ᱢᱮᱠᱠᱟ ᱢᱟᱥᱡᱤᱫᱽ, ᱵᱤᱡᱟᱯᱩᱨ
| ᱢᱮᱠᱠᱟ ᱢᱟᱥᱡᱤᱫᱽ | |
|---|---|
 ᱜᱚᱴᱟᱜᱩᱴᱤ 1880s ᱚᱠᱛᱚ ᱨᱮ | |
| Religion | |
| Affiliation | ᱤᱥᱞᱟᱢ |
| Ecclesiastical or organisational status | ᱢᱚᱥᱡᱤᱫᱽ |
| Status | Active |
| Location | |
| Location | ᱵᱤᱡᱚᱭᱟᱯᱩᱨᱟ, ᱵᱤᱡᱟᱯᱩᱨ, ᱠᱚᱨᱱᱟᱴᱚᱠ |
| Country | ᱥᱤᱧᱚᱛ |
  ᱠᱚᱨᱱᱟᱴᱚᱠ ᱨᱮ | |
| Geographic coordinates | 16°49′31″N 75°43′12″E / 16.8252°N 75.7200°ECoordinates: 16°49′31″N 75°43′12″E / 16.8252°N 75.7200°E |
| Architecture | |
| Type | ᱢᱚᱥᱡᱤᱫᱽ ᱟᱨᱠᱤᱴᱮᱪᱟᱨ |
| Completed | ᱜᱚᱴᱟᱜᱩᱴᱤ 1669 |
| Specifications | |
| Dome(s) | One |
| Minaret(s) | Two (maybe more) |
ᱢᱮᱠᱠᱟ ᱢᱟᱥᱡᱤᱫᱽ, ᱡᱟᱦᱟᱸ ᱫᱚ ᱢᱟᱠᱠᱟ ᱢᱟᱥᱡᱤᱫᱽ ᱢᱮᱱᱛᱮ ᱦᱚᱸ ᱠᱚ ᱵᱟᱰᱟᱭᱟ, ᱢᱤᱫᱴᱟᱹᱝ ᱢᱟᱥᱡᱤᱫᱽ ᱠᱟᱱᱟ ᱡᱟᱦᱟᱸ ᱫᱚ ᱵᱷᱟᱨᱚᱛ ᱫᱤᱥᱚᱢ ᱨᱮᱱᱟᱜ ᱠᱚᱨᱱᱟᱴᱚᱠ ᱯᱚᱱᱚᱛ ᱨᱮᱱᱟᱜ ᱵᱤᱡᱟᱯᱩᱨ ᱦᱚᱱᱚᱛ ᱨᱮᱱᱟᱜ ᱵᱤᱡᱟᱭᱯᱩᱨᱟ ᱨᱮ ᱢᱮᱱᱟᱜᱼᱟ ᱾ ᱢᱮᱱ ᱟᱠᱚ ᱡᱮ ᱱᱚᱣᱟ ᱫᱚ ᱑᱖᱖᱙ ᱥᱟᱞᱮ ᱨᱮ ᱯᱩᱨᱟᱹᱣ ᱞᱮᱱ ᱛᱟᱦᱮᱸᱫ ᱟᱨ ᱱᱚᱣᱟ ᱢᱟᱥᱡᱤᱫᱽ ᱫᱚ ᱨᱟᱡᱟ ᱚᱲᱟᱜ ᱨᱮᱱ ᱛᱤᱨᱞᱟᱹ ᱠᱚ ᱞᱟᱹᱜᱤᱫ ᱵᱮᱱᱟᱣ ᱞᱮᱱ ᱛᱟᱦᱮᱸᱫ ᱾[᱑][᱒][᱓]
ᱱᱚᱣᱟ ᱢᱟᱥᱡᱤᱫᱽ ᱨᱮᱱᱟᱜ ᱵᱮᱱᱟᱣ ᱫᱚ ᱫᱤᱥᱚᱢ ᱨᱮᱱᱟᱜ ᱞᱟᱹᱠᱛᱤᱭᱟᱱ ᱢᱚᱱᱩᱢᱮᱱᱴ ᱠᱟᱱᱟ ᱾[᱔]
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱣᱟ ᱢᱟᱥᱡᱤᱫᱽ ᱫᱚ ᱛᱤᱥ ᱠᱚ ᱵᱮᱱᱟᱣ ᱞᱮᱫ ᱛᱟᱦᱮᱸᱫ ᱚᱱᱟ ᱨᱮᱱᱟᱜ ᱰᱮᱴ ᱫᱚ ᱵᱟᱝ ᱵᱟᱰᱟᱭᱚᱜᱼᱟ ᱾ ᱫᱟ ᱱᱤᱭᱩ ᱠᱮᱢᱵᱽᱨᱤᱡᱽ ᱦᱤᱥᱴᱚᱨᱤ ᱚᱯᱷ ᱤᱱᱰᱤᱭᱟ ᱨᱮ, ᱱᱚᱣᱟ ᱫᱚ ᱟᱞᱤ ᱟᱫᱤᱞ ᱥᱟᱦ ᱫᱚᱥᱟᱨ ᱟᱜ ᱨᱟᱡᱚᱥᱴᱷᱤ ᱚᱠᱛᱚ ᱨᱮ ᱦᱩᱭ ᱞᱮᱱᱟ ᱢᱮᱱᱛᱮ ᱚᱞ ᱢᱮᱱᱟᱜᱼᱟ, ᱚᱱᱟ ᱥᱟᱶᱛᱮ ᱦᱮᱱᱨᱤ ᱠᱩᱥᱮᱱᱥ ᱫᱚ ᱱᱚᱣᱟ ᱫᱚ ᱑᱓ ᱥᱟᱭᱟᱝ ᱨᱮᱱᱟᱜ ᱢᱩᱪᱟᱹᱫ ᱥᱮᱫ ᱵᱮᱱᱟᱣ ᱞᱮᱱᱟ ᱢᱮᱱᱛᱮ ᱢᱮᱱ ᱟᱠᱟᱫᱟ ᱾ ᱱᱚᱰᱮᱱᱟᱜ ᱤᱥᱴᱚᱨᱱ ᱢᱩᱪᱟᱹᱫ ᱨᱮ ᱢᱤᱫᱴᱟᱹᱝ ᱥᱟᱫᱷᱩ ᱟᱜ ᱛᱚᱯᱟ ᱢᱮᱱᱟᱜᱼᱟ, ᱡᱟᱦᱟᱸᱭ ᱫᱚ ᱱᱚᱣᱟ ᱢᱟᱥᱡᱤᱫᱽ ᱵᱮᱱᱟᱣ ᱞᱟᱹᱜᱤᱫ ᱠᱟᱹᱢᱤ ᱞᱮᱫ ᱛᱟᱦᱮᱸᱫ ᱾[᱕][᱖] ᱱᱚᱰᱮᱱᱟᱜ ᱢᱤᱱᱟᱨ ᱫᱚ ᱢᱟᱨᱮ ᱵᱮᱱᱟᱣ ᱨᱮᱱᱟᱜ ᱪᱤᱱᱦᱟᱹ ᱠᱟᱱᱟ, ᱡᱟᱦᱟᱸ ᱫᱚ ᱵᱟᱦᱟᱢᱟᱱᱤ ᱨᱟᱡᱽᱵᱚᱝᱥᱚ ᱚᱠᱛᱚ ᱨᱮ ᱵᱮᱱᱟᱣ ᱞᱮᱱ ᱛᱟᱦᱮᱸᱫ ᱾ ᱠᱩᱥᱮᱱᱥ ᱟᱜ ᱢᱮᱱ ᱞᱮᱠᱟᱛᱮ, ᱱᱚᱣᱟ ᱢᱟᱥᱡᱤᱫᱽ ᱠᱚ ᱯᱟᱦᱮᱨ ᱛᱮ ᱮᱥᱮᱫ ᱟᱠᱟᱫ ᱩᱥᱩᱞ ᱯᱟᱹᱪᱨᱤ ᱠᱚ ᱫᱚ ᱱᱚᱣᱟ ᱫᱚ ᱦᱟᱹᱛᱤ ᱛᱟᱹᱵᱮᱞᱟ ᱞᱮᱠᱟᱛᱮ ᱠᱚ ᱵᱮᱵᱷᱟᱨᱮᱫ ᱛᱟᱦᱮᱸᱫ ᱢᱮᱱᱛᱮ ᱵᱟᱰᱟᱭᱚᱜᱼᱟ ᱾ ᱩᱱᱤ ᱫᱚ ᱢᱮᱱ ᱟᱠᱟᱫᱟ ᱡᱮ ᱢᱟᱨᱮ ᱢᱟᱥᱡᱤᱫᱽ ᱫᱚ ᱨᱟᱹᱯᱩᱫ ᱞᱮᱱ ᱛᱟᱦᱮᱸᱫ ᱟᱨ ᱚᱱᱟ ᱫᱚ ᱱᱟᱣᱟ ᱢᱟᱥᱡᱤᱫᱽ ᱵᱮᱱᱟᱣ ᱢᱟᱬᱟᱝ ᱨᱮ ᱦᱟᱹᱛᱤ ᱛᱟᱹᱵᱮᱞᱟ ᱞᱮᱠᱟᱛᱮ ᱠᱚ ᱵᱮᱵᱷᱟᱨᱮᱫ ᱛᱟᱦᱮᱸᱫ ᱾
ᱟᱨᱠᱤᱴᱮᱠᱪᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱣᱟ ᱢᱟᱥᱡᱤᱫᱽ ᱫᱚ ᱡᱷᱤᱡ ᱟᱛᱟ ᱨᱮ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱯᱩᱱᱭᱟᱹ ᱯᱟᱦᱴᱟ ᱠᱷᱚᱱ ᱜᱮ ᱟᱨᱪ ᱵᱮᱱᱟᱣ ᱟᱠᱟᱫ ᱟᱛᱟ ᱛᱮ ᱮᱥᱮᱫ ᱟᱠᱟᱱᱟ ᱾ ᱟᱛᱟ ᱨᱮᱱᱟᱜ ᱟᱨᱪ ᱨᱮ ᱞᱟᱛᱟᱨ ᱯᱤᱭᱟᱨ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱡᱟᱢᱟ ᱢᱟᱥᱡᱤᱫᱽ, ᱠᱟᱞᱟᱵᱩᱨᱟᱜᱤ ᱨᱮᱱᱟᱜ ᱞᱮᱠᱟ ᱜᱮ ᱧᱮᱞᱚᱜᱼᱟ ᱾ ᱢᱟᱥᱡᱤᱫᱽ ᱨᱮᱱᱟᱜ ᱯᱷᱟᱥᱟᱰ ᱨᱮ ᱢᱚᱬᱮ ᱜᱚᱴᱟᱝ ᱟᱨᱪ ᱵᱮᱱᱟᱣ ᱟᱠᱟᱱ ᱫᱩᱣᱟᱹᱨ ᱢᱮᱱᱟᱜᱼᱟ, ᱟᱨ ᱛᱟᱞᱟ ᱟᱨᱪ ᱫᱚ ᱢᱤᱫᱴᱟᱹᱝ ᱠᱩᱥᱯᱰ ᱟᱣᱴᱞᱟᱭᱤᱱ ᱛᱮ ᱩᱫᱩᱜ ᱥᱚᱫᱚᱨ ᱟᱠᱟᱱᱟ ᱾ ᱱᱚᱣᱟ ᱫᱚ ᱟᱴ ᱜᱚᱴᱟᱝ ᱟᱨᱪ ᱥᱟᱶᱛᱮ ᱴᱮᱨᱮᱥ ᱨᱮ ᱤᱥᱛᱟᱹᱯᱷᱟᱱ ᱫᱟᱣ ᱢᱮᱱᱟᱜ ᱠᱟᱨᱚᱱ ᱛᱮ ᱟᱨᱫᱷᱟ ᱜᱳᱞ ᱞᱮᱠᱟ ᱧᱮᱞᱚᱜ ᱠᱟᱱᱟ ᱾ ᱵᱟᱨ ᱛᱟᱞᱟ ᱟᱞᱟᱝ ᱯᱷᱟᱥᱟᱰ ᱪᱮᱛᱟᱱ ᱨᱮ ᱨᱟᱠᱟᱵ ᱟᱠᱟᱱᱟ, ᱟᱨ ᱠᱟᱹᱴᱤᱡ ᱪᱷᱟᱛᱨᱤ ᱫᱚ ᱠᱚᱱᱟ ᱨᱮᱱᱟᱜ ᱵᱩᱴᱨᱮᱥ ᱪᱮᱛᱟᱱ ᱨᱮ ᱫᱚᱦᱚ ᱟᱠᱟᱱᱟ ᱾[᱗]
ᱯᱟᱪᱮ ᱯᱟᱹᱪᱨᱤ ᱨᱮ ᱢᱤᱦᱨᱟᱵᱽ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱠᱟᱨᱵᱤᱝ ᱛᱮ ᱥᱟᱡᱟᱣ ᱟᱠᱟᱱᱟ ᱾ ᱢᱟᱥᱡᱤᱫᱽ ᱵᱷᱤᱛᱨᱤ ᱨᱮ ᱚᱠᱟ ᱦᱚᱸ ᱯᱟᱞᱯᱤᱴ ᱵᱟᱹᱱᱩᱜᱼᱟ, ᱪᱮᱫᱟᱜ ᱥᱮ ᱛᱤᱨᱞᱟᱹ ᱠᱚᱣᱟᱜ ᱫᱩᱜᱟᱹ ᱫᱚ ᱩᱯᱫᱮᱥ ᱢᱟᱬᱟᱝ ᱨᱮ ᱵᱟᱝ ᱦᱩᱭᱩᱜᱼᱟ ᱾[᱗]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ DHNS (2010-05-24). "Mecca Masjid gets a facelift". Deccan Herald (in ᱟᱝᱜᱽᱨᱮᱡᱤ). Retrieved 2023-10-24.
- ↑ Sharma, Ruchika (2016-02-06). "What history proves: Indian mosques barring women is only a recent trend". Scroll.in (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ).
- ↑ Cousens, Henry (1905). Bijapur, the Capital of the Adil Shahi Kings: A Guide to Its Ruins (in ᱟᱝᱜᱽᱨᱮᱡᱤ). Scottish Mission Industries Company. pp. 67–70.
- ↑ "Alphabetical List of Monuments - Karnataka, Dharwad Circle". Archaeological Survey of India. Government of India.
- ↑ Michell, George; Zebrowski, Mark. Architecture and Art of the Deccan Sultanates (PDF). The New Cambridge History of IndiaI : 7. Cambridge University Press. p. 96. Archived from the original (PDF) on 2023-07-18.
- ↑ Wright, Colin. "General view of the east façade of the Mecca Mosque, Bijapur". www.bl.uk. Archived from the original on 2020-02-03. Retrieved 2023-10-24.
- 1 2 Sherwani, Haroon Khan; Joshi, P. M. (eds.). History of Medieval Deccan. Vol. II (Mainly Cultural Aspects). p. 285.