ᱯᱚᱨᱤᱢᱚᱞ ᱦᱮᱢᱵᱽᱨᱚᱢ
| ᱯᱚᱨᱤᱢᱚᱞ ᱦᱮᱢᱵᱽᱨᱚᱢ Parimal Hembram | |
|---|---|
| ᱡᱟᱱᱟᱢ | ᱑ ᱯᱷᱮᱵᱽᱨᱩᱣᱟᱨᱤ ᱑᱙᱕᱗ ᱥᱟᱸᱠᱟᱨᱤᱭᱟᱹ, ᱵᱟᱹᱠᱩᱲᱟ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ |
| ᱵᱟᱦᱟᱱᱟ ᱧᱩᱛᱩᱢ | ᱢᱟᱨᱥᱟᱞ ᱦᱮᱢᱵᱽᱨᱚᱢ |
| ᱠᱟᱹᱢᱤ | ᱚᱱᱚᱞᱤᱭᱟᱹ, ᱚᱱᱚᱲᱦᱤᱭᱟᱹ, ᱜᱟᱢᱟᱢ ᱚᱱᱚᱞᱤᱭᱟᱹ, ᱯᱨᱳᱜᱽᱨᱟᱢ ᱮᱠᱥᱤᱠᱤᱭᱩᱴᱤᱵᱽ (AIR) |
| ᱯᱟᱹᱨᱥᱤ | ᱥᱟᱱᱛᱟᱲᱤ, ᱵᱟᱝᱞᱟ |
| ᱡᱟᱹᱛᱤᱭᱟᱹᱛ | ᱥᱤᱧᱚᱛᱤᱭᱟᱹ |
| ᱥᱮᱪᱮᱫ ᱟᱥᱲᱟ | ᱠᱳᱞᱠᱟᱛᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ |
| ᱚᱠᱛᱚ | ᱑᱙᱗᱐-ᱱᱤᱛ ᱦᱟᱹᱵᱤᱡ |
| ᱚᱱᱚᱞ ᱛᱷᱚᱠ | ᱚᱱᱚᱲᱦᱮ, ᱠᱟᱹᱦᱱᱤ, ᱜᱟᱭᱟᱱ, ᱱᱟᱜᱟᱢ |
| ᱥᱤᱨᱯᱷᱟᱹ |
|
ᱯᱚᱨᱤᱢᱚᱞ ᱦᱮᱢᱵᱽᱨᱚᱢ (ᱡᱟᱱᱟᱢ: ᱑ ᱯᱷᱮᱵᱽᱨᱩᱣᱟᱨᱤ ᱑᱙᱗), ᱡᱟᱦᱟᱸᱭ ᱫᱚ ᱢᱟᱨᱥᱟᱞ ᱦᱮᱢᱵᱽᱨᱚᱢ ᱵᱟᱦᱟᱱᱟ ᱧᱩᱛᱩᱢ ᱛᱮᱦᱚᱸᱭ ᱵᱟᱲᱟᱭᱚᱜᱼᱟ, ᱫᱚ ᱱᱟᱦᱟᱜ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮᱱ ᱢᱤᱫ ᱧᱩᱛᱩᱢᱟᱱ ᱚᱱᱚᱞᱤᱭᱟᱹ, ᱚᱱᱚᱲᱦᱤᱭᱟᱹ ᱟᱨ ᱜᱟᱭᱟᱱᱤᱭᱟᱹ ᱠᱟᱱᱟᱭ᱾ ᱩᱱᱤ ᱫᱚ ᱥᱟᱱᱛᱟᱲᱤ ᱚᱱᱚᱲᱦᱮ ᱨᱮ "ᱜᱚᱫᱽᱭᱚ ᱠᱚᱵᱤᱛᱟ" (ᱜᱟᱛᱷᱟ ᱚᱱᱚᱲᱦᱮ) ᱨᱮᱱ ᱢᱤᱫ ᱥᱟᱨᱛᱷᱚᱠ ᱨᱩᱯᱠᱟᱹᱨ ᱠᱟᱱᱟᱭ᱾[᱑]
ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱟᱨᱥᱟᱞ ᱦᱮᱢᱵᱽᱨᱚᱢ ᱜᱳᱢᱠᱮ ᱫᱚ ᱑᱙᱕᱗ ᱥᱮᱨᱢᱟ ᱨᱮᱭᱟᱜ ᱑ ᱯᱷᱮᱵᱽᱨᱩᱣᱟᱨᱤ ᱦᱤᱞᱳᱜ ᱮ ᱡᱟᱱᱟᱢ ᱞᱮᱱᱟ᱾ ᱩᱱᱤᱭᱟᱜ ᱡᱟᱱᱟᱢ ᱴᱷᱟᱶ ᱫᱚ ᱦᱩᱭᱩᱜ ᱠᱟᱱᱟ ᱯᱚᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮᱱᱟᱜ ᱵᱟᱹᱠᱩᱲᱟ ᱡᱤᱞᱟᱹ ᱨᱮᱱᱟᱜ ᱥᱟᱨᱮᱝᱜᱟ ᱛᱷᱟᱱᱟ ᱟᱣᱛᱟ ᱨᱮ ᱢᱮᱱᱟᱜ ᱥᱟᱸᱠᱟᱨᱤᱭᱟᱹ ᱟᱹᱛᱩ ᱨᱮ᱾ ᱟᱡ ᱵᱟᱵᱟ ᱦᱟᱜ ᱧᱩᱛᱩᱢ ᱫᱚ ᱵᱟᱫᱚᱞ ᱪᱚᱸᱫᱽᱨᱚ ᱦᱮᱢᱵᱽᱨᱚᱢ ᱟᱨ ᱮᱸᱜᱟᱛ ᱧᱩᱛᱩᱢ ᱫᱚ ᱯᱟᱱᱢᱟᱱᱤ ᱦᱮᱢᱵᱽᱨᱚᱢ ᱛᱟᱦᱮᱸ ᱠᱟᱱᱟ᱾ ᱱᱤᱛᱚᱜ ᱫᱚ ᱩᱱᱤ ᱠᱳᱞᱠᱟᱛᱟ ᱨᱮ ᱜᱤᱨᱟᱹᱵᱟᱹᱥᱤ ᱢᱮᱱᱟᱭᱟ᱾[᱒]
ᱚᱞᱚᱜ ᱯᱚᱲᱦᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱚᱨᱤᱢᱚᱞ ᱦᱮᱢᱵᱽᱨᱚᱢ ᱟᱜ ᱚᱞᱚᱜ ᱯᱚᱲᱦᱚᱱ ᱫᱚ ᱥᱟᱸᱠᱟᱨᱤᱭᱟᱹ ᱯᱨᱟᱭᱢᱟᱨᱤ ᱤᱛᱩᱱ ᱟᱥᱲᱟ ᱠᱷᱚᱱ ᱮᱛᱚᱦᱚᱵ ᱞᱮᱱᱟ᱾ ᱚᱱᱟ ᱛᱟᱭᱚᱢ ᱫᱷᱟᱱᱟᱲᱟ ᱵᱤᱠᱨᱚᱢᱯᱩᱨ ᱥᱮᱢᱟᱯᱨᱚᱥᱟᱫᱽ ᱢᱮᱢᱳᱨᱤᱭᱟᱞ ᱩᱥᱩᱞ ᱵᱤᱨᱫᱟᱹᱜᱟᱲ ᱨᱮ ᱟᱨᱮ ᱪᱟᱱᱟᱪ ᱦᱟᱹᱵᱤᱡ ᱮ ᱯᱟᱲᱦᱟᱣ ᱞᱮᱱᱟ᱾ ᱤᱱᱟᱹ ᱛᱟᱭᱚᱢ ᱡᱷᱟᱲᱜᱽᱨᱟᱢ ᱨᱮᱱᱟᱜ ᱠᱩᱢᱩᱫᱽ ᱠᱩᱢᱟᱹᱨᱤ ᱤᱱᱥᱴᱤᱴᱤᱭᱩᱥᱚᱱ ᱠᱷᱚᱱ ᱑᱙᱗᱕ ᱥᱮᱨᱢᱟ ᱨᱮ ᱥᱟᱬᱮᱥ (Science) ᱛᱮ ᱦᱟᱭᱟᱨ ᱥᱮᱠᱮᱱᱰᱟᱨᱤ ᱯᱟᱥ ᱠᱮᱫᱟᱭ᱾ ᱩᱱᱤ ᱫᱚ ᱰᱟᱠᱛᱟᱨ ᱵᱮᱱᱟᱜ ᱟᱸᱥ ᱛᱮ ᱦᱟᱣᱲᱟ ᱨᱮᱱᱟᱜ ᱩᱞᱩᱵᱮᱲᱤᱭᱟ ᱠᱚᱞᱮᱡᱽ ᱨᱮ ᱵᱷᱩᱨᱛᱤ ᱞᱮᱱᱟ, ᱢᱮᱱᱠᱷᱟᱱ ᱚᱸᱰᱮᱱᱤᱡ ᱚᱫᱽᱫᱷᱟᱯᱚᱠ ᱰᱚᱠᱴᱚᱨ ᱥᱩᱦᱨᱤᱫᱽ ᱠᱩᱢᱟᱨ ᱵᱷᱳᱭᱢᱤᱠ ᱟᱜ ᱫᱤᱥᱼᱦᱩᱫᱤᱥ ᱛᱮ ᱥᱟᱬᱮᱥ ᱵᱟᱹᱜᱤ ᱠᱟᱛᱮ ᱵᱟᱝᱞᱟ ᱚᱱᱟᱨᱥ ᱛᱮ ᱵᱤ.ᱮ. ᱮ ᱯᱟᱥ ᱠᱮᱫᱟ (᱑᱙᱗᱘)᱾ ᱑᱙᱘᱐ ᱥᱮᱨᱢᱟ ᱨᱮ ᱠᱳᱞᱠᱟᱛᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱵᱟᱝᱞᱟ ᱛᱮ ᱮᱢ.ᱮ. (M.A.) ᱰᱤᱜᱽᱨᱤ ᱦᱟᱢᱮᱴ ᱠᱮᱫᱟᱭ᱾
ᱠᱟᱹᱢᱤ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱚᱨᱤᱢᱚᱞ ᱦᱮᱢᱵᱽᱨᱚᱢ ᱟᱜ ᱠᱟᱹᱢᱤ ᱡᱤᱭᱚᱱ ᱫᱚ ᱵᱮᱝᱠ ᱨᱮᱱ ᱠᱞᱟᱨᱠ ᱞᱮᱠᱟᱛᱮ ᱮᱛᱚᱦᱚᱵ ᱞᱮᱱᱟ ᱾ ᱚᱱᱟ ᱛᱟᱭᱚᱢ ᱩᱱᱤ ᱫᱚ ᱢᱟᱪᱮᱫ ᱞᱮᱠᱟᱛᱮ ᱦᱚᱸᱭ ᱠᱟᱹᱢᱤ ᱞᱮᱫᱟ ᱾ ᱢᱩᱪᱟᱹᱫ ᱨᱮ ᱓ ᱡᱩᱞᱟᱹᱭ ᱑᱙᱘᱙ ᱥᱮᱨᱢᱟ ᱨᱮ ᱚᱞ ᱤᱱᱰᱤᱭᱟ ᱨᱮᱰᱤᱭᱳ (AIR) ᱨᱮ ᱯᱨᱳᱜᱽᱨᱟᱢ ᱮᱠᱥᱤᱠᱤᱭᱩᱴᱤᱵᱽ ᱞᱮᱠᱟᱛᱮᱭ ᱵᱟᱦᱟᱞ ᱞᱮᱱᱟ ᱟᱨ ᱒᱐᱑᱗ ᱥᱮᱨᱢᱟ ᱨᱮ ᱟᱥᱤᱥᱴᱮᱱᱴ ᱰᱟᱭᱨᱮᱠᱴᱚᱨ (Assistant Director) ᱯᱚᱫᱽ ᱠᱷᱚᱱ ᱡᱤᱨᱟᱹᱣ ᱮ ᱦᱟᱛᱟᱣ ᱟᱠᱟᱫᱟ ᱾[᱒] ᱩᱱᱤ ᱫᱚ ᱡᱟᱢᱥᱮᱫᱽᱯᱩᱨ, ᱪᱟᱭᱵᱟᱥᱟ ᱟᱨ ᱠᱳᱞᱠᱟᱛᱟ ᱟᱠᱟᱥᱵᱟᱹᱱᱤ ᱨᱮ ᱟᱹᱰᱤ ᱫᱤᱱ ᱥᱟᱱᱛᱟᱲᱤ ᱟᱠᱷᱲᱟ ᱨᱮ ᱠᱟᱹᱢᱤ ᱟᱠᱟᱫᱟᱭ᱾
