ᱢᱮᱥᱳᱯᱳᱴᱟᱢᱤᱭᱟ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱢᱮᱥᱳᱯᱳᱴᱟᱢᱤᱭᱟ ᱯᱟᱥᱱᱟᱣ ᱠᱟᱛᱮ ᱥᱚᱫᱚᱨ ᱟᱠᱟᱱ ᱢᱟᱱᱪᱤᱛᱟ.ᱨ

ᱢᱮᱥᱳᱯᱳᱴᱟᱢᱤᱭᱟ

ᱢᱮᱥᱳᱯᱳᱴᱟᱢᱤᱭᱟ ᱨᱮᱭᱟᱜ ᱜᱨᱤᱠ ᱢᱮᱱᱮᱛ ᱫᱚ "ᱵᱟᱨᱭᱟ ᱜᱟᱰᱟ ᱛᱟᱞᱟᱨᱮ" ᱾ ᱱᱚᱣᱟ ᱴᱚᱴᱷᱟ ᱫᱚ ᱫᱚᱡᱽᱞᱟ (ᱴᱤᱜᱽᱨᱤᱥ) ᱟᱨ ᱯᱷᱩᱨᱟᱛ (ᱤᱭᱩᱯᱷᱨᱮᱴᱤᱥ) ᱜᱟᱰᱟ ᱨᱮᱭᱟᱜ ᱛᱟᱞᱟᱢᱟᱞᱟ ᱴᱚᱴᱷᱟᱨᱮ ᱯᱟᱲᱟᱣᱜᱼᱟ ᱾ ᱱᱚᱣᱟ ᱨᱮ ᱟᱫᱷᱩᱱᱤᱠ ᱤᱨᱟᱠ ᱵᱟᱵᱤᱞ ᱦᱚᱱᱚᱛ, ᱩᱛᱚᱨ ᱯᱩᱨᱩᱵᱽ ᱥᱤᱨᱤᱭᱟ, ᱫᱩᱠᱷᱤᱱ ᱯᱩᱨᱩᱵᱽ ᱛᱩᱨᱠᱤ ᱟᱨ ᱤᱨᱟᱱ ᱨᱮᱭᱟᱜ ᱠᱩᱡᱮᱥᱛᱷᱟᱱ ᱥᱩᱨ ᱨᱮᱭᱟᱜ ᱴᱚᱴᱷᱟ ᱥᱮᱞᱮᱫ ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ ᱠᱟᱸᱥᱟ ᱡᱩᱜᱽ ᱥᱚᱵᱷᱭᱚᱛᱟ ᱨᱮᱭᱟᱜ ᱮᱛᱚᱦᱚᱵ ᱴᱷᱟᱶ ᱢᱮᱱᱛᱮ ᱢᱟᱱᱟᱣ ᱵᱟᱛᱟᱣ ᱢᱮᱱᱟᱜᱼᱟ ᱾ ᱱᱚᱰᱮ ᱥᱩᱢᱮᱨ, ᱚᱠᱚᱫᱤ ᱥᱚᱥᱱᱚᱜ, ᱵᱮᱵᱤᱞᱚᱱ ᱟᱨ ᱚᱥᱤᱨᱤᱭᱟ ᱨᱮᱭᱟᱜ ᱥᱟᱢᱨᱟᱡᱽ ᱵᱷᱮᱜᱟᱨᱼᱵᱷᱮᱜᱟᱨ ᱚᱠᱛᱚ ᱨᱮ ᱛᱷᱟᱯᱚᱱ ᱦᱩᱭ ᱞᱮᱱᱟ ᱾ ᱦᱚᱨᱚᱯᱟ ᱥᱚᱥᱱᱚᱜ ᱨᱮ ᱢᱮᱥᱳᱯᱳᱴᱟᱢᱤᱭᱟ ᱫᱚ 'ᱢᱮᱞᱩᱦᱟ' ᱢᱮᱱᱛᱮ ᱠᱚ ᱢᱮᱛᱟᱜᱼᱟ ᱾

