ᱤᱞᱟ ᱟᱨᱚᱵ ᱢᱮᱦᱛᱟ

ᱤᱞᱟ ᱟᱨᱚᱵ ᱢᱮᱦᱛᱟ (ᱡᱟᱱᱟᱢ: ᱑᱖ ᱡᱩᱱ ᱑᱙᱓᱘) ᱫᱚ ᱥᱤᱧᱚᱛ ᱨᱮᱱᱟᱜ ᱜᱩᱡᱽᱨᱟᱴ ᱨᱤᱱᱤᱡ ᱢᱤᱫ ᱜᱩᱡᱽᱨᱟᱴᱤ ᱩᱯᱱᱭᱟᱥ ᱟᱨ ᱠᱟᱹᱦᱱᱤ ᱚᱱᱚᱞᱤᱭᱟᱹ ᱠᱟᱱᱟᱭ᱾

ᱡᱤᱭᱚᱱ ᱠᱟᱹᱦᱱᱤ

ᱢᱮᱦᱛᱟ ᱫᱚ ᱑᱖ ᱡᱩᱱ ᱑᱙᱓᱘ ᱨᱮ ᱵᱚᱢᱵᱮ (ᱱᱤᱛᱚᱜ ᱢᱩᱢᱵᱟᱭ) ᱨᱮ ᱜᱩᱡᱽᱨᱟᱴᱤ ᱚᱱᱚᱞᱤᱭᱟᱹ ᱜᱩᱱᱣᱟᱱᱛᱨᱟᱭ ᱟᱪᱟᱨᱭᱚ ᱴᱷᱮᱱ ᱮ ᱡᱟᱱᱟᱢ ᱞᱮᱱᱟ᱾ ᱩᱱᱤᱭᱟᱜ ᱜᱷᱟᱨᱚᱸᱡᱽ ᱫᱚ ᱡᱟᱢᱱᱟᱜᱟᱨ ᱨᱤᱱ ᱠᱚ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱡᱟᱢᱱᱟᱜᱟᱨ, ᱨᱟᱡᱽᱠᱚᱴ ᱟᱨ ᱢᱩᱢᱵᱟᱭ ᱠᱷᱚᱱ ᱟᱡᱟᱜ ᱥᱠᱩᱞ ᱥᱮᱪᱮᱫ ᱮ ᱯᱩᱨᱟᱹᱣ ᱠᱮᱫᱼᱟ᱾ ᱩᱱᱤ ᱫᱚ ᱑᱙᱕᱘ ᱥᱟᱞ ᱨᱮ ᱨᱟᱢᱱᱟᱨᱟᱭᱟᱱ ᱨᱩᱭᱟ ᱠᱚᱞᱮᱡᱽ ᱠᱷᱚᱱ ᱜᱩᱡᱽᱨᱟᱴᱤ ᱥᱟᱶᱛᱮ ᱵᱤ.ᱮ. ᱟᱨ ᱑᱙᱖᱐ ᱥᱟᱞ ᱨᱮ ᱮᱢ.ᱮ. ᱮ ᱯᱩᱨᱟᱹᱣ ᱠᱮᱫᱼᱟ᱾ ᱩᱱᱤ ᱫᱚ ᱑᱙᱖᱐ ᱠᱷᱚᱱ ᱑᱙᱖᱗ ᱫᱷᱟᱹᱵᱤᱡ ᱨᱩᱭᱟ ᱠᱚᱞᱮᱡᱽ ᱨᱮ ᱟᱨ ᱛᱟᱭᱚᱢ ᱛᱮ ᱒᱐᱐᱐ ᱥᱟᱞ ᱨᱮ ᱡᱤᱨᱟᱹᱣ ᱫᱷᱟᱹᱵᱤᱡ ᱥᱮᱸᱴ ᱡᱟᱵᱷᱤᱭᱟᱨᱥ ᱠᱚᱞᱮᱡᱽ, ᱢᱩᱢᱵᱟᱭ ᱨᱮ ᱯᱟᱲᱦᱟᱣ ᱠᱮᱫᱼᱟ᱾^[᱑]^[᱒]^[᱓]^[᱔]

