ᱢᱤᱫᱞᱮᱠᱟᱱ ᱧᱩᱛᱩᱢ (ᱥᱟᱬᱮᱥ ᱞᱮᱠᱟᱛᱮ ᱧᱩᱛᱩᱢ)
Nerita bernhardi (ᱞᱮᱸᱜᱟ), ᱡᱟᱦᱟᱸ ᱫᱚ ᱑᱘᱕᱕ ᱨᱮ ᱞᱳᱵᱷᱮᱞ ᱟᱜᱚᱥᱴᱟᱥ ᱨᱤᱵᱷᱮ ᱞᱟᱹᱭ ᱞᱮᱫᱼᱟ, ᱛᱟᱭᱚᱢ ᱛᱮ ᱵᱟᱰᱟᱭᱮᱱᱟ ᱡᱮ ᱱᱚᱶᱟ ᱫᱚ Nerita funiculata (ᱡᱚᱡᱚᱢ) ᱨᱮᱱᱟᱜ ᱢᱤᱫ ᱢᱤᱫᱞᱮᱠᱟᱱ ᱧᱩᱛᱩᱢ (synonym) ᱠᱟᱱᱟ, ᱡᱟᱦᱟᱸ ᱫᱚ ᱢᱟᱬᱟᱝ ᱨᱮᱜᱮ ᱠᱟᱨᱞ ᱛᱷᱤᱭᱳᱰᱚᱨ ᱢᱮᱱᱠᱮ ᱦᱚᱛᱮᱛᱮ ᱞᱟᱹᱭ ᱥᱚᱫᱚᱨ ᱞᱮᱱᱟ ᱾
ᱥᱟᱬᱮᱥ ᱞᱮᱠᱟᱛᱮ ᱧᱩᱛᱩᱢ (Taxonomy) ᱨᱮ, ᱢᱤᱫᱴᱟᱹᱝ ᱢᱤᱫᱞᱮᱠᱟᱱ ᱧᱩᱛᱩᱢ (Synonym) ᱫᱚ ᱦᱩᱭᱩᱜ ᱠᱟᱱᱟ ᱵᱟᱨᱭᱟ ᱥᱮ ᱚᱱᱟ ᱠᱷᱚᱱ ᱰᱷᱮᱨ ᱥᱟᱬᱮᱥᱤᱭᱟᱹ ᱧᱩᱛᱩᱢ ᱡᱟᱦᱟᱸ ᱫᱚ ᱢᱤᱫᱴᱟᱹᱝ ᱜᱮ ᱛᱷᱚᱠᱛᱮ ᱦᱟᱹᱴᱤᱧ (Taxon) ᱞᱟᱹᱜᱤᱫ ᱵᱮᱵᱷᱟᱨᱚᱜᱼᱟ ᱾[᱑] ᱫᱟᱨᱮᱭᱟᱫ (Botanical) ᱟᱨ ᱡᱤᱣᱤᱭᱟᱫ (Zoological) ᱥᱟᱬᱮᱥ ᱨᱮ ᱱᱚᱶᱟ ᱢᱤᱫᱞᱮᱠᱟᱱ ᱧᱩᱛᱩᱢ ᱨᱮᱱᱟᱜ ᱢᱮᱱᱮᱛ ᱫᱚ ᱱᱟᱥᱮ ᱵᱷᱮᱜᱟᱨ ᱜᱮᱭᱟ ᱾
- ᱫᱟᱨᱮᱭᱟᱫ ᱥᱟᱬᱮᱥ ᱨᱮ, ᱢᱤᱫᱞᱮᱠᱟᱱ ᱧᱩᱛᱩᱢ ᱫᱚ ᱚᱱᱠᱟᱱ ᱥᱟᱬᱮᱥᱤᱭᱟᱹ ᱧᱩᱛᱩᱢ ᱠᱟᱱᱟ ᱡᱟᱦᱟᱸ ᱫᱚ ᱢᱤᱫ ᱚᱠᱛᱚ ᱢᱤᱫᱴᱟᱹᱝ ᱛᱷᱚᱠ ᱞᱟᱹᱜᱤᱫ ᱵᱮᱵᱷᱟᱨᱚᱜ ᱠᱟᱱ ᱛᱟᱦᱮᱱᱟ, ᱢᱮᱱᱠᱷᱟᱱ ᱱᱤᱛᱚᱜ ᱫᱚ ᱚᱱᱟ ᱨᱮᱱᱟᱜ ᱢᱤᱫᱴᱟᱹᱝ ᱵᱷᱮᱜᱟᱨ ᱥᱟᱬᱮᱥᱤᱭᱟᱹ ᱧᱩᱛᱩᱢ ᱢᱮᱱᱟᱜᱼᱟ ᱾ ᱡᱮᱞᱮᱠᱟ - ᱞᱤᱱᱤᱭᱚᱥ ᱫᱚ ᱯᱩᱭᱞᱩ ᱫᱷᱟᱣ ᱱᱚᱨᱣᱮ ᱥᱯᱨᱩᱥ (Norway spruce) ᱫᱟᱨᱮ ᱨᱮᱱᱟᱜ ᱥᱟᱬᱮᱥᱤᱭᱟᱹ ᱧᱩᱛᱩᱢ ᱯᱟᱭᱱᱳᱥ ᱟᱵᱤᱡᱮ (Pinus abies) ᱮᱢ ᱞᱮᱫᱟ, ᱢᱮᱱᱠᱷᱟᱱ ᱱᱤᱛᱚᱜ ᱫᱚ ᱱᱚᱣᱟ ᱧᱩᱛᱩᱢ ᱵᱟᱝ ᱵᱮᱵᱷᱟᱨ ᱠᱟᱛᱮ ᱱᱚᱣᱟ ᱫᱚ ᱯᱟᱭᱥᱮᱭᱟ ᱟᱵᱤᱡᱽ (Picea abies) ᱨᱮᱱᱟᱜ ᱢᱤᱫᱞᱮᱠᱟᱱ ᱧᱩᱛᱩᱢ ᱞᱮᱠᱟᱛᱮ ᱞᱮᱠᱷᱟᱜ ᱠᱟᱱᱟ ᱾
