Jump to content

ᱢᱤᱱᱟᱞ ᱨᱳᱦᱤᱛ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱢᱤᱱᱟᱞ ᱨᱳᱦᱤᱛ
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ  ᱟᱨ  ᱡᱟᱱᱟᱢ ᱴᱷᱟᱶᱢᱤᱱᱟᱞ ᱨᱳᱦᱤᱛ
ᱜᱩᱡᱽᱨᱟᱴ, ᱥᱤᱧᱚᱛ
ᱧᱩᱢᱱᱟᱢᱤᱱᱴᱤᱜᱽᱨᱮᱴᱮᱰ ᱢᱤᱛᱷᱮᱱ ᱥᱮᱱᱥᱚᱨ 
  ᱥᱤᱥᱴᱮᱢ ᱤᱧᱡᱤᱱᱤᱭᱟᱹ
MOM ᱞᱟᱹᱜᱤᱫ ᱯᱨᱚᱡᱮᱠᱴ ᱤᱧᱡᱤᱱᱤᱭᱟᱹ ᱢᱮᱱᱮᱡᱚᱨ
ᱥᱤᱨᱯᱷᱟᱹ
  • ISRO ᱠᱷᱚᱱ ᱴᱤᱢ ᱮᱠᱥᱮᱞᱮᱱᱥ ᱟᱣᱟᱨᱰ

ᱢᱤᱱᱟᱞ ᱨᱳᱦᱤᱛ ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱥᱟᱬᱮᱥᱤᱭᱟᱹ ᱟᱨ ᱥᱤᱥᱴᱮᱢ ᱤᱧᱡᱤᱱᱤᱭᱟᱹ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱥᱤᱧᱚᱛᱤᱭᱟᱹ ᱟᱠᱟᱥ ᱠᱷᱚᱸᱫᱽᱨᱚᱸᱫᱽ ᱥᱚᱸᱥᱛᱷᱟ (ISRO) ᱨᱮ ᱠᱟᱹᱢᱤ ᱠᱟᱱᱟᱭ ᱾ ᱩᱱᱤ ᱫᱚ ᱢᱟᱝᱜᱟᱞᱤᱭᱟᱱ ᱥᱯᱮᱥ ᱯᱨᱳᱵᱽ ᱢᱟᱨᱥ (ᱮᱸᱜᱮᱞ) ᱛᱮ ᱵᱷᱮᱡᱟ ᱨᱮ ᱜᱚᱲᱚᱭ ᱮᱢ ᱞᱮᱫ ᱛᱟᱦᱮᱸᱫ ᱾[᱑] ᱱᱤᱨᱢᱟ ᱤᱱᱥᱴᱤᱴᱭᱩᱴ ᱚᱯᱷ ᱴᱮᱠᱱᱚᱞᱚᱡᱤ ᱠᱷᱚᱱ ᱜᱨᱮᱡᱩᱭᱮᱥᱚᱱ ᱠᱟᱛᱮ, ᱨᱳᱦᱤᱛ ᱫᱚ ISRO ᱨᱮ ᱥᱮᱞᱮᱫ ᱞᱮᱱᱟᱭ ᱾[᱒] ᱩᱱᱤ ᱫᱚ MOM ᱨᱮᱱᱟᱜ ᱴᱤᱢ ᱨᱮ ᱢᱮᱠᱟᱱᱤᱠᱟᱞ ᱤᱧᱡᱤᱱᱤᱭᱟᱹ ᱠᱚ ᱥᱟᱶ ᱠᱟᱹᱢᱤ ᱞᱮᱫᱟᱭ ᱾[᱓] ᱩᱱᱤ ᱫᱚ ᱥᱯᱮᱥᱠᱨᱟᱯᱷᱴ ᱨᱮ ᱥᱮᱞᱮᱫ ᱟᱠᱟᱱ ᱥᱤᱥᱴᱮᱢ ᱟᱨ ᱢᱤᱛᱷᱮᱱ ᱥᱮᱱᱥᱚᱨ ᱠᱚᱭ ᱧᱮᱞ ᱥᱟᱢᱴᱟᱣ ᱞᱮᱫᱼᱟ ᱾ ᱩᱱᱤ ᱫᱚ MOM ᱞᱚᱧᱪ ᱟᱠᱟᱫ ᱴᱤᱢ ᱨᱮ ᱥᱤᱥᱴᱮᱢ ᱤᱱᱴᱤᱜᱨᱮᱥᱚᱱ ᱤᱧᱡᱤᱱᱤᱭᱟᱹ ᱞᱮᱠᱟᱛᱮ ᱥᱮᱞᱮᱫ ᱞᱮᱱᱟᱭ ᱾[᱓]

