ᱤᱦᱟᱱᱟ ᱫᱷᱤᱞᱚᱱ
| ᱤᱦᱟᱱᱟ ᱫᱷᱤᱞᱚᱱ | |
|---|---|
_(cropped).jpg) Ihana at the premier of Sonu Ke Titu Ki Sweety in Mumbai | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱯᱷᱟᱨᱤᱫᱠᱚᱴ, ᱯᱚᱧᱡᱟᱵᱽ, ᱥᱤᱧᱚᱛ |
| ᱫᱤᱥᱚᱢᱤᱭᱟᱹ | ᱥᱤᱧᱚᱛ |
| ᱠᱟᱹᱢᱤ | ᱮᱠᱴᱨᱮᱥ, ᱢᱚᱰᱮᱞ |
| ᱠᱟᱹᱢᱤ ᱚᱠᱛᱚ | 2009 - ᱱᱤᱛ |
ᱤᱦᱟᱱᱟ ᱫᱷᱤᱞᱚᱱ ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱟᱠᱴᱨᱮᱥ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱯᱚᱧᱡᱟᱵᱤ ᱟᱨ ᱦᱤᱱᱫᱤ ᱯᱷᱤᱞᱢ ᱨᱮ ᱠᱟᱹᱢᱤ ᱠᱟᱱᱟᱭ ᱾[᱑][᱒] ᱒᱐᱑᱘ ᱨᱮ ᱦᱮᱴ ᱥᱴᱚᱨᱤ ᱔ ᱯᱷᱤᱞᱢ ᱨᱮ ᱠᱟ.ᱢᱤ ᱠᱟᱛᱮ ᱵᱚᱞᱤᱣᱩᱰ ᱨᱮ ᱯᱩᱭᱞᱩ ᱫᱷᱟ. ᱟᱡᱟᱜ ᱟᱭᱢᱟ ᱯᱟᱹᱨᱥᱤ ᱨᱮᱱᱟᱜ ᱫᱟᱲᱮ ᱛᱮ ᱟᱡ ᱫᱚ ᱯᱚᱧᱡᱟᱵᱤ ᱯᱷᱤᱞᱢ ᱰᱟᱰᱰᱤ ᱠᱩᱞ ᱢᱩᱱᱰᱮ ᱯᱷᱩᱞ (᱒᱐᱑᱓) ᱟᱨ ᱛᱩᱜᱩᱞ ᱞᱟᱭᱤᱯ (᱒᱐᱑᱗) ᱨᱮ ᱥᱮᱬᱟ ᱥᱟᱨᱦᱟᱣ ᱮ ᱧᱟᱢ ᱞᱮᱫᱼᱟ ᱾
᱒᱐᱒᱑ ᱨᱮ ᱨᱟᱫᱷᱮ (Radhe) ᱨᱮ ᱟᱨ ᱒᱐᱒᱓ ᱨᱮ ᱥᱢᱤᱯ ᱠᱟᱝ (Smeep Kang) ᱟᱜ ᱜᱳᱞ ᱜᱟᱯᱯᱮ (Gol Gappe) ᱨᱮ ᱠᱟ.ᱢᱤ ᱞᱮᱭᱟ ।
ᱠᱮᱨᱤᱭᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱡᱟᱜ ᱥᱮᱪᱮᱫ ᱯᱩᱨᱟᱹᱣ ᱛᱟᱭᱚᱢ, ᱩᱱᱤ ᱫᱚ ᱟᱴᱞᱟᱱᱴᱟ ᱨᱮ ᱦᱳᱴᱮᱞ ᱠᱨᱟᱣᱩᱱ ᱯᱞᱟᱡᱟ ᱨᱮ ᱠᱟᱹᱢᱤ ᱞᱮᱫ-ᱟ, ᱡᱟᱦᱟᱸᱨᱮ ᱩᱱᱤᱭᱟᱜ ᱧᱮᱞ ᱢᱤᱫ ᱢᱚᱰᱮᱞᱤᱝ ᱮᱡᱮᱱᱥᱤ ᱨᱮ ᱦᱮᱡ ᱞᱮᱱᱟ ᱟᱨ ᱩᱱᱠᱩ ᱫᱚ ᱩᱱᱤᱭᱟᱜ ᱠᱟᱹᱢᱤ ᱮ ᱮᱢ ᱞᱮᱫ-ᱟ ᱾
᱒᱐᱑᱓ ᱥᱟᱞᱮ ᱨᱮ, ᱩᱱᱤ ᱫᱚ ᱰᱟᱰᱤ ᱠᱩᱞ ᱢᱩᱱᱰᱮ ᱯᱷᱩᱞ ᱨᱮ ᱟᱡᱟᱜ ᱯᱩᱭᱞᱩ ᱯᱷᱤᱞᱤᱢ ᱮᱱᱮᱡ ᱮ ᱮᱛᱚᱦᱚᱵ ᱞᱮᱫᱼᱟ ᱟᱨ ᱢᱤᱱᱠᱤ ᱞᱮᱠᱟᱛᱮ ᱟᱡᱟᱜ ᱨᱳᱞ ᱞᱟᱹᱜᱤᱫ ᱛᱮ ᱯᱚᱧᱡᱟᱵᱤ ᱯᱷᱤᱞᱤᱢ ᱤᱱᱰᱚᱥᱴᱨᱤ ᱨᱮ ᱢᱟᱱᱚᱛ ᱮ ᱧᱟᱢ ᱞᱮᱫᱼᱟ ᱾ ᱢᱤᱱᱠᱤ ᱫᱚ ᱢᱤᱫ ᱠᱚᱢ ᱥᱚᱦᱚᱨ ᱠᱩᱲᱤ ᱠᱟᱱᱟᱭ ᱡᱟᱦᱟᱸᱭ ᱫᱚ ᱟᱡᱟᱜ ᱢᱟᱢᱟ ᱟᱜ ᱩᱭᱦᱟᱹᱨ ᱟᱨ ᱥᱩᱥᱟᱹᱨ ᱞᱟᱹᱜᱤᱫ ᱮ ᱠᱩᱥᱤᱭᱟᱜᱼᱟ ᱾
᱒᱐᱑᱖ ᱥᱟᱞ ᱨᱮ ᱥᱤᱯᱯᱤ ᱜᱤᱞ ᱟᱜ ᱯᱷᱤᱞᱤᱢ ᱴᱟᱭᱜᱟᱨ (Tiger) ᱨᱮ ᱡᱚᱝᱯᱩᱨᱟ ᱨᱮ ᱠᱩᱲᱤ ᱠᱚ ᱰᱨᱚᱜᱥ ᱟᱠᱟᱱ ᱠᱚᱲᱟ ᱠᱚ ᱥᱟᱞᱟᱜ ᱪᱮᱫ ᱞᱮᱠᱟ ᱠᱚ ᱨᱚᱯᱚᱲᱟ ᱚᱱᱟ ᱵᱟᱰᱟᱭ ᱞᱟᱹᱜᱤᱫ ᱠᱮᱱᱰᱟ ᱨᱤᱱᱤᱡ ᱢᱤᱫ ᱚᱱᱚᱞᱤᱭᱟᱹ ᱮᱠᱩᱢ ᱠᱷᱟᱱᱱᱟ ᱟᱜ ᱨᱳᱞ ᱫᱚ ᱟᱡᱟᱜ ᱯᱩᱨᱟ.
