ᱢᱳᱦᱚᱱ ᱞᱟᱞ ᱥᱩᱠᱷᱟᱫᱤᱭᱟ
| ᱢᱳᱦᱚᱱ ᱞᱟᱞ ᱥᱩᱠᱷᱟᱫᱤᱭᱟ | |
|---|---|
 | |
| ᱛᱮᱥᱟᱨ ᱛᱟᱢᱤᱞᱱᱟᱰᱩ ᱨᱤᱱᱤᱡ ᱯᱚᱱᱚᱛ ᱜᱚᱢᱠᱮ | |
| ᱟᱹᱢᱟᱹᱞᱤ ᱨᱮ ᱑᱖ ᱡᱩᱱ ᱑᱙᱗᱖ – ᱘ ᱮᱯᱨᱤᱞ ᱑᱙᱗᱗ | |
| ᱥᱤᱨᱟᱹ ᱢᱚᱱᱛᱨᱤ | ᱮᱢ. ᱡᱤ. ᱨᱟᱢᱚᱪᱚᱸᱫᱽᱨᱚᱱ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱠᱳᱫᱟᱨᱫᱟᱥ ᱠᱟᱞᱤᱫᱟᱥ ᱥᱟᱦ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱯᱤ. ᱜᱳᱵᱤᱱᱫᱚᱱ ᱱᱮᱨ (Acting) |
| ᱗-ᱟᱹᱱᱤᱡ ᱟᱱᱫᱷᱨᱚ ᱯᱨᱚᱫᱮᱥ ᱨᱤᱱᱤᱡ ᱯᱚᱱᱚᱛ ᱜᱚᱢᱠᱮ | |
| ᱟᱹᱢᱟᱹᱞᱤ ᱨᱮ ᱑᱐ ᱡᱟᱱᱩᱣᱟᱨᱤ ᱑᱙᱗᱖ – ᱑᱖ ᱡᱩᱱ ᱑᱙᱗᱖ | |
| ᱥᱤᱨᱟᱹ ᱢᱚᱱᱛᱨᱤ | ᱡᱚᱞᱚᱜᱟᱢ ᱵᱮᱝᱜᱚᱞᱟ ᱨᱟᱣ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱮᱥ. ᱳᱵᱩᱞ ᱨᱮᱰᱰᱤ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱟᱨ. ᱰᱤ. ᱵᱷᱚᱱᱰᱟᱨᱮ |
| ᱯᱩᱭᱞᱩ ᱠᱚᱨᱱᱟᱴᱚᱠᱚ ᱨᱤᱱᱤᱡ ᱯᱚᱱᱚᱛ ᱜᱚᱢᱠᱮ | |
| ᱟᱹᱢᱟᱹᱞᱤ ᱨᱮ ᱑ ᱱᱚᱵᱷᱮᱢᱵᱚᱨ ᱑᱙᱗᱓ – ᱑᱐ ᱚᱠᱴᱳᱵᱚᱨ ᱑᱙᱗᱕ | |
| ᱥᱤᱨᱟᱹ ᱢᱚᱱᱛᱨᱤ | ᱰᱤ. ᱫᱮᱵᱚᱨᱟᱡᱽ ᱟᱨᱥ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱟᱹᱢᱟᱹᱞᱤ ᱛᱷᱟᱯᱚᱱ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱩᱢᱟ ᱥᱚᱝᱠᱚᱨ ᱫᱤᱠᱥᱤᱛ |
| ᱖-ᱟᱹᱱᱤᱡ ᱢᱟᱭᱥᱳᱨ ᱨᱤᱱᱤᱡ ᱯᱚᱱᱚᱛ ᱜᱚᱢᱠᱮ | |
| ᱟᱹᱢᱟᱹᱞᱤ ᱨᱮ ᱑ ᱯᱷᱮᱵᱽᱨᱩᱣᱟᱨᱤ ᱑᱙᱗᱒ – ᱓᱑ ᱚᱠᱴᱳᱵᱚᱨ ᱑᱙᱗᱓ | |
| ᱥᱤᱨᱟᱹ ᱢᱚᱱᱛᱨᱤ | ᱰᱤD ᱫᱮᱵᱚᱨᱟᱡᱽ ᱟᱨᱥ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱫᱷᱚᱨᱢᱚ ᱵᱤᱨᱟ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱟᱹᱢᱟᱹᱞᱤ ᱛᱷᱟᱩᱚᱱ |