ᱠᱟᱹᱢᱤ

ᱟᱡᱟᱜ ᱮᱛᱚᱦᱚᱵ ᱫᱤᱱ ᱨᱮ, ᱢᱮᱦᱛᱟ ᱫᱚ ᱟᱠᱷᱟᱱᱰ ᱟᱱᱟᱱᱫᱽ, ᱱᱟᱣᱱᱤᱛ ᱟᱨ ᱥᱛᱨᱤ ᱡᱤᱣᱟᱱ ᱢᱮᱜᱟᱡᱤᱱ ᱨᱮᱭ ᱚᱞ ᱠᱮᱫᱼᱟ᱾ ᱩᱱᱤ ᱫᱚ ᱟᱭᱢᱟ ᱩᱯᱱᱭᱟᱥ ᱠᱚᱭ ᱚᱞ ᱟᱠᱟᱫᱼᱟ, ᱚᱱᱟ ᱠᱚ ᱢᱩᱸᱫᱽ ᱨᱮ ᱛᱨᱤᱠᱳᱱᱱᱤ ᱛᱨᱟᱱ ᱨᱮᱠᱷᱟᱣ (᱑᱙᱖᱖), ᱛᱷᱤᱡᱮᱞᱳ ᱟᱠᱟᱨ (᱑᱙᱗᱐), ᱨᱟᱫᱷᱟ (᱑᱙᱗᱒), ᱮᱠ ᱦᱟᱛᱟ ᱫᱤᱣᱟᱱ ᱵᱟᱦᱟᱫᱩᱨ (᱑᱙᱗᱖), ᱵᱟᱛᱨᱤᱥ ᱞᱟᱠᱷᱥᱳ (᱑᱙᱗᱖), ᱵᱟᱨᱟᱥᱫᱟᱨ (᱑᱙᱗᱘), ᱟᱣᱟᱛᱤ ᱠᱟᱞᱱᱳ ᱥᱩᱨᱟᱡᱽ (᱑᱙᱗᱙), ᱵᱟᱛᱨᱤᱥ ᱯᱩᱛᱟᱞᱤᱱᱤ ᱵᱮᱫᱟᱱᱟ (᱑᱙᱘᱒), ᱟᱱᱮ ᱢᱨᱤᱛᱭᱩ (᱑᱙᱘᱒), ᱫᱟᱨᱤᱭᱟᱱᱳ ᱢᱟᱱᱟᱥ (᱑᱙᱘᱕), ᱵᱟᱥᱟᱱᱛ ᱪᱷᱟᱞᱟᱠᱮ (᱑᱙᱘᱗), ᱱᱟᱜᱽ ᱯᱚᱨᱤᱠᱥᱟ, ᱯᱟᱸᱪ ᱯᱟᱜᱟᱞᱟ ᱯᱨᱤᱛᱷᱵᱤ ᱯᱟᱨ (᱑᱙᱙᱕), ᱫᱤ ᱱᱤᱣ ᱞᱟᱭᱤᱯᱷ (᱒᱐᱐᱔), ᱯᱟᱨᱯᱳᱛᱟᱱᱤ ᱟᱸᱠᱷ (᱑᱙᱘᱘), ᱡᱤᱞᱤ ᱢᱮ ᱠᱩᱢᱯᱟᱞ ᱦᱟᱛᱷᱮᱞᱤᱢᱟ (᱒᱐᱐᱗) ᱮᱢᱟᱱ ᱠᱚ ᱥᱮᱞᱮᱫ ᱢᱮᱱᱟᱜᱼᱟ᱾ ᱡᱟᱦᱮᱨᱠᱷᱟᱵᱟᱨᱱᱳ ᱮᱢ.ᱮ.ᱮᱱ.ᱮᱥ (᱑᱙᱘᱕), ᱥᱟᱵᱽᱱᱮ ᱱᱟᱢ ᱦᱳᱛᱩ ᱱᱟᱛᱷᱤ (᱑᱙᱘᱑) ᱫᱚ ᱵᱷᱮᱜᱟᱨ ᱵᱷᱮᱜᱟᱨ ᱥᱟᱛᱟᱢ ᱟᱱ ᱩᱯᱱᱭᱟᱥ ᱠᱟᱱᱟ᱾ ᱩᱱᱤᱭᱟᱜ ᱩᱯᱱᱭᱟᱥ ᱵᱟᱫᱽ (᱒᱐᱑᱑) ᱫᱚ ᱨᱤᱛᱟ ᱠᱳᱛᱷᱟᱨᱤ ᱦᱚᱛᱮᱛᱮ ᱤᱝᱞᱤᱥ ᱛᱮ ᱯᱷᱮᱱᱥ (᱒᱐᱑᱕) ᱞᱮᱠᱟᱛᱮ ᱛᱚᱨᱡᱚᱢᱟ ᱟᱠᱟᱱᱟ᱾ ᱩᱱᱤᱭᱟᱜ ᱩᱯᱱᱭᱟᱥ ᱵᱟᱛᱨᱤᱥ ᱯᱩᱛᱞᱤᱱᱤ ᱵᱮᱫᱽᱱᱟ ᱫᱚ ᱛᱤᱨᱞᱟᱹ ᱠᱚᱣᱟᱜ ᱩᱱᱠᱩ ᱥᱟᱶᱛᱮ ᱦᱩᱭᱩᱜ ᱠᱟᱱ ᱵᱮᱼᱤᱱᱥᱟᱯᱷ ᱵᱤᱨᱩᱫᱷ ᱨᱮ ᱟᱨ ᱟᱠᱚᱣᱟᱜ ᱩᱯᱨᱩᱢ ᱵᱮᱨᱮᱫ ᱨᱮᱱᱟᱜ ᱠᱩᱨᱩᱢᱩᱴᱩ ᱨᱮᱱᱟᱜ ᱠᱟᱹᱦᱱᱤ ᱠᱟᱱᱟ᱾ ᱱᱚᱣᱟ ᱫᱚ ᱩᱯᱱᱭᱟᱥ ᱨᱤᱱᱤᱡ ᱢᱩᱬ ᱯᱟᱛᱨᱚ ᱚᱱᱩᱨᱟᱫᱷᱟ ᱪᱮᱛᱟᱱ ᱨᱮ ᱛᱟᱞᱢᱟ ᱢᱮᱱᱟᱜᱼᱟ, ᱟᱨ ᱩᱱᱤᱭᱟᱜ ᱠᱩᱱᱰᱟᱱᱤᱠᱟ ᱠᱟᱯᱟᱰᱤᱭᱟ ᱟᱜ ᱥᱟᱛ ᱯᱟᱜᱞᱟᱱ ᱟᱠᱟᱥᱢᱟᱱ (ᱥᱮᱵᱮᱱ ᱥᱴᱮᱯᱥ ᱤᱱ ᱫᱤ ᱥᱠᱟᱭ; ᱑᱙᱙᱔) ᱞᱮᱠᱟᱜᱮ ᱠᱚᱲᱟ ᱪᱚᱣᱩᱱᱤᱡᱚᱢ ᱵᱤᱨᱩᱫᱷ ᱨᱮ ᱟᱡᱟᱜ ᱨᱟᱹᱜᱤ ᱮ ᱩᱫᱩᱜ ᱥᱚᱫᱚᱨᱮᱫᱼᱟ᱾

ᱮᱠ ᱥᱤᱜᱟᱨᱮᱴ ᱮᱠ ᱫᱷᱩᱯᱥᱟᱞᱤ (᱑᱙᱘᱑), ᱵᱷᱤᱭᱮᱱᱟ-ᱣᱩᱰᱥ (᱑᱙᱘᱙), ᱵᱷᱟᱜᱽᱭᱟᱨᱮᱠᱷᱟ (᱑᱙᱙᱕), ᱵᱟᱞᱟᱵᱳ ᱵᱟᱞᱵᱷᱤ ᱵᱟᱞᱵᱷᱩ (᱑᱙᱙᱘), ᱭᱳᱢ ᱠᱤᱯᱯᱩᱨ (᱒᱐᱐᱖). ᱤᱞᱟ ᱟᱨᱚᱵ ᱢᱮᱦᱛᱟᱱᱳ ᱵᱟᱨᱛᱟ ᱵᱷᱟᱭᱵᱷᱟᱣ (᱒᱐᱐᱙) ᱫᱚ ᱩᱱᱤᱭᱟᱜ ᱠᱟᱹᱦᱱᱤ ᱨᱮᱱᱟᱜ ᱥᱟᱸᱜᱽᱨᱟᱦᱟ ᱠᱟᱱᱟ᱾ ᱩᱱᱤ ᱫᱚ ᱵᱚᱨᱥᱟ ᱟᱫᱟᱞᱡᱟᱱᱤ ᱥᱨᱮᱥᱴᱷ ᱵᱟᱨᱛᱟᱣ (᱑᱙᱙᱑), ᱵᱚᱨᱥᱟ ᱟᱫᱟᱞᱡᱟ ᱨᱮᱱᱟᱜ ᱵᱟᱪᱷᱟᱣ ᱠᱟᱹᱦᱱᱤ ᱠᱚ ᱥᱟᱯᱲᱟᱣ ᱟᱠᱟᱫᱼᱟ᱾

