ᱤᱨᱩᱞᱟ ᱦᱚᱲ

ᱤᱨᱩᱞᱟ (Irula)
	ᱛᱟᱢᱤᱞᱱᱟᱰᱩ ᱨᱮᱱᱟᱜ ᱱᱤᱞᱜᱤᱨᱤ ᱵᱩᱨᱩ ᱨᱤᱱ ᱤᱨᱩᱞᱟ ᱠᱚᱲᱟ, ᱥᱟᱭ ᱑᱘᱗᱑ ᱨᱮ
ᱜᱩᱴ ᱦᱚᱲ ᱮᱞ
	᱒᱑᱓,᱖᱔᱑ (᱒᱐᱑᱑ ᱞᱮᱠᱷᱟ ᱡᱚᱠᱷᱟ)
ᱰᱷᱮᱨ ᱧᱚᱜ ᱦᱚᱲ ᱮᱞ ᱢᱮᱱᱟᱜ ᱠᱚ ᱴᱚᱴᱷᱟ
	India
ᱛᱟᱢᱤᱞᱱᱟᱰᱩ	᱑᱘᱙,᱖᱒᱑
ᱠᱮᱨᱟᱞᱟ	᱒᱓,᱗᱒᱑
ᱠᱚᱨᱱᱟᱴᱚᱠ	᱑᱐,᱒᱕᱙
ᱯᱟᱹᱨᱥᱤ ᱠᱚ
	ᱤᱨᱩᱞᱟ
ᱫᱷᱚᱨᱚᱢ
	ᱦᱤᱱᱫᱩ ᱫᱷᱚᱨᱚᱢ, ᱥᱮᱫᱟᱭ ᱫᱷᱚᱨᱚᱢ, ᱤᱥᱟᱹᱭ ᱫᱷᱚᱨᱚᱢ
ᱥᱩᱯᱩᱨ ᱥᱟᱹᱜᱟᱹᱭᱟᱱ ᱡᱟᱹᱛ ᱠᱚ
	ᱥᱳᱞᱤᱜᱟ, ᱛᱟᱢᱤᱞ, ᱭᱮᱨᱩᱠᱟᱞᱟ

ᱤᱨᱩᱞᱟ, ^[᱓] ᱡᱟᱦᱟᱸᱭ ᱫᱚ ᱤᱨᱩᱞᱤᱜᱟ ᱢᱮᱱᱛᱮ ᱦᱚᱸ ᱠᱚ ᱵᱟᱰᱟᱭᱚᱜᱼᱟ, ᱱᱩᱠᱩ ᱫᱚ ᱢᱤᱫ ᱫᱽᱨᱟᱵᱤᱲ ᱟᱹᱫᱤᱵᱟᱹᱥᱤ ᱜᱩᱴ ᱠᱟᱱᱟ ᱠᱚ ᱡᱟᱦᱟᱸᱭ ᱫᱚ ᱥᱤᱧᱚᱛ ᱨᱮᱱᱟᱜ ᱛᱟᱢᱤᱞᱱᱟᱰᱩ, ᱠᱮᱨᱟᱞᱟ ᱟᱨ ᱠᱚᱨᱱᱟᱴᱚᱠ ᱯᱚᱱᱚᱛ ᱨᱮᱱᱟᱜ ᱠᱤᱪᱷᱩ ᱦᱟᱹᱴᱤᱧ ᱨᱮ ᱠᱚ ᱵᱟᱥᱟ ᱟᱠᱟᱱᱟ ᱾^[᱔] ᱢᱤᱫ ᱞᱮᱠᱷᱟᱥᱤᱫ ᱟᱹᱫᱤᱵᱟᱹᱥᱤ ᱞᱮᱠᱟᱛᱮ, ᱱᱚᱣᱟ ᱴᱚᱴᱷᱟ ᱨᱮ ᱱᱩᱠᱩᱣᱟᱜ ᱞᱮᱠᱷᱟ ᱫᱚ ᱒᱐᱐,᱐᱐᱐ ᱜᱟᱱ ᱢᱮᱱᱛᱮ ᱠᱚ ᱞᱮᱠᱷᱟ ᱟᱠᱟᱫ ᱠᱚᱣᱟ ᱾^[᱕]^[᱖] ᱤᱨᱩᱞᱟ ᱡᱟᱹᱛᱤ ᱨᱤᱱ ᱦᱚᱲ ᱫᱚ ᱤᱨᱩᱞᱟᱨ ᱠᱚ ᱢᱮᱛᱟ ᱠᱚᱣᱟ, ᱟᱨ ᱱᱩᱠᱩ ᱫᱚ ᱤᱨᱩᱞᱟ ᱛᱮ ᱠᱚ ᱨᱚᱲᱟ, ᱡᱟᱦᱟᱸᱭ ᱫᱚ ᱫᱽᱨᱟᱵᱤᱲ ᱯᱟᱹᱨᱥᱤ ᱜᱷᱟᱨᱚᱸᱡᱽ ᱨᱮᱱ ᱠᱟᱱᱟ ᱠᱚ ᱾^[᱗]

ᱟᱹᱲᱟᱹ ᱥᱤᱨᱡᱚᱱ

ᱤᱨᱩᱞᱟ ᱟᱹᱲᱟᱹ ᱫᱚ ᱤᱨᱩᱞ "ᱦᱮᱸᱫᱮ" ᱟᱨ -ᱟ/ᱤᱜᱟ "ᱦᱚᱲ" ᱟᱹᱲᱟᱹ ᱠᱷᱚᱱ ᱦᱮᱡ ᱟᱠᱟᱱᱟ ᱾^[᱘]^[᱙]

ᱥᱟᱶᱛᱟ

ᱤᱨᱩᱞᱟ ᱥᱟᱶᱛᱟ ᱫᱚ ᱯᱩᱱᱭᱟ ᱟᱹᱫᱤᱵᱟᱹᱥᱤ ᱜᱩᱴ ᱨᱮ ᱦᱟᱹᱴᱤᱧ ᱟᱠᱟᱱᱟ - ᱵᱷᱮᱴᱮ ᱠᱟᱰᱩ ᱤᱨᱩᱞᱟ, ᱢᱟᱞᱮ ᱱᱟᱰᱩ ᱤᱨᱩᱞᱟ, ᱩᱨᱟᱞᱤ ᱟᱨ ᱠᱟᱥᱟᱵᱷᱟ, ᱱᱩᱠᱩ ᱢᱩᱫᱽ ᱨᱮ ᱯᱩᱭᱞᱩ ᱵᱟᱨᱭᱟ ᱜᱩᱴ ᱫᱚ ᱟᱯᱟᱱ-ᱟᱹᱯᱤᱱ ᱵᱟᱯᱞᱟ ᱥᱟᱹᱜᱟᱹᱭ ᱠᱤᱱ ᱡᱚᱲᱟᱣᱟ ᱚᱱᱟᱛᱮ ᱯᱮᱭᱟ ᱮᱱᱰᱳᱜᱟᱢᱚᱥ ᱤᱭᱩᱱᱤᱴ ᱠᱚ ᱵᱮᱱᱟᱣᱟ ᱾^[᱓] ᱡᱟᱹᱥᱛᱤ ᱜᱟᱱ ᱤᱨᱩᱞᱟ ᱦᱚᱲ ᱫᱚ ᱚᱞᱚᱜ ᱯᱟᱲᱦᱟᱣ ᱵᱟᱠᱚ ᱵᱟᱰᱟᱭ ᱨᱮᱦᱚᱸ, ᱩᱱᱠᱩ ᱴᱷᱮᱱ ᱢᱤᱫ ᱢᱚᱪᱟ-ᱛᱮᱭᱟᱜ ᱞᱟᱠᱪᱟᱨ ᱢᱮᱱᱟᱜᱼᱟ, ᱡᱟᱦᱟᱸ ᱨᱮᱱᱟᱜ ᱢᱤᱫ ᱢᱟᱨᱟᱝ ᱦᱟᱹᱴᱤᱧ ᱫᱚ ᱠᱩᱫᱩᱢ ᱠᱟᱱᱟ ᱾^[᱓]

