ᱢᱟᱨᱴᱤᱱ ᱠᱟᱢᱯᱪᱮᱱ

ᱢᱟᱨᱴᱤᱱ ᱠᱟᱢᱯᱪᱮᱱ
ᱢᱟᱨᱴᱤᱱ ᱠᱟᱢᱯᱪᱮᱱ
ᱡᱟᱱᱟᱢ	᱙ ᱰᱤᱥᱮᱢᱵᱚᱨ ᱑᱙᱔᱘ (᱗᱗ ᱥᱮᱨᱢᱟ); ᱵᱳᱯᱟᱨᱰ
ᱠᱟᱹᱢᱤ	ᱚᱱᱚᱤᱭᱟᱹ, ᱛᱚᱨᱡᱚᱢᱟᱭᱤᱡ, ᱠᱷᱚᱵᱚᱨᱤᱭᱟᱹ, ᱥᱟᱶᱛᱟ ᱠᱟᱹᱢᱤᱭᱟᱹ
ᱡᱟᱹᱛᱤᱭᱟᱹᱛ	ᱡᱟᱨᱢᱟᱱ

ᱢᱟᱨᱴᱤᱱ ᱠᱟᱢᱯᱪᱮᱱ (ᱡᱟᱱᱟᱢ ᱙ ᱰᱤᱥᱮᱢᱵᱚᱨ ᱑᱙᱔᱘) ᱫᱚ ᱢᱤᱫ ᱚᱱᱚᱞᱤᱭᱟᱹ, ᱛᱚᱨᱡᱚᱢᱟᱭᱤᱡ, ᱠᱷᱚᱵᱚᱨᱤᱭᱟᱹ ᱟᱨ ᱥᱟᱶᱛᱟ ᱠᱟᱹᱢᱤᱭᱟᱹ ᱠᱟᱱᱟᱭ᱾

ᱮᱛᱚᱦᱚᱵ ᱡᱤᱭᱚᱱ

ᱩᱱᱤ ᱵᱷᱤᱭᱮᱱᱟ ᱨᱮ ᱡᱟᱨᱢᱟᱱ ᱯᱟᱹᱨᱥᱤ ᱟᱨ ᱥᱟᱶᱦᱮᱫ ᱟᱨ ᱯᱮᱨᱤᱥ ᱨᱮ ᱯᱷᱨᱮᱸᱪ ᱯᱟᱲᱦᱟᱣ ᱠᱮᱫᱟᱭ᱾ ᱩᱱᱤ ᱫᱚ ᱵᱷᱤᱭᱮᱱᱟ ᱨᱮ ᱯᱟᱹᱦᱤᱞ ᱰᱚᱠᱴᱚᱨᱮᱴ ᱮ ᱧᱟᱢ ᱠᱮᱫᱟ᱾ ᱩᱱᱤ ᱫᱚ ᱠᱳᱞᱠᱟᱛᱟ ᱨᱮ ᱨᱟᱢᱟᱠᱨᱤᱥᱱᱟ ᱢᱤᱥᱚᱱ ᱤᱱᱥᱴᱤᱴᱤᱭᱩᱰ ᱚᱯᱷ ᱠᱟᱞᱪᱟᱨ ᱨᱮ ᱯᱮ ᱥᱮᱨᱢᱟ ᱡᱟᱨᱢᱟᱱ ᱢᱟᱪᱮᱛ ᱞᱮᱠᱟᱛᱮ ᱠᱟᱹᱢᱤ ᱞᱮᱫᱟᱭ᱾ ᱩᱱᱤ ᱫᱚ ᱵᱤᱥᱥᱚ-ᱵᱷᱟᱨᱚᱛᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱫᱚᱥᱟᱨ ᱯᱤ.ᱮᱪ.ᱰᱤ ᱦᱟᱢᱮᱴ ᱞᱮᱫᱟᱭ᱾ ᱱᱚᱣᱟ ᱫᱚ ᱑᱙ ᱥᱟᱭ ᱥᱮᱨᱢᱟ ᱨᱮᱱ ᱵᱷᱟᱨᱚᱛᱤᱭᱚ ᱦᱟᱦᱟᱲᱟᱣᱟᱱ ᱥᱟᱹᱫᱷᱩ ᱥᱨᱤ ᱨᱟᱢᱟᱠᱨᱤᱥᱱᱟ ᱟᱨ ᱑᱑-᱑᱒ ᱥᱟᱭ ᱥᱮᱨᱢᱟ ᱨᱮᱱ ᱤᱴᱟᱞᱤᱭᱟᱱ ᱥᱟᱹᱫᱷᱩ ᱟᱥᱤᱥᱤ ᱨᱮᱱ ᱥᱮᱱᱴ ᱯᱷᱨᱟᱱᱥᱤᱥ ᱟᱜ ᱛᱩᱞᱟᱹᱡᱚᱠᱷᱟ ᱫᱷᱚᱨᱚᱢ ᱯᱟᱲᱦᱟᱣ ᱪᱮᱛᱟᱱ ᱨᱮ ᱢᱤᱫ ᱰᱤᱡᱟᱨᱴᱮᱥᱟᱱ ᱮ ᱚᱞ ᱞᱮᱫᱟ᱾ ᱚᱱᱟ ᱛᱮ ᱩᱱᱤ ᱫᱚ ᱑᱙᱘᱐ ᱥᱮᱨᱢᱟ ᱨᱮ ᱥᱟᱱᱛᱤᱱᱤᱠᱮᱛᱚᱱ ᱨᱮ ᱦᱮᱡ ᱞᱮᱱᱟᱭ᱾ ᱚᱱᱟ ᱛᱟᱭᱚᱢ ᱩᱱᱤ ᱫᱚ ᱱᱚᱣᱟ ᱡᱟᱭᱜᱟᱭ ᱠᱩᱥᱤ ᱟᱫᱟ ᱟᱨ ᱛᱤᱥ ᱜᱮ ᱟᱹᱰᱤ ᱫᱤᱱ ᱞᱟᱹᱜᱤᱫ ᱱᱚᱣᱟ ᱡᱟᱭᱜᱟ ᱵᱟᱭ ᱵᱟᱹᱜᱤ ᱟᱠᱟᱫᱟ᱾^[᱑]^[᱒]

