ᱢᱤᱥᱤᱝ ᱦᱚᱲ
 ᱟᱹᱨᱤᱪᱟᱹᱞᱤ ᱦᱚᱨᱚᱜ-ᱵᱟᱱᱫᱮ ᱛᱮ ᱰᱷᱟᱹᱠᱩᱣᱟᱠᱷᱟᱱᱟ ᱨᱤᱱ ᱢᱤᱥᱤᱝ ᱠᱩᱲᱤ | |
| ᱜᱩᱴ ᱦᱚᱲ ᱮᱞ | |
|---|---|
| ᱖᱐᱓,᱓᱑᱐ (᱒᱐᱐᱑ ᱞᱮᱠᱷᱟ ᱡᱚᱠᱷᱟ) | |
| ᱰᱷᱮᱨ ᱧᱚᱜ ᱦᱚᱲ ᱮᱞ ᱢᱮᱱᱟᱜ ᱠᱚ ᱴᱚᱴᱷᱟ | |
| ᱥᱤᱧᱚᱛ | |
| ᱟᱥᱟᱢ | ᱕᱘᱗,᱓᱑᱐[᱑] |
| ᱚᱨᱩᱬᱟᱪᱚᱞ ᱯᱨᱚᱫᱮᱥ | ᱑᱖,᱐᱐᱐[᱒] |
| ᱯᱟᱹᱨᱥᱤ ᱠᱚ | |
| ᱢᱤᱥᱤᱝ, ᱛᱟᱱᱤ | |
| ᱫᱷᱚᱨᱚᱢ | |
| ᱦᱤᱱᱫᱩ ᱫᱷᱚᱨᱚᱢ, ᱤᱥᱟᱹᱭ ᱫᱷᱚᱨᱚᱢ, ᱫᱚᱱᱭᱤ-ᱯᱳᱞᱳ[᱓] | |
| ᱥᱩᱯᱩᱨ ᱥᱟᱹᱜᱟᱹᱭᱟᱱ ᱡᱟᱹᱛ ᱠᱚ | |
| ᱟᱫᱤ, ᱟᱯᱟᱛᱟᱱᱤ, ᱜᱟᱞᱳ, ᱦᱤᱞ ᱢᱤᱨᱤ, ᱱᱤᱥᱤ, ᱛᱟᱜᱤᱱ, ᱞᱳᱵᱟ, ᱛᱤᱵᱵᱚᱛᱤ | |
ᱢᱤᱥᱤᱝ ᱦᱚᱲ ᱥᱮ ᱢᱤᱨᱤ ᱦᱚᱲ ( /ˈmiːsɪŋ/ ᱥᱮ /ˈmɪsɪŋ/) ᱠᱚᱫᱚ ᱪᱤᱱ-ᱛᱤᱵᱵᱚᱛᱤ ᱟᱹᱫᱤᱵᱟᱹᱥᱤ ᱜᱩᱴ ᱠᱟᱱᱟ ᱠᱚ, ᱡᱟᱦᱟᱸᱭ ᱫᱚ ᱡᱟᱹᱥᱛᱤ ᱠᱟᱭᱛᱮ ᱠᱚᱧᱮ ᱥᱟᱢᱟᱝ ᱥᱤᱧᱚᱛ ᱨᱮᱱᱟᱜ ᱟᱥᱟᱢ ᱟᱨ ᱚᱨᱩᱬᱟᱪᱚᱞ ᱯᱨᱚᱫᱮᱥ ᱯᱚᱱᱚᱛ ᱨᱮ ᱠᱚ ᱛᱟᱦᱮᱸᱱᱟ ᱾ ᱩᱱᱠᱩᱣᱟᱜ ᱢᱤᱥᱤᱝ ᱯᱟᱹᱨᱥᱤ ᱫᱚ ᱛᱟᱱᱤ ᱯᱟᱹᱨᱥᱤ ᱜᱷᱟᱨᱚᱸᱡᱽ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱠᱟᱱᱟ ᱾ ᱢᱤᱥᱤᱝ ᱠᱚᱫᱚ ᱟᱥᱟᱢ ᱨᱤᱱ ᱢᱤᱫ ᱢᱩᱲᱩᱛ ᱟᱹᱫᱤᱵᱟᱹᱥᱤ ᱠᱟᱱᱟ ᱠᱚ, ᱡᱟᱦᱟᱸᱭ ᱫᱚ ᱵᱳᱰᱳ ᱠᱚ ᱛᱟᱭᱚᱢ ᱫᱚᱥᱟᱨ ᱡᱚᱛᱚ ᱠᱷᱚᱱ ᱢᱟᱨᱟᱝ ᱟᱹᱫᱤᱵᱟᱹᱥᱤ ᱠᱟᱱᱟ ᱠᱚ ᱾ ᱟᱥᱟᱢ ᱨᱤᱱ ᱟᱹᱫᱤᱵᱟᱹᱥᱤ ᱦᱚᱲ ᱮᱞ ᱨᱮᱱᱟᱜ ᱑᱕.᱔% ᱦᱚᱲ ᱢᱤᱥᱤᱝ ᱛᱮ ᱠᱚ ᱨᱚᱲᱟ, ᱢᱮᱱᱠᱷᱟᱱ ᱟᱹᱰᱤ ᱜᱟᱱ ᱦᱚᱲ ᱟᱥᱟᱢᱤᱥ (᱒᱔.᱗%) ᱦᱚᱸ ᱠᱚ ᱵᱮᱵᱷᱟᱨᱟ ᱾ ᱢᱤᱥᱤᱝ ᱜᱟᱶᱛᱟ ᱠᱚᱣᱟᱜ ᱟᱭᱛᱟᱨ ᱞᱮᱠᱟᱛᱮ ᱩᱱᱠᱩᱣᱟᱜ ᱦᱚᱲ ᱮᱞ ᱫᱚ ᱑.᱒ ᱢᱤᱞᱤᱭᱚᱱ ᱜᱟᱱ ᱦᱩᱭ ᱫᱟᱲᱮᱭᱟᱜᱼᱟ, ᱡᱟᱦᱟᱸ ᱫᱚ ᱒᱐᱐᱑ ᱥᱤᱧᱚᱛ ᱞᱮᱠᱷᱟ ᱡᱚᱠᱷᱟ ᱨᱮ ᱚᱞ ᱟᱠᱟᱱ ᱕᱘᱗,᱓᱑᱐ ᱠᱷᱚᱱ ᱫᱚ ᱵᱟᱹᱲᱛᱤ ᱜᱮᱭᱟ ᱾[᱔]
ᱟᱹᱲᱟᱹ ᱥᱤᱨᱡᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱧᱚᱛ ᱨᱮᱱᱟᱜ ᱥᱚᱢᱵᱤᱫᱷᱟᱱ ᱨᱮᱱᱟᱜ ᱞᱮᱠᱷᱟᱥᱤᱫ ᱟᱹᱫᱤᱵᱟᱹᱥᱤ ᱞᱤᱥᱴᱤ ᱨᱮ ᱢᱤᱥᱤᱝ ᱠᱚᱫᱚ ᱥᱚᱨᱠᱟᱨᱤ ᱞᱮᱠᱟᱛᱮ ᱢᱤᱨᱤ ᱢᱮᱱᱛᱮ ᱚᱞ ᱢᱮᱱᱟᱜ ᱠᱚᱣᱟ, ᱢᱮᱱᱠᱷᱟᱱ ᱩᱱᱠᱩ ᱫᱚ ᱟᱠᱚ ᱛᱮ ᱢᱤᱥᱤᱝ ᱢᱮᱱᱛᱮ ᱩᱨᱩᱢᱚᱜ ᱠᱚ ᱠᱩᱥᱤᱭᱟᱜᱼᱟ ᱾[᱕] ᱢᱤᱥᱤᱝ ᱫᱚ ᱢᱤᱫ ᱚᱱᱛᱚ-ᱧᱩᱛᱩᱢ ᱠᱟᱱᱟ ᱡᱟᱦᱟᱸ ᱨᱮᱱᱟᱜ ᱥᱟᱵᱟᱫᱽ ᱟᱹᱲᱟᱹ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ 'ᱦᱟᱥᱟ ᱨᱤᱱ ᱦᱚᱲ' ᱾[᱖] ᱮᱴᱟᱜ ᱥᱮᱫ, ᱢᱤᱨᱤ ᱦᱚᱲ ᱫᱚ ᱢᱤᱫ ᱵᱟᱦᱨᱮ-ᱧᱩᱛᱩᱢ ᱠᱟᱱᱟ ᱡᱟᱦᱟᱸ ᱫᱚ ᱟᱥᱟᱢᱤᱥ ᱦᱚᱲ ᱠᱚ ᱦᱚᱛᱮᱛᱮ ᱵᱮᱵᱷᱟᱨᱚᱜ ᱠᱟᱱ ᱛᱟᱦᱮᱸᱫ ᱾[᱗] ᱢᱤᱫ ᱡᱟᱹᱛᱤ-ᱧᱩᱛᱩᱢ ᱞᱮᱠᱟᱛᱮ ᱢᱤᱨᱤ ᱟᱹᱲᱟᱹ ᱨᱮᱱᱟᱜ ᱥᱤᱨᱡᱚᱱ ᱵᱟᱵᱚᱛ ᱛᱮ ᱱᱤᱛ ᱦᱚᱸ ᱯᱟᱹᱨᱥᱤ ᱜᱟᱹᱠᱷᱩᱲᱤᱭᱟᱹ ᱠᱚ ᱛᱟᱞᱟ ᱨᱮ ᱟᱹᱰᱤ ᱜᱟᱱ ᱛᱚᱨᱠᱚ-ᱵᱤᱛᱚᱨᱠᱚ ᱢᱮᱱᱟᱜᱼᱟ ᱾[᱗] ᱢᱤᱥᱤᱝ ᱦᱚᱲ ᱠᱚᱫᱚ ᱟᱠᱚᱣᱟᱜ ᱩᱨᱩᱢ ᱞᱟᱹᱜᱤᱫ ᱛᱟᱱᱤ ᱧᱩᱛᱩᱢ ᱦᱚᱸ ᱠᱚ ᱵᱮᱵᱷᱟᱨᱟ, ᱡᱟᱦᱟᱸ ᱨᱮᱱᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ 'ᱦᱚᱲ' ᱾[᱕]
