ᱢᱮᱜᱷᱱᱟᱫ ᱴᱩᱰᱩ
ᱢᱮᱜᱷᱱᱟᱫ ᱴᱩᱰᱩ ᱫᱚ ᱢᱤᱫ ᱥᱟᱶᱛᱟ ᱠᱟᱹᱢᱤᱭᱟᱹ ᱟᱨ ᱚᱱᱚᱞᱤᱭᱟᱹᱭ ᱛᱟᱦᱮ ᱠᱟᱱᱟ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱮᱜᱷᱱᱟᱫ ᱴᱩᱰᱩ ᱫᱚ ᱑᱙᱔᱒ ᱥᱮᱨᱢᱟ ᱨᱮᱭᱟᱜ ᱑᱐ ᱥᱮᱯᱴᱮᱢᱵᱚᱨ ᱦᱤᱞᱳᱜ ᱳᱰᱤᱥᱟ ᱨᱮᱱᱟᱜ ᱢᱚᱭᱩᱨᱵᱷᱚᱸᱡᱽ ᱦᱚᱱᱚᱛ ᱨᱮ ᱢᱮᱱᱟᱜ ᱱᱚᱞᱜᱚᱡᱟ ᱰᱟᱠ ᱚᱲᱟᱜ ᱟᱣᱛᱟ ᱨᱮ ᱢᱮᱱᱟᱜ ᱤᱴᱟᱹᱦᱟᱹᱨᱤ ᱟᱛᱳ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱟᱯᱟᱛ ᱧᱩᱛᱩᱢ ᱫᱚ ᱨᱟᱢᱪᱚᱸᱫᱽᱨᱚ ᱴᱩᱰᱩ ᱟᱨ ᱟᱭᱳ ᱫᱚ ᱥᱟᱞᱜᱮ ᱴᱩᱰᱩ᱾
ᱚᱞ ᱯᱟᱲᱦᱟᱣ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱛᱳ ᱟᱥᱲᱟ ᱠᱷᱚᱱ ᱜᱮ ᱩᱱᱤᱭᱟᱜ ᱮᱛᱚᱦᱚᱵ ᱥᱮᱪᱮᱫ ᱫᱚ ᱮᱦᱚᱵ ᱞᱮᱱ ᱛᱟᱭᱟ᱾ ᱛᱟᱭᱚᱢ, ᱠᱷᱩᱣᱟᱨᱰ ᱰᱤ.ᱠᱮ. ᱩᱥᱩᱞ ᱵᱤᱨᱫᱟᱹᱜᱟᱲ ᱨᱮᱭ ᱵᱷᱩᱨᱛᱤ ᱞᱮᱱᱟ ᱟᱨ ᱚᱸᱰᱮ ᱠᱷᱚᱱ ᱜᱮ ᱑᱙᱖᱐ ᱥᱮᱨᱢᱟ ᱨᱮ ᱢᱮᱴᱨᱤᱠ ᱦᱚᱸᱭ ᱯᱟᱥ ᱞᱮᱫᱟ᱾ ᱚᱱᱟ ᱛᱟᱭᱚᱢ ᱮᱢ.ᱥᱤ.ᱯᱤ ᱠᱚᱞᱮᱡᱽ ᱵᱟᱨᱤᱯᱟᱫᱟ ᱠᱷᱚᱱ ᱑᱙᱖᱖ ᱥᱮᱨᱢᱟ ᱨᱮ ᱵᱤ.ᱮ. ᱯᱟᱥ ᱞᱮᱫᱟᱭ᱾ ᱑᱙᱗᱑ ᱥᱮᱨᱢᱟ ᱨᱮ ᱵᱟᱱᱤ ᱵᱤᱦᱟᱨ ᱩᱛᱠᱚᱞ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱠᱷᱚᱱ ᱨᱟᱡᱽᱟᱹᱨᱤ ᱥᱟᱬᱮᱥ ᱥᱟᱛᱟᱢ ᱨᱮ ᱮᱢ.