ᱱᱚᱣᱟ ᱜᱟᱰᱟ ᱨᱮᱭᱟᱜ ᱢᱩᱴᱷᱟ.ᱱ ᱨᱮ ᱥᱩᱢᱮᱨᱤᱭᱟ. ᱛᱟᱞᱟᱨᱮ ᱵᱮᱵᱤᱞᱚᱱᱤᱭᱟ ᱟᱨ ᱩᱛᱚᱨ ᱨᱮ ᱚᱥᱤᱨᱤᱭᱟ ᱥᱚᱥᱱᱚᱜ ᱵᱮᱱᱟᱣ ᱨᱟᱠᱟᱵ ᱮᱱᱟ ᱾ ᱱᱚᱣᱟ ᱥᱚᱥᱱᱚᱜ ᱠᱚ ᱤᱫᱤᱠᱟᱛᱮ ᱱᱚᱝᱠᱟ ᱠᱟᱛᱷᱟ ᱦᱮᱡ ᱟ.ᱜᱩ ᱟᱠᱟᱱᱟ ᱫᱚ ᱥᱩᱢᱮᱨᱤᱭᱟ ᱫᱚ ᱥᱚᱥᱱᱚᱜ ᱮ ᱡᱟᱱᱟᱢ ᱟᱠᱟᱜᱼᱟ ᱵᱮᱵᱤᱞᱚᱱᱤᱭᱟ ᱫᱚ ᱱᱚᱣᱟ ᱩᱛᱱᱟ.ᱣ ᱨᱮᱭᱟᱜ ᱞᱟᱯᱷᱟᱝ ᱴᱷᱟᱶ ᱫᱷᱟ.ᱵᱤᱡ ᱮ ᱥᱮᱴᱮᱨ ᱠᱮᱜᱼᱟ ᱟᱨ ᱚᱥᱤᱨᱤᱭᱟ ᱫᱚ ᱱᱚᱣᱟᱭ ᱢᱩᱪᱟ.ᱫ ᱠᱮᱜᱼᱟ ᱾ ᱫᱚᱥᱟᱨ ᱟ. ᱲᱟ. ᱛᱮ ᱥᱩᱢᱮᱨᱤᱭᱟ, ᱵᱮᱵᱤᱞᱚᱱᱤᱭᱟ, ᱚᱥᱤᱨᱤᱭᱟ ᱱᱚᱣᱟ ᱯᱮᱭᱟ ᱥᱚᱥᱱᱚᱜ ᱟᱜ ᱥᱮᱱᱮᱞᱮᱫ ᱛᱮ ᱡᱟᱦᱟᱸ ᱥᱚᱥᱱᱚᱜ ᱵᱮᱱᱟᱣ ᱨᱟᱠᱟᱵ ᱮᱱᱟ ᱚᱱᱟᱜᱮ ᱢᱮᱥᱳᱯᱳᱴᱟᱢᱤᱭᱟ ᱥᱚᱥᱱᱚᱜ ᱢᱮᱱᱛᱮ ᱠᱚ ᱢᱮᱛᱟᱫᱼᱟ ᱾ ᱢᱮᱥᱳᱯᱳᱴᱟᱢᱤᱭᱟ ᱨᱮ ᱯᱩᱱᱭᱟ. ᱧᱩᱛᱩᱢᱟᱱ ᱥᱚᱥᱱᱚᱜ ᱢᱮᱱᱟᱜᱼᱟ, ᱥᱩᱢᱮᱨᱤᱭᱟ, ᱵᱮᱵᱤᱞᱚᱱ, ᱚᱥᱤᱨᱤᱭᱟ ᱠᱮᱞᱰᱨᱤᱭᱟ ᱾