| ᱕-ᱟᱹᱱᱤᱡ ᱨᱟᱡᱚᱥᱛᱟᱱ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ | |
| ᱟᱹᱢᱟᱹᱞᱤ ᱨᱮ ᱑᱖ ᱮᱯᱨᱤᱞ ᱑᱙᱖᱗ – ᱙ ᱡᱩᱞᱟᱭ ᱑᱙᱗᱑ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱫᱤᱥᱚᱢ ᱜᱚᱢᱠᱮ ᱟᱜ ᱟᱹᱨᱤ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱵᱚᱨᱠᱟᱛᱩᱞᱞᱟᱜ ᱠᱷᱟᱸ |
| ᱟᱹᱢᱟᱹᱞᱤ ᱨᱮ ᱑᱓ ᱱᱚᱵᱷᱮᱢᱵᱚᱨ ᱑᱙᱕᱔ – ᱑᱓ ᱢᱟᱨᱪ ᱑᱙᱖᱗ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱡᱚᱭ ᱱᱟᱨᱟᱭᱚᱱ ᱵᱽᱭᱟᱥ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱫᱤᱥᱚᱢ ᱜᱚᱢᱠᱮ ᱟᱜ ᱟᱹᱨᱤ |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱓᱑ ᱡᱩᱞᱟᱭ ᱑᱙᱑᱖ ᱡᱷᱟᱞᱚᱣᱟᱨ, ᱡᱷᱟᱞᱚᱣᱟᱨ ᱯᱚᱱᱚᱛ, ᱵᱽᱨᱤᱴᱤᱥ ᱥᱤᱧᱚᱛ |
| ᱜᱩᱨ | ᱒ ᱯᱷᱮᱵᱽᱨᱩᱣᱟᱨᱤ ᱑᱙᱘᱒ (ᱵᱚᱭᱚᱥ ᱖᱕) ᱵᱤᱠᱟᱱᱚᱨ, ᱨᱟᱡᱚᱥᱛᱷᱟᱱ, ᱥᱤᱧᱚᱛ |
| ᱨᱟᱡᱽᱟᱹᱨᱤ ᱫᱚᱞ | ᱤᱱᱰᱤᱭᱟᱱ ᱱᱮᱥᱱᱟᱞ ᱠᱚᱸᱜᱽᱨᱮᱥ |
| ᱡᱤᱭᱚᱱ ᱥᱚᱦᱮᱫ | ᱤᱱᱫᱩᱵᱟᱞᱟ ᱥᱩᱠᱷᱟᱫᱤᱭᱟ |
ᱢᱳᱦᱚᱱ ᱞᱟᱞ ᱥᱩᱠᱷᱟᱫᱤᱭᱟ (᱓᱑ ᱡᱩᱞᱟᱭ ᱑᱙᱑᱖ - ᱒ ᱯᱷᱮᱵᱽᱨᱩᱣᱟᱨᱤ ᱑᱙᱘᱒) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱨᱟᱡᱽ-ᱟᱹᱨᱤᱭᱟᱹᱭ ᱛᱟᱦᱮᱸ ᱠᱟᱱᱟ, ᱡᱟᱦᱟᱸᱭ ᱫᱚ ᱑᱗ ᱵᱚᱪᱷᱚᱨ (᱑᱙᱕᱔-᱑᱙᱗᱑) ᱫᱷᱟᱹᱵᱤᱡ ᱨᱟᱡᱚᱥᱛᱷᱟᱱ ᱯᱚᱱᱚᱛ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱞᱮᱠᱟᱠᱮᱭ ᱠᱟᱹᱢᱤ ᱞᱮᱫ-ᱟ ᱾ ᱩᱱᱤ ᱫᱚ ᱓᱘ ᱵᱚᱪᱷᱚᱨ ᱵᱚᱭᱚᱥ ᱨᱮ ᱥᱤᱨᱟᱹ ᱢᱚᱱᱛᱨᱤᱭ ᱵᱮᱱᱟᱣ ᱮᱱᱟ ᱟᱨ ᱨᱟᱡᱚᱥᱛᱷᱟᱱ ᱨᱮᱱᱟᱜ ᱱᱟᱯᱟᱭ ᱥᱩᱫᱷᱨᱟᱹᱣ ᱟᱨ ᱩᱛᱱᱟᱹᱣ ᱚᱪᱚᱭ ᱞᱟᱹᱜᱤᱫ ᱫᱟᱹᱭᱛᱚ ᱨᱮᱭ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱞᱟᱹᱜᱤᱫ ᱩᱱᱤ ᱫᱚ ᱛᱮᱦᱮᱧ ᱦᱚᱸ "ᱦᱟᱹᱞᱤᱭᱟᱹᱱ ᱨᱟᱡᱚᱥᱛᱷᱟᱱ ᱨᱤᱱᱤᱡ ᱛᱷᱟᱯᱚᱱᱤᱭᱟᱹ" ᱞᱮᱠᱟᱛᱮ ᱟᱹᱰᱤ ᱵᱟᱹᱲᱛᱤ ᱠᱚ ᱢᱟᱹᱱ ᱢᱟᱱᱚᱛ ᱮ ᱜᱮᱭᱟ ᱾ [᱑][᱒]
ᱛᱟᱭᱚᱢ ᱛᱮ ᱟᱡᱟᱜ ᱠᱮᱨᱤᱭᱚᱨ ᱨᱮ, ᱥᱩᱠᱷᱟᱫᱤᱭᱟ ᱫᱚ ᱠᱚᱨᱱᱟᱴᱚᱠ ᱨᱤᱱᱤᱡ ᱯᱚᱱᱚᱛ ᱜᱚᱢᱠᱮ, ᱟᱱᱫᱷᱨᱚ ᱯᱨᱚᱫᱮᱥ ᱨᱤᱱᱤᱡ ᱯᱚᱱᱚᱛ ᱜᱚᱢᱠᱮ ᱟᱨ ᱛᱟᱢᱤᱞᱱᱟᱰᱩ ᱨᱤᱱᱤᱡ ᱯᱚᱱᱚᱛ ᱜᱚᱢᱠᱮ ᱞᱮᱠᱟᱛᱮ ᱦᱚᱸᱭ ᱠᱟᱹᱢᱤ ᱞᱮᱫ-ᱟ ᱾
ᱜᱤᱫᱽᱨᱟᱹ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱚᱦᱳᱱ ᱞᱟᱞ ᱥᱩᱠᱷᱟᱫᱤᱭᱟ ᱟᱜ ᱡᱟᱱᱟᱢ ᱫᱚ ᱨᱟᱡᱚᱥᱛᱷᱟᱱ ᱨᱮᱱᱟᱜ ᱡᱷᱟᱞᱟᱣᱟᱰ ᱨᱮ ᱢᱤᱫ ᱡᱮᱭᱱ ᱜᱷᱟᱨᱚᱸᱡᱽ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱩᱱᱤ ᱨᱮᱱ ᱟᱡ ᱵᱟᱵᱟ ᱨᱟᱢ ᱞᱟᱞ ᱥᱩᱠᱷᱟᱫᱤᱭᱟ ᱵᱚᱢᱵᱮ ᱟᱨ ᱥᱚᱣᱨᱟᱥᱴᱨᱚ ᱴᱤᱢ ᱨᱤᱱᱤᱡ ᱧᱩᱢ ᱩᱨᱩᱢ ᱠᱨᱤᱠᱮᱴ ᱠᱷᱮᱞᱚᱸᱰᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾[᱓]
ᱱᱟᱛᱷᱫᱽᱣᱟᱨᱟ ᱟᱨ ᱩᱫᱚᱭᱯᱩᱨ ᱨᱮ ᱮᱛᱚᱦᱚᱵ ᱥᱮᱪᱮᱫ ᱮ ᱯᱩᱨᱟᱹᱣ ᱠᱮᱫ ᱛᱟᱭᱚᱢ ᱥᱩᱠᱷᱟᱫᱤᱭᱟ ᱵᱤᱡᱮᱴᱤᱟᱭᱤ ᱠᱷᱚᱱ ᱤᱞᱮᱠᱴᱨᱤᱠᱚᱞ ᱤᱱᱡᱤᱱᱤᱭᱚᱨᱤᱝ ᱛᱮ ᱰᱤᱯᱞᱚᱢᱟᱭ ᱞᱟᱹᱜᱤᱫ ᱵᱚᱢᱵᱮᱭ ᱥᱮᱱ ᱮᱱᱟ ᱾ ᱚᱸᱰᱮ, ᱩᱱᱤ ᱫᱚ ᱯᱟᱹᱴᱷᱩᱣᱟᱹ ᱜᱟᱶᱛᱟ ᱨᱤᱱᱤᱡ ᱢᱟᱬᱛᱮ ᱥᱩᱛᱨᱮᱛ ᱞᱮᱠᱟᱛᱮᱭ ᱵᱟᱪᱷᱚᱱ ᱮᱱᱟ ᱾ ᱵᱤᱨᱫᱟᱹᱜᱟᱲ ᱨᱤᱱᱤᱡ ᱵᱽᱨᱤᱴᱤᱥ ᱯᱨᱤᱱᱥᱤᱯᱚᱞ ᱢᱤᱥᱴᱚᱨ ᱵᱟᱨᱞᱮ ᱵᱤᱨᱫᱟᱹᱜᱟᱲ ᱨᱮᱱᱟᱜ ᱢᱤᱫ ᱦᱮᱞᱢᱮᱞ ᱨᱮ ᱵᱚᱢᱵᱮ ᱨᱤᱱᱤᱡ ᱯᱚᱱᱚᱛ ᱜᱚᱢᱠᱮ ᱱᱮᱶᱛᱟ ᱥᱟᱱᱟ ᱞᱮᱫᱮᱭᱟ ᱾ ᱥᱩᱠᱷᱟᱫᱤᱭᱟ ᱫᱚ ᱮᱴᱟᱜ ᱯᱟᱹᱴᱷᱩᱣᱟᱹ ᱠᱚ ᱥᱟᱶ ᱱᱚᱣᱟ ᱦᱩᱫᱤᱥ ᱟᱹᱰᱤ ᱜᱮᱭ ᱵᱤᱨᱳᱫᱷ ᱠᱮᱫ-ᱟ ᱟᱨ ᱚᱱᱟ ᱴᱷᱟᱶ ᱨᱮ ᱵᱚᱢᱵᱮ ᱨᱤᱱᱤᱡ ᱤᱱᱟᱹ ᱚᱠᱛᱚ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱵᱤ. ᱡᱤ. ᱠᱷᱮᱨ ᱱᱮᱶᱛᱟ ᱮ ᱞᱟᱹᱜᱤᱫ ᱡᱩᱨ ᱮ ᱮᱢ ᱠᱮᱫ-ᱟ ᱾ ᱢᱩᱪᱟᱹᱫ ᱨᱮ, ᱵᱤᱨᱫᱟᱹᱜᱟᱲ ᱨᱤᱱ ᱪᱟᱪᱞᱟᱣᱤᱭᱟᱹ ᱠᱚᱫᱚ ᱯᱟᱹᱴᱷᱩᱣᱟᱹ ᱟᱜ ᱠᱷᱚᱡᱽ ᱥᱟᱢᱟᱝ ᱨᱮ ᱛᱤᱨᱩᱵᱚᱜ ᱦᱩᱭ ᱟᱫ ᱠᱚᱣᱟ ᱾[᱓]ᱥᱩᱠᱷᱟᱰᱤᱭᱟᱹ ᱫᱚ ᱟᱡᱟᱜ ᱥᱚᱨᱮᱥ ᱧᱮᱞ ᱡᱚᱛᱚᱱ ᱨᱮᱭᱟᱜ ᱫᱟᱲᱮ ᱟᱨ ᱥᱟᱥᱟᱯᱲᱟᱣ ᱦᱩᱱᱟᱹᱨ ᱨᱮᱱᱟᱜ ᱫᱟᱹᱭᱠᱟᱹ ᱮᱢᱮᱫ ᱛᱩᱞᱩᱡ ᱵᱽᱨᱤᱴᱤᱥ ᱥᱟᱥᱚᱱ ᱵᱤᱨᱳᱫᱷ ᱨᱮ ᱟᱡᱟᱜ ᱯᱩᱭᱞᱩ ᱦᱩᱞᱥᱟᱹᱭ ᱫᱚ ᱟᱡᱟᱜ ᱧᱮᱞ ᱡᱚᱛᱚᱱ ᱨᱮ ᱟᱹᱰᱤ ᱜᱮ ᱱᱟᱯᱟᱭ ᱛᱮᱭ ᱛᱚᱨᱟᱣ ᱜᱟᱱ ᱞᱮᱫ ᱛᱟᱦᱮᱸᱫ ᱾
ᱵᱤᱨᱫᱟᱹᱜᱟᱲ ᱨᱮ ᱩᱱᱤ ᱫᱚ ᱥᱩᱵᱷᱟᱥ ᱪᱚᱸᱫᱽᱨᱚ ᱵᱳᱥ, ᱥᱚᱨᱫᱟᱨ ᱵᱷᱚᱞᱞᱚᱵᱷ ᱵᱷᱟᱭᱤ ᱯᱚᱴᱮᱞ, ᱭᱩᱥᱩᱯᱷ ᱢᱮᱦᱚᱨᱚᱞᱤ ᱟᱨ ᱚᱥᱳᱠ ᱢᱮᱦᱛᱟ ᱞᱮᱠᱟᱱ ᱧᱩᱢ ᱩᱨᱩᱢ ᱱᱮᱛᱟ ᱠᱚᱣᱟᱜ ᱥᱟᱹᱜᱟᱹᱭ ᱨᱮᱭ ᱦᱮᱡ ᱮᱱᱟ ᱾ ᱥᱩᱠᱷᱟᱫᱤᱭᱟ ᱫᱚ ᱞᱮᱛᱟᱲ ᱜᱮ ᱢᱩᱢᱵᱟᱹᱭ ᱨᱮ ᱯᱚᱴᱮᱞ ᱟᱜ ᱟᱹᱭᱩᱨ ᱛᱮ ᱠᱚᱸᱜᱽᱨᱮᱥ ᱠᱟᱹᱢᱤᱭᱟᱹ ᱠᱚ ᱟᱨ ᱵᱷᱚᱞᱚᱱᱴᱤᱭᱚᱨ ᱠᱚᱣᱟᱜ ᱫᱩᱯᱲᱩᱵ ᱨᱮ ᱫᱟᱣ ᱮ ᱦᱟᱛᱟᱣ ᱮᱫ ᱛᱟᱦᱮᱸᱫ ᱾[᱔]
ᱛᱤᱱ ᱡᱚᱦᱚᱜ ᱩᱱᱤ ᱱᱟᱛᱷᱫᱽᱣᱟᱨᱟᱭ ᱨᱩᱣᱟᱹᱲ ᱦᱮᱡ ᱮᱱᱟ, ᱮᱱᱠᱷᱟᱱ ᱩᱱᱤ ᱫᱚ ᱦᱩᱰᱤᱧ ᱢᱟᱪᱷᱟ ᱵᱤᱡᱽᱞᱤ ᱨᱮᱭᱟᱜ ᱠᱟᱹᱢᱤᱥᱟᱲᱟᱭ ᱮᱛᱚᱦᱚᱵ ᱠᱮᱫ-ᱟ ᱾ ᱱᱚᱣᱟ ᱫᱚᱠᱟᱱ ᱢᱩᱲᱩᱛ ᱞᱮᱠᱟᱛᱮ ᱢᱤᱫ ᱫᱩᱯᱲᱩᱵ ᱴᱷᱟᱶ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱨᱮ ᱥᱩᱠᱷᱟᱫᱤᱭᱟ ᱟᱨ ᱟᱡ ᱨᱤᱱ ᱡᱚᱴᱟᱣ ᱠᱚ ᱵᱽᱨᱤᱴᱤᱥ ᱥᱟᱥᱚᱱ ᱨᱮᱱᱟᱜ ᱜᱚᱴᱟᱯᱟᱲᱟ ᱯᱟᱥᱱᱟᱣ ᱟᱠᱟᱱ ᱚᱥᱟᱣᱛᱤ ᱟᱨ ᱴᱚᱴᱷᱟ ᱨᱮ ᱥᱟᱶᱛᱟᱨᱤ-ᱠᱟᱹᱣᱰᱤ-ᱟᱹᱨᱤ ᱥᱩᱫᱷᱨᱟᱹᱣ ᱤᱫᱤ ᱠᱟᱛᱮ ᱦᱚᱸ ᱠᱚ ᱪᱟᱨᱪᱟᱭᱮᱫ ᱛᱟᱦᱮᱸᱫ ᱾ [᱕] ᱥᱩᱠᱷᱟᱫᱤᱭᱟ ᱟᱨ ᱟᱡ ᱨᱤᱱ ᱜᱟᱛᱮ ᱠᱟᱹᱢᱤᱭᱟᱹ ᱠᱚ ᱦᱚᱛᱮᱛᱮ ᱴᱚᱴᱷᱟ ᱨᱮ ᱟᱹᱰᱤ ᱞᱮᱠᱟᱱ ᱥᱮᱪᱮᱫ ᱥᱤᱠᱷᱱᱟᱹᱛᱷ ᱟᱨ ᱥᱟᱶᱛᱟᱨᱤ ᱪᱤᱨᱜᱟᱹᱞ ᱪᱮᱸᱜᱷᱟ ᱠᱟᱹᱢᱤᱦᱚᱨᱟ ᱠᱚ ᱨᱮᱱᱟᱜ ᱦᱚᱨ ᱠᱚ ᱵᱮᱱᱟᱣ ᱠᱮᱫ-ᱟ ᱟᱨ ᱚᱱᱟ ᱠᱟᱹᱢᱤ ᱠᱚ ᱠᱟᱹᱢᱤ ᱠᱮᱫ-ᱟ ᱾