ᱥᱟᱱᱛᱤᱱᱤᱠᱮᱛᱚᱱ ᱨᱮ

ᱥᱟᱱᱛᱤᱱᱤᱠᱮᱛᱚᱱ ᱨᱮ ᱩᱱᱤ ᱫᱚ ᱵᱟᱝᱞᱟ ᱪᱮᱫ ᱟᱠᱟᱫᱟᱭ, ᱟᱨ ᱨᱚᱵᱤᱱᱫᱽᱨᱚᱱᱟᱛᱷ ᱴᱷᱟᱠᱩᱨ ᱟᱨ ᱥᱨᱤ ᱨᱟᱢᱠᱨᱤᱥᱱᱚ ᱢᱩᱫᱽ ᱨᱮ ᱵᱟᱝᱞᱟ ᱠᱷᱚᱱ ᱥᱩᱡᱦᱤ ᱡᱟᱨᱢᱟᱱ ᱨᱮ, ᱟᱨ ᱥᱣᱟᱢᱤ ᱵᱤᱵᱮᱠᱟᱱᱚᱱᱫᱚ ᱵᱟᱵᱚᱛ ᱤᱝᱞᱤᱥ ᱠᱷᱚᱱ ᱡᱟᱨᱢᱟᱱ ᱨᱮ ᱛᱚᱨᱡᱚᱢᱟ ᱟᱠᱟᱫᱟᱭ᱾ ᱩᱱᱤ ᱫᱚ ᱯᱩᱨᱵᱚ ᱯᱟᱞᱞᱤ ᱨᱮ ᱛᱟᱦᱮᱱ ᱠᱟᱱᱟᱭ ᱢᱮᱱᱠᱷᱟᱱ ᱜᱷᱚᱥᱟᱞᱰᱟᱝᱜᱟ ᱨᱮ ᱡᱟᱹᱥᱛᱤ ᱚᱠᱛᱚᱭ ᱠᱷᱟᱸᱰᱟᱣ ᱠᱟᱱᱟᱭ, ᱚᱱᱟ ᱫᱚ ᱥᱟᱱᱛᱤᱱᱤᱠᱮᱛᱚᱱ ᱥᱚᱦᱚᱨ ᱠᱷᱚᱱ ᱘ ᱠᱤ.ᱢᱤ. ᱥᱟᱺᱜᱤᱧ ᱨᱮ ᱢᱮᱱᱟᱜ ᱢᱤᱫ ᱥᱟᱱᱛᱟᱞ ᱟᱹᱛᱩ ᱠᱟᱱᱟ᱾ ᱚᱸᱰᱮ ᱩᱱᱤ ᱟᱛᱩ ᱨᱮᱱ ᱜᱤᱫᱽᱨᱟᱹ ᱠᱚ ᱞᱟᱹᱜᱤᱫ ᱥᱟᱱᱛᱟᱲᱤ ᱢᱮᱰᱤᱭᱟᱢ ᱵᱤᱨᱫᱟᱹᱜᱟᱲ ᱛᱷᱟᱯᱚᱱ ᱨᱮᱭ ᱥᱮᱴᱮᱨ ᱟᱠᱟᱫᱟ᱾ ᱩᱱᱤ ᱫᱚ ᱞᱮᱛᱟᱲ ᱜᱮ ᱥᱟᱭᱠᱮᱞ ᱛᱮ ᱜᱷᱳᱥᱟᱞᱰᱟᱝᱜᱟ ᱛᱮ ᱥᱟᱭᱠᱮᱞ ᱛᱮ ᱪᱟᱞᱟᱜᱼᱟᱭ ᱟᱨ ᱯᱩᱨᱵᱟ ᱯᱟᱞᱞᱤ ᱛᱮ ᱨᱩᱣᱟᱹᱲ ᱦᱤᱡᱩᱜᱼᱟᱭ ᱾^[᱒]

