ᱢᱩᱢᱛᱟᱡᱽ ᱠᱷᱟᱱ
ᱢᱩᱢᱛᱟᱡᱽ ᱠᱷᱟᱱ (ᱡᱟᱱᱟᱢ ᱑᱕ ᱡᱟᱱᱩᱣᱟᱨᱤ ᱒᱐᱐᱓) ᱫᱚ ᱩᱛᱛᱚᱨ ᱯᱨᱚᱫᱮᱥ ᱨᱮᱱᱤᱡ ᱢᱤᱫ ᱵᱷᱟᱨᱚᱛᱤᱭᱚ ᱛᱤᱨᱞᱟᱹ ᱯᱷᱤᱞᱰ ᱦᱚᱠᱤ ᱠᱷᱮᱞᱚᱸᱰᱤᱭᱟᱹ ᱠᱟᱱᱟᱭ᱾ ᱩᱱᱤ ᱫᱚ ᱯᱷᱚᱨᱣᱟᱨᱰ ᱞᱮᱠᱟᱛᱮᱭ ᱠᱷᱮᱞᱟ᱾ ᱩᱱᱤ ᱫᱚ ᱵᱷᱩᱵᱽᱱᱮᱥᱚᱨ ᱨᱮ ᱮᱯᱷᱟᱭᱤᱮᱪ ᱯᱨᱳᱼᱞᱤᱜᱽ ᱨᱮ ᱟᱡᱟᱜ ᱥᱤᱱᱤᱭᱚᱨ ᱵᱷᱟᱨᱚᱛ ᱰᱮᱵᱭᱩᱭ ᱠᱮᱫᱟ᱾ ᱩᱱᱤ ᱫᱚ ᱫᱤᱥᱚᱢ ᱵᱷᱤᱛᱨᱤ ᱴᱩᱨᱱᱟᱢᱮᱱᱴ ᱠᱚᱨᱮ ᱤᱱᱰᱤᱭᱟᱱ ᱚᱭᱤᱞ ᱠᱚᱨᱯᱚᱨᱮᱥᱚᱱ ᱞᱤᱢᱤᱴᱮᱰ ᱞᱟᱹᱜᱤᱫ ᱮ ᱠᱷᱮᱞᱟ᱾
ᱱᱤᱡᱮᱨᱟᱜ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱷᱟᱱ ᱫᱚ ᱞᱚᱠᱱᱟᱣ ᱨᱮᱱᱤᱡ ᱠᱟᱱᱟᱭ᱾ ᱟᱡ ᱨᱮᱱ ᱟᱭᱳᱼᱵᱟᱵᱟ, ᱠᱟᱭᱥᱚᱨ ᱡᱟᱦᱟᱱ ᱟᱨ ᱦᱟᱯᱷᱤᱡᱽ ᱠᱷᱟᱱ, ᱢᱤᱫ ᱫᱟᱠᱟ ᱜᱟᱹᱰᱤ ᱨᱮ ᱩᱛᱩ ᱠᱤᱨᱤᱧ ᱟᱹᱠᱷᱨᱤᱧ ᱠᱤᱱ ᱪᱟᱞᱟᱣᱟ᱾ ᱩᱱᱤ ᱨᱮᱱ ᱢᱚᱬᱮ ᱜᱚᱴᱟᱝ ᱢᱤᱥᱨᱟᱛ ᱢᱮᱱᱟᱜ ᱠᱚᱣᱟ ᱯᱷᱟᱨᱦᱟ, ᱥᱟᱱᱟᱡᱽ, ᱛᱟᱨᱟᱱᱱᱩᱢ, ᱥᱤᱨᱤᱱ, ᱥᱟᱱᱤᱭᱟ ᱟᱨ ᱢᱤᱫᱴᱟᱹᱝ ᱵᱚᱭᱦᱟ, ᱟᱨᱢᱟᱱ᱾ ᱪᱮᱫᱟᱜ ᱥᱮ ᱚᱲᱟᱜ ᱨᱮ ᱱᱤᱡᱮᱨᱟᱜ ᱚᱲᱟᱜ ᱵᱟᱹᱱᱩᱜ ᱛᱟᱠᱚᱣᱟ, ᱩᱱᱠᱩ ᱫᱚ ᱟᱡ ᱟᱭᱳ ᱨᱮᱱ ᱵᱚᱭᱦᱟ (ᱢᱟᱢᱟ) ᱚᱲᱟᱜ ᱨᱮᱠᱚ ᱛᱟᱦᱮᱸᱱᱟ᱾ ᱩᱱᱤ ᱫᱚ ᱒᱐᱑᱔ ᱥᱟᱞᱮ ᱨᱮ ᱦᱚᱠᱤ ᱠᱷᱮᱞ ᱮᱛᱚᱦᱚᱵ ᱞᱮᱫᱟ᱾ ᱒᱐᱒᱓ ᱥᱟᱞᱮ ᱨᱮ, ᱩᱱᱤ ᱫᱚ ᱤᱱᱰᱤᱭᱟᱱ ᱚᱭᱤᱞ ᱠᱚᱨᱯᱚᱨᱮᱥᱚᱱ ᱥᱟᱶ ᱠᱟᱹᱢᱤᱭ ᱧᱟᱢ ᱠᱮᱫᱟ᱾
ᱠᱮᱨᱤᱭᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱑᱗ ᱥᱟᱞᱮ ᱨᱮ, ᱩᱱᱤ ᱫᱚ ᱡᱩᱱᱤᱭᱚᱨ ᱤᱱᱰᱤᱭᱟ ᱴᱤᱢ ᱞᱟᱹᱜᱤᱫ ᱮ ᱵᱟᱪᱷᱟᱣ ᱮᱱᱟ᱾ ᱩᱱᱤ ᱫᱚ ᱵᱷᱟᱨᱚᱛᱤᱭᱚ ᱴᱤᱢ ᱨᱮᱱ ᱦᱤᱸᱥ ᱮ ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱫᱚ ᱓ ᱟᱱᱟᱜ ᱭᱩᱛᱷ ᱚᱞᱤᱢᱯᱤᱠᱥ ᱜᱮᱢᱥ ᱒᱐᱑᱘, ᱵᱩᱭᱮᱱᱚᱥ ᱟᱭᱟᱨᱥ, ᱟᱨᱡᱮᱱᱴᱤᱱᱟ ᱨᱮ ᱨᱩᱯᱟᱹᱭ ᱡᱤᱛᱠᱟᱹᱨ ᱞᱮᱫᱟ᱾ ᱩᱱᱤ ᱫᱚ ᱠᱩᱲᱤ ᱜᱤᱫᱽᱨᱟᱹ ᱠᱚᱣᱟᱜ ᱑᱘ ᱵᱚᱪᱷᱚᱨ ᱠᱷᱚᱱ ᱠᱚᱢ ᱴᱤᱢ ᱨᱮᱱ ᱦᱚᱸ ᱦᱤᱸᱥ ᱮ ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱫᱚ ᱮᱥᱤᱭᱟ ᱠᱟᱯ ᱨᱮ ᱵᱨᱳᱸᱡᱽ ᱢᱮᱰᱟᱞ ᱮ ᱡᱤᱛᱠᱟᱹᱨ ᱞᱮᱫᱟ᱾ ᱩᱱᱤ ᱫᱚ ᱫᱟᱹᱠᱷᱤᱱ ᱟᱯᱷᱨᱤᱠᱟ ᱨᱮ ᱦᱩᱭ ᱞᱮᱱ ᱒᱐᱒᱒ ᱛᱤᱨᱞᱟᱹ ᱮᱯᱷᱟᱭᱤᱮᱪ ᱦᱚᱠᱤ ᱡᱩᱱᱤᱭᱚᱨ ᱣᱟᱨᱞᱰ ᱠᱟᱯ ᱨᱮ ᱤᱨᱟᱹᱞ ᱜᱚᱴᱟᱝ ᱜᱳᱞ ᱥᱟᱶ ᱵᱷᱟᱨᱚᱛ ᱨᱮᱱ ᱥᱚᱨᱮᱥ ᱥᱠᱳᱨᱟᱨ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱦᱤᱨᱳ ᱮᱯᱷᱟᱭᱤᱮᱪ ᱦᱚᱠᱤ ᱕ ᱮᱥ ᱞᱚᱥᱟᱱ ᱒᱐᱒᱒ ᱨᱮ ᱟᱡᱟᱜ ᱦᱚᱠᱤ᱕ ᱮᱥ ᱥᱤᱱᱤᱭᱚᱨ ᱵᱷᱟᱨᱚᱛ ᱰᱮᱵᱭᱩᱭ ᱠᱮᱫᱟ᱾ ᱜᱷᱟᱹᱞ ᱠᱷᱟᱹᱛᱤᱨ ᱞᱮᱼᱟᱣᱩᱴ ᱛᱟᱭᱚᱢ, ᱩᱱᱤ ᱫᱚ ᱵᱷᱩᱵᱽᱱᱮᱥᱚᱨ ᱨᱮ ᱮᱯᱷᱟᱭᱤᱮᱪ ᱯᱨᱳᱼᱞᱤᱜᱽ ᱞᱟᱹᱜᱤᱫ ᱥᱤᱱᱤᱭᱚᱨ ᱤᱱᱰᱤᱭᱟ ᱴᱤᱢ ᱨᱮ ᱨᱩᱣᱟᱹᱲ ᱦᱮᱡ ᱮᱱᱟ, ᱡᱟᱦᱟᱸᱨᱮ ᱩᱱᱤ ᱫᱚ ᱪᱤᱱ ᱵᱤᱨᱩᱫᱷ ᱨᱮ ᱟᱡᱟᱜ ᱢᱮᱰᱮᱱ ᱤᱱᱰᱤᱭᱟ ᱠᱮᱯ ᱮ ᱧᱟᱢ ᱠᱮᱫᱟ᱾ ᱡᱟᱱᱩᱣᱟᱨᱤ ᱒᱐᱒᱔ ᱥᱟᱞᱮ ᱨᱮ, ᱩᱱᱤ ᱫᱚ ᱢᱟᱥᱠᱚᱴ, ᱳᱢᱟᱱ ᱨᱮ ᱦᱩᱭ ᱞᱮᱱ ᱒᱐᱒᱔ ᱛᱤᱨᱞᱟᱹ ᱮᱯᱷᱟᱭᱤᱮᱪ ᱦᱚᱠᱤ᱕ ᱮᱥ ᱣᱟᱨᱞᱰ ᱠᱟᱯ ᱨᱮ ᱨᱩᱯᱟᱹ ᱡᱤᱛᱠᱟᱹᱨ ᱵᱷᱟᱨᱚᱛᱤᱭᱚ ᱴᱤᱢ ᱨᱮᱱ ᱦᱤᱸᱥ ᱮ ᱛᱟᱦᱮᱸ ᱠᱟᱱᱟ᱾
ᱥᱤᱨᱯᱷᱟᱹ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱒᱐᱒᱑ ᱥᱟᱞᱮ ᱨᱮ, ᱩᱱᱤ ᱫᱚ ᱮᱯᱷᱟᱭᱤᱮᱪ ᱛᱤᱨᱞᱟᱹ ᱠᱚᱣᱟᱜ ᱨᱟᱭᱤᱡᱤᱝ ᱥᱴᱟᱨ ᱚᱯᱷ ᱫᱟ ᱤᱭᱚᱨ ᱥᱤᱨᱯᱷᱟᱹᱭ ᱧᱟᱢ ᱠᱮᱫᱟ᱾
- ᱒᱐᱒᱒ ᱥᱟᱞᱮ ᱨᱮ, ᱩᱱᱤ ᱫᱚ ᱦᱚᱠᱤ ᱤᱱᱰᱤᱭᱟ ᱨᱮᱱᱟᱜ ᱮᱥᱩᱱᱛᱟ ᱞᱟᱠᱨᱟ ᱟᱣᱟᱨᱰ ᱯᱷᱚᱨ ᱟᱯᱠᱚᱢᱤᱝ ᱯᱞᱮᱭᱟᱨ ᱚᱯᱷ ᱫᱟ ᱤᱭᱚᱨ ᱮ ᱧᱟᱢ ᱠᱮᱫᱟ᱾