ᱤᱨᱟ ᱥᱤᱝᱜᱚᱞ
ᱤᱨᱟ ᱥᱤᱝᱜᱚᱞ ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱮᱰᱢᱤᱱᱤᱥᱴᱨᱮᱴᱤᱵᱽ ᱥᱚᱨᱵᱷᱤᱥ ᱚᱯᱷᱤᱥᱚᱨ ᱟᱨ ᱠᱚᱢᱯᱭᱩᱴᱟᱨ ᱥᱟᱬᱮᱥ ᱤᱧᱡᱤᱱᱤᱭᱟᱹᱨ ᱠᱟᱱᱟᱭ᱾ ᱩᱱᱤ ᱫᱚ ᱒᱐᱑᱔ ᱥᱮᱨᱢᱟ ᱞᱟᱹᱜᱤᱫ ᱭᱩ.ᱯᱤ.ᱮᱥ.ᱥᱤ. ᱨᱮᱭᱟᱜ ᱥᱤᱵᱷᱤᱞ ᱥᱚᱨᱵᱷᱤᱥ ᱮᱠᱡᱟᱢᱤᱱᱮᱥᱚᱱ ᱨᱮ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱥᱠᱳᱨ ᱟᱠᱟᱫ ᱦᱚᱲ ᱠᱟᱱᱟᱭ᱾ ᱩᱱᱤ ᱫᱚ ᱱᱮᱛᱟᱡᱤ ᱥᱩᱵᱷᱟᱥ ᱤᱱᱥᱴᱤᱴᱭᱩᱴ ᱚᱯᱷ ᱴᱮᱠᱱᱚᱞᱚᱡᱤ, ᱭᱩᱱᱤᱵᱷᱟᱨᱥᱤᱴᱤ ᱚᱯᱷ ᱫᱤᱞᱞᱤ ᱠᱷᱚᱱ ᱟᱡᱟᱜ ᱵᱤ.ᱤ. ᱟᱨ ᱮᱯᱷ.ᱮᱢ.ᱮᱥ., ᱭᱩᱱᱤᱵᱷᱟᱨᱥᱤᱴᱤ ᱚᱯᱷ ᱫᱤᱞᱞᱤ ᱠᱷᱚᱱ ᱮᱢ.ᱵᱤ.ᱮ. ᱮ ᱯᱩᱨᱟᱹᱣ ᱟᱠᱟᱫᱟ᱾ ᱥᱤᱝᱜᱚᱞ ᱫᱚ ᱯᱩᱱᱭᱟᱹ ᱫᱷᱟᱣ ᱨᱮ ᱵᱤᱱᱤᱰ ᱨᱮ ᱴᱚᱯ ᱠᱟᱛᱮ ᱥᱤᱵᱷᱤᱞ ᱥᱚᱨᱵᱷᱤᱥ ᱵᱤᱱᱤᱰ ᱨᱮ ᱴᱚᱯ ᱟᱠᱟᱫ ᱯᱩᱭᱞᱩ ᱵᱷᱮᱜᱟᱨ ᱞᱮᱠᱟᱱ ᱦᱚᱲᱢᱚ ᱟᱠᱟᱱ ᱛᱤᱨᱞᱟᱹ ᱮ ᱵᱮᱱᱟᱣ ᱮᱱᱟ᱾
ᱮᱛᱚᱦᱚᱵ ᱡᱤᱭᱚᱱ ᱟᱨ ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱝᱜᱚᱞ ᱫᱚ ᱨᱟᱡᱮᱱᱫᱽᱨᱚ ᱥᱤᱝᱜᱚᱞ ᱟᱨ ᱟᱱᱤᱛᱟ ᱥᱤᱝᱜᱚᱞ ᱴᱷᱮᱱ ᱢᱤᱨᱩᱴ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱟᱡ ᱵᱟᱵᱟ ᱫᱚ ᱢᱤᱫ ᱤᱧᱡᱤᱱᱤᱭᱟᱹᱨ ᱠᱟᱱᱟᱭ ᱟᱨ ᱟᱡ ᱟᱭᱳ ᱫᱚ ᱢᱤᱫ ᱤᱱᱥᱩᱨᱮᱱᱥ ᱮᱰᱵᱷᱟᱭᱤᱡᱚᱨ ᱠᱟᱱᱟᱭ᱾ ᱩᱱᱤ ᱫᱚ ᱥᱚᱯᱷᱤᱭᱟ ᱜᱟᱨᱞᱥ ᱥᱠᱩᱞ, ᱢᱤᱨᱩᱴ ᱟᱨ ᱞᱚᱨᱮᱴᱚ ᱠᱚᱱᱵᱷᱮᱱᱴ ᱥᱠᱩᱞ, ᱫᱤᱞᱞᱤ ᱨᱮ ᱴᱚᱯᱟᱨ ᱠᱚ ᱢᱩᱫᱽ ᱨᱮᱭ ᱛᱟᱦᱮᱸ ᱠᱟᱱᱟ᱾ ᱤᱨᱟ ᱫᱚ ᱥᱠᱚᱞᱤᱭᱳᱥᱤᱥ ᱢᱮᱱᱟᱜ ᱛᱟᱭᱟ, ᱢᱤᱫ ᱨᱤᱰ ᱥᱟᱶ ᱡᱚᱯᱲᱟᱣ ᱟᱠᱟᱱ ᱟᱡᱟᱨ, ᱡᱟᱦᱟᱸ ᱫᱚ ᱟᱡᱟᱜ ᱛᱤ ᱦᱤᱞᱟᱹᱣ ᱨᱮ ᱵᱟᱹᱲᱤᱡ ᱮ ᱵᱮᱱᱟᱣᱟ᱾ ᱩᱱᱤ ᱫᱚ ᱟᱨᱢᱤ ᱯᱚᱵᱽᱞᱤᱠ ᱥᱠᱩᱞ, ᱫᱷᱟᱣᱞᱟ ᱠᱩᱣᱟᱸ ᱠᱷᱚᱱ ᱟᱡᱟᱜ ᱥᱠᱩᱞ ᱮ ᱯᱩᱨᱟᱹᱣ ᱟᱠᱟᱫᱟ ᱟᱨ ᱱᱮᱛᱟᱡᱤ ᱥᱩᱵᱷᱟᱥ ᱤᱱᱥᱴᱤᱴᱭᱩᱴ ᱚᱯᱷ ᱴᱮᱠᱱᱚᱞᱚᱡᱤ (ᱱᱤᱛᱚᱜ ᱱᱮᱛᱟᱡᱤ ᱥᱩᱵᱷᱟᱥ ᱭᱩᱱᱤᱵᱷᱟᱨᱥᱤᱴᱤ ᱚᱯᱷ ᱴᱮᱠᱱᱚᱞᱚᱡᱤ) ᱠᱷᱚᱱ ᱠᱚᱢᱯᱭᱩᱴᱟᱨ ᱤᱧᱡᱤᱱᱤᱭᱟᱹᱨᱤᱝ ᱨᱮ ᱵᱤ.ᱤ. ᱮ ᱯᱟᱲᱦᱟᱣ ᱟᱠᱟᱫᱟ ᱟᱨ ᱯᱷᱮᱠᱚᱞᱴᱤ ᱚᱯᱷ ᱢᱮᱱᱮᱡᱽᱢᱮᱱᱴ ᱥᱴᱟᱰᱤᱡᱽ, ᱭᱩᱱᱤᱵᱷᱟᱨᱥᱤᱴᱤ ᱚᱯᱷ ᱫᱤᱞᱞᱤ ᱠᱷᱚᱱ ᱢᱟᱨᱠᱮᱴᱤᱝ ᱟᱨ ᱯᱷᱟᱭᱱᱟᱱᱥ ᱨᱮ ᱰᱩᱭᱮᱞ ᱮᱢ.ᱵᱤ.ᱮ. ᱮ ᱧᱟᱢ ᱟᱠᱟᱫᱟ᱾ ᱩᱱᱤ ᱫᱚ ᱒᱐᱑᱔-᱒᱐᱑᱕ ᱭᱩ.ᱯᱤ.ᱮᱥ.ᱥᱤ. ᱵᱤᱱᱤᱰ ᱨᱮ ᱒,᱐᱒᱕ ᱨᱮ ᱑,᱐᱘᱒ ᱢᱟᱨᱠᱥ ᱮ ᱧᱟᱢ ᱟᱠᱟᱫᱟ ᱟᱨ ᱕᱓.᱔᱓% ᱮ ᱧᱟᱢ ᱟᱠᱟᱫᱟ᱾
ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱟᱡᱟᱜ ᱯᱩᱭᱞᱩ ᱫᱷᱟᱣ ᱨᱮ ᱵᱤᱱᱤᱰ ᱯᱟᱥ ᱠᱟᱛᱮ ᱦᱚᱸ, ᱥᱤᱝᱜᱚᱞ ᱫᱚ ᱟᱡᱟᱜ ᱦᱚᱲᱢᱚ ᱵᱟᱹᱲᱤᱡ ᱠᱷᱟᱹᱛᱤᱨ ᱚᱯᱷᱤᱥ ᱨᱮ ᱯᱚᱫᱽ ᱦᱟᱛᱟᱣ ᱞᱟᱹᱜᱤᱫ ᱵᱟᱠᱚ ᱮᱢᱟᱫᱮᱭᱟ, ᱪᱮᱫᱟᱜ ᱥᱮ ᱚᱛᱷᱚᱨᱤᱴᱤ ᱠᱚ ᱟᱡᱟᱜ ᱫᱟᱹᱲ ᱟᱨ ᱞᱤᱯᱷᱴ ᱨᱮᱱᱟᱜ ᱟᱠᱷᱟᱲᱟ ᱵᱟᱹᱱᱩᱜ ᱛᱟᱭᱟ ᱢᱮᱱᱛᱮ ᱠᱚ ᱞᱟᱹᱭ ᱠᱮᱫᱟ᱾ ᱟᱡ ᱫᱚ ᱥᱠᱚᱞᱤᱭᱳᱥᱤᱥ ᱛᱟᱦᱮᱸ ᱠᱷᱟᱹᱛᱤᱨ ᱯᱚᱥᱴᱤᱝ ᱵᱟᱠᱚ ᱮᱢᱟᱫᱮᱭᱟ᱾ ᱒᱐᱑᱒ ᱨᱮ ᱩᱱᱤ ᱫᱚ ᱥᱮᱱᱴᱨᱟᱞ ᱮᱰᱢᱤᱱᱤᱥᱴᱨᱮᱴᱤᱵᱽ ᱴᱨᱤᱵᱩᱱᱟᱞ (ᱥᱤ.ᱮ.ᱴᱤ.) ᱨᱮ ᱢᱤᱫ ᱠᱮᱥ ᱮ ᱯᱷᱟᱭᱤᱞ ᱠᱮᱫᱟ ᱟᱨ ᱯᱩᱱ ᱥᱮᱨᱢᱟ ᱛᱟᱭᱚᱢ ᱮ ᱡᱤᱛᱠᱟᱹᱨ ᱮᱱᱟ, ᱚᱱᱟ ᱛᱟᱭᱚᱢ ᱩᱱᱤ ᱫᱚ ᱤᱱᱰᱤᱭᱟᱱ ᱨᱮᱵᱷᱮᱱᱭᱩ ᱥᱚᱨᱵᱷᱤᱥ (ᱥᱤ.&ᱥᱤ.ᱤ.) ᱨᱮ ᱮᱥᱤᱥᱴᱮᱱᱴ ᱠᱚᱢᱤᱥᱚᱱᱟᱨ ᱞᱮᱠᱟᱛᱮ ᱯᱚᱥᱴᱤᱝ ᱠᱚ ᱮᱢᱟᱫᱮᱭᱟ᱾ ᱥᱤᱝᱜᱚᱞ ᱫᱚ ᱒᱐᱑᱐, ᱒᱐᱑᱑, ᱒᱐᱑᱓ ᱟᱨ ᱒᱐᱑᱔ ᱨᱮ ᱥᱤᱵᱷᱤᱞ ᱥᱚᱨᱵᱷᱤᱥ ᱵᱤᱱᱤᱰ ᱮ ᱮᱢ ᱞᱮᱫᱟ ᱟᱨ ᱯᱩᱭᱞᱩ ᱯᱮᱭᱟ ᱫᱷᱟᱣ ᱨᱮ ᱩᱱᱤ ᱫᱚ ᱤᱱᱰᱤᱭᱟᱱ ᱨᱮᱵᱷᱮᱱᱭᱩ ᱥᱚᱨᱵᱷᱤᱥ ᱮ ᱧᱟᱢ ᱞᱮᱫᱟ ᱟᱨ ᱒᱐᱑᱕ ᱨᱮ ᱩᱱᱤ ᱫᱚ ᱤᱱᱰᱤᱭᱟᱱ ᱮᱰᱢᱤᱱᱤᱥᱴᱨᱮᱴᱤᱵᱽ ᱥᱚᱨᱵᱷᱤᱥ (ᱟᱭᱤ.ᱮ.ᱮᱥ.) ᱮ ᱧᱟᱢ ᱠᱮᱫᱟ᱾