ᱢᱨᱤᱛᱭᱩ ᱱᱟᱢ ᱯᱟᱨᱯᱳᱴᱟ ᱢᱟᱨᱮ (᱑᱙᱘᱔) ᱫᱚ ᱟᱭᱢᱟ ᱚᱱᱚᱞᱤᱭᱟᱹ ᱠᱚᱣᱟᱜ ᱜᱚᱡ ᱪᱮᱛᱟᱱ ᱨᱮ ᱥᱟᱦᱤᱛᱭᱟᱹ ᱠᱟᱹᱢᱤ ᱨᱮᱱᱟᱜ ᱥᱟᱸᱜᱽᱨᱟᱦᱟ ᱠᱟᱱᱟ᱾

ᱩᱱᱤᱭᱟᱜ ᱚᱞ ᱫᱚ ᱛᱤᱨᱞᱟᱹ ᱯᱚᱠᱷ ᱞᱮᱠᱟᱛᱮ ᱠᱚ ᱢᱟᱱᱟᱣᱟ᱾

ᱥᱤᱨᱯᱟᱹ

ᱩᱱᱤ ᱫᱚ ᱜᱩᱡᱽᱨᱟᱴ ᱥᱟᱦᱤᱛᱭᱟᱹ ᱮᱠᱟᱰᱮᱢᱤ, ᱢᱚᱦᱟᱨᱟᱥᱴᱨᱚ ᱜᱩᱡᱽᱨᱟᱴᱤ ᱥᱟᱦᱤᱛᱭᱟᱹ ᱮᱠᱟᱰᱮᱢᱤ, ᱟᱨ ᱜᱩᱡᱽᱨᱟᱴᱤ ᱥᱟᱦᱤᱛᱭᱟᱹ ᱯᱟᱨᱤᱥᱟᱫᱽ ᱠᱷᱚᱱ ᱠᱚ ᱥᱤᱨᱯᱟᱹ ᱟᱠᱟᱫᱮᱭᱟ᱾