ᱩᱱᱤ ᱫᱚ ᱑ ᱡᱩᱱ ᱑᱙᱓᱘ ᱨᱮ ᱵᱮᱣᱣᱟᱨ ᱨᱮ ᱤᱱᱫᱩᱵᱟᱞᱟ ᱥᱟᱶ ᱮ ᱵᱟᱯᱞᱟ ᱮᱱᱟ ᱾ ᱤᱱᱟᱹ ᱚᱠᱛᱚ ᱫᱚ ᱱᱚᱣᱟ ᱮᱴᱟᱜ ᱡᱟᱹᱛ ᱥᱟᱶ ᱵᱟᱯᱞᱟ ᱫᱚ ᱩᱱᱟᱹᱜ ᱥᱟᱢᱟᱱᱚᱢ ᱜᱷᱚᱴᱚᱱ ᱫᱚ ᱵᱟᱝ ᱛᱟᱦᱮᱸ ᱠᱟᱱᱟ ᱾ ᱱᱟᱛᱷᱫᱽᱣᱟᱨᱟ ᱟᱨ ᱩᱫᱚᱭᱯᱩᱨ ᱨᱮ ᱵᱟᱹᱲᱛᱤ ᱠᱚ ᱵᱟᱨᱚᱱ ᱨᱮᱭᱟᱜ ᱵᱚᱛᱚᱨ ᱛᱟᱦᱮᱸ ᱠᱟᱱ ᱛᱮ ᱥᱩᱠᱷᱟᱫᱤᱭᱟᱹ ᱫᱚ ᱟᱨᱡᱚ ᱥᱟᱶᱛᱟ ᱨᱮᱭᱟᱜ ᱨᱟᱭᱨᱤᱛ ᱢᱟᱱᱟᱣ ᱵᱟᱛᱟᱣ ᱞᱮᱠᱟᱛᱮ ᱵᱮᱣᱣᱟᱨ ᱨᱮ ᱵᱟᱯᱞᱟ ᱠᱟᱹᱢᱤᱦᱚᱨᱟ ᱫᱚ ᱛᱚᱨᱟᱣ ᱥᱟᱹᱛ ᱨᱮᱭᱟᱜ ᱮ ᱴᱷᱟᱹᱣᱠᱟᱹ ᱠᱮᱫ-ᱟ ᱾ ᱛᱤᱱ ᱡᱚᱦᱚᱜ ᱩᱱᱤ ᱤᱱᱫᱩᱵᱟᱞᱟ ᱥᱟᱶᱛᱮ ᱱᱟᱛᱷᱫᱽᱣᱟᱨᱟᱭ ᱨᱩᱣᱟᱹᱲ ᱮᱱᱟ, ᱮᱱᱠᱷᱟᱱ ᱩᱱᱤ ᱨᱤᱱ ᱥᱚᱦᱚᱫᱤᱭᱟᱹ ᱠᱚ ᱟᱹᱰᱤ ᱥᱟᱸᱜᱮ ᱛᱮ ᱩᱱᱠᱤᱱ ᱠᱚ ᱥᱟᱹᱜᱩᱱ ᱫᱟᱨᱟᱢ ᱠᱮᱫ ᱠᱤᱱᱟ ᱾ ᱡᱩᱣᱟᱹᱱ ᱥᱚᱦᱚᱫᱤᱭᱟᱹ ᱠᱚ ᱟᱹᱰᱤ ᱨᱟᱹᱥᱠᱟᱹ ᱛᱮ ᱱᱟᱛᱷᱣᱟᱰᱟ ᱥᱚᱲᱚᱠ ᱨᱮ ᱠᱚ ᱴᱟᱰᱮ ᱟᱬᱜᱚ ᱮᱱᱟ, ᱯᱩᱨᱟᱹ ᱵᱟᱡᱟᱨ ᱨᱮ ᱟᱹᱰᱤ ᱞᱟᱹᱴᱩ ᱡᱟᱢᱮᱞᱟᱭ ᱥᱟᱶᱛᱮ "ᱢᱳᱦᱚᱱ ᱫᱟᱫᱟ ᱡᱤᱛᱞᱟᱹᱭ" ᱨᱮᱱᱟᱜ ᱠᱟᱠᱞᱮ ᱨᱟᱲᱟᱝ ᱟᱛᱮ ᱩᱱᱠᱤᱱ ᱠᱚ ᱥᱟᱹᱜᱩᱱ ᱟᱛᱟᱝ ᱫᱟᱨᱟᱢ ᱠᱮᱫ ᱠᱤᱱᱟ ᱾ ᱱᱚᱣᱟ ᱫᱚ ᱩᱱᱠᱤᱱᱟᱜ ᱡᱤᱭᱚᱱ ᱨᱮ ᱡᱚᱛᱚ ᱠᱷᱚᱱ ᱩᱭᱦᱟᱹᱨᱟᱱ ᱟᱨ ᱩᱫᱽᱜᱟᱹᱣᱟᱱᱟᱜ ᱚᱠᱛᱚ ᱠᱷᱚᱱ ᱢᱤᱫᱴᱟᱹᱝ ᱛᱟᱦᱮᱸ ᱠᱟᱱᱟ ᱾ ᱟᱡᱟᱜ ᱜᱩᱡᱩᱜ ᱨᱮᱱᱟᱜ ᱛᱤᱱᱟᱹᱝ ᱫᱤᱱ ᱞᱟᱦᱟᱨᱮ ᱥᱩᱠᱷᱟᱫᱤᱭᱟ ᱫᱚ ᱱᱤᱡᱮ ᱟᱡᱤᱡ ᱢᱤᱫ ᱥᱟᱶᱛᱮᱱᱤᱡ ᱥᱟᱢᱟᱝ ᱨᱮ ᱱᱚᱣᱟ ᱠᱟᱛᱷᱟᱭ ᱟᱯᱱᱟᱨ ᱞᱮᱫ ᱛᱟᱦᱮᱸᱫ ᱾ [᱖]
ᱯᱷᱩᱨᱜᱟᱹᱞ ᱦᱩᱞᱥᱟᱹᱭ ᱨᱮ ᱮᱱᱮᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱹᱰᱤ ᱵᱟᱹᱲᱛᱤ ᱠᱷᱟᱡᱽᱱᱟ ᱟᱨ ᱨᱟᱡᱟ ᱠᱚ ᱥᱟᱶᱛᱮ ᱡᱟᱜᱤᱨᱫᱟᱨ ᱠᱚᱣᱟᱜ ᱵᱟᱝ ᱠᱩᱥᱤ ᱥᱟᱥᱚᱱ ᱠᱷᱟᱹᱛᱤᱨ, ᱨᱟᱡᱽᱯᱩᱛᱱᱟ ᱨᱮᱱᱟᱜ ᱮᱴᱟᱜ ᱮᱴᱟᱜ ᱯᱚᱱᱚᱛ ᱨᱮ ᱯᱨᱚᱡᱟ ᱢᱚᱱᱰᱚᱞ ᱠᱚ ᱛᱷᱟᱯᱚᱱ ᱠᱮᱫ-ᱟ ᱾ ᱱᱚᱣᱟ ᱢᱚᱱᱰᱚᱞ ᱠᱚᱫᱚ ᱟᱹᱰᱤᱜᱟᱱ ᱯᱨᱤᱱᱥᱞᱤ ᱥᱴᱮᱴ ᱨᱮ ᱱᱟᱜᱟᱨᱤᱭᱟᱹ ᱚᱫᱷᱤᱠᱟᱨ ᱦᱩᱞᱥᱟᱹᱭ ᱟᱨ ᱯᱨᱚᱥᱟᱥᱚᱱᱤᱠ ᱥᱩᱫᱷᱨᱟᱹᱣ ᱠᱚ ᱫᱤᱥᱟᱹ ᱮᱢ ᱥᱟᱶᱛᱮ ᱦᱩᱞᱥᱟᱹᱭ ᱫᱚ ᱞᱟᱹᱴᱩ ᱵᱩᱱᱤᱭᱟᱹᱫᱽ ᱮ ᱪᱟᱞ ᱟᱫ-ᱟ ᱾ ᱩᱫᱚᱭᱯᱩᱨ ᱯᱚᱱᱚᱛ ᱨᱮ, ᱢᱮᱣᱟᱰ ᱯᱨᱚᱡᱟ ᱢᱚᱱᱰᱚᱞ ᱨᱮᱱᱟᱜ ᱛᱷᱟᱯᱚᱱ ᱑᱙᱓᱘ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ, ᱡᱟᱦᱟᱸ ᱨᱤᱱᱤᱡ ᱯᱟᱨᱥᱮᱛ ᱫᱚ ᱧᱩᱢ ᱩᱨᱩᱢ ᱥᱟᱶᱛᱟᱨᱤ ᱠᱟᱹᱢᱤᱭᱟᱹ ᱟᱨ ᱯᱷᱩᱨᱜᱟᱹᱞ ᱦᱩᱞᱜᱟᱹᱨᱤᱭᱟᱹ ᱢᱟᱬᱤᱠᱭᱚ ᱞᱟᱞ ᱵᱚᱨᱢᱟᱭ ᱛᱟᱦᱮᱸ ᱠᱟᱱᱟ ᱾ ᱛᱷᱟᱯᱚᱱ ᱨᱮᱱᱟᱜ ᱢᱤᱫ ᱥᱮᱨᱢᱟ ᱛᱟᱭᱚᱢ, ᱢᱚᱱᱰᱚᱞ ᱫᱚ ᱦᱩᱱᱟᱹᱨᱟᱱ ᱡᱩᱣᱟᱹᱱ ᱢᱳᱦᱚᱱ ᱞᱟᱞ ᱥᱩᱠᱷᱟᱫᱤᱭᱟ ᱟᱜ ᱱᱚᱣᱟᱨᱮ ᱥᱮᱞᱮᱫ ᱮᱱ ᱠᱷᱚᱱ ᱱᱟᱣᱟ ᱫᱟᱲᱮᱭ ᱧᱟᱢ ᱠᱮᱫ-ᱟ ᱾ [᱗]
ᱨᱟᱡᱚᱥᱛᱷᱟᱱ ᱨᱮ ᱯᱷᱩᱨᱜᱟᱹᱞ ᱦᱩᱞᱥᱟᱹᱭ ᱫᱚ ᱵᱽᱨᱤᱴᱤᱥ ᱨᱟᱡᱽ, ᱨᱤᱭᱟᱥᱚᱛ ᱟᱨ ᱴᱚᱴᱷᱟᱠᱤᱭᱟᱹ ᱫᱚᱢᱤᱫᱟᱨ ᱠᱚ ᱨᱩᱯ ᱨᱮ ᱫᱚᱥᱟᱨ ᱟᱨ ᱛᱮᱥᱟᱨ ᱡᱟᱸᱜᱮ ᱨᱮᱭᱟᱜ ᱮ ᱥᱟᱢᱟᱝ ᱮᱫ ᱛᱟᱦᱮᱸᱫ ᱾ ᱥᱩᱠᱷᱟᱫᱤᱭᱟ ᱫᱚ ᱮᱴᱟᱜ ᱠᱟᱹᱢᱤᱭᱟᱹ ᱠᱚ ᱥᱟᱶᱛᱮ ᱴᱚᱴᱷᱟ ᱨᱮᱭᱟᱜ ᱟᱹᱛᱩ ᱴᱚᱞᱟ ᱨᱮᱭᱟᱜ ᱟᱹᱫᱤᱵᱟᱹᱥᱤ ᱴᱚᱴᱷᱟ ᱟᱨ ᱟᱹᱛᱩ ᱠᱚᱭ ᱥᱟᱸᱜᱷᱟᱨ ᱠᱮᱫ-ᱟ ᱾ ᱴᱚᱴᱷᱟ ᱨᱤᱱ ᱪᱟᱹᱥᱤ ᱟᱨ ᱟᱹᱫᱤᱵᱟᱹᱥᱤ ᱠᱚ ᱥᱟᱶ ᱥᱤᱫᱷᱟᱹ ᱥᱟᱹᱜᱟᱹᱭ ᱮ ᱛᱷᱟᱯᱚᱱ ᱠᱮᱫ-ᱟ ᱾ ᱩᱱᱤ ᱫᱚ ᱩᱱᱠᱩ ᱠᱚ ᱥᱚᱝᱵᱤᱫᱷᱟᱱ ᱨᱮᱭᱟᱜ ᱦᱚᱠ ᱚᱫᱷᱤᱠᱟᱨ ᱤᱫᱤ ᱠᱟᱛᱮᱭ ᱞᱟᱹᱭ ᱟᱫ ᱠᱚᱣᱟ, ᱟᱨ ᱡᱟᱹᱛᱤᱭᱟᱹᱨᱤ ᱦᱩᱞᱥᱟᱹᱭ ᱨᱮ ᱜᱚᱲᱚ ᱥᱚᱦᱚᱫ ᱮᱢ ᱞᱟᱹᱜᱤᱫ ᱮ ᱩᱫᱽᱜᱟᱹᱣ ᱠᱮᱫ ᱠᱚᱣᱟ ᱾ ᱟᱠᱚᱨᱤᱱ ᱡᱚᱢᱤᱫᱟᱨ ᱠᱚᱣᱟᱜ ᱱᱟᱦᱟᱪᱟᱨ ᱛᱮ ᱵᱚᱛᱚᱨ ᱠᱟᱛᱮ, ᱵᱟᱹᱲᱛᱤ ᱴᱚᱴᱷᱟᱠᱤᱭᱟᱹ ᱦᱚᱲ ᱠᱚᱫᱚ ᱡᱟᱹᱛᱤᱭᱟᱹᱨᱤ ᱠᱟᱹᱢᱤᱭᱟᱹ ᱠᱚ ᱟᱡᱟᱜ ᱚᱲᱟᱜ ᱨᱮ ᱟᱥᱨᱟ ᱮᱢ ᱞᱟᱹᱜᱤᱫ ᱮ ᱦᱤᱫᱤᱡᱚᱜ ᱠᱟᱱ ᱛᱟᱦᱮᱸᱫ ᱾ ᱫᱤᱥᱣᱟᱹ ᱠᱟᱹᱢᱤᱭᱟᱹ ᱠᱚᱫᱚ ᱵᱷᱤᱞ ᱟᱹᱛᱩ ᱠᱷᱚᱱ ᱵᱚᱞᱚᱱ ᱞᱟᱹᱜᱤᱫ ᱫᱟᱣ ᱵᱟᱝ ᱛᱟᱦᱮᱸ ᱠᱟᱱ ᱛᱟᱠᱚᱣᱟ ᱪᱮᱫᱟᱜ ᱥᱮ ᱡᱚᱢᱤᱫᱟᱨ ᱠᱚᱫᱚ ᱠᱟᱹᱢᱤᱭᱟᱹ ᱠᱚᱣᱟᱜ ᱥᱚᱡᱷᱮ ᱦᱟᱛᱟᱝ ᱟᱱ ᱪᱟᱹᱥᱤ ᱠᱚ ᱥᱟᱶ ᱥᱟᱹᱜᱟᱹᱭ ᱴᱷᱤᱠ ᱵᱟᱭ ᱵᱩᱡᱷᱟᱹᱣᱮᱫ ᱛᱟᱦᱮᱸᱫ ᱾ ᱞᱮᱛᱟᱲ ᱜᱮ ᱵᱷᱤᱞ ᱟᱹᱛᱩ ᱛᱮᱭ ᱵᱚᱞᱚ ᱞᱮᱱᱠᱷᱟᱱ ᱩᱱᱤ ᱫᱚ ᱯᱩᱞᱤᱥ ᱦᱚᱛᱮᱛᱮᱭ ᱫᱟᱞ ᱚᱪᱚᱜ ᱠᱟᱱ ᱛᱟᱦᱮᱸᱫ ᱟᱨ ᱠᱚ ᱦᱟᱹᱲᱤ ᱮ ᱠᱟᱱ ᱛᱟᱦᱮᱸᱫ ᱾
