ᱢᱮᱜᱽᱱᱚᱥ ᱠᱟᱨᱞᱥᱮᱱ
ᱢᱮᱜᱽᱱᱚᱥ ᱠᱟᱨᱞᱥᱮᱱ | |
|---|---|
 2024 ᱨᱮ ᱠᱟᱨᱞᱥᱮᱱ | |
| ᱯᱩᱨᱟᱹ ᱧᱩᱛᱩᱢ | ᱥᱣᱮᱱ ᱢᱮᱜᱽᱱᱚᱥ ᱳᱣᱮᱱ ᱠᱟᱨᱞᱥᱮᱱ |
| ᱫᱤᱥᱚᱢ | ᱱᱚᱨᱣᱮ |
| ᱡᱟᱱᱟᱢ | ᱓᱐ ᱱᱚᱵᱷᱮᱢᱵᱚᱨ ᱑᱙᱙᱐ ᱴᱳᱱᱥᱵᱟᱨᱜᱽ, ᱱᱚᱨᱣᱮ |
| ᱢᱟᱹᱱ | ᱜᱽᱨᱟᱸᱰᱢᱟᱥᱴᱟᱨ (2004) |
| ᱡᱮᱜᱮᱛ ᱪᱮᱢᱯᱤᱭᱚᱱ | 2013–2023 |
| ᱯᱷᱤᱰᱮᱹ ᱨᱮᱴᱤᱝ | 2839 (ᱚᱜᱚᱥᱴ 2025) |
| Peak rating | 2882 (ᱢᱮ 2014) |
| ᱨᱮᱝᱠᱤᱝ | No. 1 (ᱚᱜᱚᱥᱴ 2025) |
| ᱩᱥᱩᱞ ᱨᱮᱝᱠᱮᱝ | No. 1 (ᱡᱟᱱᱩᱣᱟᱨᱤ 2010)ᱡᱟᱱᱩᱣᱟᱨᱤ |
ᱢᱮᱜᱽᱱᱚᱥ ᱠᱟᱨᱞᱥᱮᱱ ᱵᱟᱝᱢᱟ ᱥᱣᱮᱱ ᱢᱮᱜᱽᱱᱚᱥ ᱳᱣᱮᱱ ᱠᱟᱨᱞᱥᱮᱱ (ᱡᱟᱱᱟᱢ ᱓᱐ ᱱᱚᱵᱷᱮᱢᱵᱚᱨ ᱑᱙᱙᱐) ᱫᱚ ᱢᱤᱫ ᱱᱚᱨᱣᱮᱭᱤᱡᱽ ᱪᱮᱥ ᱜᱽᱨᱟᱸᱰᱢᱟᱥᱴᱟᱨ ᱠᱟᱱᱟᱭ᱾ ᱠᱟᱨᱞᱥᱮᱱ ᱫᱚ ᱢᱚᱬᱮ ᱫᱷᱟᱣ ᱡᱮᱜᱮᱛ ᱪᱮᱥ ᱪᱟᱢᱯᱤᱭᱟᱱ, ᱢᱚᱬᱮ ᱫᱷᱟᱣ ᱡᱮᱜᱮᱛ ᱨᱟᱯᱤᱰ ᱪᱮᱥ ᱪᱟᱢᱯᱤᱭᱟᱱ, ᱟᱨ ᱤᱨᱟᱹᱞ ᱫᱷᱟᱣ ᱡᱮᱜᱮᱛ ᱵᱞᱤᱴᱡᱽ ᱪᱮᱥ ᱪᱟᱢᱯᱤᱭᱟᱱ (ᱟᱭᱟᱱ ᱱᱮᱯᱳᱢᱱᱤᱭᱟᱠᱪᱤ ᱥᱟᱶ ᱢᱮᱥᱟ ᱠᱟᱛᱮ) ᱠᱟᱱᱟᱭ᱾ ᱩᱱᱤ ᱫᱚ ᱑ ᱡᱩᱞᱟᱭ ᱒᱐᱑᱑ ᱠᱷᱚᱱ FIDE ᱨᱮᱝᱠᱤᱝ ᱨᱮ ᱱᱚᱢᱵᱚᱨ ᱑ ᱴᱷᱟᱶ ᱨᱮ ᱢᱮᱱᱟᱭᱟ, ᱡᱟᱦᱟᱸ ᱫᱚ ᱟᱹᱰᱤ ᱡᱤᱞᱤᱧ ᱚᱠᱛᱚ ᱦᱟᱹᱵᱤᱡ ᱢᱮᱱᱟᱭᱟ,[᱑] ᱟᱨ ᱡᱮᱜᱮᱛ ᱨᱮ ᱟᱹᱰᱤ ᱡᱟᱹᱥᱛᱤ ᱨᱮᱴᱤᱝ ᱟᱱ ᱠᱷᱮᱞᱚᱸᱰᱤᱭᱟᱹ ᱞᱮᱠᱟᱛᱮ ᱜᱟᱨᱨᱤ ᱠᱟᱥᱯᱟᱨᱳᱵᱷ ᱛᱟᱭᱚᱢ ᱨᱮ ᱢᱮᱱᱟᱭᱟ᱾ ᱟᱡᱟᱜ ᱴᱩᱭ (peak) ᱨᱮᱴᱤᱝ ᱒᱘᱘᱒ ᱫᱚ ᱱᱟᱜᱟᱢ ᱨᱮ ᱟᱹᱰᱤ ᱡᱟᱹᱥᱛᱤ ᱜᱮᱭᱟ᱾ ᱩᱱᱤ ᱫᱚ ᱑᱒᱕ ᱜᱮᱢ ᱨᱮ ᱠᱞᱟᱥᱤᱠᱟᱞ ᱪᱮᱥ ᱨᱮ ᱟᱹᱰᱤ ᱡᱤᱞᱤᱧ ᱚᱠᱛᱚ ᱞᱟᱹᱜᱤᱫ ᱛᱮ ᱟᱡᱟᱜ ᱡᱤᱛᱠᱟᱹᱨ ᱴᱷᱟᱶ ᱮ ᱟᱢᱮᱴ ᱫᱚᱦᱚ ᱟᱠᱟᱫᱟ᱾[᱑][᱒]
