ᱢᱮᱦᱟᱨ ᱵᱤᱡᱽ
ᱢᱮᱦᱟᱨ ᱵᱤᱡᱽ (ᱡᱟᱱᱟᱢ ᱵᱟᱭᱥᱷᱟᱞᱤ ᱥᱟᱦᱫᱮᱵᱽ) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱦᱤᱱᱫᱤ ᱯᱷᱤᱞᱢ ᱟᱨ ᱴᱮᱞᱤᱵᱤᱡᱚᱱ ᱨᱮᱭ ᱠᱟᱹᱢᱤᱭᱟ ᱾ ᱩᱱᱤ ᱫᱚ ᱰᱨᱟᱢᱟ ᱯᱷᱤᱞᱢ ᱵᱟᱡᱽᱨᱟᱝᱜᱤ ᱵᱷᱟᱭᱡᱟᱱ (᱒᱐᱑᱕) ᱟᱨ ᱢᱩᱡᱤᱠᱟᱞ ᱰᱨᱟᱢᱟ ᱥᱤᱠᱨᱮᱴ ᱥᱩᱯᱟᱨᱥᱴᱟᱨ (᱒᱐᱑᱗) ᱨᱮ ᱟᱡᱟᱜ ᱨᱚᱞ ᱠᱷᱟᱹᱛᱤᱨ ᱵᱟᱹᱲᱛᱤ ᱩᱨᱩᱢ ᱜᱮᱭᱟᱭ, ᱱᱚᱣᱟ ᱵᱟᱱᱟᱨ ᱜᱮ ᱥᱟᱱᱟᱢ ᱠᱷᱚᱱ ᱵᱟᱹᱲᱛᱤ ᱠᱟᱹᱣᱰᱤ ᱠᱚᱢᱟᱣ ᱟᱠᱟᱫ ᱵᱷᱟᱨᱚᱛᱤᱭᱚ ᱯᱷᱤᱞᱢ ᱠᱟᱱᱟ, ᱱᱚᱣᱟ ᱢᱩᱫᱽ ᱨᱮ ᱢᱩᱪᱟᱹᱫ ᱞᱟᱹᱜᱤᱫ ᱩᱱᱤ ᱫᱚ ᱯᱷᱤᱞᱢ ᱯᱷᱮᱭᱟᱨ ᱟᱣᱟᱨᱰ ᱵᱮᱥᱴ ᱥᱟᱯᱚᱨᱴᱤᱝ ᱮᱠᱴᱨᱮᱥ ᱮ ᱡᱤᱛᱠᱟᱹᱨ ᱟᱠᱟᱱᱟ ᱾
ᱩᱱᱤ ᱫᱚ ᱠᱤᱥ ᱫᱮᱥ ᱢᱮᱸ ᱦᱮ ᱢᱮᱨᱟ ᱫᱤᱞ ᱟᱨ ᱨᱟᱢ ᱢᱤᱞᱟᱭᱮ ᱡᱳᱲᱤ ᱞᱮᱠᱟᱱ ᱴᱮᱞᱤᱵᱤᱡᱚᱱ ᱥᱳ ᱠᱚᱨᱮ ᱦᱚᱸᱭ ᱧᱮᱞ ᱟᱠᱟᱱᱟ ᱾
ᱯᱟᱨᱥᱟᱞ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱤᱡᱽ ᱨᱤᱱ ᱵᱟᱨᱭᱟ ᱵᱚᱭᱦᱟ ᱢᱮᱱᱟᱜ ᱠᱤᱱᱟ, ᱮᱠᱴᱟᱨ ᱯᱤᱭᱩᱥ ᱥᱟᱦᱫᱮᱵᱽ ᱟᱨ ᱜᱤᱨᱤᱥ ᱥᱟᱦᱫᱮᱵᱽ ᱾ ᱒᱐᱐᱙ ᱨᱮ, ᱩᱱᱤ ᱢᱟᱱᱟᱵᱽ ᱵᱤᱡᱽ ᱥᱟᱶ ᱢᱩᱢᱵᱟᱭ ᱨᱮᱭ ᱵᱟᱯᱞᱟ ᱮᱱᱟ, ᱚᱱᱟ ᱛᱟᱭᱚᱢ ᱟᱡᱟᱜ ᱧᱩᱛᱩᱢ ᱵᱟᱭᱥᱷᱟᱞᱤ ᱥᱟᱦᱫᱮᱵᱽ ᱠᱷᱚᱱ ᱵᱚᱫᱚᱞ ᱠᱟᱛᱮ ᱢᱮᱦᱟᱨ ᱵᱤᱡᱽ ᱮ ᱫᱚᱦᱚ ᱠᱮᱫᱼᱟ ᱾