ᱢᱤᱡᱳ ᱦᱚᱲ

ᱢᱤᱡᱳ (Mizo)
Mizo hnam
	ᱢᱤᱡᱳ ᱟᱹᱨᱤᱪᱟᱹᱞᱤ ᱪᱮᱨᱚ ᱮᱱᱮᱡ
ᱜᱩᱴ ᱦᱚᱲ ᱮᱞ
	᱑,᱔᱐᱐,᱐᱐᱐+ (᱒᱐᱑᱑–᱒᱐᱑᱙)
ᱰᱷᱮᱨ ᱧᱚᱜ ᱦᱚᱲ ᱮᱞ ᱢᱮᱱᱟᱜ ᱠᱚ ᱴᱚᱴᱷᱟ
India	᱑,᱐᱒᱒,᱖᱑᱖
ᱢᱤᱡᱳᱨᱟᱢ	᱙᱑᱔,᱐᱒᱖
ᱢᱟᱹᱱᱤᱯᱩᱨ	᱕᱕,᱕᱘᱑
ᱟᱥᱟᱢ	᱓᱓,᱓᱒᱙
ᱢᱮᱜᱷᱟᱞᱚᱭ	᱖,᱔᱓᱙
ᱛᱨᱤᱯᱩᱨᱟ	᱕,᱘᱑᱐
ᱚᱨᱩᱬᱟᱪᱚᱞ ᱯᱨᱚᱫᱮᱥ	᱑,᱔᱔᱕
ᱱᱟᱜᱟᱞᱮᱱᱰ	᱑,᱒᱖᱔
Myanmar	᱓᱓,᱕᱕᱔ (᱑᱙᱗᱓)
United States; Canada	≈ ᱖,᱐᱐᱐
Israel	᱖,᱐᱐᱐
ᱯᱟᱹᱨᱥᱤ ᱠᱚ
	ᱢᱤᱡᱳ
ᱫᱷᱚᱨᱚᱢ
	ᱵᱟᱹᱲᱛᱤ ᱞᱮᱠᱷᱟ:; ᱤᱥᱟᱹᱭ ᱫᱷᱚᱨᱚᱢ; ᱠᱚᱢ ᱞᱮᱠᱷᱟ: ; ᱡᱩᱫᱟᱹᱭ ᱫᱷᱚᱨᱚᱢ, ᱟᱨ ᱢᱤᱡᱳ ᱥᱟᱠᱷᱩᱣᱟ
ᱥᱩᱯᱩᱨ ᱥᱟᱹᱜᱟᱹᱭᱟᱱ ᱡᱟᱹᱛ ᱠᱚ
	ᱠᱩᱠᱤ-ᱪᱤᱱ ᱨᱚᱲ ᱦᱚᱲ ᱠᱚ;

ᱢᱤᱡᱳ ᱦᱚᱲ (ᱱᱟᱜᱟᱢ ᱨᱮ ᱫᱚ ᱞᱩᱥᱟᱭ ᱢᱮᱱᱛᱮ ᱠᱚ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱸᱫ) ᱠᱚᱫᱚ ᱪᱤᱱ-ᱛᱤᱵᱵᱚᱛᱤ ᱯᱟᱹᱨᱥᱤ ᱜᱷᱟᱨᱚᱸᱡᱽ ᱨᱤᱱ ᱢᱤᱫ ᱟᱹᱫᱤᱵᱟᱹᱥᱤ ᱜᱩᱴ ᱠᱟᱱᱟ ᱠᱚ, ᱡᱟᱦᱟᱸᱭ ᱫᱚ ᱟᱥᱚᱠᱟᱭ ᱛᱮ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱢᱤᱡᱳᱨᱟᱢ ᱨᱮ ᱠᱚ ᱛᱟᱦᱮᱸᱱᱟ ᱾ ᱢᱤᱡᱳᱨᱟᱢ ᱵᱮᱜᱚᱨ ᱦᱚᱸ ᱩᱱᱠᱩ ᱫᱚ ᱥᱤᱧᱚᱛ ᱨᱮᱱᱟᱜ ᱮᱴᱟᱜ ᱠᱚᱧᱮ-ᱥᱟᱢᱟᱝ ᱯᱚᱱᱚᱛ ᱠᱚ ᱡᱮᱞᱮᱠᱟ ᱢᱟᱹᱱᱤᱯᱩᱨ, ᱟᱥᱟᱢ, ᱢᱮᱜᱷᱟᱞᱚᱭ, ᱟᱨ ᱛᱨᱤᱯᱩᱨᱟ ᱨᱮ ᱠᱚ ᱛᱟᱦᱮᱸᱱᱟ ᱾ ᱱᱚᱶᱟ ᱵᱮᱜᱚᱨ ᱢᱭᱟᱱᱢᱟᱨ ᱟᱨ ᱠᱚᱧᱮ ᱟᱢᱮᱨᱤᱠᱟ (ᱥᱮᱞᱮᱫ ᱯᱚᱱᱚᱛ ᱟᱨ ᱠᱟᱱᱟᱰᱟ) ᱨᱮ ᱦᱚᱸ ᱩᱱᱠᱩᱣᱟᱜ ᱠᱤᱪᱷᱩ ᱦᱚᱲ ᱮᱞ ᱢᱮᱱᱟᱜ ᱠᱚᱣᱟ ᱾ ᱢᱤᱡᱳᱨᱟᱢ ᱫᱚ ᱥᱤᱧᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱥᱤᱠᱷᱱᱟᱹᱛ ᱯᱚᱱᱚᱛ ᱠᱟᱱᱟ ᱾

ᱢᱤᱡᱳ ᱠᱚᱣᱟᱜ ᱢᱚᱪᱟ-ᱛᱮᱭᱟᱜ ᱱᱟᱜᱟᱢ ᱞᱮᱠᱟᱛᱮ, ᱪᱤᱱᱞᱩᱝ ᱫᱚ ᱩᱱᱠᱩᱣᱟᱜ ᱢᱩᱲᱩᱛ ᱡᱟᱱᱟᱢ ᱫᱤᱥᱚᱢ ᱠᱟᱱᱟ ᱾ ᱢᱭᱟᱱᱢᱟᱨ ᱨᱤᱱ ᱪᱤᱱ ᱦᱚᱲ ᱟᱨ ᱥᱤᱧᱚᱛ ᱛᱟᱛᱷᱟ ᱵᱟᱝᱞᱟᱫᱮᱥ ᱨᱤᱱ ᱠᱩᱠᱤ ᱦᱚᱲ ᱠᱚᱫᱚ ᱢᱤᱡᱳ ᱠᱚᱨᱤᱱ ᱥᱟᱹᱜᱟᱹᱭᱟᱱ ᱟᱹᱫᱤᱵᱟᱹᱥᱤ ᱠᱟᱱᱟ ᱠᱚ ᱾ ᱪᱤᱱ, ᱠᱩᱠᱤ, ᱢᱤᱡᱳ ᱟᱨ ᱠᱚᱧᱮ ᱱᱟᱜᱟ ᱦᱚᱲ ᱠᱚᱫᱚ ᱢᱤᱫ ᱥᱟᱶᱛᱮ ᱡᱳ ᱦᱚᱲ ᱢᱮᱱᱛᱮ ᱠᱚ ᱢᱮᱛᱟ ᱠᱚᱣᱟ ᱾