ᱥᱩᱢᱮᱨᱤᱭᱟ ᱥᱚᱥᱱᱚᱜ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱘ ᱟᱱᱟᱜ ᱥᱚᱛᱟᱵᱽᱫᱤ ᱫᱷᱟ.ᱵᱤᱡ ᱥᱚᱝᱥᱟᱨ ᱱᱚᱣᱟ ᱢᱟᱦᱟᱱ ᱢᱟ.ᱱᱢᱤ ᱥᱚᱥᱱᱚᱜ ᱨᱮᱭᱟᱜ ᱜᱮᱭᱟᱱ ᱠᱷᱚᱱ ᱟ.ᱰᱤ ᱥᱟᱺᱜᱤᱧ ᱨᱮᱭ ᱛᱟᱦᱮᱸ ᱠᱟᱱᱟ ᱾ ᱑᱙ ᱟᱱᱟᱜ ᱥᱚᱛᱟᱵᱽᱫᱤ ᱨᱮᱭᱟᱜ ᱮᱛᱚᱦᱚᱵ ᱨᱮ ᱤᱸᱜᱽᱞᱚᱸᱰ ᱟᱨ ᱯᱷᱨᱟᱱᱥ ᱨᱮᱭᱟᱜ ᱯᱩᱨᱵᱤᱫᱟᱥ ᱫᱚ ᱱᱚᱣᱟ ᱥᱚᱥᱱᱚᱜ ᱠᱚ ᱯᱟᱱᱛᱮ ᱧᱟᱢ ᱨᱮ ᱡᱤᱛᱠᱟ. ᱨ ᱮ ᱟᱢᱮᱴ ᱠᱮᱜᱼᱟ ᱾ ᱑᱘᱕᱐ ᱮᱰᱤ ᱨᱮ ᱤᱸᱜᱽᱞᱤᱥ ᱯᱩᱨᱵᱤᱫᱟᱥ ᱨᱟᱞᱤᱱᱥᱚᱱ ᱫᱚ ᱵᱤᱦᱤᱥᱛᱩᱱ ᱥᱩᱨ ᱨᱮ ᱢᱤᱫ ᱫᱷᱤᱨᱤ ᱚᱞ ᱮ ᱯᱟᱱᱛᱮ ᱧᱟᱢ ᱠᱮᱜᱼᱟ ᱾ ᱱᱚᱣᱟ ᱫᱷᱤᱨᱤ ᱚᱞ ᱨᱮ ᱯᱷᱟᱨᱥᱤ ᱟᱨ ᱵᱮᱵᱤᱞᱚᱱᱤᱭᱟ ᱯᱟ.ᱨᱥᱤ ᱨᱮᱭᱟᱜ ᱢᱮᱥᱟ ᱜᱚᱲᱦᱚᱱ ᱛᱟᱦᱮᱸ ᱠᱟᱱᱟ ᱾ ᱟᱨ ᱵᱟ.ᱲᱛᱤ ᱠᱩᱨᱩᱢᱩᱴᱩ ᱛᱟᱭᱚᱢ ᱨᱟᱞᱤᱱᱥᱚᱱ ᱫᱚ ᱱᱚᱣᱟ ᱯᱟᱲᱦᱟᱣ ᱫᱟᱲᱮᱭᱟᱜ ᱨᱮ ᱡᱤᱛᱠᱟ.ᱨ ᱮ ᱟᱢᱮᱴ ᱞᱮᱜᱼᱟ ᱾ ᱟᱨ ᱚᱨᱡᱚ ᱞᱮᱠᱟᱛᱮ ᱢᱮᱥᱳᱯᱳᱴᱟᱢᱤᱭᱟ ᱨᱮᱭᱟᱜ ᱫᱟᱯᱟᱞ ᱥᱟᱦᱟ ᱮᱱᱟ ᱾