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱮᱛᱚᱦᱚᱵ ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐ ᱥᱟᱭ ᱥᱮᱨᱢᱟ ᱨᱮᱱᱟᱜ ᱮᱛᱚᱦᱚᱵ ᱫᱷᱟᱹᱵᱤᱡ ᱢᱤᱥᱤᱝ ᱠᱚᱫᱚ ᱢᱤᱫ ᱢᱚᱪᱟ-ᱛᱮᱭᱟᱜ ᱟᱹᱨᱤᱪᱟᱹᱞᱤ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾[᱘] ᱚᱱᱟᱛᱮ, ᱩᱱᱠᱩᱣᱟᱜ ᱮᱛᱚᱦᱚᱵ ᱵᱟᱥᱟ ᱟᱨ ᱞᱟᱠᱪᱟᱨ ᱵᱟᱵᱚᱛ ᱛᱮ ᱡᱟᱦᱟᱱ ᱵᱟᱹᱲᱛᱤ ᱚᱞ ᱟᱠᱟᱱ ᱫᱚᱞᱤᱞ ᱫᱚ ᱵᱟᱹᱱᱩᱜᱼᱟ ᱾ ᱵᱚᱭᱥᱱᱚᱵᱽ ᱡᱩᱜᱽ ᱨᱮᱱᱟᱜ ᱠᱤᱪᱷᱩ ᱟᱥᱟᱢᱤᱥ ᱥᱟᱶᱦᱮᱫ, ᱟᱨ ᱟᱦᱳᱢ ᱨᱟᱡᱽ ᱨᱮᱱᱟᱜ ᱱᱟᱜᱟᱢ ᱵᱩᱨᱚᱧᱡᱤ ᱠᱚᱨᱮ, ᱵᱚᱭᱥᱱᱚᱵᱽ ᱥᱟᱹᱫᱷᱩ ᱠᱚ ᱟᱨ ᱟᱦᱳᱢ ᱨᱟᱡᱟ ᱠᱚ ᱥᱟᱶ ᱢᱤᱨᱤ (ᱢᱤᱥᱤᱝ) ᱠᱚᱣᱟᱜ ᱥᱟᱹᱜᱟᱹᱭ ᱵᱟᱵᱚᱛ ᱛᱮ ᱚᱞ ᱢᱮᱱᱟᱜᱼᱟ ᱾ ᱚᱨᱩᱬᱟᱪᱚᱞ ᱯᱨᱚᱫᱮᱥ ᱨᱮᱱᱟᱜ ᱥᱩᱵᱚᱱᱥᱤᱨᱤ ᱜᱟᱰᱟ ᱟᱨ ᱥᱤᱭᱟᱝ ᱜᱟᱰᱟ ᱛᱟᱞᱟ ᱨᱮ ᱢᱮᱱᱟᱜ ᱠᱚᱧᱮ-ᱥᱟᱢᱟᱝ ᱵᱩᱨᱩ ᱴᱚᱴᱷᱟ ᱨᱤᱱ ᱟᱭᱢᱟ ᱜᱟᱶᱛᱟ ᱠᱚ ᱩᱨᱩᱢ ᱞᱟᱹᱜᱤᱫ ᱟᱦᱳᱢ ᱠᱚᱫᱚ ᱢᱤᱨᱤ ᱟᱹᱲᱟᱹ ᱠᱚ ᱵᱮᱵᱷᱟᱨᱮᱫ ᱛᱟᱦᱮᱸᱫ ᱾[᱗] ᱑᱙ ᱥᱟᱭ ᱥᱮᱨᱢᱟ ᱠᱷᱚᱱ ᱵᱨᱤᱴᱤᱥ ᱠᱚᱦᱚᱸ ᱢᱤᱥᱤᱝ ᱠᱚ ᱵᱟᱵᱚᱛ ᱛᱮ ᱠᱤᱪᱷᱩ ᱚᱱᱚᱞ ᱠᱚ ᱵᱟᱹᱜᱤ ᱟᱠᱟᱫᱟ ᱾ ᱱᱚᱶᱟ ᱠᱚ ᱚᱱᱚᱞ ᱜᱮ ᱢᱤᱥᱤᱝ ᱠᱚᱣᱟᱜ ᱮᱛᱚᱦᱚᱵ ᱱᱟᱜᱟᱢ ᱥᱟᱡᱟᱣ ᱨᱩᱣᱟᱹᱲ ᱞᱟᱹᱜᱤᱫ ᱢᱩᱲᱩᱛ ᱜᱚᱲᱚᱭ ᱮᱢᱚᱜ ᱠᱟᱱᱟ ᱾[᱘]
ᱥᱚᱨᱢᱟ ᱟᱜ ᱞᱟᱹᱭ ᱞᱮᱠᱟᱛᱮ, ᱢᱤᱥᱤᱝ ᱠᱚᱫᱚ ᱱᱟᱦᱟᱜ ᱚᱨᱩᱬᱟᱪᱚᱞ ᱯᱨᱚᱫᱮᱥ ᱨᱤᱱ ᱛᱟᱱᱤ ᱯᱟᱹᱨᱥᱤ ᱨᱚᱲ ᱦᱚᱲ ᱠᱚ ᱥᱟᱶ ᱥᱟᱹᱜᱟᱹᱭ ᱢᱮᱱᱟᱜ ᱛᱟᱠᱚᱣᱟ ᱾[᱔] ᱩᱱᱠᱩᱣᱟᱜ ᱢᱩᱲᱩᱛ ᱵᱟᱥᱟ ᱫᱚ ᱚᱨᱩᱬᱟᱪᱚᱞ ᱯᱨᱚᱫᱮᱥ ᱨᱮᱱᱟᱜ ᱵᱩᱨᱩ ᱴᱚᱴᱷᱟ ᱨᱮ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱠᱷᱚᱱ ᱩᱱᱠᱩ ᱫᱚ ᱵᱮᱰᱟ ᱛᱮ ᱠᱚ ᱦᱮᱡ ᱞᱮᱱᱟ ᱾ ᱢᱮᱱ ᱟᱠᱚ ᱡᱮ ᱢᱤᱥᱤᱝ ᱠᱚᱫᱚ ᱑᱓-᱑᱔ ᱥᱟᱭ ᱥᱮᱨᱢᱟ ᱚᱠᱛᱚ ᱨᱮ ᱪᱩᱛᱤᱭᱟ ᱨᱟᱡᱟ ᱠᱚᱣᱟᱜ ᱥᱟᱥᱚᱱ ᱚᱠᱛᱚ ᱨᱮ ᱟᱵᱟᱫᱽ ᱦᱟᱥᱟ ᱯᱟᱸᱡᱟ ᱛᱮ ᱱᱟᱦᱟᱜ ᱟᱥᱟᱢ ᱛᱮ ᱠᱚ ᱵᱚᱞᱚ ᱞᱮᱱᱟ ᱾ ᱱᱚᱶᱟ ᱩᱪᱟᱹᱲ ᱫᱚ ᱥᱟᱭ ᱥᱮᱨᱢᱟ ᱫᱷᱟᱹᱵᱤᱡ ᱵᱟᱹᱭ-ᱵᱟᱹᱭ ᱛᱮ ᱪᱟᱞᱟᱣ ᱤᱫᱤ ᱮᱱᱟ, ᱟᱨ ᱱᱤᱛᱚᱜ ᱢᱤᱥᱤᱝ ᱦᱚᱲ ᱮᱞ ᱫᱚ ᱡᱟᱹᱥᱛᱤ ᱠᱟᱭᱛᱮ ᱫᱷᱮᱢᱟᱡᱤ ᱦᱚᱱᱚᱛ, ᱞᱚᱠᱷᱤᱢᱯᱩᱨ ᱦᱚᱱᱚᱛ ᱟᱨ ᱢᱟᱡᱩᱞᱤ ᱦᱚᱱᱚᱛ ᱠᱚᱨᱮ ᱠᱚ ᱛᱟᱦᱮᱸᱱ ᱠᱟᱱᱟ ᱾[᱔]
ᱠᱤᱪᱷᱩ ᱵᱨᱤᱴᱤᱥ ᱢᱟᱹᱱᱢᱤ-ᱱᱟᱜᱟᱢᱤᱭᱟᱹ ᱠᱚᱣᱟᱜ ᱞᱟᱹᱭ ᱫᱚ ᱦᱩᱭᱩᱜ ᱠᱟᱱᱟ ᱡᱮ, ᱢᱤᱨᱤ ᱟᱹᱲᱟᱹ ᱫᱚ ᱵᱽᱨᱚᱦᱢᱚᱯᱩᱛᱨᱚ ᱵᱮᱰᱟ ᱨᱤᱱ ᱦᱚᱲ ᱟᱨ ᱚᱨᱩᱬᱟᱪᱚᱞ ᱯᱨᱚᱫᱮᱥ ᱨᱤᱱ ᱵᱩᱨᱩ ᱟᱹᱫᱤᱵᱟᱹᱥᱤ ᱠᱚ ᱛᱟᱞᱟ ᱨᱮ ᱥᱟᱹᱜᱟᱹᱭ ᱡᱚᱲᱟᱣᱤᱭᱟᱹ ᱞᱮᱠᱟᱛᱮ ᱠᱚ ᱵᱮᱵᱷᱟᱨᱮᱫ ᱛᱟᱦᱮᱸᱫ ᱾[᱙] ᱟᱨ ᱢᱤᱫᱴᱟᱹᱝ ᱛᱷᱤᱭᱚᱨᱤ (ᱵᱷᱟᱱᱰᱟᱨᱤ, ᱑᱙᱘᱔) ᱞᱮᱠᱟᱛᱮ, ᱢᱤᱨᱤ ᱫᱚ ᱛᱟᱱᱤ ᱵᱩᱨᱩ-ᱟᱹᱫᱤᱵᱟᱹᱥᱤ ᱠᱚᱨᱤᱱ ᱫᱷᱚᱨᱚᱢ ᱠᱟᱹᱢᱤᱭᱟᱹ ᱠᱚ ᱥᱟᱶ ᱡᱚᱲᱟᱣ ᱢᱮᱱᱟᱜᱼᱟ ᱾ ᱡᱚᱠᱷᱚᱱ ᱠᱤᱪᱷᱩ ᱫᱷᱚᱨᱚᱢ ᱠᱟᱹᱢᱤᱭᱟᱹ ᱵᱮᱰᱟ ᱛᱮ ᱠᱚ ᱩᱪᱟᱹᱲ ᱮᱱᱟ, ᱩᱱᱠᱩ ᱫᱚ 'ᱢᱤᱨᱤ ᱵᱩᱨᱩ' ᱠᱷᱚᱱ ᱦᱮᱡ ᱟᱠᱟᱱ ᱦᱚᱲ ᱞᱮᱠᱟᱛᱮ ᱠᱚ ᱩᱨᱩᱢ ᱞᱮᱫ ᱠᱚᱣᱟ, ᱟᱨ ᱚᱱᱟ ᱧᱩᱛᱩᱢ ᱜᱮ ᱛᱟᱦᱮᱸ ᱮᱱᱟ ᱾[᱖] ᱢᱮᱱᱠᱷᱟᱱ, ᱱᱚᱶᱟ ᱵᱟᱦᱨᱮ ᱧᱩᱛᱩᱢ ᱫᱚ ᱥᱟᱱᱟᱢ ᱛᱟᱱᱤ ᱯᱟᱹᱨᱥᱤ ᱨᱚᱲ ᱦᱚᱲ ᱞᱟᱹᱜᱤᱫ ᱫᱚ ᱵᱟᱝ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱨᱮᱦᱚᱸ, ᱱᱚᱶᱟ ᱧᱩᱛᱩᱢ ᱫᱚ ᱟᱹᱰᱤ ᱜᱮ ᱯᱟᱥᱱᱟᱣ ᱮᱱᱟ ᱟᱨ ᱵᱮᱰᱟ ᱨᱮ ᱛᱟᱦᱮᱸᱱ ᱠᱟᱱ ᱮᱴᱟᱜ ᱦᱚᱲ ᱠᱚ ᱞᱟᱹᱜᱤᱫ ᱢᱤᱥᱤᱝ ᱫᱚ ᱢᱩᱪᱟᱹᱫ ᱨᱮ 'ᱢᱤᱨᱤ' ᱢᱮᱱᱛᱮ ᱜᱮ ᱠᱚ ᱵᱟᱰᱟᱭ ᱮᱱᱟ ᱾[᱖]