ᱢᱤᱡᱳ ᱯᱟᱹᱨᱥᱤ, ᱡᱟᱦᱟᱸ ᱫᱚ 'ᱫᱩᱦᱞᱤᱭᱟᱱ ᱛᱟᱣᱱᱜᱽ' ᱦᱚᱸ ᱠᱚ ᱢᱮᱛᱟᱜᱼᱟ, ᱪᱤᱱ-ᱛᱤᱵᱵᱚᱛᱤ ᱯᱟᱹᱨᱥᱤ ᱜᱷᱟᱨᱚᱸᱡᱽ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱠᱟᱱᱟ ᱾ ᱵᱨᱤᱴᱤᱥ ᱥᱟᱥᱚᱱ ᱢᱟᱲᱟᱝ ᱨᱮ, ᱢᱤᱡᱳ ᱦᱚᱲ ᱠᱚᱫᱚ ᱟᱠᱚᱣᱟᱜ ᱢᱟᱹᱡᱷᱤ-ᱯᱟᱨᱜᱟᱱᱟ ᱵᱮᱵᱚᱥᱛᱟ ᱞᱮᱠᱟᱛᱮ ᱠᱚ ᱛᱟᱦᱮᱸ ᱠᱟᱱᱟ ᱾ ᱵᱨᱤᱴᱤᱥ ᱠᱚ ᱦᱮᱡ ᱮᱱ ᱛᱟᱭᱚᱢ, ᱢᱤᱥᱚᱱᱟᱨᱤ ᱠᱚᱣᱟᱜ ᱚᱨᱥᱚᱝ ᱛᱮ ᱢᱤᱡᱳ ᱠᱚᱫᱚ ᱤᱥᱟᱹᱭ ᱫᱷᱚᱨᱚᱢ ᱠᱚ ᱟᱯᱱᱟᱨ ᱠᱮᱫᱼᱟ ᱾

᱑᱙᱕᱙ ᱨᱮᱱᱟᱜ ᱢᱟᱣᱛᱟᱢ ᱟᱠᱟᱞ ᱛᱟᱭᱚᱢ, ᱢᱤᱡᱳ ᱱᱮᱥᱱᱟᱞ ᱯᱷᱨᱚᱱᱴ (MNF) ᱫᱚ ᱯᱷᱩᱨᱜᱟᱹᱞ ᱞᱟᱹᱜᱤᱫ ᱦᱩᱞ ᱠᱚ ᱮᱛᱚᱦᱚᱵ ᱞᱮᱫᱼᱟ ᱾ ᱱᱚᱶᱟ ᱮᱴᱠᱮᱴᱚᱬᱮ ᱫᱚ ᱑᱙᱘᱖ ᱫᱷᱟᱹᱵᱤᱡ ᱪᱟᱞᱟᱣ ᱞᱮᱱᱟ, ᱡᱚᱠᱷᱚᱱ ᱢᱤᱡᱳᱨᱟᱢ ᱫᱚ ᱢᱤᱫ ᱯᱩᱨᱟᱹ ᱯᱚᱱᱚᱛ ᱞᱮᱠᱟᱛᱮ ᱩᱨᱩᱢ ᱮ ᱧᱟᱢ ᱠᱮᱫᱼᱟ ᱾

ᱦᱟᱹᱴᱤᱧ

ᱥᱤᱧᱚᱛ ᱨᱮᱱᱟᱜ ᱥᱚᱢᱵᱤᱫᱷᱟᱱ ᱨᱮᱱᱟᱜ ᱫᱷᱟᱨᱟ ᱓᱔᱒ ᱞᱮᱠᱟᱛᱮ ᱞᱮᱠᱷᱟᱥᱤᱫ ᱟᱹᱫᱤᱵᱟᱹᱥᱤ ᱞᱮᱠᱟᱛᱮ ᱩᱨᱩᱢ ᱟᱠᱟᱱ ᱜᱟᱶᱛᱟ ᱠᱚ ᱞᱟᱹᱜᱤᱫ ᱵᱤᱥᱮᱥ ᱱᱤᱭᱚᱢ ᱢᱮᱱᱟᱜᱼᱟ ᱾ ᱢᱮᱱᱠᱷᱟᱱ, ᱱᱚᱶᱟ ᱟᱹᱲᱟᱹ ᱨᱮᱱᱟᱜ ᱢᱤᱫᱴᱟᱹᱝ ᱜᱚᱴᱟ ᱟᱠᱟᱱ ᱢᱮᱱᱮᱛ ᱫᱚ ᱵᱟᱹᱱᱩᱜᱼᱟ ᱟᱨ ᱱᱚᱶᱟ ᱫᱚ ᱫᱤᱥᱚᱢ ᱜᱚᱢᱠᱮ ᱟᱨ ᱥᱟᱹᱜᱟᱹᱭᱟᱱ ᱯᱚᱱᱚᱛ ᱨᱤᱱᱤᱡ ᱯᱚᱱᱚᱛ ᱜᱚᱢᱠᱮᱣᱟᱜ ᱟᱹᱭᱫᱟᱹᱨ ᱪᱮᱛᱟᱱ ᱨᱮ ᱛᱟᱦᱮᱸᱱᱟ ᱾ ᱱᱚᱶᱟ ᱦᱟᱹᱴᱤᱧ ᱨᱮ ᱥᱮᱞᱮᱫᱚᱜ ᱞᱟᱹᱜᱤᱫ ᱫᱚ ᱟᱥᱚᱠᱟᱭ ᱛᱮ ᱢᱟᱨᱮ ᱜᱩᱱ, ᱵᱷᱮᱜᱟᱨ ᱟᱹᱨᱤᱪᱟᱹᱞᱤ, ᱚᱛᱱᱚᱜ ᱞᱮᱠᱟᱛᱮ ᱵᱷᱮᱜᱟᱨ ᱛᱟᱦᱮᱸᱱ, ᱮᱴᱟᱜ ᱦᱚᱲ ᱠᱚ ᱥᱟᱶ ᱧᱟᱯᱟᱢ ᱨᱮ ᱞᱟᱡᱟᱣ ᱵᱷᱟᱵᱽ, ᱟᱨ ᱠᱟᱹᱣᱰᱤᱟᱹᱨᱤ ᱞᱮᱠᱟᱛᱮ ᱛᱟᱭᱚᱢ ᱟᱠᱟᱱ ᱜᱩᱱ ᱠᱚ ᱵᱤᱪᱟᱹᱨ ᱨᱮ ᱠᱚ ᱦᱟᱛᱟᱣ᱾᱾^[᱒]