- ᱡᱤᱣᱤᱭᱟᱫ ᱥᱟᱬᱮᱥ ᱨᱮ, ᱡᱩᱫᱤ ᱢᱤᱫᱴᱟᱹᱝ ᱡᱤᱣᱤ ᱢᱤᱫ ᱡᱮᱱᱟᱥ (genus) ᱠᱷᱚᱱ ᱮᱴᱟᱜ ᱡᱮᱱᱟᱥ (genus) ᱛᱮ ᱠᱚ ᱤᱫᱤᱭᱮᱭᱟ, ᱛᱚᱵᱮ ᱚᱱᱟ ᱫᱚ ᱢᱤᱫᱞᱮᱠᱟᱱ ᱧᱩᱛᱩᱢ ᱫᱚ ᱵᱟᱝ ᱠᱚ ᱢᱮᱛᱟᱜᱼᱟ, ᱢᱮᱱᱠᱷᱟᱱ ᱱᱚᱣᱟ ᱫᱚ ᱢᱤᱫ ᱵᱷᱮᱜᱟᱨ ᱥᱮᱞᱮᱫ (alternative combination) ᱠᱚ ᱢᱮᱛᱟᱜᱼᱟ ᱾
ᱮᱴᱟᱜ ᱴᱷᱟᱶ ᱨᱮ ᱢᱤᱫᱞᱮᱠᱟᱱ ᱟᱹᱲᱟᱹ (synonym) ᱵᱮᱵᱷᱟᱨ ᱞᱮᱠᱟ ᱫᱚ ᱵᱟᱝ, ᱥᱟᱬᱮᱥ ᱞᱮᱠᱟᱛᱮ ᱧᱩᱛᱩᱢ ᱨᱮ ᱢᱤᱫᱞᱮᱠᱟᱱ ᱧᱩᱛᱩᱢ ᱫᱚ ᱡᱚᱛᱚ ᱚᱠᱛᱚ ᱵᱚᱫᱚᱞ ᱠᱟᱛᱮ ᱵᱟᱝ ᱵᱮᱵᱷᱟᱨ ᱜᱟᱱᱚᱜᱼᱟ ᱾ ᱥᱟᱬᱮᱥ ᱨᱮ ᱢᱤᱫ ᱚᱠᱛᱚ ᱨᱮ ᱢᱤᱫᱴᱟᱹᱝ ᱜᱮ "ᱥᱟᱹᱨᱤ ᱧᱩᱛᱩᱢ" (correct name) ᱛᱟᱦᱮᱸ ᱫᱟᱲᱮᱭᱟᱜᱼᱟ ᱾ ᱡᱩᱫᱤ ᱢᱤᱫᱴᱟᱹᱝ ᱡᱤᱣᱤ ᱵᱟᱵᱚᱛ ᱵᱟᱨ ᱫᱷᱟᱣ ᱵᱷᱮᱜᱟᱨ ᱵᱷᱮᱜᱟᱨ ᱧᱩᱛᱩᱢ ᱛᱮ ᱚᱞ ᱥᱚᱫᱚᱨ ᱟᱠᱟᱱᱟ, ᱛᱚᱵᱮ ᱚᱱᱟ ᱠᱷᱚᱱ ᱢᱤᱫᱞᱮᱠᱟᱱ ᱧᱩᱛᱩᱢ ᱠᱚ ᱵᱮᱱᱟᱣᱜᱼᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Turland, Nicolas J. (2019). The code decoded: a user's guide to the International code of nomenclature for algae, fungi, and plants (Second ed.). Sofia, Bulgaria: Pensoft. ISBN 978-954-642-963-6.