ᱣᱚᱢᱤᱠᱟ ᱜᱟᱵᱽᱵᱤ

ᱣᱚᱢᱤᱠᱟ ᱜᱟᱵᱽᱵᱤ
ᱣᱚᱢᱤᱠᱟ ᱜᱟᱵᱽᱵᱤ
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ  ᱟᱨ  ᱡᱟᱱᱟᱢ ᱴᱷᱟᱶ	᱒᱙ ᱥᱮᱯᱴᱮᱢᱵᱚᱨ ᱑᱙᱙᱓ (1993-09-29) ᱪᱚᱱᱰᱤᱜᱚᱲ, ᱥᱤᱧᱚᱛ
ᱠᱟᱹᱢᱤ	ᱮᱠᱴᱨᱮᱥ
ᱠᱟᱹᱢᱤ ᱚᱠᱛᱚ	2007–ᱱᱤᱛ

ᱣᱚᱢᱤᱠᱟ ᱜᱟᱵᱽᱵᱤ (ᱡᱟᱱᱟᱢ ᱒᱙ ᱥᱮᱯᱴᱮᱢᱵᱚᱨ ᱑᱙᱙᱓) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱮᱠᱴᱨᱮᱥ ᱠᱟᱱᱟᱭ ᱾ ᱡᱟᱦᱟᱸᱭ ᱫᱚ ᱯᱚᱧᱡᱟᱵᱤ ᱟᱨ ᱦᱤᱱᱫᱤ ᱯᱷᱤᱞᱢ ᱟᱨ ᱥᱤᱨᱤᱭᱮᱞ ᱨᱮ ᱠᱟᱹᱢᱤ ᱠᱟᱱᱟᱭ ᱾ ᱦᱤᱱᱫᱤ ᱯᱷᱤᱞᱢ ᱡᱚᱵᱽ ᱣᱤ ᱢᱮᱴ (᱒᱐᱐᱗) ᱨᱮ ᱢᱤᱫᱴᱟᱹᱝ ᱠᱮᱴᱮᱡ ᱨᱳᱞ ᱥᱟᱶᱛᱮ ᱜᱤᱫᱽᱨᱟ. ᱞᱮᱠᱟᱛᱮ ᱟᱡᱟᱜ ᱮᱱᱮᱡ ᱮ ᱮᱛᱚᱦᱚᱵ ᱞᱮᱫ-ᱟ ᱾ ᱛᱟᱭᱚᱢ ᱟᱡ ᱫᱚ ᱯᱚᱧᱡᱟᱵᱤ ᱯᱷᱤᱞᱢ ᱛᱩ ᱢᱮᱨᱟ ᱒᱒ ᱢᱚᱬᱮ ᱛᱟᱨᱟ ᱒᱒ (᱒᱐᱑᱓), ᱱᱤᱠᱠᱟ ᱡᱚᱭᱞᱚᱫᱟᱨ ᱒ (᱒᱐᱑᱗) ᱟᱨ ᱱᱤᱠᱠᱟ ᱡᱚᱭᱞᱚᱫᱟᱨ ᱓ (᱒᱐᱑᱙) ᱟᱨ ᱠᱟᱞᱤ ᱡᱳᱴᱟ (᱒᱐᱒᱓) ᱨᱮ ᱢᱩᱬᱩᱛ ᱠᱩᱲᱤ ᱞᱮᱠᱟᱛᱮ ᱥᱟᱠᱥᱮᱥ ᱞᱮᱱᱟᱭ ᱾