ᱱᱟᱜᱟᱢ

ᱪᱮᱢᱵᱤᱫᱷᱟᱱ ᱽᱣᱤᱱ

ᱤᱨᱟᱹᱞ ᱥᱟᱭ ᱥᱮᱨᱢᱟ (8th century) ᱚᱠᱛᱚ ᱨᱮ ᱪᱤᱱ ᱨᱮᱱᱟᱜ ᱚᱞ ᱠᱚᱨᱮ ᱢᱤᱫ 'ᱡᱳ' ᱨᱟᱡᱽ ᱨᱮᱱᱟᱜ ᱥᱟᱵᱩᱛ ᱧᱟᱢ ᱟᱠᱟᱱᱟ ᱾ ᱛᱟᱝ ᱨᱟᱡᱽᱵᱚᱝᱥᱚ ᱨᱤᱱᱤᱡ ᱢᱤᱫ ᱥᱟᱥ ᱟᱹᱫᱤᱵᱟᱹᱥᱤ ᱯᱷᱟᱱ huo), ᱡᱟᱦᱟᱸᱭ ᱫᱚ ᱢᱟᱱ ᱥᱩ(ᱢᱟᱱ ᱥᱩ; ᱡᱟᱦᱟᱸ ᱨᱮᱱᱟᱜ ᱢᱮᱱᱮᱛ ᱫᱚ "ᱮᱛᱚᱢ ᱟᱹᱫᱤᱵᱟᱹᱥᱤ ᱠᱚᱣᱟᱜ ᱯᱩᱛᱷᱤ") ᱮ ᱩᱪᱷᱟᱹᱱ ᱞᱮᱫᱼᱟ, ᱩᱱᱤ ᱫᱚ ᱪᱤᱱᱫᱽᱣᱤᱱ ᱜᱟᱰᱟ ᱟᱲᱮ ᱨᱮ ᱢᱤᱫ ᱨᱟᱡᱽ ᱨᱮᱱᱟᱜ ᱠᱟᱛᱷᱟᱭ ᱚᱞ ᱟᱠᱟᱫᱟ ᱡᱟᱦᱟᱸ ᱫᱚ ᱪᱤᱱ ᱦᱚᱲ ᱢᱤ ᱱᱚ ᱢᱮᱱᱛᱮ ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱫ ᱾ ᱡᱳᱣ ᱮ ᱞᱟᱹᱭᱟ ᱡᱮ ᱱᱚᱶᱟ ᱫᱚ ᱱᱟᱱᱡᱟᱣ ᱨᱟᱡᱽ ᱨᱮᱱᱟᱜ ᱮᱛᱚᱢ ᱨᱮ ᱛᱟᱦᱮᱸᱱ ᱠᱟᱱ ᱪᱤᱱᱫᱽᱣᱤᱱ ᱦᱚᱲ ᱠᱚᱣᱟᱜ ᱠᱟᱛᱷᱟ ᱠᱟᱱᱟ ᱾ ᱪᱤᱱᱟ ᱚᱞ ᱨᱮ ᱱᱚᱶᱟ ᱦᱚᱲ ᱠᱚᱫᱚ ᱢᱤ ᱱᱚ ᱢᱮᱱᱛᱮ ᱠᱚ ᱞᱟᱹᱭ ᱟᱠᱟᱫ ᱠᱚᱣᱟ, ᱡᱟᱦᱟᱸ ᱫᱚ ᱪᱤᱱᱫᱽᱣᱤᱱ ᱨᱮᱱᱟᱜ ᱪᱤᱱᱟ ᱧᱩᱛᱩᱢ ᱠᱟᱱᱟ ᱟᱨ ᱱᱚᱶᱟ ᱫᱚ 'ᱪᱤᱱ' ᱥᱟᱶ ᱡᱚᱲᱟᱣ ᱜᱮᱭᱟ ᱾ ᱱᱟᱱᱡᱟᱣ ᱨᱟᱡᱽ ᱫᱚ ᱯᱟᱪᱮ ᱭᱩᱱᱟᱱ ᱨᱮ ᱱᱩᱠᱩ ᱢᱤ ᱱᱚ ᱦᱚᱲ ᱠᱚ ᱦᱟᱨᱟᱣ ᱞᱮᱫ ᱠᱚᱣᱟ ᱾ ᱚᱱᱟ ᱨᱟᱡᱽ ᱨᱮ ᱨᱟᱡᱽᱠᱩᱢᱟᱨ ᱟᱨ ᱢᱟᱹᱡᱷᱤ ᱠᱚᱫᱚ ᱥᱳᱣ ᱢᱮᱱᱛᱮ ᱠᱚ ᱢᱮᱛᱟ ᱠᱚ ᱠᱟᱱ ᱛᱟᱦᱮᱸᱫ ᱾ ᱩᱱᱠᱩᱣᱟᱜ ᱚᱲᱟᱜ ᱠᱚᱨᱮ ᱫᱚ ᱵᱷᱤᱛ ᱠᱚ ᱵᱟᱝ ᱛᱟᱦᱮᱸ ᱠᱟᱱᱟ, ᱢᱮᱱᱠᱷᱟᱱ ᱢᱤ ᱱᱚ ᱨᱟᱡᱽ ᱟᱜ ᱫᱚ ᱥᱚᱱᱟ-ᱨᱩᱯᱟᱹ ᱟᱨ ᱠᱷᱩᱱᱴᱤ ᱛᱮ ᱛᱮᱭᱟᱨ ᱟᱠᱟᱱ ᱢᱤᱫ ᱨᱟᱡᱽ ᱢᱟᱹᱪᱤ ᱛᱟᱦᱮᱸ ᱠᱟᱱᱟ ᱾ ᱘᱓᱕ ᱮ.ᱰᱤ. ᱨᱮ ᱱᱟᱱᱡᱟᱣ ᱫᱚᱞ ᱢᱤ ᱱᱚ ᱠᱚ ᱟᱠᱨᱚᱢᱚᱱ ᱞᱮᱫ ᱠᱚᱣᱟ ᱟᱨ ᱩᱱᱠᱩᱣᱟᱜ ᱥᱚᱱᱟ-ᱨᱩᱯᱟᱹ ᱠᱚ ᱞᱩᱴ ᱞᱮᱫᱼᱟ ᱾ ᱱᱟᱱᱡᱟᱣ, ᱛᱤᱵᱵᱚᱛ ᱟᱨ ᱪᱤᱱ ᱨᱮᱱᱟᱜ ᱨᱮᱞᱟᱣ ᱠᱷᱟᱹᱛᱤᱨ, ᱡᱳ ᱟᱹᱫᱤᱵᱟᱹᱥᱤ ᱠᱚᱫᱚ ᱤᱨᱟᱵᱚᱛᱤ ᱜᱟᱰᱟ ᱥᱮᱫ ᱠᱚ ᱞᱟᱦᱟ ᱮᱱᱟ ᱟᱨ ᱙ ᱥᱟᱭ ᱥᱮᱨᱢᱟ ᱫᱷᱟᱹᱵᱤᱡ ᱛᱮ ᱵᱚᱨᱢᱟ ᱨᱮᱱᱟᱜ ᱵᱷᱤᱛᱤᱨ ᱥᱮᱫ ᱠᱚ ᱵᱟᱥᱟ ᱮᱱᱟ ᱾^[᱓] ᱱᱚᱶᱟ Shou ᱟᱹᱲᱟᱹ ᱫᱚ ᱪᱤᱱ ᱦᱚᱲ ᱠᱚ ᱵᱮᱵᱷᱟᱨᱮᱫ ᱛᱟᱦᱮᱸᱫ 'ᱥᱳ' ᱟᱹᱲᱟᱹ ᱥᱟᱶ ᱢᱮᱥᱟ ᱜᱮᱭᱟ ᱾ ᱱᱚᱶᱟ ᱵᱮᱜᱚᱨ ᱥᱤᱝ ᱠᱷᱟᱣ ᱠᱷᱟᱭ ᱮ ᱞᱟᱹᱭᱟ ᱡᱮ ᱢᱤ ᱱᱚ ᱟᱜ ᱚᱱᱟ ᱠᱷᱩᱱᱴᱤ ᱠᱚᱫᱚ ᱛᱮᱫᱤᱢ ᱦᱚᱲ ᱠᱚ ᱟᱠᱚᱣᱟᱜ ᱪᱷᱟᱴᱠᱟ ᱨᱮ ᱦᱟᱯᱲᱟᱢ ᱠᱚ ᱵᱚᱸᱜᱟ ᱞᱟᱹᱜᱤᱫ ᱠᱚ ᱵᱤᱫ ᱮᱫ ᱛᱟᱦᱮᱸᱫ ᱚᱱᱟ ᱠᱷᱩᱱᱴᱤ ᱠᱟᱱ ᱜᱮᱭᱟ ᱾^[᱔]