ᱴᱮᱭᱜᱳᱨ ᱟᱜ ᱠᱟᱹᱢᱤ ᱡᱟᱨᱢᱟᱱ ᱛᱮ ᱛᱚᱨᱡᱚᱢᱟ

ᱣᱤᱞᱤᱭᱚᱢ ᱨᱚᱛᱷᱮᱱᱥᱴᱤᱱ ᱥᱟᱶ ᱟᱡᱟᱜ ᱥᱟᱹᱜᱟᱹᱭ ᱨᱮ, "ᱨᱚᱵᱤᱱᱫᱽᱨᱚᱱᱟᱛᱷ ᱛᱟᱭᱚᱢ ᱛᱮ ᱱᱚᱵᱮᱞ ᱥᱤᱨᱯᱷᱟᱹ ᱧᱟᱢ ᱠᱟᱛᱮ ᱟᱡᱟᱜ ᱪᱤᱱᱛᱟᱹ ᱵᱟᱵᱚᱛ ᱮ ᱞᱟᱹᱭ ᱥᱚᱫᱚᱨ ᱞᱮᱫᱟ, ᱟᱨ ᱱᱚᱣᱟ ᱥᱟᱶ ᱡᱮᱜᱮᱛ ᱨᱮ ᱧᱩᱛᱩᱢ ᱮ ᱧᱟᱢ ᱠᱮᱫᱟ, ᱡᱟᱦᱟᱸ ᱫᱚ ᱟᱡᱟᱜ ᱚᱨᱤᱡᱤᱱᱟᱞ ᱵᱟᱝᱞᱟ ᱚᱱᱚᱬᱦᱮᱸ ᱠᱷᱚᱱ ᱟᱹᱰᱤ ᱠᱚᱢ ᱜᱮ ᱱᱟᱯᱟᱭ ᱛᱟᱦᱮᱸ ᱠᱟᱱᱟ"᱾ ᱠᱟᱢᱯᱪᱮᱱ ᱦᱚᱸ ᱵᱟᱝᱞᱟ ᱟᱨ ᱤᱣᱨᱳᱯᱤᱭᱟᱹ ᱯᱟᱹᱴᱷᱩᱣᱟᱹ ᱠᱚᱣᱟᱜ ᱵᱷᱮᱜᱟᱨ ᱵᱷᱮᱜᱟᱨ ᱢᱟᱱᱥᱤᱠ ᱯᱟᱥᱱᱟᱣ ᱵᱟᱵᱚᱛ ᱛᱮ ᱡᱩᱛᱩᱜ ᱜᱮᱭᱟ᱾ ᱡᱚᱠᱷᱚᱱ ᱴᱮᱭᱜᱳᱨ ᱟᱜ ᱚᱱᱚᱬᱦᱮᱸ ᱨᱮᱭᱟᱜ ᱱᱩᱭᱟᱱᱥ ᱫᱚ ᱵᱟᱝᱞᱟ ᱯᱟᱹᱴᱷᱩᱣᱟᱹ ᱠᱚ ᱞᱟᱹᱜᱤᱫ ᱥᱚᱦᱚᱡ ᱜᱮ ᱛᱟᱦᱮᱸ ᱠᱟᱱᱟ, ᱱᱚᱣᱟ ᱫᱚ ᱤᱣᱨᱳᱯᱤᱭᱟᱹᱱ ᱯᱟᱲᱦᱟᱣᱤᱭᱟᱹ ᱠᱚ ᱞᱟᱹᱜᱤᱫ ᱫᱚ ᱟᱹᱰᱤ ᱵᱷᱟᱹᱜᱤ ᱜᱮ ᱡᱚᱴᱤᱞ ᱛᱟᱦᱮᱸ ᱠᱟᱱᱟ᱾ ᱢᱮᱱᱠᱷᱟᱱ, ᱡᱟᱦᱟᱸ ᱫᱚ ᱩᱱᱤ ᱫᱚ ᱥᱟᱦᱟᱥ ᱮ ᱮᱢᱟᱫᱮᱭᱟ ᱚᱱᱟ ᱫᱚ ᱦᱩᱭᱩᱜ ᱠᱟᱱᱟ ᱡᱮ ᱡᱟᱦᱟᱸ ᱡᱟᱨᱢᱟᱱ ᱯᱟᱵᱽᱞᱤᱥᱟᱨ ᱠᱚ ᱫᱷᱚᱨᱚᱢ ᱯᱚᱛᱚᱵ ᱠᱚ ᱪᱷᱟᱯᱟ ᱥᱚᱫᱚᱨ ᱨᱮ ᱠᱚ ᱵᱤᱡᱷᱟᱹᱣ ᱠᱟᱱ ᱛᱟᱦᱮᱸᱱᱟ, ᱩᱱᱠᱩ ᱫᱚ ᱴᱮᱭᱜᱳᱨ ᱨᱮ ᱩᱫᱽᱜᱟᱹᱣ ᱠᱚ ᱩᱫᱩᱜ ᱠᱮᱫᱟ ᱪᱮᱫᱟᱜ ᱥᱮ ᱤᱣᱨᱳᱯ ᱨᱮ ᱩᱱᱤ ᱫᱚ ᱱᱤᱛ ᱦᱚᱸ ᱢᱤᱫ "ᱢᱤᱥᱴᱤᱠ" ᱟᱨ "ᱥᱮᱡ" ᱞᱮᱠᱟᱛᱮ ᱟᱡᱟᱜ ᱧᱩᱛᱩᱢ ᱠᱷᱚᱱ ᱮ ᱡᱚᱢ ᱵᱟᱲᱟᱭᱟ᱾ ᱴᱮᱭᱜᱳᱨ ᱫᱚ ᱱᱚᱵᱮᱞ ᱥᱤᱨᱯᱷᱟᱹ ᱮ ᱟᱢᱮᱴ ᱠᱮᱫ ᱛᱟᱭᱚᱢ, ᱜᱤᱛᱟᱧᱡᱚᱞᱤ ᱨᱮᱭᱟᱜ ᱤᱝᱞᱤᱥ ᱵᱷᱚᱨᱥᱚᱱ ᱫᱚ ᱟᱹᱰᱤ ᱞᱚᱜᱚᱱ ᱜᱮ ᱟᱭᱢᱟ ᱤᱣᱨᱳᱯᱤᱭᱟᱹ ᱯᱟᱹᱨᱥᱤ ᱛᱮ ᱛᱚᱨᱡᱚᱢᱟ ᱦᱩᱭ ᱮᱱᱟ᱾ ᱡᱟᱨᱢᱟᱱ ᱵᱷᱚᱨᱥᱚᱱ ᱫᱚ ᱑᱙᱑᱔ ᱥᱟᱞᱮ ᱨᱮ ᱪᱷᱟᱯᱟ ᱥᱚᱫᱚᱨ ᱦᱩᱭ ᱞᱮᱱᱟ᱾^[᱓] ᱠᱟᱢᱯᱪᱮᱱ ᱫᱚ ᱥᱚᱸᱡᱩᱠᱛᱟ ᱫᱟᱥᱜᱩᱯᱛᱟ ᱟᱨ ᱪᱤᱱᱢᱚᱭ ᱜᱩᱦᱟ ᱥᱟᱯᱲᱟᱣ ᱟᱠᱟᱫ ᱴᱮᱭᱜᱳᱨ - ᱮᱴ ᱦᱳᱢ ᱤᱱ ᱫᱟ ᱣᱟᱨᱞᱰ ᱨᱮ ᱨᱚᱵᱤᱱᱫᱽᱨᱚᱱᱟᱛᱷ ᱴᱮᱭᱜᱳᱨ ᱟᱨ ᱡᱟᱨᱢᱟᱱᱤ: ᱢᱤᱫ ᱚᱵᱷᱟᱨᱵᱷᱤᱣ ᱧᱩᱛᱩᱢ ᱛᱮ ᱢᱤᱫ ᱦᱟᱹᱴᱤᱧ ᱮ ᱮᱢ ᱟᱠᱟᱫᱟ᱾ ᱩᱱᱩᱫᱩᱜ ᱨᱮ ᱢᱮᱱᱟᱜᱼᱟ ᱡᱮ ᱚᱱᱚᱞ ᱫᱚ ᱛᱚᱨᱡᱚᱢᱟ ᱦᱚᱛᱮᱛᱮ ᱡᱟᱨᱢᱟᱱᱤ ᱨᱮ ᱴᱮᱭᱜᱳᱨ ᱫᱚᱦᱲᱟ ᱩᱭᱦᱟᱹᱨ ᱨᱮᱭᱟᱜ ᱥᱟᱸᱜᱷᱟᱨ ᱮ ᱥᱟᱹᱛ ᱟᱠᱟᱫᱟ᱾^[᱔]

