ᱢᱤᱱᱳᱛᱤ ᱫᱮᱥᱟᱭ
ᱢᱤᱱᱳᱛᱤ ᱫᱮᱥᱟᱭ (ᱡᱟᱱᱟᱢ ᱑᱕ ᱢᱟᱨᱪ ᱑᱙᱖᱘) ᱫᱚ ᱢᱤᱫ ᱢᱟᱨᱮ ᱴᱮᱥᱴ ᱟᱨ ᱳᱱ ᱰᱮ ᱡᱮᱜᱮᱛᱟᱹᱨᱤ ᱠᱨᱤᱠᱮᱴ ᱠᱷᱮᱞᱚᱸᱰᱤᱭᱟᱹ ᱠᱟᱱᱟᱭ ᱡᱟᱦᱟᱸᱭ ᱫᱚ ᱵᱷᱟᱨᱚᱛ ᱨᱮᱱᱟᱜ ᱯᱟᱨᱥᱮᱛ ᱮ ᱮᱢ ᱟᱠᱟᱫᱟ᱾ ᱩᱱᱤ ᱞᱮᱯᱷᱴ-ᱦᱮᱱᱰ ᱵᱮᱴᱥᱢᱮᱱ ᱠᱟᱱᱟᱭ ᱟᱨ ᱞᱮᱯᱷᱴ-ᱟᱨᱢ ᱚᱨᱛᱷᱚᱰᱚᱠᱥ ᱮ ᱵᱳᱞ ᱮᱫᱟ᱾ ᱩᱱᱤ ᱵᱷᱟᱨᱚᱛ ᱞᱟᱹᱜᱤᱫ ᱢᱤᱫ ᱴᱮᱥᱴ ᱟᱨ ᱢᱤᱫ ᱳᱰᱤᱟᱭᱤ ᱜᱮᱭ ᱠᱷᱮᱞ ᱟᱠᱟᱫᱟ, ᱵᱟᱱᱟᱨ ᱜᱮ ᱡᱩᱱ ᱑᱙᱘᱖ ᱨᱮ ᱤᱝᱞᱮᱱᱰ ᱵᱤᱨᱩᱫᱽ ᱨᱮ᱾
ᱩᱱᱤ ᱥᱤᱱᱤᱭᱚᱨ ᱱᱮᱥᱱᱟᱞ ᱴᱩᱨᱱᱟᱢᱮᱱᱴ ᱨᱮᱱᱟᱜ ᱯᱷᱟᱭᱱᱟᱞ ᱨᱮ ᱡᱚᱛᱚ ᱠᱷᱚᱱ ᱪᱮᱛᱟᱱ ᱥᱠᱳᱨ (᱑᱕᱐) ᱨᱚᱱ ᱞᱟᱹᱜᱤᱫ ᱡᱟᱹᱛᱤᱭᱟᱹᱨᱤ ᱨᱮᱠᱚᱨᱰ ᱮ ᱫᱚᱦᱚᱭᱟ; ᱑᱙᱘᱘ ᱪᱮᱱᱱᱟᱭ ᱱᱮᱥᱱᱟᱞᱥ ᱨᱮ ᱵᱷᱟᱨᱚᱛᱤᱭᱚ ᱨᱮᱞᱣᱮᱡᱽ ᱞᱟᱹᱜᱤᱫ ᱠᱷᱮᱞ ᱠᱟᱛᱮ ᱩᱱᱤ ᱠᱚᱨᱱᱟᱴᱚᱠ ᱵᱤᱨᱩᱫᱽ ᱨᱮ ᱑᱕᱐ ᱨᱚᱱ ᱮ ᱥᱠᱳᱨ ᱞᱮᱫ ᱛᱟᱦᱮᱸᱫ᱾ ᱩᱱᱤ ᱑᱙᱘᱕ -᱑᱙᱘᱗ ᱥᱮᱨᱢᱟ ᱨᱮ ᱯᱮ ᱞᱮᱛᱟᱲ ᱡᱩᱱᱤᱭᱚᱨ ᱱᱮᱥᱱᱟᱞ ᱨᱮ ᱡᱚᱛᱚ ᱠᱷᱚᱱ ᱱᱟᱯᱟᱭ ᱵᱮᱴᱥᱣᱩᱢᱮᱱ ᱦᱩᱭᱩᱜ ᱨᱮᱱᱟᱜ ᱨᱮᱠᱚᱨᱰ ᱦᱚᱸ ᱮ ᱫᱚᱦᱚᱭᱟ᱾ ᱩᱱᱤ ᱮᱠᱞᱟ ᱛᱤᱨᱞᱟᱹ ᱠᱨᱤᱠᱮᱴ ᱠᱷᱮᱞᱚᱸᱰᱤᱭᱟᱹ ᱠᱟᱱᱟᱭ ᱡᱟᱦᱟᱸᱭ ᱥᱤᱱᱤᱭᱚᱨ ᱟᱨ ᱡᱩᱱᱤᱭᱚᱨ ᱵᱟᱱᱟᱨ ᱠᱚᱢᱵᱟᱭᱤᱱᱰ ᱤᱱᱰᱤᱭᱟᱱ ᱭᱩᱱᱤᱵᱷᱟᱨᱥᱤᱴᱤ ᱴᱤᱢ ᱨᱮᱱ ᱠᱟᱯᱴᱮᱱ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱤᱭᱟᱜ ᱠᱟᱯᱴᱮᱱᱥᱤ ᱨᱮ ᱡᱩᱱᱤᱭᱚᱨ ᱠᱚᱢᱵᱟᱭᱤᱱᱰ ᱭᱩᱱᱤᱵᱷᱟᱨᱥᱤᱴᱤ ᱴᱤᱢ ᱑᱙᱘᱗ ᱠᱳᱴᱴᱟᱭᱟᱢ ᱱᱮᱥᱱᱟᱞᱥ ᱨᱮ ᱱᱮᱥᱱᱟᱞ ᱪᱟᱢᱯᱤᱭᱚᱱ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱣᱮᱥᱴᱮᱨᱱ ᱨᱮᱞᱣᱮᱡᱽ ᱦᱚᱛᱮᱛᱮ ᱠᱟᱹᱢᱤ ᱨᱮ ᱫᱚᱦᱚ ᱞᱮᱱ ᱛᱟᱦᱮᱸᱫ-ᱩᱱᱤ ᱑᱙᱙᱒ ᱥᱮᱨᱢᱟ ᱨᱮ ᱟᱡᱟᱜ ᱛᱮᱭᱟᱜ ᱯᱚᱱᱚᱛ ᱢᱚᱫᱷᱭᱚ ᱯᱨᱚᱫᱮᱥ ᱟᱨ ᱥᱮᱱᱴᱨᱟᱞ ᱡᱳᱱ ᱞᱟᱹᱜᱤᱫ ᱠᱷᱮᱞ ᱞᱟᱹᱜᱤᱫ ᱨᱮᱞᱣᱮᱡᱽ ᱮ ᱵᱟᱹᱜᱤ ᱠᱮᱫᱟ᱾ ᱟᱡ ᱨᱮᱱᱟᱜ ᱠᱟᱯᱴᱮᱱᱥᱤ ᱨᱮ ᱮᱢᱯᱤ ᱑᱙᱙᱓ ᱨᱮ ᱫᱤᱞᱞᱤ ᱨᱮ ᱦᱩᱭ ᱞᱮᱱ ᱥᱤᱱᱤᱭᱚᱨ ᱱᱮᱥᱱᱟᱞᱥ ᱨᱮ ᱣᱤᱱᱚᱨ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱒᱕ ᱥᱮᱨᱢᱟ ᱩᱢᱮᱨ ᱨᱮ ᱠᱨᱤᱠᱮᱴ ᱠᱷᱚᱱ ᱡᱤᱨᱟᱹᱣ ᱮ ᱦᱟᱛᱟᱣ ᱞᱮᱫ ᱛᱟᱦᱮᱸᱫ᱾ ᱩᱱᱤ ᱱᱤᱛᱚᱜ ᱯᱷᱟᱭᱱᱟᱱᱥ ᱢᱤᱱᱤᱥᱴᱨᱤ ᱞᱟᱹᱜᱤᱫ ᱮ ᱠᱟᱹᱢᱤ ᱠᱟᱱᱟ᱾