ᱯᱷᱟᱱ ᱪᱩᱣᱳ ᱫᱚ ᱢᱤ ᱱᱚ ᱨᱟᱡᱽ ᱚᱲᱟᱜ ᱨᱮᱱᱟᱜ ᱴᱷᱟᱶ ᱵᱟᱭ ᱞᱟᱹᱭ ᱟᱠᱟᱫᱟ, ᱢᱮᱱᱠᱷᱟᱱ ᱱᱚᱶᱟ ᱫᱚ ᱱᱟᱱᱡᱟᱣ ᱨᱮᱱᱟᱜ ᱭᱚᱝᱪᱟᱝ (ᱵᱟᱣᱥᱟᱱ) ᱠᱷᱚᱱ ᱮᱛᱚᱢ-ᱯᱟᱪᱮ ᱥᱮᱫ ᱖᱐ ᱢᱟᱦᱟᱸ ᱨᱮᱱᱟᱜ ᱰᱟᱦᱟᱨ ᱠᱟᱱᱟ ᱢᱮᱱᱛᱮ ᱞᱟᱹᱭ ᱟᱠᱟᱱᱟ ᱾ ᱱᱚᱶᱟ ᱫᱚ ᱠᱟᱞᱮ ᱟᱨ ᱠᱟᱵᱟᱣ ᱵᱮᱰᱟ ᱥᱮᱫ ᱮ ᱩᱫᱩᱜᱟ ᱾ ᱞᱟᱞᱛᱷᱟᱝᱞᱤᱭᱟᱱᱟ ᱞᱮᱠᱟᱛᱮ, ᱙ ᱥᱟᱭ ᱥᱮᱨᱢᱟ ᱨᱮ ᱠᱟᱵᱟᱣ ᱵᱮᱰᱟ ᱨᱮ ᱠᱷᱟᱢᱯᱟᱴ ᱵᱮᱨᱮᱫ ᱞᱮᱱᱟ, ᱚᱱᱟᱛᱮ ᱱᱚᱶᱟ ᱦᱩᱭ ᱫᱟᱲᱮᱭᱟᱜᱼᱟ ᱡᱮ ᱡᱳ ᱟᱹᱫᱤᱵᱟᱹᱥᱤ ᱠᱚᱫᱚ ᱠᱟᱞᱮ ᱥᱟᱥᱚᱱᱤᱭᱟᱹ ᱞᱟᱛᱟᱨ ᱨᱮ ᱠᱚ ᱛᱟᱦᱮᱸ ᱠᱟᱱᱟ ᱾ ᱠᱟᱞᱮ ᱵᱮᱰᱟ ᱨᱮᱫᱚ ᱟᱭᱢᱟ ᱞᱮᱠᱟᱱ ᱟᱹᱫᱤᱵᱟᱹᱥᱤ ᱠᱚ ᱛᱟᱦᱮᱸ ᱠᱟᱱᱟ ᱡᱮᱞᱮᱠᱟ ᱥᱟᱠ, ᱠᱟᱱᱴᱩ, ᱠᱟᱜᱮᱛ, ᱠᱟᱫᱩ, ᱤᱱᱜᱽᱭᱮ, ᱥᱟᱱ ᱮᱢᱟᱱ ᱾^[᱕]