ᱠᱟᱢᱯᱪᱮᱱ ᱟᱜ ᱛᱚᱨᱡᱚᱢᱟ ᱫᱚ ᱚᱱᱟ ᱠᱚ ᱚᱱᱚᱬᱦᱮᱸ ᱠᱷᱚᱱ ᱮᱛᱚᱦᱚᱵ ᱟᱠᱟᱱᱟ ᱡᱟᱦᱟᱸ ᱫᱚ ᱥᱚᱦᱚᱡ ᱧᱮᱞᱚᱜ ᱠᱟᱱ ᱛᱟᱦᱮᱸᱱᱟ, ᱢᱮᱱᱠᱷᱟᱱ ᱚᱱᱟ ᱨᱮ ᱜᱤᱛᱟᱧᱡᱚᱞᱤ ᱨᱮᱱᱟᱜ ᱠᱤᱪᱷᱩ ᱦᱟᱹᱴᱤᱧ ᱦᱚᱸ ᱥᱮᱞᱮᱫ ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱫᱚ ᱵᱟᱝ ᱥᱚᱦᱚᱡ ᱛᱟᱦᱮᱸ ᱠᱟᱱᱟ᱾ ᱥᱟᱱᱛᱤᱱᱤᱠᱮᱛᱚᱱ ᱫᱚ ᱢᱤᱫ ᱱᱟᱯᱟᱭ ᱚᱠᱛᱚ ᱮ ᱮᱢ ᱠᱮᱫᱟ - ᱚᱸᱰᱮ ᱜᱚᱲᱚ ᱟᱨ ᱥᱚᱦᱚᱫ ᱞᱟᱹᱜᱤᱫ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱦᱮᱞᱮᱱ ᱢᱮᱭᱮᱨ-ᱯᱷᱨᱟᱱᱠ ᱟᱨ ᱟᱞᱳᱠᱮᱨᱚᱧᱡᱚᱱ ᱫᱟᱥᱜᱩᱯᱛᱟ ᱟᱜ ᱛᱚᱨᱡᱚᱢᱟ ᱮ ᱯᱟᱲᱦᱟᱣ ᱠᱮᱫᱟ, ᱩᱱᱠᱤᱱ ᱵᱟᱱᱟᱨ ᱜᱮ ᱴᱮᱭᱜᱳᱨ ᱫᱚ ᱵᱟᱝᱞᱟ ᱠᱷᱚᱱ ᱡᱟᱨᱢᱟᱱ ᱛᱮ ᱠᱤᱱ ᱛᱚᱨᱡᱚᱢᱟ ᱞᱮᱫᱟ᱾ ᱚᱸᱰᱮ ᱠᱮᱛᱟᱠᱤ ᱠᱩᱥᱟᱨᱤ ᱰᱟᱭᱥᱚᱱ, ᱚᱱᱚᱬᱦᱤᱭᱟᱹ, ᱩᱯᱟᱹᱱᱭᱟᱥᱤᱠ ᱟᱨ ᱛᱚᱨᱡᱚᱢᱟᱤᱭᱟᱹ (ᱵᱟᱝᱞᱟ ᱠᱷᱚᱱ ᱤᱝᱞᱤᱥ), ᱛᱟᱦᱮᱸ ᱠᱟᱱᱟ, ᱡᱟᱦᱟᱸᱭᱟᱜ ᱠᱚᱢᱮᱱᱴ ᱡᱮ ᱚᱠᱚᱭ ᱦᱚᱸ ᱡᱟᱦᱟᱸᱭ ᱫᱚ ᱚᱱᱚᱬᱦᱤᱭᱟᱹ ᱵᱟᱹᱱᱩᱜ ᱮᱭᱟ ᱩᱱᱤ ᱫᱚ ᱨᱚᱵᱤᱱᱫᱽᱨᱚᱱᱟᱛᱷ ᱟᱜ ᱚᱱᱚᱬᱦᱮᱸ ᱵᱷᱟᱹᱜᱤ ᱛᱮ ᱛᱚᱨᱡᱚᱢᱟ ᱵᱟᱭ ᱫᱟᱲᱮᱭᱟᱜᱼᱟ ᱠᱤᱪᱷᱩ ᱜᱟᱱ ᱠᱟᱢᱯᱪᱮᱱ ᱮ ᱵᱤᱪᱞᱤᱛ ᱠᱮᱫᱮᱭᱟ᱾ ᱵᱤᱞᱤᱭᱚᱢ ᱨᱟᱰᱤᱥᱮ ᱦᱚᱛᱮᱛᱮ ᱵᱟᱝᱞᱟ ᱠᱷᱚᱱ ᱤᱝᱞᱤᱥ ᱛᱮ ᱛᱚᱨᱡᱚᱢᱟ ᱟᱠᱟᱱ ᱨᱚᱵᱤᱱᱫᱽᱨᱚᱱᱟᱛᱷ ᱴᱮᱭᱜᱳᱨ ᱟᱜ ᱵᱟᱪᱷᱟᱣ ᱟᱠᱟᱱ ᱚᱱᱚᱬᱦᱮᱸ ᱪᱷᱟᱯᱟ ᱥᱚᱫᱚᱨ ᱠᱟᱛᱮ ᱩᱱᱤ ᱫᱚ ᱩᱫᱽᱜᱟᱹᱣ ᱮ ᱧᱟᱢ ᱠᱮᱫᱟ᱾^[᱓]

ᱠᱟᱢᱯᱪᱮᱱ ᱟᱜ ᱯᱩᱭᱞᱩ ᱪᱷᱟᱯᱟ ᱥᱚᱫᱚᱨ ᱫᱚ ᱡᱟᱨᱢᱟᱱ ᱛᱚᱨᱡᱚᱢᱟ ᱨᱮ ᱴᱮᱭᱜᱳᱨ ᱟᱜ ᱥᱯᱷᱩᱞᱤᱝᱜᱟ, ᱞᱮᱠᱷᱚᱱ ᱟᱨ ᱠᱳᱱᱤᱠᱟ ᱠᱷᱚᱱ ᱢᱤᱫ ᱥᱟᱭ ᱚᱱᱚᱬᱦᱮᱸ ᱨ ᱛᱩᱢᱟᱹᱞ ᱛᱟᱦᱮᱸ ᱠᱟᱱᱟ᱾ ᱱᱚᱣᱟ ᱛᱟᱭᱚᱢ ᱛᱮ ᱢᱚᱬᱮᱥᱟᱭ ᱚᱱᱚᱬᱦᱮᱸ ᱨᱮᱱᱟᱜ ᱢᱤᱫ ᱵᱟᱪᱷᱱᱟᱣ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱢᱤᱫ ᱯᱮᱯᱟᱨ-ᱵᱮᱠ ᱞᱮᱠᱟᱛᱮ ᱪᱷᱟᱯᱟ ᱥᱚᱫᱚᱨ ᱦᱩᱭ ᱞᱮᱱᱟ᱾ ᱯᱚᱛᱚᱵ ᱫᱚ ᱗,᱐᱐᱐ ᱠᱚᱯᱤ ᱠᱚ ᱟᱹᱠᱷᱨᱤᱧ ᱠᱮᱫᱟ ᱟᱨ ᱥᱟᱦᱤᱛᱤ ᱪᱟᱠᱨᱤ ᱨᱮ ᱟᱨ ᱢᱤᱰᱤᱭᱟ ᱨᱮ ᱟᱹᱰᱤ ᱜᱮ ᱨᱟᱹᱥᱠᱟᱹ ᱠᱚ ᱥᱟᱨᱦᱟᱣ ᱠᱮᱫᱟ᱾ ᱛᱮᱥᱟᱨ ᱵᱷᱚᱞᱭᱩᱢ ᱨᱮ ᱟᱹᱰᱤ ᱜᱟᱱ ᱜᱟᱱ ᱜᱤᱛᱟᱸᱡᱽᱞᱤ ᱟᱨ ᱥᱤᱥᱩ ᱠᱷᱚᱱ ᱛᱚᱨᱡᱚᱢᱟ ᱥᱮᱞᱮᱫ ᱛᱟᱦᱮᱸ ᱠᱟᱱᱟ᱾ ᱱᱚᱣᱟ ᱯᱚᱛᱚᱵ ᱫᱚ ᱪᱷᱟᱯᱟ ᱚᱲᱟᱜ ᱠᱚ ᱦᱚᱛᱮᱛᱮ ᱪᱷᱟᱯᱟ ᱥᱚᱫᱚᱨ ᱦᱩᱭ ᱞᱮᱱᱟ ᱡᱟᱦᱟᱸ ᱫᱚ ᱫᱷᱚᱨᱚᱢ ᱯᱚᱛᱚᱵ ᱪᱷᱟᱯᱟ ᱥᱚᱫᱚᱨ ᱨᱮ ᱠᱚ ᱵᱤᱡᱷᱟᱹᱣ ᱛᱟᱦᱮᱸ ᱠᱟᱱᱟ᱾ ᱚᱱᱟ ᱛᱟᱭᱚᱢ ᱩᱱᱤ ᱫᱚ ᱴᱮᱭᱜᱳᱨ ᱟᱜ ᱫᱩᱞᱟᱹᱲ ᱚᱱᱚᱬᱦᱮᱸ ᱨᱮᱱᱟᱜ ᱢᱤᱫ ᱵᱟᱪᱷᱱᱟᱣ ᱥᱟᱶ ᱮ ᱦᱮᱡ ᱮᱱᱟ, ᱤᱱᱥᱮᱞ ᱵᱷᱮᱨᱞᱟᱜ, ᱢᱤᱫ ᱪᱷᱟᱯᱟ ᱚᱲᱟᱜ ᱡᱟᱦᱟᱸ ᱫᱚ ᱥᱟᱦᱤᱛᱤ ᱴᱚᱴᱷᱟ ᱨᱮ ᱟᱹᱰᱤ ᱜᱮ ᱵᱟᱰᱟᱭᱚᱜᱼᱟ᱾ ᱨᱚᱵᱤᱱᱫᱽᱨᱚᱱᱟᱛᱷ ᱴᱮᱭᱜᱳᱨ ᱟᱜ ᱵᱟᱪᱷᱟᱣ ᱟᱠᱟᱱ ᱠᱟᱹᱢᱤ ᱨᱮᱱᱟᱜ ᱢᱤᱫ ᱵᱷᱚᱞᱭᱩᱢ ᱢᱤᱫ ᱵᱷᱟᱹᱜᱤ ᱵᱮᱱᱟᱣ ᱟᱠᱟᱱ ᱥᱤᱨᱤᱡᱽ ᱨᱮᱱᱟᱜ ᱦᱟᱹᱴᱤᱧ ᱞᱮᱠᱟᱛᱮ ᱪᱷᱟᱯᱟ ᱥᱚᱫᱚᱨ ᱦᱩᱭ ᱞᱮᱱᱟ, ᱣᱤᱸᱠᱞᱟᱨ ᱣᱟᱨᱞᱰ ᱞᱤᱴᱨᱮᱪᱟᱨ᱾ ᱥᱟᱦᱤᱛᱤ ᱨᱮ ᱚᱱᱚᱬᱦᱮᱸ, ᱠᱷᱟᱴᱚ ᱠᱟᱹᱦᱱᱤ, ᱨᱚᱯᱚᱲ, ᱪᱤᱴᱷᱤ ᱨᱮᱱᱟᱜ ᱢᱤᱫ ᱜᱩᱪᱷᱤ ᱟᱨ ᱟᱞᱵᱚᱨᱴ ᱟᱭᱤᱱᱥᱴᱟᱭᱤᱱ ᱥᱟᱶ ᱨᱚᱯᱚᱲ ᱛᱟᱦᱮᱸ ᱠᱟᱱᱟ᱾ ᱛᱚᱨᱡᱚᱢᱟ ᱫᱚ ᱟᱭᱢᱟ ᱦᱚᱲ ᱠᱚ ᱦᱚᱛᱮᱛᱮ ᱛᱟᱦᱮᱸ ᱠᱟᱱᱟ ᱟᱨ ᱠᱟᱢᱯᱪᱮᱱ ᱟᱜ ᱥᱟᱱᱟᱢ ᱚᱱᱚᱬᱦᱮᱸ ᱛᱚᱨᱡᱚᱢᱟ ᱥᱮᱞᱮᱫ ᱛᱟᱦᱮᱸ ᱠᱟᱱᱟ᱾^[᱓]