ᱯᱟᱥᱱᱟᱣ ᱟᱨ ᱫᱷᱚᱨᱚᱢ

ᱱᱚᱶᱟ ᱟᱹᱫᱤᱵᱟᱹᱥᱤ ᱜᱩᱴ ᱨᱮ ᱒᱐᱐,᱐᱐᱐ ᱦᱚᱲ ᱯᱮᱭᱟ ᱯᱚᱱᱚᱛ ᱨᱮ ᱯᱟᱥᱱᱟᱣ ᱠᱟᱛᱮ ᱢᱮᱱᱟᱜ ᱠᱚᱣᱟ: ᱛᱟᱢᱤᱞᱱᱟᱰᱩ ᱨᱮ ᱑᱘᱙,᱖᱒᱑, ᱠᱮᱨᱟᱞᱟ ᱨᱮ ᱒᱓,᱗᱒᱑ ᱟᱨ ᱠᱚᱨᱱᱟᱴᱚᱠ ᱨᱮ ᱑᱐,᱒᱕᱙ ᱦᱚᱲ ᱾ ᱠᱚᱨᱱᱟᱴᱚᱠ ᱨᱤᱱ ᱦᱚᱲ ᱫᱚ ᱤᱨᱩᱞᱤᱜᱟ ᱠᱚ ᱢᱮᱛᱟ ᱠᱚᱣᱟ ᱾ ᱤᱨᱩᱞᱟ ᱠᱚᱫᱚ ᱟᱥᱚᱠᱟᱭ ᱛᱮ ᱠᱚᱧᱮ ᱛᱟᱢᱤᱞᱱᱟᱰᱩ ᱨᱮ ᱡᱟᱹᱥᱛᱤ ᱢᱮᱱᱟᱜ ᱠᱚᱣᱟ: ᱯᱟᱪᱮ ᱥᱮᱫ ᱠᱨᱤᱥᱱᱚᱜᱤᱨᱤ ᱟᱨ ᱫᱷᱚᱨᱢᱚᱯᱩᱨᱤ ᱦᱚᱱᱚᱛ ᱠᱷᱚᱱ ᱮᱛᱚᱦᱚᱵ ᱠᱟᱛᱮ ᱮᱛᱚᱢ ᱥᱮᱫ ᱟᱨᱤᱭᱟᱞᱩᱨ ᱟᱨ ᱠᱩᱰᱰᱟᱞᱳᱨ ᱦᱚᱱᱚᱛ ᱟᱨ ᱠᱚᱧᱮ ᱥᱮᱫ ᱛᱤᱨᱩᱵᱷᱟᱞᱞᱩᱨ ᱦᱚᱱᱚᱛ ᱫᱷᱟᱹᱵᱤᱡ ᱾ ᱠᱚᱭᱮᱢᱵᱟᱴᱩᱨ ᱟᱨ ᱱᱤᱞᱜᱤᱨᱤ ᱦᱚᱱᱚᱛ ᱠᱚᱨᱮ ᱦᱚᱸ ᱠᱤᱪᱷᱩ ᱜᱟᱱ ᱦᱚᱲ ᱢᱮᱱᱟᱜ ᱠᱚᱣᱟ ᱡᱟᱦᱟᱸᱭ ᱫᱚ ᱛᱷᱚᱨᱥᱴᱚᱱ ᱢᱤᱫ ᱵᱷᱮᱜᱟᱨ ᱦᱚᱲ ᱞᱮᱠᱷᱟ ᱞᱮᱠᱟᱛᱮᱭ ᱥᱚᱫᱚᱨ ᱞᱮᱫ ᱠᱚᱣᱟ ᱾ ᱠᱮᱨᱟᱞᱟ ᱨᱮ, ᱤᱨᱩᱞᱟ ᱠᱚᱫᱚ ᱯᱟᱞᱟᱠᱠᱟᱰ ᱦᱚᱱᱚᱛ ᱨᱮ ᱢᱮᱱᱟᱜ ᱠᱚᱣᱟ, ᱡᱚᱠᱷᱚᱱ ᱠᱚᱨᱱᱟᱴᱚᱠ ᱨᱮ ᱩᱱᱠᱩ ᱫᱚ ᱨᱟᱢᱱᱚᱜᱚᱨ, ᱪᱟᱢᱨᱟᱡᱽᱱᱚᱜᱚᱨ ᱟᱨ ᱵᱮᱸᱜᱽᱞᱳᱨ ᱦᱚᱱᱚᱛ ᱠᱚᱨᱮ ᱡᱟᱹᱥᱛᱤ ᱢᱮᱱᱟᱜ ᱠᱚᱣᱟ ᱾^[᱑]