ᱠᱟᱨᱞᱥᱮᱱ ᱫᱚ ᱢᱤᱫ ᱪᱮᱥ ᱯᱨᱚᱰᱤᱡᱤ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱑᱓ ᱵᱚᱪᱷᱚᱨ ᱩᱢᱮᱨ ᱨᱮ ᱠᱳᱨᱩᱥ ᱪᱮᱥ ᱴᱩᱨᱱᱟᱢᱮᱱᱴ ᱨᱮᱱᱟᱜ ᱥᱤ ᱜᱽᱨᱩᱯ ᱨᱮ ᱯᱩᱭᱞᱩ ᱦᱚᱲ ᱮ ᱦᱩᱭ ᱞᱮᱱᱟ ᱟᱨ ᱛᱟᱭᱚᱢ ᱛᱮ ᱜᱽᱨᱟᱸᱰᱢᱟᱥᱴᱟᱨ ᱴᱟᱭᱴᱮᱞ ᱮ ᱧᱟᱢ ᱞᱮᱫᱟ᱾ ᱑᱕ ᱵᱚᱪᱷᱚᱨ ᱩᱢᱮᱨ ᱨᱮ, ᱩᱱᱤ ᱫᱚ ᱱᱚᱨᱣᱮᱭᱤᱡᱽ ᱪᱮᱥ ᱪᱟᱢᱯᱤᱭᱟᱱᱥᱤᱯ ᱮ ᱡᱤᱛᱟᱹᱣ ᱞᱮᱱᱟ, ᱟᱨ ᱛᱟᱭᱚᱢ ᱛᱮ ᱒᱐᱐᱕ ᱨᱮ ᱠᱮᱱᱰᱤᱰᱮᱴᱥ ᱴᱩᱨᱱᱟᱢᱮᱱᱴ ᱨᱮ ᱡᱚᱛᱚ ᱠᱷᱚᱱ ᱠᱚᱢ ᱩᱢᱮᱨᱟᱱ ᱠᱷᱮᱞᱚᱸᱰᱤᱭᱟᱹ ᱮ ᱵᱮᱱᱟᱣ ᱞᱮᱱᱟ᱾[᱓] ᱑᱗ ᱵᱚᱪᱷᱚᱨ ᱩᱢᱮᱨ ᱨᱮ, ᱩᱱᱤ ᱫᱚ ᱠᱳᱨᱩᱥ ᱨᱮᱱᱟᱜ ᱴᱚᱯ ᱜᱽᱨᱩᱯ ᱨᱮ ᱡᱚᱲᱟᱣ ᱯᱩᱭᱞᱩ ᱥᱟᱹᱛ ᱞᱮᱫᱼᱟ᱾ ᱩᱱᱤ ᱫᱚ ᱑᱘ ᱵᱚᱪᱷᱚᱨ ᱩᱢᱮᱨ ᱨᱮ ᱒᱘᱐᱐ ᱨᱮᱴᱤᱝ ᱮ ᱯᱟᱨᱚᱢ ᱞᱮᱫᱟ, ᱡᱟᱦᱟᱸ ᱫᱚ ᱚᱱᱟ ᱚᱠᱛᱚ ᱨᱮ ᱡᱚᱛᱚ ᱠᱷᱚᱱ ᱠᱚᱢ ᱩᱢᱮᱨᱟᱱ ᱠᱷᱮᱞᱚᱸᱰᱤᱭᱟᱹ ᱠᱟᱱᱟᱭ᱾ ᱒᱐᱑᱐ ᱨᱮ, ᱑᱙ ᱵᱚᱪᱷᱚᱨ ᱩᱢᱮᱨ ᱨᱮ, ᱩᱱᱤ ᱫᱚ FIDE ᱡᱮᱜᱮᱛ ᱨᱮᱝᱠᱤᱝ ᱨᱮ ᱱᱚᱢᱵᱚᱨ ᱑ ᱴᱷᱟᱶ ᱨᱮ ᱥᱮᱴᱮᱨ ᱞᱮᱱᱟᱭ, ᱡᱟᱦᱟᱸ ᱫᱚ ᱡᱚᱛᱚ ᱠᱷᱚᱱ ᱠᱚᱢ ᱩᱢᱮᱨᱟᱱ ᱠᱷᱮᱞᱚᱸᱰᱤᱭᱟᱹ ᱠᱟᱱᱟᱭ᱾