ᱠᱟᱢᱯᱪᱮᱱ ᱮ ᱞᱟᱹᱭᱟ, "ᱤᱧ ᱫᱚ ᱚᱱᱚᱬᱦᱤᱭᱟᱹ (ᱨᱚᱵᱤᱱᱫᱽᱨᱚᱱᱟᱛᱷ ᱴᱮᱭᱜᱳᱨ) ᱵᱩᱡᱷᱟᱹᱣ ᱠᱮᱫᱟ, ᱢᱩᱪᱟᱹᱫ ᱨᱮ ᱡᱟᱨᱢᱟᱱᱤ ᱨᱮ ᱥᱮᱴᱮᱨ ᱦᱩᱭ ᱟᱠᱟᱱᱟ! ᱟᱹᱰᱤ ᱡᱤᱞᱤᱧ ᱚᱠᱛᱚ ᱛᱟᱭᱚᱢ ᱩᱱᱤ ᱫᱚ ᱡᱮᱜᱮᱛ ᱥᱟᱦᱤᱛᱤ ᱨᱮᱱᱟᱜ ᱢᱤᱫ ᱪᱤᱛᱟᱹᱨ ᱞᱮᱠᱟᱛᱮ ᱢᱟᱱᱟᱣ ᱵᱟᱛᱟᱣ ᱦᱩᱭ ᱟᱠᱟᱱᱟ, ᱡᱟᱦᱟᱸ ᱫᱚ ᱥᱮᱠᱥᱯᱤᱭᱟᱨ, ᱴᱚᱞᱥᱴᱚᱭ ᱟᱨ ᱫᱟᱱᱛᱮ ᱥᱟᱶ ᱥᱚᱢᱟᱱ ᱜᱮᱭᱟ"᱾^[᱓]

