ ᱦᱚᱛᱮᱛᱮ ᱨᱟᱡᱤᱵ ᱜᱟᱱᱫᱷᱤ ᱢᱟᱱᱟᱵ ᱥᱮᱵᱟ ᱥᱤᱨᱯᱷᱟᱹ ᱾