᱑᱙᱔᱖ ᱨᱮ ᱮᱴᱟᱜ ᱮᱴᱟᱜ ᱯᱚᱱᱚᱛ ᱨᱮᱱᱟᱜ ᱯᱨᱚᱡᱟ ᱢᱚᱱᱰᱚᱞ ᱠᱚᱫᱚ ᱥᱮᱞᱮᱫ ᱠᱟᱛᱮ ᱢᱤᱫ ᱯᱚᱱᱚᱛ ᱡᱟᱠᱟᱛ ᱞᱟᱹᱜᱤᱫ ᱜᱟᱶᱛᱟ ᱠᱚ ᱵᱮᱱᱟᱣ ᱠᱮᱫ-ᱟ ᱟᱨ ᱱᱚᱣᱟ ᱨᱮᱭᱟᱜ ᱧᱩᱛᱩᱢ ᱫᱚᱠᱚ ᱫᱚᱦᱚ ᱠᱮᱫ-ᱟ ᱨᱟᱡᱽᱯᱩᱛᱱᱟ ᱯᱨᱟᱱᱛᱤᱭᱚ ᱥᱚᱵᱷᱟ ᱾ ᱥᱩᱠᱷᱟᱫᱤᱭᱟ ᱫᱚ ᱱᱚᱣᱟ ᱱᱟᱶᱟ ᱛᱮ ᱛᱷᱟᱯᱚᱱ ᱟᱠᱟᱱ ᱜᱟᱶᱛᱟ ᱨᱮ ᱠᱟᱹᱢᱤᱭᱟᱹ ᱠᱩᱢᱩᱴ ᱞᱮᱠᱟᱛᱮ ᱠᱚ ᱥᱮᱞᱮᱫ ᱠᱮᱫᱮᱭᱟ ᱾ ᱡᱚᱛᱚ ᱵᱟᱨ ᱯᱮ ᱪᱟᱸᱫᱚ ᱨᱮ ᱨᱟᱡᱽᱯᱩᱛᱱᱟ ᱴᱚᱴᱷᱟ ᱠᱷᱚᱱ ᱡᱟᱦᱟᱸ ᱜᱮ ᱢᱤᱫ ᱯᱟᱨᱴᱤ ᱨᱮᱱᱟᱜ ᱫᱩᱯᱩᱲᱩᱵ ᱦᱩᱭᱩᱜ ᱠᱟᱱ ᱛᱟᱦᱮᱸᱫ, ᱡᱟᱦᱟᱸ ᱨᱮ ᱫᱚ ᱵᱷᱮᱜᱟᱨ ᱵᱷᱮᱜᱟᱨ ᱴᱚᱴᱷᱟ ᱨᱤᱱ ᱪᱟᱪᱞᱟᱣᱤᱭᱟᱹ ᱯᱚᱱᱚᱛ ᱨᱮᱱᱟᱜ ᱠᱟᱹᱴᱤᱡ ᱮᱴᱠᱮᱴᱚᱬᱮ ᱠᱚ ᱪᱮᱛᱟᱱ ᱨᱮ ᱪᱟᱨᱪᱟ ᱟᱨ ᱠᱚ ᱛᱩᱞᱟᱹᱡᱚᱠᱷᱟ ᱮᱫ ᱛᱟᱦᱮᱸᱫ ᱾ ᱱᱚᱣᱟ ᱫᱩᱯᱩᱲᱩᱵ ᱨᱮ ᱥᱩᱠᱷᱟᱫᱤᱭᱟ ᱟᱜ ᱠᱟᱛᱷᱟ ᱯᱚᱨᱚᱠ ᱟᱨ ᱮᱴᱠᱮᱴᱚᱬᱮ ᱥᱩᱫᱷᱨᱟᱹᱣ ᱨᱮᱭᱟᱜ ᱠᱟᱹᱢᱤ ᱛᱚᱦᱚᱨ ᱟᱹᱰᱤ ᱜᱮ ᱠᱚ ᱥᱟᱨᱦᱟᱣᱮᱫ ᱛᱟᱦᱮᱸᱫ, ᱡᱟᱦᱟᱸ ᱠᱷᱟᱹᱛᱤᱨ ᱩᱱᱤ ᱫᱚ ᱯᱚᱱᱚᱛ ᱨᱤᱱᱤᱡ ᱢᱤᱫ ᱢᱩᱲᱩᱛ ᱱᱮᱛᱟ ᱞᱮᱠᱟ ᱛᱮ ᱠᱚ ᱢᱟᱱᱟᱣ ᱵᱟᱛᱟᱣ ᱮ ᱠᱟᱱ ᱛᱟᱦᱮᱸᱫ ᱾
᱑᱙᱔᱒ ᱨᱮ ᱢᱚᱦᱟᱛᱢᱟ ᱜᱟᱱᱫᱷᱤ ᱟᱜ "ᱥᱤᱧᱚᱛ ᱵᱟᱹᱜᱤ" ᱟᱜ ᱦᱚᱦᱚ ᱛᱮ ᱯᱩᱨᱟᱹ ᱨᱟᱡᱚᱥᱛᱷᱟᱱ ᱥᱤᱧᱚᱛ ᱵᱟᱹᱜᱤ ᱦᱩᱞᱥᱟᱹᱭ ᱨᱮᱭ ᱫᱚᱱ ᱟᱬᱜᱚ ᱮᱱᱟ, ᱡᱟᱦᱟᱸ ᱨᱮ ᱫᱚ ᱢᱟᱬᱤᱠᱭᱚ ᱞᱟᱞ ᱵᱚᱨᱢᱟ, ᱦᱤᱨᱟ ᱞᱟᱞ ᱥᱟᱥᱛᱨᱤ, ᱜᱳᱠᱩᱞᱵᱷᱟᱭᱤ ᱵᱷᱚᱴ, ᱡᱚᱭ ᱱᱟᱨᱟᱭᱚᱬ ᱵᱽᱭᱟᱥ ᱟᱨ ᱢᱚᱦᱚᱱ ᱞᱟᱞ ᱥᱩᱠᱷᱟᱫᱤᱭᱟ ᱞᱮᱠᱟᱱ ᱱᱮᱛᱟ ᱠᱚᱫᱚ ᱱᱚᱣᱟ ᱫᱤᱥᱟᱹ ᱮᱢ ᱨᱮ ᱞᱟᱹᱠᱛᱤ ᱟᱱᱟᱜ ᱠᱟᱹᱢᱤ ᱠᱚ ᱛᱚᱨᱟᱣ ᱠᱮᱫ-ᱟ ᱾ ᱦᱟᱞᱟᱛ ᱫᱟᱵᱚᱱ ᱠᱷᱚᱱ ᱵᱟᱦᱨᱮᱜ ᱠᱟᱱ ᱧᱮᱞ ᱠᱟᱛᱮ ᱵᱽᱨᱤᱴᱤᱥ ᱥᱚᱨᱠᱟᱨ ᱫᱚ ᱢᱩᱲᱩᱛ ᱟᱹᱭᱩᱨᱤᱭᱟᱹ ᱠᱚᱫᱚ ᱡᱤᱦᱚᱞ ᱨᱮ ᱥᱟᱸᱵᱟᱣ ᱠᱟᱛᱮ ᱫᱟᱵᱚᱱ ᱞᱟᱹᱜᱤᱫ ᱮ ᱠᱩᱨᱩᱢᱩᱴᱩ ᱠᱮᱫ-ᱟ ᱾ ᱒᱕ ᱵᱚᱪᱷᱚᱨ ᱵᱚᱭᱚᱥ ᱨᱮ ᱥᱩᱠᱷᱟᱫᱤᱭᱟ ᱫᱚ ᱢᱤᱫ ᱥᱮᱨᱢᱟ ᱛᱩᱨᱩᱭ ᱪᱟᱸᱫᱚ ᱫᱷᱟᱹᱵᱤᱡ ᱡᱤᱦᱚᱞ ᱨᱮᱭ ᱛᱟᱦᱮᱸ ᱠᱟᱱᱟ ᱾