ᱨᱟᱡᱽᱟᱹᱨᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱤᱥᱤᱝ ᱨᱟᱡᱽᱟᱹᱨᱤ ᱫᱚ ᱯᱮᱭᱟ ᱛᱷᱚᱠ ᱨᱮ ᱢᱮᱱᱟᱜᱼᱟ: ᱢᱤᱥᱤᱝ ᱟᱹᱯᱱᱟᱹᱛ ᱵᱟᱹᱭᱥᱤ, ᱟᱥᱟᱢ ᱵᱤᱫᱷᱟᱱ ᱥᱚᱵᱷᱟ, ᱟᱨ ᱥᱤᱧᱚᱛ ᱨᱮᱱᱟᱜ ᱥᱚᱸᱥᱚᱫᱽ ᱨᱮᱱᱟᱜ ᱞᱟᱛᱟᱨ ᱵᱟᱹᱭᱥᱤ ᱞᱳᱠ ᱥᱚᱵᱷᱟ ᱾ ᱞᱚᱠᱷᱤᱢᱯᱩᱨ ᱞᱳᱠ ᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ ᱨᱮ ᱢᱤᱥᱤᱝ ᱠᱚᱣᱟᱜ ᱵᱷᱳᱴ ᱫᱚ ᱟᱹᱰᱤ ᱜᱮ ᱜᱚᱱᱚᱝᱟᱱᱟ ᱾[᱑᱐][᱑᱑] ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱨᱮ, ᱪᱮᱛᱟᱱ ᱟᱥᱟᱢ ᱨᱮ ᱢᱤᱥᱤᱝ ᱠᱚᱣᱟᱜ ᱱᱤᱨᱬᱟᱭᱚᱠ ᱵᱷᱳᱴ ᱢᱮᱱᱟᱜᱼᱟ, ᱡᱟᱦᱟᱸ ᱨᱮ ᱩᱱᱠᱩ ᱫᱚ ᱡᱚᱛᱚ ᱠᱷᱚᱱ ᱢᱟᱨᱟᱝ ᱟᱹᱫᱤᱵᱟᱹᱥᱤ ᱜᱟᱶᱛᱟ ᱠᱟᱱᱟ ᱠᱚ ᱾[᱑᱒] ᱛᱟᱠᱟᱢ ᱢᱤᱥᱤᱝ ᱯᱳᱨᱤᱱ ᱠᱮᱵᱟᱝᱜ (TMPK) ᱫᱚ ᱢᱤᱥᱤᱝ ᱠᱚᱣᱟᱜ ᱢᱤᱫ ᱢᱩᱲᱩᱛ ᱯᱟᱹᱴᱷᱩᱣᱟᱹ ᱜᱟᱶᱛᱟ ᱠᱟᱱᱟ, ᱟᱨ ᱥᱚᱱᱢᱤᱲᱤᱛᱚ ᱜᱟᱬᱟ ᱥᱚᱠᱛᱤ (SGS) ᱫᱚ TMPK ᱨᱮᱱᱟᱜ ᱨᱟᱡᱽᱟᱹᱨᱤ ᱜᱟᱶᱛᱟ ᱠᱟᱱᱟ ᱾[᱑᱓] ᱴᱚᱴᱷᱟᱠᱤᱭᱟᱹ ᱫᱚᱞ ᱠᱚ ᱥᱟᱯᱳᱨᱴ ᱮᱫ ᱢᱤᱥᱤᱝ ᱠᱚᱫᱚ ᱡᱟᱣᱮ ᱜᱮ ᱡᱟᱹᱛᱤᱭᱟᱹᱨᱤ ᱫᱚᱞ ᱠᱚ ᱥᱟᱶ ᱡᱚᱴᱟᱣ ᱠᱚ ᱛᱟᱦᱮᱸᱱᱟ, ᱡᱮᱢᱚᱱ ᱱᱚᱶᱟ ᱛᱮ ᱟᱠᱚᱣᱟᱜ ᱨᱟᱡᱽᱟᱹᱨᱤ ᱟᱸᱥ ᱠᱚ ᱯᱩᱨᱟᱹᱣ ᱫᱟᱲᱮᱭᱟᱜ ᱢᱟ ᱾[᱑᱔] ᱒᱐᱐᱙ ᱥᱮᱨᱢᱟ ᱨᱮ, MAC ᱫᱚ ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱸᱜᱽᱨᱮᱥ ᱟᱨ SGS ᱟᱜ ᱢᱤᱫ ᱡᱚᱴᱟᱣ ᱥᱚᱨᱠᱟᱨ ᱦᱚᱛᱮᱛᱮ ᱪᱟᱞᱟᱜ ᱠᱟᱱ ᱛᱟᱦᱮᱸᱫ ᱾[᱑᱐] ᱒᱐᱑᱓ ᱨᱮ, SGS ᱫᱚ ᱵᱟᱹᱲᱛᱤ ᱥᱤᱴ ᱮ ᱡᱤᱛᱠᱟᱹᱨ ᱞᱮᱱᱟ ᱾ SGS ᱫᱚ ᱛᱟᱭᱚᱢ ᱛᱮ ᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ ᱟᱜ ᱟᱹᱭᱩᱨ ᱛᱮ ᱪᱟᱞᱟᱜ ᱠᱟᱱ ᱮᱱ.ᱰᱤ.ᱮ (NDA) ᱨᱮ ᱥᱮᱞᱮᱫ ᱮᱱᱟ ᱾[᱑᱕] ᱒᱐᱑᱙ ᱵᱟᱪᱷᱱᱟᱣ ᱛᱟᱭᱚᱢ, MAC ᱫᱚ SGS ᱟᱨ ᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ ᱟᱜ ᱡᱚᱴᱟᱣ ᱥᱚᱨᱠᱟᱨ ᱦᱚᱛᱮᱛᱮ ᱪᱟᱞᱟᱜ ᱠᱟᱱᱟ ᱾ ᱒᱐᱒᱔ ᱨᱮ ᱦᱩᱭᱩᱜ ᱛᱟᱦᱮᱸ ᱠᱟᱱ MAC ᱵᱟᱪᱷᱱᱟᱣ ᱫᱚ ᱒᱐᱒᱕ ᱫᱷᱟᱹᱵᱤᱡ ᱟᱨ ᱛᱟᱭᱚᱢ ᱛᱮ ᱒᱐᱒᱖ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱛᱟᱭᱚᱢ ᱫᱷᱟᱹᱵᱤᱡ ᱠᱚ ᱛᱷᱩᱠᱟᱹᱢ ᱟᱠᱟᱫᱟ ᱾[᱑᱖]