ᱤᱨᱩᱞᱟ ᱦᱚᱲ ᱠᱚᱫᱚ ᱢᱤᱫ ᱞᱮᱠᱟᱱ ᱡᱤᱣᱤᱵᱟᱫᱽ ᱠᱚ ᱢᱟᱱᱟᱣᱟ ᱡᱟᱦᱟᱸ ᱨᱮ ᱩᱱᱠᱩ ᱫᱚ ᱢᱩᱬᱩᱛ ᱞᱮᱠᱟᱛᱮ 'ᱤᱱᱜᱟ' ᱧᱩᱛᱩᱢᱟᱱ ᱢᱤᱫ ᱫᱮᱵᱤ ᱠᱚ ᱢᱟᱱᱟᱣᱮᱭᱟ, ᱡᱟᱦᱟᱸᱭ ᱫᱚ ᱟᱡ ᱨᱤᱱ ᱛᱩᱨᱩᱭ ᱜᱚᱴᱟᱝ ᱢᱤᱥᱨᱟ ᱥᱟᱶ ᱫᱟᱨᱮ ᱞᱟᱛᱟᱨ ᱨᱮ ᱫᱷᱤᱨᱤ ᱨᱩᱯ ᱛᱮ ᱠᱚ ᱵᱚᱝᱜᱟᱣᱟᱭ ᱟᱠᱚᱣᱟ ᱾ ᱤᱨᱩᱞᱟ ᱦᱚᱲ ᱠᱚᱣᱟᱜ ᱥᱮᱫᱟᱭ ᱯᱟᱹᱛᱭᱟᱹᱣ ᱢᱮᱱᱟᱜᱼᱟ ᱡᱮ ᱱᱩᱠᱩ ᱗ ᱜᱚᱴᱟᱝ ᱢᱤᱥᱨᱟ ᱜᱮ ᱯᱩᱭᱞᱩ ᱤᱨᱩᱞᱟ ᱠᱚᱲᱟ ᱟᱨ ᱠᱩᱲᱤ ᱠᱚ ᱵᱮᱱᱟᱣ ᱞᱮᱫ ᱠᱤᱱᱟ ᱾ ᱱᱚᱶᱟ ᱮᱭᱟᱭ ᱫᱮᱵᱤ ᱭᱟᱜ ᱥᱮᱫᱟᱭ ᱩᱭᱦᱟᱹᱨ ᱫᱚ ᱥᱚᱸᱥᱠᱨᱤᱛᱟᱭᱤᱡᱽᱰ (Sanskritised) ᱠᱟᱛᱮ ᱥᱟᱯᱛᱚ ᱢᱟᱛᱨᱤᱠᱟ ᱢᱮᱱᱛᱮ ᱠᱚ ᱢᱮᱛᱟᱜ ᱠᱟᱱᱟ ᱾ ᱤᱨᱩᱞᱟ ᱦᱚᱲ ᱠᱚᱫᱚ ᱦᱟᱯᱲᱟᱢ ᱠᱚᱣᱟᱜ ᱟᱛᱢᱟ ᱨᱮᱦᱚᱸ ᱠᱚ ᱯᱟᱹᱛᱭᱟᱹᱣᱟ, ᱟᱨ ᱩᱱᱠᱩᱣᱟᱜ ᱞᱟᱹᱭ ᱞᱮᱠᱟᱛᱮ ᱠᱟᱹᱱᱱᱤᱯᱮ ( ᱠᱩᱢᱟᱹᱨᱤ ᱠᱩᱲᱤ ᱠᱚᱣᱟᱜ ᱟᱛᱢᱟ) ᱫᱚ ᱡᱟᱦᱟᱸᱭ ᱜᱮ ᱥᱟᱵ ᱫᱟᱲᱮ ᱟᱠᱚᱣᱟ ᱾ ᱱᱩᱠᱩ ᱠᱟᱹᱱᱱᱤᱯᱮ ᱟᱛᱢᱟ ᱠᱚᱫᱚ ᱤᱨᱩᱞᱟ ᱟᱹᱫᱤᱵᱟᱹᱥᱤ ᱠᱚ ᱟᱹᱛᱩ ᱨᱤᱱ ᱨᱟᱠᱷᱟ ᱫᱮᱵᱽ ᱞᱮᱠᱟᱛᱮ ᱠᱚ ᱵᱚᱝᱜᱟᱣᱟ ᱠᱚᱣᱟ ᱾ ᱤᱨᱩᱞᱟ ᱠᱚᱫᱚ ᱵᱟᱹᱲᱤᱡ ᱟᱛᱢᱟ ᱠᱚ ᱨᱮᱦᱚᱸ ᱠᱚ ᱯᱟᱹᱛᱭᱟᱹᱣᱟ ᱡᱟᱦᱟᱸ ᱫᱚ 'ᱯᱮ' ᱠᱚ ᱢᱮᱛᱟ ᱠᱚᱣᱟ ᱾ ᱱᱩᱠᱩ ᱟᱛᱢᱟ ᱠᱚ ᱥᱟᱦᱟ ᱨᱮ ᱫᱚᱦᱚ ᱞᱟᱹᱜᱤᱫ ᱢᱤᱫᱴᱟᱝ ᱥᱤᱢ ᱠᱚ ᱵᱚᱸᱜᱟᱣᱟᱭᱟ ᱾ ᱟᱭᱢᱟ ᱤᱨᱩᱞᱟ ᱦᱚᱲ ᱦᱤᱱᱫᱩ ᱫᱮᱵᱽ-ᱫᱮᱵᱤ ᱠᱚ ᱠᱚ ᱵᱚᱝᱜᱟ ᱟᱠᱚᱣᱟ ᱟᱨ ᱦᱤᱱᱫᱩ ᱯᱟᱨᱟᱵᱽ ᱠᱚᱨᱮ ᱦᱚᱸ ᱠᱚ ᱥᱮᱞᱮᱫᱚᱜᱼᱟ ᱾ ᱠᱤᱪᱷᱩ ᱤᱨᱩᱞᱟ ᱫᱚ ᱤᱥᱟᱹᱭ ᱫᱷᱚᱨᱚᱢ ᱛᱮ ᱦᱚᱸ ᱠᱚ ᱵᱚᱫᱚᱞ ᱟᱠᱟᱱᱟ ᱾

ᱯᱟᱹᱨᱥᱤ

ᱤᱨᱩᱞᱟ ᱦᱚᱲ ᱫᱚ ᱤᱨᱩᱞᱟ ᱯᱟᱹᱨᱥᱤ ᱛᱮ ᱠᱚ ᱨᱚᱲᱟ, ᱡᱟᱦᱟᱸ ᱫᱚ ᱢᱤᱫ ᱫᱽᱨᱟᱵᱤᱲ ᱯᱟᱹᱨᱥᱤ ᱠᱟᱱᱟ ᱟᱨ ᱱᱚᱶᱟ ᱫᱚ ᱛᱟᱢᱤᱞ ᱯᱟᱹᱨᱥᱤ ᱥᱟᱶ ᱟᱹᱰᱤ ᱥᱩᱨ ᱥᱟᱹᱜᱟᱹᱭ ᱢᱮᱱᱟᱜᱼᱟ ᱾^[᱑᱐]