᱑᱙᱔᱓ ᱥᱟᱞᱮ ᱨᱮᱱᱟᱜ ᱡᱟᱰᱟᱢ ᱡᱟᱰᱟᱢ ᱡᱟᱹᱯᱩᱫ ᱨᱮ ᱵᱷᱤᱞᱣᱟᱰᱟ ᱟᱨ ᱥᱩᱨ ᱥᱩᱯᱩᱨ ᱴᱚᱴᱷᱟ ᱠᱚᱫᱚᱭ ᱵᱷᱟᱨᱟᱵᱷᱟᱴ ᱠᱮᱫ-ᱟ, ᱡᱟᱦᱟᱸ ᱛᱮ ᱫᱷᱚᱱ ᱥᱚᱢᱯᱚᱛᱤ ᱟᱨ ᱡᱟᱭ-ᱡᱤᱣᱤ ᱠᱚ ᱨᱮᱱᱟᱜ ᱟᱹᱰᱤ ᱜᱮ ᱞᱚᱠᱥᱟᱱ ᱦᱩᱭ ᱮᱱᱟ ᱾ ᱥᱩᱠᱷᱟᱫᱤᱭᱟ ᱫᱚ ᱱᱚᱣᱟ ᱠᱷᱚᱱ ᱚᱣᱟᱨ ᱫᱩᱜ ᱞᱟᱹᱜᱤᱫ ᱠᱟᱹᱢᱤᱭᱟᱹ ᱠᱩᱢᱩᱴ ᱮ ᱵᱮᱱᱟᱣ ᱠᱮᱫ-ᱟ ᱟᱨ ᱦᱚᱲ ᱠᱚ ᱞᱟᱹᱜᱤᱫ ᱡᱚᱢᱟᱜ ᱧᱩᱣᱟᱜ, ᱨᱟᱱ ᱢᱩᱨᱜᱟᱹᱱ ᱟᱨ ᱞᱩᱜᱽᱲᱤ ᱞᱟᱯᱚ ᱠᱚᱭ ᱵᱮᱵᱚᱥᱛᱟ ᱟᱫ ᱠᱚᱣᱟ ᱾
ᱯᱷᱩᱨᱜᱟᱹᱞ ᱟᱨ ᱥᱚᱨᱠᱟᱨ ᱨᱮ ᱫᱟᱣ ᱦᱟᱛᱟᱣ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱕ ᱚᱜᱚᱥᱴ ᱑᱙᱔᱗ ᱫᱚ ᱨᱟᱡᱚᱥᱛᱷᱟᱱ (ᱩᱱ ᱡᱚᱦᱚᱜᱟᱜ ᱨᱟᱡᱽᱯᱩᱛᱱᱟ) ᱨᱮᱱᱟᱜ ᱒᱒ ᱜᱚᱴᱟᱝ ᱨᱤᱭᱟᱥᱚᱛ ᱵᱷᱟᱨᱚᱛ ᱥᱚᱝᱜᱷᱚ ᱨᱮ ᱥᱮᱞᱮᱫᱚᱜ ᱞᱟᱹᱜᱤᱫ ᱠᱚ ᱨᱮᱵᱮᱱ ᱮᱱᱟ ᱾ [᱘][᱙]
ᱨᱟᱡᱚᱥᱛᱷᱟᱱ ᱨᱟᱡᱽ-ᱟᱹᱨᱤ ᱨᱮ ᱥᱩᱠᱷᱟᱰᱤᱭᱟ ᱟᱜ ᱚᱠᱛᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱹᱠᱷᱤᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Kochar 1999, p. 5.
- ↑ Bhatt, Rajendra Shankar. Aadhunik Rajasthan Ke Swapnadrashta Shri Mohanlal Sukhadia. p. 12.
- 1 2 Kochar 1999, p. 17.
- ↑ Ralhan 2002, p. 18.
- ↑ Kochar 1999, p. 19.
- ↑ Kochar 1999, p. 20.
- ↑ Ralhan, O. P. Encyclopaedia of Political Parties. p. 1008.
- ↑ "History of Legislature in Rajasthan". Rajasthan Government. Retrieved 20 August 2008.
- ↑ Sukhadia 1962, p. 33.