ᱴᱩᱡᱽ ᱞᱟᱭᱤᱯ ᱯᱷᱤᱞᱢ ᱨᱮ ᱩᱱᱤ ᱫᱚ ᱨᱩᱪᱤ ᱟᱠᱴᱨᱮᱥ ᱞᱮᱠᱟᱛᱮ ᱠᱟ.ᱢᱤ ᱟᱠᱟᱫᱟᱭ, ᱡᱟᱦᱟᱸᱭ ᱫᱚ ᱛᱟᱭᱚᱢ ᱛᱮ ᱯᱮ ᱦᱚᱲᱟᱜ ᱜᱟᱶᱛᱟ ᱨᱮᱱ ᱢᱤᱫᱴᱮᱱ ᱠᱨᱤᱠᱮᱴᱟᱨ ᱮ ᱵᱮᱱᱟᱣ ᱮᱱᱟ ।
᱒᱐᱑᱘ ᱥᱟᱞᱮ ᱨᱮ, ᱵᱤᱥᱚᱞ ᱯᱟᱱᱰᱤᱭᱟ ᱟᱜ ᱰᱤᱨᱮᱠᱥᱚᱱ ᱨᱮ ᱦᱮᱴ ᱥᱴᱚᱨᱤ ᱔ ᱯᱷᱤᱞᱢ ᱛᱮ ᱟᱡᱟᱜ ᱵᱚᱞᱤᱣᱩᱰ ᱮᱱᱮᱡ ᱮᱦᱚᱵ ᱞᱮᱫ-ᱟ, ᱟᱨ ᱩᱨᱵᱟᱥᱤ ᱨᱟᱣᱛᱮᱞᱟ, ᱵᱤᱵᱷᱟᱱ ᱵᱷᱟᱴᱮᱱᱟ ᱟᱨ ᱠᱟᱨᱚᱱ ᱣᱚᱦᱤ ᱮᱱᱮᱡ ᱞᱮᱫ-ᱟ, ᱨᱤᱥᱢᱟ ᱨᱩᱯ ᱛᱮ ᱾
ᱱᱤᱛ ᱦᱟᱹᱵᱤᱡ ᱛᱮ ᱫᱷᱤᱞᱚᱱ ᱫᱚ ᱯᱚᱧᱡᱟᱵᱤ ᱟᱨ ᱦᱤᱱᱫᱤ ᱯᱷᱤᱞᱢ ᱤᱱᱰᱚᱥᱴᱨᱤ ᱨᱮ ᱟᱠᱴᱤᱵᱷ ᱮ ᱛᱟᱦᱮᱸ ᱠᱟᱱᱟ ᱾ ᱒᱐᱑᱙ ᱥᱟᱞᱮ ᱨᱮ, ᱩᱱᱤ ᱫᱚ ᱯᱚᱧᱡᱟᱵᱤ ᱯᱷᱤᱞᱢ ᱵᱞᱮᱠᱤᱭᱟ ᱨᱮ ᱠᱟ.ᱢᱤ ᱞᱮᱭᱟ, ᱡᱟᱦᱟᱸ ᱫᱚ ᱯᱤ.ᱴᱤ.ᱥᱤ. ᱯᱚᱧᱡᱟᱵᱤ ᱯᱷᱤᱞᱢ ᱟᱣᱟᱨᱰ ᱨᱮ ᱵᱮᱥᱴ ᱯᱤᱠᱪᱚᱨ ᱞᱟᱹᱜᱤᱫ ᱮ ᱧᱩᱛᱩᱢ ᱟᱠᱟᱱᱟ ᱾[᱓]
ᱡᱩᱱ ᱒᱐᱒᱐ ᱨᱮ, ᱫᱷᱤᱞᱚᱱ ᱫᱚ ᱩᱞᱞᱩ ᱚᱨᱤᱡᱤᱱᱟᱞ ᱣᱮᱵ ᱥᱤᱨᱤᱡᱽ, ᱠᱟᱥᱚᱠ ᱥᱟᱶ ᱟᱡᱟᱜ ᱦᱤᱱᱫᱤ ᱰᱤᱡᱤᱴᱟᱞ ᱮᱛᱚᱦᱚᱵ ᱞᱮᱫ-ᱟ ᱾ ᱒᱐᱒᱐ ᱥᱮᱨᱢᱟ ᱨᱮ ᱩᱱᱤ ᱫᱚ ᱯᱩᱱᱭᱟᱹ ᱥᱮᱨᱮᱧ ᱨᱮᱭ ᱥᱮᱨᱮᱧ ᱟᱠᱟᱫᱟ, ᱚᱱᱟ ᱠᱚ ᱢᱩᱸᱫᱽ ᱨᱮ ᱵᱟᱨᱭᱟ ᱫᱚ ᱯᱚᱧᱡᱟᱵᱤ ᱥᱮᱨᱮᱧ, ᱵᱟᱨᱤᱥ ᱟᱨ ᱠᱷᱚᱥ ᱟᱨ ᱵᱟᱨᱭᱟ ᱫᱚ ᱦᱤᱱᱫᱤ ᱥᱮᱨᱮᱧ, ᱢᱚᱨᱤ ᱟᱥᱤᱠᱤ ᱟᱨ ᱵᱤᱣᱟᱯᱷᱟ ᱴᱮᱨᱟ ᱢᱚᱥᱩᱢ ᱪᱮᱦᱨᱟ ᱾