ᱠᱟᱹᱣᱰᱤᱼᱟᱹᱨᱤ

ᱥᱮᱫᱟᱭ ᱠᱷᱚᱱ ᱜᱮ ᱤᱨᱩᱞᱟ ᱠᱚᱣᱟᱜ ᱢᱩᱬᱩᱛ ᱠᱟᱹᱢᱤ ᱫᱚ ᱵᱤᱧ ᱟᱨ ᱜᱩᱰᱩ ᱥᱟᱵ, ᱟᱨ ᱧᱮᱞᱮ ᱨᱟᱥᱟ ᱛᱩᱢᱟᱹᱞ ᱛᱟᱦᱮᱸ ᱠᱟᱱᱟ ᱾ ᱩᱱᱠᱩ ᱫᱚ ᱪᱟᱹᱥᱤ ᱵᱟᱹᱫᱽ ᱠᱚᱨᱮ ᱵᱤᱱᱤ ᱟᱨ ᱟᱨᱡᱟᱣ ᱚᱠᱛᱚ ᱨᱮ ᱠᱷᱮᱛ ᱢᱩᱱᱤᱥ ᱞᱮᱠᱟᱛᱮ ᱥᱮ ᱪᱟᱣᱞᱮ ᱢᱤᱞ ᱠᱚᱨᱮ ᱠᱟᱹᱢᱤᱭᱟᱹ ᱠᱩᱞᱤ ᱞᱮᱠᱟᱛᱮ ᱠᱚ ᱠᱟᱹᱢᱤᱭᱟ ᱾^[᱑᱑] ᱦᱟᱹᱠᱩ ᱥᱟᱵ ᱟᱨ ᱰᱟᱝᱜᱽᱨᱟ ᱟᱹᱥᱩᱞ ᱦᱚᱸ ᱩᱱᱠᱩᱣᱟᱜ ᱢᱤᱫ ᱢᱟᱨᱟᱝ ᱠᱟᱹᱢᱤ ᱠᱟᱱᱟ ᱾

ᱛᱟᱢᱤᱞᱱᱟᱰᱩ ᱴᱚᱴᱷᱟ ᱨᱮᱱᱟᱜ ᱪᱟᱥ ᱵᱟᱹᱫᱽ ᱨᱮ ᱥᱮᱨᱢᱟ ᱨᱮ ᱯᱩᱱ ᱦᱟᱹᱴᱤᱧ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱦᱩᱲᱩ ᱫᱚ ᱜᱩᱰᱩ ᱠᱚ ᱱᱚᱥᱴᱚ ᱭᱟ ᱾ ᱱᱩᱠᱩ ᱡᱤᱭᱟᱹᱞᱤ ᱠᱚ ᱥᱟᱶ ᱞᱟᱹᱲᱦᱟᱹᱭ ᱞᱟᱹᱜᱤᱫ, ᱤᱨᱩᱞᱟ ᱠᱚᱲᱟ ᱠᱚᱫᱚ ᱦᱟᱥᱟ ᱪᱮᱞᱟᱝ ᱛᱮ ᱫᱷᱩᱶᱟᱹ ᱮᱢ ᱨᱮᱱᱟᱜ ᱥᱮᱫᱟᱭ ᱦᱚᱨᱟ ᱠᱚ ᱵᱮᱵᱷᱟᱨᱟ ᱾ ᱩᱱᱠᱩ ᱫᱚ ᱟᱠᱚᱣᱟᱜ ᱢᱚᱪᱟ ᱛᱮ ᱫᱷᱩᱶᱟᱹ ᱠᱚ ᱯᱷᱩᱸᱠᱟᱹᱣᱟ, ᱡᱟᱦᱟᱸ ᱠᱷᱟᱹᱛᱤᱨ ᱩᱱᱠᱩᱣᱟᱜ ᱦᱚᱲᱢᱚ ᱨᱮ ᱥᱟᱦᱮᱫ ᱨᱮ ᱟᱹᱰᱤ ᱢᱟᱨᱟᱝ ᱮᱴᱠᱮᱴᱚᱬᱮ ᱦᱩᱭᱩᱜᱼᱟ ᱾^[᱕]