ᱯᱩᱭᱞᱩ ᱡᱤᱭᱚᱱ ᱟᱨ ᱥᱮᱪᱮᱫ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱤᱱᱟᱞ ᱥᱚᱢᱯᱚᱛ[᱔] ᱫᱚ ᱥᱤᱧᱚᱛ ᱨᱮᱱᱟᱜ ᱨᱟᱡᱽᱠᱳᱴ ᱨᱮ ᱡᱟᱱᱟᱢ ᱞᱮᱱᱟᱭ ᱾[᱕] ᱜᱤᱫᱽᱨᱟᱹ ᱚᱠᱛᱚ ᱨᱮ, ᱢᱤᱱᱟᱞ ᱫᱚ ᱰᱟᱠᱴᱚᱨ ᱵᱮᱱᱟᱣ ᱨᱮᱱᱟᱜ ᱠᱩᱠᱢᱩ ᱧᱮᱞ ᱞᱮᱫ ᱛᱟᱦᱮᱸᱫ, ᱢᱮᱱᱠᱷᱟᱱ ᱘ ᱪᱟᱱᱟᱪ ᱨᱮ ᱴᱤᱵᱷᱤ ᱨᱮ ᱢᱤᱫᱴᱟᱹᱝ ᱥᱯᱮᱥ ᱥᱳ (space show) ᱧᱮᱞ ᱠᱟᱛᱮ ᱟᱡᱟᱜ ᱢᱚᱱᱮ ᱵᱚᱫᱚᱞ ᱞᱮᱱᱟ ᱾[᱖] ᱟᱡᱟᱜ ᱥᱮᱪᱮᱫ ᱚᱠᱛᱚ ᱨᱮ, ᱩᱱᱤ ᱫᱚ ᱱᱚᱣᱟᱭ ᱧᱮᱞ ᱞᱮᱫᱼᱟ ᱡᱮ ᱟᱡ ᱥᱟᱶ ᱯᱟᱲᱦᱟᱣ ᱠᱟᱱ ᱠᱩᱲᱤ ᱜᱤᱫᱽᱨᱟᱹ ᱠᱚ ᱫᱚ ᱜᱮᱭᱟᱱ ᱧᱟᱢ ᱵᱚᱫᱚᱞ ᱛᱮ ᱰᱷᱮᱨ ᱛᱩᱞᱟᱹ (salary) ᱧᱟᱢ ᱞᱟᱹᱜᱤᱫ ᱥᱟᱬᱮᱥ ᱠᱮᱨᱤᱭᱟᱨ ᱠᱚ ᱵᱟᱪᱷᱟᱣ ᱮᱫ ᱛᱟᱦᱮᱸᱫ ᱾ যদিও ᱩᱱᱤ ᱫᱚ ᱠᱚᱞᱮᱡᱽ ᱦᱟᱹᱵᱤᱡ ᱯᱩᱨᱟᱹ ᱥᱮᱪᱮᱫ ᱮ ᱧᱟᱢ ᱞᱮᱫᱼᱟ, ᱢᱮᱱᱠᱷᱟᱱ ᱟᱡ ᱥᱟᱶ ᱨᱤᱱ ᱟᱭᱢᱟ ᱠᱩᱲᱤ ᱜᱤᱫᱽᱨᱟᱹ ᱫᱚ ᱠᱮᱪᱮᱫ ᱥᱮᱪᱮᱫ ᱜᱮ ᱠᱚ ᱧᱟᱢ ᱞᱮᱫᱼᱟ ᱾[᱓] ᱩᱱᱤ ᱫᱚ ᱑᱙᱙᱙ ᱨᱮ ᱜᱩᱡᱽᱨᱟᱴ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱜᱨᱮᱡᱩᱭᱮᱥᱚᱱ ᱟᱠᱟᱫᱟᱭ ᱾[᱗] ᱱᱚᱣᱟ ᱥᱟᱶᱛᱮ Space Applications Centre ᱠᱷᱚᱱ ᱠᱚᱢᱩᱱᱤᱠᱮᱥᱚᱱ ᱨᱮ B.Tech ᱟᱠᱟᱫᱟᱭ ᱟᱨ ᱱᱤᱨᱢᱟ ᱤᱱᱥᱴᱤᱴᱭᱩᱴ ᱚᱯᱷ ᱴᱮᱠᱱᱚᱞᱚᱡᱤ ᱮᱱᱰ ᱥᱟᱬᱮᱥ, ᱚᱦᱢᱚᱫᱟᱵᱟᱫᱽ ᱠᱷᱚᱱ ᱤᱞᱮᱠᱴᱨᱚᱱᱤᱠᱥ ᱮᱱᱰ ᱠᱚᱢᱩᱱᱤᱠᱮᱥᱚᱱ ᱤᱧᱡᱤᱱᱤᱭᱟᱹᱨᱤᱝ ᱨᱮ ᱜᱳᱞᱰ ᱢᱮᱰᱟᱞᱤᱥᱴ ᱮ ᱛᱟᱦᱮᱸ ᱠᱟᱱᱟ ᱾