ᱦᱚᱲ ᱮᱞ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱒᱐᱐᱑ ᱥᱤᱧᱚᱛ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱟᱥᱟᱢ ᱨᱮ ᱢᱤᱥᱤᱝ ᱦᱚᱲ ᱮᱞ ᱫᱚ ᱕᱘᱗,᱓᱑᱐ ᱢᱮᱱᱟᱜ ᱠᱚᱣᱟ ᱾[᱑] ᱒᱐᱑᱒ ᱥᱮᱨᱢᱟ ᱨᱮ ᱢᱤᱥᱤᱝ ᱜᱟᱶᱛᱟ ᱠᱚᱣᱟᱜ ᱟᱭᱛᱟᱨ ᱞᱮᱠᱟᱛᱮ ᱩᱱᱠᱩᱣᱟᱜ ᱞᱮᱠᱷᱟ ᱫᱚ ᱑.᱒ ᱢᱤᱞᱤᱭᱚᱱ ᱠᱷᱚᱱ ᱦᱚᱸ ᱵᱟᱹᱲᱛᱤ ᱜᱮᱭᱟ ᱢᱮᱱᱛᱮ ᱠᱚ ᱞᱟᱹᱭᱟ ᱾[᱑] ᱩᱱᱠᱩ ᱫᱚ ᱟᱥᱟᱢ ᱨᱮᱱᱟᱜ ᱑᱐ ᱜᱚᱴᱟᱝ ᱦᱚᱱᱚᱛ ᱨᱮ ᱠᱚ ᱛᱟᱦᱮᱸᱱᱟ: ᱫᱷᱮᱢᱟᱡᱤ ᱦᱚᱱᱚᱛ, ᱞᱚᱠᱷᱤᱢᱯᱩᱨ ᱦᱚᱱᱚᱛ, ᱥᱳᱱᱤᱛᱯᱩᱨ ᱦᱚᱱᱚᱛ, ᱛᱤᱱᱥᱩᱠᱤᱭᱟ ᱦᱚᱱᱚᱛ, ᱰᱤᱵᱽᱨᱩᱜᱚᱲ ᱦᱚᱱᱚᱛ, ᱥᱤᱵᱽᱥᱟᱜᱚᱨ ᱦᱚᱱᱚᱛ, ᱢᱟᱡᱩᱞᱤ ᱦᱚᱱᱚᱛ, ᱪᱚᱨᱟᱭᱫᱮᱣ ᱦᱚᱱᱚᱛ, ᱡᱳᱨᱦᱟᱴ ᱦᱚᱱᱚᱛ ᱟᱨ ᱜᱳᱞᱟᱜᱷᱟᱴ ᱦᱚᱱᱚᱛ ᱾[᱒] ᱱᱚᱶᱟ ᱠᱚ ᱢᱩᱫᱽ ᱨᱮ ᱡᱟᱹᱥᱛᱤ ᱦᱚᱲ ᱮᱞ ᱫᱚ ᱫᱷᱮᱢᱟᱡᱤ, ᱞᱚᱠᱷᱤᱢᱯᱩᱨ ᱟᱨ ᱢᱟᱡᱩᱞᱤ ᱨᱮ ᱢᱮᱱᱟᱜ ᱠᱚᱣᱟ ᱾[᱔] ᱚᱨᱩᱬᱟᱪᱚᱞ ᱯᱨᱚᱫᱮᱥ ᱨᱮᱱᱟᱜ ᱯᱮᱭᱟ ᱦᱚᱱᱚᱛ— ᱥᱟᱢᱟᱝ ᱥᱤᱭᱟᱝ ᱦᱚᱱᱚᱛ, ᱞᱟᱛᱟᱨ ᱫᱤᱵᱟᱝ ᱵᱮᱰᱟ ᱦᱚᱱᱚᱛ ᱟᱨ ᱞᱳᱦᱤᱛ ᱦᱚᱱᱚᱛ ᱨᱮ ᱑᱖,᱐᱐᱐ ᱜᱟᱱ ᱢᱤᱥᱤᱝ ᱦᱚᱲ ᱢᱮᱱᱟᱜ ᱠᱚᱣᱟ ᱾[᱒]
ᱥᱤᱠᱷᱱᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱑᱙ ᱥᱟᱭ ᱥᱮᱨᱢᱟ ᱨᱮᱱᱟᱜ ᱢᱩᱪᱟᱹᱫ ᱥᱮᱫ ᱤᱥᱟᱹᱭ ᱢᱤᱥᱚᱱᱟᱨᱤ ᱠᱚᱣᱟᱜ ᱠᱟᱹᱢᱤ ᱦᱚᱨᱟ ᱥᱟᱶᱛᱮ ᱱᱟᱦᱟᱜ ᱥᱤᱠᱷᱱᱟᱹᱛ ᱮᱛᱚᱦᱚᱵ ᱞᱮᱱᱟ ᱾[᱑᱗] ᱤᱥᱟᱹᱭ ᱢᱤᱥᱚᱱᱟᱨᱤ ᱠᱚᱫᱚ ᱢᱤᱥᱤᱝ ᱯᱟᱹᱨᱥᱤ ᱫᱚ ᱨᱳᱢᱟᱱ ᱪᱤᱠᱤ ᱛᱮ ᱠᱚ ᱚᱞ ᱞᱮᱫᱼᱟ ᱾ ᱑᱘᱘᱕ ᱥᱮᱨᱢᱟ ᱨᱮ, ᱡᱮ. ᱤ. ᱱᱤᱰᱦᱟᱢ ᱫᱚ ᱥᱚᱫᱤᱭᱟ ᱟᱲᱮᱯᱟᱥᱮ ᱨᱚᱲᱚᱜ ᱠᱟᱱ ᱥᱟᱭᱭᱟᱝ ᱢᱤᱨᱤ ᱯᱟᱹᱨᱥᱤ ᱪᱮᱛᱟᱱ ᱨᱮ ᱢᱤᱫ ᱨᱚᱱᱚᱲ ᱮ ᱵᱮᱱᱟᱣ ᱞᱮᱫᱼᱟ ᱾[᱑᱗] ᱑᱙᱐᱗ ᱥᱮᱨᱢᱟ ᱨᱮ, ᱡᱮ. ᱮᱭᱪ. ᱞᱳᱨᱮᱱ ᱫᱚ ᱢᱤᱫ ᱢᱤᱨᱤ-ᱟᱵᱚᱨ ᱥᱟᱹᱜᱟᱹᱭᱟᱱ ᱟᱹᱲᱟᱹ ᱢᱩᱨᱟᱹᱭ ᱮ ᱥᱟᱯᱲᱟᱣ ᱞᱮᱫᱼᱟ ᱾ ᱑᱙᱒᱖ ᱥᱮᱨᱢᱟ ᱨᱮ, ᱯᱩᱭᱞᱩ ᱢᱤᱥᱤᱝ ᱜᱽᱨᱮᱡᱩᱭᱮᱴ ᱫᱚ ᱠᱚᱞᱠᱟᱛᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱵᱮᱪᱞᱚᱨ ᱚᱯᱷ ᱟᱨᱴᱥ ᱰᱤᱜᱽᱨᱤ ᱮ ᱯᱩᱨᱟᱹᱣ ᱞᱮᱫᱼᱟ ᱾[᱑᱗] ᱒᱐᱑᱒ ᱥᱮᱨᱢᱟ ᱨᱮᱱᱟᱜ ᱞᱮᱠᱷᱟ ᱞᱮᱠᱟᱛᱮ, ᱥᱤᱠᱷᱱᱟᱹᱛ ᱫᱚᱨ ᱫᱚ ᱖᱐.᱑% (ᱠᱚᱲᱟ ᱗᱑.᱔%, ᱠᱩᱲᱤ ᱔᱘.᱓%) ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱯᱚᱱᱚᱛ ᱨᱮᱱᱟᱜ ᱞᱮᱠᱷᱟᱥᱤᱫ ᱟᱹᱫᱤᱵᱟᱹᱥᱤ ᱠᱚᱣᱟᱜ ᱥᱤᱠᱷᱱᱟᱹᱛ ᱫᱚᱨ ᱖᱒.᱕% ᱠᱷᱚᱱ ᱫᱚ ᱠᱚᱢ ᱜᱮᱭᱟ ᱾ ᱢᱤᱥᱤᱝ ᱥᱟᱶᱛᱟ ᱨᱤᱱ ᱛᱟᱭᱚᱢ ᱟᱠᱟᱱ ᱦᱚᱲ ᱠᱚ ᱛᱟᱞᱟ ᱨᱮ ᱥᱤᱠᱷᱱᱟᱹᱛ ᱦᱟᱢᱮᱴ ᱨᱮ ᱟᱹᱰᱤ ᱢᱟᱨᱟᱝ ᱯᱷᱟᱨᱟᱠ ᱧᱮᱞᱚᱜᱼᱟ ᱾[᱑᱗]
ᱯᱟᱹᱨᱥᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱤᱠᱷᱱᱟᱹᱛ ᱟᱠᱟᱱ ᱢᱤᱥᱤᱝ ᱦᱚᱲ ᱠᱚᱫᱚ ᱟᱥᱟᱢᱤᱥ ᱟᱨ ᱢᱤᱥᱤᱝ ᱯᱟᱹᱨᱥᱤ ᱵᱟᱱᱟᱨ ᱛᱮᱜᱮ ᱠᱚ ᱨᱚᱲ ᱫᱟᱲᱮᱭᱟᱜᱼᱟ, ᱢᱮᱱᱠᱷᱟᱱ ᱠᱤᱪᱷᱩ ᱦᱚᱲ ᱫᱚ ᱠᱷᱟᱞᱤ ᱟᱥᱟᱢᱤᱥ ᱟᱨ ᱠᱚᱢ ᱫᱷᱟᱨᱟ ᱦᱚᱲ ᱫᱚ ᱠᱷᱟᱞᱤ ᱢᱤᱥᱤᱝ ᱛᱮ ᱠᱚ ᱨᱚᱲᱟ ᱾[᱑᱘] ᱵᱽᱨᱚᱦᱢᱚᱯᱩᱛᱨᱚ ᱵᱮᱰᱟ ᱨᱤᱱ ᱮᱴᱟᱜ ᱟᱥᱟᱢᱤᱥ ᱦᱚᱲ ᱠᱚ ᱥᱟᱶ ᱥᱟᱹᱜᱟᱹᱭ ᱞᱮᱠᱟᱛᱮ, ᱢᱤᱥᱤᱝ ᱦᱚᱲ ᱠᱚᱫᱚ ᱨᱚᱲ ᱡᱚᱠᱷᱚᱡ ᱟᱹᱲᱟᱹ ᱢᱮᱥᱟ ᱠᱚ ᱵᱮᱵᱷᱟᱨᱟ ᱾[᱑᱘]
ᱫᱷᱚᱨᱚᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱚᱝᱠᱚᱨᱫᱮᱵᱽ ᱟᱜ ᱱᱟᱶᱟ-ᱵᱚᱭᱥᱱᱚᱵᱽ ᱢᱚᱛ ᱫᱚ ᱢᱤᱥᱤᱝ ᱦᱚᱲ ᱠᱚ ᱪᱮᱛᱟᱱ ᱨᱮ ᱟᱹᱰᱤ ᱢᱟᱨᱟᱝ ᱚᱨᱥᱚᱝ ᱮ ᱯᱟᱲᱟᱣ ᱞᱮᱫᱼᱟ, ᱟᱨ ᱱᱚᱶᱟ ᱫᱚ ᱥᱚᱝᱥᱠᱨᱤᱛᱤᱠᱚᱨᱚᱬ ᱨᱮᱱᱟᱜ ᱢᱤᱫ ᱦᱚᱨᱟ ᱞᱮᱠᱟᱛᱮ ᱠᱟᱹᱢᱤ ᱞᱮᱫᱼᱟ ᱾ ᱟᱥᱟᱢ ᱨᱮᱱᱟᱜ ᱢᱤᱥᱤᱝ ᱵᱟᱥᱟ ᱟᱠᱟᱱ ᱴᱚᱴᱷᱟ ᱠᱚᱨᱮ ᱟᱭᱢᱟ ᱱᱟᱶᱟ-ᱵᱚᱭᱥᱱᱚᱵᱽ ᱢᱚᱴᱷ ᱥᱮ 'ᱥᱚᱛᱨᱚ' ᱢᱮᱱᱟᱜᱼᱟ ᱾[᱑᱙] ᱢᱮᱱᱠᱷᱟᱱ, ᱛᱟᱭᱚᱢ ᱛᱮ ᱢᱤᱥᱤᱝ ᱠᱚ ᱱᱚᱶᱟ ᱠᱚ ᱵᱩᱡᱷᱟᱹᱣ ᱧᱟᱢ ᱠᱮᱫᱼᱟ ᱡᱮ 'ᱥᱚᱛᱨᱚ' ᱠᱚᱫᱚ ᱵᱟᱝ-ᱟᱹᱫᱤᱵᱟᱹᱥᱤ ᱟᱥᱟᱢᱤᱥ ᱨᱚᱲ ᱦᱚᱲ ᱠᱚᱣᱟᱜ ᱥᱩᱢᱵᱤᱫᱷᱟ ᱞᱟᱹᱜᱤᱫ ᱜᱮ ᱵᱮᱵᱷᱟᱨᱚᱜ ᱠᱟᱱᱟ, ᱡᱟᱦᱟᱸ ᱠᱷᱟᱹᱛᱤᱨ ᱑᱙᱗᱐ ᱥᱮᱨᱢᱟ ᱥᱮᱫ ᱛᱮ ᱱᱟᱶᱟ-ᱵᱚᱭᱥᱱᱚᱵᱽ ᱫᱷᱚᱨᱚᱢ ᱫᱚ ᱵᱟᱹᱭ-ᱵᱟᱹᱭ ᱛᱮ ᱠᱚᱢ ᱤᱫᱤ ᱮᱱᱟ ᱾[᱑᱙] ᱢᱤᱥᱤᱝ ᱠᱚᱫᱚ ᱦᱤᱱᱫᱩ ᱫᱷᱚᱨᱚᱢ ᱛᱮ ᱚᱨᱥᱚᱝ ᱟᱠᱟᱱ ᱦᱚᱲ ᱞᱮᱠᱟᱛᱮ ᱠᱚ ᱞᱮᱠᱷᱟᱜ ᱨᱮᱦᱚᱸ, ᱩᱱᱠᱩ ᱫᱚ ᱟᱠᱚᱣᱟᱜ ᱟᱹᱰᱤ ᱜᱟᱱ ᱟᱹᱨᱤᱪᱟᱹᱞᱤ ᱠᱚ ᱵᱟᱧᱪᱟᱣ ᱫᱚᱦᱚ ᱟᱠᱟᱫᱟ ᱾ ᱱᱚᱶᱟ ᱫᱚ ᱟᱥᱟᱢ ᱨᱤᱱ ᱮᱴᱟᱜ ᱦᱤᱱᱫᱩ ᱫᱷᱚᱨᱚᱢ ᱟᱯᱱᱟᱨ ᱟᱠᱟᱫ ᱟᱹᱫᱤᱵᱟᱹᱥᱤ ᱠᱚ ᱠᱷᱚᱱ ᱫᱚ ᱵᱷᱮᱜᱟᱨ ᱜᱮᱭᱟ, ᱡᱟᱦᱟᱸᱭ ᱫᱚ ᱟᱠᱚᱣᱟᱜ ᱟᱹᱨᱤᱪᱟᱹᱞᱤ ᱵᱟᱹᱜᱤ ᱠᱟᱛᱮ ᱟᱥᱟᱢᱤᱥ ᱡᱟᱹᱛᱤ ᱦᱤᱱᱫᱩ ᱵᱮᱵᱚᱥᱛᱟ ᱠᱚ ᱟᱯᱱᱟᱨ ᱟᱠᱟᱫᱟ ᱾[᱑᱙]
ᱫᱚᱱᱭᱤ-ᱯᱳᱞᱳ ᱧᱩᱛᱩᱢᱟᱱ ᱢᱤᱫ ᱱᱟᱶᱟ ᱩᱨᱩᱢ-ᱛᱮᱭᱟᱜ ᱞᱟᱠᱪᱟᱨ ᱦᱩᱞ ᱢᱤᱥᱤᱝ ᱦᱚᱲ ᱠᱚ ᱛᱟᱞᱟ ᱨᱮ ᱠᱤᱪᱷᱩ ᱴᱷᱟᱶ ᱮ ᱟᱢᱮᱴ ᱟᱠᱟᱫᱟ, ᱡᱟᱦᱟᱸ ᱨᱮᱱᱟᱜ ᱮᱛᱚᱦᱚᱵ ᱫᱚ ᱚᱨᱩᱬᱟᱪᱚᱞ ᱯᱨᱚᱫᱮᱥ ᱠᱷᱚᱱ ᱦᱩᱭ ᱟᱠᱟᱱᱟ ᱾[᱑᱙] ᱢᱤᱥᱤᱝ ᱦᱚᱲ ᱮᱞ ᱨᱮᱱᱟᱜ ᱠᱤᱪᱷᱩ ᱦᱟᱹᱴᱤᱧ ᱫᱚ ᱤᱥᱟᱹᱭ ᱫᱷᱚᱨᱚᱢ ᱦᱚᱸ ᱠᱚ ᱟᱯᱱᱟᱨ ᱟᱠᱟᱫᱟ, ᱡᱟᱦᱟᱸ ᱠᱷᱟᱹᱛᱤᱨ ᱠᱤᱪᱷᱩ ᱴᱚᱴᱷᱟ ᱨᱮ ᱫᱷᱚᱨᱚᱢ ᱵᱟᱵᱚᱛ ᱛᱮ ᱮᱴᱠᱮᱴᱚᱬᱮ ᱦᱚᱸ ᱥᱤᱨᱡᱚᱱ ᱟᱠᱟᱱᱟ ᱾[᱑᱙]
ᱞᱟᱠᱪᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱮᱱᱮᱡ ᱟᱨ ᱥᱮᱨᱮᱧ
ᱢᱤᱥᱤᱝ ᱠᱚᱣᱟᱜ ᱟᱭᱢᱟ ᱞᱮᱠᱟᱱ ᱞᱟᱠᱪᱟᱨ ᱥᱮᱨᱮᱧ ᱢᱮᱱᱟᱜᱼᱟ ᱾[᱒᱐]
- ᱟᱦᱵᱟᱝ – ᱱᱚᱶᱟ ᱫᱚ ᱫᱮᱵᱽ-ᱫᱮᱵᱤ ᱠᱚᱣᱟᱜ ᱥᱮᱣᱟ ᱥᱟᱨᱦᱟᱣ ᱞᱟᱹᱜᱤᱫ ᱵᱮᱵᱷᱟᱨᱚᱜ ᱠᱟᱱ ᱢᱤᱫ ᱥᱮᱨᱮᱧ ᱠᱟᱱᱟ ᱾ ᱟᱦᱵᱟᱝ ᱫᱚ 'ᱢᱤᱵᱩ' (ᱱᱟᱭᱠᱮ/ᱯᱩᱨᱳᱦᱤᱛ) ᱦᱚᱛᱮᱛᱮ ᱫᱷᱚᱨᱚᱢ ᱠᱟᱹᱢᱤ ᱚᱠᱛᱚ ᱨᱮ ᱥᱮᱨᱮᱧᱚᱜᱼᱟ ᱾ ᱥᱟᱶᱛᱟ ᱟᱹᱨᱤ ᱟᱦᱵᱟᱝ ᱦᱚᱸ ᱢᱮᱱᱟᱜᱼᱟ ᱡᱟᱦᱟᱸ ᱫᱚ 'ᱯᱳᱵᱩᱣᱟ' ᱥᱮ 'ᱯᱳᱨᱟᱜᱽ' ᱯᱟᱨᱟᱵᱽ ᱚᱠᱛᱚ ᱨᱮ ᱵᱷᱟᱹᱜᱤ ᱪᱟᱥ, ᱦᱚᱲᱢᱚ ᱥᱟᱶᱟᱨ ᱟᱨ ᱨᱟᱹᱥᱠᱟᱹ ᱞᱟᱹᱜᱤᱫ ᱠᱚ ᱥᱮᱨᱮᱧᱟ ᱾
- ᱠᱟᱵᱟᱱ – ᱱᱚᱶᱟ ᱫᱚ ᱢᱤᱥᱤᱝ ᱞᱟᱠᱪᱟᱨ ᱥᱮᱨᱮᱧ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱮ ᱨᱩᱯ ᱠᱟᱱᱟ ᱾ ᱱᱚᱶᱟ ᱫᱚ ᱫᱩᱠᱷᱟᱹᱞᱤ ᱥᱮᱨᱮᱧ ᱠᱟᱱᱟ ᱾
- ᱛᱮᱵᱳ ᱛᱮᱠᱟᱝ – ᱱᱚᱶᱟ ᱫᱚ ᱢᱤᱫ ᱫᱩᱞᱟᱹᱲ ᱥᱮᱨᱮᱧ ᱠᱟᱱᱟ ᱾
- ᱥᱤᱣᱩᱝ ᱱᱤᱛᱚᱢ – ᱱᱚᱶᱟ ᱫᱚ ᱢᱤᱫ ᱢᱚᱱ-ᱵᱟᱹᱲᱤᱡ ᱥᱮ ᱩᱭᱦᱟᱹᱨ ᱟᱱᱟᱜ ᱥᱮᱨᱮᱧ ᱠᱟᱱᱟ ᱾
- ᱵᱤᱱᱤ – ᱱᱚᱶᱟ ᱠᱚᱫᱚ ᱜᱤᱫᱽᱨᱟᱹ ᱡᱟᱹᱯᱤᱫ ᱥᱮᱨᱮᱧ ᱠᱟᱱᱟ, ᱡᱟᱦᱟᱸ ᱫᱚ ᱚᱲᱟᱜ ᱨᱮ ᱥᱮ ᱠᱟᱹᱢᱤ ᱴᱷᱟᱶ ᱨᱮ ᱜᱤᱫᱽᱨᱟᱹ ᱠᱚ ᱦᱮᱵᱮ ᱟᱠᱟᱫ ᱠᱚ ᱚᱠᱛᱚ ᱨᱮ ᱠᱚ ᱥᱮᱨᱮᱧᱟ ᱾
- ᱢᱤᱫᱟᱝ ᱱᱤᱛᱚᱢ – ᱱᱚᱶᱟ ᱥᱮᱨᱮᱧ ᱫᱚ ᱵᱟᱹᱦᱩ ᱟᱹᱜᱩ ᱡᱚᱠᱷᱚᱡ ᱩᱱᱤ ᱞᱟᱸᱫᱟ-ᱴᱷᱟᱸᱫᱟ ᱥᱮ ᱨᱟᱹᱥᱠᱟᱹ ᱞᱟᱹᱜᱤᱫ ᱠᱚ ᱥᱮᱨᱮᱧᱟ ᱾