ᱠᱟᱨᱞᱥᱮᱱ ᱫᱚ ᱒᱐᱑᱓ ᱨᱮ ᱵᱤᱥᱣᱚᱱᱟᱛᱷᱚᱱ ᱟᱱᱚᱱᱫᱽ ᱦᱟᱨᱟᱣ ᱠᱟᱛᱮ ᱡᱮᱜᱮᱛ ᱪᱮᱥ ᱪᱟᱢᱯᱤᱭᱟᱱ ᱮ ᱵᱮᱱᱟᱣ ᱞᱮᱱᱟ᱾ ᱩᱱᱤ ᱫᱚ ᱚᱱᱟ ᱛᱟᱭᱚᱢ ᱥᱮᱨᱢᱟ ᱟᱱᱚᱱᱫᱽ ᱮ ᱦᱟᱨᱟᱣ ᱠᱮᱫᱮᱛᱮ ᱵᱟᱱᱟᱨ ᱨᱟᱯᱤᱰ ᱪᱟᱢᱯᱤᱭᱟᱱᱥᱤᱯ ᱟᱨ ᱡᱮᱜᱮᱛ ᱵᱽᱞᱤᱴᱡᱽ ᱪᱟᱢᱯᱤᱭᱟᱱᱥᱤᱯ ᱴᱟᱭᱴᱟᱞ ᱮ ᱫᱚᱦᱚ ᱞᱮᱫᱟ, ᱡᱟᱦᱟᱸ ᱫᱚ ᱢᱤᱫ ᱚᱠᱛᱚ ᱨᱮ ᱡᱚᱛᱚ ᱯᱮᱭᱟ ᱴᱟᱭᱴᱮᱞ ᱫᱚᱦᱚᱭᱤᱡ ᱯᱩᱭᱞᱩ ᱠᱷᱮᱞᱚᱸᱰᱤᱭᱟᱹᱭ ᱦᱩᱭ ᱞᱮᱱᱟ , ᱚᱱᱟ ᱨᱮᱠᱚᱨᱰ ᱒᱐᱑᱙ ᱟᱨ ᱒᱐᱒᱒ ᱨᱮ ᱩᱱᱤ ᱫᱚᱦᱲᱟ ᱞᱮᱫᱟᱭ᱾[᱔][᱕] ᱩᱱᱤ ᱫᱚ ᱒᱐᱑᱖ ᱨᱮ ᱥᱮᱨᱜᱮᱭ ᱠᱟᱨᱡᱟᱠᱤᱱ, ᱒᱐᱑᱘ ᱨᱮ ᱯᱷᱟᱵᱤᱭᱟᱱᱳ ᱠᱟᱨᱩᱣᱟᱱᱟ ᱟᱨ ᱒᱐᱒᱑ ᱨᱮ ᱟᱭᱟᱱ ᱱᱮᱯᱳᱢᱱᱤᱭᱟᱴᱪᱤ ᱵᱤᱨᱩᱫᱷ ᱨᱮ ᱟᱡᱟᱜ ᱠᱞᱟᱥᱤᱠᱟᱞ ᱡᱮᱜᱮᱛ ᱴᱟᱭᱴᱟᱞ ᱮ ᱵᱟᱧᱪᱟᱣ ᱫᱚᱦᱚ ᱞᱮᱫᱟ᱾ ᱠᱟᱨᱞᱥᱮᱱ ᱫᱚ ᱒᱐᱒᱓ ᱨᱮ ᱟᱡᱟᱜ ᱴᱟᱭᱴᱟᱞ ᱫᱚᱦᱚ ᱞᱟᱹᱜᱤᱫ ᱛᱮ ᱢᱚᱱᱮ ᱵᱟᱝ ᱛᱟᱦᱮᱸ ᱠᱟᱱ ᱠᱷᱟᱹᱛᱤᱨ ᱛᱮ ᱵᱟᱭ ᱫᱚᱦᱚ ᱞᱮᱫᱟ᱾[᱖]
ᱠᱟᱨᱞᱥᱮᱱ ᱫᱚ ᱢᱤᱫ ᱴᱤᱱᱮᱡᱚᱨ ᱞᱮᱠᱟᱛᱮ ᱟᱡᱟᱜ ᱟᱴᱟᱠᱤᱝ ᱥᱴᱟᱭᱤᱞ ᱞᱟᱹᱜᱤᱫ ᱛᱮ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱸᱫ, ᱢᱮᱱᱠᱷᱟᱱ ᱠᱟᱨᱞᱥᱮᱱ ᱫᱚ ᱛᱟᱭᱚᱢ ᱛᱮ ᱢᱤᱫ ᱡᱮᱜᱮᱛᱟᱹᱨᱤ ᱠᱷᱮᱞᱚᱸᱰᱤᱭᱟᱹᱭ ᱵᱮᱱᱟᱣ ᱞᱮᱱᱟ᱾ ᱩᱱᱤ ᱫᱚ ᱟᱡᱟᱜ ᱵᱤᱨᱩᱫᱷᱤ ᱠᱚ ᱥᱟᱯᱲᱟᱣ ᱠᱷᱚᱱ ᱟᱸᱴ ᱞᱟᱹᱜᱤᱫ ᱛᱮ ᱟᱨ ᱠᱚᱢᱯᱤᱭᱩᱴᱚᱨ ᱮᱱᱟᱞᱤᱥᱤᱥ ᱨᱮᱱᱟᱜ ᱵᱮᱵᱷᱟᱨ ᱠᱚᱢ ᱞᱟᱹᱜᱤᱫ ᱛᱮ ᱟᱹᱰᱤ ᱞᱮᱠᱟᱱ ᱮᱛᱚᱦᱚᱵ ᱠᱚᱭ ᱵᱮᱵᱷᱟᱨᱟ᱾[᱗] ᱒᱐᱒᱕ ᱨᱮ, ᱩᱱᱤ ᱫᱚ ᱤᱥᱯᱚᱨᱴᱥ ᱳᱨᱜᱟᱱᱟᱭᱡᱮᱥᱚᱱ ᱴᱤᱢ ᱞᱤᱠᱩᱣᱤᱰ ᱥᱟᱶ ᱪᱩᱠᱛᱤ ᱞᱮᱱᱟᱭ[᱘] ᱟᱨ ᱛᱟᱭᱚᱢ ᱛᱮ ᱒᱐᱒᱕ ᱤᱥᱯᱚᱨᱴᱥ ᱣᱟᱨᱞᱰ ᱠᱟᱯ ᱨᱮ ᱯᱩᱭᱞᱩ ᱪᱮᱥ ᱤᱵᱷᱮᱱᱴ ᱮ ᱡᱤᱛᱟᱹᱣ ᱞᱮᱱᱟ, ᱡᱟᱦᱟᱸ ᱨᱮ ᱟᱞᱤᱨᱮᱡᱟ ᱯᱷᱤᱨᱳᱡᱤᱭᱟᱭ ᱦᱟᱨᱟᱣ ᱞᱮᱫᱮᱭᱟ ᱾[᱙]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Aimee Lewis (15 January 2020). "Magnus Carlsen breaks record for longest unbeaten run in chess". CNN. Archived from the original on 28 October 2020. Retrieved 10 September 2020.
- ↑ "Longest unbeaten streak in professional chess". Guinness World Records (in ᱵᱨᱤᱴᱤᱥ ᱟᱝᱜᱽᱨᱮᱡᱤ). 9 October 2020. Archived from the original on 6 September 2023. Retrieved 6 September 2023.
- ↑ Svensen, Tarjei J. (2024-02-16). "The 7 Most Mindblowing Magnus Carlsen Records". Chess.com (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Archived from the original on 17 February 2024. Retrieved 2024-02-16.
- ↑ Barden, Leonard (30 December 2022). "Chess: Magnus Carlsen captures double world crown in Rapid and Blitz". The Guardian. Archived from the original on 20 May 2023. Retrieved 30 December 2022.
- ↑ "World Blitz: Carlsen clinches triple crown, Assaubayeva defends her title". Chess News (in ᱟᱝᱜᱽᱨᱮᱡᱤ). 30 December 2022. Archived from the original on 30 December 2022. Retrieved 31 December 2022.
- ↑ Lourim, Jake (26 July 2022). "Magnus Carlsen Is Giving Up The World Title. But The Carlsen Era Lives On". FiveThirtyEight. Archived from the original on 26 July 2022. Retrieved 12 September 2022.
- ↑ Leonard Barden (1 March 2014). "Magnus Carlsen: the greatest of all time or too much of a grinder?". The Guardian. Archived from the original on 20 August 2023. Retrieved 20 August 2023.
- ↑ Jonno Nicholson (2025-02-14). "Team Liquid signs World Chess champion Magnus Carlsen". Esports Insider (in ᱵᱨᱤᱴᱤᱥ ᱟᱝᱜᱽᱨᱮᱡᱤ). Retrieved 2025-08-04.
- ↑ "Chess-Carlsen claims first Esports World Cup title". Reuters (in ᱵᱨᱤᱴᱤᱥ ᱟᱝᱜᱽᱨᱮᱡᱤ). 1 August 2025. Archived from the original on 4 August 2025. Retrieved 4 August 2025.