ᱢᱟᱦᱵᱟᱥ ᱣᱟᱠᱟᱨ
ᱢᱟᱦᱵᱟᱥ ᱣᱟᱠᱟᱨ ᱫᱚ ᱢᱤᱫ ᱯᱟᱠᱤᱥᱛᱟᱱᱤ ᱵᱟᱰᱚᱦᱤ ᱠᱟᱱᱟᱭ ᱟᱨ ᱵᱮᱸᱰ ᱞᱟᱞ ᱞᱟᱹᱜᱤᱫ ᱢᱤᱫ ᱵᱮᱠᱟᱯ ᱵᱷᱳᱠᱟᱞᱤᱥᱴ ᱠᱟᱱᱟᱭ᱾[᱑] ᱩᱱᱤ ᱫᱚ ᱨᱮᱰᱤᱣᱳ ᱨᱮ ᱢᱤᱫ ᱨᱮᱰᱤᱣᱳ ᱦᱳᱥᱴ ᱞᱮᱠᱟᱛᱮ ᱥᱴᱤᱱᱴ ᱞᱟᱹᱜᱤᱫ ᱦᱚᱸ ᱵᱟᱹᱲᱛᱤ ᱜᱮ ᱵᱟᱰᱟᱭᱚᱜ ᱠᱟᱱᱟ᱾[᱒]
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱟᱦᱵᱟᱥ ᱫᱚ ᱯᱟᱠᱤᱥᱛᱟᱱ ᱨᱮᱭᱟᱜ ᱞᱟᱦᱳᱨ ᱨᱮ ᱢᱮᱱᱟᱜ ᱱᱮᱥᱱᱟᱞ ᱠᱚᱞᱮᱡᱽ ᱚᱯᱷ ᱟᱨᱴᱥ ᱠᱷᱚᱱ ᱴᱮᱠᱥᱴᱟᱭᱤᱞ ᱰᱤᱡᱟᱭᱱᱤᱝ ᱮ ᱯᱟᱲᱦᱟᱣ ᱟᱠᱟᱫᱟ᱾ ᱩᱱᱤ ᱫᱚ ᱮᱛᱚᱦᱚᱵ ᱠᱷᱚᱱ ᱜᱮ ᱥᱮᱨᱮᱧ ᱨᱮ ᱢᱚᱱᱮ ᱛᱟᱦᱮᱸ ᱠᱟᱱ ᱛᱟᱭᱟ᱾ ᱚᱱᱟᱛᱮ, ᱟᱡᱟᱜ ᱯᱟᱲᱦᱟᱣ ᱪᱟᱹᱞᱩ ᱫᱚᱦᱚ ᱵᱚᱫᱚᱞ ᱛᱮ ᱩᱱᱤ ᱚᱱᱟ ᱥᱮᱞᱮᱫ ᱞᱮᱱᱟ ᱡᱟᱦᱟᱸ ᱫᱚ ᱩᱱ ᱚᱠᱛᱚ ᱮᱯᱷᱮᱢ ᱨᱮᱰᱤᱣᱳ ᱥᱴᱮᱥᱚᱱ ᱨᱮᱭᱟᱜ ᱟᱹᱰᱤ ᱱᱟᱣᱟ ᱜᱷᱚᱴᱚᱱ ᱛᱟᱦᱮᱸ ᱠᱟᱱᱟ᱾
ᱨᱮᱰᱤᱣᱳ ᱡᱳᱠᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱒᱐᱐᱐ ᱠᱷᱚᱱ ᱒᱐᱐᱖ ᱫᱷᱟᱹᱵᱤᱡ ᱟᱹᱰᱤ ᱜᱟᱱ ᱨᱮᱰᱤᱣᱳ ᱥᱴᱮᱥᱚᱱ ᱨᱤᱱᱤᱡ ᱵᱟᱰᱟᱭ ᱧᱟᱢ ᱡᱳᱠᱤ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱟᱹᱰᱤ ᱜᱟᱱ ᱥᱳ ᱠᱚᱭ ᱦᱳᱥᱴ ᱟᱠᱟᱫᱟ ᱟᱨ ᱮᱴᱟᱜ ᱠᱚ ᱞᱟᱹᱜᱤᱫ ᱯᱨᱳᱰᱭᱩᱥᱟᱨ ᱞᱮᱠᱟᱛᱮ ᱦᱚᱸᱭ ᱠᱟᱹᱢᱤ ᱟᱠᱟᱫᱟ᱾ ᱨᱮᱰᱤᱣᱳ ᱡᱳᱠᱤᱭᱤᱝ ᱨᱮ ᱩᱱᱤ ᱡᱟᱦᱟᱸ ᱮᱠᱥᱯᱮᱨᱤᱭᱮᱱᱥ ᱮ ᱟᱨᱡᱟᱣ ᱠᱮᱫᱟ ᱚᱱᱟ ᱩᱱᱤ ᱟᱹᱰᱤ ᱵᱷᱮᱜᱟᱨ ᱵᱷᱮᱜᱟᱨ ᱥᱮᱨᱮᱧ ᱥᱟᱶ ᱥᱟᱹᱜᱟᱹᱭ ᱨᱮᱭ ᱟᱹᱜᱩ ᱠᱮᱫᱮᱭᱟ ᱟᱨ ᱚᱱᱟᱛᱮ ᱩᱱᱤ ᱧᱩᱛᱩᱢ ᱮ ᱟᱨᱡᱟᱣ ᱠᱮᱫᱟ, ᱦᱭᱩᱢᱮᱱ ᱤᱱᱥᱟᱭᱤᱠᱞᱳᱯᱮᱰᱤᱭᱟ ᱚᱯᱷ ᱢᱭᱩᱡᱤᱠ᱾ ᱩᱱᱤ ᱢᱤᱫ ᱤᱱᱴᱟᱨᱵᱷᱤᱭᱩ ᱨᱮ ᱵᱟᱹᱲᱛᱤ ᱡᱩᱨᱮ ᱮᱢ ᱞᱮᱫᱟ ᱡᱮ ᱥᱮᱨᱮᱧ ᱨᱮ ᱟᱡᱟᱜ ᱢᱩᱬᱩᱛ ᱚᱨᱥᱚᱝ ᱫᱚ ᱑᱙᱗᱐ ᱨᱮᱭᱟᱜ ᱠᱞᱟᱥᱤᱠ ᱨᱳᱠ ᱟᱲᱟᱝ ᱛᱟᱦᱮᱸ ᱠᱟᱱᱟ᱾
ᱥᱮᱨᱮᱧ ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱟᱦᱵᱟᱥ ᱫᱚ ᱟᱡᱟᱜ ᱥᱮᱨᱮᱧ ᱠᱟᱹᱢᱤ ᱒᱐᱐᱗ ᱨᱮᱭᱟᱜ ᱮᱛᱚᱦᱚᱵ ᱨᱮ ᱮᱛᱚᱦᱚᱵ ᱠᱮᱫᱟ ᱛᱤᱱ ᱨᱮ ᱩᱱᱤ ᱦᱟᱭᱤᱰᱟᱨ ᱨᱟᱦᱢᱟᱱ, ᱟᱢᱤᱨ, ᱟᱥᱤᱯᱷ, ᱥᱟᱞᱢᱟᱱ ᱟᱨ ᱡᱟᱢᱟᱞ ᱥᱟᱶ ᱱᱟᱣᱟᱛᱮ ᱵᱮᱱᱟᱣ ᱟᱠᱟᱱ ᱞᱟᱞ ᱵᱮᱸᱰ ᱨᱤᱱᱤᱡ ᱢᱤᱫ ᱦᱟᱹᱴᱤᱧ ᱦᱩᱭᱩᱜ ᱨᱮᱭᱟᱜ ᱮ ᱴᱷᱟᱹᱣᱠᱟᱹ ᱠᱮᱫᱟ᱾ ᱵᱮᱸᱰ ᱫᱚ ᱚᱱᱟ ᱚᱠᱛᱚ ᱨᱤᱱᱤᱡ ᱯᱨᱮᱥᱤᱰᱮᱱᱴ ᱯᱟᱨᱵᱮᱡᱽ ᱢᱩᱥᱟᱨᱨᱟᱯᱷ ᱦᱚᱛᱮᱛᱮ ᱡᱟᱡ ᱠᱚ ᱥᱮᱠᱤᱝ ᱨᱮᱭᱟᱜ ᱡᱚᱵᱟᱵ ᱞᱮᱠᱟᱛᱮ ᱵᱮᱱᱟᱣ ᱦᱩᱭ ᱞᱮᱱ ᱛᱟᱦᱮᱸᱫ᱾
ᱞᱟᱞ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱮᱸᱰ ᱞᱟᱞ ᱫᱚ ᱒᱐᱐᱗ ᱨᱮᱭᱟᱜ ᱢᱩᱪᱟᱹᱫ ᱨᱮ ᱵᱮᱱᱟᱣ ᱦᱩᱭ ᱞᱮᱱ ᱛᱟᱦᱮᱸᱫ, ᱪᱤᱯᱷ ᱡᱟᱥᱴᱤᱥ ᱤᱯᱷᱛᱤᱠᱟᱨ ᱪᱟᱣᱫᱽᱨᱤ ᱫᱚ ᱥᱟᱠᱤᱝ ᱛᱟᱭᱚᱢ᱾ ᱵᱮᱸᱰ ᱨᱤᱱ ᱥᱚᱦᱮᱫ ᱦᱚᱲ ᱥᱟᱶ ᱯᱚᱵᱽᱞᱤᱠ ᱜᱷᱚᱴᱚᱱ ᱨᱮ ᱠᱚ ᱵᱤᱨᱳᱫᱷ ᱠᱮᱫᱟ ᱟᱨ ᱯᱨᱮᱥᱤᱰᱮᱱᱴ ᱦᱚᱛᱮᱛᱮ ᱱᱟᱭᱭᱟᱭᱤᱠ ᱵᱟᱦᱟᱞ ᱨᱮᱭᱟᱜ ᱠᱚ ᱫᱟᱹᱵᱤ ᱠᱮᱫᱟ᱾ ᱚᱱᱟ ᱛᱟᱭᱚᱢ ᱥᱚᱦᱮᱫ ᱠᱚ ᱯᱷᱟᱭᱮᱡ ᱟᱦᱢᱮᱫ ᱯᱷᱟᱭᱮᱡᱽ, ᱦᱟᱵᱤᱵ ᱡᱟᱞᱤᱵ ᱟᱨ ᱟᱦᱢᱮᱫ ᱯᱷᱟᱨᱟᱡᱽ ᱟᱜ ᱯᱨᱳᱜᱨᱮᱥᱤᱵᱷ ᱚᱞᱤᱭᱟᱹ ᱟᱜ ᱪᱟᱹᱞᱩ ᱫᱚᱦᱚ ᱢᱤᱫ ᱥᱮᱨᱮᱧ ᱵᱮᱱᱟᱣ ᱞᱟᱹᱜᱤᱫ ᱥᱟᱶᱛᱮ ᱠᱚ ᱥᱮᱞᱮᱫ ᱮᱱᱟ᱾ ᱵᱮᱸᱰ ᱨᱮᱭᱟᱜ ᱡᱚᱥ ᱫᱚ ᱱᱩᱠᱩ ᱥᱚᱥᱟᱞᱤᱥᱴ ᱚᱞᱤᱭᱟᱹ ᱠᱚᱣᱟᱜ ᱠᱟᱹᱢᱤ ᱠᱚ ᱟᱠᱚᱣᱟᱜ ᱠᱨᱟᱱᱛᱤᱠᱟᱨᱤ ᱠᱚᱵᱤᱛᱟ ᱫᱚ ᱥᱮᱨᱮᱧ ᱨᱮ ᱥᱮᱴᱮᱨ ᱠᱟᱛᱮ ᱯᱚᱯᱩᱞᱟᱨ ᱵᱮᱱᱟᱣ ᱠᱟᱱᱟ᱾[᱓] ᱱᱤᱛᱚᱜ ᱵᱮᱸᱰ ᱨᱤᱱ ᱥᱚᱦᱮᱫ ᱨᱮ ᱢᱟᱦᱵᱟᱥ, ᱛᱟᱭᱢᱩᱨ ᱟᱨ ᱦᱟᱭᱤᱰᱟᱨ ᱨᱟᱦᱢᱟᱱ ᱥᱮᱞᱮᱫ ᱢᱮᱱᱟᱜ ᱠᱚᱣᱟ᱾ ᱢᱟᱦᱵᱟᱥ ᱫᱚ ᱵᱮᱸᱰ ᱞᱟᱹᱜᱤᱫ ᱵᱮᱠᱟᱯ ᱮ ᱥᱮᱨᱮᱧᱟ᱾
ᱰᱤᱥᱠᱳᱜᱨᱟᱯᱷᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱟᱦᱵᱟᱥ ᱫᱚ ᱞᱟᱞ ᱵᱮᱸᱰ ᱨᱮᱭᱟᱜ ᱰᱮᱵᱭᱩᱴ ᱮᱞᱵᱚᱢ, ᱩᱢᱤᱫ ᱮ ᱥᱟᱦᱟᱨ ᱞᱟᱹᱜᱤᱫ ᱵᱮᱠᱟᱯ ᱵᱷᱳᱠᱟᱞᱥ ᱮ ᱮᱱᱮᱡ ᱟᱠᱟᱫᱟ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Vital Signs". Archived from the original on 18 July 2019. Retrieved 15 October 2012.
- ↑ "Lahore band brings revolutionary poetry to life". Archived from the original on 4 September 2011.
- ↑ "Hotsteppers of the week: Laal". INSTEP: The News on Sunday. 25 January 2009. Archived from the original on 29 January 2009. Retrieved 10 April 2009.