ᱮ ᱟᱨ ᱑᱙᱗᱓ ᱥᱮᱨᱢᱟ ᱨᱮ ᱠᱚᱴᱚᱠ ᱨᱮᱭᱟᱜ ᱢᱚᱫᱷᱩᱥᱩᱫᱚᱱ ᱠᱚ ᱠᱚᱞᱮᱡᱽ ᱠᱷᱚᱱ ᱮᱞ.ᱮᱞ.ᱵᱤ ᱯᱟᱥ ᱞᱮᱫᱟᱭ᱾
ᱠᱟᱹᱢᱤ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱟᱹᱢᱤ ᱡᱤᱭᱚᱱ ᱨᱮ ᱩᱱᱤ ᱫᱚ ᱳᱰᱤᱥᱟ ᱥᱮᱠᱨᱮᱴᱟᱨᱤᱭᱮᱴ ᱨᱮᱭ ᱥᱮᱞᱮᱫ ᱞᱮᱱᱟ᱾ ᱠᱟᱹᱢᱤ ᱴᱷᱟᱶ ᱫᱚ ᱛᱟᱦᱮ ᱠᱟᱱ ᱛᱟᱭᱟ ᱵᱷᱩᱵᱽᱱᱮᱥᱣᱚᱨ᱾ ᱱᱚᱸᱰᱮ ᱠᱷᱚᱱ ᱜᱮ ᱒᱐᱐᱒ ᱥᱮᱨᱢᱟ ᱨᱮ ᱡᱤᱛᱟᱹᱣ ᱮ ᱦᱟᱛᱟᱣ ᱞᱮᱫᱟ᱾
ᱚᱞ ᱵᱮᱞ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱚᱞᱮᱡᱽ ᱡᱤᱭᱚᱱ ᱠᱷᱚᱱ ᱜᱮ ᱥᱟᱶᱦᱮᱫ ᱪᱟᱨᱪᱟᱭ ᱨᱮᱭ ᱟᱬᱜᱳ ᱞᱮᱱᱟ᱾ ᱥᱟᱶᱛᱟ, ᱟᱹᱨᱤᱪᱟᱹᱞᱤ ᱥᱟᱛᱟᱢ ᱪᱮᱛᱟᱱ ᱚᱱᱚᱞ ᱪᱷᱟᱰᱟ ᱠᱟᱛᱮ ᱦᱚᱸ ᱥᱮᱨᱮᱧ ᱟᱨ ᱚᱱᱚᱬᱦᱮᱸ ᱠᱚᱭ ᱚᱞ ᱟᱠᱟᱫᱟ᱾ ᱥᱟᱜᱮᱱ ᱥᱟᱠᱟᱢ, ᱪᱟᱹᱭ ᱪᱟᱢᱯᱟ, ᱯᱷᱟᱹᱜᱩᱱ ᱠᱚᱭᱮᱞ ᱮᱢᱟᱱ ᱯᱟᱛᱷᱟᱢ ᱠᱚᱨᱮ ᱟᱡᱟᱜ ᱚᱞ ᱪᱷᱟᱯᱟ ᱥᱚᱫᱚᱨ ᱟᱠᱟᱱᱟ᱾
ᱚᱞ ᱯᱩᱛᱷᱤ[᱑]
- ᱚᱛᱱᱚᱜ - ᱑᱙᱘᱒ ᱥᱮᱨᱢᱟ ᱨᱮ
ᱥᱟᱶᱛᱟ ᱪᱮᱛᱟᱱ ᱠᱟᱹᱢᱤ ᱞᱟᱹᱜᱤᱫ ᱛᱮ ᱩᱱᱤ ᱫᱚ ᱟᱹᱰᱤ ᱜᱟᱱ ᱜᱚᱱᱚᱴᱷᱚᱱ ᱥᱟᱞᱟᱜ ᱡᱚᱯᱲᱟᱣ ᱣ ᱛᱟᱦᱮ ᱠᱟᱱᱟ᱾