ᱫᱷᱤᱨᱤ ᱚᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱮᱸᱫᱮ ᱫᱷᱤᱨᱤ ᱛᱮ ᱢᱤᱫᱴᱟ.ᱜ ᱟᱨ ᱢᱤᱫᱴᱟ.ᱜ ᱫᱷᱤᱨᱤ ᱚᱞ ᱑᱙᱐᱑ ᱥᱟᱞᱮᱨᱮ ᱥᱩᱥᱟ ᱟᱢᱮᱴ ᱟᱠᱟᱫ ᱫᱷᱤᱨᱤ ᱪᱟᱴᱟᱱᱤ ᱨᱮ ᱵᱮᱵᱤᱞᱚᱱᱤᱭᱟ ᱯᱟ.ᱨᱥᱤ ᱛᱮ ᱢᱤᱫ ᱞᱮᱜᱟᱞ ᱠᱳᱰ ᱚᱞᱼᱛᱚᱞ ᱛᱟᱦᱮᱸ ᱠᱟᱱᱟ ᱾ ᱑᱙ ᱟᱱᱟᱜ ᱥᱚᱫᱤ ᱨᱮ ᱑ᱮ ᱮᱛᱚᱦᱚᱵ ᱨᱮᱜᱮ ᱥᱟᱨ ᱞᱤᱣᱱᱟᱨᱰ ᱣᱩᱞᱤ ᱫᱚ ᱤᱨᱟᱱ ᱨᱮᱭᱟᱜ ᱟ.ᱰᱤ ᱢᱟᱨᱮ ᱱᱟᱜᱟᱨ ᱩᱨ ᱨᱮᱭᱟᱜ ᱞᱟ ᱠᱟᱛᱮ ᱟ.ᱰᱤ ᱞᱟ.ᱠᱛᱤ ᱟᱱᱟᱜ ᱡᱤᱱᱤᱥ ᱮ ᱧᱟᱢ ᱠᱮᱜᱼᱟ ᱚᱱᱟ ᱱᱟᱜᱟᱨ ᱨᱮᱭᱟᱜ ᱞᱟ ᱛᱚᱞᱟᱥ ᱨᱮ ᱦᱟᱥᱟ ᱨᱮᱭᱟᱜ ᱥᱟᱨᱮᱡ ᱟᱠᱟᱱ ᱢᱟᱨᱮ ᱚᱲᱟᱜ, ᱟ.ᱰᱤ ᱞᱮᱠᱟᱝ ᱵᱟᱰᱚᱦᱤ ᱜᱚᱲᱦᱚᱱ ᱡᱟᱭ ᱥᱟᱢᱟᱱ ᱟᱨ ᱫᱤᱥᱚᱢ ᱥᱟᱥᱚᱱᱤᱭᱟ. ᱠᱚᱣᱟᱜ ᱢᱟᱬ ᱜᱷᱟ.ᱴᱤ ᱟᱨ ᱦᱚᱸ ᱟ.ᱰᱤ ᱜᱟᱱ ᱛᱚᱞᱟᱥ ᱧᱟᱢ ᱮᱱᱟ ᱾ ᱱᱚᱶᱟ ᱞᱟ ᱛᱚᱞᱟᱥ ᱨᱮ ᱧᱟᱢ ᱮᱱ ᱞᱮᱠᱟᱱ ᱞᱮᱠᱟᱱ ᱡᱤᱱᱤᱥ ᱟᱨ ᱫᱷᱤᱨᱤ ᱚᱞ ᱯᱟᱲᱦᱟᱣ ᱠᱮᱫ ᱛᱟᱭᱚᱢ ᱢᱮᱥᱳᱯᱳᱴᱟᱢᱤᱭᱟ ᱨᱮᱭᱟᱜ ᱢᱟᱦᱟᱱ ᱥᱚᱥᱱᱚᱜ ᱢᱟ.ᱱᱢᱤ ᱠᱚᱣᱟᱜ ᱥᱚᱫᱚᱨ ᱥᱟᱢᱟᱝ ᱛᱮ ᱦᱮᱡ ᱮᱱᱟ ᱾