ᱠᱮᱨᱤᱭᱟᱨ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱤᱱᱟᱞ ᱫᱚ ᱟᱡᱟᱜ ᱠᱮᱨᱤᱭᱟᱨ Indian Space Research Organisation (ISRO) ᱨᱮ ᱢᱤᱫ ᱥᱮᱴᱮᱞᱟᱭᱤᱴ ᱠᱚᱢᱩᱱᱤᱠᱮᱥᱚᱱ ᱤᱧᱡᱤᱱᱤᱭᱟᱹ ᱞᱮᱠᱟᱛᱮ ᱮᱛᱚᱦᱚᱵ ᱞᱮᱫᱟᱭ ᱟᱨ ᱛᱟᱭᱚᱢ ᱛᱮ ᱥᱯᱮᱥ ᱮᱯᱞᱤᱠᱮᱥᱚᱱ ᱥᱮᱱᱴᱟᱨ (Space Application Center) ᱞᱟᱹᱜᱤᱫ ᱠᱟᱹᱢᱤ ᱞᱮᱫᱟᱭ ᱾ ᱩᱱᱤ ᱫᱚ ᱕᱐᱐ ᱜᱚᱴᱟᱝ ᱥᱟᱬᱮᱥᱤᱭᱟᱹ ᱟᱨ ᱤᱧᱡᱤᱱᱤᱭᱟᱹ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱮ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭ ᱫᱚ Mars Orbiter Mission ᱨᱮ ᱠᱟᱹᱢᱤ ᱞᱮᱫᱟᱭ ᱾[᱘] ᱢᱤᱥᱚᱱ ᱞᱟᱹᱜᱤᱫ ᱥᱤᱥᱴᱮᱢ ᱤᱧᱡᱤᱱᱤᱭᱟᱹ ᱞᱮᱠᱟᱛᱮ, ᱩᱱᱤ ᱫᱚ ᱚᱨᱵᱤᱴᱟᱨ ᱨᱮ ᱛᱟᱦᱮᱸ ᱠᱟᱱ ᱥᱮᱱᱥᱚᱨ ᱠᱚ ᱡᱩᱲᱟᱹᱭ ᱟᱨ ᱵᱤᱰᱟᱹᱣ ᱨᱮ ᱜᱚᱲᱚᱭ ᱮᱢ ᱞᱮᱫᱼᱟ ᱾[᱔] ᱩᱱᱤ ᱫᱚ ᱵᱟᱨ ᱥᱮᱨᱢᱟ ᱦᱟᱹᱵᱤᱡ ᱢᱤᱫ ᱫᱤᱱ ᱦᱚᱸ ᱠᱟᱹᱢᱤ ᱠᱷᱚᱱ ᱵᱟᱭ ᱡᱤᱨᱟᱹᱣ ᱞᱮᱱᱟ ᱾[᱖] ᱢᱤᱱᱟᱞ ᱫᱚ ᱪᱚᱱᱫᱽᱨᱚᱭᱟᱱ-᱒ ᱞᱮᱠᱟᱱ ᱟᱜᱟᱢ ᱯᱨᱚᱡᱮᱠᱴ ᱠᱚ ᱞᱟᱹᱜᱤᱫ ᱢᱤᱫ ᱢᱩᱬᱩᱛ ᱤᱧᱡᱤᱱᱤᱭᱟᱹ ᱟᱨ ᱯᱨᱚᱡᱮᱠᱴ ᱢᱮᱱᱮᱡᱚᱨ ᱮ ᱛᱟᱦᱮᱸ ᱠᱟᱱᱟ ᱾[᱙] ᱢᱤᱱᱟᱞ ᱨᱳᱦᱤᱛ ᱫᱚ ᱱᱤᱛᱚᱜ ISRO ᱨᱮ ᱰᱮᱯᱩᱴᱤ ᱯᱨᱚᱡᱮᱠᱴ ᱰᱟᱭᱨᱮᱠᱴᱚᱨ ᱞᱮᱠᱟᱛᱮ ᱢᱮᱱᱟᱭᱟ ᱾ ᱩᱱᱤᱭᱟᱜ ᱞᱟᱠᱷᱭᱚ ᱫᱚ ᱦᱩᱭᱩᱜ ᱠᱟᱱᱟ ᱢᱤᱫᱴᱟᱹᱝ ᱡᱟᱹᱛᱤᱭᱟᱹᱨᱤ ᱟᱠᱟᱥ ᱮᱡᱮᱱᱥᱤ ᱨᱮᱱ ᱯᱩᱭᱞᱩ ᱛᱤᱨᱞᱟᱹ ᱰᱟᱭᱨᱮᱠᱴᱚᱨ ᱵᱮᱱᱟᱣ ᱾[᱑᱐]

