ᱢᱤᱛᱛᱟᱞ ᱯᱟᱴᱮᱞ
ᱢᱤᱛᱛᱟᱞ ᱯᱟᱴᱮᱞ (ᱡᱟᱱᱟᱢ ᱑᱙᱘᱑ ᱥᱩᱨ ᱥᱩᱯᱩᱨ) ᱫᱚ ᱜᱩᱡᱽᱨᱟᱴ ᱨᱮᱱ ᱢᱤᱫ ᱥᱤᱧᱚᱛᱤᱭᱟᱹ ᱮᱠᱴᱤᱵᱷᱤᱥᱴ ᱠᱟᱱᱟᱭ᱾ ᱟᱡᱟᱜ ᱯᱟᱲᱦᱟᱣ ᱛᱟᱭᱚᱢ, ᱩᱱᱤ ᱟᱹᱫᱤᱢ ᱡᱟᱹᱛᱤ ᱠᱚ ᱥᱟᱶᱛᱟ ᱨᱮ ᱥᱮᱞᱮᱫᱚᱜ ᱞᱟᱹᱜᱤᱫ ᱜᱚᱲᱚ ᱮᱢ ᱮᱦᱚᱵ ᱠᱮᱫᱟ᱾ ᱩᱱᱤᱭᱟᱜ ᱠᱟᱹᱢᱤ ᱵᱟᱰᱟᱭ ᱠᱟᱛᱮ, ᱩᱱᱤ ᱫᱚ ᱒᱐᱑᱘ ᱥᱟᱞᱮ ᱨᱮ ᱱᱟᱨᱤ ᱥᱟᱠᱛᱤ ᱯᱩᱨᱚᱥᱠᱟᱨ ᱛᱮᱠᱚ ᱥᱤᱨᱯᱷᱟᱹ ᱠᱮᱫᱮᱭᱟ᱾
ᱠᱮᱨᱤᱭᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱟᱴᱮᱞ ᱫᱚ ᱑᱙᱘᱑ ᱥᱩᱨ ᱥᱩᱯᱩᱨ ᱨᱮ ᱜᱩᱡᱽᱨᱟᱴ ᱨᱮᱱᱟᱜ ᱢᱮᱦᱥᱟᱱᱟ ᱦᱚᱱᱚᱛ ᱨᱮ ᱥᱟᱝᱠᱷᱟᱞᱯᱩᱨ ᱟᱹᱛᱩ ᱨᱮᱭ ᱡᱟᱱᱟᱢ ᱞᱮᱱᱟ᱾[᱑] ᱩᱱᱤ ᱨᱮᱱ ᱟᱭᱳ ᱵᱟᱵᱟ ᱵᱟᱱᱟᱨ ᱦᱚᱲ ᱜᱮ ᱡᱟᱱᱣᱟᱨ ᱫᱟᱨᱟᱭ ᱛᱮ ᱪᱟᱥ ᱵᱟᱥ ᱠᱟᱹᱢᱤ ᱨᱮᱠᱤᱱ ᱠᱟᱹᱢᱤ ᱠᱟᱱ ᱛᱟᱦᱮᱸᱱᱟ᱾ ᱩᱱᱤ ᱵᱟᱯᱞᱟ ᱮᱱᱟ ᱟᱨ ᱢᱤᱫ ᱠᱩᱲᱤ ᱜᱤᱫᱽᱨᱟᱹ ᱛᱟᱦᱮᱸ ᱠᱟᱱ ᱛᱟᱭᱟ᱾ ᱩᱱᱤ ᱚᱦᱢᱮᱫᱟᱵᱟᱫᱽ ᱨᱮ ᱜᱩᱡᱽᱨᱟᱴ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱡᱚᱨᱱᱟᱞᱤᱡᱚᱢ ᱯᱟᱲᱦᱟᱣ ᱞᱟᱦᱟᱨᱮ ᱯᱷᱤᱡᱤᱠᱥ ᱨᱮ ᱵᱟ ᱮ ᱦᱟᱛᱟᱣ ᱠᱮᱫᱟ, ᱟᱨ ᱛᱟᱭᱚᱢ ᱛᱮ ᱒᱐᱐᱖ ᱥᱟᱞᱮ ᱨᱮ ᱟᱹᱫᱤᱢ ᱦᱚᱲ ᱥᱟᱶ ᱠᱟᱹᱢᱤ ᱮᱦᱚᱵ ᱠᱮᱫᱟ᱾ ᱯᱩᱱ ᱥᱮᱨᱢᱟ ᱛᱟᱭᱚᱢ, ᱩᱱᱤ ᱫᱚ ᱵᱤᱪᱟᱨᱛᱟ ᱥᱟᱢᱩᱫᱟᱭ ᱥᱟᱢᱟᱨᱛᱷᱟᱱ ᱢᱟᱸᱪ (VSSM) ᱮ ᱵᱮᱱᱟᱣ ᱠᱮᱫᱟ, ᱡᱟᱦᱟᱸ ᱫᱚ ᱵᱟᱱᱟᱵᱷᱟᱵᱤ ᱠᱚ ᱜᱚᱲᱚ ᱮᱢ ᱞᱟᱹᱜᱤᱫ ᱵᱮᱱᱟᱣ ᱟᱠᱟᱱᱟ᱾ ᱩᱱᱤ ᱫᱚ ᱵᱟᱣᱟ, ᱜᱟᱫᱟᱞᱤᱭᱟ, ᱠᱟᱝᱜᱟᱥᱤᱭᱟ, ᱢᱤᱨ, ᱱᱟᱛᱷᱣᱟᱰᱤ, ᱥᱟᱞᱟᱛ ᱟᱨ ᱥᱟᱨᱟᱱᱤᱭᱟ ᱡᱟᱹᱛᱤ ᱥᱟᱶ ᱠᱟᱹᱢᱤ ᱠᱮᱫᱟ, ᱦᱚᱲ ᱠᱚ ᱵᱟᱯᱞᱟᱜ ᱞᱟᱹᱜᱤᱫ, ᱟᱥᱲᱟ ᱵᱮᱱᱟᱣ ᱞᱟᱹᱜᱤᱫ, ᱚᱛ ᱦᱟᱥᱟ ᱟᱹᱭᱫᱟᱹᱨᱤ ᱞᱟᱹᱜᱤᱫ ᱟᱨ ᱯᱟᱹᱪᱷᱟᱹᱣ ᱠᱟᱜᱚᱡ ᱠᱚ ᱫᱟᱹᱵᱤ ᱞᱟᱹᱜᱤᱫ ᱜᱚᱲᱚ ᱮᱢ ᱠᱮᱫ ᱠᱚᱣᱟ᱾ ᱜᱩᱡᱽᱨᱟᱴ ᱥᱚᱨᱠᱟᱨ ᱫᱚ ᱒᱐᱑᱖ ᱥᱟᱞᱮ ᱫᱷᱟᱹᱵᱤᱡ ᱟᱹᱫᱤᱢ ᱦᱚᱲ ᱴᱷᱮᱱ ᱖᱐,᱐᱐᱐ ᱵᱷᱚᱴ ᱠᱟᱨᱰ ᱮ ᱪᱟᱞ ᱟᱠᱟᱫᱟ᱾ VSSM ᱫᱚ ᱵᱮᱸᱠ ᱞᱮᱠᱟᱛᱮ ᱠᱟᱹᱢᱤᱭᱟ, ᱦᱚᱲ ᱠᱚ ᱯᱩᱭᱥᱟᱹ ᱮᱢᱟ ᱠᱚᱣᱟ ᱟᱨ ᱟᱦᱢᱮᱫᱟᱵᱟᱫᱽ ᱨᱮ ᱗᱐᱐ ᱠᱷᱚᱱ ᱵᱟᱹᱲᱛᱤ ᱜᱤᱫᱽᱨᱟᱹ ᱠᱚ ᱞᱟᱹᱜᱤᱫ ᱵᱟᱨᱭᱟ ᱦᱚᱥᱴᱮᱞ ᱮ ᱪᱟᱞᱟᱣ ᱮᱫᱟ᱾ VSSM ᱫᱟᱨᱟᱭ ᱛᱮ ᱡᱩᱲᱟᱹᱭ ᱠᱚ ᱡᱚᱲᱟᱣ ᱠᱟᱛᱮ, ᱠᱟᱞᱩᱯᱩᱨ ᱠᱚ-ᱚᱯᱚᱨᱮᱴᱤᱵᱷ ᱵᱮᱸᱠ ᱫᱚ ᱚᱲᱟᱜ ᱠᱤᱨᱤᱧ ᱞᱟᱹᱜᱤᱫ ᱑᱐᱐ ᱟᱹᱫᱤᱢ ᱦᱚᱲ ᱴᱷᱮᱱ ᱕᱐,᱐᱐᱐ ᱴᱟᱠᱟ ᱨᱮᱱᱟᱜ ᱢᱟᱭᱠᱨᱳᱯᱷᱟᱭᱤᱱᱮᱱᱥ ᱞᱚᱱ ᱮ ᱮᱢ ᱠᱮᱫᱟ ᱟᱨ ᱦᱩᱰᱤᱧ ᱵᱮᱯᱟᱨ ᱞᱟᱹᱜᱤᱫ ᱒᱕,᱐᱐᱐ ᱴᱟᱠᱟ ᱫᱷᱟᱹᱵᱤᱡ ᱞᱚᱱ ᱦᱚᱸᱭ ᱪᱟᱞ ᱠᱮᱫᱟ᱾
ᱜᱩᱡᱽᱨᱟᱴ ᱨᱮ ᱒᱘ ᱵᱟᱱᱟᱵᱷᱟᱵᱤ ᱡᱟᱹᱛᱤ ᱟᱨ ᱑᱒ ᱰᱮᱱᱳᱴᱤᱯᱷᱟᱭᱤᱰ ᱡᱟᱹᱛᱤ ᱢᱮᱱᱟᱜ ᱠᱚᱣᱟ᱾ ᱱᱚᱣᱟ ᱡᱟᱹᱛᱤ ᱠᱚᱫᱚ ᱠᱟᱹᱴᱤᱡ ᱫᱷᱟᱹᱨᱩᱜ ᱵᱮᱱᱟᱣᱤᱡ, ᱦᱮᱵᱚᱨᱰᱟᱥᱟᱨ, ᱥᱟᱹᱨᱯᱩ ᱧᱤᱫᱩ ᱟᱨ ᱨᱟᱹᱥᱤ-ᱪᱟᱹᱞᱤᱡ ᱞᱮᱠᱟᱛᱮ ᱠᱚ ᱠᱟᱹᱢᱤᱭᱟ᱾ ᱯᱟᱴᱮᱞ ᱫᱚ ᱰᱟᱯᱷᱮᱨ ᱠᱚᱢᱭᱩᱱᱤᱴᱤ ᱨᱮᱱ ᱥᱚᱦᱮᱫ ᱥᱟᱶ ᱡᱩᱲᱟᱹᱭ ᱞᱮᱱᱟ, ᱡᱟᱦᱟᱸ ᱫᱚ ᱵᱨᱤᱴᱤᱥ ᱨᱟᱡᱽ ᱨᱮ ᱱᱚᱝᱠᱟ ᱧᱩᱛᱩᱢ ᱮᱢ ᱛᱟᱭᱚᱢ ᱠᱚ ᱫᱟᱹᱭᱵᱷᱟᱨ ᱠᱟᱱ ᱛᱟᱦᱮᱸᱱᱟ᱾ ᱩᱱᱤ ᱫᱚ ᱩᱱᱠᱩ ᱥᱟᱶᱛᱟ ᱨᱮ ᱥᱮᱞᱮᱫ ᱞᱟᱹᱜᱤᱫ ᱜᱚᱲᱚ ᱮᱢ ᱞᱟᱹᱜᱤᱫ ᱮ ᱠᱟᱹᱢᱤ ᱠᱮᱫᱟ᱾ ᱜᱩᱡᱽᱨᱟᱴ ᱨᱮ ᱔᱕ ᱠᱷᱚᱱ ᱕᱐ ᱰᱟᱯᱷᱮᱨ ᱠᱚᱢᱭᱩᱱᱤᱴᱤ (ᱡᱟᱦᱟᱸ ᱫᱚ ᱰᱟᱝᱜᱟ ᱧᱩᱛᱩᱢ ᱛᱮ ᱵᱟᱰᱟᱭᱚᱜᱼᱟ) ᱢᱮᱱᱟᱜ ᱠᱚᱣᱟ, ᱡᱟᱦᱟᱸ ᱨᱮ ᱑᱘,᱐᱐᱐ ᱦᱚᱲ ᱠᱚ ᱛᱟᱦᱮᱸᱱᱟ᱾ ᱒᱐᱑᱘ ᱥᱟᱞᱮ ᱫᱷᱟᱹᱵᱤᱡ, ᱜᱩᱡᱽᱨᱟᱴ ᱨᱮᱱ ᱙᱐ ᱯᱨᱚᱛᱤᱥᱚᱛ ᱟᱹᱫᱤᱢ ᱦᱚᱲ ᱫᱚ ᱥᱤᱧᱚᱛ ᱨᱮᱱ ᱱᱟᱜᱟᱨᱤᱠ ᱠᱚ ᱵᱮᱱᱟᱣ ᱮᱱᱟ᱾ ᱢᱮᱱᱠᱷᱟᱱ, ᱯᱟᱴᱮᱞ ᱫᱚ ᱵᱷᱤᱲ ᱡᱟᱣᱨᱟ ᱠᱟᱛᱮ ᱦᱟᱢᱞᱟ ᱠᱚ ᱵᱤᱨᱩᱫᱷ ᱨᱮ ᱠᱟᱹᱢᱤ ᱠᱚ ᱥᱟᱯᱲᱟᱣ ᱞᱟᱹᱜᱤᱫ ᱮ ᱵᱚᱛᱚᱨ ᱞᱮᱱᱟ ᱡᱟᱦᱟᱸ ᱫᱚ ᱟᱹᱫᱤᱢ ᱦᱚᱲ ᱠᱚ ᱴᱟᱨᱜᱮᱴ ᱮᱫ ᱛᱟᱦᱮᱸᱱᱟ᱾ ᱞᱟᱛᱟᱨ ᱥᱮᱨᱢᱟ ᱨᱮ, ᱯᱟᱴᱮᱞ ᱫᱚ ᱳᱛᱟᱨᱟᱢ ᱫᱮᱣᱟᱥᱤ ᱥᱟᱶ ᱟᱨ ᱱᱤᱛᱤ ᱟᱭᱳᱜᱽ ᱞᱟᱛᱟᱨ ᱨᱮ ᱢᱤᱫ ᱵᱚᱨᱰ ᱨᱮ ᱠᱚ ᱵᱟᱦᱟᱞ ᱠᱮᱫᱮᱭᱟ, ᱡᱟᱦᱟᱸ ᱫᱚ ᱟᱹᱫᱤᱢ ᱦᱚᱲ ᱞᱟᱹᱜᱤᱫ ᱵᱷᱟᱹᱞᱟᱹᱭ ᱡᱚᱡᱚᱱᱟ ᱠᱚ ᱞᱟᱹᱭ ᱞᱟᱹᱜᱤᱫ ᱠᱚ ᱵᱮᱱᱟᱣ ᱞᱮᱫ ᱛᱟᱦᱮᱸᱱᱟ᱾ ᱒᱐᱒᱐ ᱥᱟᱞᱮ ᱨᱮ, ᱯᱟᱴᱮᱞ ᱫᱚ ᱥᱩᱨᱱᱟᱢᱟ ᱵᱤᱱᱟᱱᱟ ᱢᱟᱱᱵᱷᱤᱭᱳ ᱧᱩᱛᱩᱢ ᱛᱮ ᱢᱤᱫ ᱯᱚᱛᱚᱵ ᱮ ᱪᱷᱟᱯᱟ ᱠᱮᱫᱟ᱾ ᱩᱱᱤ ᱫᱚ ᱘᱗ ᱠᱷᱚᱱ ᱵᱟᱹᱲᱛᱤ ᱜᱩᱡᱽᱨᱟᱴᱤ ᱡᱷᱤᱞ ᱦᱚᱸᱭ ᱫᱩᱲᱟᱹᱣ ᱨᱩᱣᱟᱹᱲ ᱠᱮᱫᱟ᱾