ᱡᱟᱨᱢᱟᱱᱤ ᱫᱟᱬᱟᱱ ᱨᱮ ᱴᱮᱭᱜᱳᱨ ᱟᱜ ᱠᱟᱹᱢᱤ

ᱡᱟᱨᱢᱟᱱ ᱛᱮ ᱴᱮᱭᱜᱳᱨ ᱟᱜ ᱠᱟᱹᱢᱤ ᱠᱚ ᱛᱚᱨᱡᱚᱢᱟᱭᱮᱫ ᱨᱮᱭᱟᱜ ᱡᱚᱛᱚᱱ ᱥᱟᱶ ᱠᱟᱢᱯᱪᱮᱱ ᱫᱚ ᱡᱟᱨᱢᱟᱱᱤ ᱫᱟᱬᱟᱱ ᱨᱮ ᱴᱮᱭᱜᱳᱨ ᱟᱜ ᱠᱟᱹᱢᱤ ᱨᱮ ᱮᱛᱚᱦᱚᱵ ᱠᱮᱫᱟ᱾ ᱴᱮᱭᱜᱳᱨ ᱫᱚ ᱡᱟᱨᱢᱟᱱᱤ ᱯᱮ ᱫᱷᱟᱣ ᱮ ᱫᱟᱬᱟ ᱞᱮᱫᱟ ᱟᱨ ᱚᱸᱰᱮ ᱟᱭᱢᱟ ᱦᱚᱲ ᱥᱟᱶ ᱮ ᱧᱟᱯᱟᱢ ᱞᱮᱱᱟ ᱡᱟᱦᱟᱸ ᱥᱟᱶ ᱩᱱᱤ ᱫᱚ ᱛᱟᱭᱚᱢ ᱡᱤᱭᱚᱱ ᱨᱮ ᱪᱤᱴᱷᱤ ᱮ ᱚᱞ ᱞᱮᱫᱟ᱾ ᱨᱚᱵᱤᱱᱫᱽᱨᱚ ᱵᱷᱚᱵᱚᱱ ᱟᱜ ᱟᱨᱠᱟᱭᱤᱵᱽ ᱨᱮ ᱡᱟᱨᱢᱟᱱ ᱨᱮ ᱥᱟᱢᱟᱱ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱥᱚᱢᱵᱷᱟᱵᱽ ᱢᱮᱱᱟᱜᱼᱟ ᱚᱠᱚᱭ ᱦᱚᱸ ᱵᱟᱹᱠᱩ ᱢᱟᱱᱟᱣ ᱞᱮᱫ ᱛᱟᱦᱮᱸᱱᱟ᱾ ᱛᱟᱭᱚᱢ ᱛᱮ ᱡᱟᱨᱢᱟᱱᱤ ᱨᱮ ᱥᱟᱢᱟᱱ ᱯᱟᱥᱱᱟᱣ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱚᱱᱟ ᱠᱚ ᱯᱟᱨᱚᱢ ᱠᱟᱛᱮ ᱟᱭᱢᱟ ᱥᱮᱨᱢᱟ ᱮ ᱠᱷᱟᱸᱰᱟᱣ ᱠᱮᱫᱟ᱾ ᱡᱚᱠᱷᱚᱱ ᱩᱱᱤ ᱫᱚ ᱱᱚᱣᱟ ᱠᱚ ᱨᱮ ᱠᱟᱹᱢᱤ ᱠᱟᱱ ᱛᱟᱦᱮᱸᱱᱟ, ᱩᱱ ᱚᱠᱛᱚ ᱴᱮᱭᱜᱳᱨ ᱜᱩᱨ ᱨᱮᱱᱟᱜ ᱕᱐ ᱟᱱᱟᱜ ᱥᱮᱨᱢᱟ (᱑᱙᱙᱑) ᱥᱩᱨ ᱥᱮᱴᱮᱨ ᱦᱤᱡᱩᱜ ᱠᱟᱱ ᱛᱟᱦᱮᱸᱱᱟ᱾ ᱢᱮᱠᱥ ᱢᱩᱞᱟᱨ ᱵᱷᱚᱵᱚᱱ, ᱠᱚᱞᱠᱟᱛᱟ, ᱱᱚᱣᱟ ᱫᱚ ᱵᱟᱰᱟᱭ ᱞᱟᱹᱜᱤᱫ ᱟᱭᱢᱟ ᱯᱨᱚᱜᱨᱟᱢ ᱠᱚ ᱵᱮᱱᱟᱣ ᱠᱮᱫᱟ᱾ ᱜᱟᱞᱢᱟᱨᱟᱣ ᱛᱟᱭᱚᱢ ᱩᱱᱠᱩ ᱫᱚ ᱱᱚᱣᱟ ᱚᱠᱛᱚ ᱨᱮ ᱢᱤᱫ ᱯᱚᱛᱚᱵ ᱨᱮ ᱮᱛᱚᱦᱚᱵᱚᱜ ᱞᱟᱹᱜᱤᱫ ᱠᱚ ᱨᱟᱡᱤ ᱮᱱᱟ᱾ ᱞᱚᱜᱚᱱ ᱜᱮ ᱨᱚᱵᱤᱱᱫᱽᱨᱚᱱᱟᱛᱷ ᱴᱮᱭᱜᱳᱨ ᱟᱨ ᱡᱟᱨᱢᱟᱱᱤ: ᱢᱤᱫ ᱰᱚᱠᱩᱢᱮᱱᱴᱟᱨᱤ, ᱢᱟᱨᱴᱤᱱ ᱠᱟᱢᱯᱪᱮᱱ ᱮ ᱥᱟᱯᱲᱟᱣ ᱠᱮᱫ ᱨᱮᱭᱟᱜ ᱚᱨᱡᱚ ᱦᱩᱭ ᱮᱱᱟ᱾ ᱩᱱᱤ ᱫᱚ ᱑᱙᱙᱒ ᱥᱟᱞᱮ ᱨᱮ ᱯᱟᱪᱷᱮ ᱵᱟᱝᱞᱟ ᱥᱚᱨᱠᱟᱨ ᱦᱚᱛᱮᱛᱮ ᱨᱚᱵᱤᱱᱫᱽᱨᱚ ᱯᱩᱨᱚᱥᱠᱟᱨ ᱮ ᱧᱟᱢ ᱠᱮᱫᱟ᱾^[᱕] ᱛᱟᱭᱚᱢ ᱛᱮ ᱩᱱᱤ ᱫᱚ ᱡᱟᱨᱢᱟᱱᱤ ᱨᱮ ᱨᱚᱵᱤᱱᱫᱽᱨᱚᱱᱟᱛᱷ ᱴᱮᱭᱜᱳᱨ - ᱢᱤᱫ ᱠᱟᱞᱪᱟᱨᱟᱞ ᱟᱭᱠᱚᱱ ᱨᱮ ᱯᱩᱱᱭᱟᱹ ᱡᱩᱣᱟᱹᱵ ᱚᱞ ᱠᱮᱫᱟ, ᱡᱟᱦᱟᱸ ᱫᱚ ᱟᱹᱰᱤ ᱜᱮ ᱯᱟᱠᱟ ᱟᱨ ᱯᱩᱨᱟᱹ ᱜᱮ ᱛᱟᱦᱮᱸ ᱠᱟᱱᱟ᱾^[᱖] ᱚᱱᱟ ᱚᱠᱛᱚ ᱨᱮ ᱧᱟᱯᱟᱢ ᱟᱠᱟᱱ ᱟᱭᱢᱟ ᱨᱟᱹᱥᱠᱟᱹ ᱦᱚᱲ ᱠᱚ ᱛᱟᱞᱟ ᱨᱮ ᱮᱞᱮᱠᱥ ᱟᱨᱚᱱᱥᱚᱱ ᱦᱚᱸ ᱢᱮᱱᱟᱭᱟ, ᱢᱤᱫ ᱢᱟᱪᱮᱫ ᱟᱨ ᱚᱱᱚᱞᱤᱭᱟᱹ ᱡᱟᱦᱟᱸᱭ ᱫᱚ ᱯᱟᱪᱷᱮ ᱢᱮᱫ ᱦᱚᱛᱮᱛᱮ ᱨᱚᱵᱤᱱᱫᱽᱨᱚᱱᱟᱛᱷ ᱮ ᱚᱞ ᱞᱮᱫᱟ᱾