- ᱳᱭ ᱱᱤᱛᱚᱢ – ᱱᱚᱶᱟ ᱫᱚ ᱢᱤᱥᱤᱝ ᱠᱚᱣᱟᱜ ᱡᱚᱛᱚ ᱠᱷᱚᱱ ᱧᱩᱛᱩᱢᱟᱱ ᱥᱮᱨᱮᱧ ᱠᱟᱱᱟ, ᱡᱟᱦᱟᱸ ᱫᱚ ᱡᱩᱣᱟᱹᱱ ᱠᱚ ᱵᱟᱹᱫᱽ ᱵᱟᱹᱭᱦᱟᱹᱲ ᱥᱮ ᱵᱤᱨ ᱠᱚᱨᱮ ᱠᱟᱹᱢᱤ ᱡᱚᱠᱷᱚᱡ ᱠᱚ ᱥᱮᱨᱮᱧᱟ ᱾ ᱱᱚᱶᱟ ᱫᱚ ᱢᱤᱥᱤᱝ 'ᱥᱳᱢᱟᱱ' (ᱮᱱᱮᱡ) ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱠᱟᱱᱟ ᱾
ᱢᱤᱥᱤᱝ ᱠᱚᱣᱟᱜ ᱟᱭᱢᱟ ᱞᱮᱠᱟᱱ ᱮᱱᱮᱡ ᱢᱮᱱᱟᱜᱼᱟ, ᱟᱨ ᱡᱚᱛᱚ ᱨᱮᱱᱟᱜ ᱵᱷᱮᱜᱟᱨ ᱵᱷᱮᱜᱟᱨ ᱟᱹᱭᱱᱟᱹᱨᱤ ᱢᱮᱱᱟᱜᱼᱟ ᱾ ᱜᱩᱢᱨᱟᱜᱽ ᱫᱚ ᱜᱩᱞᱟᱹᱭ ᱛᱮ ᱢᱚᱬᱮ ᱫᱷᱟᱣ ᱠᱚ ᱮᱱᱮᱡᱼᱟ ᱾ ᱛᱟᱢᱟᱠ ᱟᱨ ᱠᱚᱨᱛᱟᱞ ᱫᱚ ᱱᱚᱶᱟ ᱮᱱᱮᱡ ᱨᱮᱱᱟᱜ ᱢᱩᱲᱩᱛ ᱵᱟᱡᱟᱱ ᱠᱟᱱᱟ ᱾[᱒᱑]
- ᱢᱤᱵᱩ ᱫᱟᱜᱽᱱᱟᱢ – ᱱᱚᱶᱟ ᱮᱱᱮᱡ ᱫᱚ ᱟᱥᱚᱠᱟᱭ ᱛᱮ 'ᱯᱳᱬᱨᱟᱜᱽ' ᱪᱟᱥ ᱯᱟᱨᱟᱵᱽ ᱚᱠᱛᱚ ᱨᱮ 'ᱢᱩᱨᱚᱝ' ᱥᱟᱶᱛᱟ ᱟᱹᱨᱤ ᱦᱚᱞ ᱨᱮ ᱠᱚ ᱩᱫᱩᱜᱼᱟ ᱾ ᱱᱟᱭᱠᱮ ᱫᱚ ᱱᱚᱶᱟ ᱫᱷᱚᱨᱚᱢ ᱮᱱᱮᱡ ᱚᱠᱛᱚ ᱨᱮ ᱟᱦᱵᱟᱝ ᱮ ᱥᱮᱨᱮᱧᱟ ᱾
- ᱥᱮᱞᱞᱳᱭ – ᱱᱚᱶᱟ ᱥᱮᱨᱮᱧ ᱟᱨ ᱮᱱᱮᱡ ᱫᱚ ᱨᱟᱹᱥᱠᱟᱹ ᱞᱟᱹᱜᱤᱫ ᱛᱟᱢᱟᱠ ᱟᱨ ᱠᱚᱨᱛᱟᱞ ᱥᱟᱶ ᱠᱚ ᱩᱫᱩᱜᱼᱟ ᱾ ᱱᱚᱶᱟ ᱫᱚ ᱢᱤᱥᱤᱝ ᱦᱚᱲ ᱠᱚ ᱵᱩᱨᱩ ᱠᱷᱚᱱ ᱟᱥᱟᱢ ᱨᱮᱱᱟᱜ ᱵᱮᱰᱟ ᱛᱮ ᱦᱮᱡ ᱮᱛᱚᱦᱚᱵ ᱨᱮᱱᱟᱜ ᱩᱭᱦᱟᱹᱨ ᱮ ᱮᱢᱟ ᱾
- ᱞᱮᱨᱮᱞᱤ – ᱱᱚᱶᱟ ᱫᱚ ᱡᱚᱛᱚ ᱞᱮᱠᱟᱱ ᱢᱤᱥᱤᱝ ᱦᱚᱲ ᱠᱚ ᱨᱟᱹᱥᱠᱟᱹ ᱢᱟᱱᱟᱣ ᱚᱠᱛᱚ ᱨᱮ, ᱟᱥᱚᱠᱟᱭ ᱛᱮ ᱢᱟᱨᱮ ᱜᱟᱛᱮ ᱠᱚ ᱥᱟᱶ ᱧᱟᱯᱟᱢ ᱚᱠᱛᱚ ᱨᱮ ᱠᱚ ᱮᱱᱮᱡ ᱥᱮᱨᱮᱧᱟ ᱾
- ᱮᱡᱩᱜᱽ ᱛᱟᱯᱩᱝ ᱥᱳᱢᱟᱱ – ᱱᱚᱶᱟ ᱫᱚ ᱢᱤᱫ ᱟᱹᱰᱤ ᱢᱟᱨᱮ ᱮᱱᱮᱡ ᱠᱟᱱᱟ ᱡᱟᱦᱟᱸ ᱫᱚ 'ᱮᱡᱩᱜᱽ ᱛᱟᱯᱩᱝ' (ᱢᱤᱫ ᱦᱚᱭ ᱵᱟᱡᱟᱱ, ᱡᱟᱦᱟᱸ ᱫᱚ ᱵᱤᱱ-ᱵᱟᱡᱟᱣᱤᱭᱟᱹ ᱠᱚᱣᱟᱜ ᱵᱮᱱ/ᱵᱤᱱ ᱞᱮᱠᱟ ᱧᱮᱞᱚᱜᱼᱟ) ᱥᱟᱶ ᱠᱚ ᱮᱱᱮᱡᱼᱟ ᱾
- ᱜᱩᱢᱨᱟᱜᱽ ᱥᱳᱢᱟᱱ – ᱱᱚᱶᱟ ᱮᱱᱮᱡ ᱫᱚ 'ᱟᱞᱤ-ᱟᱭᱮ-ᱞᱤᱜᱟᱝ' ᱯᱟᱨᱟᱵᱽ ᱚᱠᱛᱚ ᱨᱮ ᱠᱚ ᱩᱫᱩᱜᱼᱟ ᱾
- ᱞᱳᱴᱴᱟ ᱥᱳᱢᱟᱱ – ᱱᱚᱶᱟ ᱮᱱᱮᱡ ᱫᱚ ᱡᱟᱦᱟᱱ ᱨᱟᱹᱥᱠᱟᱹ ᱚᱠᱛᱚ ᱨᱮ ᱥᱮ ᱥᱟᱶᱛᱟ ᱟᱹᱨᱤ ᱢᱟᱱᱟᱣ ᱚᱠᱛᱚ ᱨᱮ ᱠᱚ ᱩᱫᱩᱜᱼᱟ ᱾
- ᱯᱟᱨᱟᱵᱽ ᱠᱚ
ᱢᱤᱥᱤᱝ ᱦᱚᱲ ᱠᱚᱫᱚ ᱟᱭᱢᱟ ᱞᱮᱠᱟᱱ ᱯᱟᱨᱟᱵᱽ ᱠᱚ ᱢᱟᱱᱟᱣᱟ, ᱢᱮᱱᱠᱷᱟᱱ ᱩᱱᱠᱩᱣᱟᱜ ᱵᱟᱨᱭᱟ ᱢᱩᱲᱩᱛ ᱟᱹᱨᱤᱪᱟᱹᱞᱤ ᱯᱟᱨᱟᱵᱽ ᱫᱚ ᱦᱩᱭᱩᱜ ᱠᱟᱱᱟ ᱟᱞᱤ ᱟᱭᱮ ᱞᱤᱜᱟᱝ ᱟᱨ ᱯᱳ:ᱨᱟᱜᱽ, ᱱᱚᱶᱟ ᱵᱟᱱᱟᱨ ᱯᱟᱨᱟᱵᱽ ᱜᱮ ᱩᱱᱠᱩᱣᱟᱜ ᱪᱟᱥ-ᱵᱟᱥ ᱠᱟᱹᱢᱤ ᱦᱚᱨᱟ ᱥᱟᱶ ᱡᱚᱲᱟᱣ ᱢᱮᱱᱟᱜᱼᱟ ᱾[᱒᱑]
ᱟᱞᱤ-ᱟᱭᱮ-ᱞᱤᱜᱟᱝ ᱫᱚ ᱪᱟᱥ ᱮᱛᱚᱦᱚᱵ ᱨᱮᱱᱟᱜ ᱢᱤᱫ ᱯᱟᱨᱟᱵᱽ ᱠᱟᱱᱟ, ᱡᱟᱦᱟᱸ ᱫᱚ ᱱᱟᱶᱟ ᱪᱟᱥ ᱠᱮᱞᱮᱱᱰᱟᱨ ᱨᱮᱱᱟᱜ ᱮᱛᱚᱦᱚᱵ ᱮ ᱩᱫᱩᱜᱟ ᱾[᱒᱑] 'ᱟᱞᱤ-ᱟᱭᱮ' ᱢᱮᱱᱮᱛ ᱫᱚ ᱦᱟᱹᱴᱤᱧ ᱟᱠᱟᱱ ᱡᱟᱝ ᱟᱨ 'ᱞᱤᱜᱟᱝ' ᱢᱮᱱᱮᱛ ᱫᱚ ᱡᱟᱝ ᱮᱨ ᱾ ᱟᱞᱤ-ᱟᱭᱮ-ᱞᱤᱜᱟᱝ ᱫᱚ ᱯᱷᱮᱵᱽᱨᱩᱣᱟᱨᱤ ᱪᱟᱸᱫᱚ ᱨᱮᱱᱟᱜ ᱯᱩᱭᱞᱩ ᱥᱟᱹᱜᱩᱱ ᱥᱟᱹᱜᱩᱱ ᱵᱩᱫᱷᱵᱟᱨ ᱦᱤᱞᱚᱜ ᱮᱛᱚᱦᱚᱵᱚᱜᱼᱟ ᱟᱨ ᱢᱚᱬᱮ ᱢᱟᱦᱟᱸ ᱫᱷᱟᱹᱵᱤᱡ ᱪᱟᱞᱟᱜᱼᱟ ᱾ ᱱᱚᱶᱟ ᱯᱟᱨᱟᱵᱽ ᱨᱮᱱᱟᱜ ᱮᱛᱚᱦᱚᱵ ᱫᱚ ᱜᱷᱟᱨᱚᱸᱡᱽ ᱨᱤᱱ ᱢᱩᱲᱩᱛ ᱦᱚᱲ ᱥᱮᱛᱟᱜ ᱵᱮᱲᱟ ᱟᱠᱚᱣᱟᱜ ᱵᱟᱹᱫᱽ ᱨᱮᱱᱟᱜ ᱢᱤᱫ ᱠᱚᱬ ᱨᱮ ᱦᱩᱲᱩ ᱡᱟᱝ ᱮᱨ ᱠᱟᱛᱮ ᱟᱨ ᱵᱷᱟᱹᱜᱤ ᱪᱟᱥ ᱞᱟᱹᱜᱤᱫ ᱱᱮᱦᱚᱨ ᱠᱟᱛᱮ ᱠᱚ ᱮᱛᱚᱦᱚᱵᱟ ᱾ ᱡᱩᱣᱟᱹᱱ ᱠᱚᱲᱟ ᱟᱨ ᱠᱩᱲᱤ ᱠᱚ ᱟᱹᱛᱩ ᱨᱮᱱᱟᱜ ᱡᱚᱛᱚ ᱚᱲᱟᱜ ᱨᱮᱱᱟᱜ ᱪᱷᱟᱴᱠᱟ ᱨᱮ ᱛᱟᱢᱟᱠ, ᱠᱚᱨᱛᱟᱞ ᱟᱨ ᱢᱤᱫᱴᱟᱹᱝ ᱜᱷᱟᱱᱴᱤ ᱨᱩ ᱥᱟᱶᱛᱮ ᱮᱱᱮᱡ ᱥᱮᱨᱮᱧ ᱠᱟᱛᱮ ᱱᱚᱶᱟ ᱨᱮ ᱠᱚ ᱥᱮᱞᱮᱫᱚᱜᱼᱟ ᱾ ᱟᱞᱤ-ᱟᱭᱮ-ᱞᱤᱜᱟᱝ ᱵᱮᱜᱚᱨ ᱮᱴᱟᱜ ᱡᱟᱦᱟᱱ ᱯᱟᱨᱟᱵᱽ ᱨᱮ ᱜᱷᱟᱱᱴᱤ ᱫᱚ ᱵᱟᱝ ᱵᱮᱵᱷᱟᱨᱚᱜᱼᱟ ᱾ ᱚᱱᱠᱟ ᱜᱮ, ᱱᱚᱶᱟ ᱯᱟᱨᱟᱵᱽ ᱞᱟᱹᱜᱤᱫ ᱛᱟᱢᱟᱠ ᱨᱩ ᱨᱮᱱᱟᱜ ᱦᱚᱸ ᱵᱷᱮᱜᱟᱨ ᱛᱷᱟᱯ ᱢᱮᱱᱟᱜᱼᱟ ᱾ ᱮᱱᱮᱡ ᱫᱚᱞ ᱫᱚ ᱡᱚᱛᱚ ᱚᱲᱟᱜ ᱠᱷᱚᱱ ᱦᱟᱺᱰᱤ ᱟᱨ ᱥᱤᱢ ᱠᱚ ᱦᱟᱛᱟᱣᱟ ᱾ ᱱᱚᱝᱠᱟ ᱮᱱᱮᱡ ᱥᱮᱨᱮᱧ ᱪᱟᱵᱟ ᱠᱟᱛᱮ, ᱛᱮᱥᱟᱨ ᱢᱟᱦᱟᱸ ᱦᱤᱞᱚᱜ ᱡᱩᱣᱟᱹᱱ ᱠᱚᱫᱚ ᱢᱤᱫ ᱢᱟᱨᱟᱝ ᱵᱷᱳᱡᱽ ᱠᱚ ᱡᱚᱢᱟ ᱾
ᱯᱳ:ᱨᱟᱜᱽ ᱫᱚ ᱦᱩᱭᱩᱜ ᱠᱟᱱᱟ ᱢᱤᱥᱤᱝ ᱠᱚᱣᱟᱜ ᱪᱟᱥ ᱛᱟᱭᱚᱢ ᱨᱮᱱᱟᱜ ᱯᱟᱨᱟᱵᱽ ᱾[᱒᱑] ᱱᱮᱛᱟᱨ ᱫᱚ ᱦᱩᱲᱩ ᱜᱮᱫ ᱛᱟᱭᱚᱢ ᱱᱚᱶᱟ ᱫᱚ ᱨᱟᱵᱟᱝ ᱨᱮᱱᱟᱜ ᱮᱛᱚᱦᱚᱵ ᱥᱮ ᱱᱤᱨᱚᱱ ᱨᱮᱱᱟᱜ ᱮᱛᱚᱦᱚᱵ ᱥᱮᱫ ᱠᱚ ᱢᱟᱱᱟᱣᱟ ᱾ ᱢᱮᱱᱠᱷᱟᱱ ᱢᱤᱫ ᱚᱠᱛᱚ ᱛᱟᱦᱮᱸ ᱠᱟᱱᱟ ᱡᱚᱠᱷᱚᱱ ᱩᱱᱠᱩ ᱛᱟᱞᱟ ᱨᱮ ᱡᱷᱟᱹᱞᱤ ᱫᱤᱱ ᱨᱮᱱᱟᱜ ᱪᱟᱥ ᱦᱚᱸ ᱟᱹᱰᱤ ᱜᱮ ᱦᱩᱭᱩᱜ ᱠᱟᱱ ᱛᱟᱦᱮᱸᱫ, ᱚᱱᱟᱛᱮ ᱯᱳ:ᱨᱟᱜᱽ ᱫᱚ ᱢᱟᱲᱟᱝ ᱫᱚ ᱟᱜᱚᱥᱴ ᱥᱮ ᱥᱮᱯᱴᱮᱢᱵᱚᱨ ᱪᱟᱸᱫᱚ ᱨᱮᱦᱚᱸ ᱠᱚ ᱢᱟᱱᱟᱣᱮᱫ ᱛᱟᱦᱮᱸᱫ ᱾
ᱰᱳᱵᱩᱨ ᱧᱩᱛᱩᱢᱟᱱ ᱟᱨ ᱢᱤᱫᱴᱟᱹᱝ ᱟᱹᱨᱤᱪᱟᱹᱞᱤ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱟᱹᱛᱩ ᱨᱤᱱ ᱦᱚᱲ ᱢᱤᱫ ᱥᱟᱶᱛᱮ ᱟᱹᱭᱫᱟᱹᱨ ᱥᱩᱠᱨᱤ ᱟᱨ ᱠᱤᱪᱷᱩ ᱥᱤᱢ ᱵᱚᱸᱜᱟ ᱠᱟᱛᱮ ᱠᱚ ᱢᱟᱱᱟᱣᱟ ᱾[᱒᱒] ᱰᱳᱵᱩᱨ ᱢᱟᱱᱟᱣ ᱨᱮᱱᱟᱜ ᱦᱚᱨᱟ ᱫᱚ ᱚᱱᱟ ᱨᱮᱱᱟᱜ ᱩᱫᱽᱫᱮᱥᱭᱚ ᱞᱮᱠᱟᱛᱮ ᱵᱷᱮᱜᱟᱨ ᱵᱷᱮᱜᱟᱨ ᱦᱩᱭ ᱫᱟᱲᱮᱭᱟᱜᱼᱟ ᱾ ᱟᱥᱚᱠᱟᱭ ᱛᱮ, ᱟᱹᱛᱩ ᱨᱤᱱ ᱡᱩᱣᱟᱹᱱ ᱠᱚᱲᱟ ᱠᱚ ᱢᱟᱨᱟᱝ ᱰᱷᱟᱝ ᱛᱮ ᱟᱹᱛᱩ ᱨᱮᱱᱟᱜ ᱡᱚᱛᱚ ᱚᱲᱟᱜ ᱨᱮᱱᱟᱜ ᱵᱷᱤᱛ ᱠᱚ ᱛᱷᱟᱯᱟᱭᱟ ᱡᱮᱢᱚᱱ "ᱩᱠᱩ ᱟᱠᱟᱱ ᱵᱷᱩᱛ ᱟᱨ ᱰᱟᱹᱱ-ᱡᱩᱜᱤᱱ" ᱠᱚ ᱞᱟᱜᱟ ᱧᱟᱢ ᱠᱚ ᱞᱟᱹᱜᱤᱫ, ᱟᱨ ᱚᱱᱟ ᱛᱟᱭᱚᱢ ᱚᱸᱰᱮ ᱵᱷᱳᱡᱽ ᱠᱚ ᱡᱚᱢᱟ ᱾
ᱵᱤᱦᱩ ᱮᱱᱮᱡ ᱨᱮᱱᱟᱜ ᱠᱤᱪᱷᱩ ᱜᱩᱱ, ᱡᱮᱞᱮᱠᱟ ᱠᱚᱲᱟ ᱟᱨ ᱠᱩᱲᱤ ᱢᱤᱫ ᱥᱟᱶᱛᱮ ᱮᱱᱮᱡ, ᱱᱚᱶᱟ ᱫᱚ ᱢᱤᱥᱤᱝ ᱠᱚ ᱴᱷᱮᱱ ᱠᱷᱚᱱ ᱜᱮ ᱦᱮᱡ ᱟᱠᱟᱱᱟ ᱢᱮᱱᱛᱮ ᱠᱚ ᱞᱟᱹᱭᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- 1 2 3 Sharma 2012, p. 1.
- 1 2 3 Chetia, Mausumi. (2013). "Disaster-Induced Displacement vis-à-vis Policy Framework: The Mising Community of Assam". Disaster and Development, 7(1-2), 46–66.
- ↑ "Census of India Website : Office of the Registrar General & Census Commissioner, India". www.censusindia.gov.in. Retrieved 2 November 2017.
- 1 2 3 4 Sharma 2012, p. 5.
- 1 2 Bhandari 1984, p. 82.
- 1 2 3 Bhandari 1984, p. 81.
- 1 2 3 Bhandari 1984, p. 79.