ᱥᱤᱨᱯᱷᱟᱹ ᱟᱨ ᱵᱟᱰᱟᱭ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱤᱛᱛᱟᱞ ᱯᱟᱴᱮᱞ ᱦᱚᱛᱮᱛᱮ ᱦᱚᱠ ᱦᱟᱹᱛᱤᱭᱟᱹᱨᱤ ᱞᱟᱹᱜᱤᱫ ᱠᱟᱹᱢᱤ ᱠᱟᱛᱮ ᱦᱚᱲ ᱠᱚ ᱵᱟᱰᱟᱭ ᱠᱮᱫᱮᱭᱟ ᱟᱨ ᱩᱱᱤ ᱫᱚ ᱱᱟᱨᱤ ᱥᱟᱠᱛᱤ ᱯᱩᱨᱚᱥᱠᱟᱨ ᱠᱚ ᱮᱢᱟ ᱠᱮᱫᱮᱭᱟ᱾ ᱩᱱᱤ ᱫᱚ ᱡᱮᱜᱮᱛ ᱠᱩᱲᱤ ᱢᱟᱦᱟᱸ, ᱘ ᱢᱟᱨᱪ ᱒᱐᱑᱘ ᱨᱮ ᱨᱟᱥᱴᱨᱚᱯᱚᱛᱤ ᱨᱟᱢ ᱱᱟᱛᱷ ᱠᱳᱵᱤᱱᱫᱽ ᱦᱚᱛᱮᱛᱮ ᱥᱤᱨᱯᱷᱟᱹ ᱠᱚ ᱮᱢᱟᱫᱮᱭᱟ᱾[᱒]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Chandra, Kavita Kanan (30 December 2017). "Mittal Patel has worked relentlessly to provide the nomadic and de-notified tribes of Gujarat with voter ID cards and social benefits". The Hindu (in Indian English). Archived from the original on 22 January 2022. Retrieved 26 September 2022.
- ↑ Dave, Harita (12 September 2020). "Mittal Patel: The Messiah for Nomadic and Denotified Tribes". Ashaval. Archived from the original on 25 May 2022. Retrieved 26 September 2022.