ᱥᱟᱶᱦᱮᱫ ᱟᱨ ᱞᱟᱠᱪᱟᱨ ᱪᱟᱨᱪᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱟᱨᱥᱟᱞ ᱦᱮᱢᱵᱽᱨᱚᱢ ᱫᱚ ᱟᱥᱲᱟ ᱡᱤᱭᱚᱱ ᱠᱷᱚᱱ ᱜᱮ ᱵᱟᱝᱞᱟ ᱛᱮ ᱚᱱᱚᱲᱦᱮ ᱚᱞ ᱮ ᱮᱛᱚᱦᱚᱵ ᱞᱮᱫᱟ᱾ ᱠᱚᱞᱮᱡᱽ ᱡᱤᱭᱚᱱ ᱨᱮ ᱰᱚᱠᱴᱚᱨ ᱥᱩᱦᱨᱤᱫᱽ ᱠᱩᱢᱟᱨ ᱵᱷᱳᱣᱢᱤᱠ ᱟᱜ ᱩᱫᱽᱜᱟᱹᱣ ᱛᱮ ᱥᱟᱱᱛᱟᱲᱤ ᱛᱮ ᱚᱞ ᱮ ᱮᱛᱚᱦᱚᱵ ᱠᱮᱫᱟ᱾
- ᱩᱱᱤᱭᱟᱜ ᱯᱩᱭᱞᱩ ᱥᱟᱱᱛᱟᱲᱤ ᱚᱱᱚᱲᱦᱮ "ᱡᱷᱟᱨᱱᱟ ᱜᱟᱰᱟ" ᱫᱚ ᱮᱭᱟᱭ ᱜᱮᱞ ᱜᱮᱥᱮᱨᱢᱟ (1970's) ᱨᱮᱭᱟᱜ ᱢᱩᱪᱟᱹᱫ ᱥᱮᱫ 'ᱛᱮᱛᱨᱮ' ᱯᱟᱛᱷᱟᱢ ᱨᱮ ᱩᱪᱷᱟᱹᱱ ᱞᱮᱱᱟ᱾[᱑]
- ᱯᱩᱭᱞᱩ ᱠᱟᱹᱦᱱᱤ "ᱵᱟᱦᱟ" ᱫᱚ 'ᱯᱚᱪᱷᱤᱢ ᱵᱟᱝᱞᱟ' ᱯᱟᱛᱷᱟᱢ ᱨᱮ ᱩᱪᱷᱟᱹᱱ ᱞᱮᱱᱟ᱾
- ᱯᱩᱭᱞᱩ ᱜᱟᱢᱟᱢ "ᱛᱤᱨᱤ ᱥᱤᱯᱟᱹᱦᱤ" ᱫᱚ ᱤᱨᱟᱹᱞ ᱜᱮᱞ ᱜᱮᱥᱮᱨᱢᱟ (1980's) ᱨᱮ 'ᱨᱤᱢᱤᱞ' (ᱮᱵᱷᱮᱱ ᱥᱟᱠᱣᱟ) ᱯᱟᱛᱷᱟᱢ ᱨᱮ ᱞᱮᱛᱟᱲ ᱩᱪᱷᱟᱹᱱ ᱞᱮᱱᱟ᱾
- ᱑᱙᱘᱐ ᱥᱮᱨᱢᱟ ᱨᱮ ᱟᱠᱟᱥᱵᱟᱹᱱᱤ ᱠᱳᱞᱠᱟᱛᱟ ᱠᱷᱚᱱ ᱩᱱᱤᱭᱟᱜ ᱯᱩᱭᱞᱩ ᱵᱮᱛᱟᱨ ᱜᱟᱭᱟᱱ ᱯᱟᱥᱱᱟᱣ ᱞᱮᱱᱟ᱾
ᱩᱱᱤ ᱫᱚ ᱟᱹᱰᱤ ᱜᱟᱱ ᱥᱟᱱᱛᱟᱲᱤ ᱟᱨ ᱵᱟᱝᱞᱟ ᱜᱟᱭᱟᱱ ᱨᱮᱭ ᱚᱵᱷᱤᱱᱚᱭ ᱟᱠᱟᱫᱟ ᱟᱨ ᱨᱮᱰᱤᱭᱳ ᱰᱨᱟᱢᱟ ᱠᱚᱦᱚᱸᱭ ᱵᱮᱱᱟᱣ ᱟᱠᱟᱫᱟ ᱾[᱒] ᱩᱱᱤ ᱫᱚ ᱯᱚᱪᱷᱤᱢ ᱵᱟᱝᱞᱟ 'ᱥᱟᱱᱛᱟᱲᱤ ᱥᱟᱶᱦᱮᱫ ᱯᱚᱨᱤᱥᱚᱫᱽ' ᱨᱮᱱ ᱯᱟᱨᱥᱮᱛ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾
ᱚᱞ ᱵᱮᱞ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱟᱨᱥᱟᱞ ᱦᱮᱢᱵᱽᱨᱚᱢ ᱟᱜ ᱧᱩᱛᱩᱢᱟᱱ ᱯᱚᱛᱚᱵ ᱠᱚ ᱦᱩᱭᱩᱜ ᱠᱟᱱᱟ:
- ᱜᱟᱭᱟᱱ: ᱟᱠᱷᱲᱟ (᱑᱙᱘᱕), ᱨᱮᱰᱤᱭᱳ ᱜᱟᱭᱟᱱ (᱒᱐᱐᱐), ᱟᱠᱷᱲᱟ-ᱥᱟᱱᱛᱟᱲᱤ ᱜᱟᱭᱟᱱ ᱠᱚ (᱒᱐᱑᱒)
- ᱠᱟᱹᱦᱱᱤ: ᱨᱮᱸᱜᱮᱪ (᱑᱙᱘᱖), ᱵᱟᱹᱞᱴᱟᱹ ᱵᱟᱸᱠᱷᱮᱬ (᱑᱙᱘᱙)[᱓], ᱨᱤᱢᱤᱞ (᱒᱐᱐᱗)
- ᱚᱱᱚᱲᱦᱮ: ᱟᱠᱟᱞ (᱑᱙᱘᱘), ᱥᱤᱵᱤᱞ ᱮᱯᱮᱢ ᱥᱮᱸᱜᱮᱞ ᱡᱤᱣᱤ (᱑᱙᱘᱙), ᱢᱟᱱᱣᱟ ᱦᱳ ᱢᱟᱱᱣᱟ (᱑᱙᱙᱖), ᱱᱚᱠᱚᱥᱤ ᱥᱤᱠᱮᱱᱫᱮ (᱒᱐᱐᱒), ᱚᱱᱚᱲᱦᱮ ᱡᱷᱚᱛᱚᱢ (᱒᱐᱐᱔), ᱚᱠᱛᱚ ᱨᱮᱭᱟᱜ ᱫᱟᱞᱤᱞ (᱒᱐᱑᱒)
- ᱩᱯᱚᱱᱭᱟᱥ: ᱛᱤᱨᱤ ᱥᱤᱯᱟᱹᱦᱤ, ᱠᱟᱥᱰᱩᱝᱨᱤ, ᱡᱚᱫᱽ ᱡᱮᱞᱮᱧ ᱠᱟᱹᱦᱱᱤ (᱒᱐᱑᱐)
- ᱱᱟᱜᱟᱢ ᱟᱨ ᱠᱷᱚᱸᱫᱽᱨᱚᱱ: ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮᱭᱟᱜ ᱠᱷᱟᱴᱚ ᱩᱨᱩᱢ (᱑᱙᱙᱕), ᱡᱷᱟᱲᱠᱷᱚᱸᱰ ᱨᱮᱭᱟᱜ ᱠᱷᱟᱴᱚ ᱱᱟᱜᱟᱢ (᱒᱐᱐᱑), ᱥᱟᱱᱛᱟᱲ ᱠᱚᱣᱟᱜ ᱱᱟᱜᱟᱢ ᱥᱮᱸᱫᱽᱨᱟ ᱨᱮ (᱒᱐᱐᱕), ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮᱱᱟᱜ ᱱᱟᱜᱟᱢ (᱒᱐᱐᱗), ᱥᱟᱱᱛᱟᱲᱤ ᱯᱟᱹᱨᱥᱤ ᱪᱟᱨᱪᱟ ᱟᱨ ᱵᱤᱠᱟᱥ ᱨᱮᱭᱟᱜ ᱤᱛᱤᱵᱨᱤᱛᱛᱚ (᱒᱐᱑᱐), ᱥᱟᱱᱛᱷᱟᱞᱤ ᱯᱟᱹᱨᱥᱤ ᱟᱱᱫᱳᱞᱚᱱ ᱨᱮᱱᱟᱜ ᱱᱟᱜᱟᱢ (᱒᱐᱑᱗)
ᱢᱟᱹᱱ ᱟᱨ ᱥᱤᱨᱯᱷᱟᱹ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱛᱮᱛᱨᱮ ᱥᱤᱨᱯᱷᱟᱹ (᱑᱙᱘᱘) - ᱯᱩᱨᱩᱞᱤᱭᱟᱹ ᱥᱟᱱᱛᱟᱲᱤ ᱥᱟᱶᱦᱮᱫ ᱥᱮᱢᱞᱮᱫ ᱯᱟᱦᱴᱟ ᱠᱷᱚᱱ[᱑]