ᱡᱟᱱᱩᱣᱟᱨᱤ ᱒᱐᱑᱗ ᱨᱮ, ᱛᱟᱢᱤᱞᱱᱟᱰᱩ ᱨᱮᱱᱟᱜ ᱤᱨᱩᱞᱟ ᱟᱹᱫᱤᱵᱟᱹᱥᱤ ᱜᱩᱴ ᱨᱤᱱ ᱢᱟᱥᱤ ᱥᱟᱫᱟᱭᱟᱱ ᱟᱨ ᱵᱷᱟᱰᱤᱵᱷᱮᱞ ᱜᱚᱯᱟᱞ ᱫᱚ ᱵᱟᱨᱭᱟ ᱛᱚᱨᱡᱚᱢᱟᱤᱭᱟᱹ ᱥᱟᱶ ᱯᱷᱞᱳᱨᱤᱰᱟ ᱨᱮᱱᱟᱜ ᱠᱤ ᱞᱟᱨᱜᱳ ᱛᱮ ᱠᱚ ᱤᱫᱤ ᱞᱮᱫ ᱠᱚᱣᱟ, ᱡᱟᱦᱟᱸ ᱨᱮ ᱩᱱᱠᱩ ᱫᱚ ᱥᱮᱸᱫᱽᱨᱟ ᱥᱮᱛᱟ ᱠᱚ ᱥᱟᱶ ᱢᱮᱥᱟ ᱠᱟᱛᱮ ᱵᱟᱹᱲᱤᱡ ᱚᱨᱥᱚᱝ ᱮᱢᱚᱜ ᱠᱟᱱ ᱵᱚᱨᱢᱤ ᱟᱡᱽᱜᱚᱨ ᱠᱚ ᱯᱟᱸᱡᱟ ᱧᱟᱢ ᱟᱨ ᱥᱟᱵ ᱠᱚ ᱞᱟᱹᱜᱤᱫ ᱠᱚ ᱠᱟᱹᱢᱤ ᱞᱮᱫᱼᱟ ᱾^[᱑᱒] ᱯᱷᱞᱳᱨᱤᱰᱟ ᱥᱚᱨᱠᱟᱨ ᱦᱚᱛᱮᱛᱮ ᱱᱩᱠᱩ ᱤᱨᱩᱞᱟ ᱠᱚᱲᱟ ᱟᱨ ᱩᱱᱠᱩ ᱨᱤᱱ ᱛᱚᱨᱡᱚᱢᱟᱣᱤᱭᱟᱹ ᱠᱚ ᱗᱐,᱐᱐᱐ ᱰᱚᱞᱟᱨ ᱠᱚ ᱮᱢ ᱞᱮᱫ ᱠᱚᱣᱟ, ᱟᱨ ᱩᱱᱠᱩ ᱫᱚ ᱵᱟᱨ ᱦᱟᱯᱛᱟ ᱠᱷᱚᱱ ᱦᱚᱸ ᱠᱚᱢ ᱚᱠᱛᱚ ᱨᱮ ᱑᱔ ᱜᱚᱴᱟᱝ ᱟᱡᱽᱜᱚᱨ ᱠᱚ ᱥᱟᱵ ᱞᱮᱫ ᱠᱚᱣᱟ ᱾^[᱑᱓]

ᱡᱟᱹᱛᱤ ᱵᱷᱮᱜᱮᱫ

ᱤᱨᱩᱞᱟ ᱦᱚᱲ ᱠᱚᱫᱚ ᱮᱴᱟᱜ ᱡᱟᱹᱛᱤ ᱠᱚ ᱴᱷᱮᱱ ᱠᱷᱚᱱ ᱟᱹᱰᱤ ᱵᱟᱹᱲᱤᱡ ᱵᱷᱮᱜᱮᱫ ᱟᱨ ᱱᱟᱦᱟᱪᱟᱨ ᱠᱚ ᱥᱟᱦᱟᱣ ᱮᱫᱟ, ᱟᱨ ᱥᱮᱨᱢᱟ ᱨᱮ ᱱᱚᱝᱠᱟᱱ ᱟᱭᱢᱟ ᱜᱷᱚᱴᱚᱱ ᱠᱚ ᱥᱚᱫᱚᱨᱚᱜ ᱠᱟᱱᱟ ᱾

