ᱢᱩᱱ ᱢᱩᱱ ᱥᱮᱱ

ᱢᱩᱱ ᱢᱩᱱ ᱥᱮᱱ, ᱡᱟᱦᱟᱸ ᱢᱩᱱᱢᱩᱱ ᱥᱮᱱ (ᱡᱟᱱᱟᱢ ᱥᱨᱤᱢᱟᱛᱤ ᱥᱮᱱ; ᱒᱘ ᱢᱟᱨᱪ ᱑᱙᱕᱔), ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ ᱠᱟᱱᱟᱭ, ᱚᱠᱚᱭ ᱦᱤᱱᱫᱤ, ᱵᱟᱝᱞᱟ, ᱢᱟᱞᱟᱭᱟᱞᱟᱢ, ᱠᱟᱱᱱᱟᱰᱟ, ᱛᱮᱞᱩᱜᱩ, ᱛᱟᱢᱤᱞ, ᱟᱨ ᱢᱟᱨᱟᱴᱷᱤ ᱯᱷᱤᱞᱢ ᱨᱮ ᱟᱡᱟᱜ ᱠᱟᱹᱢᱤ ᱞᱟᱹᱜᱤᱫ ᱵᱟᱰᱟᱭᱚᱜ ᱠᱟᱱᱟᱭ᱾ ᱩᱱᱤ ᱢᱩᱪᱟᱹᱫ ᱨᱮ ᱵᱳᱞᱤᱣᱩᱰ ᱯᱷᱤᱞᱢ ᱨᱮ ᱥᱴᱟᱨ ᱠᱮᱫᱟ᱾ ᱩᱱᱤ ᱖᱐ ᱯᱷᱤᱞᱢ ᱟᱨ ᱔᱐ ᱴᱮᱞᱤᱵᱷᱤᱡᱚᱱ ᱥᱤᱨᱤᱡ ᱨᱮ ᱧᱮᱞ ᱟᱠᱟᱱᱟ᱾ ᱩᱱᱤ ᱑᱙᱘᱗ ᱥᱟᱞ ᱨᱮ ᱥᱤᱨᱤᱵᱮᱱᱮᱞᱟ ᱯᱷᱤᱞᱢ ᱨᱮ ᱟᱡᱟᱜ ᱨᱳᱞ ᱞᱟᱹᱜᱤᱫ ᱵᱮᱥᱴ ᱥᱚᱯᱳᱨᱴᱤᱝ ᱮᱠᱴᱨᱮᱥ ᱨᱮᱱᱟᱜ ᱟᱱᱫᱷᱨᱟ ᱯᱨᱚᱫᱮᱥ ᱥᱴᱮᱴ ᱱᱟᱱᱰᱤ ᱥᱤᱨᱯᱷᱟᱹ ᱮ ᱧᱟᱢ ᱟᱠᱟᱫᱟ᱾

ᱮᱛᱚᱦᱚᱵ ᱡᱤᱭᱚᱱ

ᱢᱩᱱ ᱢᱩᱱ ᱥᱮᱱ ᱠᱚᱞᱠᱟᱛᱟ (ᱱᱤᱛᱟᱜ ᱠᱳᱞᱠᱟᱛᱟ) ᱨᱮ ᱵᱟᱝᱜᱟᱞᱤ ᱮᱠᱴᱨᱮᱥ ᱥᱩᱪᱤᱛᱨᱟ ᱥᱮᱱ ᱟᱨ ᱫᱤᱵᱟᱱᱟᱛᱷ ᱥᱮᱱ ᱴᱷᱮᱱ ᱡᱟᱱᱟᱢ ᱞᱮᱱᱟᱭ᱾ ᱟᱡ ᱨᱮᱱ ᱵᱟᱵᱟ, ᱵᱟᱞᱤᱜᱟᱱᱡ ᱯᱮᱞᱮᱥ ᱨᱮᱱ ᱛᱟᱦᱮᱸ ᱠᱟᱱᱟ ᱟᱨ ᱠᱚᱞᱠᱟᱛᱟ ᱨᱮᱱ ᱡᱚᱛᱚ ᱠᱷᱚᱱ ᱠᱤᱥᱟᱬ ᱵᱤᱡᱱᱮᱥᱢᱮᱱ ᱟᱫᱤᱱᱟᱛᱷ ᱥᱮᱱ ᱨᱮᱱ ᱦᱚᱯᱚᱱ ᱮ ᱛᱟᱦᱮᱸ ᱠᱟᱱᱟ᱾ ᱟᱡ ᱨᱮᱱ ᱢᱟᱨᱟᱝ-ᱦᱟᱲᱟᱢ ᱫᱤᱱᱟᱱᱟᱛᱷ ᱥᱮᱱ ᱛᱨᱤᱯᱩᱨᱟ ᱨᱮᱱ ᱢᱟᱦᱟᱨᱟᱡᱟ ᱟᱜ ᱫᱤᱵᱟᱱ ᱥᱮ ᱢᱤᱱᱤᱥᱴᱟᱨ ᱮ ᱛᱟᱦᱮᱸ ᱠᱟᱱᱟ᱾