ᱮᱴᱟᱜ ᱠᱟᱹᱢᱤᱦᱚᱨᱟ

ᱠᱟᱢᱯᱪᱮᱱ ᱫᱚ ᱢᱤᱫ ᱯᱨᱚᱞᱤᱯᱷᱤᱠ ᱚᱱᱚᱞᱤᱭᱟᱹ ᱠᱟᱱᱟᱭ᱾ ᱩᱱᱤ ᱫᱚ ᱨᱟᱢᱠᱨᱤᱥᱱᱚ, ᱵᱤᱵᱮᱠᱟᱱᱚᱱᱫᱚ, ᱨᱚᱵᱤᱱᱫᱽᱨᱚᱱᱟᱛᱷ ᱴᱮᱭᱜᱳᱨ, ᱦᱟᱨᱢᱟᱱ ᱦᱮᱥᱮ, ᱜᱩᱱᱴᱟᱨ ᱜᱨᱟᱥ ᱟᱨ ᱮᱴᱟᱜ ᱦᱚᱲ ᱠᱚ ᱪᱮᱛᱟᱱ ᱨᱮ ᱠᱨᱤᱴᱤᱠᱟᱞ ᱥᱟᱢᱟᱱ ᱮ ᱵᱮᱱᱟᱣ ᱟᱠᱟᱫᱟ᱾ ᱩᱱᱤ ᱫᱚ ᱥᱤᱧᱚᱛ ᱨᱮ ᱫᱟᱬᱟᱱ ᱪᱮᱛᱟᱱ ᱨᱮ ᱛᱮᱭᱟᱨ ᱟᱠᱟᱱ ᱠᱷᱟᱴᱚ ᱠᱟᱹᱦᱱᱤ ᱨᱮᱱᱟᱜ ᱢᱤᱫ ᱥᱟᱦᱤᱛᱤ ᱮ ᱵᱮᱱᱟᱣ ᱟᱠᱟᱫᱟ, ᱜᱷᱳᱥᱟᱞᱰᱟᱝᱜᱟ ᱨᱮ ᱟᱡᱟᱜ ᱚᱱᱩᱵᱷᱩᱛᱤ ᱪᱮᱛᱟᱱ ᱨᱮ ᱵᱮᱱᱟᱣ ᱟᱠᱟᱱ ᱢᱤᱫ ᱩᱯᱟᱹᱱᱭᱟᱥ, ᱦᱤᱢᱟᱞᱚᱭ ᱨᱮ ᱵᱮᱱᱟᱣ ᱟᱠᱟᱱ ᱜᱤᱫᱽᱨᱟᱹ ᱠᱚ ᱞᱟᱹᱜᱤᱫ ᱢᱤᱫ ᱯᱚᱛᱚᱵ ᱟᱨ ᱮᱴᱟᱜ ᱠᱨᱤᱭᱮᱴᱤᱵ ᱥᱟᱢᱟᱱ ᱮ ᱵᱮᱱᱟᱣ ᱟᱠᱟᱫᱟ᱾^[᱒] ᱩᱱᱤ ᱫᱚ ᱯᱷᱨᱮᱸᱠᱯᱷᱚᱨᱴᱟᱨ ᱟᱞᱜᱮᱢᱟᱭᱤᱱ ᱡᱮᱭᱛᱩᱝ, ᱢᱤᱫ ᱡᱟᱨᱢᱟᱱ ᱫᱤᱱᱟᱹᱢ ᱠᱷᱚᱵᱚᱨ ᱠᱟᱜᱚᱡᱽ ᱟᱨ ᱮᱴᱟᱜ ᱠᱷᱚᱵᱚᱨ ᱠᱟᱜᱚᱡᱽ ᱠᱚᱨᱮ ᱯᱷᱨᱤ ᱞᱟᱱᱥ ᱠᱟᱱᱴᱨᱤᱵᱩᱴᱟᱨ ᱮ ᱛᱟᱦᱮᱸ ᱠᱟᱱᱟ᱾ ᱢᱟᱨᱴᱤᱱ ᱠᱟᱢᱯᱪᱮᱱ ᱫᱚ ᱤᱱᱰᱳ-ᱡᱟᱨᱢᱟᱱ ᱠᱟᱞᱪᱟᱨᱟᱞ ᱵᱩᱡᱷᱟᱹᱣ ᱨᱮ ᱮᱢ ᱟᱠᱟᱫ ᱮᱱᱮᱢ ᱠᱷᱟᱹᱛᱤᱨ ᱛᱮ ᱒᱐᱑᱒ ᱥᱟᱞᱮ ᱨᱮ ᱯᱩᱭᱞᱩ ᱢᱮᱨᱠ ᱴᱮᱭᱜᱳᱨ ᱥᱤᱨᱯᱷᱟᱹ ᱠᱚ ᱮᱢᱟᱫᱮᱭᱟ᱾^[᱗]

ᱥᱟᱹᱠᱷᱭᱟᱹᱛ

↑ "Martin Kämpchen". Freundeskreis. Archived from the original on 12 August 2019. Retrieved 11 August 2019.
1 2 3 Konar, Rajdeep. "On tour with Martin Kämpchen through Santiniketan". Goethe-Institut / Max Mueller Bhavan New Delhi, April 2016. Archived from the original on 12 August 2019. Retrieved 11 August 2019.
1 2 3 4 Kämpchen, Martin. "Rabindranath Tagore – the Story behind my research". Website. Archived from the original on 4 June 2020. Retrieved 8 August 2019.
↑ Tagore – At Home in the World. edited by Sanjukta Dasgupta and Chinmoy Guha. Sage Publications India Private Limited, 2013. 8 February 2013. ISBN 9788132110842. Retrieved 12 August 2019.
↑ "The German Tagore". The Indian Express, 15 April 2012. Archived from the original on 5 May 2017. Retrieved 12 August 2019.
↑ "Rabindranath Tagore in Germany: Four Responses to a Cultural Icon". Exotic India. Archived from the original on 13 August 2019. Retrieved 12 August 2019.
↑ "Martin Kampchen to get First Merck Tagore Award". Outlook, 9 March 2012. Archived from the original on 13 August 2019. Retrieved 12 August 2019.

ᱵᱟᱦᱨᱮ ᱡᱚᱱᱚᱲ

[1] "Martin Kämpchen". Freundeskreis. Archived from the original on 12 August 2019. Retrieved 11 August 2019.

[rajdeep-2] 1 2 3 Konar, Rajdeep. "On tour with Martin Kämpchen through Santiniketan". Goethe-Institut / Max Mueller Bhavan New Delhi, April 2016. Archived from the original on 12 August 2019. Retrieved 11 August 2019.

[martin-3] 1 2 3 4 Kämpchen, Martin. "Rabindranath Tagore – the Story behind my research". Website. Archived from the original on 4 June 2020. Retrieved 8 August 2019.

[4] Tagore – At Home in the World. edited by Sanjukta Dasgupta and Chinmoy Guha. Sage Publications India Private Limited, 2013. 8 February 2013. ISBN 9788132110842. Retrieved 12 August 2019.

[5] "The German Tagore". The Indian Express, 15 April 2012. Archived from the original on 5 May 2017. Retrieved 12 August 2019.

[6] "Rabindranath Tagore in Germany: Four Responses to a Cultural Icon". Exotic India. Archived from the original on 13 August 2019. Retrieved 12 August 2019.

[7] "Martin Kampchen to get First Merck Tagore Award". Outlook, 9 March 2012. Archived from the original on 13 August 2019. Retrieved 12 August 2019.

[᱑]

[᱒]

[᱓]

[᱔]

[᱕]

[᱖]

[᱗]