ᱡᱳ ᱟᱹᱫᱤᱵᱟᱹᱥᱤ ᱠᱚᱫᱚ ᱠᱟᱪᱤᱱ ᱠᱚ ᱥᱟᱶᱛᱮ ᱠᱚ ᱵᱚᱞᱚ ᱞᱮᱱᱟ ᱾ ᱞᱟᱹᱭ ᱟᱠᱚ ᱡᱮ ᱡᱳ ᱦᱚᱲ ᱠᱚᱫᱚ ᱠᱟᱨᱮᱱ ᱦᱚᱲ ᱠᱚ ᱞᱮᱠᱟ ᱜᱮ ᱢᱮᱠᱚᱝ ᱜᱟᱰᱟ ᱥᱮ ᱥᱟᱞᱣᱤᱱ ᱜᱟᱰᱟ ᱥᱮ ᱯᱟᱪᱮ ᱥᱤᱪᱩᱣᱟᱱ ᱨᱮᱱᱟᱜ ᱥᱩᱭᱯᱷᱩ ᱠᱷᱚᱱ ᱵᱚᱨᱢᱟ ᱨᱮᱱᱟᱜ ᱵᱷᱟᱢᱳ ᱫᱷᱟᱹᱵᱤᱡ ᱢᱤᱫ ᱰᱟᱦᱟᱨ ᱛᱮ ᱠᱚ ᱦᱮᱡ ᱞᱮᱱᱟ ᱾^[᱖] ᱥᱟᱱ ᱦᱚᱲ ᱠᱚᱫᱚ ᱦᱠᱟᱢᱛᱤ ᱞᱚᱝ ᱨᱮ ᱢᱤᱫ ᱯᱚᱱᱚᱛ ᱠᱚ ᱵᱮᱨᱮᱫ ᱞᱮᱫᱼᱟ, ᱡᱟᱦᱟᱸ ᱫᱚ ᱮᱛᱚᱦᱚᱵ ᱨᱮ ᱑᱐᱐᱐ ᱮ.ᱰᱤ. ᱨᱮ ᱛᱤᱵᱵᱚᱛᱤ ᱨᱟᱡᱽᱠᱩᱢᱟᱨ ᱦᱚᱛᱮᱛᱮ ᱢᱤᱫ ᱢᱤᱞᱤᱴᱟᱨᱤ ᱟᱣᱩᱴᱯᱳᱥᱴ ᱛᱟᱦᱮᱸ ᱠᱟᱱᱟ ᱾ ᱱᱚᱶᱟ ᱴᱷᱟᱶ ᱫᱚ ᱚᱱᱟ ᱴᱚᱴᱷᱟ ᱨᱮ ᱱᱟᱱᱡᱟᱣ ᱨᱟᱡᱽ ᱟᱨ ᱪᱤᱱ ᱨᱮᱱᱟᱜ ᱚᱨᱥᱚᱝ ᱠᱷᱚᱱ ᱵᱟᱧᱪᱟᱣ ᱞᱟᱹᱜᱤᱫ ᱢᱤᱫ ᱥᱤᱢᱟᱹ ᱞᱮᱠᱟᱛᱮ ᱠᱟᱹᱢᱤ ᱠᱟᱱ ᱛᱟᱦᱮᱸᱫ ᱾ ᱥᱟᱱ ᱦᱚᱲ ᱠᱚᱫᱚ ᱦᱩᱠᱟᱣᱱᱜᱽ, ᱢᱳᱜᱟᱣᱱᱜᱽ, ᱠᱟᱵᱟᱣ, ᱠᱟᱞᱮ ᱟᱨ ᱭᱟᱣ ᱵᱮᱰᱟ ᱠᱚᱨᱮ ᱵᱟᱥᱟ ᱠᱚ ᱮᱛᱚᱦᱚᱵ ᱠᱮᱫᱼᱟ ᱾ ᱢᱤᱡᱳ ᱟᱨ ᱡᱟᱦᱟᱣ ᱠᱚᱣᱟᱜ ᱢᱚᱪᱟ-ᱛᱮᱭᱟᱜ ᱱᱟᱜᱟᱢ ᱞᱮᱠᱟᱛᱮ, ᱥᱟᱱ ᱦᱚᱲ ᱠᱚᱫᱚ ᱡᱳ ᱦᱚᱲ ᱠᱚ ᱥᱟᱶ ᱠᱚ ᱢᱮᱥᱟ ᱞᱮᱱᱟ ᱾^[᱗]

ᱛᱷᱟᱝᱜᱟ ᱮ ᱞᱟᱹᱭᱟ ᱡᱮ ᱱᱚᱶᱟ ᱚᱠᱛᱚ ᱨᱮ ᱢᱤᱡᱳ ᱠᱚᱫᱚ ᱦᱩᱠᱟᱣᱱᱜᱽ ᱵᱮᱰᱟ ᱨᱮ ᱠᱚ ᱵᱟᱥᱟ ᱞᱮᱱᱟ ᱾^[᱘] ᱢᱤᱡᱳ ᱠᱚᱫᱚ ᱟᱣᱠᱴᱟᱣᱱᱜᱽ ᱨᱮ ᱠᱚ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱠᱟᱵᱟᱣ ᱵᱮᱰᱟ ᱨᱮᱱᱟᱜ ᱟᱣᱠᱥᱟᱛᱞᱟᱝ ᱟᱹᱲᱟᱹ ᱨᱮᱱᱟᱜ ᱵᱟᱹᱲᱤᱡ ᱨᱩᱯ ᱢᱮᱱᱛᱮ ᱠᱚ ᱢᱮᱱᱟ ᱾ ᱱᱚᱶᱟ ᱚᱠᱛᱚ ᱨᱮ ᱢᱤᱡᱳ ᱠᱚᱫᱚ ᱥᱟᱱ ᱦᱚᱲ ᱠᱚᱣᱟᱜ ᱚᱨᱥᱚᱝ ᱛᱮ ᱪᱟ ᱧᱩ ᱠᱚ ᱪᱮᱫ ᱞᱮᱫᱼᱟ ᱾ ᱱᱟᱜᱟᱢ ᱞᱮᱠᱟᱛᱮ, ᱱᱚᱶᱟ ᱴᱷᱟᱶ ᱵᱟᱹᱜᱤ ᱠᱟᱛᱮ ᱥᱮᱱᱚᱜ ᱨᱮᱱᱟᱜ ᱢᱩᱲᱩᱛ ᱠᱟᱨᱚᱱ ᱫᱚ ᱛᱟᱦᱮᱸ ᱠᱟᱱᱟ ᱢᱤᱫ ᱟᱠᱟᱞ, ᱡᱟᱦᱟᱸ ᱫᱚ ᱛᱷᱤᱝᱯᱩᱭ ᱛᱟᱢ ᱪᱟ ᱟᱠᱟᱞ ᱠᱚ ᱢᱮᱛᱟᱜᱼᱟ ᱾^[᱙] ᱢᱤᱫ ᱢᱟᱨᱮ ᱦᱞᱟ (ᱥᱮᱨᱮᱧ) ᱫᱚ ᱱᱚᱶᱟ ᱛᱷᱤᱝᱯᱩᱭ ᱛᱟᱢ ᱠᱷᱚᱱ ᱜᱮ ᱥᱤᱨᱡᱚᱱ ᱟᱠᱟᱱᱟ:

ᱢᱤᱡᱳ:

Shan khuoah lenpur a tla
Mi raza tlan thiera e.
ᱥᱟᱱᱛᱟᱲᱤ ᱛᱚᱨᱡᱚᱢᱟ:
ᱥᱟᱱ ᱫᱤᱥᱚᱢ ᱨᱮ ᱢᱤᱫ ᱟᱹᱰᱤ ᱠᱮᱴᱮᱡ ᱟᱠᱟᱞ ᱦᱮᱡ ᱮᱱᱟ,

ᱡᱟᱦᱟᱸ ᱫᱚ ᱦᱚᱲ ᱠᱚ ᱫᱟᱹᱲ ᱞᱟᱹᱜᱤᱫ ᱮ ᱢᱚᱡᱽᱵᱩᱨ ᱠᱮᱫ ᱠᱚᱣᱟ ᱾
— ᱢᱤᱡᱳ ᱚᱱᱚᱲᱦᱮ^[᱑᱐]