ᱩᱱᱤ ᱞᱳᱨᱮᱴᱳ ᱠᱳᱱᱵᱷᱮᱱᱴ, ᱥᱤᱞᱳᱝ ᱟᱨ ᱞᱳᱨᱮᱴᱳ ᱦᱟᱟᱣᱩᱥ, ᱠᱳᱞᱠᱟᱛᱟ ᱨᱮᱭ ᱥᱮᱪᱮᱫ ᱮᱱᱟ᱾ ᱩᱱᱤ ᱥᱳᱢᱟᱨᱵᱷᱤᱞᱮ ᱠᱚᱞᱮᱡᱽ, ᱚᱠᱥᱯᱷᱚᱨᱰ ᱠᱷᱚᱱ ᱟᱡᱟᱜ ᱜᱨᱮᱡᱩᱣᱮᱥᱚᱱ ᱯᱩᱨᱟᱹᱣ ᱠᱮᱫᱟ ᱟᱨ ᱡᱟᱫᱟᱵᱯᱩᱨ ᱭᱩᱱᱤᱵᱷᱟᱨᱥᱤᱴᱤ, ᱠᱳᱞᱠᱟᱛᱟ ᱠᱷᱚᱱ ᱠᱚᱢᱯᱮᱨᱮᱴᱤᱵᱷ ᱞᱤᱴᱟᱨᱮᱪᱟᱨ ᱨᱮ ᱢᱟᱥᱴᱟᱨ ᱨᱮᱭᱟᱜ ᱰᱤᱜᱽᱨᱤ ᱮ ᱧᱟᱢ ᱠᱮᱫᱟ᱾^[᱑]^[᱒]

ᱢᱤᱫ ᱜᱤᱫᱽᱨᱟᱹ ᱞᱮᱠᱟᱛᱮ ᱥᱮᱱ ᱵᱷᱟᱨᱚᱛ ᱨᱮᱱ ᱟᱹᱰᱤ ᱢᱟᱨᱟᱝ ᱟᱨᱴᱤᱥᱴ ᱠᱷᱚᱱ ᱡᱟᱟᱢᱤᱱᱤ ᱨᱟᱭ ᱴᱷᱮᱱ ᱪᱤᱛᱟᱹᱨ ᱵᱮᱱᱟᱣ ᱮ ᱪᱮᱫ ᱞᱮᱱᱟ᱾^[᱓] ᱩᱱᱤ ᱪᱤᱛᱟᱹᱨ ᱠᱚ ᱟᱹᱰᱤ ᱠᱩᱥᱤᱭᱟᱜ ᱛᱟᱦᱮᱸᱱ ᱟᱨ ᱮᱱᱴᱤᱠᱥ ᱡᱟᱣᱨᱟ ᱠᱚᱭ ᱠᱩᱥᱤᱭᱟᱜ ᱛᱟᱦᱮᱸᱱ᱾ ᱒᱐᱐᱐ ᱥᱟᱞ ᱨᱮ ᱢᱤᱫ ᱤᱱᱴᱟᱨᱵᱷᱤᱭᱩ ᱨᱮ ᱩᱱᱤ ᱢᱮᱱ ᱞᱮᱫᱟ ᱡᱮ ᱩᱱᱤ ᱵᱟᱞᱤᱜᱩᱸᱡ ᱜᱳᱵᱷᱚᱨᱱᱢᱮᱱᱴ ᱦᱟᱭ ᱥᱠᱩᱞ ᱨᱮ ᱢᱤᱫ ᱥᱮᱨᱢᱟ ᱞᱟᱹᱜᱤᱫ ᱮ ᱯᱟᱲᱦᱟᱣ ᱞᱮᱫ ᱛᱟᱦᱮᱸᱱ ᱟᱨ ᱛᱚᱵᱮ ᱪᱤᱛᱨᱟᱵᱟᱱᱤ ᱨᱮ ᱜᱽᱨᱟᱯᱷᱤᱠᱥ ᱮ ᱯᱟᱲᱦᱟᱣ ᱞᱮᱫᱟ, ᱢᱤᱫ ᱥᱠᱩᱞ ᱯᱷᱤᱞᱢ ᱴᱮᱠᱱᱤᱠ ᱮ ᱯᱟᱲᱦᱟᱣ ᱞᱮᱫ ᱛᱟᱦᱮᱸᱱ᱾ ᱩᱱᱤ ᱥᱟᱶᱛᱟᱨᱤ ᱠᱟᱹᱢᱤ ᱨᱮᱦᱚᱸ ᱮᱠᱴᱤᱵᱷ ᱮ ᱛᱟᱦᱮᱸ ᱠᱟᱱᱟ ᱟᱨ ᱩᱱᱤ ᱵᱟᱯᱞᱟᱜ ᱢᱟᱲᱟᱝ ᱦᱚᱸ ᱢᱤᱫ ᱵᱮᱵᱤ ᱮ ᱦᱟᱛᱟᱣ ᱫᱚᱦᱚᱭ ᱨᱮᱭᱟᱜ ᱮ ᱵᱷᱟᱵᱱᱟ ᱛᱟᱦᱮᱸᱱ᱾ ᱥᱮᱱ ᱯᱷᱤᱞᱢ ᱨᱮ ᱥᱮᱞᱮᱫ ᱞᱟᱦᱟᱨᱮ ᱠᱚᱞᱠᱟᱛᱟ ᱨᱮᱭᱟᱜ ᱢᱤᱫ ᱵᱟᱰᱟᱭ ᱠᱟᱱ ᱠᱚᱲᱟ ᱨᱮᱭᱟᱜ ᱥᱠᱩᱞ (ᱵᱟᱞᱤᱜᱩᱸᱡ ᱜᱳᱵᱷᱚᱨᱱᱢᱮᱸᱴ ᱦᱟᱭ ᱥᱠᱩᱞ) ᱨᱮ ᱤᱝᱜᱽᱞᱤᱥ ᱮ ᱯᱟᱲᱦᱟᱣ ᱞᱮᱫ ᱛᱟᱦᱮᱸᱱ᱾

