ᱢᱤᱱᱟ ᱠᱩᱢᱟᱨᱤ
| ᱢᱤᱱᱟ ᱠᱩᱢᱟᱨᱤ | |
|---|---|
 ᱢᱤᱱᱟ ᱠᱩᱢᱟᱨᱤ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | Mahjabeen Bano ᱑ ᱚᱜᱚᱥᱴ ᱑᱙᱓᱓ ᱵᱚᱢᱵᱮ, ᱵᱚᱢᱵᱮ ᱯᱨᱮᱥᱤᱰᱮᱱᱥᱤ, ᱵᱨᱤᱴᱤᱥ ᱥᱤᱧᱚᱛ (ᱱᱤᱛᱚᱜ ᱢᱩᱢᱵᱟᱭ, ᱢᱚᱦᱟᱨᱟᱥᱴᱨᱚ, ᱥᱤᱧᱚᱛ) |
| ᱜᱩᱨ | ᱓᱑ ᱢᱟᱨᱪ ᱑᱙᱗᱒ (᱓᱘ ᱵᱚᱭᱚᱥ) ᱵᱚᱢᱵᱮ, ᱢᱚᱦᱟᱨᱟᱥᱴᱨᱚ, ᱥᱤᱧᱚᱛ |
| ᱛᱚᱯᱟ ᱴᱷᱟᱶ | Rahmatabad cemetery, ᱢᱩᱢᱵᱟᱭ |
| ᱮᱴᱟᱜ ᱧᱩᱛᱩᱢ | Tragedy Queen |
| ᱠᱟᱹᱢᱤ |
|
| ᱠᱟᱹᱢᱤ ᱚᱠᱛᱚ | 1939–1972 |
| ᱡᱤᱭᱚᱱ ᱥᱚᱦᱮᱫ | ᱠᱟᱢᱟᱞ ᱟᱦᱨᱚᱦᱤ (m. 1952; sep. 1964) |
| ᱥᱩᱦᱤ | |
 | |
ᱢᱤᱱᱟ ᱠᱩᱢᱟᱨᱤ[᱑] (ᱡᱟᱱᱟᱢ ᱢᱟᱦᱟᱡᱟᱵᱤᱱ ᱵᱟᱱᱚ; ᱑ ᱟᱜᱚᱥᱴ ᱑᱙᱓᱓[᱒] – ᱓᱑ ᱢᱟᱨᱪ ᱑᱙᱗᱒) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱮᱠᱴᱨᱮᱥ ᱟᱨ ᱚᱱᱚᱬᱦᱮᱸ ᱚᱞᱤᱡ ᱮ ᱛᱟᱦᱮᱸ ᱠᱟᱱᱟ, ᱡᱟᱦᱟᱸᱭ ᱫᱚ ᱦᱤᱱᱫᱤ ᱯᱷᱤᱞᱢ ᱨᱮ ᱠᱟᱹᱢᱤ ᱞᱮᱫᱟ᱾[᱓] ᱧᱩᱛᱩᱢᱟᱱ ᱞᱮᱠᱟᱛᱮ ᱫᱟ ᱴᱨᱟᱡᱮᱰᱤ ᱠᱩᱭᱤᱱ ᱢᱮᱱᱛᱮ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱸᱱᱟ, ᱩᱱᱤ ᱫᱚ ᱥᱤᱧᱚᱛᱤᱭᱟᱹ ᱥᱤᱱᱮᱢᱟ ᱨᱮᱱᱟᱜ ᱱᱟᱜᱟᱢ ᱨᱮ ᱡᱚᱛᱚ ᱠᱷᱚᱱ ᱱᱟᱯᱟᱭ ᱟᱨ ᱢᱟᱨᱟᱝ ᱮᱠᱴᱨᱮᱥ ᱠᱷᱚᱱ ᱢᱤᱫ ᱦᱚᱲ ᱠᱟᱱᱟᱭ᱾[᱔] ᱓᱓ ᱥᱮᱨᱢᱟ ᱨᱮᱱᱟᱜ ᱠᱮᱨᱤᱭᱟᱨ ᱨᱮ, ᱜᱤᱫᱽᱨᱟᱹ ᱮᱠᱴᱨᱮᱥ ᱠᱷᱚᱱ ᱮᱛᱚᱦᱚᱵ ᱠᱟᱛᱮ ᱡᱩᱣᱟᱹᱱ ᱫᱷᱟᱹᱵᱤᱡ, ᱠᱩᱢᱟᱨᱤ ᱫᱚ ᱙᱐ ᱠᱷᱚᱱ ᱵᱟᱹᱲᱛᱤ ᱯᱷᱤᱞᱢ ᱨᱮ ᱠᱟᱹᱢᱤ ᱞᱮᱫᱟ᱾[᱕]
ᱠᱩᱢᱟᱨᱤ ᱫᱚ ᱵᱮᱥᱴ ᱮᱠᱴᱨᱮᱥ ᱠᱮᱴᱮᱜᱚᱨᱤ ᱨᱮ ᱯᱩᱱᱭᱟᱹ ᱯᱷᱤᱞᱢ ᱯᱷᱮᱭᱟᱨ ᱟᱣᱟᱨᱰ ᱮ ᱡᱤᱛᱠᱟᱹᱨ ᱞᱮᱫᱟ᱾ ᱩᱱᱤ ᱫᱚ ᱑᱙᱕᱔ ᱨᱮ ᱵᱟᱭᱡᱩ ᱵᱟᱣᱨᱟ ᱞᱟᱹᱜᱤᱫ ᱩᱰᱷᱟᱹᱣ ᱯᱷᱤᱞᱢ ᱯᱷᱮᱭᱟᱨ ᱵᱮᱥᱴ ᱮᱠᱴᱨᱮᱥ ᱟᱣᱟᱨᱰ ᱨᱮᱱ ᱦᱟᱛᱟᱣᱤᱡ ᱮ ᱛᱟᱦᱮᱸ ᱠᱟᱱᱟ ᱟᱨ ᱫᱚᱥᱟᱨ ᱯᱷᱤᱞᱢ ᱯᱷᱮᱭᱟᱨ ᱟᱣᱟᱨᱰ (᱑᱙᱕᱕) ᱨᱮ ᱯᱟᱨᱤᱱᱤᱛᱟ ᱞᱟᱹᱜᱤᱫ ᱠᱚᱱᱥᱤᱠᱩᱭᱮᱴᱤᱵᱷ ᱡᱤᱛᱠᱟᱹᱨ ᱮ ᱦᱟᱛᱟᱣ ᱞᱮᱫᱟ᱾ ᱠᱩᱢᱟᱨᱤ ᱫᱚ ᱑᱐ ᱟᱱᱟᱜ ᱯᱷᱤᱞᱢ ᱯᱷᱮᱭᱟᱨ ᱟᱣᱟᱨᱰ (᱑᱙᱖᱓) ᱨᱮ ᱯᱮᱭᱟ ᱵᱮᱥᱴ ᱮᱠᱴᱨᱮᱥ ᱨᱮᱱᱟᱜ ᱱᱳᱢᱤᱱᱮᱥᱚᱱ ᱮ ᱧᱟᱢ ᱠᱟᱛᱮ ᱱᱟᱜᱟᱢ ᱮ ᱵᱮᱱᱟᱣ ᱞᱮᱫᱟ, ᱟᱨ ᱥᱟᱦᱤᱵ ᱵᱤᱵᱤ ᱟᱣᱨ ᱜᱩᱞᱟᱢ ᱨᱮ ᱟᱡᱟᱜ ᱯᱚᱨᱯᱷᱳᱨᱢᱮᱱᱥ ᱞᱟᱹᱜᱤᱫ ᱡᱤᱛᱠᱟᱹᱨ ᱮ ᱧᱟᱢ ᱞᱮᱫᱟ᱾[᱖] ᱑᱓ ᱟᱱᱟᱜ ᱯᱷᱤᱞᱢ ᱯᱷᱮᱭᱟᱨ ᱟᱣᱟᱨᱰ (᱑᱙᱖᱖) ᱨᱮ, ᱩᱱᱤ ᱠᱟᱡᱟᱞ ᱞᱟᱹᱜᱤᱫ ᱟᱡᱟᱜ ᱢᱩᱪᱟᱹᱫ ᱵᱮᱥᱴ ᱮᱠᱴᱨᱮᱥ ᱟᱣᱟᱨᱰ ᱮ ᱡᱤᱛᱠᱟᱹᱨ ᱞᱮᱫᱟ᱾ ᱠᱨᱤᱴᱤᱠᱥ ᱠᱚ ᱱᱚᱣᱟ ᱠᱚ ᱧᱮᱞ ᱟᱠᱟᱫᱟ ᱡᱮ ᱥᱟᱦᱤᱵ ᱵᱤᱵᱤ ᱟᱣᱨ ᱜᱩᱞᱟᱢ ᱨᱮ ᱟᱡᱟᱜ ᱪᱟᱨᱟᱠᱴᱟᱨ ᱫᱚ ᱟᱡᱟᱜ ᱡᱤᱭᱚᱱ ᱞᱮᱠᱟ ᱜᱮ ᱢᱮᱱᱟᱜᱼᱟ᱾ ᱩᱱᱤ ᱫᱚ ᱮᱴᱟᱜ ᱥᱟᱠᱥᱮᱥᱯᱷᱩᱞ ᱯᱷᱤᱞᱢ ᱨᱮ ᱦᱚᱸ ᱧᱮᱞ ᱧᱟᱢ ᱞᱮᱱᱟ ᱡᱮᱞᱮᱠᱟ - ᱫᱳ ᱵᱤᱜᱷᱟ ᱡᱟᱢᱤᱱ (᱑᱙᱕᱓), ᱫᱤᱞ ᱟᱯᱱᱟ ᱟᱣᱨ ᱯᱨᱤᱛ ᱯᱟᱨᱟᱭᱤ (᱑᱙᱖᱐), ᱟᱟᱨᱛᱤ (᱑᱙᱖᱒), ᱢᱮᱱ ᱪᱩᱯ ᱨᱟᱦᱩᱝᱜᱤ (᱑᱙᱖᱒), ᱫᱤᱞ ᱮᱠ ᱢᱟᱱᱫᱤᱨ (᱑᱙᱖᱓), ᱯᱷᱩᱞ ᱟᱣᱨ ᱯᱟᱛᱷᱟᱨ (᱑᱙᱖᱖) ᱟᱨ ᱢᱮᱨᱮ ᱟᱯᱱᱮ (᱑᱙᱗᱑)᱾
᱑᱙᱖᱐ ᱨᱮᱱᱟᱜ ᱢᱩᱪᱟᱹᱫ ᱥᱮᱫ ᱠᱩᱢᱟᱨᱤ ᱫᱚ ᱮᱞᱠᱳᱦᱚᱞ ᱮ ᱧᱩ ᱠᱮᱫᱟ, ᱡᱟᱦᱟᱸ ᱨᱮᱱᱟᱜ ᱮᱯᱷᱮᱠᱴ ᱫᱚ ᱛᱟᱭᱚᱢ ᱨᱮᱱᱟᱜ ᱯᱷᱤᱞᱢ ᱠᱚᱨᱮ ᱧᱮᱞ ᱧᱟᱢ ᱞᱮᱱᱟ᱾ ᱠᱩᱢᱟᱨᱤ ᱫᱚ ᱚᱱᱚᱬᱦᱤᱭᱟᱹ ᱟᱨ ᱢᱤᱫ ᱯᱞᱮᱵᱮᱠ ᱥᱮᱨᱮᱧᱤᱭᱟᱹ ᱦᱚᱸᱭ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱟᱡᱟᱜ ᱮᱛᱚᱦᱚᱵ ᱯᱷᱤᱞᱢ ᱨᱮ ᱜᱤᱫᱽᱨᱟᱹ ᱟᱨᱴᱤᱥᱴ ᱞᱮᱠᱟᱛᱮ ᱥᱮᱨᱮᱧ ᱞᱮᱫᱟ ᱟᱨ ᱟᱡᱟᱜ ᱚᱱᱚᱬᱦᱮᱸ ᱠᱚ ᱡᱟᱦᱟᱸ ᱫᱚ ᱢᱤᱫ ᱮᱞᱵᱚᱢ ᱨᱮ ᱦᱮᱡ ᱞᱮᱱᱟ, ᱟᱭᱤ ᱨᱟᱭᱤᱴ, ᱟᱭᱤ ᱨᱤᱥᱟᱭᱤᱴ (᱑᱙᱗᱑)᱾ ᱩᱱᱤ ᱯᱟᱠᱤᱡᱟᱦ ᱨᱮ ᱠᱚᱥᱴᱩᱢ ᱦᱚᱸᱭ ᱰᱤᱡᱟᱭᱤᱱ ᱞᱮᱫᱟ᱾ ᱓᱑ ᱢᱟᱨᱪ ᱑᱙᱗᱒ ᱨᱮ, ᱠᱩᱢᱟᱨᱤ ᱫᱚ ᱓᱘ ᱥᱮᱨᱢᱟ ᱩᱢᱮᱨ ᱨᱮ ᱞᱤᱵᱷᱟᱨ ᱥᱤᱨᱳᱥᱤᱥ ᱠᱷᱟᱹᱛᱤᱨ ᱛᱮ ᱵᱚᱸᱜᱟ ᱛᱟᱞᱟ ᱭᱮᱱᱟ, ᱡᱟᱦᱟᱸ ᱫᱚ ᱟᱡᱟᱜ ᱮᱞᱠᱳᱦᱳᱞᱤᱡᱚᱢ ᱥᱟᱶ ᱡᱩᱲᱟᱹᱣ ᱛᱟᱦᱮᱸ ᱠᱟᱱᱟ᱾[᱗]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Homage — Meena Kumari". Journal of Indian Cinema (in ᱵᱨᱤᱴᱤᱥ ᱟᱝᱜᱽᱨᱮᱡᱤ). 31 July 2020. Archived from the original on 28 October 2020. Retrieved 26 October 2020.
- ↑ Adrian Room (26 July 2010). "Meena Kumari". Dictionary of Pseudonyms: 13,000 Assumed Names and Their Origins. McFarland. p. 269. ISBN 978-0-7864-4373-4. Archived from the original on 12 October 2020. Retrieved 22 April 2012.
- ↑ "Meena Kumari birth [[:ᱪᱷᱟᱸᱪ:As written]]: She is inspiration for all!". Free Press Journal. Archived from the original on 3 October 2018. Retrieved 3 October 2018.
{{cite web}}: URL–wikilink conflict (help) - ↑ "Readers' Pick: Top 10 Bollywood Actresses OF ALL TIME!". Rediff (in ᱟᱝᱜᱽᱨᱮᱡᱤ). Retrieved 2024-09-25.
- ↑ "Meena Kumari – Interview (1952)". Cineplot.com. 19 July 2017. Archived from the original on 16 July 2018. Retrieved 29 July 2017.
- ↑ "Filmfare Awards (1963)". IMDb. Archived from the original on 1 January 2016. Retrieved 12 October 2020.
- ↑ Mohamed, Khalid (25 March 2016). "Remembering the Tragedy Queen Meena Kumari". Khaleej Times. Archived from the original on 18 October 2019. Retrieved 12 October 2020.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱢᱤᱱᱟ ᱠᱩᱢᱟᱨᱤ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)
- Meena Kumari at Manas: Culture of India
 |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱢᱤᱱᱟ ᱠᱩᱢᱟᱨᱤ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |