ᱤᱵᱟᱱᱟ ᱢᱟᱨᱤᱭᱟ ᱯᱷᱩᱨᱴᱟᱰᱳ
ᱤᱵᱟᱱᱟ ᱢᱟᱨᱤᱭᱟ ᱯᱷᱩᱨᱴᱟᱰᱳ (ᱡᱟᱱᱟᱢ ᱑᱖ ᱢᱟᱨᱪ ᱑᱙᱙᱙) ᱫᱚ ᱜᱳᱣᱟ, ᱥᱤᱧᱚᱛ ᱨᱤᱱᱤᱡ ᱢᱤᱫ ᱪᱮᱥ ᱯᱨᱳᱰᱤᱡᱤ ᱠᱟᱱᱟᱭ᱾ ᱩᱱᱤ ᱫᱚ ᱒᱐᱐᱖ ᱟᱨ ᱒᱐᱐᱗ ᱨᱮ ᱥᱟᱨᱟᱥᱚᱨᱤ ᱞᱮᱠᱟᱛᱮ ᱟᱸᱰᱟᱨ-᱘ ᱡᱮᱜᱮᱛ ᱭᱩᱛᱷ ᱪᱮᱥ ᱪᱟᱢᱯᱤᱭᱟᱱᱥᱤᱯ ᱵᱟᱨ ᱫᱷᱟᱣ ᱮ ᱡᱤᱛᱠᱟᱹᱨ ᱟᱠᱟᱫᱟ, ᱟᱨ ᱒᱐᱐᱙ ᱟᱸᱰᱟᱨ-᱑᱐ ᱨᱮ ᱫᱚᱥᱟᱨ ᱴᱷᱟᱶ ᱮ ᱡᱤᱛᱠᱟᱹᱨ ᱞᱮᱫᱟ᱾ ᱢᱟᱨᱪ ᱒᱐᱑᱙ ᱦᱟᱹᱵᱤᱡ ᱟᱡᱟᱜ FIDE ᱮᱞᱳ ᱨᱮᱴᱤᱝ ᱒᱑᱓᱙ ᱢᱮᱱᱟᱜᱼᱟ, ᱟᱨ ᱩᱱᱤ ᱫᱚ ᱣᱩᱢᱮᱱ ᱤᱱᱴᱟᱨᱱᱮᱥᱱᱟᱞ ᱢᱟᱥᱴᱟᱨ (WIM) ᱨᱮᱱᱟᱜ FIDE ᱴᱟᱭᱤᱴᱟᱹᱞ ᱮ ᱦᱟᱛᱟᱣ ᱟᱠᱟᱫᱟ᱾
ᱤᱵᱟᱱᱟ ᱫᱚ ᱑᱔ ᱰᱤᱥᱮᱢᱵᱚᱨ ᱒᱐᱐᱙ ᱨᱮ ᱥᱤᱝᱜᱟᱯᱳᱨ ᱨᱮ ᱠᱚᱢᱚᱱᱣᱮᱞᱛᱷ ᱪᱮᱥ ᱪᱟᱢᱯᱤᱭᱟᱱᱥᱤᱯ ᱒᱐᱐᱙ ᱨᱮ ᱟᱸᱰᱟᱨ ᱑᱒ ᱠᱮᱴᱮᱜᱚᱨᱤ ᱨᱮ ᱥᱚᱱᱟᱭ ᱡᱤᱛᱠᱟᱹᱨ ᱞᱮᱱᱟ᱾
ᱩᱱᱤ ᱫᱚ ᱒᱐᱑᱑ ᱨᱮ ᱣᱩᱢᱮᱱ FIDE ᱢᱟᱥᱴᱟᱨ ᱮ ᱵᱮᱱᱟᱣ ᱮᱱᱟ ᱟᱨ ᱡᱩᱱ ᱒᱐᱑᱒ ᱨᱮ ᱢᱤᱫ ᱣᱩᱢᱮᱱ ᱤᱱᱴᱟᱨᱱᱮᱥᱱᱟᱞ ᱢᱟᱥᱴᱟᱨ ᱮ ᱵᱮᱱᱟᱣ ᱮᱱᱟ᱾
ᱩᱱᱤ ᱫᱚ ᱡᱩᱱ ᱒᱐᱑᱒ ᱨᱮ ᱮᱥᱤᱭᱟᱱ ᱡᱩᱱᱤᱭᱚᱨ ᱪᱮᱥ ᱪᱟᱢᱯᱤᱭᱟᱱᱥᱤᱯ, ᱛᱟᱥᱠᱮᱱᱴ ᱨᱮ ᱜᱟᱨᱞᱥ ᱴᱟᱭᱤᱴᱟᱹᱞ ᱮ ᱡᱤᱛᱠᱟᱹᱨ ᱠᱟᱛᱮ ᱟᱡᱟᱜ ᱯᱩᱭᱞᱩ ᱣᱩᱢᱮᱱ ᱜᱨᱮᱸᱰᱢᱟᱥᱴᱟᱨ ᱱᱳᱨᱢ ᱮ ᱧᱟᱢ ᱠᱮᱫᱟ᱾