ᱠᱷᱚᱸᱫᱽᱨᱚᱸᱫᱽ ᱮᱱᱮᱢ ᱠᱚ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱨᱳᱦᱤᱛ ᱫᱚ ISRO ᱦᱚᱛᱮᱛᱮ ᱪᱟᱞᱟᱣ ᱠᱟᱱ ᱢᱟᱝᱜᱟᱞᱤᱭᱟᱱ ᱢᱤᱥᱚᱱ ᱨᱮ ᱠᱟᱹᱢᱤ ᱠᱟᱱ ᱕᱐᱐ ᱜᱚᱴᱟᱝ ᱥᱟᱬᱮᱥᱤᱭᱟᱹ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱮ ᱛᱟᱦᱮᱸ ᱠᱟᱱᱟ, ᱟᱨ ᱯᱨᱚᱡᱮᱠᱴ ᱞᱟᱹᱜᱤᱫ ᱵᱟᱪᱷᱟᱣ ᱟᱠᱟᱱ ᱑᱐ ᱜᱚᱴᱟᱝ ᱛᱤᱨᱞᱟᱹ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱾[᱑᱑] ᱩᱱᱤ ᱫᱚ ᱯᱨᱚᱡᱮᱠᱴ ᱢᱮᱱᱮᱡᱚᱨ ᱥᱟᱶᱛᱮ ᱥᱤᱥᱴᱮᱢ ᱤᱧᱡᱤᱱᱤᱭᱟᱹ ᱞᱮᱠᱟᱛᱮ ᱠᱟᱹᱢᱤ ᱞᱮᱫᱟᱭ ᱟᱨ ᱚᱨᱵᱤᱴᱟᱨ ᱨᱮ ᱢᱤᱛᱷᱮᱱ ᱥᱮᱱᱥᱚᱨ (MSM), ᱞᱟᱭᱢᱮᱱ-ᱟᱞᱯᱷᱟ ᱯᱷᱳᱴᱳᱢᱤᱴᱚᱨ (LAP), ᱛᱷᱟᱨᱢᱟᱞ ᱤᱱᱯᱷᱨᱟᱨᱮᱰ ᱤᱢᱮᱡᱤᱝ ᱥᱯᱮᱠᱴᱨᱳᱢᱤᱴᱚᱨ (TIS), ᱟᱨ ᱢᱟᱨᱥ ᱠᱚᱞᱚᱨ ᱠᱮᱢᱮᱨᱟ (MCC) ᱨᱮᱱᱟᱜ ᱠᱚᱢᱯᱳᱱᱮᱱᱴ ᱠᱚ ᱥᱮᱞᱮᱫ ᱨᱮ ᱡᱚᱲᱟᱣ ᱮ ᱛᱟᱦᱮᱸ ᱠᱟᱱᱟ ᱾[᱓] ᱩᱱᱤ ᱫᱚ ISRO ᱨᱮ ᱢᱤᱫ ᱥᱤᱱᱤᱭᱚᱨ ᱤᱧᱡᱤᱱᱤᱭᱟᱹ ᱠᱟᱱᱟᱭ ᱾ ᱩᱱᱤ ᱫᱚ ᱱᱤᱛᱚᱜ ᱪᱚᱱᱫᱽᱨᱚᱭᱟᱱ-᱒ ᱥᱟᱶ ᱡᱚᱲᱟᱣ ᱢᱮᱱᱟᱭᱟ, ᱡᱟᱦᱟᱸ ᱫᱚ ᱥᱤᱧᱚᱛ ᱨᱮᱱᱟᱜ ᱯᱩᱭᱞᱩ ᱥᱚᱯᱷᱚᱞ ᱪᱚᱸᱫᱽᱨᱚ ᱢᱤᱥᱚᱱ ᱪᱚᱱᱫᱽᱨᱚᱭᱟᱱ-᱑ ᱨᱮᱱᱟᱜ ᱛᱟᱭᱚᱢ ᱫᱟᱨᱟᱢ ᱢᱤᱥᱚᱱ ᱠᱟᱱᱟ ᱾ ᱱᱚᱣᱟ ᱯᱨᱚᱡᱮᱠᱴ ᱨᱮ ᱩᱱᱤᱭᱟᱜ ᱢᱩᱬᱩᱛ ᱠᱟᱹᱢᱤ ᱫᱚ ᱦᱩᱭᱩᱜ ᱠᱟᱱᱟ Insat-3DS ᱥᱮᱴᱮᱞᱟᱭᱤᱴ ᱨᱮᱱᱟᱜ ᱩᱛᱱᱟᱹᱣ ᱡᱟᱦᱟᱸ ᱛᱮ ᱦᱚᱭ-ᱦᱤᱥᱤᱫ ᱨᱮᱱᱟᱜ ᱰᱮᱴᱟ ᱟᱨ ᱜᱩᱱ ᱵᱷᱟᱹᱜᱤ ᱧᱟᱢᱚᱜᱼᱟ ᱾

ᱞᱮᱜᱟᱥᱤ (Legacy)

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱕᱐᱐ ᱥᱟᱬᱮᱥᱤᱭᱟᱹ ᱠᱚ ᱢᱩᱫᱽ ᱨᱮ ᱢᱤᱱᱟᱞ ᱨᱳᱦᱤᱛ ᱫᱚ ᱚᱱᱟ ᱜᱮᱞ ᱜᱚᱴᱟᱝ ᱛᱤᱨᱞᱟᱹ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱮ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭ ᱫᱚ ᱥᱤᱧᱚᱛ ᱫᱚ ᱢᱟᱨᱥ (Mars) ᱦᱟᱹᱵᱤᱡ ᱠᱚ ᱥᱮᱴᱮᱨ ᱞᱮᱫᱼᱟ ᱾ ᱩᱱᱤ ᱫᱚ ᱥᱤᱧᱚᱛ ᱫᱚ ᱡᱮᱜᱮᱛ ᱨᱮᱱᱟᱜ ᱯᱩᱭᱞᱩ ᱫᱤᱥᱚᱢ ᱵᱮᱱᱟᱣ ᱨᱮ ᱜᱚᱲᱚ ᱮᱢ ᱞᱮᱫᱼᱟ ᱡᱟᱦᱟᱸ ᱫᱚ ᱯᱩᱭᱞᱩ ᱨᱤᱠᱟᱹ ᱛᱮᱜᱮ ᱢᱟᱨᱥ ᱨᱮ ᱥᱮᱴᱮᱞᱟᱭᱤᱴ ᱮ ᱚᱨᱵᱤᱴ (orbit) ᱞᱮᱫᱼᱟ ᱾[᱕] ᱢᱤᱱᱟᱞ ᱨᱳᱦᱤᱛ ᱫᱚ ᱢᱤᱫ ᱠᱷᱟᱴᱚ ᱯᱷᱤᱞᱢ Snapshots from Afar ᱨᱮ ᱠᱚ ᱩᱫᱩᱜ ᱞᱮᱫᱮᱭᱟ, ᱡᱟᱦᱟᱸ ᱨᱮ ᱩᱱᱤ ᱫᱚ ᱢᱟᱨᱥ ᱞᱟᱹᱜᱤᱫ ᱢᱟᱝᱜᱟᱞᱤᱭᱟᱱ ᱥᱯᱮᱥ ᱯᱨᱳᱵᱽ ᱨᱮ ᱟᱡᱟᱜ ᱮᱱᱮᱢ ᱵᱟᱵᱚᱛ ᱛᱮ ᱨᱚᱲ ᱞᱮᱫᱟᱭ ᱾[᱑᱒]

ᱥᱤᱨᱯᱷᱟᱹ ᱟᱨ ᱟᱪᱤᱵᱷᱢᱮᱱᱴ ᱠᱚ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱤᱱᱟᱞ ᱨᱳᱦᱤᱛ ᱫᱚ ᱒᱐᱐᱗ ᱨᱮ ISRO ᱠᱷᱚᱱ Young Scientist Merit Award ᱮ ᱧᱟᱢ ᱞᱮᱫᱼᱟ ᱟᱡᱟᱜ ᱴᱮᱞᱤᱢᱮᱰᱤᱥᱤᱱ (Telemedicine) ᱯᱨᱳᱜᱽᱨᱟᱢ ᱨᱮ ᱮᱱᱮᱢ ᱞᱟᱹᱜᱤᱫ, ᱟᱨ ᱒᱐᱑᱓ ᱨᱮ INSAT 3D ᱢᱮᱴᱮᱨᱚᱞᱚᱡᱤᱠᱟᱞ ᱯᱮᱞᱳᱰ ᱨᱮ ᱠᱟᱹᱢᱤ ᱞᱟᱹᱜᱤᱫ ISRO Team Excellence Award ᱮ ᱧᱟᱢ ᱞᱮᱫᱼᱟ ᱾ MOM ᱯᱨᱚᱡᱮᱠᱴ ᱵᱟᱵᱚᱛ ᱛᱮ, ᱢᱤᱱᱟᱞ ᱟᱨ ᱟᱡ ᱨᱤᱱ ᱥᱟᱶᱛᱮ ᱠᱟᱹᱢᱤᱭᱟᱹ ᱠᱚ ᱫᱚ ᱯᱩᱭᱞᱩ ᱢᱚᱱᱛᱨᱤ ᱢᱚᱱᱢᱳᱦᱚᱱ ᱥᱤᱝ ᱦᱚᱛᱮᱛᱮ ᱥᱟᱨᱦᱟᱣ ᱠᱚ ᱧᱟᱢ ᱞᱮᱫᱼᱟ ᱾ ᱩᱱᱤ ᱫᱚ ᱜᱩᱡᱽᱨᱟᱴ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱤᱞᱮᱠᱴᱨᱚᱱᱤᱠ ᱟᱨ ᱠᱚᱢᱩᱱᱤᱠᱮᱥᱚᱱ ᱤᱧᱡᱤᱱᱤᱭᱟᱹᱨᱤᱝ ᱨᱮ ᱜᱳᱞᱰ ᱢᱮᱰᱟᱞ ᱮ ᱧᱟᱢ ᱞᱮᱫᱼᱟ ᱾[᱗] ᱩᱱᱤ ᱫᱚ ᱴᱮᱞᱤᱢᱮᱰᱤᱥᱤᱱ ᱯᱨᱳᱜᱽᱨᱟᱢ ᱨᱮ ᱮᱱᱮᱢ ᱞᱟᱹᱜᱤᱫ ISRO Young Scientist Merit Award 2013 ᱮ ᱧᱟᱢ ᱞᱮᱫᱼᱟ ᱾[᱑᱓] ᱢᱤᱱᱟᱞ ᱫᱚ CNN-ᱟᱜ ᱒᱐᱑᱔ ᱨᱮᱱᱟᱜ 'ᱣᱩᱢᱮᱱ ᱚᱯᱷ ᱫᱟ ᱤᱭᱟᱨ' (Women of the Year) ᱞᱮᱠᱟᱛᱮ ᱧᱩᱛᱩᱢ ᱞᱮᱱᱟᱭ ᱾[᱑᱔]

ᱱᱤᱡᱮᱨᱟᱜ ᱡᱤᱭᱚᱱ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱤᱱᱟᱞ ᱨᱤᱱ ᱢᱤᱫᱴᱟᱹᱝ ᱠᱚᱲᱟ ᱜᱤᱫᱽᱨᱟᱹ ᱢᱮᱱᱟᱭᱟ ᱾[᱑᱕]

ᱥᱟᱹᱠᱷᱭᱟᱹᱛ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
  1. ↑ "Indian woman's space mission". BBC News (in ᱵᱨᱤᱴᱤᱥ ᱟᱝᱜᱽᱨᱮᱡᱤ). 2014-02-07. Retrieved 2018-03-08.