ᱱᱤᱡᱮᱨ ᱡᱤᱭᱚᱱ

ᱩᱱᱤ ᱫᱚ ᱑᱙᱖᱔ ᱥᱟᱞ ᱨᱮ ᱰᱟᱠᱛᱚᱨ ᱟᱨᱚᱵ ᱢᱮᱦᱛᱟ ᱥᱟᱶ ᱮ ᱵᱟᱯᱞᱟ ᱞᱮᱱᱟ ᱟᱨ ᱩᱱᱤ ᱨᱤᱱ ᱢᱤᱫ ᱠᱚᱲᱟ ᱜᱤᱫᱽᱨᱟᱹ, ᱥᱟᱞᱤᱞ ᱟᱨ ᱢᱤᱫ ᱠᱩᱲᱤ ᱜᱤᱫᱽᱨᱟᱹ, ᱥᱳᱱᱟᱞᱤ ᱢᱮᱱᱟᱜ ᱠᱤᱱᱟ᱾ ᱩᱱᱤ ᱫᱚ ᱢᱩᱢᱵᱟᱭ ᱨᱮ ᱛᱟᱦᱮᱸᱱᱟ᱾ ᱩᱱᱤ ᱨᱤᱱ ᱵᱟᱵᱟ ᱜᱩᱱᱣᱟᱱᱛᱨᱟᱭ ᱟᱪᱟᱨᱭᱚ ᱟᱨ ᱩᱱᱤ ᱨᱤᱱ ᱦᱩᱰᱤᱧ ᱵᱚᱭᱦᱟ ᱵᱚᱨᱥᱟ ᱟᱫᱟᱞᱡᱟ ᱦᱚᱸ ᱜᱩᱡᱽᱨᱟᱴᱤ ᱚᱱᱚᱞᱤᱭᱟᱹ ᱠᱟᱱᱟ ᱠᱤᱱ᱾^[᱕]

ᱥᱟᱹᱠᱷᱭᱟᱹᱛ

↑ Brahmabhatt, Prasad (2010). અર્વાચીન ગુજરાતી સાહિત્યનો ઈતિહાસ - આધુનિક અને અનુઆધુનિક યુગ (History of Modern Gujarati Literature – Modern and Postmodern Era) (in ᱜᱩᱡᱽᱨᱟᱴᱤ). Ahmedabad: Parshwa Publication. pp. 265–266. ISBN 978-93-5108-247-7.
↑ "Meet The Author: Ila Arab Mehta" (PDF). Sahitya Akademi, Delhi. 26 March 2011. Archived from the original (PDF) on 23 December 2016.
↑ K. M. George (1992). Modern Indian Literature, an Anthology: Surveys and poems. Sahitya Akademi. p. 143. ISBN 978-81-7201-324-0.
↑ Kartik Chandra Dutt (1999). Who's who of Indian Writers, 1999: A-M. Sahitya Akademi. pp. 743–744. ISBN 978-81-260-0873-5.
↑ Nalini Natarajan; Emmanuel Sampath Nelson (1996). Handbook of Twentieth-century Literatures of India. Greenwood Publishing Group. p. 127. ISBN 978-0-313-28778-7.

ᱵᱟᱦᱨᱮ ᱡᱚᱱᱚᱲ

[AGSI-1] Brahmabhatt, Prasad (2010). અર્વાચીન ગુજરાતી સાહિત્યનો ઈતિહાસ - આધુનિક અને અનુઆધુનિક યુગ (History of Modern Gujarati Literature – Modern and Postmodern Era) (in ᱜᱩᱡᱽᱨᱟᱴᱤ). Ahmedabad: Parshwa Publication. pp. 265–266. ISBN 978-93-5108-247-7.

[sa-2] "Meet The Author: Ila Arab Mehta" (PDF). Sahitya Akademi, Delhi. 26 March 2011. Archived from the original (PDF) on 23 December 2016.

[George1992-3] K. M. George (1992). Modern Indian Literature, an Anthology: Surveys and poems. Sahitya Akademi. p. 143. ISBN 978-81-7201-324-0.

[Dutt1999-4] Kartik Chandra Dutt (1999). Who's who of Indian Writers, 1999: A-M. Sahitya Akademi. pp. 743–744. ISBN 978-81-260-0873-5.

[NatarajanNelson1996-5] Nalini Natarajan; Emmanuel Sampath Nelson (1996). Handbook of Twentieth-century Literatures of India. Greenwood Publishing Group. p. 127. ISBN 978-0-313-28778-7.

[᱑]

[᱒]

[᱓]

[᱔]

[᱕]