ᱢᱟᱭᱠᱮᱞ ᱯᱷᱟᱨᱟᱰᱮ

ᱢᱟᱭᱠᱮᱞ ᱯᱷᱟᱨᱟᱰᱮ
ᱧᱩᱛᱩᱢ	ᱢᱟᱭᱠᱮᱞ ᱯᱷᱟᱨᱟᱰᱮ
ᱡᱤᱭᱚᱱ
ᱡᱟᱱᱟᱢ ᱢᱟᱺᱦᱤᱛ	᱒᱒ ᱥᱮᱯᱴᱮᱢᱵᱚᱨ ᱑᱗᱙᱑
ᱜᱩᱨ ᱢᱟᱺᱦᱤᱛ	᱒᱕ ᱚᱜᱚᱥᱴ ᱑᱘᱖᱗
ᱮᱱᱮᱢ
•Faraday's law of induction Electrochemistry Faraday effect Faraday cage Faraday constant Faraday cup Faraday's laws of electrolysis Faraday paradox Faraday rotator Faraday-efficiency effect Faraday wave Faraday wheel Lines of force
ᱢᱟᱺᱱ ᱥᱤᱨᱯᱷᱟᱹ
•ᱨᱚᱭᱟᱞ ᱢᱮᱰᱟᱞ (᱑᱘᱓᱕ ᱟᱨ ᱑᱘᱔᱖) ᱠᱩᱯᱞᱮ ᱢᱮᱰᱟᱞ (᱑᱘᱓᱒ ᱟᱨ ᱑᱘᱓᱘) ᱨᱚᱢᱯᱷᱚᱨᱰ ᱢᱮᱰᱟᱞ (᱑᱘᱔᱖) ᱟᱞᱵᱚᱨᱴ ᱢᱮᱰᱟᱞ (᱑᱘᱖᱖)
ᱥᱩᱦᱤ

ᱢᱟᱭᱠᱮᱞ ᱯᱷᱟᱨᱟᱰᱮ ᱫᱚ ᱤᱝᱞᱚᱸᱰ ᱨᱤᱱᱤᱡ ᱡᱟᱜ ᱥᱟᱬᱮᱥᱤᱭᱟᱹ ᱟᱨ ᱡᱟᱜ ᱜᱩᱱᱩᱱ ᱥᱟᱬᱮᱥᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱵᱤᱡᱽᱞᱤ ᱫᱟᱹᱲᱮᱫ ᱚᱠᱛᱚ ᱨᱮ ᱡᱟᱦᱟᱸ ᱢᱟᱜᱽᱱᱮᱴᱤᱠ ᱤᱯᱷᱮᱠᱴ (magnetic effect) ᱦᱩᱭᱩᱜ ᱠᱟᱱᱟ ᱚᱱᱟ ᱵᱟᱵᱚᱫ ᱛᱮᱭ ᱯᱩᱥᱴᱟᱹᱣ ᱥᱚᱫᱚᱨ ᱞᱮᱜ-ᱟ ᱾ᱵᱤᱡᱽᱞᱤ ᱟᱨ ᱢᱟᱜᱽᱱᱮᱴ ᱵᱟᱵᱚᱫᱽ ᱛᱮ ᱫᱚ ᱟᱭᱢᱟ ᱜᱮᱭ ᱠᱷᱚᱸᱫᱽᱨᱚᱫᱽ ᱞᱮᱫ ᱛᱟᱦᱮᱸᱫ ᱾ ᱱᱚᱶᱟ ᱞᱮᱠᱟᱛᱮ ᱜᱮ ᱰᱟᱭᱱᱟᱢᱚ ᱟᱨ ᱵᱤᱡᱽᱞᱤ ᱢᱚᱴᱚᱨ ᱵᱮᱱᱟᱣ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱜᱚᱥ (Gauss) ᱟᱜ ᱯᱩᱱᱭᱟᱹ ᱵᱤᱡᱽᱞᱤ ᱢᱟᱜᱽᱱᱮᱴ ᱨᱟᱭ ᱥᱟᱶ ᱱᱚᱶᱟ ᱨᱟᱭ ᱦᱚᱸ ᱥᱮᱞᱮᱫ ᱮᱱᱟ ᱾ ᱯᱷᱟᱨᱟᱰᱮ ᱫᱚ ᱵᱤᱡᱽᱞᱤ-ᱜᱩᱱᱩᱱ ᱵᱟᱵᱚᱫᱽ ᱛᱮ ᱦᱚᱸᱭ ᱠᱷᱚᱸᱫᱽᱨᱚᱸᱫᱽ ᱞᱮᱫ ᱛᱟᱦᱮᱸᱫ ᱟᱨ ᱵᱟᱨᱭᱟ ᱟᱹᱨᱤ ᱦᱚᱸᱭ ᱚᱰᱚᱠ ᱞᱮᱫ ᱛᱟᱸᱦᱮᱸᱫ ᱾

ᱡᱤᱭᱚᱱ

ᱯᱷᱟᱨᱟᱰᱮ ᱫᱚ ᱒᱒ ᱥᱮᱯᱴᱮᱢᱵᱚᱨ ᱑᱗᱙᱑ ᱥᱟᱞᱮᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱟᱡ ᱟᱯᱟᱛ ᱫᱮ ᱟᱹᱰᱤ ᱜᱮ ᱨᱮᱸᱜᱮᱡ-ᱮ ᱛᱟᱦᱮᱸ ᱠᱟᱱᱟ ᱾ ᱟᱯᱟᱛ ᱫᱚ ᱢᱤᱫ ᱠᱟᱢᱟᱨ ᱞᱮᱠᱟᱛᱮ ᱠᱟᱹᱢᱤ ᱠᱟᱱ ᱛᱟᱦᱮᱸᱫ ᱾ ᱯᱷᱟᱨᱟᱰᱮ ᱫᱚ ᱟᱡᱟᱜ ᱟᱨᱡᱟᱣ ᱞᱮᱠᱟᱛᱮ ᱮᱛᱚᱦᱚᱵ ᱫᱚ ᱢᱤᱫ ᱯᱚᱛᱚᱵ ᱛᱚᱞ ᱫᱚᱠᱟᱱ ᱨᱮᱭ ᱠᱟᱹᱢᱤ ᱮᱦᱚᱵ ᱞᱮᱫ ᱛᱟᱦᱮᱸᱫ ᱾ ᱟᱨ ᱚᱠᱛᱚ ᱠᱚ ᱧᱟᱢ ᱞᱮᱱᱠᱷᱟᱱ ᱡᱟᱜ ᱥᱟᱬᱮᱥ ᱟᱨ ᱡᱟᱜ ᱜᱩᱱᱩᱱ ᱥᱟᱬᱮᱥ ᱪᱮᱛᱟᱱ ᱨᱚ ᱚᱞ ᱟᱠᱟᱱ ᱯᱚᱛᱚᱵ ᱠᱚᱭ ᱯᱟᱲᱦᱟᱣᱮᱫ ᱛᱟᱦᱮᱸᱫ ᱾ ᱟᱯᱟᱛ ᱡᱮᱢᱥ ᱯᱷᱟᱨᱟᱰᱮ ᱫᱚ ᱟᱡ ᱨᱤᱱ ᱜᱷᱟᱨᱚᱡ ᱥᱚᱦᱚᱫ ᱟᱨ ᱜᱤᱫᱽᱨᱟᱹ ᱠᱚ ᱥᱟᱶ ᱑᱗᱙᱐ ᱥᱟᱞᱮᱨᱮ ᱞᱚᱱᱰᱚᱱ ᱠᱚ ᱪᱟᱞᱟᱣᱮᱱᱟ ᱠᱟᱹᱢᱤ ᱟᱥᱟ ᱛᱮ ᱾ ᱚᱸᱰᱮ ᱜᱮ ᱟᱡᱟᱜ ᱡᱟᱱᱟᱢ ᱫᱚ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱟᱡ ᱫᱚ ᱟᱠᱚ ᱵᱚᱭᱟ ᱠᱚ ᱛᱟᱞᱟᱨᱮ ᱛᱮᱥᱮᱨᱤᱡ-ᱮ ᱛᱟᱦᱮᱸᱠᱟᱱᱟ ᱾ ᱟᱹᱰᱤ ᱵᱟᱹᱲᱛᱤ ᱫᱚ ᱵᱟᱭ ᱚᱞ ᱞᱮᱱᱟ ᱥᱩᱢᱩᱝ ᱥᱮᱪᱮᱫ ᱜᱮᱭᱟᱱ ᱞᱮᱠᱟ ᱥᱩᱢᱩᱝ ᱾ ᱡᱚᱠᱷᱚᱱ ᱟᱡᱟᱜ ᱵᱚᱭᱚᱥ ᱑᱔ ᱥᱮᱨᱢᱟ ᱦᱩᱭᱮᱱᱟ ᱩᱱᱤ ᱫᱚ ᱢᱤᱫ ᱯᱚᱛᱚᱵ ᱛᱚᱞ ᱫᱚᱠᱟᱱ ᱨᱮ ᱠᱟᱹᱢᱤ ᱮᱦᱚᱵ ᱠᱮᱫᱟᱭ ᱟᱨ ᱵᱟᱹᱲᱛᱤ ᱚᱠᱛᱚᱭ ᱧᱟᱢ ᱯᱚᱛᱚᱵ ᱯᱟᱲᱦᱟᱣ ᱠᱚᱨᱮ ᱚᱠᱛᱚᱭ ᱠᱷᱮᱢᱟᱣᱟ ᱾ ᱮᱭᱟᱭ ᱥᱮᱨᱢᱟ ᱚᱸᱰᱮ ᱠᱟᱹᱢᱤ ᱚᱠᱛᱚ ᱨᱮ ᱟᱭᱢᱟ ᱯᱚᱛᱚᱵ-ᱮ ᱯᱟᱲᱦᱟᱣ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱠᱚ ᱢᱩᱸᱫᱽ ᱨᱮ ᱥᱟᱬᱮᱥ ᱟᱨ ᱵᱤᱡᱽᱞᱤ ᱥᱟᱛᱟᱢ ᱤᱫᱤ ᱠᱟᱛᱮ ᱫᱚ ᱥᱤᱵᱤᱞ ᱵᱚᱞᱚᱣᱟᱫᱮ ᱛᱟᱦᱮᱸᱫ ᱾ ᱚᱥᱚᱠᱟᱭᱛᱮ ᱡᱮᱱ ᱢᱟᱨᱪᱮᱴ ᱟᱜ "ᱠᱚᱱᱵᱷᱚᱨᱥᱮᱥᱚᱱ ᱚᱱ ᱠᱮᱢᱤᱥᱴᱨᱤ" (conversation on chemistry) ᱫᱚ ᱟᱹᱰᱤ ᱵᱟᱹᱲᱛᱤ ᱢᱚᱱᱮ ᱨᱮ ᱛᱟᱹᱠᱤᱡ ᱞᱮᱱᱟ ᱾ ᱑᱘᱑᱒ ᱥᱟᱞᱮᱨᱮ ᱡᱚᱠᱷᱚᱱ ᱟᱡᱟᱜ ᱒᱐ ᱥᱮᱨᱢᱟ ᱩᱢᱮᱨ ᱯᱩᱨᱟᱹᱣᱮᱱᱟ, ᱤᱝᱞᱤᱥ ᱡᱟᱜ ᱜᱩᱱᱩᱱ ᱥᱟᱬᱮᱥᱤᱭᱟᱹ ᱦᱚᱢᱯᱷᱨᱤ ᱰᱮᱵᱤ ᱭᱟᱜ ᱨᱚᱭᱟᱞ ᱤᱱᱥᱴᱤᱪᱩᱴ ᱨᱮ ᱾ ᱯᱷᱟᱨᱟᱰᱮ ᱫᱚ ᱰᱮᱵᱤ ᱴᱷᱮᱱ ᱓᱐᱐ ᱥᱟᱦᱴᱟ ᱨᱮᱱᱟᱜ ᱢᱤᱫ ᱱᱚᱴᱥ(notes) ᱡᱟᱦᱟᱸ ᱫᱚ ᱡᱟᱜ ᱜᱩᱱᱩᱱ ᱡᱟᱬᱮᱥ ᱥᱟᱛᱟᱢ ᱤᱫᱤ ᱠᱟᱛᱮ ᱛᱟᱦᱮᱸᱠᱟᱱᱟ ᱾ ᱚᱱᱟ ᱧᱮᱞ ᱠᱟᱛᱮ ᱰᱮᱵᱤ ᱫᱚ ᱟᱹᱰᱤ ᱨᱟᱹᱥᱠᱟᱹᱭᱮᱱᱟᱭ ᱟᱨ ᱡᱚᱠᱷᱚᱱ ᱟᱡᱟᱜ ᱦᱚᱲᱢᱚ ᱠᱚ ᱵᱟᱹᱲᱤᱡ ᱤᱫᱤᱭᱮᱱᱟ, ᱛᱟᱭᱚᱢ ᱯᱷᱟᱨᱟᱰᱮ ᱫᱚ ᱟᱡᱤᱡ ᱟᱥᱤᱥᱴᱟᱱᱴ (assistant) ᱞᱮᱠᱟᱛᱮᱭ ᱫᱚᱦᱚ ᱠᱮᱫᱮᱭᱟ ᱾ ᱚᱱᱠᱟᱛᱮ ᱑ ᱢᱟᱨᱪ ᱑᱘᱑᱓ ᱥᱟᱞᱮ ᱨᱮ ᱠᱮᱢᱤᱠᱟᱞ ᱞᱭᱟᱵᱽ ᱟᱥᱤᱥᱴᱟᱱᱴ ᱞᱮᱠᱟᱛᱮ ᱜᱚᱲᱚᱭ ᱮᱢ ᱠᱮᱜ-ᱟ ᱾ ᱚᱱᱟ ᱛᱟᱭᱚᱢ ᱑᱒ ᱡᱩᱱ ᱑᱙᱒᱑ ᱨᱮ ᱥᱟᱨᱟᱦ ᱵᱟᱨᱱᱟᱨᱰ ᱥᱟᱶ ᱟᱡᱟᱜ ᱵᱟᱯᱞᱟ ᱦᱩᱭ ᱞᱮᱱ ᱛᱟᱦᱮᱸᱫ ᱾

ᱵᱟᱨᱦᱮ ᱡᱚᱱᱚᱲ

• Biography at The Royal Institution of Great Britain
• Faraday as a Discoverer by John Tyndall, Project Gutenberg (downloads)
• The Christian Character of Michael Faraday
• Michael Faraday on the British twenty-pound banknote
• The Life and Discoveries of Michael Faraday by J. A. Crowther, London: Society for Promoting Christian Knowledge, 1920