  2. ↑ Joshi, Manoj; Srikanth, B R (26 February 2017). "India's Rocket Women". Deccan Chronicle (in ᱟᱝᱜᱽᱨᱮᱡᱤ). Retrieved 10 October 2017.
  3. 1 2 3 4 "Scientists: Minal Rohit and Dr Tara Shears, The Conversation - BBC World Service". BBC. Retrieved 10 October 2017.
  4. 1 2 "These Scientists Sent a Rocket to Mars for Less Than It Cost to Make "The Martian" Backchannel". WIRED (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 2018-09-17.
  5. 1 2 Agarwal, Ipsita (17 March 2017). "These Scientists Sent a Rocket to Mars for less than it Cost to make "The Martian"". Wired. Retrieved 10 October 2017.
  6. 1 2 "Tech Women: Minal Sampath worked on India's Mars Mission". www.shethepeople.tv (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 2018-04-28.
  7. 1 2 "Minal Rohit". RSDiitm. RSD 2017. Retrieved 10 October 2017.[permanent dead link]
  8. ↑ "Indian woman's space mission". BBC News (in ᱵᱨᱤᱴᱤᱥ ᱟᱝᱜᱽᱨᱮᱡᱤ). 2014-02-07. Retrieved 2018-09-17.
  9. ↑ "Woman Power: Moms of Mars Mission". corporatecitizen.in. Retrieved 2018-03-08.[permanent dead link]
  10. ↑ "8 Hardworking ISRO Women Scientists Who Are Breaking The Space Ceilings With Their Work". Storypick (in ᱵᱨᱤᱴᱤᱥ ᱟᱝᱜᱽᱨᱮᱡᱤ). 2017-02-16. Retrieved 2018-04-28.
  11. ↑ "Indian Woman's Space Mission". BBC News. 7 February 2014. Retrieved 10 October 2017.
  12. ↑ "Watch: The Women Who Helped India Reach Mars On the First Try". The Wire. Retrieved 2019-02-16.
  13. ↑ Kathuria, Charvi (December 19, 2017). "Tech Women: Minal Sampath worked on India's Mars Mission". www.shethepeople.tv (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 2018-03-08.
  14. ↑ Ghitis, Frida (11 December 2014). "2014 women of the year". CNN (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 2018-04-02.
  15. ↑ "Flying high: Meet three Indian women scientists who put India on the space map". www.thenewsminute.com. 2017-01-13. Retrieved 2019-02-16.

ᱵᱟᱦᱨᱮ ᱡᱚᱱᱚᱲ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
* Daswani, Divia Thani (1 March 2016). "The Women of ISRO". VOGUE India. Archived from the original on 26 December 2017. Retrieved 10 October 2017.
* https://www.shethepeople.tv/home-top-video/chandrayaan-2-minal-rohit-scientist-systems-engineer
"https://sat.wikipedia.org/w/index.php?title=ᱢᱤᱱᱟᱞ_ᱨᱳᱦᱤᱛ&oldid=191445" ᱠᱷᱚᱱ ᱧᱟᱢ ᱟᱹᱜᱩᱭ