ᱢᱮᱱᱠᱷᱟᱱ, ᱥᱟᱱ ᱯᱚᱱᱚᱛ ᱨᱤᱱ ᱦᱚᱲ ᱠᱚ ᱥᱟᱶ ᱞᱟᱠᱪᱟᱨ ᱵᱚᱫᱚᱞ ᱠᱟᱛᱮ ᱢᱤᱡᱳ ᱠᱚᱣᱟᱜ ᱟᱹᱰᱤ ᱞᱟᱦᱟᱱᱛᱤ ᱦᱩᱭ ᱞᱮᱱᱟ, ᱡᱮᱞᱮᱠᱟ ᱞᱟᱹᱲᱦᱟᱹᱭ ᱦᱩᱱᱟᱹᱨ ᱪᱮᱫ, ᱢᱮᱲᱦᱮᱫ ᱨᱮᱱᱟᱜ ᱵᱮᱵᱷᱟᱨ ᱟᱨ ᱯᱤᱛᱚᱞ ᱨᱮᱱᱟᱜ ᱯᱟᱭᱤᱯ ᱵᱮᱱᱟᱣ ᱮᱢᱟᱱ ᱾ ᱦᱨᱟᱝᱞᱤᱭᱮᱱ ᱥᱚᱱᱜᱟᱛᱮ ᱮ ᱞᱟᱹᱭᱟ ᱡᱮ ᱢᱤᱡᱳ ᱠᱚᱣᱟᱜ ᱢᱟᱨᱟᱝ ᱯᱟᱨᱟᱵᱽ ᱠᱚᱦᱚᱸ ᱥᱟᱱ ᱯᱚᱱᱚᱛ ᱨᱮᱱᱟᱜ ᱞᱟᱠᱪᱟᱨ ᱚᱨᱥᱚᱝ ᱛᱮ ᱜᱮ ᱩᱛᱱᱟᱹᱣ ᱟᱠᱟᱱᱟ ᱾^[᱑᱑]

ᱞᱟᱠᱪᱟᱨ

ᱟᱭᱢᱟ ᱞᱮᱠᱟᱱ ᱟᱹᱫᱤᱵᱟᱹᱥᱤ ᱟᱨ ᱠᱷᱮᱞᱣᱟᱰ ᱠᱚ ᱠᱷᱟᱹᱛᱤᱨ ᱢᱤᱡᱳ ᱞᱟᱠᱪᱟᱨ ᱫᱚ ᱟᱹᱰᱤ ᱠᱤᱥᱟᱹᱬ ᱟᱨ ᱵᱷᱮᱜᱟᱨ-ᱵᱷᱮᱜᱟᱨ ᱜᱮᱭᱟ ᱾ ᱑᱙ ᱥᱟᱭ ᱥᱮᱨᱢᱟ ᱛᱟᱭᱚᱢ, ᱱᱚᱶᱟ ᱫᱚ ᱟᱹᱰᱤ ᱵᱟᱹᱲᱛᱤ ᱤᱥᱟᱹᱭ ᱫᱷᱚᱨᱚᱢ ᱪᱮᱛᱟᱱ ᱨᱮ ᱞᱟᱫᱮ ᱟᱠᱟᱱᱟ — ᱢᱤᱡᱳ ᱠᱚᱣᱟᱜ ᱢᱩᱲᱩᱛ ᱯᱟᱨᱟᱵᱽ ᱫᱚ ᱦᱩᱭᱩᱜ ᱠᱟᱱᱟ ᱠᱷᱨᱤᱥᱴᱢᱟᱥ ᱥᱮ ᱵᱚᱰᱰᱤᱱ ᱾ ᱟᱹᱨᱤᱪᱟᱹᱞᱤ ᱠᱟᱹᱢᱤ ᱦᱚᱨᱟ ᱟᱨ ᱞᱟᱠᱪᱟᱨ ᱠᱚ ᱢᱟᱱᱟᱣ ᱨᱮᱦᱚᱸ, ᱯᱟᱪᱮ ᱥᱮᱪᱮᱫ ᱠᱷᱟᱹᱛᱤᱨ ᱟᱭᱢᱟ ᱦᱟᱹᱴᱤᱧ ᱨᱮ ᱵᱚᱫᱚᱞ ᱦᱮᱡ ᱟᱠᱟᱱᱟ ᱾ ᱱᱮᱛᱟᱨ ᱫᱚ ᱪᱟᱯᱪᱟᱨ ᱠᱩᱴ ᱞᱮᱠᱟᱱ ᱟᱹᱨᱤᱪᱟᱹᱞᱤ ᱯᱟᱨᱟᱵᱽ ᱠᱚ ᱟᱨᱦᱚᱸ ᱡᱤᱣᱤᱫ ᱨᱩᱣᱟᱹᱲ ᱞᱟᱹᱜᱤᱫ ᱠᱩᱨᱩᱢᱩᱴᱩ ᱪᱟᱞᱟᱜ ᱠᱟᱱᱟ ᱾^[᱑᱒]

ᱯᱟᱹᱨᱥᱤ

ᱱᱟᱦᱟᱜ ᱢᱤᱡᱳ ᱦᱚᱲ ᱠᱚᱫᱚ ᱢᱤᱡᱳ ᱯᱟᱹᱨᱥᱤ ᱛᱮ ᱠᱚ ᱨᱚᱲᱟ, ᱡᱟᱦᱟᱸ ᱫᱚ ᱪᱤᱱ-ᱛᱤᱵᱵᱚᱛᱤ ᱯᱟᱹᱨᱥᱤ ᱜᱷᱟᱨᱚᱸᱡᱽ ᱨᱮᱱᱟᱜ ᱠᱩᱠᱤ-ᱪᱤᱱ ᱦᱟᱹᱴᱤᱧ ᱨᱮ ᱥᱮᱞᱮᱫ ᱢᱮᱱᱟᱜᱼᱟ ᱾^[᱑᱓] ᱢᱤᱡᱳ ᱫᱚ ᱢᱤᱡᱳᱨᱟᱢ ᱨᱮᱱᱟᱜ ᱢᱤᱫ ᱥᱚᱨᱠᱟᱨᱤ ᱯᱟᱹᱨᱥᱤ ᱠᱟᱱᱟ, ᱤᱝᱞᱤᱥ ᱥᱟᱶᱛᱮ ᱾^[᱑᱔] ᱪᱤᱱ ᱯᱟᱹᱨᱥᱤ ᱞᱮᱠᱟ ᱜᱮ, ᱢᱤᱡᱳ ᱦᱚᱸ ᱢᱤᱫ ᱴᱳᱱᱟᱞ ᱯᱟᱹᱨᱥᱤ ᱠᱟᱱᱟ ᱾ ᱱᱚᱶᱟ ᱨᱮ ᱯᱩᱱ ᱞᱮᱠᱟᱱ ᱴᱳᱱ ᱢᱮᱱᱟᱜᱼᱟᱺ ᱪᱮᱛᱟᱱ, ᱞᱟᱛᱟᱨ, ᱨᱟᱠᱟᱵ ᱟᱨ ᱟᱬᱜᱚ᱾^[᱑᱕]