ᱜᱟᱵᱽᱵᱤ ᱫᱚ ᱛᱟᱢᱤᱞ ᱯᱷᱤᱞᱢ ᱢᱟᱞᱟᱭ ᱱᱟᱭᱨᱚᱛᱷᱩ ᱢᱚᱭᱚᱠᱠᱚᱢ (᱒᱐᱑᱖) ᱟᱨ ᱢᱟᱞᱭᱟᱞᱟᱢ ᱯᱷᱤᱞᱢ ᱜᱚᱫᱷᱟ (᱒᱐᱑᱗) ᱨᱮ ᱦᱚᱸᱭ ᱠᱟ.ᱢᱤ ᱟᱠᱟᱫ-ᱟ ᱾ ᱟᱨ ᱦᱤᱱᱫᱤ ᱥᱴᱨᱤᱢᱤᱝ ᱥᱤᱨᱤᱡᱽ ᱜᱨᱟᱦᱟᱱ (᱒᱐᱒᱑), ᱢᱟᱭ: ᱮ ᱢᱟᱢ ᱨᱟᱡᱽ (᱒᱐᱒᱒) ᱟᱨ ᱢᱳᱰᱟᱨᱱ ᱞᱚᱵᱷ ᱢᱩᱢᱵᱟᱭ (᱒᱐᱒᱒) ᱨᱮ ᱟᱡᱟᱜ ᱠᱟ.ᱢᱤ ᱞᱟᱹᱜᱤᱫ ᱛᱮ ᱧᱩᱛᱩᱢ ᱮ ᱧᱟᱢ ᱞᱮᱫ-ᱟ ᱾ ᱢᱩᱪᱟᱹᱫ ᱵᱟᱨᱭᱟ ᱫᱚ ᱵᱤᱥᱚᱞ ᱵᱷᱟᱨᱫᱟᱡᱽ ᱟᱜ ᱰᱤᱨᱮᱠᱥᱚᱱ ᱨᱮ ᱦᱮᱡ ᱞᱮᱱᱟ ᱾ ᱒᱐᱒᱓ ᱥᱮᱨᱢᱟ ᱨᱮ ᱟᱡᱟᱜ ᱠᱮᱨᱤᱭᱚᱨ ᱨᱮ ᱢᱤᱫᱴᱟᱝ ᱢᱩᱴᱷᱟᱹᱱ ᱴᱷᱟᱶ ᱮ ᱦᱟᱢᱮᱴ ᱞᱮᱫ-ᱟ, ᱡᱩᱵᱤᱞᱤ ᱧᱩᱛᱩᱢᱟᱱ ᱰᱨᱟᱢᱟ ᱥᱤᱨᱤᱡᱽ ᱨᱮ ᱢᱤᱫ ᱟᱠᱴᱨᱮᱥ ᱞᱮᱠᱟᱛᱮ ᱟᱨ ᱵᱷᱟᱨᱟᱫᱽᱣᱟᱡᱽ ᱟᱜ ᱛᱷᱨᱤᱞᱟᱨ ᱯᱷᱤᱞᱢ ᱠᱷᱩᱯᱤᱭᱟ ᱨᱮ ᱢᱤᱫ ᱥᱯᱟᱭᱤᱝ ᱟᱠᱴᱨᱮᱥ ᱞᱮᱠᱟᱛᱮ, ᱡᱟᱦᱟᱸ ᱞᱟᱹᱜᱤᱫ ᱛᱮ ᱩᱱᱤ ᱯᱷᱤᱞᱢ ᱯᱷᱮᱭᱟᱨ ᱚᱴᱴᱤ ᱥᱤᱨᱯᱷᱟᱹᱭ ᱟᱢᱮᱴ ᱞᱮᱫ-ᱟ ᱾

ᱮᱛᱚᱦᱚᱵ ᱡᱤᱭᱚᱱ

ᱜᱚᱵᱵᱤ ᱫᱚ ᱒᱙ ᱥᱮᱯᱴᱮᱢᱵᱚᱨ ᱑᱙᱙᱓ ᱥᱟᱞᱮᱨᱮ ᱪᱚᱱᱰᱤᱜᱚᱰ ᱨᱮ ᱢᱤᱫ ᱯᱚᱧᱡᱟᱵᱤ ᱜᱷᱟᱨᱚᱸᱡᱽ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱟᱡ ᱵᱟᱵᱟ ᱜᱳᱵᱚᱨᱫᱷᱚᱱ ᱜᱟᱵᱽᱵᱤ ᱫᱚ ᱢᱤᱫ ᱚᱱᱚᱞᱤᱭᱟᱹ ᱠᱟᱱᱟᱭ ᱟᱨ ᱦᱤᱱᱫᱤ ᱟᱨ ᱯᱚᱧᱡᱟᱵᱤ ᱯᱟᱹᱨᱥᱤ ᱛᱮᱭ ᱚᱞ-ᱛᱚᱞ ᱟᱠᱟᱫᱟ ᱾ ᱩᱱᱤ ᱫᱚ St. ᱡᱮᱵᱤᱭᱚᱨᱥ ᱟᱥᱲᱟ, ᱪᱚᱱᱰᱤᱜᱚᱰ ᱠᱷᱚᱱ ᱟᱨᱴᱥ ᱨᱮ ᱟᱡᱟᱜ ᱰᱤᱜᱽᱨᱤ ᱯᱩᱨᱟᱹᱣ ᱞᱮᱫᱟᱭ ᱾

ᱠᱮᱨᱤᱭᱚᱨ

ᱮᱛᱚᱦᱚᱵ ᱠᱟᱹᱢᱤ ᱟᱨ ᱮᱥᱯᱮᱱᱥᱚᱱ (᱒᱐᱐᱗-᱒᱐᱑᱙) ᱜᱟᱵᱽᱵᱤ ᱫᱚ ᱑᱓ ᱵᱚᱪᱷᱚᱨ ᱩᱢᱮᱨ ᱨᱮ ᱤᱢᱛᱤᱭᱟᱡᱽ ᱟᱞᱤ ᱭᱟᱜ ᱦᱤᱱᱫᱤ ᱨᱳᱢᱟᱱᱴᱤᱠ ᱠᱚᱢᱮᱰᱤ ᱡᱚᱵ ᱣᱤ ᱢᱮᱴ (᱒᱐᱐᱗) ᱨᱮ ᱠᱟᱨᱤᱱᱟ ᱠᱟᱯᱩᱨ ᱟᱜ ᱠᱮᱨᱮᱠᱴᱚᱨ ᱨᱮ ᱠᱩᱥᱤᱱ ᱞᱮᱠᱟᱛᱮ ᱠᱟ.ᱢᱤ ᱠᱟᱛᱮ ᱯᱷᱤᱞᱤᱢ ᱨᱮ ᱠᱟ.ᱢᱤ ᱮᱱᱟᱭ । ᱯᱷᱤᱞᱢ ᱨᱮ ᱠᱟᱹᱢᱤ ᱚᱠᱛᱚ ᱨᱮ ᱟᱡᱟᱜ ᱯᱷᱤᱞᱢ ᱤᱱᱰᱚᱥᱴᱨᱤ ᱨᱮ ᱟᱡᱟᱜ ᱵᱷᱤᱛᱨᱤ ᱵᱟᱭ ᱵᱟᱰᱟᱭ ᱧᱟᱢ ᱞᱮᱫᱟᱭ, ᱪᱮᱫᱟᱜ ᱥᱮ ᱩᱱᱤ ᱫᱚ ᱠᱟᱯᱩᱨ ᱞᱮᱠᱟᱱ ᱟᱠᱴᱤᱝ ᱜᱷᱟᱨᱚᱸᱡᱽ ᱠᱷᱚᱱ ᱵᱟᱭ ᱦᱮᱡ ᱟᱠᱟᱱᱟ ᱾ ᱞᱚᱵᱽ ᱟᱡᱽ ᱠᱟᱞ (᱒᱐᱐᱙), ᱢᱚᱥᱚᱢ (᱒᱐᱑᱑) ᱟᱨ ᱵᱤᱴᱴᱩ ᱵᱚᱥ (᱒᱐᱑᱒) ᱨᱮ ᱜᱟᱵᱽᱵᱤ ᱫᱚ ᱟᱡᱟᱜ ᱯᱩᱭᱞᱩ ᱢᱩᱬᱩᱛ ᱨᱳᱞ ᱫᱚ ᱛᱟᱱᱤᱥᱟ ᱞᱮᱠᱟᱛᱮ ᱮᱱᱮᱡ ᱞᱮᱫ-ᱟ, ᱢᱤᱫ ᱛᱤᱨᱞᱟᱹ ᱡᱟᱦᱟᱸᱭ ᱫᱚ ᱟᱡ ᱠᱷᱚᱱ ᱵᱟᱨ ᱫᱷᱟᱣ ᱩᱢᱮᱨ ᱨᱮᱱ ᱢᱤᱫ ᱦᱚᱲ ᱥᱟᱶ ᱥᱟᱹᱜᱟᱹᱭ ᱨᱮᱭ ᱥᱮᱞᱮᱫ ᱞᱮᱱᱟ ᱾ ᱢᱩᱢᱵᱟᱭ ᱢᱤᱨᱚᱨ ᱞᱟᱹᱜᱤᱫ ᱢᱤᱫ ᱨᱤᱣᱩᱡᱤ ᱨᱮ, ᱠᱚᱨᱚᱱ ᱟᱱᱥᱩᱢᱟᱱᱟ ᱫᱚ ᱜᱟᱵᱽᱵᱤ ᱫᱚ ᱢᱤᱫ ᱢᱩᱥᱞᱟᱹ ᱯᱷᱤᱞᱢ ᱨᱮ "ᱥᱴᱟᱱᱰᱟᱣᱩᱴ" ᱢᱮᱱᱛᱮᱭ ᱥᱟᱨᱦᱟᱣ ᱞᱮᱫ-ᱟ ᱾ ᱱᱚᱶᱟ ᱫᱚ ᱠᱚᱢᱚᱨᱥᱤᱭᱟᱞ ᱯᱷᱮᱭᱞᱚ ᱞᱮᱠᱟᱛᱮ ᱩᱪᱷᱟᱹᱱ ᱞᱮᱱᱟ, ᱚᱱᱟ ᱛᱟᱭᱚᱢ ᱩᱱᱤ ᱢᱮᱱ ᱠᱮᱜ-ᱟ ᱡᱮ ᱫᱟᱨᱟᱭ ᱛᱮ ᱨᱤᱡᱮᱡᱽ ᱠᱷᱟᱹᱛᱤᱨ ᱩᱱᱤ ᱟᱠᱴᱤᱝ ᱫᱚᱭ ᱮᱢᱟᱫᱮ ᱛᱟᱦᱮᱸᱫ ᱾

ᱵᱟᱦᱨᱮ ᱡᱚᱱᱚᱲ

• ᱣᱚᱢᱤᱠᱟ ᱜᱟᱵᱽᱵᱤ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)
• ᱣᱚᱢᱤᱠᱟ ᱜᱟᱵᱽᱵᱤ ᱯᱷᱮᱥᱵᱩᱠ ᱨᱮ