- ᱜᱩᱱᱤᱡᱚᱱ ᱥᱤᱨᱯᱷᱟᱹ (᱒᱐᱐᱐) - ᱯᱚᱪᱷᱤᱢ ᱵᱟᱝᱞᱟ ᱥᱚᱨᱠᱟᱨ
- ᱞᱟᱭᱤᱯᱷ ᱴᱟᱭᱤᱢ ᱮᱪᱤᱵᱷᱢᱮᱱᱴ ᱟᱣᱟᱨᱰ (᱒᱐᱐᱖) - ᱫᱩᱨᱜᱟᱯᱩᱨ ᱰᱟᱭᱳᱥᱤᱥ
- ᱥᱟᱹᱫᱷᱩ ᱨᱟᱢᱪᱟᱸᱫᱽ ᱥᱤᱨᱯᱷᱟᱹ (᱒᱐᱐᱘) - ᱨᱩᱥᱤᱠᱟ ᱢᱟᱱᱰᱳᱣᱟ, ᱩᱛᱛᱚᱨᱯᱟᱲᱟ
- ᱥᱟᱹᱫᱷᱩ ᱨᱟᱢᱪᱟᱸᱫᱽ ᱢᱩᱨᱢᱩ ᱥᱤᱨᱯᱷᱟᱹ (᱒᱐᱑᱒) - ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱥᱮᱢᱞᱮᱫ
- ᱥᱟᱨ ᱥᱟᱹᱜᱩᱱ ᱥᱤᱨᱯᱷᱟᱹ ᱟᱨ ᱥᱟᱶᱦᱮᱫ ᱥᱮᱛᱩ ᱥᱤᱨᱯᱷᱟᱹ
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- 1 2 3 ᱦᱮᱢᱵᱽᱨᱚᱢ, ᱯᱚᱨᱤᱢᱚᱞ. ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮᱱᱟᱜ ᱱᱟᱜᱟᱢ (Santali Sahitya Itihas) (in Bengali). ᱠᱚᱞᱠᱟᱛᱟ: ᱱᱤᱨᱢᱚᱞ ᱵᱩᱠ ᱮᱡᱮᱱᱥᱤ. p. 347.
- 1 2 3 "Parimal Hembram Profile". Calcutta Yellow Pages. Retrieved 2026-02-01.
- ↑ ᱴᱩᱰᱩ, ᱠᱨᱤᱥᱱᱚ ᱪᱚᱸᱫᱽᱨᱚ. ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮᱱᱟᱜ ᱚᱢᱚᱱᱚᱢ ᱟᱨ ᱦᱟᱨᱟ (in ᱦᱤᱱᱫᱤ). ᱨᱟᱡᱽᱫᱳᱦᱟ ᱯᱩᱨᱵᱤ ᱥᱤᱝᱵᱷᱩᱢ: ᱯᱨᱚ. ᱠᱨᱤᱥᱱᱚ ᱠᱩᱴᱤᱨ. p. 120.