ᱢᱤᱱᱩ ᱢᱩᱢᱛᱟᱡᱽ
| ᱢᱤᱱᱩ ᱢᱩᱢᱛᱟᱡᱽ | |
|---|---|
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | Malikunnisa Ali ᱒᱖ ᱮᱯᱨᱤᱞ ᱑᱙᱔᱒ ᱵᱚᱢᱵᱮ, ᱵᱚᱢᱵᱮ ᱯᱨᱮᱥᱤᱰᱮᱱᱥᱤ, ᱵᱨᱤᱴᱤᱥ ᱥᱤᱧᱚᱛ (ᱱᱤᱛᱚᱜ ᱢᱩᱢᱵᱟᱭ, ᱢᱚᱦᱟᱨᱟᱥᱴᱨᱚ, ᱥᱤᱧᱚᱛ) |
| ᱜᱩᱨ | ᱒᱓ ᱚᱠᱴᱚᱵᱚᱨ ᱒᱐᱒᱑ (᱗᱙ ᱵᱚᱭᱚᱥ) ᱴᱚᱨᱚᱱᱴᱚ, ᱳᱱᱴᱟᱨᱤᱭᱳ, ᱠᱟᱱᱟᱰᱟ |
| ᱮᱴᱟᱜ ᱧᱩᱛᱩᱢ | ᱢᱩᱱᱩ |
| ᱠᱟᱹᱢᱤ | ᱮᱠᱴᱨᱮᱥ, ᱰᱟᱱᱥᱟᱨ |
| ᱡᱤᱭᱚᱱ ᱥᱚᱦᱮᱫ | ᱥᱟᱭᱭᱟᱫᱽ ᱟᱞᱤᱟᱠᱷᱵᱟᱨ |
| ᱦᱚᱯᱚᱱ | 4 |
| ᱟᱯᱟᱛ ᱮᱸᱜᱟᱛ |
|
ᱢᱤᱱᱩ ᱢᱩᱢᱛᱟᱡᱽ (ᱡᱟᱱᱟᱢ ᱢᱟᱞᱤᱠᱩᱱᱱᱤᱥᱟ ᱟᱞᱤ; ᱒᱖ ᱮᱯᱨᱤᱞ ᱑᱙᱔᱒ – ᱒᱓ ᱚᱠᱴᱚᱵᱚᱨ ᱒᱐᱒᱑) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ ᱠᱟᱱ ᱛᱟᱦᱮᱸᱫ᱾ ᱩᱱᱤ ᱫᱚ ᱵᱷᱟᱨᱚᱛ ᱨᱤᱱᱤᱡ ᱧᱩᱛᱩᱢᱟᱱ ᱠᱚᱢᱮᱰᱤᱭᱟᱱ ᱢᱮᱦᱢᱩᱫᱽ ᱨᱤᱱᱤᱡ ᱵᱚᱭᱦᱟ ᱮ ᱛᱟᱦᱮᱸ ᱠᱟᱱᱟ ᱟᱨ ᱢᱮᱦᱢᱩᱫᱽ ᱟᱞᱤ ᱯᱷᱤᱞᱢ ᱜᱷᱟᱨᱚᱸᱡᱽ ᱨᱮᱱ ᱦᱤᱸᱥ ᱮ ᱛᱟᱦᱮᱸ ᱠᱟᱱᱟ᱾ ᱢᱤᱱᱩ ᱢᱩᱢᱛᱟᱡᱽ ᱫᱚ ᱑᱙᱕᱐ ᱟᱨ ᱑᱙᱖᱐ ᱨᱮᱭᱟᱜ ᱟᱭᱢᱟ ᱦᱤᱱᱫᱤ ᱯᱷᱤᱞᱢ ᱨᱮ ᱧᱮᱞ ᱞᱮᱱᱟ, ᱡᱟᱹᱥᱛᱤ ᱠᱟᱛᱮ ᱫᱚ ᱮᱱᱮᱡᱤᱭᱟᱹ ᱟᱨ ᱪᱟᱨᱤᱛᱨᱚ ᱮᱠᱴᱨᱮᱥ ᱞᱮᱠᱟᱛᱮ᱾[᱑][᱒]