᱒᱐᱒᱐ ᱥᱟᱞᱮ ᱨᱮ, ᱫᱷᱚᱱᱚᱞᱚᱠᱥᱢᱤ ᱧᱩᱛᱩᱢᱟᱱ ᱢᱤᱫ ᱠᱩᱲᱤ ᱜᱤᱫᱽᱨᱟᱹ ᱟᱡᱟᱜ ᱟᱹᱛᱩ ᱨᱤᱱ ᱵᱷᱚᱱᱱᱤᱭᱟᱨ ᱜᱩᱴ ᱨᱤᱱ ᱦᱚᱲ ᱦᱚᱛᱮᱛᱮ ᱫᱟᱞ-ᱛᱚᱞ ᱟᱨ ᱞᱮᱠᱷᱟᱥᱤᱫ ᱟᱹᱫᱤᱵᱟᱹᱥᱤ ᱥᱟᱠᱟᱢ ᱧᱟᱢ ᱠᱷᱚᱱ ᱠᱚ ᱴᱮᱠᱟᱣ ᱞᱮᱫᱮᱭᱟ ᱾^[᱑᱔]
ᱫᱷᱚᱨᱢᱚᱯᱩᱨᱤ ᱨᱮ, ᱢᱤᱫ ᱤᱨᱩᱞᱟ ᱠᱚᱲᱟ ᱟᱨ ᱢᱤᱫ ᱵᱷᱚᱱᱱᱤᱭᱟᱨ ᱠᱩᱲᱤ ᱭᱟᱜ ᱵᱟᱯᱞᱟ ᱠᱷᱟᱹᱛᱤᱨ ᱨᱟᱹᱜᱤ ᱟᱠᱟᱱ ᱢᱤᱫ ᱜᱩᱴ ᱦᱚᱲ ᱤᱨᱩᱞᱟ ᱦᱚᱲ ᱠᱚ ᱟᱹᱰᱤ ᱵᱟᱹᱲᱤᱡ ᱠᱚ ᱫᱟᱞ ᱞᱮᱫ ᱠᱚᱣᱟ ᱟᱨ ᱩᱱᱠᱩ ᱪᱮᱛᱟᱱ ᱨᱮ ᱠᱚ ᱟᱹᱨᱤᱡ ᱞᱮᱫᱼᱟ ᱾^[᱑᱕]
᱑᱙᱙᱓ ᱥᱟᱞᱮ ᱨᱮ, ᱨᱟᱡᱟᱠᱟᱱᱱᱩ ᱵᱤᱨᱩᱫᱷ ᱛᱟᱢᱤᱞᱱᱟᱰᱩ ᱯᱚᱱᱚᱛ ᱠᱮᱥ ᱫᱚ ᱢᱟᱫᱽᱨᱟᱥ ᱦᱟᱭᱠᱳᱨᱴ ᱨᱮ ᱞᱟᱹᱲᱦᱟᱹᱭ ᱞᱮᱱᱟ ᱾ ᱱᱚᱶᱟ ᱫᱚ ᱛᱟᱢᱤᱞᱱᱟᱰᱩ ᱨᱮᱱᱟᱜ ᱠᱩᱰᱰᱟᱞᱳᱨ ᱦᱚᱱᱚᱛ ᱨᱮᱱᱟᱜ ᱠᱟᱢᱢᱟᱯᱩᱨᱚᱢ ᱯᱩᱞᱤᱥ ᱥᱴᱮᱥᱚᱱ ᱨᱮ ᱠᱩᱢᱵᱽᱲᱩ ᱨᱮᱱᱟᱜ ᱮᱲᱮ ᱫᱚᱥ ᱛᱮ ᱥᱟᱵ ᱟᱠᱟᱱ ᱢᱤᱫ ᱤᱨᱩᱞᱟ ᱦᱚᱲᱣᱟᱜ ᱱᱟᱦᱟᱪᱟᱨ ᱠᱷᱟᱹᱛᱤᱨ ᱦᱩᱭ ᱟᱠᱟᱱ ᱜᱩᱨ ᱵᱟᱵᱚᱛ ᱛᱮ ᱛᱟᱦᱮᱸ ᱠᱟᱱᱟ ᱾ ᱦᱟᱭᱠᱳᱨᱴ ᱦᱚᱛᱮᱛᱮ ᱯᱮᱭᱟ ᱯᱩᱞᱤᱥ ᱚᱯᱷᱤᱥᱚᱨ ᱠᱚ ᱜᱚᱡ ᱨᱮᱱᱟᱜ ᱫᱚᱥ ᱠᱚ ᱮᱢᱟᱫ ᱠᱚ ᱛᱟᱦᱮᱸᱫ ᱾ ᱱᱚᱶᱟ ᱠᱮᱥ ᱫᱚ ᱠᱮ. ᱪᱚᱸᱫᱽᱨᱩ ᱮ ᱞᱟᱹᱲᱦᱟᱹᱭ ᱞᱮᱫᱼᱟ ᱟᱨ ᱱᱚᱶᱟ ᱫᱚ ᱤᱨᱩᱞᱟ ᱦᱚᱲ ᱠᱚ ᱞᱟᱹᱜᱤᱫ ᱢᱤᱫ ᱢᱟᱨᱟᱝ ᱜᱷᱚᱴᱚᱱ ᱥᱟᱵ ᱮᱱᱟ, ᱪᱮᱫᱟᱜ ᱥᱮ ᱱᱚᱶᱟ ᱠᱷᱟᱹᱛᱤᱨ ᱛᱮ ᱑᱙᱙᱖ ᱨᱮ 'ᱯᱟᱞᱟᱱᱜᱩᱰᱤ ᱤᱨᱩᱞᱟᱨ ᱯᱟᱛᱷᱩᱜᱟᱯᱩ ᱥᱟᱝᱜᱟᱢ' ᱵᱮᱱᱟᱣ ᱮᱱᱟ ᱾ ᱱᱚᱶᱟ ᱭᱩᱱᱤᱭᱚᱱ ᱫᱚ ᱤᱨᱩᱞᱟ ᱦᱚᱲ ᱠᱚᱣᱟᱜ ᱟᱹᱭᱫᱟᱹᱨᱤ ᱞᱟᱹᱜᱤᱫ ᱠᱟᱹᱢᱤᱭᱟ ᱟᱨ ᱱᱤᱛ ᱫᱷᱟᱹᱵᱤᱡ ᱑,᱐᱐᱐ ᱠᱷᱚᱱ ᱦᱚᱸ ᱵᱟᱹᱲᱛᱤ ᱠᱮᱥ ᱮ ᱞᱟᱹᱲᱦᱟᱹᱭ ᱟᱠᱟᱫᱟ, ᱡᱟᱦᱟᱸ ᱫᱚ ᱡᱟᱹᱥᱛᱤ ᱠᱟᱭᱛᱮ ᱮᱲᱮ ᱫᱚᱥ ᱟᱨ ᱢᱟᱹᱱᱢᱤ ᱟᱹᱭᱫᱟᱹᱨᱤ ᱨᱟᱹᱯᱩᱫ ᱵᱟᱵᱚᱛ ᱛᱮ ᱢᱮᱱᱟᱜᱼᱟ ᱾^[᱑᱖]

ᱥᱟᱹᱠᱷᱭᱟᱹᱛ

1 2 "A-11 Individual Scheduled Tribe Primary Census Abstract Data and its Appendix". censusindia.gov.in. Government of India. Retrieved 28 October 2017.
↑ "Census of India Website : Office of the Registrar General & Census Commissioner, India". www.censusindia.gov.in. Retrieved 2 November 2017.
1 2 3 Zvelebil (1979).
↑ Perialwar, R. (1979), Phonology of Irula with Vocabulary, Annamalai University
1 2 World Bank grant to improve standard of living for rat-catchers
↑ Irula Project Proposal and site report
↑ President gives nod to add Puducherry's Irular community in the Scheduled Tribes list
↑ https://en.wikisource.org/wiki/Castes_and_Tribes_of_Southern_India/Irulas
↑ https://kolichala.com/DEDR/search.php?esb=1&q=2552&lsg=0&emb=0&meaning=&tgt=unicode2
↑ "People of the Nilgiri Biosphere Reserve". Keystone Foundation. 2006. Archived from the original on 29 September 2007. Retrieved 26 March 2007.
↑ "Criminalizing Scheduled Tribes in Post Independence State". Article 51-A. 28 July 2021. Archived from the original on 18 January 2022. Retrieved 28 July 2021.
↑ Snake hunters from India are the latest weapons in Florida’s war on pythons
↑ One Florida agency put out a want ad for python killers
↑ Marx, Karal (27 July 2020). "Tamil Nadu: Four assault Irula girl for seeking caste certificate". The Times of India (in ᱟᱝᱜᱽᱨᱮᱡᱤ). Retrieved 21 November 2021.
↑ Pramod Madhav (20 September 2021). "Tamil Nadu: Irula tribe members say they were thrashed, urinated upon after inter-caste couple eloped". India Today (in ᱟᱝᱜᱽᱨᱮᱡᱤ). Retrieved 21 November 2021.
↑ "Rajakannu v/s State of Tamil Nadu and Ors" (PDF) (in ᱟᱝᱜᱽᱨᱮᱡᱤ).

[census-1] 1 2 "A-11 Individual Scheduled Tribe Primary Census Abstract Data and its Appendix". censusindia.gov.in. Government of India. Retrieved 28 October 2017.

[censusindia.gov.in-2] "Census of India Website : Office of the Registrar General & Census Commissioner, India". www.censusindia.gov.in. Retrieved 2 November 2017.

[FOOTNOTEZvelebil1979-3] 1 2 3 Zvelebil (1979).

[4] Perialwar, R. (1979), Phonology of Irula with Vocabulary, Annamalai University

[worldbank_rat-5] 1 2 World Bank grant to improve standard of living for rat-catchers

[ashanet_irula_project-6] Irula Project Proposal and site report

[7] President gives nod to add Puducherry's Irular community in the Scheduled Tribes list

[8] ttps://en.wikisource.org/wiki/Castes_and_Tribes_of_Southern_India/Irulas

[9] ttps://kolichala.com/DEDR/search.php?esb=1&q=2552&lsg=0&emb=0&meaning=&tgt=unicode2

[10] "People of the Nilgiri Biosphere Reserve". Keystone Foundation. 2006. Archived from the original on 29 September 2007. Retrieved 26 March 2007.

[11] "Criminalizing Scheduled Tribes in Post Independence State". Article 51-A. 28 July 2021. Archived from the original on 18 January 2022. Retrieved 28 July 2021.

[12] Snake hunters from India are the latest weapons in Florida’s war on pythons

[13] One Florida agency put out a want ad for python killers

[14] Marx, Karal (27 July 2020). "Tamil Nadu: Four assault Irula girl for seeking caste certificate". The Times of India (in ᱟᱝᱜᱽᱨᱮᱡᱤ). Retrieved 21 November 2021.

[15] Pramod Madhav (20 September 2021). "Tamil Nadu: Irula tribe members say they were thrashed, urinated upon after inter-caste couple eloped". India Today (in ᱟᱝᱜᱽᱨᱮᱡᱤ). Retrieved 21 November 2021.

[16] "Rajakannu v/s State of Tamil Nadu and Ors" (PDF) (in ᱟᱝᱜᱽᱨᱮᱡᱤ).

[᱑]

[᱒]

[᱓]

[᱔]

[᱕]

[᱖]

[᱗]

[᱘]

[᱙]

[᱑᱐]

[᱑᱑]

[᱑᱒]

[᱑᱓]

[᱑᱔]

[᱑᱕]

[᱑᱖]