ᱥᱚᱥᱱᱚᱜ ᱨᱤᱱ ᱢᱩᱬ ᱵᱚᱥᱠᱚᱫᱤᱭᱟ.[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱩᱢᱮᱨᱤᱭᱟ ᱥᱚᱥᱱᱚᱜ ᱨᱤᱱᱤᱡ ᱡᱟᱱᱟᱢ ᱫᱟᱛᱟ ᱫᱚ ᱚᱠᱚᱭ ᱮ ᱛᱟᱦᱮᱸ ᱠᱟᱱᱟ ᱱᱚᱶᱟ ᱠᱩᱠᱞᱤ ᱫᱚ ᱢᱤᱫ ᱵᱤᱵᱟ.ᱫᱽ ᱞᱮᱠᱟᱜᱮ ᱾ ᱱᱚᱶᱟ ᱥᱚᱥᱱᱚᱜ ᱨᱤᱱ ᱢᱩᱬ ᱵᱚᱥᱠᱚᱫᱤᱭᱟ. ᱠᱚ ᱤᱫᱤ ᱠᱟᱛᱮ ᱴᱷᱟ.ᱣᱠᱟ. ᱯᱚᱨᱢᱟᱱ ᱨᱮᱭᱟᱜ ᱟᱱᱟᱴ ᱢᱮᱱᱟᱜᱼᱟ ᱾ ᱡᱟᱦᱟᱸ ᱠᱷᱟ.ᱛᱤᱨ ᱜᱩᱨᱩ ᱯᱚᱸᱰᱤᱛ ᱠᱚᱣᱟᱜ ᱩᱭᱦᱟ.ᱨ ᱦᱩᱫᱤᱥ ᱨᱮ ᱟ.ᱰᱤ ᱵᱷᱮᱜᱟᱨ ᱛᱟᱦᱮᱸ ᱟ.ᱜᱩ ᱟᱠᱟᱱᱟ ᱾ ᱛᱤᱱᱟ.ᱝ ᱜᱟᱱ ᱯᱚᱸᱰᱤᱛ ᱠᱚᱣᱟᱜ ᱱᱚᱣᱟ ᱢᱚᱱᱚᱛ ᱠᱟᱱᱟ ᱫᱚ ᱥᱩᱢᱮᱨᱤᱭᱟ ᱨᱤᱱ ᱢᱩᱬ ᱵᱚᱥᱠᱚᱫᱤᱭᱟ. ᱢᱚᱝᱜᱚᱞ ᱟᱨᱵᱟᱝ ᱫᱨᱟᱵᱤᱰ ᱠᱚ ᱛᱟᱦᱮᱸ ᱡᱟᱦᱟᱸᱱ ᱠᱚᱜ ᱠᱷᱟᱱ ᱫᱩᱥᱨᱟ. ᱯᱚᱸᱰᱤᱛ ᱠᱚᱣᱟᱜ ᱢᱚᱱᱚᱛ ᱫᱚ ᱥᱩᱢᱮᱨᱤᱭᱟ ᱥᱚᱥᱱᱚᱜ ᱨᱮᱫᱚ ᱟᱨᱡᱚ ᱟᱨ ᱫᱨᱟᱵᱤᱰ ᱥᱚᱥᱱᱚᱜ ᱟᱜ ᱨᱤᱛ ᱵᱤᱦᱤᱛ ᱯᱮᱨᱮᱡ ᱟᱠᱟᱱᱟ ᱾ ᱛᱤᱱᱟ.ᱝ ᱜᱟᱱ ᱱᱟᱜᱟᱢᱤᱭᱟᱹ ᱠᱚ ᱞᱮᱠᱟᱛᱮ ᱫᱚᱨᱭᱟ ᱛᱟᱞᱟ ᱨᱤᱱ ᱦᱚᱲ ᱥᱩᱢᱮᱨᱤᱭᱟ ᱥᱚᱥᱱᱚᱜ ᱨᱤᱱ ᱡᱟᱱᱟᱢ ᱫᱟᱛᱟ ᱫᱚ ᱠᱚ ᱛᱟᱦᱮᱸ ᱠᱟᱱᱟ ᱾ ᱤᱠᱷᱟ.ᱱ ᱰᱚᱸ ᱠᱤᱛᱷ ᱟᱜ ᱢᱚᱱᱚᱛ ᱫᱚ ᱱᱚᱶᱟ ᱡᱮ ᱥᱚᱱᱫᱷᱩ ᱟᱨ ᱥᱩᱢᱮᱨᱤᱭᱟᱱ ᱵᱟᱱᱟᱨ ᱥᱚᱥᱱᱚᱜ ᱨᱮᱜᱮ ᱞᱟ.ᱠᱛᱤ ᱞᱮᱠᱟᱱ ᱥᱚᱢᱟᱱᱛᱟ ᱨᱮᱭᱟᱜ ᱡᱷᱚᱞᱚᱠ ᱧᱮᱞᱚᱜᱼᱟ ᱾

ᱟᱨ ᱦᱚᱸ ᱧᱮᱞ ᱢᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

http://www.bbc.co.uk/history/ancient/cultures/mesopotamia_gallery.shtml

http://www.historyandpolicy.org/papers/policy-paper-13.html

https://doi.org/10.1086%2F371676

https://en.m.wikipedia.org/wiki/OCLC

https://www.worldcat.org/oclc/624382576

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

http://www.ancientopedia.com/Mesopotamia/

http://www.mesopotamia.co.uk/

https://web.archive.org/web/20070721235759/http://fax.libs.uga.edu/DS49xB8x1920/

http://fax.libs.uga.edu/DS49x2xM465D/1f/dweller_in_mesopotamia.pdf

http://fax.libs.uga.edu/DS69x5xH236M/1f/mesopotamian_archaeology.pdf

http://www.wdl.org/en/item/11773/