- 1 2 Sharma 2012, pp. 6-7.
- ↑ Bhandari 1984, p. 80.
- 1 2 Das, Ripunjoy (22 April 2009). "Dissidence muddies Cong hopes - Ranee Narah has her task cut out in Lakhimpur against Sarma & Pegu". The Telegraph (India). Retrieved 2 February 2026.
- ↑ Singh, Vinod (2 April 2014). "Old foes from North & South". The Telegraph (India). Retrieved 2 February 2026.
- ↑ "Assam Assembly Elections Survey Tracker Poll – 1". peoplespulse.in (in ᱟᱝᱜᱽᱨᱮᱡᱤ). 3 January 2026. Archived from the original on 3 February 2026. Retrieved 3 February 2026.
- ↑ Sharma 2012, p. 30.
- ↑ Pegu, Manoranjan (15 May 2021). "My lessons from Assam 2021? Tribals are not a uniform 'vote bank'". EastMojo. Retrieved 3 February 2026.
- ↑ Saikia, Arunabh (24 March 2021). "Assam's small ethnic groups dumped BJP over CAA. The party wooed them back – not just for elections". Scroll.in (in ᱟᱝᱜᱽᱨᱮᱡᱤ). Retrieved 2 February 2026.
- ↑ Staff Reporter (23 July 2025). "Assam govt extends Mising Council term by one year, delimitation cited as cause". Assam Tribune. Retrieved 2 February 2026.
- 1 2 3 4 Sharma 2012, p. 11.
- 1 2 Sharma 2012, p. 7.
- 1 2 3 4 5 Sharma 2012, pp. 7-8.
- ↑ Doley, P., Kar, B.K. (2022): "The Misings of Assam in the Midst of Tradition and Modernity: A Comparative Study of Selected Rural and Urban Areas". in: Singh, R.S., Dahiya, B., Singh, A.K., Poudel, P.C. (eds), Practising Cultural Geographies. Advances in 21st Century Human Settlements, p. 377. Springer.
- 1 2 3 4 Bhagwati, Mandira., (2022): "Indigenised Hindu: The Deori of Assam and their Midiku". in: Behera, Maguni Charan (ed.), The Routledge Handbook of Tribe and Religions in India Contemporary Readings on Spirituality, Belief and Identity, p. 377. Routledge India.
- ↑ Mipun, J., (1983): The Mishings (Miris of Assam), Development of a New Lifestyle, p. 81. Gian Publishing House.