ᱠᱟᱹᱢᱤ

ᱮᱠᱴᱤᱝ ᱠᱟᱹᱢᱤ

ᱢᱩᱱ ᱢᱩᱱ ᱥᱮᱱ ᱵᱟᱯᱞᱟ ᱟᱨ ᱟᱭᱳ ᱛᱟᱭᱚᱢ ᱯᱷᱤᱞᱢ ᱟᱨ ᱴᱮᱞᱤᱵᱷᱤᱡᱚᱱ ᱨᱮ ᱟᱡᱟᱜ ᱠᱟᱹᱢᱤ ᱮ ᱮᱛᱚᱦᱚᱵ ᱞᱮᱫᱟ᱾^[᱔] ᱩᱱᱤ ᱟᱱᱫᱟᱨ ᱵᱟᱟᱦᱟᱨ (᱑᱙᱘᱔) ᱨᱮ ᱰᱮᱵᱭᱩᱴ ᱮ ᱵᱮᱱᱟᱣ ᱠᱮᱫᱟ᱾ ᱚᱱᱟ ᱯᱷᱤᱞᱢ ᱨᱮ ᱟᱡᱟᱜ ᱫᱤᱞ ᱨᱮᱭᱟᱜ ᱨᱳᱞ ᱯᱟᱹᱛᱭᱟᱹᱣ ᱨᱮ ᱞᱟᱹᱲᱠᱟᱹᱣ ᱡᱷᱚᱸᱡᱷᱟᱣᱟᱛ ᱮ ᱵᱮᱱᱟᱣ ᱠᱮᱫᱟ᱾

ᱩᱱᱤ ᱢᱟᱫᱷᱩᱨᱤ ᱫᱤᱠᱥᱤᱛ ᱥᱟᱶ ᱢᱤᱫ ᱥᱟᱥᱯᱮᱸᱥ ᱛᱷᱨᱤᱞᱟᱨ ᱑᱐᱐ ᱰᱮᱡᱽ ᱨᱮ ᱦᱚᱸ ᱥᱴᱟᱨ ᱟᱠᱟᱱᱟᱭ᱾ ᱡᱟᱠᱷᱢᱤ ᱫᱤᱞ (᱑᱙᱙᱔) ᱛᱟᱭᱚᱢ ᱩᱱᱤ ᱒᱐᱐᱓ ᱥᱟᱞ ᱫᱷᱟᱹᱵᱤᱡ ᱯᱷᱤᱞᱢ ᱨᱮ ᱵᱟᱭ ᱧᱮᱞ ᱞᱮᱱᱟ ᱡᱚᱠᱷᱚᱱ ᱩᱱᱤ ᱢᱤᱫ ᱵᱟᱝ ᱥᱟᱠᱥᱮᱥ ᱛᱷᱨᱤᱞᱟᱨ ᱠᱩᱪ ᱴᱳ ᱦᱟᱭ ᱨᱮ ᱥᱴᱟᱨ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱛᱮᱞᱩᱜᱩ ᱢᱩᱵᱷᱤ ᱥᱤᱨᱤᱵᱮᱱᱮᱞᱟ ᱨᱮ ᱦᱚᱸ ᱠᱟᱹᱢᱤ ᱟᱠᱟᱫᱟ ᱚᱠᱟ ᱞᱤᱡᱮᱱᱰᱟᱨᱤ ᱛᱮᱞᱩᱜᱩ ᱰᱤᱨᱮᱠᱴᱚᱨ ᱠᱮᱹ ᱵᱤᱥᱣᱟᱱᱟᱛᱷ ᱦᱚᱛᱮᱛᱮ ᱰᱤᱨᱮᱠᱴ ᱦᱩᱭ ᱟᱠᱟᱱ ᱛᱟᱦᱮᱸᱱ᱾

ᱯᱷᱤᱞᱢ ᱤᱱᱰᱟᱥᱴᱨᱤ ᱨᱮ ᱥᱮᱞᱮᱫ ᱢᱟᱲᱟᱝ ᱟᱨ ᱛᱟᱭᱚᱢ, ᱩᱱᱤ ᱠᱤᱪᱷᱩ ᱢᱳᱰᱮᱞᱤᱝ ᱮᱥᱟᱭᱤᱱᱢᱮᱱᱴ ᱨᱮ ᱮᱠᱞᱟ (ᱥᱮ ᱟᱡ ᱨᱮᱱ ᱦᱚᱯᱚᱱ ᱮᱨᱟ ᱥᱟᱶᱛᱮ) ᱧᱮᱞ ᱞᱮᱱᱟ᱾ ᱩᱱᱤ ᱥᱳᱯ ᱮᱰ ᱞᱟᱹᱜᱤᱫ ᱱᱳᱴᱮᱵᱞᱤ ᱢᱳᱰᱮᱞ ᱮ ᱵᱮᱱᱟᱣ ᱞᱮᱱ ᱛᱟᱦᱮᱸᱱ ᱚᱠᱟ ᱑᱙᱘᱐ ᱥᱟᱞ ᱨᱮ ᱟᱹᱰᱤ ᱵᱤᱵᱟᱫᱤᱛ ᱛᱟᱦᱮᱸ ᱠᱟᱱᱟ᱾ ᱠᱤᱪᱷᱩ ᱴᱮᱞᱤᱵᱷᱤᱡᱚᱱ ᱥᱤᱨᱤᱡ ᱠᱚᱨᱟᱣ ᱠᱷᱚᱱ ᱵᱮᱜᱚᱨ, ᱩᱱᱤ ᱵᱟᱝᱜᱟᱞᱤ ᱴᱮᱞᱤ-ᱯᱷᱤᱞᱢ ᱡᱩᱨᱤ ᱠᱷᱚᱱ ᱦᱚᱸ ᱢᱤᱫ ᱵᱟᱨ ᱠᱚᱨᱟᱣ ᱟᱠᱟᱫᱟ᱾

ᱥᱟᱹᱠᱷᱭᱟᱹᱛ

↑ "Moon Moon Sen Biography". Retrieved 26 August 2018.
↑ "Focus on IIFCL refinance to pump in Rs 75,000 crore". 6 January 2009. Archived from the original on 1 May 2010. Retrieved 7 October 2008.
↑ "Sorry". The Indian Express. Retrieved 6 July 2012.
↑ "The Tribune, Chandigarh, India - NCR stories".

ᱵᱟᱦᱨᱮ ᱡᱚᱱᱚᱲ

ᱢᱩᱱ ᱢᱩᱱ ᱥᱮᱱ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)

[bollywoodmdb-1] "Moon Moon Sen Biography". Retrieved 26 August 2018.

[Screen-2] "Focus on IIFCL refinance to pump in Rs 75,000 crore". 6 January 2009. Archived from the original on 1 May 2010. Retrieved 7 October 2008.

[3] "Sorry". The Indian Express. Retrieved 6 July 2012.

[4] "The Tribune, Chandigarh, India - NCR stories".

[᱑]

[᱒]

[᱓]

[᱔]