ᱚᱞ ᱛᱚᱦᱚᱨ

ᱱᱚᱶᱟ ᱫᱚ ᱟᱥᱚᱠᱟᱭ ᱛᱮ ᱢᱮᱱᱚᱜᱼᱟ ᱡᱮ ᱵᱨᱤᱴᱤᱥ ᱥᱟᱥᱚᱱ ᱢᱟᱲᱟᱝ ᱨᱮ ᱢᱤᱡᱳᱨᱟᱢ ᱟᱨ ᱢᱤᱡᱳ ᱦᱚᱲ ᱠᱚᱣᱟᱜ ᱡᱟᱦᱟᱱ ᱚᱞ ᱛᱚᱦᱚᱨ ᱵᱟᱝ ᱛᱟᱦᱮᱸ ᱠᱟᱱᱟ, ᱢᱮᱱᱠᱷᱟᱱ ᱱᱚᱶᱟ ᱠᱟᱛᱷᱟ ᱫᱚ ᱯᱩᱨᱟᱹ ᱥᱟᱹᱨᱤ ᱫᱚ ᱵᱟᱝ ᱠᱟᱱᱟ ᱾ ᱢᱤᱡᱳ ᱞᱟᱠᱪᱟᱨ ᱠᱟᱛᱷᱟ ᱞᱮᱠᱟᱛᱮ, ᱢᱤᱫ ᱟᱫ ᱟᱠᱟᱱ ᱪᱤᱠᱤ ᱨᱮᱱᱟᱜ ᱠᱟᱹᱦᱱᱤ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱦᱟᱨᱛᱟ ᱥᱟᱠᱟᱢ ᱨᱮ ᱚᱞ ᱛᱟᱦᱮᱸ ᱠᱟᱱᱟ ᱾ ᱠᱟᱹᱦᱱᱤ ᱞᱮᱠᱟᱛᱮ, ᱢᱤᱫᱴᱟᱹᱝ ᱯᱟᱜᱽᱞᱟ ᱥᱮᱛᱟ ᱚᱱᱟ ᱦᱟᱨᱛᱟ ᱥᱟᱠᱟᱢ ᱮ ᱡᱚᱢ ᱠᱮᱫᱼᱟ, ᱡᱟᱦᱟᱸ ᱠᱷᱟᱹᱛᱤᱨ ᱢᱤᱡᱳ ᱦᱚᱲ ᱠᱚᱫᱚ ᱟᱹᱰᱤ ᱫᱤᱱ ᱫᱷᱟᱹᱵᱤᱡ ᱪᱤᱠᱤ ᱵᱮᱜᱚᱨ ᱠᱚ ᱛᱟᱦᱮᱸ ᱮᱱᱟ ᱾^[᱑᱖] ᱱᱚᱶᱟ ᱠᱚᱫᱚ ᱠᱟᱹᱦᱱᱤ ᱠᱟᱱ ᱨᱮᱦᱚᱸ, ᱱᱟᱜᱟᱢᱤᱭᱟᱹ ᱠᱚ ᱱᱚᱶᱟ ᱨᱮᱱᱟᱜ ᱥᱤᱨᱡᱚᱱ ᱵᱟᱵᱚᱛ ᱛᱮ ᱠᱚ ᱵᱤᱪᱟᱹᱨ ᱮᱫᱟ ᱾ ᱠᱤᱪᱷᱩ ᱱᱟᱜᱟᱢᱤᱭᱟᱹ ᱠᱚᱣᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ ᱡᱮ ᱱᱚᱶᱟ ᱠᱟᱹᱦᱱᱤ ᱨᱮᱱᱟᱜ ᱢᱮᱱᱮᱛ ᱫᱚ ᱟᱹᱲᱟᱹ ᱞᱮᱠᱟᱛᱮ ᱥᱮᱛᱟ ᱫᱚ ᱵᱟᱝ ᱠᱟᱱᱟ; ᱵᱚᱨᱚᱢ ᱚᱱᱟ "ᱯᱟᱜᱽᱞᱟ ᱥᱮᱛᱟ" ᱫᱚ ᱢᱤᱫ ᱵᱟᱹᱦᱤᱨ ᱥᱟᱥᱚᱱᱤᱭᱟᱹ ᱥᱮ ᱟᱹᱭᱫᱟᱹᱨ ᱟᱱ ᱦᱚᱲ ᱮ ᱦᱩᱭ ᱫᱟᱲᱮᱭᱟᱜᱼᱟ ᱡᱟᱦᱟᱸᱭ ᱫᱚ ᱢᱤᱡᱳ ᱠᱚ ᱟᱠᱨᱚᱢᱚᱱ ᱠᱟᱛᱮ ᱩᱱᱠᱩᱣᱟᱜ ᱚᱞ ᱵᱮᱞ ᱠᱚᱭ ᱱᱟᱥᱟᱣ ᱞᱮᱫᱼᱟ ᱾^[᱑᱗] ᱱᱚᱶᱟ ᱫᱚ ᱮᱴᱟᱜ ᱱᱟᱜᱟᱢᱤᱭᱟᱹ ᱜᱷᱚᱴᱚᱱ ᱥᱟᱶ ᱦᱚᱸ ᱢᱮᱥᱟ ᱜᱮᱭᱟ, ᱡᱮᱞᱮᱠᱟ ᱢᱮᱭᱛᱮᱭ ᱦᱚᱲ (ᱢᱟᱹᱱᱤᱯᱩᱨᱤ) ᱠᱚᱣᱟᱜ ᱫᱷᱚᱨᱚᱢ ᱯᱩᱛᱷᱤ 'ᱯᱩᱭᱟ' ᱢᱤᱫ ᱦᱤᱱᱫᱩ ᱨᱟᱡᱽ ᱦᱚᱛᱮᱛᱮ ᱡᱮᱨᱮᱫ ᱞᱮᱱᱟ, ᱡᱟᱦᱟᱸ ᱫᱚ ᱞᱟᱠᱪᱟᱨ ᱱᱟᱥᱟᱣ ᱨᱮᱱᱟᱜ ᱢᱤᱫ ᱱᱟᱢᱩᱱᱟ ᱠᱟᱱᱟ ᱾

ᱱᱤᱛᱚᱜ ᱫᱚ ᱢᱤᱡᱳᱨᱟᱢ ᱨᱮ ᱢᱤᱡᱳ ᱯᱟᱹᱨᱥᱤ ᱚᱞ ᱞᱟᱹᱜᱤᱫ ᱨᱳᱢᱟᱱ ᱪᱤᱠᱤ ᱜᱮ ᱵᱮᱵᱷᱟᱨᱚᱜ ᱠᱟᱱᱟ ᱾^[᱑᱘] ᱢᱤᱡᱳᱨᱟᱢ ᱨᱤᱱ ᱙᱑.᱓% ᱦᱚᱲ ᱢᱤᱡᱳ ᱯᱟᱹᱨᱥᱤ ᱠᱚ ᱯᱟᱲᱦᱟᱣ ᱫᱟᱲᱮᱭᱟᱜᱼᱟ, ᱡᱟᱦᱟᱸ ᱠᱷᱟᱹᱛᱤᱨ ᱱᱚᱶᱟ ᱯᱚᱱᱚᱛ ᱫᱚ ᱥᱤᱧᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱥᱤᱠᱷᱱᱟᱹᱛ ᱯᱚᱱᱚᱛ ᱠᱟᱱᱟ ᱟᱨ ᱒᱐᱒᱕ ᱥᱮᱨᱢᱟ ᱨᱮ ᱱᱚᱶᱟ ᱫᱚ ᱑᱐᱐% ᱥᱤᱠᱷᱱᱟᱹᱛ ᱮ ᱟᱢᱮᱴ ᱟᱠᱟᱫᱟ ᱾^[᱑᱙]

ᱥᱟᱹᱠᱷᱭᱟᱹᱛ

↑ "Statement 1: Abstract of speakers' strength of languages and mother tongues – 2011". www.censusindia.gov.in. Office of the Registrar General & Census Commissioner, India. Archived from the original on 2 July 2018. Retrieved 1 April 2022.
↑ Hluna & Tochhawng 2012, p. 255.
↑ Zou, David Vumlallian (2022). "Peopling the Yunnan-Bengal corridor". In Wouters, Jelle J.P; Heneise, Michael T. (eds.). Routledge Handbook of Highland Asia. London: Routledge. doi:10.4324/9780429345746. ISBN 978-0-429-34574-6.
↑ Khai 1995, p. 7.
↑ Khai, Sing Khaw (1995). Zo People and Their Cultureː a historical, cultural study and critical analysis of Zo and its ethnic tribes. Manipur: Khampu Hatzaw. Retrieved 25 May 2025.
↑ Lalhmingthangi & Singh 2022, p. 5.
↑ Pau 2020, p. 21.
↑ Pachuau 2009, p. 2.
↑ Lalhmingthangi & Singh 2022, p. 9.
↑ Thanmawia 1998, p. 10.
↑ Lalrimawia 1995.
↑ Angom, Rebecca (2020). "Christianization and Its Impact on Mizo Culture". Journal of Humanities and Social Sciences Studies (in ᱟᱝᱜᱽᱨᱮᱡᱤ). 2 (1): 55–61. ISSN 2663-7197.
↑ Murthy & Subbarao 2011, p. 777.
↑ "Mizoram, Ministry of Development of North Eastern Region, North East India". mdoner.gov.in. Retrieved 2023-12-12.
↑ Gogoi et al 2021, p. 214.
↑ Khiangte 2017, p. 2.
↑ Lungchuang, Ruata (2022). "The Lost Mizo Script and Its Revival".
↑ Prasad, Chakraborty & Sailo 2006, p. 16.
↑ "From Traffic Rules To One Of Most Literate States: Things We Can Learn From Mizoram". India Times. 2022-05-27.

↑ including the Mizo diaspora's respective statistics
↑ Mizo proper: 830,846; Hmâr, Lakher, Pawi, and Paite in Mizoram combined with Mizo proper: 10,22616

ᱛᱩᱢᱟᱹᱞ ᱦᱩᱲᱟᱹᱜ:<ref> tags exist for a group named "lower-alpha", but no corresponding <references group="lower-alpha"/> tag was found

[2] "Statement 1: Abstract of speakers' strength of languages and mother tongues – 2011". www.censusindia.gov.in. Office of the Registrar General & Census Commissioner, India. Archived from the original on 2 July 2018. Retrieved 1 April 2022.

[FOOTNOTEHlunaTochhawng2012255-4] Hluna & Tochhawng 2012, p. 255.

[5] Zou, David Vumlallian (2022). "Peopling the Yunnan-Bengal corridor". In Wouters, Jelle J.P; Heneise, Michael T. (eds.). Routledge Handbook of Highland Asia. London: Routledge. doi:10.4324/9780429345746. ISBN 978-0-429-34574-6.

[FOOTNOTEKhai19957-6] Khai 1995, p. 7.

[7] Khai, Sing Khaw (1995). Zo People and Their Cultureː a historical, cultural study and critical analysis of Zo and its ethnic tribes. Manipur: Khampu Hatzaw. Retrieved 25 May 2025.

[FOOTNOTELalhmingthangiSingh20225-8] Lalhmingthangi & Singh 2022, p. 5.

[FOOTNOTEPau202021-9] Pau 2020, p. 21.

[FOOTNOTEPachuau20092-10] Pachuau 2009, p. 2.

[FOOTNOTELalhmingthangiSingh20229-11] Lalhmingthangi & Singh 2022, p. 9.

[FOOTNOTEThanmawia199810-12] Thanmawia 1998, p. 10.

[FOOTNOTELalrimawia1995-13] Lalrimawia 1995.

[14] Angom, Rebecca (2020). "Christianization and Its Impact on Mizo Culture". Journal of Humanities and Social Sciences Studies (in ᱟᱝᱜᱽᱨᱮᱡᱤ). 2 (1): 55–61. ISSN 2663-7197.

[FOOTNOTEMurthySubbarao2011777-15] Murthy & Subbarao 2011, p. 777.

[16] "Mizoram, Ministry of Development of North Eastern Region, North East India". mdoner.gov.in. Retrieved 2023-12-12.

[FOOTNOTEGogoi_et_al2021214-17] Gogoi et al 2021, p. 214.

[FOOTNOTEKhiangte20172-18] Khiangte 2017, p. 2.

[19] Lungchuang, Ruata (2022). "The Lost Mizo Script and Its Revival".

[FOOTNOTEPrasadChakrabortySailo200616-20] Prasad, Chakraborty & Sailo 2006, p. 16.

[21] "From Traffic Rules To One Of Most Literate States: Things We Can Learn From Mizoram". India Times. 2022-05-27.

[1] uding the Mizo diaspora's respective statistics

[3] Mizo proper: 830,846; Hmâr, Lakher, Pawi, and Paite in Mizoram combined with Mizo proper: 10,22616

[lower-alpha ᱑]

[᱑]

[lower-alpha ᱒]

[᱒]

[᱓]

[᱔]

[᱕]

[᱖]

[᱗]

[᱘]

[᱙]

[᱑᱐]

[᱑᱑]

[᱑᱒]

[᱑᱓]

[᱑᱔]

[᱑᱕]

[᱑᱖]

[᱑᱗]

[᱑᱘]

[᱑᱙]