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱩᱢᱛᱟᱡᱽ ᱟᱞᱤ ᱴᱷᱮᱱ ᱯᱩᱱᱭᱟ ᱵᱚᱭᱦᱟ ᱟᱨ ᱯᱩᱱᱭᱟ ᱵᱩᱦᱤᱱ ᱨᱮᱱ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟ, ᱡᱟᱦᱟᱸᱭ ᱫᱚ ᱑᱙᱔᱐ ᱚᱠᱛᱚ ᱠᱷᱚᱱ ᱯᱷᱤᱞᱢ ᱨᱮ ᱢᱤᱫ ᱧᱩᱛᱩᱢᱟᱱ ᱮᱱᱮᱡᱤᱭᱟᱹ ᱟᱨ ᱪᱟᱨᱤᱛᱨᱚ-ᱠᱟᱞᱟᱠᱟᱨ ᱞᱮᱠᱟᱛᱮ ᱧᱩᱛᱩᱢ ᱛᱟᱦᱮᱸ ᱠᱟᱱᱟ, ᱟᱡᱟᱜ ᱮᱱᱮᱡ ᱫᱚᱞ "ᱢᱩᱢᱛᱟᱡᱽ ᱟᱞᱤ ᱱᱟᱭᱤᱴᱥ" ᱥᱟᱶᱛᱮ᱾ ᱢᱩᱢᱛᱟᱡᱽ ᱟᱞᱤ ᱟᱜ ᱠᱮᱨᱤᱭᱟᱨ ᱫᱚ ᱟᱹᱰᱤ ᱜᱮ ᱵᱟᱹᱲᱛᱤ ᱧᱩᱭ ᱠᱷᱟᱹᱛᱤᱨ ᱞᱟᱛᱟᱨ ᱥᱮᱫ ᱪᱟᱞᱟᱣ ᱮᱱᱟ ᱟᱨ ᱟᱡᱟᱜ ᱜᱷᱟᱨᱚᱸᱡᱽ ᱫᱚ ᱠᱚᱥᱴᱚ ᱚᱠᱛᱚ ᱨᱮ ᱦᱮᱡ ᱮᱱᱟ, ᱡᱟᱦᱟᱸ ᱠᱷᱟᱹᱛᱤᱨ ᱟᱡᱤᱡ ᱠᱚᱲᱟ ᱜᱤᱫᱽᱨᱟᱹ ᱢᱮᱦᱢᱩᱫᱽ ᱫᱚ ᱜᱤᱫᱽᱨᱟᱹ ᱠᱟᱞᱟᱠᱟᱨ ᱞᱮᱠᱟᱛᱮ ᱠᱟᱹᱢᱤ ᱠᱮᱫᱟ, ᱟᱨ ᱠᱩᱲᱤ ᱜᱤᱫᱽᱨᱟᱹ ᱢᱤᱱᱩ ᱢᱩᱢᱛᱟᱡᱽ ᱫᱚ ᱟᱡᱟᱜ ᱥᱴᱮᱡ ᱥᱳ ᱨᱮ ᱟᱨ ᱛᱟᱭᱚᱢ ᱛᱮ ᱯᱷᱤᱞᱢ ᱨᱮ ᱮᱱᱮᱡᱤᱭᱟᱹ ᱞᱮᱠᱟᱛᱮ ᱠᱟᱹᱢᱤ ᱠᱮᱫᱟ᱾
ᱠᱮᱨᱤᱭᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ "ᱢᱤᱱᱩ" ᱧᱩᱛᱩᱢ ᱛᱮ ᱧᱩᱛᱩᱢ ᱫᱚᱦᱚ ᱞᱮᱱᱟ ᱚᱠᱚᱭ ᱦᱚᱸ ᱵᱟᱝ ᱢᱮᱱᱠᱷᱟᱱ ᱢᱮᱦᱱᱟ ᱠᱩᱢᱟᱨᱤ ᱜᱮ, ᱡᱟᱦᱟᱸᱭ ᱫᱚ ᱢᱮᱦᱢᱩᱫᱽ ᱨᱤᱱᱤᱡ ᱵᱩᱦᱩ ᱠᱟᱱᱟᱭ᱾ ᱩᱱᱤ ᱫᱚ ᱥᱴᱮᱡ ᱮᱱᱮᱡᱤᱭᱟᱹ ᱞᱮᱠᱟᱛᱮ ᱮᱛᱚᱦᱚᱵ ᱞᱮᱫᱟ ᱟᱨ ᱛᱟᱭᱚᱢ ᱛᱮ ᱕᱐ ᱟᱨ ᱖᱐ ᱨᱮᱭᱟᱜ ᱟᱭᱢᱟ ᱯᱷᱤᱞᱢ ᱨᱮ ᱮᱱᱮᱡᱤᱭᱟᱹ ᱞᱮᱠᱟᱛᱮ ᱠᱟᱹᱢᱤ ᱠᱮᱫᱟ ᱟᱡᱟᱜ ᱯᱩᱭᱞᱩ ᱯᱷᱤᱞᱢ ᱥᱟᱠᱷᱤ ᱦᱟᱛᱤᱢ ᱠᱷᱚᱱ᱾ ᱩᱱᱤ ᱫᱚ ᱵᱞᱟᱠ ᱠᱮᱴ (᱑᱙᱕᱙) ᱨᱮ ᱵᱟᱞᱨᱟᱡᱽ ᱥᱟᱦᱱᱤ ᱵᱤᱨᱩᱫᱷ ᱨᱮ ᱢᱩᱬᱩᱛ ᱨᱚᱞ ᱦᱚᱸᱭ ᱠᱚᱨᱟᱣ ᱞᱮᱫᱟ᱾ ᱩᱱᱤ ᱫᱚ ᱥᱤ.ᱟᱭ.ᱰᱤ. (᱑᱙᱕᱖) ᱯᱷᱤᱞᱢ ᱨᱮᱱᱟᱜ "ᱵᱩᱡᱷ ᱢᱮᱨᱟ ᱠᱭᱟ ᱱᱟᱢ ᱨᱮ" ᱥᱮᱨᱮᱧ ᱨᱮ ᱦᱚᱣᱲᱟ ᱵᱨᱤᱡᱽ (᱑᱙᱕᱘) ᱨᱮ ᱮᱱᱮᱡᱤᱭᱟᱹ ᱞᱮᱠᱟᱛᱮ ᱧᱮᱞ ᱫᱟᱲᱮᱭᱟᱜᱼᱟ᱾ ᱩᱱᱤ ᱫᱚ ᱜᱩᱨᱩ ᱫᱟᱛᱛ ᱯᱷᱤᱞᱢ ᱨᱮ ᱦᱚᱸ ᱧᱮᱞ ᱞᱮᱱᱟ ᱡᱮᱞᱮᱠᱟ ᱠᱟᱜᱟᱡᱽ ᱠᱮ ᱯᱷᱩᱞ (᱑᱙᱕᱙), ᱪᱚᱣᱫᱷᱵᱷᱤᱱ ᱠᱟ ᱪᱟᱸᱫᱽ (᱑᱙᱖᱐) ᱟᱨ ᱥᱟᱦᱤᱵᱽ ᱵᱤᱵᱤ ᱟᱩᱨ ᱜᱩᱞᱟᱢ (᱑᱙᱖᱒)᱾ ᱩᱱᱤ ᱫᱚ ᱭᱟᱦᱩᱫᱤ (᱑᱙᱕᱘), ᱛᱟᱡᱽ ᱢᱚᱦᱚᱞ (᱑᱙᱖᱓), ᱜᱷᱩᱸᱜᱷᱟᱴ (᱑᱙᱖᱐), ᱜᱷᱟᱨᱟᱱᱟ (᱑᱙᱖᱑), ᱤᱱᱥᱟᱱ ᱡᱟᱜᱽ ᱩᱴᱷᱟ (᱑᱙᱕᱙), ᱜᱷᱟᱨ ᱵᱟᱥᱟᱠᱮ ᱫᱮᱠᱷᱚ (᱑᱙᱖᱓), ᱜᱟᱡᱟᱞ (᱑᱙᱖᱔), ᱥᱤᱸᱫᱽᱵᱟᱫᱽ, ᱟᱞᱤᱵᱟᱵᱟ, ᱟᱞᱟᱫᱤᱱ, ᱡᱟᱦᱟᱱ ᱟᱨᱟ (᱑᱙᱖᱔) ᱨᱮ ᱢᱩᱬᱩᱛ ᱨᱚᱞ ᱮ ᱠᱚᱨᱟᱣ ᱞᱮᱫᱟ᱾ ᱑᱙᱕᱘ ᱨᱮᱱᱟᱜ ᱯᱷᱤᱞᱢ ᱦᱚᱣᱲᱟ ᱵᱨᱤᱡᱽ ᱫᱚ ᱟᱹᱰᱤ ᱢᱟᱨᱟᱝ ᱵᱤᱵᱟᱹᱫᱽ ᱵᱮᱱᱟᱣ ᱠᱮᱫᱟ ᱪᱮᱫᱟᱜ ᱥᱮ ᱱᱚᱣᱟ ᱯᱷᱤᱞᱢ ᱨᱮ ᱢᱤᱱᱩ ᱢᱩᱢᱛᱟᱡᱽ ᱫᱚ ᱢᱮᱦᱢᱩᱫᱽ ᱥᱟᱶ ᱚᱱᱥᱠᱨᱤᱱ ᱨᱳᱢᱟᱱᱥ ᱮ ᱵᱮᱱᱟᱣ ᱠᱟᱱ ᱧᱮᱞ ᱞᱮᱱᱟ ᱡᱟᱦᱟᱸᱭ ᱫᱚ ᱟᱡᱤᱡ ᱟᱥᱚᱞ ᱵᱚᱭᱦᱟᱭ ᱛᱟᱦᱮᱸ ᱠᱟᱱᱟ᱾ ᱦᱚᱲ ᱫᱚ ᱵᱚᱭᱦᱟ ᱟᱨ ᱵᱩᱦᱤᱱ ᱫᱚ ᱨᱳᱢᱟᱱᱴᱤᱠ ᱨᱚᱞ ᱨᱮ ᱧᱮᱞ ᱠᱟᱛᱮ ᱦᱟᱦᱟᱲᱟ ᱞᱮᱱᱟ᱾
ᱱᱤᱡᱮᱨᱟᱜ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱑᱒ ᱡᱩᱱ ᱑᱙᱖᱓ ᱨᱮ ᱢᱤᱫ ᱯᱷᱤᱞᱢ ᱰᱤᱨᱮᱠᱴᱚᱨ ᱮᱥ. ᱟᱞᱤ ᱟᱠᱵᱟᱨ ᱥᱟᱶ ᱮ ᱵᱟᱯᱞᱟ ᱞᱮᱱᱟ᱾ ᱱᱩᱠᱤᱱ ᱡᱩᱨᱤ ᱨᱮᱱ ᱯᱮᱭᱟ ᱠᱩᱲᱤ ᱜᱤᱫᱽᱨᱟᱹ ᱟᱨ ᱢᱤᱫ ᱠᱚᱲᱟ ᱜᱤᱫᱽᱨᱟᱹ ᱛᱟᱦᱮᱸ ᱠᱟᱱᱟ᱾ ᱢᱤᱱᱩ ᱢᱩᱢᱛᱟᱡᱽ ᱫᱚ ᱒᱓ ᱚᱠᱴᱚᱵᱚᱨ ᱒᱐᱒᱑ ᱨᱮ ᱗᱙ ᱥᱮᱨᱢᱟ ᱩᱢᱮᱨ ᱨᱮ ᱜᱩᱡ ᱮᱱᱟ᱾ ᱩᱱᱤ ᱫᱚ ᱟᱡᱟᱜ ᱢᱩᱪᱟᱹᱫ ᱫᱤᱱ ᱠᱟᱱᱟᱰᱟ ᱨᱮ ᱠᱷᱮᱢᱟᱣ ᱠᱮᱫᱟ᱾ [᱒]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Zaveri, Hanif (1 July 2005). Mehmood, a Man of Many Moods. Popular Prakashan. ISBN 9788179912133 – via Google Books.
- ↑ ᱒.᱐ ᱒.᱑ "Mehmood's sister, actor Minoo Mumtaz, dies in Canada". Press Trust of India. 23 October 2021. Archived from the original on 23 October 2021. Retrieved 23 October 2021.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱢᱤᱱᱩ ᱢᱩᱢᱛᱟᱡᱽ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)