᱒᱐᱒᱑ ᱥᱮᱨᱢᱟ ᱨᱮ ᱫᱷᱤᱞᱚᱱ ᱫᱚ ᱟᱭᱢᱟ ᱜᱟᱱ ᱯᱷᱤᱞᱢ ᱠᱚᱭ ᱨᱤᱞᱤᱡᱽ ᱞᱮᱫ-ᱟ, ᱨᱟᱫᱷᱮ ᱡᱟᱦᱟᱸ ᱫᱚ ᱢᱮ ᱒᱐᱒᱑ ᱥᱮᱨᱢᱟ ᱨᱮ ᱡᱤ ᱕ ᱨᱮ ᱨᱤᱞᱤᱡᱽ ᱞᱮᱱᱟ ᱟᱨ ᱵᱷᱩᱡᱽ: ᱫᱤ ᱯᱨᱟᱭᱤᱰ ᱚᱯᱷ ᱤᱱᱰᱤᱭᱟ ᱫᱚ ᱑᱓ ᱚᱜᱚᱥᱴ ᱒᱐᱒᱑ ᱥᱮᱨᱢᱟ ᱨᱮ ᱰᱤᱥᱱᱤ+ ᱦᱳᱴᱥᱴᱟᱨ ᱨᱮ ᱨᱤᱞᱤᱡᱽ ᱞᱮᱱᱟ ᱾
᱒᱕ ᱚᱜᱚᱥᱴ ᱒᱐᱒᱒ ᱦᱤᱞᱚᱜ ᱯᱚᱧᱡᱟᱵᱤ ᱯᱷᱤᱞᱢ ᱵᱷᱩᱴ ᱟᱸᱠᱞ ᱛᱩᱥᱤ ᱜᱨᱮᱴ ᱦᱳ ᱥᱤᱱᱮᱢᱟ ᱚᱲᱟᱜ ᱨᱮ ᱨᱤᱞᱤᱡᱽ ᱞᱮᱱᱟ ᱾ ᱱᱚᱶᱟ ᱨᱮ ᱩᱱᱤ ᱨᱟᱡᱽ ᱵᱟᱵᱵᱚᱨ ᱟᱨ ᱡᱚᱭᱟ ᱯᱨᱚᱫᱟ ᱥᱟᱶ ᱮᱱᱮᱡ ᱟᱠᱟᱫᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Fernandes, Sandra Marina (14 September 2017). "People seek more content these days, says actress Ihana Dhillon". The Times of India.
- ↑ Kukreja, Monika Rawal (9 September 2017). "Hate Story 4 actor Ihana Dhillon: We are not trying to sell sex but nobody will believe". Hindustan Times.
- ↑ Kapoor, Diksha (2 June 2020). "TC Punjabi Film Awards 2020: Here's The Full List Of Nominations". PTC Punjabi. Retrieved 18 May 2023.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱤᱦᱟᱱᱟ ᱫᱷᱤᱞᱚᱱ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)